P R O S P E K T U S 1. SKOOLBESTUUR 2. NORMALE BEDIENINGSGEBIED 3. SKOOLURE: LAERSKOOL BELLPARK

Transcriptie

1 LAERSKOOL BELLPARK TEL: (021) / (021) Sandfordstraat FAKS: (021) BELLVILLE E-POS: admin@bellpark.co.za 7530 WEBBLAD P R O S P E K T U S 1. SKOOLBESTUUR Skoolhoof Adjunkhoof Departementshoofde Mnr. CH Nelson Mnr. PJ Collins Mnr. CJE Kotze Mnr. JJ Langenhoven Mev. HJ Smit Mev. S du Plessis Mnr. D Wentzel (Interne aanstelling) 2. NORMALE BEDIENINGSGEBIED 2.1 Oakdale (Noord van Wellingtonstraat) 2.2 Blomtuin 2.3 La Rochelle 2.4 Bellair en Oak Glen 2.5 Ridgeworth, Stellenridge en gedeelte van Stellenberg 2.6 Blommendal 2.7 Ander Areas 3. SKOOLURE: Maandae - Donderdae: 07:45-13:50 Vrydae: 07:45-12:35 (Vir alle leerders. Personeelontwikkelingsessies daarna) Pouses: 10:15-10:35 12:35-12:50

2 2 4. ONS LEUSE: GROEI/GROWTH Dit is ons begeerte en doelstelling dat elke leerder in hierdie skool nie net liggaamlik normaal sal groei en ontwikkel nie, maar veral ook geestelik, emosioneel en verstandelik sal G R O E I sodat hy/sy sy/haar plek in die lewe kan volstaan en 'n gelukkige tiener en volwassene sal wees. 5. SKOOLDOELSTELLINGS/MISSIE 5.1 Om by elke kind 'n positiewe selfbeeld en gevoel van eiewaarde, selfvertroue, selfrespek en respek vir andere en vir gesag te ontwikkel. 5.2 Om die kind die regte gesindhede, korrekte etiket en sosiale vaardighede te leer wat hom/haar in staat sal stel om goed aan te pas in 'n steeds veranderende samelewing. 5.3 Om by die kind 'n begrip te kweek van die kultuur, godsdiens en geskiedenis van sy eie erfenis en dié van andere. 5.4 Om die kind te help in die opbou van etiese en geestelike waardesisteme volgens Christelike norme. 5.5 Om die kind te lei om deur die gebruik van die gawes van hoof, hart en hand 'n sinvolle en nuttige bestaan te voer tot eie voordeel en dié met wie hy/sy in aanraking kom. 5.6 Om die potensiaal van elke leerder te bepaal en die onderrig so te gee dat die leerder optimaal kan ontwikkel. 5.7 Om die leerder volgens vermoë geestelik en fisies teen lewensaanslae voor te berei. 5.8 Om deur voorbeeld, gesprek, simpatieke maar besliste gesagsleiding en sinvolle opdragte aan die ontwikkelingsdrang van die kind te beantwoord, sodat hy/sy in 'n veilige ruimte met selfvertroue die toekoms kan beleef.

3 3 6. VAKKE WAT AANGEBIED WORD (GRADE 4-7) Afrikaans - Eerste Taal en Tweede Taal Engels - Eerste Taal en Tweede Taal Wiskunde Natuurwetenskappe Menslike en Sosiale Wetenskappe Rekenaaronderrig Liggaamlike Opvoeding/Lewensoriëntering Ekonomiese en Bestuurswetenskappe Xhosa (Grade 5-7) Bybelonderrig Kuns en Kultuur Tegnologie Individuele klavier, blokfluit (groepe) en kitaar (Doen aansoek by kantoor) 7. ANDER DIENSTE: 7.1 Remediëring/Arbeidsterapie: 'n Remediërende onderwyseres besoek ons skool daagliks betrokke leerders word onttrek en by die skool onderrig. op n sessie-basis. Die Hierbenewens is ongeveer tien personeellede as 'n remediërende hulpspan (OHS) opgelei en verleen hulle individuele hulp waar nodig. n Arbeidsterapeut hou ook op sekere dae sessies by die skool. Verwysings word deur die personeel of ouers gedoen. 7.2 Opvoedkundige Hulpdienste 'n Skoolsielkundige besoek die skool dikwels. Leerders met leer- en ander probleme kan kosteloos na die OBOS verwys word waar 'n opgeleide kliniese sielkundige 'n deeglike toets kan afneem en 'n indringende gesprek met 'n ouer kan voer ten einde 'n spesifieke probleem te identifiseer. Die persoon is ook betrokke by intervensies om die leerder by te staan. Graad 7-leerders lê 'n aanlegtoets af om hulle te help in die keuse van die tipe hoër skool wat hulle wil bywoon. Inligting word aan die ouers deurgegee. 7.3 Skoolbiblioteek en Mediasentrum Die skool beskik oor 'n goed toegeruste biblioteek/mediasentrum. Hierdie fasiliteit is tot die beskikking van elke leerder. Naslaanwerk en selfstudie kan op sekere tye ook hier gedoen word. Navorsing vir projekte kan ook onder toesig in die Rekenaarsentrum van die internet afgetrek word.

4 4 7.4 Rekenaaronderrig Futurekids Die skool beskik oor 'n goed toegeruste rekenaarsentrum waar alle leerders van Grade R 7 en OLSO-klasse weekliks rekenaaronderrig deur n onderwyseres van Futurekids ontvang. Geleenthede word ook geskep om na ure rekenaaronderrig te ontvang. n Vaste kurrikulum word ook gevolg. Leerders word ook vir die ICDL (International Computers Drivers Licence) voorberei. Hierdie kwalifikasie word nasionaal deur die privaatsektor erken. 7.5 Individuele musiekonderrig Die skool beskik oor die dienste van drie musiekonderwyseresse. Leerders word vanaf Graad 2 aanvaar. Ons verkies egter dat leerders wat musiek wil neem, se name reeds so vroeg as moontlik op n waglys geplaas moet word. Ons beskik ook oor n junior- en senior koor wat aan Eisteddfods deelneem asook aan ander kultuuraangeleenthede. Musiekaande, Revues, Opvoerings ens. word ook gereeld aangebied. 7.6 Nasorg Doel: Die Nasorgsentrum is bedoel vir naskoolse sorg aan skoolgaande leerders van die Laerskool Bellpark. Geen buite leerder kan toegelaat word nie, behalwe soos deur die Beheerraad gemagtig. Beheer en bestuur: Die Sentrum staan onder beheer van die verkose Beheerraad en word bestuur deur die Skoolhoof in samewerking met die Skoolbestuur en n Dagbestuur van drie lede uit die nasorgpersoneel. Die adjunkhoof is die skakel tussen die skool en die Nasorgsentrum. Fooie: Die fooi vir bywoning van die Sentrum word deur die Beheerraad vasgestel en is maandeliks vooruitbetaalbaar. Kennisgewing van verhoging van fooie sal met minstens een maand vooruit geskied. Ons Nasorgsentrum maak voorsiening vir leerders vanaf Graad R (preprimêr) tot Graad 7 gedurende die kwartaal asook skoolvakansies. n Prospektus is beskikbaar by die sekretaresse. 8. BESOEKAANDE Ten minste drie formele besoekaande word per jaar gereël. Dan kry ouers die geleentheid om die vordering van hul kind of enige ander sake met die betrokke onderwyser/es te bespreek. Hierdie gesprekke is vertroulik en word in 'n gees van mede-verantwoordelikheid en vennootskap gevoer. Dit geskied slegs per afspraak. Ouers mag egter enige ander tyd 'n afspraak met die onderwysers reël.

5 5 9. BESOEKE AAN DIE SKOOL Ouers word versoek om die skoolsekretaresse te skakel wanneer hulle 'n afspraak met die Hoof of enige ander personeellid wil maak. Ouers moet asseblief aandui of die afspraak in verband met die leerder se skoolwerk, vordering, ens. of ander sake is. Dit is noodsaaklik en nie minder as billik, dat 'n onderwyser/es hom/haar vooraf oriënteer ten opsigte van die gesprek nie. 10. BETREDING VAN SKOOLGRONDE Kennisgewings by die ingange van die skoolgronde bepaal dat skoolgronde nie sonder verlof betree mag word nie. Dit beteken dat niemand die skoolgronde as speelterrein, ontspanningsterrein ens. kan gebruik nadat die normale bedrywighede gestaak is en die skoolgebou en -terrein gesluit is nie. 11. PARKERING EN VERVOER VAN LEERDERS DEUR OUERS Ouers moet nie by die hoofhek inry wanneer leerders afgelaai word nie. Dit ontwrig die verkeer. Ouers moet asseblief daarop let dat verkeersreëls oral streng nagekom moet word. Die skool kan nie vir boetes wat uit verkeersoortredings spruit, verantwoordelik gehou word nie. 12. ONGEVALLEVERSEKERING Die skool het ongevalleversekering uitgeneem om leerders se medies koste te dek ingeval van 'n besering wat die leerder mag opdoen vandat hy die huis of ouers se motor verlaat totdat hy dit na skool weer betree. In die geval van 'n eis teen 'n mediese fonds, word alleenlik die verskil betaal. Die eerste R25,00 moet egter deur die ouer betaal word. Die premie is by die skoolfonds ingesluit. 13. GELDE BETAALBAAR 13.1 Skoolfonds/Musiek- /Nasorggelde Die betaling van skoolgeld is nodig sodat die skool effektief kan funksioneer. Uitgawes soos vervoer, sportuitrusting en uitgawes wat nie deur die WKOD betaal word nie, moet uit die skoolfonds verhaal word. Hiervoor is ons van die ouers se verpligte bydrae afhanklik. Die fonds word deur die Beheerraad beheer en word in direkte belang van u kind aangewend. Behoeftige ouers kan, na ontvangs van skriftelike aansoek, algeheel of gedeeltelik vrygestel word.

6 6 U word aangemoedig om van die debietorderstelsel gebruik te maak aangesien dit die onderwyser se administratiewe las verlig en meer tyd vir onderrig laat. Musiekgelde is vooruitbetaalbaar. Dit beteken dat die leerling se onderrig gestaak sal word indien die musiekgelde nie teen die einde van die tweede week van die kwartaal vereffen is nie. Alle gelde kan MAANDAE, DINSDAE EN DONDERDAE in n duidelik gemerkte koevert inbetaal word. N.B. Die oudste kind van die gesin in die skool moet dit asseblief by sy/haar klasonderwyser(es) inbetaal. Sien Bylae A vir skoolgelde. 14. BYWONING Leerders wat by die skool ingeskryf is, is verplig om die skool gereeld by te woon. Indien 'n leerder afwesig is, word aanvaar dat hy/sy siek is. Enige leerder wat afwesig was, moet egter 'n briefie, wat die rede verstrek, saambring. 15. BEGAAFDE LEERDERS Die skool maak voorsiening vir spesiale projekte vir begaafde leerders. Hierdie projekte is kreatief van aard en poog om die skeppende vermoë van die leerder te stimuleer. 16. SPORT 16.1 Skoolsport Die skool bied die geleentheid vir deelname aan verskeie sportsoorte: SOMER WINTER DWARSDEUR DIE JAAR: Tennis; Krieket; Atletiek; Swem; Rugby; Hokkie; Netbal; Landloop Skaak

7 7 Daar word verwag dat elke leerder ten minste aan een winter- en een somersport sal deelneem. Daar word verder verwag dat elke leerder vir 'n beperkte tyd aan atletiek vir sy/haar kleurspan sal deelneem. Ons kleuresportbyeenkoms word gewoonlik in Januarie gehou. Indien 'n leerder nie aan sport mag deelneem nie moet hy/sy 'n brief of mediese sertifikaat saambring. Vir afronding en individuele hulp word spanne ná skool vir verdere afrigting geneem Ander Die skool bied die geleentheid vir deelname aan verskeie sportsoorte: By die skool word ook die volgende bedrywighede aangebied: Judo; Karate; (Deur Hennie Bosman), Ballet 16.3 Kleredrag tydens en na sportoefeninge Voorgeskrewe sportdrag is verpligtend vir alle leerders Leerders mag na sport in sportklere huis toe gaan Skoolsweetpakke: Verkrygbaar op by die amptelike verskaffers. (Sien afdeling oor skooldrag.) Waardevolle artikels: Kleedkamers word nie gedurende LO- en sportoefeninge gesluit nie, daarom moet waardevolle artikels aan die onderwyser oorhandig word vir veilige bewaring. 17. KULTUUROPVOEDING Kultuuraande met 'n wye verskeidenheid van leerlingaanbiedinge word gereeld aangebied ten einde ouers 'n insae te gee in die kultuuropvoeding wat in die skool gedoen word, en leerders op te voed in waardering van die kulturele. Elke graadgroep het ook een addisionele jeugweerbaarheidsperiode per week. Leerders neem jaarliks deel aan die Tygerbergse Eisteddfod en ontvang hul diplomas tydens 'n Eisteddfodkonsert in die skoolsaal of by die merietedag. 18. ALGEMEEN Leerders se gedrag, hul voorkoms en gedissiplineerdheid is van groot belang. Leerders behoort orals en altyd so op te tree dat hulle die trots van hul skool sal wees. Vriendelikheid, goeie maniere en hulpvaardigheid behoort uitstaande kenmerke van hierdie skool te wees. Daarom behoort leerders die volgende huishoudelike skoolreëls streng na te kom.

8 8 19. HUISHOUDELIKE REËLS 19.1 VOORKOMS VAN LEERDERS / HAARSTYLE: Die persoonlike voorkoms en kleredrag van leerlinge moet netjies wees en aan skoolreëls voldoen Seuns se hare mag nie oor die kraag hang, onnet om die ore wees en in die oë hang nie Indien dogters lang hare dra, moet dit vasgebind wees met geel of bruin rekkies of linte Geen byderwetse haarstyle, soos byvoorbeeld step en punk, wat afbreek aan die eenvormigheid en dissipline van die skool sal doen, sal toegelaat word nie Slegs die amptelike somer- en wintersdrag mag gedra word en geen afwyking hiervan sonder verlof, is toelaatbaar nie Geen juweliersware, behalwe horlosies en Medic Alert mag gedra word nie. Dogters mag slegs ronde, goudkleurige knopies (studs) of ronde oorringetjies in ore dra GEDRAG EN OPTREDE VAN LEERDERS Leerders moet die skool tydens die vasgestelde skoolure stiptelik bywoon. 'n Leerder mag nie gedurende skoolure sonder verlof van die skoolhoof uit 'n klas afwesig wees of die skoolterrein verlaat nie. In geval van afwesigheid moet die ouers 'n rede aan die skoolhoof verstrek. Laatkommers moet by die sekretaresse aanmeld voordat hulle na die klasse gaan Terwyl 'n leerder onder die skool se toesig is, mag hy/sy nie 'n mede-leerling se liggaamlike welsyn benadeel of in gevaar stel nie, en mag hy nie wapens, speelgoed of stowwe wat liggaamlike beserings kan veroorsaak, in sy besit hê nie Geen leerder mag op die skoolterrein of in die skoolgeboue rook nie Terwyl hy/sy onder die skool se toesig is, mag 'n leerder nie dwelmmiddels of alkoholiese drank of aanstootlike leesstof of -materiaal in sy besit hê nie of aan 'n ander gee nie Gemeenheid, vuil taal, of opsetlike beskadiging van eiendom, word nie toegelaat nie Skooleiendom, of enigiets by die skool wat die eiendom is van iemand anders, mag nie beskadig, ontsier of besoedel word nie. Die ouer sal vir die skade verantwoordelik gehou word n Leerder mag nie sonder die skoolhoof se verlof n selfaangedrewe voertuig op die skoolterrein bestuur of parkeer nie. Fietsry op die skoolterrein is ook verbode.

9 DEELNAME AAN DIE SKOOLPROGRAM Leerders moet die skool tydens die vasgestelde skoolure stiptelik bywoon. 'n Leerder mag nie gedurende skoolure sonder verlof van die skoolhoof uit 'n klas afwesig wees of die skoolterrein verlaat nie. In geval van afwesigheid moet die ouers 'n rede aan die skoolhoof verstrek 'n Leerder moet deelneem aan die opvoedingsprogram soos deur die Onderwysdepartement voorgeskryf, tensy vrystelling deur die Departement verleen is Wanneer 'n leerder hom/haar vrywillig by 'n buitemuurse skoolbedrywigheid aangesluit het, moet hy/sy sy/haar verpligtinge en verantwoordelikheid in verband daarmee stiptelik nakom, tensy hy/sy deur die skoolhoof daarvan vrygestel word Leerders mag geen fasiliteite en toerusting van die skool, insluitende die vir sport, buite skoolure sonder toestemming van die skoolhoof gebruik nie en mag nie buite skoolure sonder verlof die skool se terrein betree nie Geen leerder mag minagting teenoor die Republiek van Suid-Afrika se nasionale simbole of die skool se kodes openbaar nie ALGEMEEN Geen leerder mag op enige wyse die naam van sy skool in diskrediet bring nie. 20. VOORSKRIFTE VIR SKOOLDRAG Opgestel deur die skooldragkomitee en goedgekeur deur die Beheerraad. DOGTERS: Somerdrag: (Eerste en vierde kwartale). Hemp - Wit kortmouhemp sonder sakwapen. Trui - Donkerblou (Navy) V-nek trui met sakwapen op linkerbors. (Geen tuisgebreide truie word toegelaat nie.) Rok - Donkerblou ses-pant rok met V-nek en skoolwapen op linkerbors sonder lyfband. Broek-romp - Donkerblou quantec broek-romp kombinasie met geel omboorsel. Kouse - Kort wit sokkies sonder strepe. Skoene - Swart met enkelband oor voetbrug en gespe of toerygverpligtend. (Geen soortgelyke ontspanningsskoene word toegelaat nie.)

10 10 DOGTERS Winterdrag: (Tweede en derde kwartale). Hemp - Dieselfde as vir Somer. Das - Geen Trui - Dieselfde as vir Somer. Rok - Dieselfde as vir Somer. Broek-romp - Dieselfde as vir Somer. Kouse - Grys knie-lengte kouse met skoolkleure of donkerblou broekiekouse. Langbroek - Grys. Slegs die dogterssnit is toelaatbaar. Die broek is nie n verpligte deel van die skooldrag nie. Skoene - Dieselfde as vir Somer. Reënbaadjies - Donkerblou sonder skoolwapen. Dit vorm n nie-amptelike deel van die skooldrag. Leerders trek dit uit wanneer hulle by die skool kom. Amptelike sweetpakbaadjie - Slegs die amptelike sweetpakbaadjie mag saam met die skooldrag gedra word vir warmte. SEUNS: Somerdrag: (Eerste en vierde kwartale). Hemp - Wit kortmouhemp met sakwapen op linkerbors. Trui - Donkerblou (Navy) V-nek trui met sakwapen op linkerbors. (Geen tuisgebreide truie word toegelaat nie.) Broek - Grys kortbroek met swart lyfband. Kouse - Grys knie-lengte kouse met skoolkleure. Skoene - Swart toerygskoen is verpligtend. (Geen soortgelyke ontspanningskoene word toegelaat nie.) SEUNS Winterdrag (Tweede en derde kwartale). Hemp - Dieselfde as vir Somer. Das - Geen Trui - Dieselfde as vir Somer. Broeke - Grys kort - of langbroek met swart lyfband. Kouse - Grys. knie-lengte kouse met skoolkleure. Skoene - Dieselfde as vir Somer. Reënbaadjies - Donkerblou sonder skoolwapen. Dit vorm n nie-amptelike deel van die skooldrag. Leerders trek dit uit wanneer hulle by die skool kom. Amptelike sweetpakbaadjie - Slegs die amptelike sweetpakbaadjie mag saam met die skooldrag gedra word vir warmte.

11 11 SPORTDRAG: Atletiek, Landloop of L.O. Seuns: Donkerblou L.O. -broekie en geel golfhempie met skoolwapen. Dogters: Donkerblou quantec broek-romp kombinasie met geel omboorsel en geel golfhempie met skoolwapen. Rugby Donkerblou (Navy) L0-broekie met voorgeskrewe rugbytrui. Die eerste rugbyspan word voorsien van die amptelike geborgde rugbytrui. Krieket Donkerblou (Navy) LO-broekie wit kortmou hemp met sakwapen op linkerbors. Grys knielengte kouse met skoolkleure en verkieslik oorwegend wit drafskoene. Tennis Dieselfde as by atletiek met wit sokkies en oorwegend wit drafskoene. Hokkie Seuns: Dieselfde as vir atletiek met donkerblou knielengte kouse met geel strepe en hokkie-/drafskoene. Dogters: Donkerblou romp/broekie en golfhempie met skoolwapen. Donkerblou knielengte kouse met geel strepe en hokkie-/drafskoene. Netbal Donkerblou romp/broekie en golfhempie met skoolwapen. Wit kort katoenmengsel sokkies en oorwegend wit seil- of drafskoene. Swem Kostuum: Seuns - swart; Dogters - swart met geel Seuns/dogters - geel swempette. Skoolsweetpakke Huiskleure word hierin vervat. LEWERANSIERS VAN SKOOLDRAG EN SPORTDRAG De Jagers, Durbanweg 255, BELLVILLE. Tel: Sportsmans Warehouse; School Shop Bill Bezuidenhoutlaan 1 BELLVILLE Tel Klerebanktye by skool: Dinsdae Tweede Pouse: 12:30 en Woensdae vanaf 16:30 17:30.

12 12 SKOOLLIED Oorskadu deur ou Tafelberg, Aan ons mooi stad se rand - Staan fier en trots 'n skool so mooi; 'n Sieraad vir ons land. Met kennis word ons Jeug verryk, Niks sal dit ooit kan skaad. 'n Mooi gesindheid opgebou. Wat staan in woord en daad! Bellpark, Bellpark! Die trots van ons as jeug; Bellpark, Bellpark! Oor jou sing ons verheug - Jou grote faam en goeie naam is ver en wyd bekend, Bellpark, Bellpark! Ons sal jou naam nooit skend.