Huisinglaan MONTE VISTA Telefoon : (021) / Faks : (021) e-pos adres :

Transcriptie

1 Huisinglaan MONTE VISTA 7460 Telefoon : (021) / Faks : (021) e-pos adres : info@monte-vista.co.za web-adres : SAAM IS ONS STERK! ALTIOR L T Y D HOëR S E M P E R 1

2 INHOUD BL. 1. VISIE EN MISSIE 3 2. SKOOLWAPEN EN LEUSE 4 3. SKOOLLIED 4 4. ONS BIED MET TROTS AAN CAPS Remediërende hulp Sielkundige en maatskaplike dienste Goed toegeruste biblioteek Musiekonderrig Verstandelike, geestelike en kulturele verryking Oop gesprek tussen ouers en opvoeders Rekenaaronderrig Groot verskeidenheid buitemuurse aktiwiteite Somersport Wintersport Skoolkoor Verenigings en klubs Entrepreneurs Ander fasiliteite 7 5. SKOOLBELEID Skoolbywoning Toelatingsbeleid Skoolterrein Finansies Verpligte Skoolgeld Begroting Optrede van leerders Straf Skooltye 8 6. SKOOLDRAG Voorgeskrewe skooldrag Voorgeskrewe sportdrag Voorgeskrewe sportdrag Kwartaal 2 & 3 (Winter) Algemeen OUERBETROKKENHEID 11 2

3 Die keuse van n opvoedingstelsel is van meer belang vir n volk as die keuse van n regeringstelsel (Gustave le Bon) 1. VISIE EN MISSIE VISIE SAAM IS ONS STERK! MISSIE Laerskool Monte Vista bied opvoeding in Afrikaans en Engels om die holistiese ontwikkeling van elke leerder in sy sorg te verseker. Dit sluit die volgende in: Bevorder meer diversiteit deur die leerders bloot te stel aan n verskeidenheid van akademiese, sport en kulturele aktiwiteite. Om n gegronde basis vir ons leerders, opvoeders en gemeenskap te bou en sodoende hulle te bemagtig om uitdagende leer- en lewenservaringe te oorkom. Om die skool en gemeenskap te bemagtig om deur interaksie saam te werk na gemeenskaplike doelwitte. Om verantwoordelike lede van die gemeenskap te ontwikkel. Om altyd vooruitgang te bevorder en positief by veranderinge aan te pas. Ontwikkel karakter deur n waardegedrewe skool te wees. Om sedes en waardes vas te lê en sodoende n sensitiwiteit teenoor geestelike oortuigings te bevorder. Streef om deur samewerking opvoeding van uitstekende gehalte te lewer. Moedig leerders aan om met bedagsaamheid en menslikheid op te tree. 3

4 DIE FONDAMENT VAN ELKE STAAT IS DIE OPVOEDING VAN SY JEUG (Diogenes) 2. SKOOLWAPEN EN LEUSE Omdat die naam Monte Vista die betekenis dra van uitsig op die berg, is dit baie gepas om die pragtige Tafelberg as deel van ons skoolwapen te hê. Die berg hou ook verband met ons leuse - SEMPER ALTIOR wat op sy beurt weer die betekenis altyd hoër, impliseer. Met die berg dus as die hoogste punt, word ons leerders aangemoedig en geïnspireer om hul visier op die kruine te stel; om daarna te strewe om die hoogste ideale in die lewe te verwesenlik. Die wit baan wat oploop na die berg, dui n pad sonder kronkels aan. Hierdeur wil ons leerders aanmoedig om op n lewenspad te wandel wat deur eerlikheid en integriteit gekenmerk word. Die onderskeie kleure - blou, geel en wit - het ook elk sy besondere betekenis. Blou is die simbool van trou: trou aan ons skool, ons huis, ons kerk, ons land, ons volk en ons God. Geel dui op edelheid en suiwerheid in ons gedagtes, ons woorde en ons dade. Wit is die simbool van reinheid en onbesoedelheid, wat ons voortdurend daaraan herinner dat ons n onbesproke lewe voor ons naaste en ons God moet openbaar. 4

5 3. ONS SKOOLLIED Aan die voet van grys ou Tafelberg Met ons uitsig oor die see, Het ons reeds n roemryk naam verwerf Deur elkeen sy deel te gee. Want jy spoor ons deur jou leuse, Tot n hoër strewe aan. Trots wy ons dan al ons deugde en ons bid dit in sy Naam Gee dat, o Heer, U vreugd sal heers In hart, verstand en gees. Sodat ons steeds deur liefd en trou sal leef Semper Altior, vir jou! Liriek: Louis Blom Musiek: Paul Fouché 4. ONS BIED MET TROTS AAN 4.1 KAV: KURRIKULUM- EN ASSESSERINGSBELEIDSVERKLARING Die skool beskik oor n grondslagfase (graad R 3), n intermediêre fase (graad 4 6) en n senior fase (gr. 7). Ons konsentreer op KAV. Die volgende 6 leerareas word in die onderrigprogram ingesluit. Huistaal Eerste Addisionele Taal Wiskunde Natuurwetenskappe en Tegnologie Sosiale Wetenskappe Lewensvaardighede o Skeppende Kunste o Liggaamlike Opvoeding o Persoonlike en Sosiale Welsyn Ekonomiese bestuurswetenskappe Tegnologie TAALMEDIUM: Afrikaans en Engels 5

6 4.2 REMEDIëRENDE HULP Die skool beskik oor n didaktiese advieskomitee wat bestaan uit n groep opvoeders wat op n gereelde basis vergader. Leerders met probleme word hier aangemeld, die probleem word bespreek en aanbevelings word gemaak. Leerders word sover moontlik deur lede van die advieskomitee gehelp of anders na n professionele persoon verwys. 4.3 SIELKUNDIGE EN MAATSKAPLIKE DIENSTE n Skoolsielkundige besoek die skool periodiek om die nodige sielkundige dienste te lewer. Leerders met leergestremdhede en/of aanpassingsprobleme word na die Opvoedkundige Hulpdienste vir ondersoeke en aanbevelings verwys. Die skool maak ook gebruik van verskeie professionele kundiges wat leerders met sielkundige en maatskaplike probleme kan bystaan. 4.4 GOED TOEGERUSTE BIBLIOTEEK Die biblioteek is tot beskikking van ons leerders. naslaanwerk doen en hulself verryk. Hier kan hulle lees en ontspan, 4.5 MUSIEKONDERRIG Musiekonderrig word tydens en na skoolure vir individuele leerders aangebied. Leerders word ook die geleentheid gebied om jaarliks musiekeksamens af te lê. Voorgeskrewe musiekgelde moet kwartaalliks vooruitbetaal word. 4.6 VERSTANDELIKE, GEESTELIKE EN KULTURELE VERRYKING Waar die geleentheid hom voordoen, word leerders die voorreg gebied om hulself op verstandelike, geestelike en kulturele terreine te verryk. Deelname aan olimpiades, eisteddfods, toere, redenaarskompetisies, kunskompetisies, bywoning van buitelugopvoedingsprojekte, besoeke aan opvoerings en ander besienswaardighede word gereeld georganiseer. 4.7 OOP GESPREKKE TUSSEN OUERS EN OPVOEDERS Ouerbesoeke word op gereelde basis georganiseer waar ouers die geleentheid kry om die welsyn van hul kinders tydens n oop gesprek met individuele opvoeders te bespreek. Hierdie gesprekke geskied op vertroulike grondslag en word in n gees van mede-verantwoordelikheid en vennootskap gevoer. Ouers is egter ook baie welkom om enige ander tyd n afspraak te maak met die Kurrikulêre hoof of n betrokke opvoeder. Die OUER-OPVOEDER VERENIGING lewer ook n sterk bydrae om n positiewe verhouding tussen ouers en opvoeders te skep en die belange van die skool in die algemeen te bevorder. 6

7 4.8 REKENAARONDERRIG Rekenaaronderrig vorm deel van die leerders se kurrikulum. Die skool beskik oor n goed toegeruste rekenaarsentrum waar die nuwe konsepte aangeleer vasgelê word. 4.9 GROOT VERSKEIDENHEID BUITEMUURSE AKTIWITEITE Somersport Atletiek, tennis, mini-tennis, krieket, mini-krieket Wintersport Rugby, mini-rugby, netbal, mini-netbal, hokkie, mini-hokkie Skoolkoor Leerders word jaarliks geselekteer om in die skool se koor te sing. Optredes word op gereelde basis georganiseer Verenigings en klubs Leerders word ook aangemoedig om by bestaande verenigings in die gemeenskap aan te sluit, bv. Die Voortrekkers Entrepreneurs Leerders word aangemoedig om betrokke te raak by ons spesiale programme wat vir jong entrepreneurs ontwerp is. Geleenthede om vaardighede van ons entrepreneurs te ontwikkel, word op n gereelde basis georganiseer en ons is daarvan oortuig dat die gesonde mededinging onder entrepreneurs n positiewe bydrae lewer om n stewige grondslag te lê vir die latere skepping van werkgeleenthede Ander fasiliteite Martial arts, karate en hip hop dansklasse word op n weeklikse basis deur professionele persone by die skool aangebied. Fooie en alle inligting is by die sekretaresse beskikbaar. 5.1 SKOOLBYWONING 5. SKOOLBELEID Skoolbesoek is vir elke leerder verpligtend vanaf die begin van die jaar waarin hy/sy die ouderdom van sewe jaar bereik. In die geval van afwesigheid (bv. ongesteldheid) moet die ouer die rede vir afwesigheid per skrywe aan die opvoeder verstrek. Geen leerder mag die skool tydens skoolure verlaat sonder die toestemming van die skoolhoof of adjunkhoof nie. 7

8 5.2 TOELATINGSBELEID n Toelatingsbeleid, soos goedgekeur deur die Beheerliggaam van die skool en waarin sekere voorwaardes tot toelating van n leerder vervat is, sal aan ouers voorgehou word by aansoek om toelating van hul kinders. Leerders sal op grond van hierdie beleid aanvaar of toegang tot die skool geweier word. 5.3 SKOOLTERREIN Reg tot toegang van die skoolterrein word voorbehou. Dit impliseer dat niemand die skoolterrein sonder toestemming as speelplek of ontspanningsgebied mag gebruik nadat die normale bedrywighede gestaak is en die skoolgebou en skoolterrein vir die dag of naweek gesluit is nie. 5.4 FINANSIES Verpligte skoolgeld Ooreenkomstig die SA Skolewet is alle ouers aanspreeklik en verantwoordelik vir hul kinders se verpligte skoolgeldbydrae. Skoolgeld kan vereffen word deur gebruik te maak van n maandelikse stoporder, kontantbetaling, tjekbetaling, elektroniese betaling of n eenmalige kontantbetaling voor 1 Maart in welke geval n afslag aangebied word n Begroting word jaarliks deur die Beheerliggaam saamgestel en tydens n ouervergadering voorgelê vir goedkeuring. Die jaarlikse skoolgeldheffing word ook tydens genoemde vergadering deur die ouers bepaal. 5.5 OPTREDE VAN LEERDERS o Dit word van leerders verwag om eerbied te betoon teenoor die nasionale simbole van die Republiek van Suid-Afrika, asook die simbole en kodes van ons skool. o Omdat ons glo in mede-menslikheid, sal dit van leerders verwag word om die liggaamlike en geestelike welsyn van medeleerders te respekteer en te help bevorder. o Die eiendom van die skool en dié van ander persone, moet te alle tye met respek behandel word. o Gedurende skoolure en tydens skoolfunksies en skoolaktiwiteite word dit van leerders verwag om ooreenkomstig die skool se reëls en kodes op te tree. 5.6 STRAF Alle vorme van straf sal sover moontlik opvoedkundig verantwoordbaar wees. Skorsing of uitsetting van n leerder mag toegepas word ooreenkomstig die bepalings van die SA Skolewet (1996), soos gewysig. 8

9 5.7 SKOOLTYE Begintye: Maandag Vrydag: 07:45 Verdaag: Graad R : Maandag-Vrydag om 13:00 Graad 1 : Maandag Vrydag om 13:30 Graad 2 : Maandag Vrydag om 13:30 Graad 3 : Maandag Vrydag om 14:00 Graad 4-7 : Maandag Vrydag om 14:30 6. SKOOLDRAG Skooldrag vorm n belangrike deel van n leerder se skoolomgewing. Dit skep eenvormigheid in die skool en dra daartoe by dat die leerder n trots in sy/haar skool ontwikkel. Leerders moet dus elke dag ooreenkomstig die voorgeskrewe skoodrag geklee wees. 6.1 VOORGESKREWE SKOOLDRAG Somer: Meisies: gewone swart skoolskoene; kort wit sokkies; wit kortmouhemp (oopnek); skoolromp Seuns: gewone swart skoolskoene; lang grys skoolsokkies; grys lang- of kortbroek; wit kortmouhemp (oopnek) Winter: Meisies: gewone swart skoolskoene; lang grys skoolsokkies of swart broekiekouse (opaque); skoolromp of skoollangbroek; wit langmouhemp; skooldas Seuns: gewone swart skoolskoene; lang grys skoolsokkies; grys lang- of kortbroek; wit langmouhemp; skooldas Anorak en truie: Leerders kan n skooltrui/oortrektrui en/of skool anorak dwarsdeur die jaar dra. Skooltasse: Offisiële LAERSKOOL MONTE VISTA skooltas wat by Rothmans beskikbaar is. 6.2 VOORGESKREWE SPORTDRAG Kleredrag tydens alle sportoefeninge na skoolure: Blou skoolsportbroek. Indien n ekstra sporthemp nie beskikbaar is nie, kan n leerder n eenvoudige wit T-hemp dra. Kort wit sokkies (nie secret socks nie) en sportskoene. 9

10 LET WEL: Bogenoemde reël geld vir alle sportsoorte, behalwe rugby. Vir rugby-oefeninge dra spelers n sportbroek (nie baggy broeke nie) en n rugbytrui of T-hemp van hul eie. Liggaamlike opvoeding: SLEGS op dae wanneer leerders LO tydens skoolure het, hoef hulle nie skooldrag aan te trek nie, maar moet dan soos volg geklee wees: Kwartaal 1 en 4 (Somer) Alle leerders word toegelaat om gedurende bogenoemde kwartale netjiese, skoon SKOOL-sportklere met kort wit sokkies (nie secret socks nie) en sportskoene aan te trek. Grondslagfase leerders word toegelaat om kaalvoet te loop gedurende bogenoemde kwartale. Kwartaal 2 en 3 (Winter) Alle leerders moet n skoolsweetpak bo-oor hulle sportklere dra. Kort wit sokkies en sportskoene. Geen ander sweetpakbaadjie, skoolanorak of skooltrui is toelaatbaar saam met sweetpakbroek nie SLEGS die skoolsweetpakbaadjie. ALGEMEEN Ski pants /fietsrybroeke mag nie saam met sportdrag gedra word nie. Seuns mag nie boxers onder hul sportbroeke dra nie. Atletiek: Drag soos vir liggaamlike opvoeding Tennis en mini-tennis: Sportskoene; wit, kort sokkies; tennisdrag of drag soos vir liggaamlike opvoeding Krieket en mini-krieket: Wedstryd: LO-drag (blou sportbroek en skoolsporthemp) Sokkies Sportsokkies Rugby(O/10 O/13): Wit kortbroek; skool rugbytrui (geen rugbystewels) Mini-rugby: (O/7 O/9): Blou sportbroek, LO-hemp (seuns kry rugbytrui wanneer hulle wedstryde speel) Netbal: Sportskoene; wit, kort sokkies; voorgeskrewe sporthemp; koningsblou romp met geel streep Mini-netbal: Drag soos vir liggaamlike opvoeding, sportskoene, kort, wit sokkies Hokkie: Seuns: Kleredrag soos vir liggaamlike opvoeding, voorgeskrewe sportsokkies en sportskoene Meisies: Voorgeskrewe sporthemp, koningsblou romp met geel streep, voorgeskrewe sportsokkies en sportskoene Mini-hokkie: Drag soos vir liggaamlike opvoeding, sportskoene, voorgeskrewe sportsokkies n Voorgeskrewe skool sportsak (by Rothman s beskikbaar) is verpligtend vir alle leerders. 10

11 Sportskoene moet oorwegend wit wees. Sportklere moet te alle tye netjies en skoon wees. Geen healie tekkies (selfs sonder die wiele) is toelaatbaar nie. Sokkies moet wit sportsokkies wees. Skoene mag nie tommie tekkies of sneakers wees nie. 6.3 ALGEMEEN Nuwe leerders word toegelaat om hul vorige skool se skooldrag nog vir die duur van daardie betrokke seisoen te dra Alle kledingstukke moet duidelik gemerk wees Verlore kledingstukke word by die ontvangstoonbank ingelewer en kan daar afgehaal word Tweedehandse skooldrag kan aan Moeders wat omgee gestuur word om dit aan ons minderbevoorregte families uit te gee. Skakel asseblief die sekretaresse in hierdie verband Alle skool- en sportdrag is verkrygbaar van Rothman s, Surreystraat 80, Goodwood (tel.nr ). 7. OUERBETROKKENHEID Ouers word aangemoedig om betrokke te raak by die groot verskeidenheid aktiwiteite van ons skool waar hulle n waardevolle en positiewe bydrae kan lewer. Voorbeelde hiervan is ons eie klerewinkel, die OOV en Moeders wat Omgee. n Skool is n gebou met vier mure met binne-in die dag van môre (Lon Watters) 11