LAERSKOOL MIKRO. Spruitstraat, Kuilsrivier, 7580 Tel: (021) * Faks: (021)

Transcriptie

1 LAERSKOOL ededeelsaamheid * ntegriteit * MIKRO reatiwiteit * espek * Spruitstraat, Kuilsrivier, 7580 Tel: (021) * Faks: (021) mikro@iafrica.com mgee

2 BLADSY Ons skool se visie en missie 1 Die Geskiedenis van Laerskool Mikro 4 Skoolwapen en -leuse 6 Skoollied 7 Ons gedragskode 7 Ons toelatingsbeleid 11 Kurrikulêre bedrywighede 13 Buitemuurse bedrywighede 14 Ouerbetrokkenheid 15 Skakeling met Skoolhoof en Personeel 15 Klerewinkel 16 Skooldrag 17 Sportdrag 18 Nasorgdiens 20 Skoolure 21 Ander Inligting 22 Die Geskiedenis van Kuilsrivier 23

3 Hartlik welkom by Laerskool Mikro! Dit is ons opregte wens dat u as ouer(s) en leerder(s) 'n baie aangename verbintenis met hierdie skool sal hê. SKOOLHOOF EN PERSONEEL Waarom die Laerskool Mikro as keuse vir u en u kind(ers)? - 'n Kindgerigte onderrigbenadering waar kind nog kind kan wees - 'n Unieke ouerbetrokkenheid waar die ouer groot inspraak het in die totale skoolstruktuur - 'n Goed opgeleide personeel wat gereeld indiensopleidingskursusse bywoon en persoonlike aandag nastreef

4 VISIE om hardwerkende, skeppende leerders vir die toekoms voor te berei. M I S S I E Die Laerskool Mikro streef om DIE KIND - doelgerig en optimaal, - gebaseer op Christelike beginsels, - deur verantwoordbare, demokratiese deelhouerinspraak en bestuur, in totaliteit te onderrig en op te voed tot 'n gebalanseerde en gelukkige individu.

5 PROSEDURE VIR AANSOEK OM TOELATING (GRADE R - 7) 1. Die volgende dokumente/gewaarmerkte afskrifte daarvan moet saam met die vorm AANSOEK OM TOELATING ingehandig word: - u kind se kliniekkaart (graad R/1) - u kind se identiteitsdokument (gr. R-7) - onlangse bewys (rapport/wkod oorplasingsvorm) van hoogste graad geslaag (gr. 2 7) - getekende afskeurstrokie van toelatingsbeleid (alle grade). 2. By n eerste inskrywing (m.a.w. geen boeties of sussies reeds in die skool) moet n gewaarmerkte afskrif van n munisipale rekening of n gesertifiseerde bewys van die huidige vaste adres, die vorm Aansoek om Toelating vergesel. PROSEDURE VIR BEVESTIGING VAN TOELATING Leerders wat binne ons tradisionele bedienings-gebied woonagtig is en voldoen aan ons toelatingsbeleid soos vervat in die prospektus, word outomaties toegelaat. Leerders wat buite ons tradisionele gebied woonagtig is, se ouers sal skriftelik in kennis gestel word of die aansoek om toelating geslaag het.

6 4. DIE GESKIEDENIS VAN LAERSKOOL MIKRO Die leerdertal van die Laerskool De Kuilen, wat in 1964 tot stand gekom het, het so vinnig toegeneem, dat die behoefte aan 'n tweede laerskool te Kuilsrivier reeds in 1966 ontstaan het. Die stigting van 'n tweede laerskool is deur die komitee van die Laerskool De Kuilen geloods en is in 1966 in beginsel goedgekeur. Die snelle ontwikkeling van die noordoostelike woongebied het die bespoediging van die bou van 'n skool in hierdie deel genoodsaak. Die Laerskool Kuilsrivier nr. 2 is gedurende 1972 voltooi. In Januarie 1972 het die skool geopen met 12 opvoeders en 296 leerders met mnr. J.R. de Bruyn as skoolhoof. Op 17 Julie 1972 het die Departement goedkeuring verleen dat die skool se naam van die Laerskool Kuilsrivier nr. 2 na die Laerskool Mikro, vernoem na die skrywer, C.H. Kühn, 'n inwoner en oud-skoolhoof van Kuilsrivier, verander kon word. Die skool is op 12 Oktober 1972 amptelik ingewy deur die destydse Direkteur van Onderwys, mnr. S. Theron. Die Departement het goedkeuring verleen dat die skool vanaf 1 Januarie 1973 tot 'n enkel mediumskool, Afrikaans, verklaar word. Deur ons moedertaal wil ons nie alleen kennis laat verwerf nie, maar ook liefde, respek en trots ontwikkel. Die tienjarige bestaan van die Laerskool Mikro is in 1982 op 'n luisterryke wyse gevier met onder andere die verskyning van 'n feesblad en die opvoering van 'n operette. Intussen het die skool se leerdertal vinnig gegroei, gevolglik was die oorspronklike skoolgebou gou te klein. Nadat addisionele skoolterrein verkry is, het aansienlike uitbreidings, omskeppings en aanbouings gevolg. Die nuwe gedeelte is op 29 Mei 1984 amptelik ingewy. Die stygende leerdertal het die verdere aanbou van twee klaskamers gedurende 1994 genoodsaak.

7 'n Besondere mylpaal in ons skool se geskiedenis is gedurende 1990 bereik. Mnr. J.R. (Ronnie) de Bruyn, eerste skoolhoof, het die tuig neergelê. Hierdie geskiedkundige gebeurtenis het gepaard gegaan met groot feesvierings, onder andere die opvoer van 'n operette en die verskyning van 'n gedenkboek. Ons skool se 21ste bestaansjaar is op 25 Maart 1993 met 'n huldigings-geleentheid ter ere van C.H. Kühn (skuilnaam Mikro) gevier. Die aand se verrigtinge het bestaan uit kreatiewe skryfwerk deur leerders met Mikro as fokuspunt, die bekendstelling van 'n boek, "Die Lewe en Werk van Mikro in Kuilsrivier", en die bekendstelling van sy persoonlike besittings, foto's en boeke in die argiefkas. Die toneelvereniging het 'n gedeelte uit Klaradynstraat, een van Mikro se boeke, opgevoer. Die 25ste bestaansjaar is in 1997 met 'n groot verskeidenheid aktiwiteite gevier. Oudskoliere, huidige skoliere, ouers en personeel was betrokke. Die feesnaweek van 10 tot 12 Oktober het o.a. 'n feeskonsert, aangebied deur leerders, en 'n gedenkdiens in die kerk ingesluit. 'n Inligtingsentrum (samevoeging van die biblioteek en rekenaarsentrum in een groot lokaal) wat as belangrike inligtingsbron dien, is op 12 Oktober 1998 ingewy. Die 30ste bestaansjaar is in 2002 gevier met die infassering van pre-primêre onderrig, die opvoer van n musiekblyspel by die skool en in die Kunstekaap-teater. Die feesverrigtinge is met n dinee en gedenkdiens afgesluit. Vanaf 2003 word Engels Eerste Taal (Huistaal) as keusevak by die skool vir gr. 4 tot 7 leerders aangebied. Die meerdoelige Langverwacht sport & kultuurlokaal is op 14 Maart 2003 ingewy was n waterskeidingsjaar toe die ouers hul tot die Hooggeregshof en Appélhof moes wend om die skool se Afrikaansmedium onderrigstatus te behou. n Addisionele klaskamer, stoorkamer en n lokaal vir kleingroeponderrig is in 2008 voltooi om in die aanvraag van vier klasse per graad te voorsien. Wag n Bietjie, n veilige, onderdak wagplek vir leerders is in 2009 gebou. Ons het in 2010 alle klaskamers van n dataprojektor en rekenaar, wat aan n netwerk gekoppel is, voorsien. Dit het die onderrigproses verder versterk. Waarvoor staan Laerskool Mikro? Dit het in 2011 beslag gekry met die koppeling van spesifieke waardes aan die skool se naam waarvoor dit sedert sy stigting bekend is (verwys na voorblad). Die 40ste bestaansjaar is in 2012 met n verskeidenheid aktiwiteite gevier: bekendstelling van n feesembleem, waardeprojek, samekoms van oud-ouers, oud-leerders, n feeskonsert waaraan die gr. R tot gr. 7 leerders deel gehad het en n kerkdiens. In 2013 is die skoolterrein uitgebrei: die pre-primêre speelterrein is vergroot met die sluiting van die steeg. Addisionele grond langs die openbare park is ook verkry om die krieketnette in 2014 daar te vestig. 5.

8 6. SKOOLWAPEN EN LEUSE ONTWERPER: Dr. C. Pama SIMBOLE: Hoewel letters nie in wapens gebruik word nie, is daar in Europa, en veral in Duitsland, die neiging om 'n heraldiese figuur te gebruik wat sprekend is en aan 'n letter herinner. Om hierdie rede is die skild hoekig in drie verdeel, wat 'n soort M (Mikro) voorstel. Hieraan is 'n skildhoof toegevoeg en daarop 'n skryfveer (verwysing na die skrywersberoep van Mikro) en twee heraldiese fonteine ('n toespeling op die naam "Cuylen"). LEUSE (WAPENSPREUK): By die leuse, nl. WERK EN SKEP, is aan Mikro gedink. Dit bevestig die groot waarheid dat geen skepping, van watter aard ook al, tot stand kom tensy dit voorafgegaan word deur harde werk nie.

9 7. DIE SKOOLLIED Werk en skep, Werk en skep Dis die leuse van ons skool Met ons visiere vér gestel wil ons elke skooldag nader. Dat ons aan ons leuse reg kan laat geskied. Mikro, wat 'n voorreg om by jou my jare te kan deurbring. Waar ek gaan of my begewe Wil ek trots opreg en eerlik my beskeie deeltjie bydra tot ons leuse werk en skep. LEERDER GEDRAGSKODE Die gedragskode van die Laerskool Mikro is daarop gerig om aan die leerder die geleentheid te bied om in 'n atmosfeer van DEMOKRA-TIESE DISSIPLINE te gedy tot 'n besef van SELFDISSIPLINE, m.a.w. 'n eie besef en oordeel van wat reg of verkeerd is. In hierdie opvoedingsproses word gestreef na die ontwikkeling van 'n POSITIEWE SELFBEELD by elke leerder, d.w.s. dat dissipline met gesonde oordeel en liefde toegepas sal word. Straf vir die oortreding van een of meer van ondergenoemde skoolreëls, sal in ooreenstemming met die Suid-Afrikaanse Skolewet (84 van 1996) toegedien word. Dit kan detensie en/of dissiplinêre verhoor insluit. Die volgende huishoudelike STRAFBARE REËLS het ten doel om die goeie orde en dissipline in ons skool te handhaaf: 1. Ek/Ons hou ons skoolgebou en terrein netjies. Rommelstrooiery is taboe. 2. Ek/Ons dra die voorgeskrewe skooldrag soos dit in die prospektus uiteengesit is. L.W. Geen juweliersware word saam met skooldrag gedra nie. Meisies mag wel n ringetjie/knoppie (een gaatjie per oor) in die oor dra.

10 8. 3. My/Ons hare is altyd netjies. Die meisies vleg lang hare of maak dit vas, terwyl die seuns se hare so geknip moet wees dat dit nie oor die hemp se kraag hang nie, ook dat die ore en oë oop is. L.W. Die haarstyl by beide seuns en meisies moet pas by ons skool se beeld. Die nuwerwetse haarstyle by seuns en meisies ( steps, jel, hare kleur, golwing) moet deur ouer en opvoeder ontmoedig word. 4. Ek/Ons bring nooit kougom op die skoolterrein nie. 5. Ek/Ons stoot ons fietse op die skoolterrein en plaas hulle slegs in fietsrakke. Slegs op die smal fietspad agter die skool mag gery word. 6. Ek/Ons is altyd stiptelik vir alle geleenthede. 7. Ek/Ons gebruik slegs 'n boeksak (donkerblou/maroen/swart) met stewige sye en nooit 'n slap seilsak nie omdat dit ons boeke verniel. 8. Ek/Ons kom nooit in die saal sonder dat ons van 'n opvoeder vergesel is nie. 9. Wanneer ek/ons vrywillig by n buitemuurse skoolaktiwiteit aansluit, moet ek/ons my/ons verpligtinge en verantwoordelikhede in verband daarmee stiptelik nakom, tensy vrystelling deur die skoolhoof in oorleg met die ouer(s) verleen word. Waar botsings opduik, moet skoolaktiwiteite voorkeur geniet bo nie-skoolaktiwiteite. 10. Wanneer die skoolterrein gesluit is, mag ek/ons geen fasiliteite en toerusting van die skool, met inbegrip van dié vir sport, gebruik nie; tensy daar vooraf vir toestemming gereël is. Hierdie reël het ten doel om vandalisme te voorkom. 11. Ek/Ons mag nie boeke tuis vergeet nie. Dit word nie as verskoning aanvaar nie. 12. Ek/Ons mag nie my/ons skoolwerk verwaarloos nie. Huiswerk (leer en skryfwerk) moet daagliks getrou gedoen word. 13. Ek/Ons hardloop nooit in die gange nie. Tydens klaswisseling loop ons in enkelrye en praat met niemand nie. Ek/Ons moet reeds aangetree het en doodstil staan wanneer die tweede klok lui vir instap soggens voor skool en na beëindiging van die twee pouses. Uitstap moet ordelik geskied.

11 14. Ek/Ons mag nie skooleiendom (bv. krap op banke of teen mure, klim oor skoolheining, beskadiging van struike en bome, boeke verniel of weggooi) beskadig, ontsier of besoedel nie. 15. Ek/Ons moet die skool tydens die vasgestelde skoolure stiptelik bywoon. n Leerder mag nie gedurende skoolure sonder die skoolhoof se verlof uit n klas afwesig wees of die skoolterrein verlaat nie. 16. Ons verkies dat selfone by die huis gelaat word. Indien wel skool toe gebring word, moet dit gedurende die skooldag (terrein soggens betree tot huistoegaantyd) afgeskakel wees. Aangeskakelde selfone word vir n tydperk gekonfiskeer. 17. Terwyl ek/ons onder die skool se toesig is, mag ek/ons nie n medeleerder se liggaamlike/emosionele welsyn (boeliegedrag) benadeel of in gevaar stel nie. Wapens, speelgoed en stowwe wat liggaamlike beserings, skade aan persoonlike-/skooleiendom kan veroorsaak, mag nie skool toe gebring word nie. 18. Ek/Ons eerbiedig ons meerderes, ons nasionale simbole, ons skoollied en skoolvlag. Ek moet my opvoeders en maats respekteer. Op die skoolterrein vloek en baklei ek/ons nie. 19. My/Ons goeie gedrag teenoor onderwysers en maats is van kardinale belang. Ontwrigting van die onderrigproses word nie toegelaat nie. Wanneer ek/ons in skooldrag/ sportdrag op die skoolterrein, in die dorp, op skooluitstappies, of by sport-byeenkomste op ander plekke in skooldrag geklee is, moet ons gedrag altyd vir ander n voorbeeld stel. 20. Ek/Ons mag nie ander se besittings neem of pornografiese materiaal, sigarette, alkohol, dwelms op die skoolterrein bring nie. 9. Oortreding van reëls daarna straf met detensie. Oortreding van reëls waarskuwing. Mondelinge waarskuwings; Direkte detensie sonder Oortreding van reëls Onderrig ontneem, dissiplinêre verhoor. Leerders se selfone moet gedurende die skooldag afgeskakel wees. Oortreders se selfone sal gekonfiskeer word.

12 10. Ek/Ons glo in SELFDISSIPLINE en het nie toesig nodig om my/ons skoolwerk te doen en goeie gedrag te openbaar nie. PROSEDURE VIR STRAF 1. DETENSIE Detensie gr. 1 3 geskied op n Vrydagmiddag om 13:00 tot 14:00, met skriftelike kennisgewing aan die ouers die voorafgaande Woensdag. Detensie gr. 4-7 geskied op n Vrydagmiddag van 14:15 16:15, met skriftelike kennisgewing aan die ouers die voorafgaande Woensdag. Na n derde detensie vir dieselfde oortreding word ouers gekontak (telefonies/afspraak). Indien bogenoemde geen positiewe uitwerking het nie, reël die skoolhoof n afspraak tussen die Beheerliggaam en die ouers. 2. ONDERRIG ONTNEEM ( TIME OUT ) n Leerder wat as gevolg van sy/haar gedrag die onderrigproses ontwrig en/of disrespek teenoor n opvoeder of mede-leerder betoon kan van onderrig onttrek word. 3. DISSIPLINÊRE VERHOOR Kan vir baie ernstige oortredings/erge wangedrag (disrespek vir opvoeder/ mede- leerder, onderrig ontwrig, aanranding, diefstal, pornografie, dwelms, beskadiging van skooleiendom, skool se naam in swak lig stel) dadelik in werking tree, sonder voorafgaande detensie. Indien skuldigbevinding, kan die uitslag die volgende behels: n waarskuwing, skorsing deur die Beheerliggaam of aanbeveling vir uitsetting by die WKOD.

13 LEERDER TOELATINGSBELEID 11. As statutêre verkose liggaam, verteenwoordigend van die ouergemeenskap, is die Beheerliggaam verantwoordelik vir die bepaling van die toelatingsbeleid van hierdie skool. Die skoolhoof, in sy hoedanigheid as lid van die beheerliggaam, is verantwoordelik vir die uitvoering van die beleid in die praktyk. 1. GRAAD R TOT 7 LEERDERS 'n Leerder kan tot die LAERSKOOL MIKRO toegelaat word indien hy/sy en sy/haar ouer/s bereid is om by die onderstaande skoolbeleid in te skakel: 1.1 Die skool sal as die mees fundamentele vereiste op die waardes en normes van die ouergemeenskap sentreer en voortbou. 1.2 Leerders moet hulle vereenselwig met die kultuur, tradisies, gebruike, konvensies en etiese waardes van hierdie Afrikaansmediumskool en dit eerbiedig. 1.3 Slegs openbare vakansiedae, soos deur wetgewing bepaal, sal erken word. Toelating geskied op die grondslag dat leerders op geen ander dae as gevolg van godsdienstige, politieke of ander redes afwesig mag wees nie. 1.4 Alle onderrig in hierdie skool (behalwe in die vakke Engels en Xhosa) geskied deur medium Afrikaans. 1.5 Die sillabusse soos deur die WKOD voorgeskryf, sal gebruik word. 1.6 Voorkeur sal gegee word aan alle aansoekers wie se ouers oud-leerders van die skool is; wie n broer of suster in die skool het of n broer of suster in die skool gehad het wat na voltooiing van gr. 7 na n ander skool is; wie se ouer(s)/wettige voog eiendom huur/besit binne die tradisionele bedieningsgebied van die skool. 1.7 Toelating van leerdergetalle sal beheer word volgens bepalings van huidige wetgewing. 1.8 Enige magte en bevoegdhede wat die Beheerliggaam ingevolge hiervan het, mag aan die Skoolhoof gedelegeer word. 1.9 Die bepalings hiervan kan gewysig word indien 'n tweederdemeerderheid van die Beheerliggaam wat op die datum waarop sodanige wysiging vir beslissing voorgelê word, toestem tot sodanige wysiging. Indien sodanige wysiging goedgekeur word, sal alle partye daaraan gebonde wees, net so asof dit hierin vervat is.

14 GRAAD R (PRE-PRIMÊRE) LEERDERS 2.1 Leerders wat in die jaar van toelating ses word, sal voorkeur toelating geniet. 2.2 Leerders wat in die jaar van toelating voor/op 30 Junie vyf word, kan daarna toegelaat word indien daar nog plek is. 2.3 Leerders wat teen Oktober nie skoolgereed is nie, sal outomaties toelating vir die volgende jaar kry. 2.4 Die ideaal is dat n gr. R-klas nie groter as 30 leerders moet wees nie. 3. GRAAD 1 TOT 7 LEERDERS 3.1 Leerders, vanaf die jaar waarin hy/sy sewe word, tot ouderdom 15, sal voorkeur toelating tot die laerskool kry. 3.2 Die ouderdom van die leerder moet binne n twee jaar grens van die gemiddelde klasouderdom val. 3.3 Bewys moet gelewer word van bewese skolastiese prestasies van n leerder indien hy/sy vanaf n ander skool by Laerskool Mikro inskryf Leerders word toegelaat tot die skool met die vereiste dat hulle in staat moet wees om die akademiese standaard van die skool te handhaaf Die standaard wat ingevolge verlang word, sal in die uitsluitlike diskresie van die Beheerliggaam wees Indien dit na toelating van n leerder in die diskresie van die skoolhoof blyk dat hy/sy nie redelikerwys deur normale onderrig soos in die skool beoefen in staat is om die standaard in bedoel te handhaaf nie, kan die ouers versoek word om die leerder n standaard evaluering te laat aflê om te bepaal of hy/sy op spesiale onderwysbehoeftes aangewese is. 3.4 Die ideaal is dat n gr. 1 tot 7 klas nie groter as 35 leerders moet wees nie.

15 13. GRONDSLAGFASE KURRIKULêRE BEDRYWIGHEDE Geen eksamen. Deurlopende assessering (evaluering) dwarsdeur die jaar. Geskrewe verslag elke kwartaal. INTERMEDIÊR EN SENIOR FASE (Eksamen en deurlopende assessering) EKSAMEN Grade 4 tot 7: Junie en Desember. Geskrewe leerverslag elke kwartaal. DIDAKTIESE HULP/LEERONDERSTEUNING Hulpverlening aan leerders met leemtes t.o.v. Lees, Spelling, Wiskunde, Skriftelike Werk en Taalervaring deur leerondersteuningspersoneel en privaat Remediërende/Spraak opvoeders. INLIGTINGSENTRUM/INTERAKTIEWE ONDERRIG Die woord inligting kan met vrug uitgeleef word in hierdie ruimte. Die boek en rekenaar as inligtingsbron is tot die leerders se beskikking gedurende skooltyd en middae. Leerders kan ook deur middel van epos-aksies inligting na en vanaf die skool kommunikeer. Die benadering tot interaktiewe onderrig is ook n werklikheid in die klaskamers.

16 14. BUITEMUURSE BEDRYWIGHEDE Daar word aan die begin van elke kwartaal 'n volledige buitemuurse program aan elke leerder beskikbaar gestel. VERENIGINGS EN KLUBS Leerderraad, Mediaprefekte, Musiekvereniging, Landsdiens, Kuns, Skaak, Rekenaar, Redenaars, Toneel. SPORT Somer : Winter : Atletiek, Tennis, Krieket. Rugby, Netbal, Hokkie. KORE Senior en Junior EISTEDDFOD (Voordrag, opvoerings, kuns, musiek)

17 15. OUERBETROKKENHEID Een van ons skool se doelstellings is om te streef na 'n gesonde inter ouer-, leerder-, leerkragverhouding. Dit kan alleen bereik word as u as ouer(s) betrokke raak en belangstelling toon in die verskillende aktiwiteite waarby u kind(ers) of die skool betrokke is. BEHEERLIGGAAM Bestaan uit skoolhoof, 5 ouers, 2 leerkragte en een nie-onderwys personeellid wat 3-jaarliks deur die onderskeie belangegroepe gekies word soos deur die Minister bepaal. Die volgende subkomitees lewer verslag aan die Beheerliggaam: Skoolbestuur Oueraangeleenthede Bemarking en Openbare betrekkinge Finansies Geboue Terrein OUERKOMITEE EN KLASVERTEENWOORDIGERS Die ouerkomitee (saamgestel uit klasverteenwoordigers) reël, in oorleg met die klasverteenwoordigers (ouers) en personeel die verkopings en funksies wat aangebied word. Kontak die skoolhoof vir meer besonderhede. SKAKELING MET DIE SKOOLHOOF EN DIE PERSONEEL Skakel asseblief vir 'n afspraak indien u iets met die skoolhoof of 'n opvoeder wil bespreek.

18 16. SKOOLDRAG: VERSKAFFERS Die amptelike verskaffers van ons skool- en sportdrag is: LAERSKOOL MIKRO KLEREWINKEL (MIKROTIQUE) SEGE SPORT Van Riebeeckweg (oorkant N.G. Kerk Kuilsrivier) KUILSRIVIER KLEREWINKEL (MIKROTIQUE) Die klerewinkel verkoop goeie, gebruikte skooldrag. U kan skoon, gestrykte klere skenk wat weer aan ouers verkoop kan word. Laerskool Mikro-klerewinkel by skool (by Pre-primêre ingang) verskaf: Hokkie-/Netbaldrag Skool Sweetpakke Goeie Tweedehandse Skooldrag Interhuis T-hemde Die klerewinkel is slegs op sekere tye oop. Verdere navrae by ontvangs. 17.

19 SKOOLDRAG: GRAAD 1 7 Somerdrag word gedurende die eerste en vierde kwartaal gedra en winterdrag gedurende die tweede en derde kwartaal. Gedurende die maande APRIL en SEPTEMBER mag òf winter òf somerdrag gedra word. Die twee mag egter nie gemeng word nie. SEUNS Somerdrag : Wit oopslaanhemp met kortmoue. Kort, grys broek. Kaalvoet of lang grys kouse met skoolkleure in omslag en swart toerygskoene. Winterdrag: Opsie 1: Wit toekraag langmouhemp, skooldas, lang of kort grys broek, grys kouse met skoolkleure in omslag, swart toerygskoene, skoolbaadjie en/of skooltrui, donkerblou reënjasse. Opsie 2: Mikro sweetpak (baadjie en broek), onder dit n wit skool-hemp (langmou of kortmou) sonder das, kort, wit sokkies, oorheersend wit tekkies (geen platformskoene). MEISIES Slegs maroen of wit "alice bands", linte en bolletjies. Somerdrag : Wit oopslaan kortmouhemp, maroen voorskootrok. Kort, wit sokkies en swart skoolskoene of kaalvoet (slegs gr. 1 3). Winterdrag: Opsie 1: Wit toekraag langmouhemp, skooldas, maroen voorskoot-rok, skoolbaadjie en/of skooltrui, lang grys kouse met skoolkleure in omslag of lang swart kouse, swart skoolskoene, donkerblou reënjasse. Opsie 2: Mikro sweetpak (baadjie en broek), onder dit n wit skool-hemp (langmou of kortmou) sonder das, kort wit sokkies, oorheersend wit tekkies (geen platformskoene). Opsie 1 en 2 by winterdrag mag nie gemeng word nie. Wanneer kaalvoet, mag die skoolbaadjie nie gedra word nie. Reënjasse: Donkerblou of maroen Serpe: Maroen Slegs skooltruie/oortruie met die M mag gedra word.

20 18. KLEURATLETIEK (seuns en meisies) SPORTDRAG Wit Mikro-sporthemp/Interhuishemp/voorgeskrewe maroen atletiekfrokkie en maroen of wit kortbroek. ATLETIEK TUSSEN SKOLE Seuns: Meisies: Maroen kortbroek en die voorgeskrewe maroen atletiekfrokkie. Maroen kortbroek en die voorgeskrewe maroen atletiekfrokkie. RUGBYWEDSTRYDE Wit rugbybroek en maroen rugbytrui. Geen rugbystewels nie. Ons speel kaalvoet. NETBALWEDSTRYDE Moulose Mikro-hemp en donkerblou rompie. Oorheersend wit tekkies en kort wit sokkies. MINI-KRIEKET (O/7 O/9) Maroen kortbroek en wit Mikro-gholfhemp. Oorheersend wit tekkies en kort, wit sokkies. KRIEKETWEDSTRYDE (O/10 O/13) Maroen kortbroek en wit Mikro- gholfhemp. Oorheersend wit tekkies en lang, wit skoolkouse. TENNISWEDSTRYDE SEUNS: Maroen kortbroek en Mikro-hemp. DOGTERS: Donkerblou rompie en moulose Mikro-hemp. 19.

21 MINI-TENNISWEDSTRYDE SEUNS EN DOGTERS: Maroen kortbroek en wit Mikro-gholfhemp. Oorheersend wit tekkies en kort, wit sokkies. HOKKIEWEDSTRYDE Seuns: Meisies: L.O. Mikro-hemp, maroen kortbroek, lang, wit skoolkouse, hokkiestewels/tekkies Moulose Mikro-hemp, maroen kortbroek, lang, wit skoolkouse, hokkiestewels/tekkies Seuns: Wit Mikro- gholfhemp/interhuishemp, Maroen/wit kortbroek Meisies: Wit Mikro- gholfhemp/interhuishemp, Maroen kortbroek L.W. Oefeninge kan in enige sportdrag beoefen word. Alle kledingstukke (skool- en sportdrag) moet behoorlik gemerk wees.

22 20. NASORGDIENSTE BABBELBEKKIES (Plantanusstraat 11, Kuilsrivier) (021) BLOMMELAND (Pionierstraat, Kuilsrivier) (021) HAPPY HIPPO S/CHRSTELLE VAN NIEKERK (Donovanstraat 10, Kuilsrivier) (021) / JOAN OLIVIER (Sonnemeisiestraat 44, Kuilsrivier) (021) / JUNIOR CAMPUS (Kerkstraat 18, Kuilsrivier) (021) KIDDIES PLANET (Hibuscusweg 5, Blackheath) (021) KIDDO CAMPUS (Langstraat 48 & 50, Kuilsrivier) (021) KIDZ CORNER/KIDZ SCHUTTLE (Skoolstraat 17, Kuilsrivier) (021) KIDZ ZONE NASORG (h/v Walnut en Kerkstraat, Kuilsrivier) / KIDZ ZONE SPEELSKOOL (0 tot 6 jaar) (h/v Walnut en Kerkstraat, Kuilsrivier) (021) KRIELIE KLEUTERSKOOL (h/v Skool- en Olivierstrate, Kuilsrivier) (021) LORAINE CALITZ (Kareeboomstraat 12, Amandelrug, Kuilsrivier) (021) / MINA MOO NASORG (Tarentaalstraat 5, Kuilsrivier) (021) / NATASJA VAN NIEKERK (V/d Heeverstraat 10, Soneike, Kuilsrivier) (021) / PATRYSIES NASORGSENTRUM (Spruitstraat 26, Kuilsrivier) (021) / RETHA FRANKEN (Piet Fransmanstraat 8, Kuilsrivier) (021) RIA VOGES (Oakstraat 24, Kuilsrivier) (084) RIANA LOURENS (Taaibosstraat 37, Kuilsrivier) (021) / SNIP & RISSIEPIT EDUCARE CENTRE (Spykermanstraat 27, Silveroaks, Kuilsrivier) ( ) TOP KIDS NASORG (Magrieta Visser) Piet-my-vroustraat 70, Kuilsrivier (021) / JEAN SNYMAN (vanaf 2 tot 13 jaar) Sunislot 9, Soneike, Kuilsrivier (021) / KLEUTERMAATJIES (Ellenore Theron) (Sandalwoodrylaan 24, Amandelrug, Kuilsrivier) JO-ANNE BABA & KLEUTERSKOOL (Slegs 3 maande tot 6 jaar) h/v Langverwacht & Omegastraat 2, Kuilsrivier (073) MARIÉ OOSTHUIZEN (slegs 1 & 2 jaar) Grenachesingel 7, Zevenzight (021) / PETRO VAN ZYL (slegs 1 maand tot 4 jaar) Manatokkastr. 50, Kuilsrivier (021) / VERVOER: Leana Steyn Ashley Londt (021) / Laticia Gelderblom (021) / Elaine Beverley Ontong (021) / Jan Kotzé (Vanaf Bellville) Deé Transport (Deidré Stephanus) Oom Danie (Vanaf Eersterivier) Greg (Vanaf Eersterivier)

23 21. SKOOLURE Pre-primêr (gr. R) - 07:40 12:30 Grade 1 en 2 Maandae tot Vrydae - 07:40-12:50 Graad 3 Maandae, Dinsdae, Vrydae - 07:40-12:50 Woensdae en Donderdae - 07:40 14:05 Grade 4 7 Maandae, Woensdae, Donderdae en Vrydae - 07:40 14:05 Dinsdae - 07:40 12:50

24 22. ANDER INLIGTING Standplaas: Spruitstraat 26 KUILSRIVIER Posadres: Laerskool Mikro Posbus 53 KUILSRIVIER 7579 Telefoonnommer: Faksnommer: E-pos: / Webtuiste: Verpligte ouerbydraes (skoolfonds) kan eenmalig, maandeliks of per debietorder betaal word. Raadpleeg die sekretaresse vir volledige besonderhede. Aantal leerders in skool: (Gr. R gr. 7) ± 940 Skoolhoof: Mnr. Nico Walters

25 23. DIE GESKIEDENIS VAN KUILSRIVIER Die dorp het sy ontstaan te danke aan 'n veepos wat deur die Nederlandse Oos-Indiese Kompanjie in ongeveer 1683 deur die toedoen van goewerneur Simon van der Stel gestig is. Hierdie veepos was naby die huidige stasie geleë. Die naam, Kuilsrivier, is ontleen aan die naam van die rivier (in Van der Stel se tyd genoem "De Cuylen") wat deur die dorp vloei. Die water van hierdie rivier, vandag bekend as die Kuilsrivier, vloei normaalweg nie in die see nie, maar verdwyn uiteindelik in die sandduine naby Faure, waar dikwels groot vleie gevorm word. Op verskeie plekke in die rivier was destyds diep kuile water wat gedurende die jare standhoudend gebly het - vandaar die naam Kuilsrivier. Wanneer die reënval egter baie hoog is, dring die water soms deur tot die Eersterivier wat naby Macasserstrand in die see vloei. Die dorp het vanaf 'n nederige veepos tot 'n besondere groeipunt in Wes- Kaapland ontwikkel. Kuilsrivier het in 1950 munisipale status verkry. Die leuse van die dorp is: "VIA TRITA VIA TUTA" (DIE GEBAANDE WEG IS DIE VEILIGE EEN) Kuilsrivier se grootste bate is sy sentrale ligging ten opsigte van naskoolse- en spesiale opleidingsinrigtings, hospitale, mediese fasiliteite, winkelsentra, die see en die Moederstad. Daarom is dit geen wonder dat Kuilsrivier, met sy landelike rustige atmosfeer, tot 'n gewilde residensiële gebied ontwikkel het nie. * ~ * ~ * ~ *

26