Inhoudsopgawe Voorwoord Januarie... In die begin Februarie... Jesus by ons Maart... Wat sou Jesus doen? April... Onderdanigheid en gehoorsaamheid Mei... Geestelike oorlogvoering Junie... Woorde wat lewe gee Julie... Die heerlikheid van God Augustus... Wonderwerke en seën September... Die wonder van God Oktober... Wié is die Heilige Gees? November... Die Christelike lewenswandel Desember... Jesus, die Seun van God
Voorwoord Dit is altyd n groot voorreg om n dagboek te skryf. Die oorspronklike gedagte was om n dagboek te skryf met die persoon, karakter en bediening van Jesus as hooftema, maar prakties genoeg om in ons elkedagse lewe mee te iden ti fiseer. Jesus bly die grootste behoefte in mense se hart, maar is soms die skaarsste aanbieding in die kerk van vandag. Wie is Jesus? Hoe lyk Hy? Hoekom werk Hy soos Hy werk? Hoekom is daar soveel dinge in dié lewe wat nie sin maak nie? Hoe beleef ek Hom? Hoekom voel dit soms of Hy my nie wil help nie? Die vrae hou nie op nie! Hierdie dagboek probeer om sommige van dié en ander vrae te antwoord. Ek wil dankie sê vir almal wat gehelp het om dié po ging moontlik te maak. n Innige dankie aan my won derlike vrou, Pippa, vir haar wysheid, liefde en vas be radenheid. My drie kin ders, Christiaan, Willem en Katelyn, vir hulle geduld met n pa wat skynbaar aan sy rekenaar vasgeplak ge sit het. Dan kie ook aan al die mense oor meer as 20 jaar wat met hulle op regte vrae en insette ook my hart verruim het om Jesus te sien. Jesus is die lafenis en antwoord van ons lewe. Hy is nie kerk lik of godsdienstig nie. Hy steur Hom nie aan die geite en draad werk van mense nie, maar bedien en is lief vir almal oor alle grense oor die eeue heen. Jesus is nie Afrikaans, Engels, Zoeloe of Chinees nie. Hy is Homself en vra niemand se toestemming of goedkeuring om na almal uit te reik en dié te red wat verlore gaan nie. Jesus is n ware fees! Mag jy Jesus nog beter leer ken deur die dagstukke in hierdie boek, en ervaar hoe jou geloof vlerke kry. ~ Riekert Botha
In die begin In God se werke sien ons sy hande, maar in sy Woord sien ons sy gesig. ~ Anoniem Januarie
Die Alfa en die Omega In die begin ~ Johannes 1:1 Johannes 1:1-18 1 Januarie Waarvan praat Johannes as hy sê: In die begin was die Woord? Het Jesus n begin gehad? Was daar n tyd wat Hy nie was nie? Johannes se Grieks laat hier geen twyfel nie. Die woorde In die begin beteken eintlik: Van die eindelose verlede af, of: Nog altyd. Die Woord, of Jesus, was nog altyd daar. Jesus is nie geskep nie, want God is nie geskep nie. God was nog altyd daar. Dis n gedagte wat te groot is vir ons verstand, want ons hele lewe word bepaal deur tyd deur n begin en n einde. Ons kan nie enigiets voorstel buite hierdie raamwerk nie. Dis wie God is groter as ons verwysingsraamwerk en logika. Hy is groter as ons denke en kan redeneer en spekuleer. Hy is eindeloos. Dit is groter as wat ons kan verstaan. Jesus het nie n begin nie en Hy het nie n einde nie. Inteendeel, Hy ís die Begin en die Einde (Op 1:8). Jesus baken alles af en stel die grense vir alle sienlike en onsienlike dinge. As ons n rukkie hieroor dink, word dit opvallend duidelik dat ons God nie verstaan nie. Ons perk Hom in om elke hoek en draai. Ons probeer Hom by ons geite aanpas en inpas. Ons annekseer God graag vir ons kerk en denominasie en beperk Hom tot ons sienings en vrese. Wat is die kans dat ons God in hierdie nuwe jaar gaan toelaat om God te wees, in plaas van die produk van ons verbeelding en grense? Paulus skryf: Aan Hom wat deur sy krag wat in ons werk, magtig is om oneindig meer te doen as wat ons bid of dink (Ef 3:20). Is dit wat jy graag wil hê God in jou lewe moet doen? Jesus is alles wat ons nodig het en baie meer.
Waar was Jesus met die skepping? God het deur Hom alles geskep wat in die hemel en op die aarde is: alles wat gesien kan word en alles wat nie gesien kan word nie, konings, heersers, maghebbers, gesagvoerders. Alles is deur Hom en vir Hom geskep. ~ Kolossense 1:16 Ons lees in Genesis 1:1: In die begin het God die hemel en die aarde geskep. Waar was Jesus toe God dit gedoen het? Het jy al n voorstelling van die Melkweg gesien? Die afstan de en ruimtes kan skaars begryp word en dan is die Melk weg slegs een sterrestelsel van miljoene. Ons eindelose God het die heelal geskep n ruimte waar ek en jy nie eens vergelyk met die grote van die kleinste eenheid bekend aan die mens nie. Het Jesus n rol in die skepping gespeel? Die Bybel is baie duidelik oor waar Jesus was toe die aarde geskep is. Paulus skryf in ons Skrifgedeelte vir vandag dat die Seun die beeld van God is, van God wat self nie gesien kan word nie. Die Seun is die Eerste, verhewe bo die hele skepping (Kol 1:15). Die antwoord op die vraag: Waar was Jesus met die skepping? is: Daar sou nie n skepping gewees het as Jesus nie daar was nie. Die Vader het alles wat Hy gedoen het, deur Jesus gedoen. Jesus Chris tus is nie n onderwerp van Christenskap nie Hy ís die on der werp. Het jy dalk meer kennis van gebed, vas, gawes en bonatuurlike manifestasies as van Jesus? Weet jy meer van kerkdinge as wat jy van Jesus weet? Is jy meer ingelig oor die on regte teen jou as oor die persoon en karakter van Jesus Christus? Indien wel, het jy die heel belangrikste ding mis geloop. My gebed is dat jy Jesus ken wat van die be gin af daar was (1 Joh 2:13). 2 Januarie Kolossense 1:15-20