Stadsbestuur Rhenen, (152)

Transcriptie

1 NT00152_752a Nadere Toegang op inv. nr 752a uit het archief van het Stadsbestuur Rhenen, (152) H.J. Postema Januari 2017

2 Inleiding Dit document bevat een complete transcriptie van inventarisnummer 752a. Dit inventarisnummer bevat zes akten van erfpachtbrieven waarbij de kerk van Rhenen tienden en een hofstede in erfpacht ontvangt. De akten dateren van Dit zijn de regesten 52, 55, 72, 92, 96 en

3 Transcriptie Regest Johan van Hemerten geeft aan de kerk van St. Cunera te Renen zijn tienden in erfpacht, gelegen in de Mersche en genaamd de Hemertsche tienden, tegen een penning 's jaars, daar men bier of brood voor kopen zal. Zegels van Johan van Hemerten en Aernt Bor van Hemerten. Transcriptie Ic Johan van Hemerten beken mit desen apene brieven voir mij ende mijnen erven dat ic in enen ewigen erfpacht gegeven heb inde inne erfpacht gheve der kerck Sint Kuneren te Renen mijnen tienden grof inde smal mit sinen tobehoren so hij inden Mersche gelegen is, geheten den Hemertschen tiende om enen penninc sjairs dairmen bier of broit om copen mach geheiten een deutken te betalen jairlix Martini ende wij Johan van Hemerten ende Mart 1 Bor van Hemerten geloven voir ons inde onsen erven elc voir all der kercke voirschreven van onser wegen een erfwair te wesen voir alle den des ten recht comen willen geviel dair inne gebrec, so bekennen wij voir ons ende onsen erven elc voir al sculdich te sijn Derk Jansz 2 van Renen hondert gouden Rijnsche gulden op alle goits, dat wij inde onsen erven hebbe werdie gelegen sij sonder argelist. Des te oirconde onsen segelen hier anhangende. Gegeven int jair ons Heren dusent vierhondert sessentnegentich sexta die mens martij. Regest Schout, burgemeesters, schepenen en raad der stad Renen verklaren, dat de St. Cunerakerk aldaar van het kapittel van St. Pieter te Utrecht in erfpacht ontvangen heeft een hofstede met een stuk land tot Lair en 8 mud zaad op Laireberch, tegen 1 gouden schild 's jaars. Transcriptie 1 Lezing van deze naam is onzeker. De eerste en de laatste letter zijn waarschijnlijk wel goed. 2 Lezing van beide namen is onzeker. 3

4 Wij schout, burgermeisters, scepen ende rait der stat van Renen maken kont allen luyden ende bekennen mit desen apene brieve voir ons ende onse nacomelingen dat voir ons gecomen is Henric Velkener, kerckmeister nu inder tyt, ende heeft bekent voir hem ende syn nacomelingen kerckmeyster te Renen dat hy totter kercken behoiff van Renen Sint Kuneren vander., deken ende capittel der kercken sinte Peters t Utrecht ontfangen heeft inne enen ewigen erffpacht alsulke landen eenen ende anderen als hier na benompt ende bescreven stain, te weten inden eersten een hoffstede gelegen tot Lair ende een stuc lans boven desen hofsteden ende boven Albert Heymerix soins nacomelingen, dair oistwerts naist gelant is Bartrait Conrait Tymeren soins wijff nacomelingen ende Evert Freyse, westwerts heer Dirc Bor Beyer mit eenre hofstede ende lande dat hy te eerfpacht halt van Jan Velkeners erfgenamen. Voirt noch acht mouder saits gelegen op Laireberch mit alle hoire wairscap die Johan van Hemert van ons ende onse kercken in pacht te hebben plach mit eggen ende mit eynden also als die gelegen ende hier nabescreven, bepailt sijn inden yersten een mouder saits ende stelt opten Caerwech 3, dair oistwerts naist gelant des gasthuis vicarie, westwerts Elyais Elis soon mit lande dat Henric Bor Dircx soins was van Amerongen. Item een mouder saits bij Mols Dal, dair oistwert naist leyt Evert Freys, westwerts heer Dirc Bor Beyer voirschreven mit lande dat Jans van Welde was. Item een scepel gelegen inden noirtoist sijde van dat suerslach dair alle die stucken lants opweynden die vanden Voshegge ende Doirn hegge opgain ende ain die andere side zuitwestwerts naist gelant is Goert Rolofs soin mit enen acker die sijns saliger vader was. Item die helfte van drie mouder saits gelegen bijde Galgenhegge, dair Evert Freys dat wederdele aff heeft dat heer Johans van Brouchuisen te wesen plach, dair oistwerst naist legen Capittel ter Horst ende Henric Lijster mit land dat sinen wijff ierst was, westwerts van Utrecht ende leyt van Heze nacomelingen mit lande dat Henric Mom te wesen plach. Item een halff mouder sait t einden dat suerslach dair oistwerts naist liggen Engbert Engberts mit lande dat..ts van Hoeven te wesen plach, westwerts Bor van Pluderen mit land dat sijns vaders was. Item dat sapel saits tenden die Beyershegge dair noirtoistwaarts naest leggen Engbert Engberts soins erve sij, zuitwestwaarts oic Engbert Engberts erven ende oir capittel selve. item een mud saits boven dvoorschreven stuc ende waynt 4 dat voorschreven stuc dair zuitwestwaarts naist leggen ende noirtoistwaarts am beyder syden Engbert Engberts erven mit lande dat van. plach. Item een scepel saits anden Duper. naist leijt Henric Beyers dochter mit erve dat Henric Bor Dircx soins was van Amerongen mit. side. erfgenamen Johan van kijnderen mit lande dat hair audre was. Item drie scepel saits dair zuitwaarts naist leget Evert Freyse... Johan van Renen Engbert Engberts erven ende Aelbert van Pluderen. Item noch dr wal boven vrij hout lanck. gulden mit zuitwaarts ende noirtwaarts naist gelegen sijn mit oiren landen. Om.. alsulcx payments als die eclesia van Utrecht dair voir.. sal ende ontfangen in tijt der betalingen. Te betalen jairlix ende alle jair ons of onsen capittelcamer inden tijt binnen Utrecht in onsen kercken voirscreven op sante Peters dach ad Cathedram naist comende of 3 Lezing onzeker. 4 Idem. 4

5 binnen eene maent dair nair.. onbegrepen sonder enige afcortinge ons voirschreven pachts oic hoe ende in wat manieren dattet tocomen mocht. Mit alsulke voirwairden dat desen voirgenoemden erfpacht.. Henrick Valkenaer, kercmeister voirschreven doot ende bliven sel ander kercke sinte Cuneren tot Renen voirgenoemd so dat een ander kercmeister tot Renen dan inder tijt sal comen. hoorn capittelhuis binnen enen jair ende sess weken naist. sons van vaders doot of. ende minen van ons nie[uwe] brieven in.. all. ende begrepen.. Des der kercken van als dair. costen sal enen Francrixschen schilt payments voirschreven ende dair sal een dair off van den schout ende scepen tot Renen of anders wair voir wij.. geestlic off weerlic binnen Utrecht of buten Utrecht sellen oir dat hij dit voirschreven lant van den deken ende capitel voirschreven in erfpacht ontfangen in manieren als dese brieff inhout ende ander egeen recht noch toseggen dair an en heeft, ende also voirt van kerckmeyster tot kercmeister ende voirt sijne vorwerden ende Henrick Velkener kercmeister voirschreven heeft bekent voir hem ende sijn nacomelingen kercmeisters indertijt tot Renen dat sij dit voirschreven lant noch erfpcht.. mogen noch vercopen versetten noch versellen ten sij bij consent ende wille des dekens ende capittels voirschreven tsint Peters voirschreven. sijn vorwerden wair heit dat Henric Velkener, kercmeister voirschreven, ende sijn nacomelingen kercmeisters inder tijt te Renen desen voirgenoemde erfpacht alle jair opten termijn voirschreven den deken, capittel of. inden tijt met vol ende all en betaelden ende alle dese voirschreven puncten ende voirwairden niet en hielden noch en voldeden enich van allen gebruecken. sij van allen recht ende toeseggen dat sij hadden of hebben mochten anden erffpacht voirschreven. Ende so quam dese voirschreven erfpacht weder loff, vrij ende ledich anden kercke Sint Peters t Utrecht hoiren vrijen wil dair mede te doen deken ende capittel also ver als sij dit versuim.. weder. wouden ende anders niet, beheltelic oic noch tans alle hoir verschenen pachts die hem dan dair off afterstallich wair. den die kercmeister voirschreven inder tijt nochtans mit alsulken cost aldair dan ge..nen sal mit hoiren simpelen woirden vel ende al betalen souden sonder enige wederseggen. Sonder al arch en list. In kennisse van want Henric Velkener kercmeister voirschreven dit voir hem ende sijn nacomelingen kercmeister to Renen aldus bekant heeft in erfpacht dese landen ende tobehoiren voirschreven ontfangen te hebben tot der kercken sint Kuneren behoif. desen ten capitell tsint Peters tutrecht ende heer Bor Beyer in erfpacht had had. van scout. scepen. der stat van Renen. Gegeven int jair ons Heeren dusent vier hondert een ende dach inden maent van junio. Regest Het kapittel van St. Pieter te Utrecht vernieuwt de erfpacht der goederen indertijd aan nu wijlen Heijnrick Valkenair, kerkmeester der St. Cunera kerk te Renen, ten behoeve dier kerk gegeven, zijnde dit verzoek tot vernieuwing binnen den bepaalden tijd door Willem Beyer, kerkmeester aldaar, gedaan. 5

6 Transcriptie Wij deken ende capittel der kercke sint Peters t Utrecht doen kondt ende kennelijk allen luijden dat voir ons gecomen is der eerbaeren Willem Beijer, kerckmeijster inder tijt der parochie kercke Sanct Cunera binnen Renen ende heeft aen ons versocht tot der kercke Sanct Cunera behoeff nae dode van Heynrick Valkenair, kerckmeijster van sinte Cunera voirschreven sijn voirsaet binnen jair ende dach als hij was te doen vander voirschreven kercken wegen sekere landen erven ende gueden als hier naebescreven ende bepaelt staen ende Heijnrick Valkenair als kerckmeijster voirschreven tot Sancte Cunera behoeff te voerens van ons ende onser kercke in enen ewijgen erffpacht ontfangen hadde, the weten inden yersten een hoffstede gelegen tot Laer, ende een stuck lants boven dese hoffstede ende boven Alert Heynrick zoens erffgenamen ofte nacomelingen, dair oestwaert naestgelant is Bertout Coenraet Huedensoens wijffs nacomelingen ende Evert Freyss, westwaert heren Dyrck Bor Beyer mit eenre hoffstede ende lande dat hij te erffpacht hout van Jan Valckenaers erffgenamen, voirt noch acht mouder saits gelegen op Laerenberch mit alle hoir waerschap, die Johan van Hemert van ons ende onser kercken in pacht te hebben plach mit eggen ende mit eynden alsoe als die gelegen ende hier naebescreven bepaelt sijn, inden yersten een mouder saets ende stelt opten Kaerwech, dair oestwaerts naestgelant is des gasthuijs vicarie, westwert Elijas Elijs zoen mit lande dat Heynrick Bor Dyrck zoens was van Amerongen. Item een molder saits bij Mols dall, daer oestwaert naestleget Evert Freijs, westwert heren Dyrck Bor Beijer voirschreven mit lande dat Jans van Welde was. Item een scepel gelegen aenden noertoestzijde van dat Cromesairslach daer alle die stucken lants op weijnden die vanden Voshegge ende Doernhegge opgaen ende aen die ander sijde zuijtwestwert naestgelant is Geryt Roelofsz mit eenen acker die sijns oude vaders was. Item die helft van drie mouder saets gelegen bijden Galgenhegge daer Evert Freijs dat wederdeele off heeft dat heeren Johans van Broeckhuijsen te wesen plach, dair oestwert naestleget die capel ter Horst ende Heynrick Lijster mit lande dat Hermen Blijffiers was, westwert mijn heeren van Utrecht ende Lent van Heze nacomelingen mit lande dat Heynrick Monix te wesen plach. Item een halff mouder saets tenden dat Sneeslach daer oestwert naest leggen Engbert Engberts erven mit lande dat Gherijts van Hoeve te wesen plach, westwert Bor van Pluderen mit lande dat sijns vaders was. Item drie scepel saets tenden der Brueckhegge dair noertoestwerts naest leggen Engbert Engbertsz erven ende zuijtwestwerts oick Engbert Engbertsz erven ende ons capittel selve. Item een mud zaets boven dat voirschreven stuck ende weijnt op dit voirschreven stuck daer zuijtoestwerts naestleggen ende noordoestwerts aen beijden zijden Engbert Engbertsz erven mit lande dat Gherijts van Hoeve te wesen plach. Item een scepel saets aenden Dieperhegge, dair noertwert naestleijt Heynrick Beijers dochter mit erve dat Heynrick Bor Dyrcxsz was van Amerongen, zuijtwert aen die ander zijde Gherijt Roelofsz erffgenamen, Johan van Renen ende Jan Beijers kijnderen mit lande dat hoiren ouderen was. Item drie scepel zaets, dair zuijtwert naistleget Evert Freijs ende noertwert Engbert Engbertsz erven. Item een mouder saets geheten dat Steltstuck daer oestwert naestleggen Johan van Rhenen ende Engbert Engbertsz erven ende 6

7 Aelbert van Pluderen. Item noch boven die wal boven Broickhagen vier hont lants ten minsten dair wij deecken ende capittel voirgenoemt zuijtwert ende noertwert naestgelegen zijn mit onse landen welcke voirschreven landen ende gueden wij deken ende capittel voirschreven ter stont wederomme verlijt ende verleent hebben, verlijen ende verlenen mit desen onsen brieve Willem Beijer voirschreven tot behoeff die parochie kercke van sancte Cunere voirschreven in enen ewygen erffpacht om enen goeden gouden Vranckrijcxschen schilt sjaers alsulcks payements als die ecclesie van Utrecht gemeenlick dair voir boeren sal ende ontfangen in elcke tijt der betalinge. The betaelen jairlicx ende alle jair ons ofte onsen cameraer inder tijt binnen Utrecht in onser kercke voirschreven op Sinte Peters dach ad Cathedram nu naistcomende off binnen eenen maent daer nae ombegrepen ende alsoe voert jairlicx ewelick ende erffelick sonder enyge affcortinge ons voirschreven pachts oick hoe ende in wat manieren dattet toecomen mochte, mit alsulcke voorwaerden dat dese voirgenoemden erffpacht nae Willem Beyers kerckmeijsters voirschreven doot comen ende blijven sal aenden kercke Sanct Cunera tot Renen voirschreven soe dat een ander kerckmeijster tot Renen dan inder tijt comen sall t Utrecht in onse capittelhuijs binnen een jaer ende sess weken nae doode sijns voirvaeders eijsschen ende nemen van ons nije brieven inhoudende alle punten die desen brieff inhout ende begrepen heeft des der kerck van als dan sanct Cuneren costen sall enen Vranckrijcxschen schildt payements voirschreven ende dan sall die kerckmeijster een recognitie doen ende belijdinge voirden officiael van Utrecht off voirden schout ende scepenen tot Renen off anders wair voir wat rechter ofte gerichte dat wij willen, geestelick off weerlick, binnen off buijten Utrecht, soe wair ons dat beste genuecht dat hij dit voirschreven lant van ons deecken ende capittel voirschreven in erffpacht als voirschreven staet ontfangen heeft ende anders geen recht noch toeseggen dair aen en heeft ende alsoe voert van kerckmeijster tot kerckmeijster. Ende voort sijnt voirwaerde ende Willem Beyer kerckmeijster voirschreven heeft bekent voir hem ende sijnen nacomelingen kerckmeijsteren inder tijt tot Renen dat sij dit voirschreven lant ende erffpacht aen nijemant anders en sullen moegen brengen, vercopen, overgheven, versetten noch versellen then sij bij consent ons dekens ende capittels. Noch sijnt voirwaerden waert saicke dat Willem Beijer, kerckmeijster voirschreven, off sijnen nacomelingen kerckmeijsteren inder tijt te Renen desen voirgenoemden erffpacht alle jair opten termijn voirschreven ons off onsen cameraer inder tijt nijt vol ende al en betaelde ende alle dese voirschreven punten ende voirwaerden nijet en hielden noch en voldeden off enich van allen verbraicken soe vielen sij rechtevoert van allen rechts ende toeseggens dat sij hadden off hebben mochten aenden erffpacht voirschreven ende soe quaem dan dese voirschreven erffpacht weder loss, vrij ende ledich aen onser kercke voirschreven onsen vrijen wille daer mede te doen alsoe verre als wij die versuijmenisse weder aen ons nemen willen ende anders nijet, behoudelick ons nochtans alle ons versetens pachts die ons dan dair off afterstallich wair den die kerckmeijsteren inder tijt nochtans mit alsulcken cost als onse boden dairomme deden desmen hem dan geloven sall mit horen simpelen woirden vol ende all betaelen sullen sonder enich wederseggen, end sonder alle arch end list. In kennisse der wairheijt hebben wij deken ende capittel voirschreven desen brieff mit ons capittels segel doen besegelen. Gegeven int jaer ons Heren duijsent vijffhondert tweendertich den soevenden dach in januario. 7

8 Regest stilo veteri. Deken van het kapittel van St. Pieter te Utrecht geeft aan Aert van Eck, kerkmeester der parochiekerk van St. Cunera te Rhenen ten behoeve dier kerk in erfpacht enige percelen land onder Laer, Larenborch, Molsdall, bij de Galgenhegge en elders, jaarlijks tegen 2½ gouden Frankrijkse schilden. Transcriptie Wij deken ende capittle der kercke sint Peters t Utrecht doen condt ende kennelijk allen luijden dat wij in enen ewygen erffpacht verlijt ende verleent hebben, verlyen ende verleenen mitsdesen Aert van Eck als kerckmeijster inder tijdt der parochie kercke van sinte Cunera binnen Rhenen ende tot behoeff vande voorseijde kercke dese navolgende parchelen van landen ende erven, te weten inden eersten een hofstede gelegen tot Laer, ende stuck lants boven dese hoffstede ende boven Alert Henricxsz erffgenamen ofte naecomelingen, dair oestwaert naestgelant is Bertout Coenraet Huedensoons wijffs naecomelingen ende Evert Freyss, westwaert heren Dirck Bor Beijer mit eenre hoffstede ende lande dat hij te erffpacht hout van Jan Valcknairs erffgenamen, voorts noch acht mouder saits gelegen op Larenborch mit alle hoir waerschap, die Johan van Hemert van ons ende onse kercke in pacht te hebben plach, myt eggen ende myt eynden alsoe als die gelegen ende hier naebescreven bepaelt zijn, inden eersten een mouder saets ende stelt opden Keijerwech, daer oestwaerts naest gelandt is des gasthuijs vicarie, westwaert Elijas Elijs soon met landen dat Henrick Bor Dircxsz was van Amerongen. Item een molder saets bij Molsdale, daer oestwaert naestleget Evert Freijs, westwaert heren Dick Bor Beijer voorschreven mit lande dat Jans van Welde was. Item een scepel gelegen aende noortoostsijde van dat Cromesairslach daer alle die stucken landts op weijnden die vanden Voshegge ende Doornhegge opgaen ende aen die ander sijde zuijdtwestwaert naestgelant is Gerrit Roelofsz mit eenen acker die sijns oude vaeders was. Item die helft van drie mouder saets gelegen bijden Galgenhegge daer Evert Freijs dat wederdeele off heeft dat heeren Johans van Broeckhuijsen te wesen plach, daer oestwaert naestleget die capel ter Horst ende Henrick Lijster mit lande dat Henrick Blijffiers was, westwaert mijn heeren van Utrecht ende Lent van Heze naecomelingen mit lande dat Henrick Monicx te wesen plach. Item een halff mouder saets tenden dat Sneeslach daer oestwaert naest leggen Engbert Engberts erven mit lande dat Gerijts van Hoeve te wesen plach, westwaert Bor van Pluderen mit lande dat sijns vaders was. Item drie schepel saets tenden der Brueckhegge daer noortoostwaerts naest gelegen Engbert Engbertsz erven ende zuijdtwestwaerts oick Engbert Engbertsz erven ende ons capittel selve. Item een mud saets boven dat voorschreven stuck ende weijnt op dit voorschreven stuck daer zuijdtoostwaerts naestleggen ende noordoostwaerts aen beijden sijden Engbert Engbertsz erven mit lande dat Gerijts van Hoeve te wesen plach. Item een scepel saets aenden Diepehegge, daer noortwaerts naestleijt Henrick Beijers dochter mit erve dat Henrick 8

9 Bor Dircxsz was van Amerongen, zuijtwert aen die ander sijde Gerijt Roelofsz erffgenamen, Johan van Renen ende Jan Beijers kijnderen mit lande dat hoeren ouderen was. Item drie scepel saets, daer suijdtwaert naestleget Evert Freijs ende noortwaert Engbert Engbertsz erven. Item een mouder saets geheten dat Steltstuck daer oestwaert naestleggen Johan van Rhenen ende Engbert Engbertsz erven ende Aelbert van Pluderen. Item noch boven die wal boven Broeckhagen vier hont lants ten minsten daer wij deecken ende capittel voorgenoemt suijdtwaerdt ende noortwaert naestgelegen sijn mit onse landen welcke voorschreven landen ende gueden Henrick Lijster wijlen kerckmeester der voorschreven parochie kercke van ons in erffpacht gehouden ende gebruijckt heeft jaerlicx ende alle jaer om twee goede goude Vranckrijcxsche schilden ende een halve alsulcx payements als die kercke van Sint Peters voorschreven gewoonlick es daer voor te bueren ende ontfangen in elcke tijt der betalinge te betaelen jaerlicx ende alle jair ons ofte onsen cameraer inder tijt binnen Utrecht in onser kercke voorschreven op Sinte Peters dach ad Cathedram nu naestcomende off binnen een maendt daer nae onbegrepen ende alsoe voort jaerlicx ewelick ende erffelick sonder enige affcortinge ons voorschreven pachts oick hoe ende in wat manieren dattet toecomen mochte, mit alsulcke voorwaerden dat dese voornoemden erffpacht nae Aert van Eck kerckmeijsters voorschreven doot comen ende blijven sall aenden kercke Sanct Cunera voorschreven soe dat een ander kerckmeijster tot Rhenen dan inder tijt comen sall tot Utrecht in onsen capittel huijs binnen een jaer ende ses weecken nae dode sijns voorvaeders eijsschen ende nemen van ons nije brieven inhoudende alle poincten die dese brieff inhout ende begrepen heeft des der kerck van als dan sanct Cuneren costen sall eenen Vranckrijcxschen schildt payements voorschreven ende dan sall die kerckmeijster een recognitie doen ende belijdinge voorden officiael van Utrecht off voorden schout ende schepenen tot Rhenen off anders wair voor wat rechter ofte gerichte dat wij willen, geestelick off weerlick, binnen off buijten Utrecht, tot waer ons dat beste genuecht dat hij dit voorschreven landt van ons deecken ende capittel voorschreven in erffpacht als voorschreven staet ontfangen heeft ende anders geen recht noch toeseggen daer aen en heeft ende alsoe voort van kerckmeijster tot kerckmeijster. Ende voort sijnt voorwaarden ende Aert van Eck kerckmeijster voorschreven heeft bekendt voor hem ende sijnen naecomelingen kerckmeijsteren inder tijt tot Rhenen dat sij dit voorschreven landt ende erfpacht aen nijemant anders en sullen mogen brengen, vercopen, overgeven, versetten noch versellen ten sij bij consent ons deeckens ende capittels. Noch sijnt voorwaerden waert saecke dat Aert van Eck, kerckmeijster voorschreven, off sijn nacomelingen kerckmeijsteren inder tijt te Rhenen desen voorgenoemden erffpacht alle jaer opten termijn voorschreven ons off onsen cameraer inder tijt nijet vol ende all en betaelde ende alle dese voorschreven punten ende voorwaerden nijet en hielde noch en voldeden off eenich van allen verbraecken soe vielen sij rechtevoort van allen rechts ende toeseggens dat sij hadden off hebben mochten aenden erffpacht voorschreven ende soo quaem dan desen voorschreven erffpacht weder los, vrij ende ledich aen onser kercke voorschreven onsen vrijen wille daer mede te doen alsoe verre wij die versuijmenisse weder aen ons nemen willen ende anders nijet, behoudelick ons nochtans alle ons versetens pachts die ons dan daer off afterstallich waer den die kerckmeijsteren inder tijdt nochtans mit alsulcken cost als onse boden daeromme deden desmen 9

10 hem dan geloven sall mit horen simpelen woorden voll ende all betaelen sullen sonder enich wederseggen, end sonder alle arch end list. In kennisse der waerheijt hebben wij deecken ende capittele voorschreven desen brieff met ons capittels segell doen besegelen. Gegeven int jaer ons Heeren duijsent vijff hondert vijff ende tachtich, opden twalfden dach novembris stil veteri. Regest Het kapittel van St. Pieter te Utrecht geeft aan Henrick Lijster, als kerkmeester der parochiekerk van St. Cunera te Rhenen in erfpacht enige percelen land onder Laer, Larenberch, Molsdall, bij de Galgenhegge en elders, jaarlijks tegen 2½ gouden Frankrijkse schilden. Transcriptie Wij deecken ende capittle der kercken sint Peters t Utrecht doen condt ende kennen allen luijden dat wij in eenen ewigen erffpacht verlijt ende verleent hebben, verlijden ende verlenen mitsdesen Henrick Lijster als kerckmeijster inder tijdt der parochie kercke sinte Cunera binnen Rhenen ende tot behoeff vanden voorseijde kercke dese naevolgende parcelen van landen ende erven, te weten inden eersten een hoffstede gelegen tot Laer, ende een stuck landts boven desen hoffstede, ende boven Alert Henricksz erffgenamen ofte nacomelingen, daer oestwaert naestgelant is Bertout Coenraet Huedensoons wijff nacomelingen ende Evert Freyss, westwaert heren Dirck Bor Beijer mit eenre hoffstede ende lande dat hij te erffpacht hout van Jan Valckenaers erffgenamen, voorts noch acht mouder saits gelegen op Laerenberch mit alle hoir waerschap, die Johan van Hemert van ons ende onser kercke in pacht te hebben plach, mit eggen ende mit eijnden alsoe als die gelegen ende hier naebescreven bepaelt zijn, inden eersten een mouder saets ende stelt opden Keijerwech, daer oestwaerts naestgelandt is des gasthuijs vicarie, westwaert Elijas Elijs soen met landen dat Henrick Bor Dircx soens was van Amerongen. Item een mouder saits bij Molsdale, daer oestwaert naestleget Evert Freijs, westwaert heren Dick Bor Beijer voerschreven mit lande dat Jans van Velde was. Item een scepel gelegen aenden noortoostzijde van dat Cromesairslach daer alle die stucken landts op weijnden die vanden Voshegge ende Doornhegge opgaen ende aen die ander zijde zuijtwestwaert naestgelandt is Gerrit Roelofsz mit eenen acker die zijns oude vaeders was. Item die helft van drie mouder saets gelegen bijde Galgenhegge daer Evert Freijs dat wederdeele off heeft dat heeren Johans van Broeckhuijsen te wesen plach, daer oestwaert naestleget die capel ter Horst ende Henrick Lijster mit lande dat Henrick Blijffiers was, westwaerts mijn heeren van Utrecht ende Lent van Heze nacomelingen mit lande dat Henrick Monicx te wesen plach. Item een halff mouder saets tenden dat Sneeslach daer oestwaert naest leggen Engbert Engberts erven mit lande dat Gerijts van Hoeve te wesen plach, westwaert Bor van Pluderen mit lande dat sijns vaders was. Item drie schepel saits tenden der Brueckhegge daer 10

11 noortoestwaert naest leggen Engbert Engbertsz erven ende zuijdtwestwaert oeck Engbert Engbertsz erven ende ons capittel selve. Item een mud saets boven dat voorschreven stuck ende weijnt op dit voorschreven stuck daer zuijdtoestwaert naestleggen ende noordoestwaert aen beijden zijden Engbert Engbertsz erven mit lande dat Gerijts van Hoeve te wesen plach. Item een scepel saets aenden Diepehegge, daer noortwaert naestleijt Henrick Beijers dochter mit erve dat Henrick Bor Dircxsz was van Amerongen, zuijtwaert aen die ander zijde Gerijt Roelofsz erfgenamen, Johan van Rhenen ende Jan Beijers kijnderen mit lande dat hoeren ouderen was. Item drie scepel saedts, daer zuijtwaert naestleget Evert Freijs ende noortwaert Engbert Engbertsz erven. Item een mouder saets geheten dat Steltstuck daer oestwaert naestleggen Johan van Rhenen ende Engbert Engbertsz erven ende Aelbert van Pluderen. Item noch boven die wal boven Broeckhagen vier hont landts ten minsten daer wij deecken ende capittel voornoemd zuijdtwaert ende noortwaert naestgelegen zijn mit onse landen welcke voerschreven landen ende gueden Willem Beijer wijlen kerckmeester der voorschreven parochiekercke van ons in erffpacht gehouden ende gebruijckt heeft jaerlicx ende alle jaer om twee goede goude Vranckrijcxschen scilden ende een halve alsulcx paijements als die kercke van Sint Peters voorschreven gewoonlick es daer voor te beuren ende ontfangen in elcken tijdt der betaelinge te betaelen jaerlicx ende alle jaer ons ofte onser cameraer inder tijdt binnen Utrecht in onser kercke voorschreven op Sinte Peters dach ad Cathedram nu naestcomende off binnen een maent daer nae onbegrepen ende alsoe voort jaerlicx ewelick ende erffelick sonder enige affcortinge ons voorschreven pachts oeck hoe ende in wat manieren dattet toecomen mochte, mit alsulcke voorwaerden dat desen voornoemden erffpacht nae Henrick Lijsters kerckmeijsters voorschreven doot comen ende blijven sall aenden kercke Sanct Cunera voorschreven soe dat een ander kerckmeijster tot Rhenen dan inder tijdt comen sall tot Utrecht in onsen capittel huijs binnen een jaer ende ses weecken nae dode zijns voorvaeders eijsschen ende nemen van ons nije brieven inhouden alle poincten die desen brieff inhout ende begrepen heeft dat den kerck van als dan sanct Cuneren costen sall eenen Vranckrijcxschen schildt paijements voorschreven ende dan sall die kerckmeijster een recognitie doen ende belijdinge voorden officiael van Utrecht off voorden schout ende schepenen tot Rhenen off anders wair voor wat rechter ofte gerechte dat wij willen, geestelick off weerlick, binnen off buijten Utrecht, soe waer ons dat beste genuecht dat hij dit voorschreven landt van ons deecken ende capittel voorschreven in erffpacht als voorschreven staet ontfangen heeft ende anders geen recht noch toeseggen daer aen en heeft ende alsoe voort van kerckmeijster tot kerckmeijster. Ende voort sijnt voorwaarden ende Henrick Lijster kerckmeijster voorschreven heeft bekent voor hem ende zijnen nacomelingen kerckmeijsteren inder tijdt tot Rhenen dat sij dit voorschreven landt ende erfpacht aen nijemant anders en sullen mogen brengen, vercopen, overgeven, versetten noch versellen ten zij bij consent ons deeckens ende capittels. Noch zijnt voorwaerden waert zaecke dat Henrick Lijster, kerckmeijster voorschreven, off zijn nacomelingen kerckmeijsteren inder tijdt te Renen desen voorgenoemden erffpacht alle jaer opten termijn voorschreven ons off onsen cameraer inder tijdt nijet vol ende all en betaelde ende alle dese voorschreven punten ende voorwaerden nijet en hielde noch en voldeden off enich van allen verbraecken soe vielen zij rechtevoert van allen rechts ende 11

12 toeseggens dat sij hadden off hebben mochten aenden erffpacht voorschreven ende soo quaem dan desen voorschreven erffpacht weder los, vrij ende ledich aen onser kercke voorschreven onsen vrijen wille daer mede te doen alsoe verre als wij die versuijmenisse weder aen ons nemen willen ende anders nijet, behoudelick ons nochtans alle ons versetens pachts die ons dan daer off afterstallich waer den die kerckmeijsteren inder tijdt nochtans mit alsulcken cost als onse boden daeromme deden desmen hem dan geloven sall mit horen simpelen woorden voll ende all betaelen sullen sonder enich wederseggen, end sonder alle arch end list. In kennisse der waerheijt hebben wij deecken ende capittele voorschreven desen brieff met ons capittels segell doen besegelen. Gegeven int jaer ons Heeren duijsent vijff hondert acht ende tzeventich, opden thienden dach aprilis. Regest oude stijl Het kapittel van St. Pieter te Utrecht geeft aan Gerard Clercq, burgemeester, als kerkmeester der parochiale kerk van St. Cunera te Rhenen, ten behoeve dier kerk, in erfpacht enige percelen land onder Laer, Larenberch, en elders, jaarlijks tegen 2½ gouden Frankrijksche schilden. Transcriptie Wij deken ende capittel der kercke St. Peters t Utrecht doen cond eenen ijegelijck dat wij in eenen ewigen erfpacht verlijdt ende verleent hebben, verlijen ende verlenen mitsdesen den edele heere Gerard Clercq, borgemeester als kerckmeester inder tijt der parochiekercke van St. Cunera binnen Rhenen, ende tot behoeff vande voorseijde kercke dese naebeschreven parcelen van landen ende erven alse inden eersten een hoffstede gelegen tot Laer ende een stuck lants boven dese hoffstede ende boven Evert Henricxsz erfgenamen ofte nacomelingen, daer oostwaert naest gelant is Bartout Coenraet Hondersoons wijffs nacomelingen ende Evert Freijs, westwaerts heeren Dirck Bor, beijde mit eene hoffstede ende landen dat hij ten erfpacht hout van Jan Valckenaers erfgenamen. Voorts noch acht mouder saets gelegen op Larenborch mit alle hoir waerschap die Johan van Hemert van ons ende onse kercke in pacht te hebben plach mit eggen ende mit eijnden, alsoo als die gelegen ende hier naebeschreven bepaelt sijn, inden eersten een mouder zaets ende stelt op die Keijerwegh, daer oostwaert naest gelant is des gasthuijs vicarie, westwaert Elias Eliasz met lande dat Henrick Bor Dircksz was van Amerongen. Item een molder saets bij Molsdal, daer oostwaert naest leght Evert Freijs, westwaert heer Dirck Bor, beijde voorschreven mit lande dat Jans vande Velde was. Item een schepel gelegen aende noortoostsijde van dat Cromesaerslaech daer alle die stucken lants op weijden die vanden Voshegge ende Doornhegge opgaen ende aen die ander sijde suijdwestwaert naest gelant is Gerrit Roelofsz mit een acker die sijns oude vaders was. Item die helft van drie mouder saets gelegen bij de Galgenhegge daer Evert Freijs dat wederdele of heeft dat heer Johans van Broeckhuijsens te 12

13 wesen plach, daer oostwaert naest geleget die capel ter Horst ende Henrick Lijster mit lande dat Henrick Blijfiers was, westwaerts mijn heeren in Utrecht ende Lent van Heze nacomelingen mit lande dat Hendrick Monicx te wesen plach. Item een half mouder saets t einden dat Snellach daer oostwaert naest leggen Engbert Engberts erven mit lande dat Gerrits van Hoeve te wesen plach, westwaert Bor van Pluderen mit lande dat sijns vaders was. Item drie schepel saets tenden dat Breuckhegge daer noort oostwaert naest gelegen Engbert Engbertsz erven ende suijdwestwaert oock Engbert Engbertsz erven ende ons capittel selve. Item een mudt zaets boven dat voorschreven stuck ende weijndt op dit voorschreven stuck daer suijdoostwaert naest leggen ende noordoostwaert aen beijden sijden Engbert Engbertsz erven mit lande dat Gerrits van Heere te wesen plach. Item een schepel saets aenden Diepthegge dair noortoostwaert naest leijt Henrick Beijers dochter mit erve dat Henrick Bor Dircxsz was van Amerongen, zuijdtwaert aen die ander sijde Gerrit Roelofsz erfgenamen, Johan van Rhenen ende Jan Beijers kinderen mit lande dat heuren ouderen was. Item drie schepel saets, dair zuijdwaert naest geleget Evert Freijs ende noortwaert Engbert Engbertsz erven. Item een mouder saets geheten dat Steltstuck daer oostwaert naest leggen Jan van Rhenen ende Engbert Engbertsz erven ende Albert van Pluderen. Item noch boven die wal boven Broeckhusen vier hond lants ten minsten daer wij deken ende capittel voornoemd zuijdwaert ende noortwaert naest gelegen sijn mit onse landen welcke voorschreven landen ende gueden Aert van Eck zaliger als kerckmeester der voorschreven parochiekercke van ons ten erfpacht gehouden heeft jaerlicx ende alle jaer om twee goede goude Vranckrijcksche schilden ende een halve alsulx paeyements als die kercke van St. Peter voorschreven gewoonlick is daer voor te ontfangen in elcke tijt der betalinge te betalen jaerlicx ende alle jaer ons ofte onse cameraer inder tijt binnen Utrecht in onser kercke voorschreven op St. Peters dach ad Cathedram nu naestcomende off binnen een maent daer nae onbegrepen ende alsoo voort jaerlicx ewelick ende erffelick sonder eenige afkortinge ons voorschreven pachts hoe en op wat manieren dat het toecomen mochte, mit alsulcke voorwaerden dat desen voornoemden erfpacht nae dode vanden voornoemden Gerard Clerck inder tijt kerckmeester komen ende blijven sall aenden kercke Sanct Cunera voorschreven soo dat een ander kerckmeester tot Rhenen dan inder tijt comen sall tot Utrecht in onsen capittelhuijs binnen een jaer ende ses weken nae dode sijns voorsaets eijsschen ende nemen van ons nieuwe brieven luijdende als desen twelck de kercke St. Cunera alsdan kosten sall eenen Vranckrijckschen schildt paeyements voorschreven ende dan sall die kerckmeester een recognitie doen voir den gerechte van Utrecht off voir schout ende schepenen tot Rhenen off elders daer het ons believen sall ende daer bij bekennen dat hij dit voorschreven lant van ons deken ende capittel voorschreven in erfpacht als voorschreven staet ontfangen heeft ende anders geen recht noch toeseggen daer aen te hebben ende alsoo voort van kerckmeester tot kerckmeester voor sijnt voorwaarden ende d heere Gerard Clercqh kerckmeester voorschreven heeft bekent voir hem ende sijne nacomelingen kerckmeesters inder tijt tot Rhenen dat sij dit voorschreven lant ende erfpacht goet aen niemand anders en sullen mogen brengen vercopen overgeven versetten noch versellen als bij consent van ons deken ende capittel voorschreven. Noch sijnt voorwaarden waert saecke dat d heere Gerard Clerck voorschreven off sijne nacomelingen 13

14 kerckmeesters inder tijt tot Rhenen desen voornoemden erfpacht alle jaer opten termijnen voorschreven ons off onsen cameraer inder tijt niet voll ende all en betaelden ende alle dese voorschreven poincten ende voorwaerden niet en hielden noch en voldeden off enich van allen verbraecken soe vielen sij rechtevoert van allen rechte ende toeseggens dat sij hadden off hebben mochten aenden erfpacht voorschreven ende soo quam dan desen voorschreven erfpacht weder los, vrije ende ledich aen onser kercke voorschreven onsen vrijen wille daer mede te doen alsoo verre wij die versuijmenisse weder aen ons nemen wilden ende anders niet, behoudelijck ons nochtans alle ons versetens pachts die ons dan daeroff afterstallich ware d welcke die kerckmeesters inder tijt nochtans mit alsulcken cost als onse boden daer omme deden desmen hen dan geloven sall mit haeren simpelen woorden voll ende all betalen sullen sonder enich wederseggen ende sonder arch ofte list. In kennisse der waerheijt hebben wij deken ende capittel voorschreven desen brieff met ons capittels zegel doen bezegelen. Gegeven int jaer ons Heeren duesent ses hondert negenenveertich op den XXIII dach van augustus nae den olden stijlle. 14