NUUSBRIEF: MAART-MEI 2011

Transcriptie

1 NUUSBRIEF: MAART-MEI 2011 BLADSY Inhoudsopgawe & Boodskap 1 Belastingskale vir 2012 in 'n neutedop 2 Registrasies van nuwe entiteite & CIPRO-opgawes 4 IRP5-rekonsiliasies vir GEAGTE KLIËNT Soos die meeste van u reeds weet, het ons die kantore van mnr. Schutte Maasdorp (GR) SA effektief vanaf 1 Maart 2011 oorgeneem. Ons is reeds besig met werk aan beide kantore se kliënte en bedank u vir u ondersteuning in hierdie verband. In hierdie nuusbrief raak ons aan onderwerpe wat vir die onmiddellike toekoms relevant is. Indien u enige navrae in verband met die aangehegte artikels het, is u welkom om ons direk te kontak. Ons wil ook hierdie geleentheid benut om ons kliënte voorspoed vir die finansiële jaar toe te wens, en ons vertrou dat almal 'n goeie jaar sal hê. Vriendelike groete Steyl & Cloete-span Tel nrs.: (044) / (044) Fisiese adres: Queenshof, Queenslaan, Oudtshoorn Posadres: Posbus 217, Oudtshoorn,

2 BELASTINGSKALE VIR 2012 IN 'N NEUTEDOP Op 23 Februarie 2011 het die Minister van Finansies, mnr. Pravin Gordhan, die belastingskale en wetgewing vir die nuwe finansiële jaar, wat loop van 1 Maart 2011 tot 28 Februarie 2012, aangekondig. Die volgende is 'n kort opsomming: INDIVIDUE Die belastingperk vir individue vir 2012 is op R59,750 (2011: R57,000) vasgestel. Vir iemand wat R100,000 verdien, beteken dit 'n totale belastingbesparing van R495 vir die hele jaar. Dit is nie 'n baie groot verskil vir die individu nie, maar dit verteenwoordig 'n taamlike groot besparing oor Suid-Afrika se totale arbeidsmag. Belastingskale is soos volg: 2012 BELASBARE INKOMSTE BELASTINGSKALE % van elke R % van die bedrag bo % van die bedrag bo % van die bedrag bo % van die bedrag bo en meer % van die bedrag bo Primêre korting = Belastingdrempel = Sekondêre korting (bo 65) = Belastingdrempel (bo 65) = Sekondêre korting (bo 75) = Belastingdrempel (bo 75) = Verder is die rentevrystelling vir persone jonger as 65 gelig na R22,800 (2011: R22,300). Vir persone ouer as 65 is die rentevrystelling R33,000 (2011: R32,000). Laastens is die kortings van toepassing op mediese fondsbydraes vir die eerste 2 persone gelig na R720 (2011: R670) en vir addisionele lede na R440 (2011: R410). Mediese fondsbydraes wat bo die primêre kortings toegestaan is, word steeds aan 'n 7,5% perk onderwerp. U aandag word gevestig op die artikel in ons Desember 2010 nuusbrief oor wat as kwalifiserende mediese uitgawes beskou word (beskikbaar op onder Nuusbriewe ). TRUSTS Die belastingkoers van trusts bly op 40%. Geen veranderinge hier nie. 2

3 MAATSKAPPYE / BESLOTE KORPORASIES Die korporatiewe belastingkoerse bly op 28%. Die skale vir kleinsake-korporasies is soos volg: Nil % bo en meer % bo Soos u kan sien, is die eerste R59,750 van belasting vrygestel. Enige wins tussen R59,750 en R300,000 word slegs teen 10% belas. Slegs wins bo R300,000 word teen die normale korporatiewe koers van 28% belas. Op 'n wins van R400,000 beteken die kleinsake-koers 'n belastingbesparing van R59,975 (in teenstelling met die normale 28% korporatiewe koers). Aangesien dit nie die doel van hierdie artikel is om die vereistes vir kleinsake-korporasie aan te spreek nie, kan u slegs ons kantore kontak vir meer inligting. Laastens bly sekondêre belasting op dividende verklaar op 10%. MIKRO BESIGHEDE (OMSETBELASTING) Vanaf 1 Maart 2009 is 'n vereenvoudigde omset-gebaseerde belastingstelsel in plek vir klein eenmansake, vennootskappe en geïnkorporeerde besighede met 'n omset onder R1 miljoen per finansiële jaar. Indien 'n besigheid kies om op die omsetbelastingstelsel belas te word moet die besigheid vir 'n minimum van 3 jaar in die stelsel bly (indien hul omset onder R1 miljoen bly). Daar is verdere voorwaardes en kondisies wat op aanvraag beskikbaar is. Skale vir 2012 is soos volg: SLOTSOM NIL % bo % bo % bo en meer % bo Belastingverligting sal elke jaar daar wees vir individue. Of die verligting genoeg is om die publiek te help om meer te bespaar, sal egter elke jaar 'n onderwerp vir bespreking wees. Prakties bly die wetgewing soos aangekondig egter die syfers wat vir belastingbeplanning gebruik kan word. Wessel Steyl Professionele Rekenmeester (SA) Alhoewel die akkuraatheid van bogenoemde belastinginligting so ver moontlik bevestig is, beveel ons aan dat u 'n gekwalifiseerde belastingkenner nader vir advies rondom u eie unieke omstandighede. Steyl & Cloete Rekenmeesters aanvaar nie verantwoordelikheid vir enige foutiewe gevolgtrekkings indien bogenoemde data gebruik word vir belastingbeplanning sonder die bystand van 'n belastingkenner nie. 3

4 REGISTRASIES VAN NUWE ENTITEITE & CIPRO-OPGAWES Soos die sakewêreld weet, sou die nuwe Maatskappywet 71 van 2008 op 1 April 2011 in werking getree het. Einde Maart 2011 is n kennisgewing deur die Departement van Handel vrygestel waarin verklaar word dat die nuwe Maatskappywet eers op 1 Mei 2011 in werking sal tree. Vanaf 1 Mei 2011 kan beslote korporasies nie meer opgerig word nie, aangesien die bogenoemde wet effektief die ou Maatskappywet en Beslote Korporasiewet vervang. Beslote korporasies wat tans geregistreer is, sal egter hul status behou en kan in die toekoms vrywillig na privaat maatskappye omskakel. Beslote korporasies kan ook voortgaan om d.m.v. die CK2- / CK2A-stelsel veranderinge aan hul registrasie aan te bring. Alhoewel die nuwe Maatskappywet nie beslote korporasies dwing om na maatskappye toe om te skakel nie, word dit aangemoedig, aangesien die nuwe Maatskappywet vereenvoudigde wetgewing en verligting ten opsigte van statutêre pligte bied. Die privaat maatskappy sal die beslote korporasie vervang as die aanbevole entiteit vir klein tot medium-grootte besighede. Die nuwe Maatskappywet maak vir twee kategorieë maatskappye voorsiening: 1. Niewinsgewende maatskappye (voorheen Artikel 21-maatskappye); en 2. Winsgewende maatskappye (met subkategorieë) Privaat maatskappye Publieke maatskappye Persoonlike aanspreeklikheidsmaatskappye Staatsbeheerde maatskappye JAARLIKSE CIPRO-OPGAWES & DEREGISTRASIE VAN ENTITEITE Sedert 2009 het CIPRO by verskeie geleenthede maatskappye en beslote korporasies gemaan om te verseker dat hul jaarlikse opgawes betyds ingedien word ten einde te verseker dat hulle nie gederegistreer kan word nie. Dit is die plig van die openbare amptenaar / hooflid van die entiteit om te verseker dat aan hierdie uiters belangrike statutêre verpligting voldoen word. Teen die einde van Julie 2010 het CIPRO die eerste reeks entiteite wie se jaarlikse opgawes agterstallig was, gederegistreer. 'n Verdere reeks entiteite is op 28 Februarie 2011 gederegistreer. Indien 'n maatskappy of beslote korporasie reeds gemerk is vir deregistrasie op CIPRO se webwerf, kan hulle steeds hul uitstaande opgawes indien om deregistrasie te vermy. In dié geval sal die entiteit outomaties aktief gemerk word indien alle uitstaande opgawes ingedien is. Dit is belangrik om daarop te let dat die jaarlikse CIPRO-opgawes nie met die jaarlikse belastingopgawes by SARS verwar moet word nie. 4

5 GEVOLGE VAN DEREGISTRASIE VAN 'n ENTITEIT Waar deregistrasie plaasgevind het, is die regsgevolge soos volg: 1. Die entiteit mag nie meer handel dryf nie, aangesien 'n geregistreerde regsentiteit (met sy eie regsaanspreeklikheid) nie meer in Suid-Afrika bestaan nie. 2. Die deregistrasie van 'n maatskappy of beslote korporasie kan daartoe lei dat die bank die entiteit se bankrekening vries. 3. Die direkteure van 'n maatskappy / lede van 'n beslote korporasie verloor die status van hul beperkte regsaanspreeklikheid, en die entiteit verloor sy juridiese status. 4. BELANGRIK: Enige en alle bates wat die maatskappy / beslote korporasie voor deregistrasie besit het, kan die Staat toeval in terme van die bona vacantia regsreël. Die regsreël is van toepassing op eiendom wat nie 'n wettige eienaar het nie. Ten einde 'n maatskappy / beslote korporasie te herregistreer, moet 'n aansoek (met die ingeslote aansoekfooi) by CIPRO ingedien word, en alle uitstaande jaarlikse opgawes moet ingedien word. Let daarop dat CIPRO 'n administratiewe boete hef vir elke uitstaande opgawe (addisioneel tot die normale fooi wat gehef word). Dit is uiters belangrik om te besef dat die nuwe Maatskappywet 71 van 2008 impliseer dat gederegistreerde beslote korporasies vanaf 1 Mei 2011 nie meer d.m.v. bogenoemde aansoekprosedure geheraktiveer kan word nie. Derhalwe sal die lede van so 'n gederegistreerde beslote korporasie byvoorbeeld 'n nuwe maatskappy moet oprig, waarvoor 'n nuwe naamreservering gedoen sal moet word. Een van die verdere gevolge is dat die ou naam van 'n gederegistreerde entiteit nou beskikbaar is vir registrasie deur enige persoon in Suid-Afrika wat 'n naamsreservering wil doen. Indien iemand 'n gederegistreerde entiteit se naam registreer en die ou (gederegistreerde) entiteit se lede 'n nuwe maatskappy met dieselfde naam wil oprig, sal hulle slegs d.m.v. 'n hofaansoek die naam van die nuwe titelhouer kan terugkry, wat aansienlike koste kan meebring. SLOTSOM Die Maatskappyewet 71 van 2008 wat op 1 Mei 2011 in werking tree, het verreikende gevolge vir besighede in alle sektore in Suid-Afrika. Ek raai u dus aan om u CIPRO-status te bevestig indien nodig, om te verseker dat u sake in orde is. Verder beveel ek aan dat u van u rekenmeester vereis om elke jaar aan u die CIPRO-sertifikaat te lewer as bewys van indiening van die jaarlikse opgawe. Ons kantoor kan u bystaan om u CIPRO status na te gaan. Hierdie diens word gratis vir u aangebied. Indien ons u egter moet bystaan met die indien van uitstaande opgawes, sal die normale tariewe geld (beskikbaar op aanvraag). Wessel Steyl Professionele Rekenmeester (SA) 5

6 IRP5-REKONSILIASIES Soos alle werkgewers weet, word IRP5- rekonsiliasies al vir jare lank ingedien om vir SARS aan te dui hoeveel vergoeding werknemers vir die betrokke jaar onder oorsig verdien het, asook hoeveel belasting deur elke werknemer oorbetaal is. Alle IRP5-rekonsiliasies word sedert 2008 op Employer gedoen. Dié program is oorspronklik deur SARS bekendgestel om die ou handstelsel te vervang. Sedert 2008 het SARS elke jaar 'n verbeterde weergawe vrygestel, wat met elke weergawe aansienlik meer funksionaliteit meebring. Sedert Augustus 2010 vereis SARS dat IRP5-rekonsiliasies elke 6 maande ingedien word om werkgewers te help om hul rekonsiliasies makliker af te handel. Die 2011-weergawe van e@syfile Employer is vanaf 4 April 2011 beskikbaar om vanaf SARS Efiling afgelaai te word REKONSILIASIES Die tydperk vir indiening van die 2011 IRP5-rekonsiliasies is vanaf 4 April 2011 tot 3 Junie Om werkgewers met die indiening van die opgawes by te staan, is 'n handleiding op SARS se webwerf onder die LBS afdeling beskikbaar. SARS moedig verder alle werkgewers aan om hul rekonsiliasies voor die sperdatum in te dien. Dit is noodsaaklik dat die nuutste weergawe van e@syfile Employer vanaf SARS Efiling afgelaai word, aangesien SARS aansienlike verbeteringe aan die program aangebring het. As gevolg van die verbeteringe is die ou databasisse van die program nie aanpasbaar by die nuwe weergawe nie, en verder kan SARS se stelsel nie die IRP5 s aanvaar wanneer 'n ou weergawe gebruik word nie. Soos met die vorige elektroniese rekonsiliasies, aanvaar SARS slegs IRP5-sertifikate wat met e@syfile Employer uitgemaak is. Die rede is tweeledig: 1) Die program help foute voorkom; 2) Die IRP5 wat uitgemaak is, word direk aan die werknemer se belastingvorm gekoppel, wat help met die indiening van die betrokke persoon se inkomstebelastingopgawe (indien van toepassing). Ons herinner u daaraan dat alle rekords, insluitend inligting vir IRP5-rekonsiliasies, vir 5 jaar geberg moet word voor dit vernietig mag word. INKOMSTEBELASTINGNOMMERS VAN WERKNEMERS Die nuwe weergawe van e@syfile Employer vereis 'n belastingnommer vir elke werknemer, ongeag of die werknemer belasting betaal of nie. Indien 'n werknemer nog nie vir belasting geregistreer is nie, sal SARS outomaties 'n belastingnommer aan die 6

7 werknemer toeken. 'n Kennisgewing van die betrokke werknemer se belastingnommer sal dan aan die werknemer gekommunikeer word, asook aan die werkgewer via Employer. Werkgewers moet dus hul personeellêers ooreenkomstig opdateer met alle werknemers se belastingnommers, aangesien dit in die toekoms op alle IRP5 s moet verskyn. SLOTSOM Die omwenteling in die IRP5-stelsel sedert 2008 is alleenlik daarop gemik om die indieningsproses te vereenvoudig en so foutloos moontlik te maak. Dit verseker die werkgewer dat sy rekords op datum is en korrek by SARS ingedien is, terwyl dit vir SARS aansienlik tyd bespaar indien hulle nie foutiewe rekonsiliasies ontvang nie. Om die nuwe e@syfile Employer so gou moontlik gewoond te raak, beveel ons aan dat u die nodige handleiding vanaf SARS se webwerf aflaai en bestudeer. Begin ook betyds werk aan u rekonsiliasie om dit vroegtydig in te dien. Dit gee u rustigheid dat u sake op datum is en bied ook ruimte indien aanpassings nodig is. Laastens weet u dat SARS nie 'n boete vir laat indienings kan hef nie. Indien u probleme ondervind, kan ons u met die indien van u IRP5-rekonsiliasie bystaan. Aangesien ons elke periode verskeie IRP5-rekonsiliasies hanteer, is ons vertroud met al die prosesse en sal ons u rekonsiliasie tydig en akkuraat namens u kan verwerk en indien. Wessel Steyl Professionele Rekenmeester (SA) 7