9. Ons Vader dink anders oor gebed Matteus 6:9-10

Transcriptie

1 1 9. Ons Vader dink anders oor gebed Matteus 6:9-10 In hierdie aanbieding word daar ook enkele praktiese wenke vir n kleutergroep gegee. Dit sou ook vir Graad 1 gebruik kon word. Tema In die eerste deel van die Ons Vader gebed hoor ons dat wanneer ons bid, dit nie oor ons gaan nie, maar oor God. Hy is ons Vader, daarom het ons respek vir sy Naam, weet ons Hy is ons Koning en is ons gehoorsaam aan sy wil. Agtergrond In die sentrum van die bergrede lees ons die Ons Vader-gebed. Die Ons Vader-gebed bestaan uit twee dele, naamlik drie U-gebede en drie ons-gebede. In hierdie ontmoeting fokus ons op die eerste drie gebede, die sogenaamde U-gebede. Uit die U- gebede hoor ons dat ons eerste fokus in ons gebede op God gerig moet wees, en nie net op ons eie menslike behoeftes nie. Bybelgedeeltes Hoofgedagtes van die ontmoeting Lees Matteus 6:9a 1. Hierdie gebed begin met die woorde Ons Vader. God stel Homself aan ons voor as n Vaderfiguur. Dit wys ons dat ons in n intieme verhouding met God staan. Lees Matteus 6:9b 2. In die eerste U-gebed hoor ons van die heiligheid van God ons Vader se Naam. Dit wys vir ons hoe baie respek en eerbied ons vir God (se Naam) moet hê. Lees Matteus 6:10a 3. In die tweede U-gebed hoor ons van die koms van God se koninkryk hier op aarde. Dit wys vir ons dat God as koning in alle Lees Matteus 6:10b mense se lewens erken moet word. 4. In die derde U-gebed hoor ons van God se wil. Soos Jesus gehoorsaam was aan sy Vader se wil, so vra die bidder ook om aan God se wil gehoorsaam te wees. Uitkoms God is ons Vader met wie ons in n intieme verhouding staan. Ons dink ook anders oor gebed en ons hoor deur die drie U-gebede dat dit in die eerste plek oor God ons Vader gaan en nie net oor ons eie menslike behoeftes nie. Die drie U-gebede leer ons verder dat ons respek vir God (se Naam) moet hê, van sy koningskap oor alle mense moet getuig en gehoorsaam moet wees aan sy wil.

2 2 Hulpmiddels by die storie Plakkaat of bord met n U-draai-padteken. n Paar plakkate van ander padtekens, soos stop, geen toegang, voetganger-oorgang. Hulpmiddels vir kleingroepvaslegging Kleuter kleingroep Junior kleingroep Senior kleingroep Bring saam Bring saam Bring saam 1. Papierborde 2. Sosatie- of roomysstokkies 3. Swart en rooi kryte 4. Gom of kleeflint Voor die tyd Teken die buitelyne van n U op n papierbord, sodat die kinders dit met n swart kryt kan inkleur. Die U moet boontoe wys met n pyl aan die een kant. 1. Papiertjies met mooi en opbouende sinne 2. n Houer waaruit die kinders die papiertjies kan trek 3. Opsioneel: Lekkers vir die span wat die speletjie wen 4. Inkleurkryte en ander middele om mee te versier Voor die tyd Skryf vir die hoeveelheid kinders in die kleingroep mooi en opbouende sinne op klein papiertjies neer, byvoorbeeld: Jy sing mooi, jy teken mooi, jy speel goed rugby/netbal, jy het mooi oë/hare, jy is altyd vriendelik ens. 1. Prente van n klomp verskillende padtekens 2. Opsioneel: Lekkers vir die span wat die speletjie wen 3. n A4-papier met die kinders in die groep se name onderaan Voor die tyd Druk n paar verskillende padtekens op A4-bladsye uit. Skryf elke kind in die groep se naam onder aan die A4-papier.

3 3 Die storie Begin Paasnaweek is verby. Ons het daaraan gedink hoe Jesus vir ons sonde gesterf het. Toe Jesus gesterf het, het die voorhangsel in die tempel oopgeskeur. Ons mag nou tot by God die Vader gaan en met Hom praat. Ons het ook gedurende Paasnaweek daaraan gedink dat Hy opgestaan het. En ons gaan binnekort daaraan dink dat Hy na die hemel opgevaar het. God die Vader en ons as mense is deur Jesus aan mekaar verbind. Hoe praat ons met Hom? Hoe het Jesus sy dissipels geleer? Kom ons begin met n vraag: Wie van julle mag al alleen n kar bestuur? Nog niemand nie, nè? Van wanneer af mag n mens eers kar bestuur? Eers wanneer n mens jou lisensie het. En n mens kan eers jou lisensie kry wanneer jy 18 jaar oud is. Wanneer mens jou lisensie wil hê moet jy eers n toets skryf. Met daardie toets kyk die mense van die verkeersdepartement of jy al die reëls en padtekens ken. En dan ry die verkeerskonstabel eers n entjie saam met jou om te kyk of jy mooi ry en al die padreëls na kom. Dan kan jy eers jou lisensie kry. Wie van julle ken n paar van die padtekens? Wat beteken hierdie tekens: Wanneer julle weer saam met julle ouers in die kar ry dan moet julle hulle n bietjie toets en kyk of hulle nog weet wat al die padtekens beteken. Vandag gaan ons gesels oor n ander padteken, wie kan sê wat hierdie een beteken? Hierdie teken wys dat mens n U-draai kan maak. En n U-draai is wanneer jy in die een rigting ry en dan omdraai om in die teenoorgestelde rigting te gaan. Staan gou almal op, druk jou regtervoet vas op die grond en dan draai jy om sodat jy ander kant toe kyk. Dit is soos n U-draai, om heeltemal anderkant toe te kyk of te gaan. Vandag gaan ons gesels oor die Ons Vader-gebed. Gewoonlik dink ons dat gebed daaroor gaan dat ons vir God goed moet vra wat Hy vir ons moet gee of doen. Maar vandag gaan ons sien dat ons n U-draai moet maak in die manier wat ons dink oor gebed dat ons heeltemal anders moet dink as wat ons gewoonlik daaroor dink. Kom ons lees die Ons Vader-gebed so stukkie vir stukkie en dan hoor ons wat ons vandag daaruit kan leer. Hoor Moment 1: Lees Matteus 6:9a Hierdie eerste sin van die Gebed begin met die woorde Ons Vader. God wys vir ons dat Hy vir ons is soos n goeie Pappa wat vir ons baie lief is en ons beskerm en baie vir ons omgee. Daar is n goeie storie wat vir ons leer hoe baie lief n pa vir sy kind kan wees. Luister hierna:

4 4 Eendag is daar n seuntjie wat in die rivier agter hulle huis gaan swem het. Sy pa het buite gestaan en vir hom gekyk terwyl hy swem. Toe die seuntjie nog so lekker na die middel van die rivier toe swem, sien die pa n krokodil wat na die seuntjie toe aangeswem kom. Die pa hardloop nader en roep hard na sy seuntjie om terug te swem. Gelukkig hoor die seuntjie hom en maak n vinnige U-draai in die water en swem terug na die kant toe. Maar die krokodil kon baie vinniger swem en net toe die seuntjie by die kant is, is die krokodil by hom. Die krokodil byt hom toe aan sy been, maar die seuntjie se pa gryp hom aan sy arm. Vir n kort rukkie trek die krokodil aan die seuntjie se been en die pa aan sy arm. En al is n krokodil baie sterkter as n mens, het hierdie pa so sterk aan sy seuntjie vas gehou dat die krokodil hom nie kon los kry nie. Gelukkig kom daar toe iemand anders aan en begin die krokodil met klippe gooi. Die krokodil het toe die seuntjie gelos en weggeswem. Hulle het dadelik die seuntjie hospitaal toe gevat om sy seerplekke gesond te maak. n Week later kom die mense van die koerant met die seuntjie praat oor die wonderlike manier waarop sy pa hom gered het. Hulle vra toe die seuntjie of dit vir hom sleg is dat hy nou sulke merke op sy bene het van waar die krokodil hom gebyt het. Hy sê toe vir hulle dit is nie vir hom so erg nie, maar wat vir hom baie cool is, is die merke wat hy op sy arms het van waar sy pa hom so styf vasgehou het. Daardie merke sal hom altyd laat onthou dat sy pa hom nooit sal los nie en altyd styf sal vashou. Hierdie storie is so wonderlik. En weet julle wat, God is ook so wonderlik soos hierdie pappa. Hy sal ons ook nooit los nie. Hy is altyd by ons. Hy beskerm ons en help ons en troos ons. Hy doen dit alles omdat hy baie lief is vir ons. Hierdie eerste sinnetjie sê ook dat God in die hemel woon, maar dit beteken nie dat Hy ver van ons af is nie. Nee, Hy het sy seun Jesus gestuur sodat ons sal weet dat hy altyd by ons is. En dat hy ons nooit sal los nie. Want Hy is n Vader vir ons wat vir ons baie lief is! Moment 2: Lees Matteus 6:9b Die volgende deel van die Ons Vader gebed leer ons om anders te dink. Dit is waar ons leer om die U-draai te maak in die manier wat ons bid. Die U-draai wat ons maak is dat ons hoor en besef dat om te bid nie net gaan oor wat ons wil hê nie. Dit gaan nie net oor wat die Here vir ons moet gee en doen nie. Om te bid gaan in die eerste plek oor God. Daarom kry ons in die Ons Vader-gebed die drie U-gebede. Dit is die drie sinne wat oor God gaan. En dit leer ons dat wanneer ons bid, moet ons besef dat dit altyd eerste oor God gaan. Kom ons lees die eerste van die drie U-gebede. Lees Matteus 6:9b: Laat u Naam geheilig word Hierdie eerste U-gebed leer ons dat God se Naam baie heilig is. Wanneer ons dan God se Naam sê moet ons onthou dat ons baie respek vir Hom moet hê. As ons Hom liefhet en eer, kan ons nie sommer sy Naam soos weggooigoed gebruik nie. Ons moet mooi dink wanneer ons sy Naam gebruik en dit nie sommer net vir enige iets gebruik nie. Baie kere gebruik mense God se Naam sonder om respek daarvoor te hê. Dan sê hulle sommer sy Naam wanneer hulle kwaad is en selfs om mee te vloek. Dink bietjie hoe sleg dit vir jou sal wees as iemand jou naam gebruik as n vloekwoord. Mens se hart sal nogal seer wees. As iets geheilig is, is dit nie sommer gewoon nie, nee, dit is baie spesiaal, amper soos iets wat skyn of blink. As ons wys hoe groot en wonderlik God is, sal ons en ook die ander mense wat van ons Vader hoor, weet Hy is spesiaal. As daar van Hom gepraat word, weet jy nou praat jy van God en nie sommer van enige iets nie. Hy is Anders! Hy is groot. Hy is nie maar net n mens nie. Ons moet daarom vir ander mense ook vertel dat God heilig is en dat ons soveel respek vir Hom het, dat ons ook sy Naam met respek

5 5 gebruik. Wanneer ons bid Laat u Naam geheilig word help dit ons om te sien dat God groot en wonderlik is. n Mens wil so graag self wonderlik en groot wees. Hierdie gebed maak die U-draai: U is wonderlik. Dit gaan heel eerste oor U. Die heiligheid van hulle God-Vader is vir die volgelinge van Jesus n saak van prioriteit. Dit dui op die onteenseglike eerbied, respek en ontsag wat hulle vir God as Vader het. Ook die Ou Testament lê baie klem op die heiligheid van die God van die Verbond. Moment 3: Lees Matteus 6:10a Die tweede van die U-gebede is Laat u koninkryk kom. Hierdie U-gebed sê vir ons dat God die koning van alle mense is. Sy koninkryk is oral in die wêreld, maar almal weet dit nie. Mense wat dit nie weet nie, is mense wat nie in God glo nie. Dan lewe hulle ook nie soos mense wat weet dat God hulle koning is nie. Wanneer ons dan hierdie U-gebed bid, vra ons dat alle mense sal weet en glo dat God ook oor hulle lewens koning is. Hierdie U-gebed help ons om die U-draai te maak in die manier wat ons oor gebed dink omdat dit vir ons leer dat God die koning van alle mense is, so dit gaan nie net oor ons nie, daarom moet ons bid dat ander mense ook sal hoor en sal besef dat Hy hulle koning is. Moment 4: Lees Matteus 6:10b Die derde van die U-gebede is Laat u wil geskied Hierdie U-gebed help ons nog n keer om n U- draai te maak omdat ons daaruit hoor dat God se wil moet geskied. God se wil is baie belangrik. Dit is belangriker as ons eie wil. Jesus was baie gehoorsaam aan die wil van God, so gehoorsaam dat Hy selfs doodgegaan het sodat God se wil kon geskied. Uit Jesus se voorbeeld leer ons ook om gehoorsaam te wees aan God se wil. Wanneer ons dan bid, moet ons nie net vir ons eie behoeftes en ons eie wil vra nie, maar moet ons altyd vra dat God se wil sal geskied. Want deur sy wil weet hy wat is die beste vir ons en kan ons Hom vertrou. Dink Dink gou aan die volgende prentjie. Dink aan n koning wat n kroon op sy kop het en n mooi pers mantel dra en wat op sy troon in sy paleis sit. En hier kom n dienskneg ingestap om vir die koning iets te vra. Dan buig die dienskneg voor die koning en wys vir die koning dat hy baie respek vir hom het. Die Ons Vader-gebed leer vir ons dat net soos n dienskneg so baie respek vir sy koning het, so moet ons vir God ook respek hê, want Hy is ons Vader, sy Naam is heilig, Hy is die koning van die heelal en sy wil is die belangrikste. Leef Die Ons Vader-gebed leer ons om n U-draai te maak en te onthou dat wanneer ons bid gaan dit nie net oor onsself nie, maar in die eerste plek oor God. Ons moet hierdie boodskap ook vir ander mense vertel sodat hulle ook n U-draai sal maak en sal hoor en besef dat God ook hulle Pappa is, dat hulle ook respek vir Hom moet hê, dat Hy ook hulle koning is en dat hulle ook gehoorsaam moet wees aan sy wil.

6 6 Kleingroepvaslegging: Kleutergroep Welkom Vandag gaan ons begin deur van elke maat iets mooi en goed te sê. Kom ons gaan in die ry af en dan vertel ons vir elkeen iets mooi van hulleself. Elkeen kan n beurt kry om van n ander maat iets te sê soos: jy het mooi hare, jy het mooi oë, jy kan mooi teken, jy kan vinnig hardloop, ens. Hierdeur begin die kinders om die fokus weg van hulleself en meer op iemand anders te plaas. Wegspring Kom ons leer die eerste sinne van die Ons Vader-gebed mooi saam, sodat ons dit by die huis kan gaan oorvertel: Ons Vader wat in die hemel is, Laat u Naam geheilig word, Laat u koninkryk kom, Laat u wil geskied Help die kinders om hierdie eerste paar sinne te memoriseer. Werksaam Nadat die kleingroep hierdie eerste gedeelte van die Ons Vader-gebed ken, kan hulle saam die hand-aktiwiteit doen. Opdrag: Ons gaan vandag n U-draai-padteken maak. Op n wit papierbord gaan ons die kante met die rooi kryt inkleur en in die middel met die swart kryt gaan ons die U inkleur. Daarna gaan ons n stokkie aan die agterkant vasplak sodat dit soos n padteken lyk. Die pylpunt wys na God, ons Vader, toe. Gesels: Hierdie U-draai teken leer ons dat ons anders moet dink oor gebed, soos wat die U-draai in die pad jou na die ander kant toe laat ry. Daarom dink ons nie meer dat gebed net oor onsself gaan en dat ons net vir God alles moet vra wat ons wil hê nie. Hierdie prentjie help ons onthou dat gebed eerstens oor God gaan. Hy is ons Pappa wat in die hemel woon. Wegstuur/Huisgeloof 1. Ons weet nou dat gebed in die eerste plek oor God gaan. Kom ons bid nou elkeen een sinnetjie net vir God. Help en lei hulle om elkeen een sin te bid wat daarop fokus om God te verheerlik, byvoorbeeld: God ons Vader, U is die grootste God ; Here, ons loof U omdat U alles op aarde gemaak het ; Liewe Here, ons prys U want U is almagtig ens. Die Kleingroepleier kan ook elke kind voorgaan, sodat die kind die sinnetjie agterna sê. 2. Gaan wys vir die mense by die huis jou padteken en vertel vir hulle hoe dit ons leer om anders te dink oor gebed: Ons dink eers oor God voordat ons aan onsself dink.

7 7 Kleingroepvaslegging: Junior groep Welkom Vandag gaan ons mooi goed van mekaar vir mekaar vertel. In hierdie houer is daar n klomp papiertjies waarop daar iets mooi en opbouend staan. Elkeen gaan n papiertjie trek en lees wat daarop staan. Maar dan gaan jy nie die papiertjie vir jouself hou nie, jy moet dit vir n ander maat gaan gee by wie jy dink die papiertjie pas. Elke maat moet aan die einde net een papiertjie hê, sodat almal iets goed en mooi van hulleself besef. Hierdeur begin die kinders om die fokus weg van hulleself en meer op iemand anders te plaas. Wegspring Kom ons leer die eerste vier sinne van die Ons Vader-gebed uit ons koppe uit: Ons gaan twee spanne maak. Elke span kry twee minute om te oefen. Dan gee ons vir elke span n kans om dit hardop te sê. Die span wat dit die beste en met die minste foute kan opsê, wen. Werksaam 1. Skryf in elke blokkie in jou werkboek een van die eerste vier bedes van die Ons Vader-gebed neer. 2. Versier die blokke só dat dit pas by wat jy binne-in die blokkie geskryf het. (By Laat u koninkryk kom kan hulle byvoorbeeld n kroon en n paleis teken.) Terwyl hulle inkleur kan julle saam gesels oor hoe hierdie U-draai teken ons help om te onthou dat gebed in die eerste plek oor God gaan. Wat sal julle doen as julle hoor iemand gebruik God se naam soos n vloekwoord? Wat sal julle doen as een kind n ander kind boelie? Wat sal die Jesus doen? As een kind alles het, en ander het nie eers n stukkie kos of n bietjie geld nie, wat sal julle doen? Wat dink julle is julle Vader se wil? Dink aan nog voorbeelde en gesels verder oor hoe ons elkeen van hierdie U-gebede prakties kan doen en uitleef by die skool en by die huis. Ons weet nou dat gebed in die eerste plek oor God gaan. Kom ons bid nou elkeen een sinnetjie net vir God. Help en lei hulle om elkeen een sin te bid wat daarop fokus om God te verheerlik, byvoorbeeld: God ons Vader, U is die grootste God ; Here, ons loof U omdat U alles op aarde gemaak het ; Liewe Here, ons prys U want U is almagtig ens. Die Kleingroepleier kan ook elke kind voorgaan, sodat die kind die sinnetjie agterna sê.

8 8 Wegstuur/Huisgeloof 1. Vra die grootmense in die huis om vir jou te vertel van gebede wat hulle geleer het toe hulle kinders was. 2. Gesels saam hieroor: Wanneer jy n gebed uit jou kop leer, help dit jou om 3. Vertel nou vir jou huismense van die U-draai-padteken wat ons help om anders oor gebed te dink: Ons dink nie net aan onsself nie, maar eerste aan God, ons Vader.

9 9 Kleingroepvaslegging: Senior groep Welkom Vandag gaan ons begin deur iets mooi van elkeen te sê. Hier is n A4-blad met elkeen van julle se name onderaan. Dit werk so elkeen gaan n beurt kry om iets mooi en goed van die persoon wie se naam onderaan die papier staan, neer te skryf. Julle begin bo-aan die papier om die mooi sinne neer te skryf. As jy die sin klaar neergeskryf het, vou jy die stukkie toe, sodat iemand anders weer n ander sin onder die toegevoude deel kan neerskryf. Julle stuur dan die papiere in die rondte, sodat almal op elke papier n mooi sin van die persoon kan neerskryf. Na die tyd gee julle aan elkeen die papier waarop sy naam staan terug en dan lees julle n paar van die mooi goed wat die ander van jou geskryf het. Hierdeur begin die kinders om die fokus weg van hulleself en meer op iemand anders te plaas. Wegspring Speletjie: Kom ons kyk of julle al n paar van die padtekens ken. Ons verdeel in twee groepe. Die leier gaan dan n padteken vir julle wys. Elke groep kry n beurt om te sê wat die padteken beteken. As die groep dit verkeerd het, kan die ander groep n antwoord gee. As hulle dit reg het, kry hulle die punt. Ons kyk dan watter groep het op die ou end die meeste punte. Hersien: Oor watter teken het ons gesels vandag? Die U-draai. Wat het dit vir ons vertel? Dat ons anders moet dink oor gebed. Gebed gaan nie net oor onsself en ons eie behoeftes nie, maar dit gaan in die eerste plek oor God. Wonder Dink n bietjie aan hoe mense die meeste van die tyd bid. Baie kere bid mense net wanneer dit met hulle sleg gaan en dat hulle wil hê die Here hulle dan moet help. Mense bid gereeld net vir hulle eie behoeftes. Dink n bietjie aan hoe julle gewoonlik bid? Dit is vir ons almal belangrik om te besef dat gebed in die eerste plek oor God gaan. Hy is ons Vader wat ons gebede hoor. Wanneer ons bid gaan dit oor God. Werksaam 1. Skryf die eerste vier sinne van die Ons Vader-gebed in jou werkboek in. 2. Leer nou hierdie vier sinne sodat jy dit vlot kan opsê. 3. Kom ons gesels nou oor die drie U-gebede: Laat u Naam geheilig word. Hoe word God se Naam vandag misbruik? Wat beteken dit om sy Naam heilig te maak? Hoe kan jy God se Naam heilig maak en respekteer?

10 10 Laat u koninkryk kom. Hoe werk en lyk dit in God se koninkryk? Hoe sou die wêreld lyk as alle mense kon besef God se koninkryk is reeds hier op aarde? Hoe sal die lewe op aarde dan wees? Hoe kan ons vir ander mense vertel dat God oor hulle lewe koning is? Laat u wil geskied. Wat, dink jy, is God se wil vir mense? Hoekom is dit belangrik om God se wil te gehoorsaam? Hoe kan jy aan God se wil gehoorsaam wees? Wegstuur 1. Vra die grootmense in die huis om vir jou te vertel van gebede wat hulle geleer het toe hulle kinders was. 2. Gesels saam hieroor: Moet ons altyd eers op God fokus wanneer ons bid, nog voordag ons iets van Hom vra? Sal dit iets verander aan die dinge wat ons vra? 3. Gaan dink oor hoe jy van nou af wil bid.