Sakkie Parsons E-Pos Bediening

Transcriptie

1 Sakkie Parsons E-Pos Bediening E-pos: Webtuiste: Sel: /Tel: Ons Here se Heilige volk. Iemand skryf aan my en vra as volg en ek plaas die relevante gedeelte net so oor in hierdie skrywe. Help asb is dit so dat baster mense nie hemel toe gaan nie. Hier is dan hoe ek na hierdie saak kyk. Die eerste wat ek natuurlik doen as ek hierdie soort vraag gevra word, is om te kyk wat sê die Woord oor byvoorbeeld in hierdie geval (baster). Nou goed. Die woord (baster kom twee keer in die Bybel wat ek lees voor en albei kere in die (Ou Testament). DEU 23:2 Geen baster mag in die vergadering van die HERE kom nie; selfs sy tiende geslag mag in die vergadering van die HERE nie kom nie. As ook. SAG 9:6 en die baster sal in Asdod woon so sal Ek dan aan die trotsheid van die Filistyn n einde maak Soos ek die Woord verstaan, was geen vermenging tussen n Israeliet en iemand van n ander volk geduld nie. Elke ander volk op aarde, buiten Israel was heidene en, om dit so te stel, onheilig. As n Israeliet, man of vrou, toegelaat het, dat n kind verwek word deur gemeenskap met iemand wat nie n Israeliet gewees het nie, was daardie kind n baster en het vir daardie kind gegeld wat vir alle destydse basters gegeld het. Met ander woorde, as daar destyds byvoorbeeld n Afrikanervolk sou gewees het, sou presies dieselfde ook vir ons Afrikaners en wat dit betref vir elke ander volk in hierdie mooi land van ons gegeld het. Met ander woorde, as byvoorbeeld daar Afrikaners destyds gewees het en daar sou as gevolg van gemeenskap tussen n Israeliet en n Afrikaner, n kind verwek word, sou die kind, onder die (ou verbond), n baster gewees het. So, ongeag wat sommige mense vandag as basters wil beskou, in die Woord is net kinders wat uit gemeenskap tussen n Israeliet en n persoon uit n ander volk gebore was, as basters beskou. Destyds, soos wat ek die Woord verstaan, was daar volgens die (ou verbond) wat die menseras aan betref, net twee soorte, of as jy wil, groepe mense op aarde. Daar was die Jode en daar was die Heidene. Die Jode het egter deur hulle ongehoorsaamheid kort-kort die verbond tussen hulle en ons Here verbreek en ons Here het toe n besluit geneem.

2 JER 31:31 Kyk, daar kom dae, spreek die HERE, dat Ek met die huis van Israel en die huis van Juda n nuwe verbond sal sluit; JER 31:32 nie soos die verbond wat Ek met hulle vaders gesluit het op dié dag toe Ek hulle hand gegryp het om hulle uit Egipteland uit te lei nie my verbond wat húlle verbreek het, alhoewel Ék gebieder oor hulle was, spreek die HERE. Wanneer het ons Here hierdie (nuwe verbond) tot stand gebring? Toe die mens absoluut in alle opsigte gereed gewees het vir hierdie (nuwe verbond). GAL 4:4 Maar toe die volheid van die tyd gekom het, het God sy Seun uitgestuur, gebore uit n vrou, gebore onder die wet, GAL 4:5 om die wat onder die wet was, los te koop, sodat ons die aanneming tot kinders kan ontvang. Daarom dan ook dat die skrywer van die boek aan die Hebreërs kon skryf. HEB 8:6 Maar nou het Hy n voortrefliker bediening verkry vir sover Hy ook Middelaar is van n beter verbond wat op beter beloftes wettelik gegrond is. HEB 8:7 Want as daardie eerste een onberispelik was, sou daar nie plek vir n tweede gesoek word nie. HEB 8:8 Want Hy berispe hulle en sê: Kyk, daar kom dae, spreek die Here, dat Ek met die huis van Israel en die huis van Juda n nuwe verbond tot stand sal bring, HEB 8:9 nie volgens die verbond wat Ek met hulle vaders gemaak het op die dag toe Ek hulle aan die hand geneem het om hulle uit Egipteland uit te lei nie; want hulle het nie gebly by my verbond nie, en Ek het hulle veronagsaam, spreek die Here. Net n paar verse verder skryf hy dan as volg. HEB 8:13 As Hy sê n nuwe verbond, het Hy die eerste oud gemaak; en wat oud word en verouder, is naby die verdwyning. Een van die groot redes waarom ons Here nie wou dat die Israeliete met die ander volke moes meng nie, soos ek die Woord verstaan, was omdat die Israeliete dan hulle rug op ons Here sou draai en ander gode aanbid. Dit het dan ook, keer op keer gebeur. Die nagevolge van n huwelik destyds tussen n Israeliet en n heiden was so tragies en verwoestend in die hand van satan, dat selfs die grote Salomo, van wie die Woord self sê, dat hy die slimste mens was wat ooit gelewe het. 1KON 3:11 En God het vir hom gesê: Omdat jy hierdie versoek gedoen het en nie vir jou n lang lewe begeer het en nie vir jou rykdom begeer het en nie die lewe van jou vyande begeer het nie, maar vir jou verstand begeer het om regsake te verhoor, 1KON 3:12 so doen Ek dan volgens jou woord: Kyk, Ek gee jou n wyse en verstandige hart, sodat een soos jy vóór jou nie gewees het en een soos jy ná jou nie sal opstaan nie.

3 Ja, ook die wyse Salomo was ten spyte van sy groot wysheid, toe hy ongehoorsaam aan ons Here maar in gehoorsaamheid aan satan, tog vir hom vroue uit ander volke geneem het, nie opgewasse teen die verwoestende en tragiese nagevolge van n vermenging tussen iemand uit die heilige volk van God en iemand wat nie deel van hierdie heilige volk van God gewees het nie. Soos ek gesê het, was die menseras in die ou Testamentiese tyd net in twee groepe verdeel. Die heilige volk van God naamlik Israel aan die eenkant en die heidene aan die anderkant. Toe kom die volheid van die tyd en God stuur Sy Seun om die hele wêreld te red. JHN 3:16 Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê. JHN 3:17 Want God het sy Seun in die wêreld gestuur nie om die wêreld te veroordeel nie, maar dat die wêreld deur Hom gered kan word. Ja, toe stap Jesus Golgota toe en word die offer wat elke mens in die wêreld wat dit wil doen, met God versoen. 1JHN 2:2 En Hy is n versoening vir ons sondes, en nie alleen vir ons s n nie, maar ook vir dié van die hele wêreld. Nou is almal wat Jesus aanneem as Verlosser en Saligmaker, kinders van God. JHN 1:12 Maar almal wat Hom aangeneem het, aan hulle het Hy mag gegee om kinders van God te word, aan hulle wat in sy Naam glo; Nou bestaan ons Here se heilige volk nie meer uit n sekere volk of etniese groep van die menseras nie KOL 3:9 Lieg nie vir mekaar nie, omdat julle die oue mens met sy werke afgelê het KOL 3:10 en julle jul met die nuwe mens beklee het wat vernuwe word tot kennis na die beeld van sy Skepper, KOL 3:11 waar daar nie Griek en Jood, besnedene en onbesnedene, barbaar, Skith, slaaf, vryman is nie, maar Christus is alles en in almal. Nou moet ons wat Jesus aangeneem het as Verlosser en Saligmaker, ons wie Sy kinders is, mooi daarop let, dat soos wat Israel in die ou Testamentiese tyd ons Here se Heilige volk gewees het, is ons wat Jesus aangeneem het as Verlosser en saligmaker, deur die (Nuwe verbond) ons Here se heilige volk. 1PET 2:9 Maar julle is n uitverkore geslag, n koninklike priesterdom, n heilige volk, n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig, 1PET 2:10 julle wat vroeër geen volk was nie, maar nou die volk van God is; aan wie toe geen barmhartigheid bewys is nie, maar nou bewys is. Nou, soos in die ou Testamentiese tyd is die menseras weer volgens ons Here, in twee

4 groepe verdeel, naamlik die gelowiges en die ongelowiges en weer, soos in die ou Testamentiese tyd, word ons, Sy Heilige volk, verbied om n huwelik aan te gaan met iemand wat nie deel van Sy heilige volk is nie. 2KOR 6:14 Moenie in dieselfde juk trek saam met ongelowiges nie, want watter deelgenootskap het die geregtigheid met die ongeregtigheid, en watter gemeenskap het die lig met die duisternis? 2KOR 6:15 En watter ooreenstemming het Christus met Bélial, of watter aandeel het die gelowige met die ongelowige? 2KOR 6:16 Of watter ooreenkoms het die tempel van God met die afgode? Want julle is die tempel van die lewende God, soos God gespreek het: Ek sal in hulle woon en onder hulle wandel, en Ek sal hulle God wees, en hulle sal vir My n volk wees. Ek kry gereeld pos van mense wat as gelowiges, n huwelik ingaan met n ongelowige en wat dan op, om dit lig uit te druk, n tragedie uitloop. In die meeste gevalle wat ek mee te doen kry, is dit Christen vroue wat hierdie fatale stap neem. Daarom pleit ek by mense wat my oor hulle verhoudings kontak. Moet nooit maar nooit jou hart aan iemand gee, voordat daardie persoon nie eers sy/haar hart aan Jesus gegee het nie. Moet ook groot asseblief nie redeneer, ek sal hom/haar na ons huwelik na ons Here lei nie. Daar is eenvoudig nie deur ons Here so n bediening vir die Christen gegee nie. Om dan jou vraag aan my op te som. Wat die Woord en daarom ook ons Here aanbetref, soos ek dit verstaan. Wat die Woord aanbetref en dan ook net wat die (ou verbond) aanbetref, is n baster iemand wat gebore was, toe daar gemeenskap tussen n Israeliet en n persoon van n ander volk/etniese groep plaasgevind het. Vandag sien ek as kind van ons Here deur dit wat ek in die Woord lees, nie meer n baster nie. Ek kyk om my en ek sien, die menseras bestaan uit twee groepe, naamlik gelowiges en ongelowiges en ek probeer na die beste van my vermoë help, om die Evangelie van Jesus by so veel ongelowiges as moontlik uit te kry. Sodat die ongelowiges, ongeag van kleur of volk/etniese groep hulle kan bekeer en ek hulle my broer en suster kan noem, omdat hulle, hoe heerlik, saam met my deel is van ons Here se Heilige volk. Hoe groot is die liefde van ons Here nie! Dit maak nie saak wie of wat ek gewees het nie maar as ek Jesus aanneem as my Verlosser en Saligmaker het ek die ewige lewe en kom nie in die oordeel nie. JHN 5:24 Voorwaar, voorwaar Ek sê vir julle, wie my woord hoor en Hom glo wat My gestuur het, het die ewige lewe en kom nie in die oordeel nie, maar het oorgegaan uit die dood in die lewe. Judas 1:24-25 Aan Hom nou wat magtig is om julle vir struikeling te bewaar en julle sonder gebrek voor sy heerlikheid te stel met gejuig,

5 25. aan die alleenwyse God, ons Verlosser, kom toe heerlikheid en majesteit, krag en mag, nou tot in alle ewigheid! Amen. Groete Sakkie Indien u hierdie e-pos lees en wel gereelde e-pos van my wil ontvang, stuur asseblief u volle e-pos adres in die subject box na sparsons@absamail.co.za Moet asseblief nie n leë e-pos stuur nie. Aangesien ek blind is en gebruik maak van n sagteware program waar die rekenaar met my praat, sal ek nie weet of dit n foto of leë e-pos is wat ek ontvang nie. In albei gevalle sal my rekenaar net stil bly.