15 Mei 2016 Onthou om te onthou! Joh.14:8-17, (25-27)

Transcriptie

1 15 Mei 2016 Onthou om te onthou! Joh.14:8-17, (25-27) Deel van die sukses van 'n Kleuterkerk is die veiligheid van roetine vir die kleintjies. Veral as die leidsters elke week wissel. Die veiligheid lê vir hul dan in die bekendheid van die roetine. Daarom hou ons elke Sondag dieselfde aankoms aktiwiteite naamlik: vryspel stasies. Daar is drie kiste met speelgoed in naamlik 'n klei kis, 'n Lego s kis en 'n legkaart kis. Die Lego kan op die mat uitgegooi word en die Klei en drukkertjies en die Legkaarte word by die tafeltjies gespeel. Vir kleuters is hulle name ook baie belangrik. Sorg dat die skoenboks met die naamkaartjies voor by die deur is. Daar is vir elke kind n naamkaartjie met hulle ouers se selfoonnommers op. Speld of knip dit vir elke kind vas soos hy of sy kom en merk ook hulle name op die register af. Voorbereiding: Knip prente wat by mekaar pas op laaste bladsy uit vir geheue speletjie. n Kers en ballon om die Heilige Gees mee te verduidelik Borrels vir borrel blaas. Uitpak & Vryspel Sorg dat jy 20 minute voor die tyd daar is en pak die drie stasies vir vryspel uit. Sorg ook dat die skoenboks met die name en die bywoning register en n pen gereed is. Laat die ouers die kind se naam op die register skryf. Ontvang die kinders by die deur, speld hulle naamkaartjies aan en lei hulle na die stasies toe vir vryspel. Regmaak & Draailoop Laat die kinders die stasies waar hulle tans speel oppak, en neem die kinders wat wil, om 'n draaitjie te gaan maak in die badkamer. Laat die kleuters op die mat gaan sit. Jy as leidster kan op 'n stoeltjie voor hulle gaan sit. Om seker te maak almal bly stil, laat hulle kruisbene sit met hulle handjies in hulle mandjies(in hul skote) Die volgende roetine word voor gestel: - Bywoningsregister Om vir die kleuters erkenning te gee dat hulle gekom het, kan hulle 'n plakkertjie plak op die betrokke plek op die bywoning trein.(voorsien) LW dis nie 'n trein met datums op wat vir jou sal uitwys watter Sondae jy nie daar was nie. Dis doodeenvoudig net 'n trein met trokke waarop die kinders se name staan en hulle geleentheid kan kry om 'n plakker (voorsien) te plak in sy/haar trokkie waarop hul name aangebring is. - Verjaarsdag gelukwensing (sing en ontvang 'n kroon met 'n ballon) Indien iemand verjaar het gedurende die week of vakansie, sing almal vir hom/haar Geluk liewe maatjie en hy/sy ontvang 'n verjaarsdag kroon (voorsien) en 'n ballon(voorsien) - Kollekte - Een van die maatjies neem die geld op in n mandjie - Hersienings moment Vra die kinders uit oor wat hulle van die vorige sondag se kleuterkerkles kan onthou.

2 Bidtyd: Openingsgebed Vra een van die kinders om te open met gebed. Lestyd: Wie van julle bly ver van ouma en oupa af, of ver van enige iemand vir wie jy lief is? Verlang julle baie na hulle? Hoe weet ons dat daardie persoon vir wie ons lief is, en wat ook vir ons lief is, nog aan my dink, of nog lief is vir my? Gee genoegsame tyd vir antwoorde. Wanneer ons ver van ons geliefdes is, is daar verskillende maniere om vir hulle te laat herinner dat jy nog vir hulle lief is en aan hulle dink. Ons kan dalk vir hulle n briefie skryf, of dalk n sms stuur. As ons nognie self kan skryf nie, kan mamma of pappa ons help. Of mens kan hulle bel of skype, of n voic stuur. Daar is baie maniere om hulle te herinner dat jy aan hulle dink. Wat doen jy om vir daardie iemand in jou lewe te wys jy dink aan hom of haar? Gee geleentheid vir antwoorde. Dalk het jy n foto van ouma of oupa in jou kamer wat jou herinner dat hulle vir jou lief is. Of dalk as jy buite speel op die gras, onthou jy hoe lekker jy en oupa die vakansie buite gespeel het, en dink jy sommer weer aan julle lekker tye saam. Of dalk het ouma vir jou geleer om na die maan en sterre te kyk en elke keer wanneer jy dit sien, te onthou dat sy nog baie lief is vir jou, so baie soos die sterre in die lug. Wanneer ons sulke mooi herinneringe het, dan maak dit sommer ons hartjies baie bly. En al is hulle nie by ons nie, weet ons hulle is steeds lief vir ons. Maar so van onthou gepraat, kom ons kyk hoe goed kan julle onthou. Ons speel n geheue speletjie. Maak n afdruk van die kaartjies aan die einde van die les. Knip dit uit en draai dit onderstebo. Laat die kinders toe om twee kaartjies op n slag om te draai, as die kaartjies nie dieselfde is nie, draai dit weer onderstebo en laat die volgende kind kaartjies omdraai. Wanneer twee van dieselfde kaartjies omgedraai word, mag dit so bly. Almal kyk saam na die prentjies. Dus kan julle probeer onthou waar die vorige ou die kaartjies neergesit het en so prentjies by mekaar pas. Enige ander duplikaat kaarte kan ook gebruik word vir die speletjie. Singtyd: (Die liedere is slegs voorstelle. Sing gerus iets wat meer bekend is.) Liedjie: Wie's die koning Wie's die Koning van die oerwoud; (hoe-ha, hoe-ha / slaan op jou borskas soos King Kong) Wie's die Koning van die see; (borrel, borrel, borrel / sit hande by skouers en beweeg op) Wie's die Koning van die groot heelal en alles vir ons gee. Sy naam is J - E - S - U - S, J - E - S - U - S, JESUS! Hy's die Koning van die oerwoud; (hoe-ha, hoe-ha) Hy's die Koning van die see; (borrel, borrel, borrel) Hy's die Koning van die groot heelal wat alles vir ons gee. Sy naam is J - E - S - U - S, J - E - S - U - S, JESUS! Liedboek: Lied 549 Daar s vissies in die water, kyk hoe swem hul rond Daar s voëltjies in die lug en daar s diere op die grond Daar s blomme in die velde, daar s riete in die vlei Wie sou dit als gemaak het? Die Here, ja, dis Hy!

3 Bybeltyd: Die dissipels van Jesus het elke dag saam met Hom geloop en geluister alles wat Jesus hulle geleer het van God die Vader wat vir ons lief is en van hoe ons ook vir ander moet lief wees. Maar al was hulle heeltyd by Jesus, het hulle nogsteeds nie verstaan dat God by hulle was nie. Kom ons lees daarvan in Joh.14:8-9 Jesus het vir die dissipels probeer leer dat God, die Vader, elke dag by hulle is, deur Jesus wat by hulle is, maar dat hulle ook nie hoef bang te wees as Jesus weg gaan nie, want dan sal die Heilige Gees by hulle wees. God is drie-enig, dit beteken dat God drie is, maar net een, God is Vader, en die Seun Jesus, en die Heilige Gees. Dis soos n kers. n Kers bestaan uit die was, die buitekant, met die pit aan die binnekant, en die vlammetjie wat brand. Dis drie goed, maar dis net een kers. Ons verstaan dalk nie heeltemal hoe dit werk dat God drie is, maar een is nie, maar al wat ons moet weet is dat God vir ons lief is, en elke dag by ons is. Dis soos met die ballon waarin ons lug blaas. Ons kan die lug nie sien nie, maar ons weet dat die lug in die ballon, die ballon groot maak. So al sien ons dit nie, weet ons dit is daar. Bybeltyd vervolg: Jesus het geweet sy dissipels is bang en het nodig om herinner te word dat God altyd by hulle is, daarom belowe Hy hulle die Heilige Gees. Lees Joh.14:15-16 en Joh.14:25-26 Jesus belowe wat die Heilige Gees ons sal herinner dat God altyd by ons is. Ons is nooit alleen nie en Sy liefde vir ons sal nooit opraak nie. Die Heilige Gees herinner ons heeltyd aan God se liefde. So as jy bome sien waai, en jy kan nie die wind sien nie, maar jy hoor en voel die wind, weet dat net soos die wind wat ons nie kan sien nie, by ons is, so is die Heilige Gees ook by ons. Doentyd & Leertyd: Kry botteltjies borrels by Crazy store, of maak self seep en water aan met ringetjies wat skuifspelde gebuig word. Of volg die resep op die volgende bladsy. Laat die kinders borrels blaas. Een klomp kan blaas en die ander kan die borrels vang, of gee aan elkeen n botteltjie om mee te blaas. Die borrels herinner ons dat al kan ons nie die Heilige Gees sien nie, Hy by ons is om ons te herinner dat God ons liefhet. Groettyd: Dankie Heilige Gees, dat U my herinner aan hoe lief God my het. Amen

4 Borrels blaas Hierdie is nou nie iets om te eet of te drink maar vir al die lede met kindertjies! BLINK BORRELS:- Borrels blaas is groot pret vir kleingoed, maak dit sommer self met een van die resepte: MOOI BORRELS:- 1 koppie water / 2 eetlepels gliserien / 4 eetlepels skottelgoedwasseep. Meng alles stadig en liggies saam sodat dit nie skuim nie. REUSAGTIGE BORRELS:- 6 koppies water / 1/2 koppie mielieblom / 1/2 koppie opwasmiddel / 1 eetlepel bakpoeier / 1 eetlepel gliserien. Giet die water in n vlak bak. Los die mielieblom daarin op. Roer die orige bestanddele liggies by. Werk liggies sodat jy nie skuim maak nie. Laat dit n uur staan en roer weer versigtig. Dit is in die haak as daar bietjie mielieblom onder in die bak bly le. Hierdie mengsel werk goed as jy baie groot borrels wil blaas. WENK:- Voeg n paar druppels voedselkleursel by die borrelmengsel. (Oppas die borrels kan n teelvloer of stoep baie glad maak) Bron Baba en Kleuter Tydskrif

5 Knip die kaartjies uit vir die geheue speletjie