Gids vir Leerdergedrag

Transcriptie

1 HOËRSKOOL DF MALAN HANDVES VIR DF-REGTE Gids vir Leerdergedrag Die hoërskool vir jong volwassenes 2015

2 HANDVES VIR DF-REGTE DIE GIDS VIR LEERDERGEDRAG Die Suid-Afrikaanse Skolewet (Wet no. 84 van 1996) verplig die daarstelling van n gedragskode vir leerders wat in oorleg met leerders, ouers, opvoeders en n beheerliggaam aanvaar moet word. Die gedragskode is afdwingbaar. Die leerders, ouers en personeellede moet op die hoogte wees van die kode en dit moet in hulle besit wees. Ouers en leerders moet die ontvangserkenning agter in hierdie handves onderteken en dit aan die registeronderwyser terugbesorg. Die gids bevat reëls en regulasies wat leerdergedrag beheer. Dit is daarop gemik om n gedissiplineerde en doelgerigte skoolomgewing te vestig wat toegewy is aan die bevordering en instandhouding van die gehalte van die leerproses. Die gedragskode moet ook bepalings van n behoorlike regsproses bevat om die belange van die leerder en enige party wat by dissiplinêre handelinge betrokke is, te beskerm. Finale besluitneming aangaande alle sake berus by die diskresionêre mag van die skoolhoof.

3 INHOUDSOPGAWE Bladsy 1. INLEIDING 1 2. WETLIKE RAAMWERK/DEFINISIES 1 3. BEPALINGS VAN DIE WET 1 4. DOEL EN BELANGRIKHEID VAN GEDRAGSKODE 2 5. VERPLIGTINGS 2 6. REËLS VIR INTERPERSOONLIKE VERHOUDINGS IN DIE SKOOL 2 7. REËLS OM DIE BESKERMING VAN FASILITEITE TE WAARBORG 3 8. DISSIPLINÊRE MAATREËLS/MAATREËLS TEN OPSIGTE VAN DISSIPLINE 4 9. DISSIPLINÊRE OPTREDE Gesprek Onttrekking Opvoedkundige Programme Skorsing Uitsetting Studie-detensie Arbeidsdetensie Spesiale opdragte Verwysing na Skoolhoof/Adjunkhoof/Graadhoof Oorplasing na n ander klas Onttrekking van Leerder uit Groep Onthouding van Voorregte Terugtrekking van Erekleure en Ampte Individuele Gesprek OORTREDINGS Graad 1-oortredings Graad 2-oortredings Graad 3-oortredings REG OP WETLIKE BESKERMING EN PROSEDURE BY DISSIPLINÊRE ONDERSOEKE SKOOLREËLS Voorkoms van leerders Gedrag en optrede van leerders Deelname aan Skoolprogram Algemeen Interne Skoolreëls 13 ADDENDUMS A G ONTVANGSERKENNING

4 1 1. INLEIDING Hierdie gedragskode is opgestel deur die ouers, leerders en opvoeders van Hoërskool DF Malan. Dit is die geregtelike/wetlike plig van hierdie liggaam om die gedragskode te implementeer/toe te pas om te verseker dat die skool doeltreffend bestuur word en dat dissipline gehandhaaf word. 2. WETLIKE RAAMWERK/DEFINISIES 2.1 Kode: n Stel reëls om inkonsekwentheid te voorkom. 2.2 Gedrag: Die wyse van optrede en die hantering van ander. 2.3 Gedragskode: n Algemene/Gemiddelde gedragskode vir leerders soos gestipuleer in die SA Skolewet van 1996, Seksie Leerders: Soos gedefinieer in die SA Skolewet van 1996 (ix). 2.5 Opvoeders: Soos gedefinieer in die Wet op Indiensneming van Opvoeders, Ouers: Soos gedefinieer in die SA Skolewet van 1996 (xiv). 3. BEPALINGS VAN DIE WET 3.1 Elkeen is gelyk voor die reg en het die reg op gelyke beskerming en voordeel van die reg. 3.2 Daar mag nie regstreeks of onregstreeks onbillike diskriminasie teen iemand op een of meer gronde, met inbegrip van ras, geslagtelikheid, geslag, swangerskap, huwelikstaat, etniese of sosiale herkoms, kleur, seksuele georiënteerdheid, ouderdom, gestremdheid, godsdiens, gewete, oortuiging, kultuur, taal en geboorte wees nie. 3.3 Elkeen het ingebore waardigheid en die reg dat daardie waardigheid gerespekteer en beskerm word. 3.4 Elkeen het die reg op vryheid en sekerheid van die persoon waarby inbegrepe is die reg om vry te wees van alle vorme van geweld, op geen wyse gemartel te word nie, en nie op n wrede, onmenslike of vernederende wyse behandel of gestraf te word nie.

5 2 4. DOEL EN BELANGRIKHEID VAN GEDRAGSKODE 4.1 Om n gedissiplineerde en doelgerigte/doelmatige skoolomgewing/leeromgewing te bevorder. 4.2 Om die sosiale/gemeenskapsgerigte verantwoordelikhede van die skool te bevorder deur leerders toe te rus met bekwaamheid, kennis en vaardigheid. 4.3 Om leierskap/-eienskappe by leerders te ontwikkel. 4.4 Die gedragskode moet die optrede van die leerders rig, asook diegene wat verantwoordelik is vir hulle optrede in die skool. 5. VERPLIGTINGS 5.1 Elke individu het die reg om sy/haar volle potensiaal te ontwikkel. 5.2 Elke leerder sal gelyke behandeling ontvang in die oë van die wet. 5.3 Elke leerder sal die inherente waardigheid van ander respekteer. 5.4 Elke leerder sal die oortuigings en kulturele tradisies van ander respekteer. 6. REËLS VIR INTERPERSOONLIKE VERHOUDINGS IN DIE SKOOL 6.1 Leerders moet met hoflikheid en verdraagsaamheid teenoor ander optree en ander in ag neem. 6.2 Leerders moet hulle van aggressiewe en aanstootlike gedrag weerhou. 6.3 Leerders moet wedersydse respek teenoor ander openbaar. 6.4 Leerders moet gesag, eerlikheid en waarheid respekteer. 6.5 Leerders mag nie afwesig wees sonder geldige redes nie. 6.6 Leerders moet hou by skoolreëls, skooldrag en skooltye. 6.7 Sou dit nodig wees om die skool vroeër te verlaat, moet die nodige verlof van die betrokke gesagsfigure verkry word voordat n leerder die skool mag verlaat. 6.8 Die personeel is verantwoordelik vir die beskikbaarstelling, verduideliking en toepassing van die reëls en regulasies soos uiteengesit in die Handves vir DF-regte.

6 3 6.9 Die personeel is op verskeie wyses verantwoordelik vir die monitering van leerdervordering, aanwesigheid van leerders en leerdergedrag Die personeel moet te alle tye rolmodelle ten opsigte van gedrag en motivering vir die leerders wees Die ouers vereis dit van die personeel om hoë verwagtinge van hulle kind/ers te koester Die personeel is daarvoor verantwoordelik om die kommunikasiekanale met die ouers oop te hou en te versterk. Hulle moet bereid wees om die ouers persoonlik te woord te staan Die personeel moet duidelike en gefokuste akademiese doelwitte vir leerders hê. Individuele aandag moet, waar moontlik, aan elke leerder gegee word. Die personeel moet ook op die hoogte wees van elke leerder se potensiaal Die personeel is verantwoordelik vir n doeltreffende leeromgewing. 7. REËLS OM DIE BESKERMING VAN FASILITEITE TE WAARBORG 7.1 Leerders moet daarna streef om proaktiewe, onafhanklike, kritiese, gedissiplineerde en kreatiewe denkers te wees. 7.2 Leerders moet daarna streef om die skool effektief/optimaal te laat funksioneer. 7.3 Leerders moet die proses van leer aktief ondersteun. 7.4 Leerders mag nooit die lewens van ander in gevaar stel nie. 7.5 Leerders moet die skool se eiendom, ook boeke, oppas en respekteer. 7.6 Leerders moet die skoolomgewing skoon en netjies hou. 7.7 Leerders moet beskerm word teen die misbruik van verslawende middels. 7.8 Leerders moet al die veiligheids- en sekuriteitsmaatreëls wat by die skool getref word om lewens en eiendom te beskerm, nakom Leerderkaarte: Vir veiligheidsdoeleindes moet die leerderkaarte te alle tye by die leerders gedra word wanneer die skoolterrein betree word Die biometriese stelsel: Die biometriese vingerafdruk-toegangsbeheerstelsel moet op n omsigtige en verantwoordelike wyse deur die leerders gebruik word. Alle leerders moet op hierdie stelsel geregistreer wees.

7 4 8. DISSIPLINÊRE MAATREËLS/MAATREËLS TEN OPSIGTE VAN DISSIPLINE 8.1 Dissiplinêre stappe sal gedoen word teen enige leerder wat hierdie gedragskode oortree. 8.2 Dissiplinêre stappe sal ooreenstem met: Seksie 8, 9 en 10 van die SA Skolewet van Regulasies met betrekking tot die Gedragskode en opskorting en skorsing van leerders in n Staatskool, soos bepaal deur die Lid van die Uitvoerende Raad Definisie van wat ernstige wangedrag behels, soos vasgestel deur die Lid van die Uitvoerende Raad. 9. DISSIPLINÊRE OPTREDE Onaanvaarbare gedrag word gedefinieer in hierdie dokument as graad 1-, graad 2- of graad 3-oortredings. Vinnige en doeltreffende dissiplinêre optredes moet geneem word om hierdie oortredings reg te stel. Wanneer dissiplinêre optrede nodig is, sal die Hoërskool DF Malan daarna streef om n hoë standaard te handhaaf, om konstruktief in benadering te wees en om te fokus op positiewe gedragsveranderinge. Die onderbreking van die normale skoolprogram sal beperk word. Die ouderdom en volwassenheid van die leerder sal dissiplinêre optrede bepaal. Al bogenoemde faktore moet in ag geneem word wanneer korrektiewe optrede beoog word. Die volgende is voorbeelde van strafmaatreëls wat gebruik kan word. Daar kan ook gebruik gemaak word van strafmaatreëls waarna later verwys word. 9.1 Gesprek n Dissiplinêre gesprek sluit die leerder, onderwyser, graadvoog, skoolhoof en die ouer in. Die erns van die oortreding sal bepaal wie almal teenwoordig sal wees. Die doel van die gesprek is om uitsluitsel te gee oor die aard en erns van die leerder se oortreding en om dan gesamentlik n strategie te ontwikkel om die leerder se gedrag in die toekoms te monitor. Die gevolge van n herhaling van die oortreding moet vir die leerder sowel as die ouer uitgespel word. 9.2 Onttrekking Onttrekking is die tydelike verwydering van die leerder vanuit die klaskamer na n ander plek van toesig in die skool. Die leerder word dus uit die lokaal gestuur. 9.3 Opvoedkundige Programme Indien die gebruik van sigarette, alkohol en ander verdowingsmiddels ter sprake is, kan die leerder verplig word om so n opvoedkundige werkswinkel by te woon. In ernstige gevalle kan daar van ouers verwag word om ook teenwoordig te wees.

8 5 9.4 Skorsing Dit behels die skorsing van leerders vir n tydperk van nie langer as een week nie. Indien n leerder geskors word, behoort hy op datum te bly met sy skoolwerk, maar hy word onder geen omstandighede toegelaat om aan ko-kurrikulêre aktiwiteite deel te neem nie. Indien dit skorsing is met die oog op uitsetting, moet daar in hierdie tyd onverwyld met die ouers geskakel word. Die ouers moet ook skriftelik van die oortreding verwittig word en die geleentheid gebied word om te appelleer teen uitsetting. 9.5 Uitsetting Uitsetting is die permanente verwydering van die leerder uit n betrokke skool. Dit word altyd voorafgegaan deur n tydperk van skorsing. Dit geskied slegs wanneer die oortreding van so n aard is dat die verdere teenwoordigheid van die leerder by die skool nie in belang van die skool en leerders is nie. 9.6 Studie-detensie Dit is n verpligte na-skoolse tydperk wat die leerder onder toesig moet bywoon. Oortredings wat direk verband hou met kurrikulêre oortredings kan op hierdie wyse gestraf word. Tydens hierdie tyd moet die leerder n sinvolle opdrag kry om te voltooi. Ten minste n 24 uur-kennisgewing moet die detensie vooraf gaan en die ouers moet in kennis gestel word. 9.7 Arbeidsdetensie Dit is n verpligte naskoolse diens onder toesig op die skoolterrein. Leerders wat hulle skuldig maak aan wangedrag en ongedissiplineerd optree, kan hiermee gestraf word. Dit sluit leerders in wat laat kom, ongemanierd optree en nie volwassenes met die nodige respek behandel nie. Die leerders, sowel as hulle ouers, moet ten minste 24 uur kennis kry. 9.8 Spesiale opdragte As straf of korrektiewe maatreël kan daar aan leerders skriftelike opdragte gegee word. Die opdragte moet egter sinvol wees en korreleer met die leerder se kurrikulêre bevoegdheid. Die tyd wat die leerder aan die opdrag moet spandeer, is van deurslaggewende belang. 9.9 Verwysing na Skoolhoof/Adjunkhoof/Graadhoof As strafmaatreël kan die leerder na een van bogenoemde verwys word. Hierdie verwysing geskied eers nadat die onderwyser die leerder sonder sukses gestraf het. Sekere ernstige oortredings moet egter onmiddellik na hoër gesag verwys word Oorplasing na n ander klas In sekere gevalle is dit noodsaaklik vir die goeie orde van n betrokke klas om die leerder na n ander klas oor te plaas. Dit moet met groot omsigtigheid gedoen word en moet die leerder nie kurrikulêr benadeel nie.

9 Onttrekking van Leerder uit Groep As strafmaatreël kan n leerder gedurende pouses aan sy skoolmaats onttrek word. Sekere take kan aan die leerder gegee word om te verrig of die leerder kan bloot pouses ingehou word. Indien die oortreding in n klaskamer plaasgevind het, kan die leerder ook in die lokaal geïsoleer word. Die leerder kan voor in die klas, by die deur of agter in die klas geplaas word Onthouding van Voorregte Sekere voorregte soos deelname aan die skool se buitemuurse program kan n leerder verbied word indien hy/sy n ernstige oortreding begaan het. Die skoolhoof moet hier die finale beslissing neem Terugtrekking van Erekleure en Ampte Indien n leerder se optrede van so n aard is dat dit wys dat hy/sy nie die erekleure wat hy/sy dra of die amp wat hy/sy beklee, waardig is nie, kan dit weggeneem word. Die skoolhoof sal die finale beslissing neem Individuele Gesprek Die waarde van n individuele gesprek met die leerder moet nie onderskat word nie. Leerders moet individueel gekonfronteer word. 10. OORTREDINGS 10.1 Graad 1-oortredings Oortredings wat die ordelike funksionering van die klaskamer, skool en openbare voertuie belemmer. (Verwys na par. 9 en 11.4). Gedrag Onordelike optrede (op voertuie) Skooldragoortredings Elektroniese toestelle Rommelstrooi Vloekery Definisie Aksies wat die ordelike en veilige omgewing van skoolbusse of openbare voertuie benadeel. Leerders wie se voorkoms (klere, hare, skoene, baard) nie voldoen aan die skoolreëls nie. Ongemagtigde gebruik van sellulêre telefone, i-pods en soortgelyke toestelle tydens klastyd en saalbyeenkomste. Die rondgooi van papiere, vuilgoed en ander materiaal op die skoolterrein en in die lokale of busse. Vloek, skeltaal en die wys van obsene tekens in skoolure of wanneer die leerder as n leerder van die skool geïdentifiseer kan word.

10 7 Traagheid Skeltaal Die laat aankoms by die skool of klasse. Betrokkenheid by belediging en die maak van afbrekende aanmerkings teenoor ander leerders, hetsy op die skoolterrein, sportvelde, busse, treine of enige plek waar die leerder die skool verteenwoordig Graad 2-oortredings (Ernstige oortredings) Strafmaatreëls wat korrektief aangewend kan word, soos onder andere skorsing en die aanbeveling van uitsetting, kan saam met die strafmaatreëls soos by graad 1- oortredings aangetoon, gebruik word. Die erns van die oortreding sal weer eens die straf bepaal. Gedrag Intimidasie Afpersing Baklei/Dreigemente Insubordinasie Oneerlikheid Oneerbiedigheid Herhaalde oortredings Wangedrag (Voertuie) Definisie Om n mede-leerder met geweld of intimidasie te dwing tot optrede. Om geld of enige item van waarde van n onwillige leerder te verkry of poog om te kry. Fisiese konflik, dreigemente en/of uitdagings tussen leerders tydens skoolure en/of op enige plek waar die leerders as leerders van die skool geïdentifiseer kan word. Weiering deur die leerder om die skoolreëls te gehoorsaam, homself/haarself te identifiseer of om voorskrifte van die personeel te eerbiedig. Die gebruik en/of n poging om gebruik te maak van inligting op n oneerlike manier. Die verskaffing van inligting op n oneerlike wyse is ook n oortreding. Oneerbiedigheid of vuiltaal, geskryf of geuiter teenoor die personeel. Dit sluit ook obsene tekens in. Nieteenstaande die toepassing van graad 1 se strafmaatreëls, word oortredings herhaal. Gedrag verantwoordelik vir die ontwrigting van die ordelike verloop op skoolbusse, sowel as openbare vervoermiddels.

11 8 Seksuele teistering Rook Diefstal Dreigemente Betreding Vandalisme Stokkiesdraai Dros Stellings met n implisiete seksuele konnotasie of teistering; die onwelvoeglike betasting en/of ontbloting deur enige persoon. Die gebruik, sowel as besit van enige tabakproduk op die skoolgrond of wanneer leerders in skooldrag geklee is. Die steel of pogings om die privaateiendom van ander te probeer steel. Dreigemente (verbaal of skriftelik) gerig aan die publiek of Dee-Effers. Betreding van die skoolgebou of skooleiendom sonder die nodige verlof. Die beskadiging van skool-, personeel- en leerdereiendom. n Gebrek aan gereelde skoolbywoning - afwesigheid sonder verlof. Afwesigheid van individuele klasse sonder verlof, sowel as die verlaat van die skoolterrein, gedurende skoolure, sonder verlof Graad 3-Oortredings (Onwettige of baie ernstige oortredings) n Leerder wat skuldig is aan graad 3-oortredings kan versoek word om onmiddellik die skool te verlaat vir n tydperk van hoogstens een week. Aanbeveling vir uitsetting sal in die meeste gevalle die enigste alternatief wees, mits dit as ernstige wangedrag, volgens die riglyne van die Lid van die Uitvoerende Raad, beskou word. Gedrag Alkohol en verdowingsmiddels Definisie Die besit, verspreiding, versteking, verbruik, vertoning van alkohol en/of verdowingsmiddels tydens skoolure, of wanneer die leerder as n leerder van hierdie skool herken kan word, of waar die leerder die skool verteenwoordig. Die bywoning van skool of skoolaktiwiteite onder die invloed van verdowingsmiddels of alkohol. Verdowingsmiddels sal ook dagga insluit.

12 9 Aanranding Bomdreigemente/ Vals alarms Bende-aktiwiteite Onwettige optrede Seksuele oortreding Onbestendige optrede Diefstal Besit van gevaarlike wapens op skoolterrein Ernstige wangedrag n Offensiewe aanval, fisies, met n wapen of n naald (speld) op n persoon wat nie in konfrontasie met die oortreder was nie. Dit kan ook n aanval op n medeleerder of personeellid wees met die oogmerk om te beseer of te besmet. Hierdie oortreding word nie net tot die skoolgrond beperk nie. Die besit van enige ploftoestel, of die maak van vals alarms rakende die teenwoordigheid van ploftoestelle in die skool of op die busse. Ook vals alarm gee ten opsigte van brande wat uitbreek. Enige optrede in terme van dreigemente, werwing, inlywing of intimidasie wat aan bende-aktiwiteite gekoppel kan word. Dit sluit ook die ontwrigting van die skooldag of skoolaktiwiteite in. Dit behels kriminele oortredings wat by die polisie aangemeld moet word. Skuldigbevinding deur n hof vir n kriminele misdryf en gevangenisstraf opgelê, is sonder die keuse van n boete. Enige seksuele daad (of poging daartoe) gepleeg op die skoolterrein of waar die leerder as leerder van die skool geïdentifiseer kan word, insluitende onsedelike aanranding. Ontwrigting van die skooldag deur geweld, dreigemente aan leerders en personeellede en wanordelike gedrag. Diefstal van skooleiendom en/of eiendom van personeel en/of eiendom van leerders. Gevaarlike wapens sal insluit alle messe, vuurwapens en voorwerpe wat aldus geklassifiseer kan word. Gedrag wat volgens die riglyne van die Lid van die Uitvoerende Raad as ernstige wangedrag beskou word.

13 REG OP WETLIKE BESKERMING EN PROSEDURE BY DISSIPLINÊRE ONDERSOEKE 11.1 Leerders, ouers en voogde het die reg om volledig ingelig te word rakende oortredings of wangedrag van leerders en die geleentheid gebied word om te reageer op die aanklagte en/of aantygings Die Beheerliggaam benoem persone om te dien in die Dissiplinêre Komitee van die Beheerliggaam onder Voorsitterskap van n lid van die Beheerliggaam Oortreding van leerders word ingedeel in Graad 1-, Graad 2- en Graad 3-oortredings soos vroeër hierin uiteengesit Graad 1- en 2-oortredings kan afgehandel word deur n onderwyser, departementshoof, adjunkhoof of die skoolhoof, of n kombinasie van genoemde persone, of kan na die Dissiplinêre Komitee verwys word vir aanhoring, indien, of die leerder, of ouer/voog, of onderwyser, of skoolhoof, of benadeelde persoon dit verlang. Slegs die Dissiplinêre Komitee sal gemagtig wees om skorsing as straf op te lê vir n Graad 1-oortreding Graad 3-oortredings moet in alle gevalle verwys word na die Dissiplinêre Komitee vir aanhoring en strafoplegging by skuldigbevinding Wanneer n geval na die Dissiplinêre Komitee verwys word vir aanhoring, moet die volgende prosedure gevolg word: Die betrokke leerder en sy/haar ouer(s) of voog moet skriftelik in kennis gestel word van die klagte(s) wat teen die leerder ondersoek word, met vermelding van volledige besonderhede aangaande die klagte(s). Die skriftelike kennisgewing moet voorts die datum, tyd en plek aangee van die dissiplinêre ondersoek. Dit moet vermeld dat die betrokke leerder se ouer(s) of voog teenwoordig behoort te wees om die leerder te verteenwoordig en by te staan. Voorts moet dit ten minste vyf (5) werksdae voor die datum van die dissiplinêre ondersoek in die kennisgewing aan die leerder en ouer(s) of voog oorhandig word of per geregistreerde pos afgestuur word. Die kennisgewing vermeld ook dat dit die ouer(s) of voog vrystaan om skriftelike of mondelinge vertoë in te dien by die Sekretaris van die Beheerliggaam ter verduideliking, ontkenning of verdediging van waarom die leerder nie skuldig bevind, gestraf, geskors of uitgesit behoort te word nie en dat sodanige vertoë binne vier (4) dae na ontvangs van die kennisgewing aldus ingedien moet word Die Dissiplinêre Komitee wys n persoon aan om op te tree as aanklaer, wat die getuienis sal aanbied en geregtig sal wees om getuies te roep en/of dokumentêre getuienis voor te lê Die leerder en/of ouer(s) of voog sal geregtig wees om self te getuig, getuies te roep om namens die leerder getuienis af te lê, dokumentêre getuienis voor te lê en om enige getuie wat deur die aanklaer geroep word, te kruisvra. Die aanklaer sal op sy beurt geregtig wees om die getuienis wat geroep word om namens die leerder te getuig, te kruisvra.

14 Na afhandeling van die getuienis kan die leerder, ouer(s), voog en aanklaer argumente aanvoer vir vryspraak of skuldigbevinding na gelang van die geval gebaseer op die getuienis soos aangebied, waarna die bevinding van die Dissiplinêre Komitee bekend gemaak word. Die aanklaer sal egter nie teenwoordig wees wanneer die Dissiplinêre Komitee oorweging skenk aan die uitspraak of beraadslaging welke van straf opgelê moet word na skuldigbevinding nie Indien die Dissiplinêre Komitee die leerder skuldig bevind aan die klagte(s) waarvoor die leerder voor die Dissiplinêre Komitee verskyn het, sal die leerder, ouer(s) of voog geregtig wees om getuienis of inligting voor te lê ter strafversagting voordat die Dissiplinêre Komitee straf aanbeveel Na skuldigbevinding en aanhoor van strafversagtende omstandighede sal die Dissiplinêre Komitee die straf aanbeveel vir goedkeuring, bekragtiging of wysiging deur die Beheerliggaam en sal die ouer(s) of voog en leerder van hulle aanbeveling verwittig word asook verwittig dat na goedkeuring, bekragtiging of wysiging deur die Beheerliggaam, die Sekretaris van die Beheerliggaam hulle per brief daarvan in kennis sal stel Die leerder, ouer(s) of voog sal geregtig wees om binne vyf (5) werksdae na ontvangs van die brief ter bekragtiging van die Sekretaris van die Beheerliggaam, skriftelik appèl aanteken teen die skuldigbevinding of straf, of beide by die Sekretaris van die Beheerliggaam waarna die Beheerliggaam sonder versuim n Appèl Komitee bestaande uit minstens drie (3) en hoogstens vyf (5) lede wie nie lede van die Beheerliggaam sal wees nie, saamstel. Indien appèl aangeteken word, word die straf aanbeveel tydens die dissiplinêre ondersoek en soos bekragtig deur die Beheerliggaam, opgeskort, hangende die uitslag van die appèl Na ontvangs van n Kennisgewing van Appèl stel die aangewese Appèl Komitee n datum en tyd vir die aanhoring van die appèl vas en word die leerder, ouer(s) of voog van die leerder, sowel as die Voorsitter van die Dissiplinêre Komitee skriftelik in kennis gestel van die betrokke datum en tyd, ten minste vyf (5) werksdae voor die datum van aanhoring van die appèl. Die Voorsitter van die Dissiplinêre Komitee of n verteenwoordiger deur die Voorsitter benoem, woon die appèl slegs by om die Appèl Komitee toe te spreek aangaande die skuldigbevinding en of straf, maar sal nie teenwoordig wees wanneer die Appèl Komitee aangaande hulle bevinding beraadslaag nie Tydens aanhoor van die appèl word die dissiplinêre ondersoek nie weer de novo aangehoor nie, maar word slegs argumente vir of teen die skuldigbevinding of straf opgelê, aangehoor, van die leerder, ouer(s) of voog en van die Voorsitter van die Dissiplinêre Komitee of sy verteenwoordiger. Die Appèl Komitee sal egter geregtig wees om vrae ter opheldering te stel en indien versoek, nuwe getuienis volgens hulle diskresie toe te laat Na aanhoring van die appèl kan die Appèl Komitee die appèl handhaaf of verwerp en/of die straf opgelê bekragtig, wysig of versag en is die bevinding van die Appèl Komitee finaal en bindend op die partye.

15 Niks in hierdie uiteensetting van prosedure by dissiplinêre ondersoeke kan geïnterpreteer word dat die leerder nie te enige stadium van die verrigtinge geregtig is om deur n regsverteenwoordiger verteenwoordig te word nie of dat die hersieningsbevoegdheid van n toepaslike hof of regte van leerders en ouers in terme van die regulasies uitgevaardig deur die Departementshoof van die WKOD uitgesluit of beperk word nie. Indien n leerder deur n regsverteenwoordiger verteenwoordig word, sal sodanige regsverteenwoordiger geregtig wees om alle handelinge te verrig wat deur die leerder, ouer(s) of voog in terme hiervan verrig mag word Notule word gehou van die verrigtinge voor die Dissiplinêre Komitee en op appèl en dit word tesame met enige dokumentêre getuienis wat aangebied is, vir n periode van ses (6) maande na afhandeling van die dissiplinêre ondersoek en/of appèl, deur die skool in veilige bewaring gehou waarna dit vernietig mag word. 12. SKOOLREËLS (Huishoudelik) 12.1 Voorkoms van leerders Die persoonlike voorkoms en kleredrag van n leerder moet voldoen aan die norme wat normaalweg aanvaar word in die gemeenskap wat deur die skool bedien word Gedrag en optrede van leerders Leerders moet die skool tydens die vasgestelde skoolure stiptelik bywoon. n Leerder mag nie gedurende skoolure sonder die skoolhoof se verlof uit n klas afwesig wees of die skoolterrein verlaat nie. In n geval van afwesigheid moet die ouers n rede aan die skoolhoof verstrek Terwyl n leerder onder die skool se toesig is, mag hy nie n medeleerder se liggaamlike welsyn benadeel of in gevaar stel nie. Hy mag nie wapens, speelgoed of stowwe wat liggaamlike besering kan veroorsaak, in sy besit hê nie Geen leerder mag op die skoolterrein of in die skoolgeboue rook nie Terwyl hy onder die skool se toesig is, mag n leerder nie dwelmmiddels of alkoholiese drank of aanstootlike leesstof of materiaal in sy besit hê of aan n ander gee nie Skooleiendom, of enigiets by die skool wat die eiendom is van iemand anders, mag nie beskadig, ontsier of besoedel word nie n Leerder mag nie sonder die skoolhoof se verlof n selfaangedrewe voertuig op die skoolterrein bestuur of parkeer nie.

16 Deelname aan Skoolprogram n Leerder moet deelneem aan die opvoedingsprogramme soos deur die Onderwysdepartement voorgeskryf, tensy vrystelling deur die Departement verleen is Wanneer n leerder hom vrywillig by n buitemuurse skoolbedrywigheid aangesluit het, moet hy sy verpligtinge en verantwoordelikhede in verband daarmee stiptelik nakom, tensy hy deur die skoolhoof daarvan vrygestel word Leerders mag geen fasiliteite en toerusting van die skool, met inbegrip van dié vir sport, buite skoolure sonder die toestemming van die skoolhoof gebruik nie en mag nie buite skoolure sonder verlof die skool se terrein betree nie Geen leerder mag minagting teenoor die Republiek van Suid-Afrika se nasionale simbole of die skool se kodes openbaar nie Algemeen Geen leerder mag op enige wyse die naam van sy skool in diskrediet bring nie Leerders is onderworpe aan die skool se interne skoolreëls soos deur die Beheerliggaam goedgekeur. Straf vir oortreding van reëls sal ooreenkomstig die regulasies toegepas word Interne Skoolreëls (Aanvullend tot Huishoudelike Reëls) Die onderstaande reëls is daar gestel om ons skool se beeld te beskerm en ordelike saamverkeer moontlik te maak. Daarom verwag ons volle samewerking in die uitvoering daarvan. Uiteraard kan alle interne reëlings nie op skrif gestel word nie weens die veelvuldigheid daarvan en omdat interne omstandighede van tyd tot tyd wysigings en aanpassings vereis. Leerders wat die regte gesindheid aan die dag lê, sal egter geen probleme ondervind om hulle by die interne reëlings neer te lê nie Voorkoms van Leerders Die persoonlike voorkoms en kleredrag van n leerder moet op alle plekke waar die leerder identifiseer as leerder van die Hoërskool DF Malan, voldoen aan die welvoeglikheidsnorme wat, volgens die mening van die skoolhoof of sy gedelegeerde, normaalweg aanvaar word in die gemeenskap wat deur die skool bedien word.

17 Skooldrag, soos neergelê in die prospektus, moet sonder versierings gedurende skoolure asook by buitemuurse skoolaktiwiteite gedra word, behalwe wanneer privaatdrag deur die skoolhoof gemagtig word Alle kledingstukke moet duidelik gemerk word met die naam van die kind. Onopgeëisde kledingstukke word, na aankondiging, verkoop Die skooldrag, volgens die voorgeskrewe vereistes, is verkrygbaar by De Jagers Uitrusters, Bill Bezuidenhoutrylaan, Tygervallei en School & Leisure, Carl Cronjerylaan, Willow Bridge. Sportdrag is by die skoolsportwinkel beskikbaar Die erekleure-baadjies van die skool mag slegs deur dié seuns en dogters aan wie erekleure toegeken is, in plaas van die tradisionele kleurbaadjies, gedra word Tydsgebonde modes sal voldoen aan die welvoeglikheidsnorme wat, volgens die mening van die skoolhoof of sy gedelegeerde, normaalweg aanvaar word in die gemeenskap wat deur die skool bedien word Skooldrag: SEUNS Somer: Effekleur vlootblou baadjie met geborduurde skoolwapen Oortrektrui met geborduurde wapen (opsioneel) Chino-langbroek met geborduurde wapen (pype nie nouer gestik) OF Chino-kortbroek met geborduurde wapen Wit oopnek-kortmouhemp met skoolwapen OF Wit kortmouhemp met skooldas By langbroek: swart sokkies OF vlootblou kouse By kortbroek: vlootblou kouse Swart leergordel met eenvoudige gespe Swart skoolskoene Winter: Effekleur vlootblou baadjie met geborduurde skoolwapen Vlootblou skooltrui met geborduurde wapen (opsioneel) Oortrektrui met geborduurde wapen (opsioneel) Chino-langbroek met geborduurde wapen (pype nie nouer gestik) Wit oopnek-kortmouhemp met skoolwapen OF Wit langmouhemp met skooldas Skoolserp (opsioneel)

18 15 DOGTERS L.W. Lees asb. ook Reëls i.v.m. dogters se kleredrag Somer: Effekleur vlootblou baadjie met geborduurde skoolwapen Oortrektrui met geborduurde wapen (opsioneel) Kameelkleur rompie met geborduurde wapen (met vlootblou skoolbroekie) OF Langbroek met geborduurde wapen Wit kortmouhemp met geborduurde wapen Swart skoolskoene By rompie: wit dfm-sokkies By langbroek: vlootblou sokkies OF swart sokkies Winter: Effekleur vlootblou baadjie met geborduurde skoolwapen Vlootblou skooltrui met geborduurde wapen (opsioneel) Oortrektrui met geborduurde wapen (opsioneel) Kameelkleur rompie met geborduurde wapen (met vlootblou skoolbroekie) OF Langbroek met geborduurde wapen Wit langmouhemp met geborduurde skoolwapen Matrieks (opsioneel): dra van matriekdas onderhewig aan wit langmou-dashemp met geborduurde skoolwapen By rompie: swart broekiekouse By langbroek: vlootblou sokkies OF swart sokkies Skoolserp (opsioneel) Sportdrag: LEWENSORIËNTERING (PRAKTIES) DFM-sporthemp DFM-kortbroek DFM-sweetpakbroek SPORTWETENSKAP (PRAKTIES) Seuns en Dogters: Amptelike hemp word verskaf DFM-kortbroek of DFM-sweetpakbroek ALLE SPORTSOORTE Volledige besonderhede is by skoolsportwinkel beskikbaar

19 Drag van Leerders by verskillende geleenthede Wanneer skooldrag gedra word, moet dit die volle drag wees. Gedeeltes van die drag mag nie saam met privaatklere gedra word nie. Skooltruie mag nie sonder n baadjie gedra word nie Wanneer DF Malan saam met ander skole funksies bywoon, moet alle leerders skooldrag aantrek, tensy anders aangekondig word Geen juweliersware, behalwe een paar gewone oorknoppies of -ringetjies, word by sportoefeninge of wedstryde toegelaat nie. In netbal mag geen oorringetjies gedra word nie Sportwedstryde moet in die volle amptelike sportdrag gespeel word, en spelers moet volle skooldrag aanhê as hulle ná en van wedstryde beweeg, tensy die sportdrag geskik is om saam met die skoolbaadjie gebruik te word. Vir tuiswedstryde (swem, rugby, atletiek) mag n DFM-skoolsweetpakbroek met n opwarming-top en -reënbaadjie gedra word Skoolkleurbaadjies is opsioneel in die somer, behalwe tydens formele saalbyeenkomste, maar moet in die winter gedra word Slegs erkende skoolwapentjies mag op die lapelle gedra word Reënbaadjies mag nie binne die skoolgebou bo-oor die skoolklere gedra word nie Goedgekeurde serpe, beskikbaar by die verskaffers, mag in die winter gedra word Indien n leerder nie die volledige of korrekte skooldrag kan dra nie, moet hy/sy n skriftelike verduideliking van die ouers aanbied Reëls i.v.m. dogters se kleredrag Grimering Geen grimering is toelaatbaar nie Juweliersware Geen juweliersware (behalwe een paar klein, eenvoudige goue of silwer oorknoppies; wit of blou sirkoniums of oorringetjies aan die oorlel) mag gedra word nie. Die oorringetjies mag nie groter as 10 mm-grootte wees nie Naels Wanneer die handpalms na bo gedraai word, mag die naels nie sigbaar wees nie. Slegs kleurlose naelpolitoer word toegelaat.

20 Hare Die hare mag nie in die gesig hang nie, nie onnatuurlik gekleur wees of onnatuurlike ligstrepe hê nie. Dit mag ook nie in n styl gesny word wat nie met die skooluniform of volgens die mening van die skoolhoof of sy gedelegeerde, normaalweg aanvaar word in die gemeenskap wat deur die skool bedien word. Die hare moet vasgemaak word sodra dit langer as die hemp se kraag is. Kuiwe mag nie die wenkbroue bedek nie. Los hare moet met knippies vasgesteek word. Geen bont knippies of kamme met versierings mag gedra word nie. Slegs wit, deurskynende of donkerblou of bruin knippies/kamme word toegelaat. Slegs wit, donkerblou of bruin bolletjies word toegelaat. Slegs smal bruin, blou of wit haarbande word toegelaat; geen versierde bande nie. Geen linte mag as versiering om die kop gedra word nie; ook geen lappe om die poniesterte nie Skoolrompe Indien die leerder op haar knieë staan, mag die afstand, gemeet vanaf die grond tot by die onderpunt van die rompie, nie langer as 15 cm wees nie. Rompe mag nie by die band in die middel opgerol word nie Sokkies Kort swart sokkies mag nie oor of onder die lang swart kouse gedurende die twee winterkwartale gedra word nie Langbroeke Langbroeke se pype mag nie nouer gestik word nie Onderklere By rompie: vlootblou skoolbroekie (verpligtend) By hemp: wit/vleeskleurige onderklere (L.W. Indien gekleurde (of swart) onderklere gedra word, is n wit kamisool verpligtend, maar mag nie onder die hemp uitsteek nie.) Reëls in verband met die seuns se hare Die hare mag nie in die gesig hang nie, nie onnatuurlik gekleur wees, en nie oormatig gekartel of gegolf nie Die mat van die hare mag nie te dik wees nie, en moet by benadering die natuurlike kurwe van die kop volg As die hare reguit afgekam word, mag dit nie oor die ore hang nie. Die hare mag agter nie aan die bopunt van die kraag raak nie.

21 Die kantbaard mag nie laer as die middelpunt van die gaatjie in die oorskulp strek nie Indien die kuif as n gordyntjie gedra word, mag dit nie die wenkbroue raak nie. (Dit sluit hare wat teruggekam word, in) Gedrag en optrede van Leerders Na afwesigheid weens siekte, moet die leerder n brief wat deur sy ouer of voog onderteken is, met n gegronde rede vir die afwesigheid, verskaf. Verlof vir ander redes moet vooraf skriftelik verkry word n Waarskuwingsklok word voor die aanvang van die skooldag gelui. Indien n leerder laat by die skool opdaag, moet hy/sy eers by die voog aanmeld Geen leerder word vóór skool of gedurende pouses sonder verlof in die gebou toegelaat nie. Slegs op reëndae mag die gange en gewone klaskamers as addisionele skuiling gebruik word Gedurende die skoolure moet stilte en ordelikheid binne die skoolgebou gehandhaaf word Wanneer n leerder eiendom beskadig, ontsier of verlore laat gaan, sal hy/sy verantwoordelik wees vir die herstel- of vervangingskoste daarvan Die skoolhoof of gedelegeerde het die mag om beslag te lê op enige voorwerp wat ongerief, steurnis, skade, besering of verleentheid kan veroorsaak Wanneer die leerders die skoolterrein verlaat, moet uiters stadig en versigtig met fietse en bromfietse op die skoolterrein gery word. Leerders word verplig om hulle fietse en motorfietse op n voorafbepaalde terrein te parkeer Leerders mag nie gedurende skoolure genoemde parkeerterrein sonder verlof betree nie Leerders mag nie motorvoertuie op die skoolterrein bestuur of parkeer nie Die gebruik of hantering van tabak, sigarette, alkoholiese drank en dwelmmiddels (uitgesonderd kragtens mediese voorskrif) is verbode in die skoolgebou, op die skoolterrein en op enige plek waar die skool se naam in die gedrang kan kom. Sekere dwelmtoetse kan met die ouers se toestemming by die skool gedoen word Geen leerder mag leesstof wat volgens die mening van die skoolhoof (en tydens sy afwesigheid die onderwyser in beheer van die leerder) aanstootlik is, in die skoolgebou, op die skoolterrein of op enige plek waar die skool se naam in die gedrang kan kom, in sy besit hê nie.

22 Geen omsendbrief, kennisgewing, pamflet of plakkaat mag op die skoolterrein versprei word of op die kennisgewingborde of enige ander plek in die gebou of terrein aangebring word, sonder die verlof van die skoolhoof of sy gevolmagtigde nie Leerders moet die Raad van Leerders, Senior Raad en Klasleiers gehoorsaam en met die nodige agting teenoor hulle optree Die openbare telefoon mag vir oproepe gebruik word, maar nie tydens lesure nie. (Sien ook Selfoonbeleid.) Geen leerder word in die personeelkamer of personeelkleedkamers toegelaat nie Indien leerders onderwysers gedurende pouses wil spreek, kan hulle dit by die onderwyser se lokaal aan die begin van die pouse doen Leerders word nie toegelaat om die gang voor die administratiewe blok, die voorportaal of die trap na die personeelkamer as n deurgang te gebruik nie - behalwe op reëndae Erkende boektasse moet gebruik word - die gebruik van ander sakke, trommels en mandjies is nie aanvaarbaar nie. Geen etikette mag op tasse aangebring word nie. Daar mag nie slagspreuke of name, op die tasse geskryf word of sketse daarop gemaak word nie Deelname aan Skoolprogram Indien leerders om een of ander gegronde rede nie n sportoefening kan bywoon nie, moet die leerder persoonlik vooraf by die betrokke onderwyser verskoning aanbied Indien n leerder gekies is om in n span te speel en hy by die huis ongesteld sou raak, moet die leerder so gou moontlik telefonies met die betrokke onderwyser in verbinding tree en as dit nie moontlik is nie, met enige onderwyser wat by daardie sport betrokke is Horlosies, buskaartjies en geld kan aan die onderwyser oorhandig word wanneer liggaamlike oefening gedoen word, of wanneer sport beoefen word Daar word van leerders verwag om aan minstens een vereniging te behoort en een winter- en een somersportsoort te beoefen.

23 Deursoeking en Beslaglegging : Beleid en Reëls Deursoeking Indien daar n redelike vermoede sou bestaan om te glo dat n leerder enige middel of voorwerp in sy/haar besit het wat teen die wet of skoolreëls is, mag die leerder se persoon of eiendom deur n benoemde personeellid deursoek word. Die deursoeking moet billik wees ten opsigte van omvang en doelwit. Dit mag nie uitermatig wees nie en die ouderdom en geslag van die leerder, sowel as die aard van die vermoedelike oortreding moet in ag geneem word Sluitkassies Sluitkassies mag nie misbruik word nie. Benoemde personeellede het die reg om sluitkassies oop te maak en te deursoek, met of sonder die toestemming, of teenwoordigheid, van die leerder of sy/haar ouer(s). Die inhoud van sluitkassies mag nie die veiligheid, gesondheid, dissipline en die toepassing van skoolreëls bedreig nie. Die volgende items mag nie in sluitkassies gehou word nie: * materiaal wat ontvlambaar is of wat n brandgevaar inhou (bv. petrol, aanstekers, ens.); * alkohol of dwelmmiddels of afhanklikheidsvormende middele (bv. dagga, ens.); * enige voorwerp wat as n dodelike toestel beskou kan word nie (bv. vuurwapens, steekwapens, dwelmapparaat, ens.) Reëls Die skoolowerheid moet van n sleutel voorsien word om die sluitkassie te open. As n sleutel nie gegee word nie, mag die slotte geknip word sonder om die sloteienaar te vergoed. Alle verbode materiaal waarop beslag gelê word, moet geëtiketteer en bewaar word. Die leerder en sy/haar ouers moet onmiddellik in kennis gestel word. n Leerder mag slegs deur n personeellid van dieselfde geslag as hy/sy self deursoek word. Nog n personeellid van dieselfde geslag moet teenwoordig wees. n Poging moet, behalwe in n krisissituasie, aangewend word om met die leerder se ouers of voogde te skakel voordat n fisiese deursoeking plaasvind. Indien die ouers of voogde nie na redelike pogings bereik kon word nie, moet hy/sy van die deursoeking in kennis gestel word. Leerders se reg op privaatheid moet eerbiedig word. Die personeellid wat die fisiese deursoeking onderneem het, moet n skriftelike verslag by sy/haar hoof inlewer. n Afskrif van die verslag moet binne drie dae aan die superintendent van die skool oorhandig word.

24 Algemeen Leerders moet altyd korrek, hoflik en met die nodige respek teenoor almal optree Die skool neem nie verantwoordelikheid vir skade of verlies van persoonlike eiendom op die skoolterrein nie. Die huur van n sluitkassie word sterk aanbeveel Afsonderlike reëls geld ten opsigte van die gebruik van fasiliteite soos die kafeteria, saal, leerdersentrum, gimnasium, ensovoorts.

25 ADDENDUM A BELEID: SELLULÊRE TELEFONE, i-pods EN SOORTGELYKE TOESTELLE Die besit en gebruik van sellulêre telefone, i-pods en soortgelyke toestelle word toenemend n probleem in skole. Daarom is daar besluit om n vaste beleid daaroor op te stel. Hierdie beleid is bindend vir elke leerder. Die beleid van die skool beveel aan dat leerders waardevolle elektroniese items soos sellulêre telefone, i-pods en soortgelyke toestelle eerder nie saambring skool toe nie. Indien leerders wel van die gemelde elektroniese items skool toe sou bring, aanvaar die skool geen aanspreeklikheid wanneer so n item verlore raak nie. Die skool besef dat leerders en ouers soms die behoefte het om mekaar te skakel om reëlings te tref wanneer onvoorsiene dinge deur die dag gebeur. Selfoongebruik deur leerders kan verminder of selfs uitgeskakel word deur van die beskikbare openbare telefone rondom die skoolterrein gebruik te maak. Die besit van n telefoonkaart word dus sterk aanbeveel. Wanneer sellulêre telefone, i-pods en soortgelyke toestelle deur leerders tydens klastyd gebruik sou word, sal dit gekonfiskeer word. Gekonfiskeerde items sal slegs op n Vrydag by een van die adjunkhoofde afgehaal kan word. Indien die item op n Vrydag gekonfiskeer word, sal dit eers die volgende Woensdag teruggeëis kan word. Die item sal slegs teruggegee word wanneer n boete van R 100 by die inbetalingskantoor vereffen is. Die uitgereikte kwitansie sal dan as bewys dien wanneer die item by die Adjunkhoof teruggeëis word. Wanneer n sellulêre telefoon, i-pod of n soortgelyke toestel by n leerder tydens toetse of eksamens gesien word, sal dit gekonfiskeer word en die leerder sal 0 vir daardie toets of eksamen ontvang. Verder sal daar ook dissiplinêr teen die leerder opgetree word. Die motivering vir hierdie streng optrede: wanneer leerders hulle tydens die Matriekeksamen aan dieselfde oortreding skuldig sou maak, sal hulle baie swaar deur die WKOD gestraf word. So n matriekleerder sal nie verder eksamen kan skryf nie en sal dan eers twee jaar later sy/haar matriek kan skryf. Die Inligtingstegnologie-komitee

26 ADDENDUM B BELEID: INLIGTINGSTEGNOLOGIE (I-SENTRUM, REKENAARLOKALE, KLASKAMERS, SOSIALE MEDIA EN MEMES) VOORREG OM TEGNOLOGIE TE GEBRUIK Die benutting van tegnologiese middele in die skoolopset is n wonderlike voorreg. Gebruik al die hulpmiddele tot jou beskikking met die nodige respek. Moet jou asseblief nie aan wangedrag skuldig maak nie. In die proses benadeel jy ander mense wat baie graag van die tegnologie gebruik wil maak. 1. DIE I-SENTRUM In die I-sentrum sal toegang tot die tegnologiese middele onder die toesig van die sentrum se inligtingbestuurder en die verkose komiteelede geskied. n Leerder mag onder geen omstandighede sy wagwoord (password) vir n ander leerder gee nie. n Leerder word verantwoordelik gehou vir wat op sy rekening (account) gestoor word en vir dataverlies. Alle rekenaars in die skool verkeer in n geen-voedsel-omgewing. Geen voedselhouers mag naby enige rekenaar gebring word nie. Elke leerder moet behoorlik log off voordat die lokaal verlaat word. Stoele moet teruggestoot word na gebruik. Die I-sentrum aanvaar geen verantwoordelikheid vir n leerder se Flash Drive/Memory stick/eksterne hardeskyf wat deur eie toedoen verlore raak nie. Die rekenaarfasiliteite mag op geen manier wangebruik word nie. 1.1 Wangebruike sluit in: Aktiwiteite wat lei tot die wanfunksionering van die sisteem of die beskadiging van toerusting, sagteware en die netwerksisteem Om onwettige toegang tot konfidensiële rekords, enige rekenaar en die hoofrekenaar te PROBEER verkry Die gebruik van aanstootlike vuil taal, die stuur van hate mail of om n ander persoon te boelie Die verkryging, versending of huisvesting van pornografiese tekste, foto s of ander grafiese materiaal Die verkryging of versending van enige materiaal wat rassisties of seksisties is, of wat beledigend jeens ander gelowe is.

27 Die skepping of installering van n rekenaarvirus Die gebruik van die tegnologie vir persoonlike finansiële gewin Die installering en/of gebruik van enige persoonlike sagteware op enige rekenaar Die verandering van die konfigurasie van n rekenaar of die netwerksisteem Die aflaai en installering van enige sagteware sonder toestemming Geen speletjies van enige aard mag op die rekenaars in die skool afgelaai, geïnstalleer, gekopieer en gespeel word nie! Enige skade wat opsetlik aan rekenaarapparatuur asook alle programmatuur aangebring word Ongemagtigde verwydering of verskuiwing van hardeware (drukkers, muise, sleutelborde, ens.) 1.2 E-pos, netwerketiket, sosiale netwerke en kletsprogramme/-kamers Daar word verwag dat leerders die nie-amptelike gedragskodes vir die versending van e-pos gehoorsaam. Dit sluit o.a. die volgende in: Wees beleef. Moenie aanstootlike taal gebruik nie Elektroniese pos is nie privaat nie. Die sisteemoperateurs het toegang tot alle pos en kan onwettige aktiwiteite aanmeld Geen kletsprogramme word by die skool toegelaat nie. Die veiligheid van leerders kan in die gedrang kom. Daarom moet leerders ook versigtig wees wat e-pos en sosiale netwerke betref. Moenie adresse, telefoonnommers en ander persoonlike inligting goedsmoeds oor die internet bekend maak nie. 1.3 Boeke, tydskrifte, video s en DVD s Boeke, tydskrifte, video s en DVD s kan daagliks uitgeneem word, maar moet betyds terugbesorg word Boeke en tydskrifte moet asseblief met die grootste sorg hanteer word Geen prente of artikels mag uit enige boek of tydskrif geskeur word nie; artikels en foto s mag wel gekopieer word Kopiëring van enige aard geskied teen n minimale fooi Vir kleurafdrukke van byvoorbeeld foto s, kan die aftaster ( scanner ) wel benut word. 1.4 Skending van die gedragskodes van die I-Sentrum Alle gebruikers wat die beleid en gedragskodes van die I-Sentrum skend, sal aan streng strafmaatreëls onderwerp word. Geniet jou tyd in die I-sentrum, maar respekteer almal wat daar teenwoordig is. Wees te alle tye konsidererend. Handhaaf n redelike stilte sodat jy nie ander persone steur wat daar studeer nie. Die gebruik van die tegnologiese middele is n voorreg en nie n reg nie.

28 3 2. DIE REKENAARLOKALE In die rekenaarsentrums (lokaal 2, 3 en 4) sal toegang tot die tegnologiese middele onder streng toesig van die opvoeder verantwoordelik vir daardie klas geskied. Benutting van tegnologiese middele in die skool is nie n reg nie, maar n voorreg. n Leerder mag, met die toestemming van die opvoeder, in n afperiode, gedurende pouse of na skool n rekenaar gebruik wat beskikbaar is. Leerders mag gebruik maak van die internet buite vakverband, maar sodra die klas begin en tydens die klas mag die leerder dit glad nie gebruik nie. Indien n leerder deur enige opvoeder betrap word dat hy/sy op die internet is terwyl daar klasgegee word, sal die opvoeder die betrokke leerder vra om te log off, die leerder se account word disabled en eers na dissiplinêre stappe sal die leerder weer toegelaat word om die rekenaar te gebruik. Geen samedromming om n rekenaar word toegelaat nie. Tasse mag nie in die lokale ingeneem word nie. Leerders moet waardevolle artikels aan hulle persoon hou of in hul sluitkassies toesluit. n Leerder mag onder geen omstandighede sy wagwoord (password) vir n ander leerder gee nie. n Leerder word verantwoordelik gehou vir wat op sy rekening (account) gestoor word en vir dataverlies. Alle rekenaars in die skool verkeer in n geen-voedsel-omgewing. Geen voedselhouers mag naby enige rekenaar gebring word nie. Elke leerder moet behoorlik log off voordat die lokaal verlaat word. Stoele moet teruggestoot word na gebruik. Die sentrum aanvaar geen verantwoordelikheid vir n leerder se Flash Drive/Memory stick/eksterne hardeskyf wat deur eie toedoen verlore raak nie. Die rekenaarfasiliteite mag op geen manier wangebruik word nie. 2.1 Wangebruike sluit in: Aktiwiteite wat lei tot die wanfunksionering van die sisteem of die beskadiging van toerusting, sagteware en die netwerksisteem Om onwettige toegang tot konfidensiële rekords, enige rekenaar en die hoofrekenaar te PROBEER verkry.