WOORDSKOOL : DOOP VAN DIE GELOWIGES

Transcriptie

1 WOORDSKOOL : DOOP VAN DIE GELOWIGES Jesus Christus gee aan sy dissipels twee eenvoudige beelde aangaande twee groot waarhede van hul geloof. Die eerste was die doop as toonbeeld van die dood, begrafnis en opstanding van die gelowige in n nuwe lewe in Christus. Die tweede was die Nagmaal wat as beeld dien van Christus se dood as Verlosser van die wêreld. Hierdie beelde staan as ordonnansies bekend, omdat dit deur Jesus Christus self ingestel is. In gehoorsaamheid aan die Here Jesus Christus, beoefen die meeste Christelike Kerke hierdie ordonnansies volgens die wyse wat hulle voel korrek is. Hierdie is egter nie "sakramente" nie aangesien "sakramente" daarop dui dat dit verlossing kan meebring. Die doel van hierdie boekie is om uit te vind wat die Bybel aangaande die ordonnansie van Doop leer en om ook verskeie vrae wat in mense se harte ontstaan te beantwoord. Eerstens - Watter gesag het ons vir die Doop? Ons het die definitiewe voorbeeld en bevel van die Here Jesus Christus in die Evangelies. Jesus het self die voorbeeld gestel. Vroeg tydens sy aardse bediening het Jesus na die Jordaan rivier gegaan waar Johannes, die voorloper van Jesus, besig was om te doop. Daar is Jesus deur Johannes gedoop. Jesus het die Doop as deel van God se plan vir sy lewe beskou asook vir die wat deur Hom verlos sou word. Jesus het ook die Doop van andere goedgekeur. "Die Fariseërs het gehoor dat Jesus meer dissipels maak en doop as Johannes. Eintlik was dit nie Jesus wat gedoop het nie, maar sy dissipels." Johannes 4:1-3 Jesus het verder beveel dat alle gelowiges gedoop moet word. "En Jesus het nader gekom en met hulle gespreek en gesê: Aan My is gegee alle mag in die hemel en op aarde. Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het." Matteus 28: Kyk

2 gerus ook na Markus 16: Ons het die voorbeeld van die vroeë Kerk soos in Handelinge. Soos wat ons deur Handelinge lees, word ons beïndruk deur die aantal kere wat die skrywer melding maak van gelowiges wat in die vroeë Kerk gedoop is. Nadat die Jode op Pinkster dag deur die Heilige Gees oortuig is, is baie van hulle gedoop (Hand. 2:37-47). Nadat Filippus Christus aan die Samaritane verkondig het, is hulle gedoop, mans sowel as vroue. (Hand. 8:5-25). Nadat die Etiopiër tot bekering gekom het, het hy water langs die pad gesien en aan Filippus gesê: "Daar is water; wat verhinder my om gedoop te word." (Hand. 8:26-39) Volgens sy belydenis van geloof het Filippus saam met hom in die water gegaan en hom gedoop (v. 38, 39). Simon die towenaar het vir baie jare mense met sy toorkuns om die bos gelei, maar toe hy met die krag van die Evangelie gekonfronteer is, het hy geglo en is dadelik gedoop (Hand. 8:13). Saulus van Tarsus wat die Christene vervolg het, het tot bekering gekom en is gedoop. Van toe af was hy die Apostel Paulus. Handelinge 9:1-20 Cornelius, die Romeinse Hoofman, het die Evangelie by Petrus gehoor en tot bekering gekom, daarna is hy gedoop in die Naam van die Here. (Hand. 10:1-48) In Filippi ontmoet Paulus n vrou met die naam van Lidia. Nadat sy die evangelie gehoor het, is sy saam met ander lede van haar huisgesin gedoop (Hand. 16:11-15). Die tronkbewaarder van Filippi was ook wonderbaarlik gered en hy en sy huisgesin is gedoop (Hand. 16:22-34). Paulus het ook in Korinte gepreek en selfs daar het baie van die sondaars tot bekering gekom en "toe hulle hom hoor, gelowig geword en is gedoop." (Hand. 18:8) Vanuit die bogenoemde voorbeelde is dit duidelik dat die wat in Jesus Christus geglo het, gedoop is nadat hulle in die openbaar getuienis van hul geloof in Jesus Christus afgeneem het. Ons vind ook in die Sendbriewe getuienis aangaande die Doop. Aangesien die Doop n aanvaarbare praktyk in die vroeë kerk was, het Paulus dit in sy briewe aan verskeie gelowiges die volgende geleer: 1. Wanneer n gelowige gedoop is, het hy daarmee opsigtelik sy eenwording met Jesus Christus en ander gelowiges getoon. Lees Efesiërs 4: Wanneer n gelowige gedoop is, het hy daardeur openlik n fundamentele waarheid van sy geloof bely - dat Jesus Christus vir sy sonde gesterf het, begrawe is en weer opgestaan het. Dit illustreer ook dat in God se oë is elke gelowige saam met Christus gekruisig, het gevolglik gesterf wat die sonde en die eie ek betref en is

3 opgewek in n nuwe lewe in Christus. Sien Galasiërs 2:20 en Romeine 6: Wanneer die gelowige gedoop word, simboliseer dit dat hy homself met Christus beklee. Galasiërs 3:37. Hierdeur word bedoel dat deur die gelowige se gehoorsaamheid om gedoop te word, toon hy dat hy innerlik en geestelik nou aan Christus behoort. Aangesien die Doop dus deur Jesus Christus ingestel is, en aangesien dit deur die vroeë kerk beoefen is soos verduidelik in die Sendbriewe van Paulus, het ons die gesag, reg en voorreg om die Doop van die gelowiges vandag in die Kerk te beoefen. Tweedens - Wie kan gedoop word? Die Bybel leer ons dat slegs diegene wat die boodskap gehoor en daarop reageer het dat Jesus Christus die prys vir hul sonde betaal het, in hul plek gesterf het en Hom aangeneem het as Verlosser en Saligmaker, die reg het om gedoop te word. Die Bybel leer dus dat die Doop slegs vir gelowiges bedoel is. Daarom staan die Doop bekend as die Doop van die Gelowiges. In Matteus 28:19 is Jesus se opdrag duidelik: "Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees." Die volgorde is baie duidelik hier; eers dissipels en dan Doop. Die volgorde kan nie omgeruil word nie. Slegs diegene wat glo kan dissipels wees en dan gedoop word. Ons sien ook hierdie volgorde vanuit ander Bybelse voorbeelde. Johannes 4:1 "Die Fariseërs het gehoor dat Jesus meer dissipels maak en doop as Johannes." Hier is die volgorde weer eens eers dissipels en dan Doop. So ook in Handelinge 8:12 "Toe hulle geglo het... is hulle gedoop." Ook in Handelinge 18:8 het hulle eers geglo en is toe daarna gedoop. Die Doop is daarom net vir gelowiges. Jongmense sowel as volwassenes kan gedoop word en die enigste voorwaarde is dat hulle tot inkeer van hul sondes gekom het en wedergebore is deur geloof in Jesus Christus. Markus 16:16 "Hy wat glo en hom laat doop, sal gered word; maar hy wat nie glo nie, sal veroordeel word." Derdens - Hoe moet n persoon gedoop word? Vir eeue argumenteer mense al oor die metode of vorm van die Doop. In die vroeë Kerk was net een metode van Doop erken, naamlik onderdompeling. Die woord Doop kom van die Griekse woord baptizo (baptizo) wat letterlik onderdompel' of onder water sit', beteken. So ook tydens verskeie geleenthede in die Nuwe Testament, soos byvoorbeeld tydens die Doop van Jesus lees ons: "En nadat Jesus gedoop was, het Hy dadelik uit die water opgeklim." Matt. 3:16. So ook met die Doop van die hofdienaar in Hand. 8:38 "En hy het beveel dat die wa moes stilhou; en hulle het altwee in die water afgeklim, Filippus en die hofdienaar; en hy het hom gedoop." Johannes het naby Salim gedoop "omdat daar baie water was". (Joh. 3:23) Omdat die Doop as simbool van begrawing en opstanding dien veronderstel dit Doop deur onderdompeling."ons is dus saam met Hom begrawe deur die doop in die dood, sodat net soos Christus uit die dode opgewek is deur die heerlikheid van die Vader, ons ook so in n nuwe lewe kan

4 wandel. Want as ons met Hom saamgegroei het deur die gelykvormigheid aan sy dood, sal ons dit tog ook wees deur dié aan sy opstanding; aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie." (Rom. 6:4-6) "omdat julle saam met Hom begrawe is in die doop" (Kol. 2:12) Vanuit hierdie verse kan ons dus duidelik sien dat die Doop net deur onderdompeling sy volle betekenis verkry. Enkele misverstande aangaande die Doop Alhoewel die riglyne van die Nuwe Testament baie duidelik aangaande die Doop is, het daar by baie mense vrae ontstaan aangaande sekere kwessie aangaande die Doop. Sommige vrae is: 1. Reinig die Doop my van sonde en maak dit my kind van God? Daar is wel diegene wat verkondig dat sonde weg gewas word deur die Doop. Die Bybel leer hierdie egter nie. As bewys van hierdie valse leer verwys baie na die vers in Johannes waar Jesus die volgende aan Nikodemus sê: "Voorwaar, voorwaar Ek sê vir jou, as iemand nie gebore word uit water en Gees nie, kan hy in die koninkryk van God nie ingaan nie." (Joh. 3:5) Wat Jesus in werklikheid hiermee bedoel is "jy het gehoor hoedat Johannes die mense met water doop en hoe hy gesê het dat Iemand anders julle in die Gees sal doop. Indien julle nie berou toon nie, soos Johannes se doop getoon het en bekering, wat die Gees se doop is nie, kan jy nie in die Koninkryk van die hemele ingaan nie." Jesus sê dat slegs wanneer n persoon berou het (dit is om van die sonde weg te draai en om deur die Heilige Gees weergebore te word) kan hy die Koninkryk van die hemele binnegaan. Die Doop is bloot net n simbool van hierdie groot daad van God. Dan is daar ander wat die woorde van Petrus aanhaal as bewys dat die Doop kan red. "Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang." (Hand. 2:38) Wat Petrus hier sê is dat die eerste stap tot redding behels om n komplete en radikale verandering in jou lewe na vore te bring, dit is om tot inkeer te kom. Dan moet elkeen wat tot inkeer gekom het, hulle sonde bely het en Jesus aangeneem het as Verlosser en Saligmaker, in die openbaar getuienis van hul bekering aflê deur gedoop te word. Hierdeur getuig die persoon wat gedoop word van sy bekering en vergifnis van sonde. Dan is daar ook andere wat Handelinge 22:16 gebruik as bewys dat water sonde weg was. Paulus lewer sy getuienis en sê: "Staan op, laat jou doop en jou sondes afwas, terwyl jy die Naam van die Here aanroep." Op die oog af lyk dit of hierdie woorde verlossing deur die Doop bevestig, maar dit sou teen Paulus se leer aangaande die Doop indruis. Vir Paulus is die Doop n beeld van die dood, begrafnis en opstanding van die gelowige die Doop is dus n beeld van dit wat reeds plaasgevind het. Hier is die Doop egter n beeld van weg was van sonde deur die bloed van Jesus Christus. Die Bybel leer ons dat: "die bloed van Jesus Christus, sy Seun, reinig ons van alle sonde." (1 Joh 1:7) Al die water in elke rivier en in die hele see is nie genoeg om selfs die kleinste sonde weg te was nie. Ons word slegs verlos deur die kosbare bloed van Jesus Christus. 1 Petrus 1:18-19 "omdat julle weet dat julle nie deur verganklike

5 dinge, silwer of goud, losgekoop is uit julle ydele lewenswandel wat deur die vaders oorgelewer is nie, maar deur die kosbare bloed van Christus, soos van n lam sonder gebrek en vlekkeloos." 2. Is die Doop die seël van die gelowiges? Daar is party wat glo dat die Doop as seël van die gelowige se verlossing dien. Ander sê dat net soos wat die kinders van Israel besny is as seël om Israeliet te wees, net so word vandag se gelowiges deur die Doop geseël. Die Bybel leer ons egter dat alle ware gelowiges deur die Heilige Gees verseël word. Die Doop is nie n seël nie, want die enigste seël vir die gelowige is die Heilige Gees. "Deur Christus het ook julle deel geword van die volk van God toe julle die waarheid wat aan julle verkondig is, die evangelie van julle verlossing, gehoor en tot geloof gekom het. In Christus het die Heilige Gees wat deur God belowe is, julle as die eiendom van God beseël." (Ef. 1:13) "En moenie die Heilige Gees van God bedroef nie, want Hy het julle as die eiendom van God beseël met die oog op die verlossingsdag." (Ef. 4:30) 3. Moet ek as baba gedoop word? Ons het vroeër melding gemaak dat die voorwaarde om gedoop te word, is n persoonlike geloof in Jesus Christus as Verlosser. n Baba of jong kind kan nog nie aan hierdie voorwaarde voldoen nie. Baba doop weerspreek die bevel van Jesus, dat die wat gedoop word sy dissipels moet wees. Die Doop is slegs vir gelowiges. Sonder geloof is daar nie n doop nie. 4. Ek was as baba gedoop, is dit nodig dat ek weer gedoop word? Soos reeds vermeld, is baba doop nie Doop van die Gelowiges soos deur die Bybel voorgeskryf nie. Toe jy as baba gedoop was, was dit nie uit jou eie versoek of as gevolg van jou geloof nie. Indien jy egter tot geloof in Christus gekom het, behoort jy te wys dat jy aan Hom behoort deur Hom te gehoorsaam en gedoop te word. 5. Hoeveel keer behoort n gelowige onderdompel te word? Jesus se woorde aan sy dissipels was: "Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees." (Matt 28:19) Daar is party mense wat aanvoer dat as gevolg van hierdie vers behoort mense drie maal onderdompel te word. Een maal in die Naam van die Vader, een maal in die Naam van Jesus en een maal in die Naam van die Heilige Gees. Jesus vertel hier egter nie aan sy dissipels dat mense drie maal onderdompel moet word nie, maar dat hulle gedoop moet word in die Naam van die Drie-Enige God. n Ander siening is dat: doop simboliseer die afsterwe van die ou lewe en aangesien hierdie "begrafnis" net een maal plaasvind, word die gelowige net een maal geonderdompel. In ons gemeente word die lidmate drie maal onderdompel al word daar nie spesifiek na een van die bogenoemde argumente as die ware een verwys nie. 6. Moet ek gedoop word elke keer wanneer ek sondig? Hierdie siening word verkeerdelik oorgedra omdat daar mense is wat glo dat die water sonde weg was. God se Woord is egter baie duidelik daaroor dat die weg was van sonde slegs plaasvind deur Jesus Christus. "As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig."

6 1 Joh. 1:9 7. Waarom is dit nodig om gedoop te word? Die Doop vorm deel van Jesus se Groot Opdrag in Matteus 28:19. Hierdie goddelike opdrag is aan Jesus se dissipels gegee. In die boek Handelinge sien ons hoedat hierdie opdrag in gehoorsaamheid tot uitvoering gebring is. Elke bekeerling was gedoop. Dit is die wil van Jesus Christus dat elkeen wat tot geloof in Hom kom, Hom deur die Doop moet volg. Hulle moet Hom gehoorsaam, nie uit dwang nie, maar gewilliglik. Deur gedoop te word, is die gelowiges gehoorsaam aan die opdrag van Jesus Christus. Deur gedoop te word, wys die gelowiges dat hy/sy aan Jesus Christus behoort. Die Doop word beskrywe as " n uiterlike bewys van wat innerlik gebeur het". Deur die Doop wys die gelowige wat ander nie kan sien nie, dat sy geloof in Jesus Christus is. Hoe gewillig is jy om aan hierdie opdrag van die Here Jesus Christus gehoorsaam te wees? Jesus het gesê: "As julle My liefhet, sal julle my opdragte uitvoer." Joh. 14:15 "Julle is my vriende as julle alles doen wat Ek julle beveel." Joh. 15:14 Gewillige gehoorsaamheid aan Jesus sal jou verhouding met Hom bevorder. Wanneer jy sy wil ontdek en daaraan gehoorsaam is, sal dit groot vreugde bring in jou verhouding met Hom. "As julle hierdie dinge weet, salig is julle as julle dit doen." Joh. 13:17 Waarvoor wag jy? Staan op en laat jou Doop!