Maar nou was September alweer `n baie besige maand, veral vir `n klompie sogenaamde profete. Miskien weet jy van sommige hiervan.

Transcriptie

1 1 Hoe antwoord ons Profesieë As hierdie preek vir jou bekend klink, dan is jy nie verkeerd nie, want ons het so bientjie minder as `n jaar gelede ook hierdie saak hanteer. Maar nou was September alweer `n baie besige maand, veral vir `n klompie sogenaamde profete. Net soos verlede jaar, en die jaar voor dit, was daar verskeie profesieë van internasionale proporsies wat in sou in die maand van September tot volvoering sou kom. Miskien weet jy van sommige hiervan. Ek noem `n paar: 1. Die wegraping sou saam met die einde van die Joodse Sabbatsjaar in September 2015 plaasvind. Ja, net so hierdie keer, en kennis van die Hebreeuse name van al die Joodse feesdae is onontbeerlik. 2. Ook in sameloop met die shemitah (Sabbatsjaar) sou `n wêreldwye finansieële ineenstorting plaasvind omdat God die ongehoorsame nasies finansieël gaan straf. 3. (klik) Twee jaar gelede was daar die die vier bloedmane teorie was `n goeie motiveerder was vir baie van bogenoemde profesieë. Groot dinge sou met die 4de een gebeur wat dan op 28 September geëndig het soos ons gesien het. 4. (KLIK) Asof die maan mense nie genoeg gepla het nie was daar twee jaar gelde `n reuse Astroïde veronderstel om die aarde op 24 September te tref en die einde van die wêreld te bring. Hierdie jaar was daar die geheimsinnige planeet X of Nibiru wat gister ons Saterdag sou onderbreek as dit net nie vir die feit was dat die verkeer in die hemel bietjie besig was nie. 5. Pous Francis van Rome se besoek aan Amerika was 2 jaar gelede `n groot teken, en hierdie jaar was dit weer duidelik dat Amerika die draaipunt sou wees met die sonsverduistering wat daar gesien kon word, asook natuurlik die klompie vroulike orkane wat die kontinent getref het. So kan nog verskeie sogenaamde profesieë en variasies op die tema genoem word wat via e-pos en sosiale media versprei is.

2 2 Baie het tereg onthou dat die Bybel ietsie daarvan sê dat niemand die datum ken van die einde van die wêreld nie, en daarom die agterdeur dat indien dit nie gister die einde was nie, dit baie duidelike tekens is dat die einde van die wêreld hier is. Tekens: hoor wat sê Jesus oor die soek na tekens: `n slegte en afvallige geslag vra `n teken, en geen teken sal aan hulle gegee word nie, behalwe die teken van die profeet Jona. Matteus 12:39 en weer 16:4. Mense het behep geraak met voorspellings van die einde wat uit sogenaamde tekens afgelei kan word. Die een knaap maak `n ernstige pleidooi, nadat hy al die ouens se voorspellings, en sy eie navorsing vir soetkoek opeet, dat die datums waarop hierdie goed gebeur baie interessant is, want die getalle 21, 25 en 26 staan uit, en weet jy wat staan in Lukas 21:25, 26? My vraag is dan maar wat staan in Esegiël 21:25, 26? Hoe kom jy aan hierdie teks uit datums, uit lukrake keuse van getalle? Feit van die saak is, hierdie sogenaamde profesieë het weereens nie waar geword nie. Dit was dus vals. Jy dink dalk nou, maar ons glo mos nie hierdie goed nie, en ek beweeg nie in kringe waar hierdie tipe dinge enigsins ter sprake gekom het nie. Daar is egter groot groepe mense wat hulle geweldig baie aan hierdie tipe dinge steur. Hierdie voorbeelde klink ekstreem, maar dit is nie anders as baie ander sogenaamde profete wat topverkoper boeke skryf, of wat mense laat glo dat hulle een of ander besondere gawe van die Here ontvang het om die toekoms uit te lê nie. Veral in Afrika is daar nou sogenaamde profete met ontsettende mag oor mense. Hulle word blindelings gevolg. Dit sou maklik wees om maar net die kop te skud en te sê dat ek niks hiermee uit te waai wil hê nie, maar het ons `n antwoord as iemand ons daarna sou vra? Hoe onderskei ons of iets vals is of nie en hoe sal jy iemand anders kan help om te onderskei, want hier is die ding: ware dissipels van Jesus behoort dit te kan doen.

3 3 Luister wat sê Jesus in Matteus 7: (klik) Baie duidelik uit hierdie gedeelte sê Jesus dat ons valse profete aan hul vrugte sal ken. As jy dus `n volgeling van Jesus is, behoort jy so vertroud te wees met die vrugte wat `n ware profeet dra, dat jy maklik kan onderskei wat vals is en wat nie. Hoekom is dit dan dat so baie gegooi word deur hierdie sogenaamde profesieë en uitwys van tekens? Is dit nie omdat mense baie meer maak van die uiterlike as die innerlike nie? Dit gaan in hierdie profesieë so baie oor my eie lot, oor die einde van die wêreld, die feit dat ek weet en jy nie, ek kan nou myself red deur te glo. Die profesieë wat wel in die Bybel opgeteken is oor die eindtyd, is bedoel om die fokus op God se heerlikheid as enigste regter en koning te plaas, en het daarom `n sterk oproep tot bekering. Volgens Jesus se uitspraak sal iemand wat vrot is aan die binnekant, se dade en woorde dit op die ou einde bewys. Nou: Mense hou nie daarvan dat ons hierdie tipe dinge sê nie, want hulle hou daarvan om iets aan te haal soos: wie nie teen ons is nie is vir ons. Maar is iemand wat valse profesieë maak vir ons? Belangriker: Is hy vir God? Jesus sê dan self dat die slegte boom wat nie goeie vrugte dra nie, uitgekap en in die vuur gegooi gaan word. Dit geld dus vir die vals profeet, maar wat van die een wat hom volg en sy valsheid glo asof dit van die Here kom? Dit is `n siekte van ons tyd dat mens om elke hoek en draai iemand kry wat namens die Here praat.

4 4 Hulle laat nie die Here praat nie, maar sien tekens, en gaan soek dan tekste in die Bybel om daarby te pas, en dikwels is hulleuitgesonder om alleen te weet wat God sê. Dikwels moet jy ook `n beter kennis van tydlyne, Joodse gebruike, sterrekunde en natuurlik wiskunde hê om al hierdie goed bymekaar te kan tel. Maar dit is nie `n nuwe probleem nie, hoor hoe bevestig Jesaja dit in (klik) 8: 19 Mense sê julle moet mediums en spiritiste raadpleeg wat fluister en mompel, maar moet 'n volk nie sy God raadpleeg nie? Waarom sou 'n mens dooies in belang van lewendes raadpleeg? 20Terug na die wet en die getuienis van die Here! Wie nie volgens hierdie woord praat nie, is sonder toekoms! (klik) Maar moet `n volk nie sy God raadpleeg nie? Raadpleeg jy vir God eerste, of jou slim swaer, vriend, onderwyser of dominee? Natuurlik is dit nie verkeerd om raad en hulp te vra nie, maar waar gaan hoor jy eerste? Jy moet by die Gewer van vrugte gaan hoor of die vrugte wat iemand dra Hom eer of nie. En hoe sal mens dit doen? Voor ek probeer antwoord, kom ons kyk net na nog `n belangrike teksgedeelte om die spyker in te slaan oor hoe die Here oor vals profete voel en wat ons te doen staan. (KLIK) 1 Johannes 4:1-6 Ondersoek! Wie moet dit ondersoek? Elke dissipel van Christus moet dit kan doen.

5 5 Miskien moet die kerk bietjie hand in eie boesem steek wanneer mense hiermee sukkel, omdat ons die taak om te ondersoek uitgekontrakteur het aan professionele mense. Ons moet leer om God eerste te raadpleeg, en ons moet seker maak wat dit is wat ons oor Hom bely. Dan sal daar nie onsekerheid oor ons toekoms wees nie. Hier is dan `n paar riglyne wat ons sou kon toepas om seker te maak dat ons nie sommer net enige een glo wat sê dat hy namens God praat nie. 1. Kyk na die vrugte van die persoon a. Lyk hy/sy soos iemand wie se wortels in Christus is? b. Is die vrug van wat sy leer sigbaar in haar eie lewe, en tot wie se voordeel is daardie vrug? Hul eie voordeel, of tot voordeel van God se Koninkryk. 2. Dit moet in lyn wees met die Bybelse openbaring. a. Pas dit m.a.w. by die dinge wat God reeds gesê het? Die Heilige Gees weerspreek Homself nooit nie. God sal jou nie aan die eenkant leer dat jy ander se goed moet beskerm en dan skielik dat jy net jou eie hoef te beskerm en ander mag benadeel nie. b. As dit oor die eindtyd gaan, moet dit pas in die kronologiese gebeure wat God reeds voorspel het, en wat duidelik in die Bybel staan. En as dit dan uitsluitlik oor die eindtyd gaan 3. `n Profesie is waar wanneer dit gebeur soos dit geprofeteer is (Jesaja 28:9). a. As iemand se profesie reeds `n vorige keer nie waar geword het nie, is dit mos `n bewys dat hy/sy vals is. 4. `n Ware profeet verkondig alles van Christus 1 Joh. 4:1-6 a. So `n profesie fokus nie op mense nie, nie hul rykdom, geluk of voorspoed of behoud nie, maar wel op Jesus Christus en hoe Hy sy koninkryk verder sal vestig. b. Sulke profesieë is toetsbaar, jy kan dit uit die woord van die Here ondersoek. c. In ons tyd moet jy dus vra: hou dit by die feit dat Jesus uit `n maagd gebore is, dat Hy fisies mens geword het, dat Hy geen sonde gehad het nie, dat Hy

6 6 nie wetenskaplik onkundig was nie, maar geweet het waar bo en onder is, as Hy gesê het dat Hy gaan opstaan en opvaar ens. 5. Bybelse profesie se hooffokus is bykans nooit blote voorspelling van goed wat in die toekoms gaan gebeur nie, maar wel die oproep tot bekering. a. Meeste sogenaamde profesieë dop hierdie toets, omdat dit daaroor gaan om die profeet mag oor mense te gee, en nie om hulle weer voor die voete van die Koning te bring nie. b. Dit roep selde mense op om die Bybel te lees vir wat dit is, maar eerder as `n boek vol tekens en sake wat die leier sal verduidelik. 6. Die einde is nie alles nie, die evangelie moet eers aan almal verkondig word! a. Dra die spesifieke profesie of lering daartoe by dat die evangelie aan mense verkondig word, want dit is hoe Jesus gesê het dat die wêreld se einde nader sal kom. b. Jesus sê self: 36 Maar niemand weet wanneer daardie dag en uur kom nie, nie die engele in die hemel nie en ook nie die Seun nie. Net die Vader weet dit. Wat is die belangrikste! Ondersoek. Raadpleeg jou Koning, kom self by sy voete, luister na sy Woorde, raak lief daarvoor. Moenie jou kop laat skuif deur mense nie, maar skuif koppe deur God vir hulle uit te wys. Wees dan self `n profeet wat die hoogste Profeet en Leraar Jesus Christus navolg en glo. Voor Hom was daar nie so `n volmaakte profeet nie, en sal daar ook nooit weer wees nie. Dra dus vrugte wat by jou geloof pas, met diep wortels in die vastigheid van God se Woord en die Gees wat dit in jou bevestig. So sal jy dan `n profeet wees wat die waarheid praat, omdat jy Hom volg wat die waarheid is.