SKOOLREËLS INHOUDSOPGAWE. A. Aantree 2. B. Gange 2. C. Klaskamers 2. D. Speelterrein 3. E. Snoepwinkel 4. F. Afwesigheid 4. G.

Transcriptie

1 A.5 SKOOLREËLS INHOUDSOPGAWE A. Aantree 2 B. Gange 2 C. Klaskamers 2 D. Speelterrein 3 E. Snoepwinkel 4 F. Afwesigheid 4 G. Selfone 4 H. Kleredragreëls : Gewone Klere Dag 4 I. Algemeen 5 J. Toilette/Kleedkamers 6 K. Saal 7 L. Voorportaal 7 M. Administrasieblok 8 N. Skoolgebou na ure 8 A. AANTREE 1. Wanneer die eerste sirene loei, moet alle leerders onmiddellik na die rye beweeg. Niemand mag laat by die rye kom nie. 1

2 2. Wanneer die tweede sirene loei, moet daar stilte wees en alle leerders moet gereed wees om in te stap. B. GANGE 1. Dit is totaal verbode om voor, tydens en na skoolure in die gange te gesels, te hardloop, te speel of te drentel. 2. Wanneer leerders klasse verwissel, beweeg hulle in enkel gelid aan die linkerkant van die gang met hul tasse weg van die muur. 3. Wanneer leerders aan die begin en einde van die dag en aan die begin en einde van pouse na en van die klaskamers beweeg, stap hulle in twee rye. 4. Leerders in die boonste gang beweeg eers na buite wanneer die leerders in die onderste gang reeds buite is. 5. Leerders mag nie hul voete in die gange sleep nie, sodat daar nie swart skoenmerke op die vloer sal ontstaan nie. 6. Daar mag nie aan die hakke buite die klaskamers geraak word wanneer leerders in die gange beweeg nie. 7. Dit is verbode om in die gange of kleedkamers te eet. Hardlopery en die speel van speletjies mag nie hier plaasvind nie. C. KLASKAMERS 1. Slegs klasmonitors word voor skool in die klaskamers toegelaat vanaf 07: Klaskamers en banke moet te alle tye skoon en netjies gehou word. Skryf of teken op banke en mure is totaal verbode. 3. Geen leeders word toegelaat om gedurende lesure in die klas te gesels of rond te loop nie, tensy hy/sy die opvoeder se toestemming het. 4. As n opvoeder om een of ander dringende rede die klaskamer moet verlaat, moet die leerders ordelik en stil met hul werk voortgaan. 5. Wanneer leerders n klaskamer verlaat, moet dit netjies nagelaat word en elke leerder moet sorg dat sy/haar bank netjies reggepak is. 6. Geen klere of sakke mag na skool op hakke buite klaskamers gelaat word nie. 7. Leerders moet klop wanneer hulle n ander opvoeder se klaskamer besoek. Stap daarna dadelik in en groet beleef. 8. Geen leerder word tydens pouses of ná skool in die klaskamer toegelaat sonder toestemming van n opvoeder nie. 9. Geen leerder mag gedurende lestyd eet nie. Die opvoeder mag die eetgoed konfiskeer. 2

3 D. SPEELTERREIN 1. Leerders moet in hul betrokke gebied speel tydens pouses. 2. Leerders moet hulle toebroodjiepapiere, broodkorsies, skille, ens. in die vullisdromme plaas. 3. Die volgende word nie gedurende pouses óf voor óf na skool op die speelgrond toegelaat nie: fietsry op die skoolterrein (leerders moet by toegangshekke op- of afklim en fiets na fietsrak stoot); fietse mag nie voor die atletiek-/rugbyveld se hek of die skoolingang gelaat word nie; daar mag nie tussen of by die fietsrakke gespeel word nie; niemand mag met n ander se fiets peuter nie; boomklim, takke afbreek, bessies pluk en afpluk van blare word nie toegelaat nie; daar mag nie oor die heining geklim word nie; speletjies wat skoolklere sal besmeer, verniel of skeur, mag nie gespeel word nie; sportsoorte soos rugby, krieket, tennis, netbal, ens. mag nie met skoolklere aan gespeel word nie slegs korrekte sportdrag; op ons tennis- en netbalbane word slegs dié twee sportsoorte gespeel; speletjies waar met n harde bal gespeel word, word nie toegelaat nie; enige vorm van vuurwerke (bv. klappers), BB -gewere, vuurwapens of gevaarlike messe word nie op die skoolterrein toegelaat nie; die eet van kougom op die skoolterrein is streng verbode; leerders mag nie die skool deur die voorportaal binnekom of verlaat nie; die netbalpale mag nie vir basketbal gebruik word nie. 4. Die speelterrein is daar om deur alle leerders geniet te word. Gun hierdie voorreg ook vir mede-leerders. 5. Indien enigiets tydens n pouse gebreek of beskadig word, moet dit onmiddellik by die skoolhoof/adjunkhoof aangemeld word. 6. Leerders mag nie gedurende skoolure die skoolterrein verlaat sonder die toestemming van die skoolhoof of adjunkhoof nie. 7. Geen leerder word toegelaat om in die tuingebied voor die skool te speel nie dit sluit die gebied in tussen die voorkant van die saal verby die hoofhek tot by die hoek van die personeelkamer. 3

4 E. SNOEPWINKEL 1. Aan die begin van pouses moet die leerders in netjiese rye tussen die relings voor die luik van die snoepwinkel aantree. 2. Daar staan slegs vier leerders gelyktydig voor die luik van die snoepwinkel. Daar sal geen gestampery, indrukkery of enige ander vorm van wangedrag toegelaat word nie. Enige oortreder sal ooreenkomstig die gedragskode gestraf word. 3. Daar sal geen leerder vanaf die sydeur van die snoepwinkel bedien word nie. F. AFWESIGHEID In die geval van afwesigheid moet die ouer die rede vir afwesigheid agter in die leerder se huiswerkboek aanteken en/of n doktersertifikaat aan die opvoeder verskaf. Die huiswerkboek/doktersertifikaat moet ook waar van toepassing aan die onderstaande opvoeders getoon word: Musiek/koor Sport Verenigings en/of klubs G. SELFONE Leerders word ontmoedig om selfone skool toe te bring. Indien dit wel gebeur, aanvaar die skool geen verantwoordelikheid indien dit gesteel of beskadig word nie. Selfone moet GEHEEL EN AL AFGESKAKEL wees tydens klastyd. Indien nie, sal dit onmiddellik vir n onbepaalde tyd gekonfiskeer word. (Sirukulêre 2007/01) H. KLEREDRAGREëLS : GEWONE KLERE DAG Die enigste verskil in die kleredrag op n gewone klere dag, is dat die skooldrag vervang word met gewone klere. Die akademiese program gaan voort soos gewoonlik. BELANGRIK : GEEN ONAANVAARBARE, AANSTOOTLIKE SLAGSPREUKE OP KLERE WAT IN STRYD IS MET DIE ETOS VAN ONS SKOOL, SAL TOEGELAAT WORD NIE. 4

5 Kleredrag vir meisies Klere moet geskik wees om skool toe te dra. Geen ontblotende, skouerlose toppies met lae halslyn of kaal middelrif nie. Juweliersware soos armbande en halssnoere moet met matigheid gedra word. Geen sigbare liggaamlike deursteeksels ( piercings ), behalwe oorringe. Pette mag nie binne die skoolgebou gedra word nie. Alle onderklere moet bedek wees. Geen grimering (soos in die skoolreëls). Hare mag los gedra word, maar mag nie gekleur word nie. Kleredrag vir seuns Klere moet geskik wees om skool toe te dra. Geen sigbare liggaamlike deursteeksels ( piercings ). Geen oorringe. Pette mag nie binne die skoolgebou gedra word nie. Alle onderklere moet bedek wees. Hare moet volgens die skoolreëls wees (mag nie gekleur word nie). Leerders wat hierdie kleredragreëls oortree, sal by n daaropvolgende geleentheid nie toegelaat word om met gewone klere skool toe te kom nie. I. ALGEMEEN 1. Nuwe leerders word toegelaat om hul vorige skool se skooldrag nog vir die duur van daardie betrokke kwartaal te dra. 2. Alle kledingstukke moet duidelik gemerk wees. 3. Verlore kledingstukke word by die ontvangstoonbank ingelewer en kan daar afgehaal word. 4. n Skoolsweetpak mag slegs gedra word as deel van die sportdrag en op dae wat die leerders Liggaamlike Opvoeding het. 5. Naels moet kort geknip en skoon wees en geen naellak, korrigeerlak (tipp-ex), ens. mag op naels gebruik word nie. 6. Geen grimeermiddels word toegelaat nie. 5

6 7. Hare: Seuns: Reëls oor hare is gebaseer op netheid, natuurlikheid en style wat geskik is vir n seun wat n uniform dra. Hare mag nie oor die ore en kraag hang nie. Die kuif mag nie onder die ooghare hang nie. Hare mag nie gekrul, gekleur of in enige kleursjampoe gewas wees nie. Geen steps, undercuts, walle of snaakse style word toegelaat nie. Geen gel mag gebruik word nie. Meisies: Reëls oor hare is gebaseer op netheid, natuurlikheid en style wat geskik is vir n dogter wat n uniform dra. Hare moet weg van die gesig vasgemaak word met rekkies of linte. Die kuif mag nie onder die ooghare hang nie. Dogters mag slegs wit bykomstighede in hulle hare dra. Hare mag nie gekrul, gekleur of in enige kleursjampoe gewas wees of sonstrepies hê nie. Geen steps, undercuts, walle of snaakse style word toegelaat nie. 8. Geen juweliersware, behalwe horlosies en medic-alert kentekens mag saam met die skooldrag gedra word nie. Meisies met enkel gaatjies in die ore mag eenvoudige ringetjies of oorknoppies ( studs ) dra. Seuns mag geen juweliersware aan hul ore dra nie. J. TOILETTE/KLEEDKAMERS 1. Die gebruik van LO-kleedkamers is verbode vir alle leerders gedurende pouses of voor skool. 2. Toilette moet asseblief gespoel word nadat dit gebruik is. 3. Geen leerder mag met toiletpapier in die toilette mors nie. 4. Seep by wasbakke in kleedkamers moet aangewend word vir die was van hande na n besoek aan die toilet. 5. Die gebied in en rondom toilette (en urinaal by seunstoilette) moet deurgaans skoon en netjies gelaat word. Dit is nie n geselsplek, eetplek of vergaderplek nie. Ronddrentel in toiletgebied/kleedkamers is dus verbode! 6. Seuns staan bo-op trappie tydens gebruik van urinaal toilette moet dus nie vir hierdie doel gebruik word nie. 7. Enige leerder wat ter enige tyd onbetaamlik/onwelvoeglik/onhigiënies en vernielsugtig optree in toilette en kleedkamers, maak hom/haar skuldig aan ernstige wangedrag. Geen leerder mag ooit toebroodjies in toiletgebied eet nie óf rolle toiletpapier in toilette inforseer of stukkies nat toiletpapier teen die plafon vasgooi nie. Teen sodanige leerders sal uiters streng opgetree word. 6

7 K. SAAL 1. Geen leerder word te enige tyd sonder die toesig van n opvoeder in die saal toegelaat nie. 2. Leerders mag nie die saal as deurgangroete gebruik nie. 3. Leerders mag nie sonder toesig in die saal hardloop of speel nie. 4. Leerders mag nie tydens die normale gang van n skooldag in die saal eet of drink nie. 5. Tensy n opvoeder so n opdrag gee, mag leerders nie op die verhoog wees nie. 6. Die gebruik van toerusting (bv. klank en beligting) mag slegs deur opvoeders of hul opgeleide assistente hanteer word. 7. Geen apparaat, stoele of koorbanke mag oor die vloer gesleep word nie. Sodanige items moet opgetel word voordat dit verskuif word. 8. Alle sydeure moet toegemaak word wanneer die saal verlaat word. 9. Indien stoele en/of tafels gebruik is, moet seker gemaak word dat dit skoon is voordat dit weggepak word. 10. Portrette en ander behangsels mag nie sonder verlof uit die saal verwyder word nie. 11. Enige skade moet onmiddellik aangemeld word. L. VOORPORTAAL 1. Leerders mag nie die voorportaal as deurgangroete gebruik nie. 2. Die portaal dien as vertoonvenster van die skool en moet as sulks beskou word. Niks mag gedoen word wat aan hierdie beeld afbreuk doen nie. 3. Indien die portaal vir die een of ander rede versier moet word, mag die aanbring van sodanige versierings nie enige skade aan die bestaande strukture in die portaal aanrig nie. M. ADMINISTRASIEBLOK 1. Leerders mag nie sonder toestemming die administratiewe afdeling binnekom nie. 2. Geen leerder word in die personeelkamer toegelaat nie. 7

8 N. SKOOLGEBOU NA URE 1. Geen leerders mag na 14:30 in die gebou ronddrentel nie. 2. Reëls aangaande gedrag in klaskamers en gange is ook van toepassing na 14:30. M.M. WALTERS SKOOLHOOF 8