Wat leer ons die week in Graad R? Kwartaal 2 Week 9 Gedurende die week is helderkleurige herfsdae verruil vir pannekoekdae! Die Graad R leerders het nes flinke herfskabouters die assesseringstake met ywer voltooi. Hulle het hulself goed van hul taak gekwyt en verdien n bederf! NUWE KONSEPTE Tema: Smaak sintuig Ons bespreek die volgende temapunte tydens bespreking: Soorte smake: soet en sout Soorte smake: suur en bitter Kan ek alles proe en eet? Nuwe smake Smake waarvan ek hou Wiskunde Hersien konsepte: - Tel ritmies 1-20 met 3 aksies d.m.v liggaamperkussie - Plekwaarde: eerste, tweede, derde, vierde en laaste - Getalsimbool, getalnaam en patroon van die getal vyf - Tel 10 voorwerpe van dieselfde soort en kleur uit (terug ook) Domino s Legkaarte bou: 20 stuk Patrone: Maak patrone met 3 vorms Woordsomme: optel- en aftrekprobleme
Bv.Sanja het 4 bere. Mieke gee haar nog 2. Hoeveel het sy nou? Pieter het 5 koekies. Die hond eet 2 op. Hoeveel het hy nou oor? Behandeling van geld: Help maats om die geld wat hulle al kan lees, te identifiseer bv. 5c, 10c, 20c, 50c, R1, R2 en R5 Huistaal Luister en praat: - Leerder en mamma maak hul eie handelsname boek, Bv. Spar, Checkers, Pick Pay, Stop, Spur - Leerders kan Vrydag die geleentheid kry met Bring en Vertel om hul eie handelsname boek te kom wys en bespreek die kentekens daarop en wat jy daar kan koop / doen. Woord en sinwerk: - Nuwe woordeskat: soet, sout, suur, bitter, smaak, smaakknoppies / smaakpupille - Identifiseer voorwerpe wat begin met n g-klankie. - Bou die g-klankie met klei; skryf dit in die sand of omkring al die g-klankies. - Fokus op beginklanke van woorde: gril, gat, gom, geel, gif - Klap lettergrepe - Rymwoorde: Watter een pas nie? Bv. boom, soom, blaar son, gras, kas Lewensvaardighede Beweging: - Liggaamlik: Hardloop vorentoe / agtertoe sonder om te val en teen iets te bots. - Huppel: Gemaklik en ritmies - Identifiseer liggaamsdele mbv n voorwerp: Plaas voorwerp op kop, skouer, knie, voet, rug - Balans: Staan op linker-en regterbeen onderskeidelik vir 10 sekondes, sonder om te val. - Patroonspring: Spring binne en buite oor voorwerp. - Touspring: Spring gemaklik en ritmies met tou. - Volg instruksies: Loop na die yskas, maak die deur oop en haal die tamatie en kaas uit. -
Musiek: - Vertel n eenvoudige bekende storie, bv. Jan en die boontjierank Leerders moet dit terug vertel en rolspel (improviser en interpreteer) - Sing aksieliedjies en doen bewegings saam - Hou ritme met verskillende liggaamsdele. Wees kreatief! GEDIGGIE My Tong Ek het n lang tong, ek het n kort tong. Ek het n tong in die middel van my mond. Ek kan hom links draai, ek kan hom regs draai. Ek draai my tongetjie orals rond. ***************************************** LIEDJIE 5 Sintuie Ek het 2 oë, sodat ek kan sien. Ek het 2 ore wat kan hoor. Ek het n neus wat kan ruik. En n tong wat alles proe.
Ek het 2 hande wat my laat voel, vashou, streel en druk. 5 Sintuie hul is almal daar. Ek lag, dis my geluk! 5 Sintuie (x3) Het ek wel: My oë, ore, neus, tong en laastens tot my vel HOUDINGS EN WAARDES Ons fokus op die volgende: Om om te gee is om vanuit n dankbare hart te gee, Omdat ek ontvang het, kan ek gee Ons wil u aanmoedig om u kind die leefwyse van dankbaarheid uit te leef, deur dankie te sê, ander te erken deur liefde en te deel met jou maatjie. KENNISGEWING Neem asseblief kennis van die volgende: Algemene organisasie rondom die afhaal en sport van Graad R leerders: Gedurende die tydperk Maandag 4 Junie tot Vrydag 15 Junie van hierdie kwartaal is die skool se senior klasse besig met eksamen en beïnvloed dit noodwendig sekere aksies van die Grondslagfase (Gr.R 3) Let asb op die volgende: 1. Die skool sluit daagliks vanaf 12:45 (4 14 Junie) 2. Sport gaan voort soos aangedui op die Eikedatums wat op Woensdag 30 Mei uitgedeel is. Netbal en rugby oefeninge slegs op Dinsdae (gewone tyd) 3. Vanaf 18 22 Junie volg ons weer die normale skooltye. 4. Op 22 Junie sluit die skool vir die wintervakansie om 10:55 vir alle leerlinge. Ekstra stelletjie klere: Ouers moet asseblief n ekstra stelletjie klere in u leerder se tassie plaas vir enige glipse Sluitingsdatum van Kwartaal 2 Die skool sluit op Vrydag 21Junie vir die 2de kwartaal om 10:55 en heropen weer op Maandag 15 Julie vir die 3de kwartaal.
GESEGDE: Dit het my opgewonde gemaak om te weet dat ek aan U behoort Jer 15v16