IH Scholtz Preekmanuskrip: 1 Kronieke 29:1-20 Junie 2017

Transcriptie

1 Preektema: Loof die Here in ewigheid! Skriflesing: 1 Kronieke 29:1-20 Teksvers: 1 Kronieke 29:10 (b) Inleiding Wat gebeur in hierdie gedeelte? Wat is die aanloop? Die volk van die Here het in die beloofde land ingetrek nadat hulle uit Egipte se slawerny bevry is en na 40 jaar se wandelinge in die woestyn. Die volk het na jare in die beloofde land besluit hulle wil n koning hê die eerste koning Saul het vir n ruk lank goed geregeer en toe van die Here afvallig geword en van die Here vergeet. Dawid is in Saul se plek as koning verkies. Nou ons ken Dawid se geskiedenis. Hy was n koning wat opreg lief was vir die Here alhoewel hy ook maar genoeg van sy eie foute gehad het. Dawid is egter die gesalfde priester-koning, hy moet sy volk begelei om die Here te dien. Hy het n diep begeerte om uit dankbaarheid vir die Here n permanente huis te bou. Hoekom huis? Die Here het terwyl Israel in die woestyn was vir hulle beveel om n Tabernakel n tent van linne te bou waar die Here in die wolk teenwoordig was by sy volk. Die huis van die Here wat Dawid wil bou is dus die Tempel van die Here. Die Here stuur vir Natan die profeet na Dawid en lig hom in dat hy as Dawid nie die huis van die Here gaan bou nie nee daardie voorreg gaan sy seun Salomo toekom. Dit keer Dawid egter nie om steeds sover moontlik te help om alles gereed te kry en in plek te kry vir die dag wanneer die Tempel gebou gaan word nie. Dis juis wat ons hier sien in die eerste dele van ons gelese gedeelte. Lees saam met my 1 Kronieke 29:1-5: Koning Dawid het die hele vergadering soos volg toegespreek: My seun Salomo, die één wat deur God gekies is, is jonk en sag, maar die werk is groot. Hierdie paleis is nie vir n mens bedoel nie, maar vir God die Here. 2Met alles in my vermoë het ek vir die huis van my God materiaal gereed gebring: goud vir die goudwerk, silwer vir die silwerwerk, brons vir die bronswerk, yster vir die ysterwerk, hout vir die houtwerk, oniks met die gesteentes om daar rondom in te lê, steentjies vir mosaïekwerk, allerlei edelstene en n groot hoeveelheid marmer. 3Omdat die huis van my God my na aan die hart lê, skenk ek ook nog my besit aan goud en silwer bo en behalwe alles wat ek reeds vir die heiligdom gereed gebring het: 4honderd en drie ton goud, van Ofir se goud, en twee honderd en veertig ton gesuiwerde silwer om die mure van die vertrekke oor te trek 5en om die goud vir die goudwerk en die silwer vir die silwerwerk te 1 b l a d s y

2 voorsien, en vir al die werk wat deur die vakmanne gedoen moet word. Wie is nog gewillig om vandag sy hand oop te maak met n gawe aan die Here? Dawid is bereid om groot skenkings te maak vir die bou van die Huis van die Here. Hy vra ook aan die volk wie is bereid om te skenk sodat hierdie huis van die Here gebou kan word. Hoekom doen hy dit? Lees saam met my vers 10: 10Dawid het n lofprysing aan die Here in teenwoordigheid van die hele vergadering uitgespreek. Sy woorde was: Geloof sy U, Here, God van ons voorvader Israel, van ewigheid tot ewigheid. Ons tema vanoggend is: loof die Here in ewigheid! Hoekom besing Dawid die lof van die Here? Dawid dank die Here vir die gesindheid en die vrygewigheid van sy volk om vir hierdie groot projek so mildelik te gee dis die Here wat gesindheid in mense werk dis die Here wat geloof moet word tot in ewigheid. Ons kan dan verder gaan vanoggend en hierdie tema verder uitbrei deur te vra: Hoekom moet ons die Here loof in Ewigheid? (a) Ons moet die Here loof, want ons besef Wie die Here is! (b) Want ons besef Wie Jesus is. (c) Ons moet verder die Here loof want ons besef wie ons is! 1. Ons moet die Here loof, want ons besef Wie die Here is! (vers 10-13) Dawid se blydskap oor die vrygewigheid van die volk (kyk na vers 9) en hulle blydskap om aan die Here te gee kom tot uitdrukking in n dankgebed teenoor die Here. Sy dankgebed is n lofprysing waarin die heerlikheid, die grootheid, die Almag van die Here teenoor die nietige afhanklikheid van die mens gestel word. Hierby heg so pragtig Psalm 50:10-12,14 - dit lees: 9Ek wil geen jong bul uit jou stal hê of bokke uit jou krale nie, 10want al die diere in die bos is Myne, die wild op duisende berge. 11Ek ken al die voëls van die berge; al wat roer op die veld, is Myne. 12Ek sou jou nie vra as Ek honger sou kry nie, want die aarde en alles wat daarop is, behoort aan My... 14Lof is die offer wat jy aan God moet bring. Alles wat ons kan gee, behoort dus alreeds aan Hom wat ons van Hom gekry het. Niks is ons eie wat ons vir Hom ons God kan aanbied nie: Luister na die woorde van 1 Kron 29:11-12: 2 b l a d s y

3 11Die grootheid, Here, die krag, die glans, die roem en die majesteit behoort aan U, ja, alles in die hemel en op aarde. Aan U, Here, behoort die heerskappy; U is bo almal verhewe. 12Van U kom rykdom en eer. U heers oor alles. Mag en krag word deur U geskenk, en dit berus by U om enigiemand groot en sterk te maak. Daarom is dit belangrik dat ons ook in hierdie jaar, sal besef as ons in n magsposisie staan dat die Here, ons sal verantwoordelik hou vir ons optrede Hy gee mag en gesag waar Hy wil daarom oordeel Hy ook daaroor soos Hy wil. Dis Hy wat rykdom en eer gee soos Hy wil. Ons hele lewe is in sy hand. Selfs die land waarin ons woon is deur die Here aan ons geleen (vgl. Lev. 25:23; Heb. 11:13; 13:14). Dis die Here se land dis sy grond waarop ons boer en leef en groei. Dawid sê: ons tyd hier op aarde is soos n skaduwee. Dis tydelik. Daar is niks hier wat ons op aanspraak kan maak nie. Hoe het ons die vermoë om God te loof met die goed wat ons het net omdat Hy dit vir ons reeds voorsien het. Die Bybel is vol van die heerlikheid, grootheid, Almag van God sy goedheid is van geslag tot geslag. Die feit dat Hy ons onderhou! Aan Hom kom al die lof en dank toe tot in ewigheid ons wil net Hom loof en net Hom prys. 2. Jesus vervul die Tempel Die Tempel is gebou deur Salomo soos die Here beloof het. Die Tempel was die sigbare simbool van God se teenwoordigheid by sy volk. Die Tempel het gestaan tot en met die ballingskap toe God se volk ongehoorsaam was en hulle weggevoer is na vreemde lande toe. Na die ballingskap het die volk teruggekeer en weer die Tempel gebou. Die tweede Tempel was nie naastenby so indrukwekkend soos Salomo se Tempel nie. In Jesus se tyd het Koning Herodus om die volk te beïndruk die Tempel herontwerp en vergroot en weer begin bou. 70 n.c. omtrent so jaar nadat Jesus opgevaar het is die Tempel finaal deur die Romeine vernietig. Hoekom aanbid ons nie meer in die Tempel nie? Want Jesus is die vervulling van die Tempel. Ons lees in Johannes 2:18-22 die volgende: 18Maar die Jode het Hom aangespreek en vir Hom gesê: Met watter wonderteken kan u vir ons bewys dat u hierdie dinge mag doen? 19Jesus het hulle geantwoord: Breek hierdie tempel af en in drie dae sal Ek hom oprig. 20Die Jode sê toe: Ses en veertig jaar lank is daar aan hierdie tempel gebou, en u sal hom in drie dae oprig? 21Met hierdie tempel het Hy egter sy liggaam bedoel. 22Later, nadat Hy uit die dood opgewek is, het sy dissipels daaraan gedink dat Hy dit gesê het, en hulle het die Skrif en die woorde van Jesus geglo. 3 b l a d s y

4 Twee dinge om te onthou as ons praat oor die Tempel en Jesus: - Hy het kom tabernakel onder ons. Toe Jesus Mens geword het dus toe God Mens geword het het Hy onder ons kom woon. Die nut van die Tempel het dus begin verbygaan met sy koms. - Sy Liggaam is die Tempel. Wat bedoel Jesus hier? Hy bedoel deur sy kruisdood deur sy opstanding uit die dood het hy die Weg geword na God toe. In die ou dae moes die volk deur die Hoëpriester na God toe gaan. Hulle moes offers bring ens. Jesus word daardie Offer eenmalig en Hy word die Hoëpriester wat die finale Offer bring. Hy word die Weg na God toe. Al die funksies van die Tempel om mense in die teenwoordigheid van God te bring het verbygegaan toe Jesus gekom het as die Tempel. Paulus bou nog verder op hierdie konsep voort in Efesiërs 2:13-22 Paulus wys dat Jesus se liggaam sy kerk is en ons as gelowiges n gebou is wat saam gevoeg is. Ons is elkeen n steentjie in die gebou. 13Maar nou is julle een met Christus Jesus. Julle wat vroeër ver van God gelewe het, het nou naby gekom deur die bloed van Christus. 14Christus is ons vrede, Hy wat dié twee, Jode en nie- Jode, een gemaak het. Deur sy liggaam te gee, het Hy die vyandskap afgebreek wat vroeër soos n muur skeiding gemaak het. 15Die wet van Moses met al sy gebooie en bepalings het Hy opgehef, en deur vrede te maak, het Hy in Homself dié twee, Jode, en nie-jode, tot een nuwe mensheid verenig. 16Deur sy dood aan die kruis het Hy n einde gemaak aan die vyandskap en dié twee met God versoen en tot een liggaam verenig. 17Toe Hy gekom het, het Hy die goeie boodskap van vrede gebring: vrede vir julle wat ver van God was, vrede ook vir dié wat naby was. 18Deur Hom het ons almal, Jode en nie-jode, deur die een Gees vrye toegang tot die Vader. 19Julle is dus nie meer ver van God af nie, nie bywoners nie, maar medeburgers van die gelowiges en lede van die huisgesin van God. 20Julle is n gebou wat opgerig is op die fondament van die apostels en die profete, n gebou waarvan Christus Jesus self die hoeksteen is. 21In Hom sluit die hele gebou saam en verrys dit tot n heilige tempel vir die Here, 22in wie julle ook saam opgebou word as n geestelike huis waarin God woon. Dit bring ons onmiddelik om te besef Wie is Jesus maar ook wie is ons. 3. Wie is ons? 4 b l a d s y

5 Ons het hierbo gesien ons is die Liggaam van Jesus Christus die Tempel van die Here. Ons is lewende stene in hierdie gebou waarvan Jesus die Hoof die Hoeksteen is - gebou op die Woord van God. Hierdie sluit so mooi aan by laas week se preek 1 Petrus 2:5-6 lees: 5Laat julle as lewende stene opbou tot n geestelike huis, om n heilige priesterdom te wees en geestelike offers te bring wat deur Jesus Christus vir God welgevallig is. 6Daarom staan daar in die Skrif: Kyk, Ek lê in Sion n hoekklip, uitverkies vir die ereplek. Wie in Hom glo, word nooit teleurgestel nie. Waarom aanbid ons nie meer in Tempels nie? Want ons is die Tempel van die Here. Dis oor jou en my as kerk as liggaam van Jesus Christus wat Jesus sê die bose magte sal die Kerk nie kan vernietig of oorweldig nie lees saam met my Matt 16:16,18: 16Simon Petrus het geantwoord: U is die Christus, die Seun van die lewende God. 18En Ek sê vir jou: Jy is Petrus, en op hierdie rots sal Ek my kerk bou, en die magte van die doderyk sal dit nie oorweldig nie. Hierdie Rots is Jesus Christus! Op hierdie Hoeksteen is die Kerk van die Here gebou. Is die liggaam van die Here die Tempel van die Here. Dit lei ons tot aanbidding van die Here: Dawid roep uit aan die volk: 20 Prys nou die Here julle God. Die volle vergadering het toe die Here die God van hulle voorvaders geprys. Daarna het hulle voor die Here en die koning gekniel en in huldebetoon neergeval. 4. Wat is ons gesindheid? Ons het in hierdie gedeelte net weereens gesien. God is die Een wat vir ons alles gee. Ons leef vanuit sy hand. Sonder Hom is bestaan nie moontlik nie. Ons het gesien dis Jesus Christus wat die Ware Tempel is sy liggaam ons as sy kerk wat die Tempel is opgebou as lewende stene. Ons het gesien niks sal die kerk van Jesus Christus kan oorweldig nie. Hoe bring dit ons toe lof en aanbidding van God vanoggend? Hoe lyk dit prakties? As ons ten diepste hierdie besef hoe lyk ons werk situasie dan? As ons besef dat ook ons werk kom uit die hand van die Here en moet tot sy eer en sy lof wees. As ons besef dat Hy met ons is al gaan dit swaar en moeilik 5 b l a d s y

6 met ons. As ons besef dat Hy teenwoordig is Hy ons Hoof en Vader is dat Hy vir ons omgee en vir ons lief is. Hoe lyk ons lewe dan? Is ons lewe n loflied tot eer van die Here? Ten Slotte Hierdie dieselfde Dawid skryf in Psalm 19 die volgende woorde en daarmee sluit ek af: 15Laat die woorde van my mond en die oordenking van my hart welbehaaglik wees voor u aangesig, o Here, my rots en my verlosser! Mag dit ons gebed wees vandag. Mag ons hier uitstap en net weereens opnuut besef Wie God is en wie ons in Jesus Christus ons Here is. Mag ons harte oorloop van lof en eer en mag ons monde dit verkondig elke dag elke oomblik! Amen. 6 b l a d s y