BOLAND JUKSKEI-UNIE GRONDWET

Transcriptie

1 BOLAND JUKSKEI-UNIE GRONDWET ARTIKEL 1 : NAAM 1.1 Die Unie sal bekend staan as die Boland Jukskei Unie met die dorp waarin die dir. administrasie woonagtig is, as die Hoofkwartier. ARTIKEL 11 : WOORDBEPALING In hierdie grondwet beteken : 1. Unie : Die Boland Jukskei Unie 2. UB : Die Uitvoerende Bestuur van Boland Jukskei Unie 3. Klubs : Die verskillende klubs wat by die Unie geaffilieer is 4.. Seniors : Alle persone bo die ouderdom van 19 jaar en/of nie skoolgaande nie en wat by enige klub binnne die grense van die Unie geaffilieer is. 5. Juniors : Enige seun of meisie wat op 1 Januarie van die betrokke jaar onder die ouderdom van 19 jaar en skoolgaande is. Juniors sal geen stemreg op vergaderings van die Unie hê nie. ARTIKEL 111 : GRONDSLAG EN DOELSTELLINGS 1. Die doel van die Unie is om die spel Jukskei na die beste van sy vermoë uit te brei en op n georganiseerde basis te laat voortbestaan. ARTIKEL IV : SAMESTELLING VAN DIE BESTUUR 1. Die bestuur sal bestaan uit : President Visepresident (wat ook die toernooidirekteur kan wees) Direkteur Administrasie (wat ook die toernooidirekteur kan wees) Toernooidirekteur (wat ook die visepresident of dir.administrasie kan wees) 1

2 Direkteure om die ledetal voltallig te maak 2. Die bestuur ken die volgende portefeuljes aan bestuurslede toe : 2.1 Direkteur Komminukasie 2.2 Direkteur Juniors 2.3 Direkteur Akademie(Afrigting/Ontwikkeling) 2.4 Direkteur Fondsinsameling 3. n Persooon mag meer dan een portefeulje op die Bestuur hanteer. 4. Die lewenslange Ere-Presidente (maksimum 3) het sitting en stemreg op alle vergaderings van die Unie. 5. Die Dagbestuur sal bestaan uit : President Vise President Direkteur Administrasie 6. n Kworum vir bestuursvergaderings sal een meer as die helfte, soos bepaal in Artikel IV(1) wees. 7. Die bestuur het die reg tot koöptering van n persoon(e) ten einde n spesifieke Taak te verrig. ARTIKEL V : PLIGTE VAN DIE BESTUUR 1. Sien toe dat die grondwet streng nagekom word. 2. Sien toe dat die huishoudelike reëls streng nagekom word. 3. Reël van wedstryde by wyse van die toernooidirekteur. Die speelrooster vir die komende seisoen word tydens n werksessie, wat so spoedig moontlik na afloop van die Jaarvergadering gehou moet word, opgestel. (Raadpleeg punt 9 van Huishoudelike reels) 4. Hanteer enige saak wat deur die Jaarvergadering verwys word. 5. Streef die doelstellings, soos in Artikel 111(1) genoem, na. 6. Hou volledige notule van alle Bestuursvergaderings by. 7. Sien toe dat alle ampsdraers en subkomitees van die Unie hul pligte korrek uitvoer. 2

3 8. Sien toe dat die onderskeie spanbestuurders die volgende verslae opstel en aan die betrokkenes soos hieronder vermeld, binne 30 dae na die betrokke kampioenskappe of toernooi, besorg: 8.1 Spanbestuurdersverslae : Direkteur Administrasie 8.2 Spelersverslae : Sameroeper van die Keurkomitee 8.3 Finansiëleverslae : Direkteur Administrasie ARTIKEL VI : JAARVERGADERING 1. Die Jaarvergadering vind jaarliks plaas nie later as die eerste Saterdag van Junie nie. 2. Die volgende persone sal stemreg hê : 2.1 Die Uitvoerende Bestuur soos in Artikel IV (1) 2.2 Die Lewenslange ere-presidente: en 2.3 Twee afgevaardigdes per Klub wat al hulle verpligtinge die vorige finansiële jaar nagekom het. 3. Om sittingsreg te verkry, moet klubs voor die aanvang van die Jaarvergadering, geloofsbriewe ten opsigte van sy afgevaardigdes inhandig. 4. n Kworum is een meer as die helfte van die lede wat stemreg het. 5. Die volgende verslae moet die direkteur administrasie jaarliks ten minste 30 dae voor die aanvang van die Jaarvergadering bereik : 5.1 Presidentsverslag : Unie 5.2 Direkteur Juniors: : Juniorkomitee 5.3 Direkteur Akademie/Ontwikkeling : Akademie 5.4 Voorsittersverslag : Skeidsregters 5.5 Voorsittersverslae : Klubs 5.6 Finansiële verslae : Klubs (Gewaarmerkte afskrif van bankstate ingesluit) 5.7 Direkteur Komminukasie 5.8 Alle Beskrywings- en Besprekingspunte. 6. Die kennisgewing, volledige sakelys met beskrywingspunte/besprekingspunte en verslae soos in Artikels V( ) en VI(5), asook die Unie se Finansiële State, moet die Klubsekretarisse minstens 14 dae voor die Jaarvergadering bereik. 7. Indien die Jaarvergadering sonder beswaar gekonstitueer word, is dit n wettige vergadering. Indien daar n beswaar is en die beswaar word met n ⅔ 3

4 meerderheid verwerp, dan is dit n wettige vergadering. 8. VERKIESING 8.1 Skriftelike nominasies vir die ampte soos in IV(1) en IV(2) (uitgesonderd die direkteur administrasie) moet die direkteur administrasie minstens 30 dae voor die aanvang van die Jaarvergadering bereik. Nominasies moet op die Unie se amptelike nominasievorm geskied en deur beide die genomineerde en nominant onderteken word. 8.2 Slegs geregistreede persoon/e mag genomineer word vir n pos op die Uitvoerende Bestuur van Boland Jukskei Unie. 8.3 Die vergadering kies uit die genomineerde lede die volgende ampsdraers : President Visepresident Toernooidirekteur Direkteure om die ledetal voltallig te maak (Sien IV 1.5 ) Die bestuur nomineer en beveel by die jaarvergadering aan, n persoon(e) as Ere-President wat met n meerderheid van stemme verkies moet word. 8.4 Die direkteur administrasie word verkies uit die persoon/e wat deur die uittredende bestuur aan die Jaarvergadering voorgelê word. Indien n persoon wat deur die UB in n amp aangestel is, bedank, moet nominasies vir die bepaalde amp ook van klubs verkry word. Die UB kan dan die persoon uit die nominasielys aanstel. 8.5 Die Jaarvergadering benoem die Ouditeure en Bankiers 8.6 Vir stemprosedure, sien Art. VII 9. BUITENGEWONE JAARVERGADERING 9.1 Die UB kan n Buitengewone Jaarvergadering reël deur skriftelike kennis te gee, twee weke voor sodanige vergadering. 9.2 Die UB moet n Buitengewone Jaarvergadering reël indien so n versoek skriftelik deur ⅔ van die aantal geaffilieerde klubs van die Unie versoek word. 4

5 9.3 Indien daar nie n kworum by n Jaarvergadering teenwoordig is nie, moet n Buitengewone Jaarvergadering belê word. 9.4 Indien daar n tweede keer nie n kworum is nie, sal die klubs teenwoordig as n kworum beskou word. 9.5 Slegs daardie punte waarvan vòòraf kennis van gegee was om n Buitengewone Vergadering te belê, mag op die vergadering hanteer word. ARTIKEL VII : STEMMING 1. Alle beslissings van die Unie geskied deur die meerderheid van stemming, behalwe in die geval van grondwetlike veranderings, waar n ⅔ meerderheid vereis word. 2. Stemming geskied met die opsteek van hande. Waar persone betrokke is, moet deur middel van geslote stembriefies gestem word. 3. Die President het n gewone sowel as beslissende stem. 4. By die staking van stemme, kan die President sy beslissende stem uitbring, dog waar dit persone raak, moet daar geloot word. ARTIKEL VIII : KEURKOMITEE 1. Die keurkomitee bestaan uit3(drie) aparte komitees van drie(3) lede elk, naamlik 1.1 Mans 1.2 Dames 1.3 Veterane 2. Nominasies vir die onderskeie keurkomitees geskied ingevolge die bepalings van artikel VI.8.1 en moet die direkteur administrasie jaarliks voor 31 Julie bereik. 3. Die UB wys die onderskeie keurkomitees aan uit die nominasies soos ontvang. Komitees word vir n tydperk van 3(drie) jaar aangewys. 3.1 Indien voldoende nominasies nie vir die onderskeie komitees ontvang is nie, het die uitvoerende bestuur die reg om aanvullings te doen. Die uitvoerende bestuur het die reg om die keurder(s) te onthef van sy pligte as hulle nie suksesvol hul pligte nakom nie. 4. Sameroepers vir die onderskeie komitees word ook deur die Uitvoerende bestuur 5

6 angewys. 5. Van die keurders word verwag om by alle ligawedstryde, asook wedstryde waar Boland optree, teenwoordig te wees. (Sien punt 3.1 van die Huishoudelike reels.) ARTIKEL IX : JUNIORKOMITEE 1. Die Junior Komitee word verkies op sy eie AJV volgens sy grondwet. Alle geaffilieerde klubs by die unie asook alle skole wat die vorige jaar aan die skoleliga deelgeneem het met een of meer spanne en geaffilieer is by die Junior Komitee sal gelyke stemreg hê op die AJV van die Junior Komitee. 2. Die Junior Komitee sal verantwoordelik wees vir alle junior aangeleenthede binne die unie. 3. Die Junior Komitee se grondwet moet inlyn wees met die van BJU asook die SAJR. Hierdie grondwet of wysigings kan alleenlik met n 2/3 meerderheid van stemme bekragtig of verander word tydens n AJV of SAJR van die unie. 4. Alle verslae (finansiële/ spanbestuurders) moet aan die BJU voorgelê word vir goedkeuring. ARTIKEL X : AKADEMIE 1. Die komitee bestaan uit 3(drie) lede: Voorsitter Twee lede waarvan een as sekretaris sal optree. 2. Die komitee is verantwoordelik vir alle toepaslike sake en/of enige sake wat deur die Uitvoerende Bestuur verwys word. 3. Afrigters word gedeffinieer deur SAJR as n beampte en vereis dus dat hierdie spelers/individu(e) by die onderskeie Bestuurskomitees van Jukskei SA geregistreer moet word om die funksie(s) in die unie te verrig. ARTIKEL XI: SKEIDSREGTERS 1. Die komitee bestaan uit 3(drie) lede: Voorsitter 6

7 Twee lede waarvan een as sekretaris sal optree. 2. Die komitee is verantwoordelik vir alle toepaslike sake en/of enige sake wat deur die Uitvoerende Bestuur verwys word. 3. Die komitee, in samewerking met die Toernooidirekteur, wys skeidsregters aan wat tydens alle geleenthede binne die Boland unie, wedstryde sal beheer. 4. Die komitee belê n Jaarvergadering vir alle skeidsregters (wat na afloop van die Unie se Algemene Jaarvergadering en voor die werksessie). Skeidsregters word gedeffinieer deur Jukskei SA, as n beampte en vereis dus dat hierdie spelers/individu(e) by die onderskeie Bestuurskomitees van Jukskei SA geregistreer moet word om die funksie(s) in die unie te verrig. Daar sal jaarliks tydens die Jaarvergadering besluit word hoeveel die Unie tot hierdie beamptes se affiliasie sal bydrae. ARTIKEL XII AFFILIASIE EN REGISTRASIE 1. Klubs 1.1 Klubs kan alleenlik by die Unie affilieer, indien: Hulle oor minstens 4(vier) spelers beskik; Sy Grondwet deur die uitvoerende bestuur goedgekeur is; en n Gedeelte van hulle affiliasiegelde,soos bepaal deur die uitvoerende bestuur, betaal is voor of op 15 Julie jaarliks Al sy affiliasie/ en registrasiegelde opbetaal en n naamlys van spelers ingehandig is. (keerdatum 15 September) jaarliks 2. Alleen geaffilieerde Klubs en geregistreerde spelers mag aan die Unie se amptelike ligas, uitdunnings en keurwedstryde deelneem. 3. Affiliasiegelde word betaal deur elke Klub soos deur die Jaarvergadering vasgestel. 4. Registrasiegelde word betaal vir alle spelers volgens ingediende naamlyste soos deur die Jaarvergadering vasgestel. 5. Klubs moet die naamlyste gedurende die seisoen ten opsigte van enige nuwe spelers aanpas en die betaling van die registrasiegelde op datum hou. 6. By ontbinding van n Klub, moet alle trofeë, notules, finansiële verslae en fondse aan die Uitvoerende Bestuur oorhandig word. 7

8 6.1 Die Uitvoerende Bestuur sal al hierdie bates vir 2(twee) jaar in trust hou. 6.2 Indien die Klub nie weer binne hierdie tydperk herlewe nie, sal al die genoemde bates die eiendom van die unie word. 7. Alle spelers moet toestemming van hulle vorige klub verkry voordat oordrag na nuwe Klub aanvaar sal word. 7.1 Die bepalings van die Statute van Jukskei SA is ook te alle tye van toepassing. ARTIKEL XIII: KLEURE 1. Die kleure van die Unie is swart en medium geel soos geregistreer by Jukskei SA. 2. Baadjie : n Swart baadjie. 3. Wapen : n Druiwetros op blare (in medium geel) met die woord JUKSKEI (in medium geel) in n halfmaan onderaan, alles op n swart agtergrond. 4. Spelers wat die Boland Unie tydens Kampioenskappe/Toernooie gaan verteenwoordig, is geregtig om die betrokke amptelike baadjie en das van die unie (soos van toepassing) te dra. 5. Die kleredrag is in ooreenstemming met die reëls soos wat van tyd tot tyd deur Jukskei SA neergelê word. 6. Die kleure van die skeie en penne is : 6.1 n Swart skei met 7(sewe) cm medium geel kop. 6.2 n Swart pen met 7 (sewe) cm medium geel kop. Die punt van die pen is 50mm swart met n mm geel merk wat die windmerk sal aandui. 7. Vlag : Die unie se vlag bestaan uit dieselfde embleem as wat op die unie se wapen voorkom met die woord BOLAND aan die bokant van die embleem. (Embleem en letters in medium geel op n swart agtergrond) ARTIKEL X1V: KOMPETISIES 1. Die unie se bestuur reël kompetisies binne en buite die unie se grense na gelang van omstandighede. Wanneer kompetisies buite die unie se grense gereël word, moet die betrokke instansies vooraf geraadpleeg word. 2. Raadpleeg die Huishoudelike Reëls, klousule 8 vir besonderhede rondom kompetisies. 8

9 ARTIKEL XV : TROFEë 1. Alle trofeë wat aan die Unie geskenk is en word, bly die eiendom van die Unie. 2. Klubs wat trofeë verower het, sal verantwoordelik gehou word vir die herstel of vervanging van trofee wat beskadig is of wegraak. 3. Die toernooidirekteur sal n register hou van alle trofeë en Spankapteine vir ontvangs laat teken. ARTIKEL XVI: DISSIPLINE VERHORE EN TUGSAKE 1. Die Bestuur is verantwoordelik vir die toepassing van dissipline en sal geld vir : 1.1 Wangedrag, byvoorbeeld dronkenskap, onsedelikheid, ens. ; en 1.2 Weiering om opdragte van die Bestuur uit te voer of enige ongedissiplineerde optrede. 2. Gewone dissiplinere verhore word intern deur die Dagbestuur afgehandel. 3. Alle tugsake en tugverhore moet streng volgens die voorskrifte van Artikel 28 van die Statute van Jukskei SA geskied. ARTIKEL XVII : ONTBINDING VAN DIE UNIE 1. Indien die unie ontbind of tot niet gaan, moet die Uitvoerende Bestuur alle bates insluitende gelde, boeke, trofeë, ensovoorts aan die SA Jukskei Raad se Dagbestuur besorg. ARTIKEL XVIII : ERE-ROL 1. Die ere-rol van die Boland Jukskei Unie is daargestel sodat die name van persone wat uitsonderlike dienste gelewer het aan die spel in die unie, vermeld en bewaar kan word. 2. Name vir die ere-rol moet aan die Uitvoerende Bestuur voorgelê word, wat dan n aanbeveling na die Jaarvergadering sal maak. 9

10 ARTIKEL XIX: ERE-KLEURE 1. Ere-kleure word aan n speler (0/19,senior of veteraan) wat die Boland vir 10(tien) jaar of langer op die SA Kampioenskappe verteenwoordig het, toegeken. 2. Die unie sal n volledige register hou van spelers wat kwalifiseer vir ere-kleure. ARTIKEL XX: WYSIGING 1. Wysigings of toevoegings tot hierdie Grondwet sal alleen geldig wees as dit met n ⅔ meerderheid tydens n Jaarvergadering of Buitengewone Jaarvergadering aangeneem word en mits dit saam met die sakelys minsten 14(veertien) dae voor die Jaarvergadering of Buitengewone Jaarvergadering aan die sekretarisse van die klubs gestuur word. 2. Boland Jukskei Unie se Huishoudelike Reëls kan by enige amptelike vergadering van Boland Jukskei Unie waar daar n kworum volgens die Grondwet teenwoordig is en n ⅔ meerderheid van stemme verkry word of deur skriftelike goedkeuring van ten minste 90% van die klubs gewysig word. ARTIKEL XX1: ARBITEK Sou enige geskil ontstaan wat die unie, die ampsdraers, enige klub wat by die unie geaffilieer is of enige ampsdraers, spelers of lede wat onderworpe is aan die reels van die Grondwet of voortspruit uit enige ander saak wat mag ontstaan uit die vertolking of uitvoering van die Grondwet of ontstaan uit die sport soos omskryf deur die Grondwet Sal sodanige dispuut verwys word na die Arbitasie Forum van die Weskaap Provinsiale Regering om mee te handel ingevolge die Reëls van daardie Forum Goedgekeur 4 Junie 2011 te Huguenote Laerskoolsaal, Wellington WCG MARAIS PRESIDENT (elektronies geteken) A DE KLERK DIREKTEUR ADMINISTRASIE (elektronies geteken) 10