INLEIDING Ek dink jy sal saamstem dit is nie maklik om vandag jonk te wees nie. Die wêreld waarin ons leef, is n baie des truktiewe wêreld vir die jongmens van vandag. Jongmense het baie energie in hulle opgesluit. Hulle is begaafd en talentvol. Ek is oortuig dat hulle werklik die wêreld n beter plek kan maak. Maar as n mens so kyk na die drank, dwelms, buite-huwelikse seks en ander dom keuses in ons wêreld, wil jy uitroep: Waarmee en hoe sal die jeug van vandag op die regte koers bly? Wat is dit wat ons moet doen en na wie moet ons luister om werklik oorvloedige lewens te lei en in oorwinning te leef? Dan raak ek opgewonde! God is n Vriend van die jeug. Ek weet Hy staan langs elke jongmens om hom of haar te motiveer en te inspireer om lewenslustig te wees en vol lewens te lei. Hy wil hê jongmense moet energiek en modern leef, maar ook anders as die wêreld wees, lyk en leef. Hy gun hulle oorvloed en geluk, maar waarsku: Bly weg van sonde. Die Woord van die Here is nou eenmaal die inspirasie en rigtingwyser vir elke jongmens se lewe. Dit waarsku jou teen sekere dinge. Dit motiveer jou tot sekere ander dinge. Dit lei jou op paaie van vrede en rus in n stormagtige wêreld. Die belangrikste is dat dit jou vertel van die mooiste liefdesverhaal ooit. Dit vertel jou van die liefde van n Vader wat sy geliefde Seun gegee het sodat jy, as jy jou lewe aan Hom toewy, werklik oorvloed kan ervaar en in oorwinning kan leef. Dit vertel jou van iemand wat sy lewe vir jou afgelê het. Ja, God se Woord is sy liefdesbrief vir sy kinders. Bring tyd deur saam met die Woord. Gebruik dit enige tyd en enige plek. Hierdie handige sakpas-formaat kan jy juis saam met jou dra waar jy ook al gaan. Die oordenkings is ingedeel volgens temas. Die tematiese indeks agterin sal
jou help om n betrokke oordenking oor n tema maklik op te spoor. Mag God se Woord jou troos in tye van hartseer en motiveer in tye van terugslae. Mag dit jou aanspoor tot die goeie werke waartoe God jou in Christus geroep het. Mag jy daarin wysheid vind wanneer jy dit so nodig het. Jy is God se geliefde en Jesus is Immanuel. Dit beteken God het seker gemaak Hy is altyd by jou. Jy is duur gekoop en jy is vergewe en vrygemaak. Dit het die lewe van Jesus gekos om dit te doen. Daar is vandag soveel grys areas en versoekings. Dan is daar ook nog die media wat Christelike waardes openlik en gereeld uitdaag. Dis partykeer moeilik om staande te bly teen die baie versoekings. Laat die kosbare skat in jou hand die Woord van God jou lewe rig. Die eerste vyf boeke van die Bybel is al ouer as 3 000 jaar. Abraham, Isak en Jakob het na raming ongeveer 1 900 jaar voor Christus geleef. Jesus self het ongeveer 2 000 jaar gelede reeds opgevaar na die hemel. Die Bybel is die skat waarin al die dinge opgeteken is. Dis die skat wat jou help om jou lewe te rig. Die Gees van God is die Een wat die Woord geïnspireer het. Daarom is die Woord die waarheid. Rig jou lewe daarvolgens in. ~ Johan Smith
Januarie
Vertrou OP DIE alles WAT JY HET. HERE MET MO ENIE STAATMAAK OP JOU EIE INSIGTE NIE. SPREUKE 3:5
Daar staan in die Skrif: Jy moet die Here jou God aanbid en Hom alleen dien. Matteus 4:10 1 Januarie Aanbid God en God alleen Loof die Here ons God! Dien Hom op sy heilige berg, want die Here ons God is heilig! Psalm 99:9 As julle dink aan alles wat God in sy groot barmhartigheid vir julle gedoen het, gee dan julleself aan Hom as n lewende en heilige offer. Dit is dié soort offer waarvan Hy hou, en wat julle diens aan God werklik sinvol maak. Romeine 12:1 Kom, laat ons aanbid en neerbuig, en kniel voor die Here ons Maker, Hy is ons God en ons is sy volk, die skape onder sy sorg. Psalm 95:6-7 Daar kom egter n tyd, en dit het reeds aangebreek, wanneer die egte aanbidders die Vader vanuit n hegte verhouding met die Gees en in waarheid sal aanbid, want die Vader verkies dat die mense Hom só aanbid. God is Gees, en dié wat Hom aanbid, moet Hom vanuit n hegte verhouding met die Gees en in waarheid aanbid. Johannes 4:23-24 Here, ek eer en prys u Naam, want U is my God. U doen wonderlike dinge! Jesaja 25:1 Elke mens aanbid iets of iemand. As jy kyk hoe n mens sy geld, ander hulpbronne en tyd bestee, behoort dit vir jou n goeie aanduiding te gee van wie of wat hulle werklik aanbid. Sommige mense verafgod geld en besittings. Ander verafgod n lewensmaat of n ou of n meisie. Vir sommige het die TV soos n god geword. God wil hê jy moet Hom alleen aanbid. Fokus op Hom en dien Hom!
2 Januarie Soek die Here se aangesig Waar twee of drie bymekaar is, is Ek immers ook saam met hulle daar. Matteus 18:20 Ek sal by jou wees en jou beskerm waar jy ook al gaan. Genesis 28:15 U wys vir my die lewenspad; in u teenwoordigheid is vreugde, en aan u regterhand is daar blydskap vir altyd. Psalm 16:11 As julle met hart en siel na God soek, sal julle Hom vind. Deuteronomium 4:29 Ek wag op die Here, ek wag, en hoop op sy woord. Psalm 130:5 Soek na die Here en sy krag. Hou aan om Hom te soek. 1 Kronieke 16:11 As julle heelhartig na My soek, sal julle My vind. Jeremia 29:13 Kom nader aan God, en Hy sal nader aan julle kom. Jakobus 4:8 Wanneer ek loop in n baie don ker kloof, sal ek nie bang wees nie, want U is naby my. U stok en u staf beskerm en ondersteun my. Psalm 23:4 Dié wat u Naam bely, vertrou op U, want niemand wat U soek, laat U in die steek nie, Here. Psalm 9:11 Alle mense is op soek na iets, of dit nou n soeke na geld en besittings of n soeke na geluk is. Die een ding wat elke mens elke dag en in elke situasie behoort te soek is die aangesig van die Here. Maak dit n gewoonte in jou lewe om God se aangesig te soek. Maak tyd om saam met God deur te bring en te luister as Hy met jou praat. Soms, veral in swaar en moeilike tye, maak dit die verskil wat jy in jou lewe nodig het.
Mag God, wat ons almal se geloof sterk maak en ons krag gee, julle help om regtig goed met mekaar oor die weg te kom. Dit is presies wat Christus Jesus wil hê. Julle moet mekaar asseblief aanvaar. Onthou: Christus het julle almal met oop arms aanvaar en op hierdie manier groot eer aan God gebring. Romeine 15:5, 7, Die Boodskap Ons weet dat niemand deur die wet te onderhou deur God vrygespreek word nie. Net deur die geloof in Jesus Christus kan dit gebeur! Niemand sal mos deur die wet te onderhou deur God vrygespreek word nie! Dit is eers as ons deur Chris tus God se vryspraak soek dat ons raaksien dat ons self ook sondaars is. Galasiërs 2:15-17 3 Januarie Aanvaar alle mense Moenie iemand wat uit n ander land kom onregverdig behandel nie. Eksodus 23:9 Aangesien alles wat God geskep het goed is, moet ons nie enigiets daarvan verwerp nie. 1 Timoteus 4:4 Moenie nalaat om gasvry te wees nie. Deur gasvry te wees het party mense, sonder dat hulle dit besef, selfs engele tuis ontvang! Hebreërs 13:2 Hou op om ander te oordeel, en julle sal nie geoordeel word nie. Hou op om ander te kritiseer, en julle sal nie gekritiseer word nie. As julle ander vergewe, sal julle vergewe word. Lukas 6:37 God aanvaar jou net soos jy is. Daarom moet jy altyd met n oop hart teenoor ander leef, want God verwag van jou om alle mense lief te hê en te aanvaar. Hou op om ander te veroordeel en krities te wees. Jy het jou bagasie en n verlede wat nie altyd positief, goed en mooi is nie. Tog kies God om jou onvoorwaardelik te aanvaar. Doen dieselfde aan ander mense. Aanvaar hulle soos God jou aanvaar het.