15. Baas-klaas of ouer-kind? Matteus 25:14-30

Transcriptie

1 1 15. Baas-klaas of ouer-kind? Matteus 25:14-30 Tema Hoe ek God sien, gaan bepaal hoe ek met sy riglyne sal omgaan in my lewe: óf soos n slaaf wat net die nodige sal doen, óf soos n kind wat vertrou dat sy ouer die beste weet. Opmerking Daar is twee maniere hoe jy God kan sien en dit bepaal hoe jy gaan leef: óf God het n klomp wette vir mense opgestel en vereis dat hulle dit stiptelik nakom (en as hulle dit nie nakom nie, straf God hulle), óf God is soos n liefdevolle ouer wat sy kind met riglyne wil help om vry en gelukkig te leef. Agtergrond Hierdie gelykenis vorm soos die vorige een deel van n groep gelykenisse wat almal praat oor die (onverwagse, skielike) koms van die Here en die manier waarop Hy ingewag word. Hierdie gelykenis wil die hoorder help verstaan met watter gesindheid ons op Jesus se wederkoms moet wag. By die gelykenis van die tien meisies was die fokus dat ons gereed moet wees vir die wederkoms. Vandag se gelykenis vertel van die gesindheid waarmee ons moet wag. Die talente of muntstukke (1 talent = sowat mense se dagloon!) verwys nie na die gewone menslike talente soos wat ons dit in die spreektaal gebruik nie, met die gedagte dat jy die natuurlike potensiaal wat jy het, moet ontwikkel nie. Dit gaan nie soseer om die hoeveelheid wins wat gemaak is nie, maar eerder oor die betroubaarheid van die slawe en die manier waarop hulle met die eienaar se geld werk. Die eerste twee slawe was gewillig om te werk. Die derde slaaf was nie goed en getrou nie, maar sleg en lui. Die gelykenis plaas die klem op n bepaalde lewensinstelling wat aan die einde van die lewe onder een van twee waarde-oordele geplaas word: goed en getrou, of sleg en lui. Wat is die rede vir die twee slawe wat goed en getrou is en die derde een wat sleg en lui is? Die antwoord lê in die mond van die derde slaaf. Hy het die eienaar negatief beoordeel, en daarom het dit n effek op sy werke gehad. Wanneer ons die gelykenis lees teen die agtergrond van Jesus en sy volgelinge, beteken dit dat die volgelinge van Jesus Hom (en God) op meer as een manier kan beoordeel: Hy kan ons bevry en met vreugde en verantwoordelikheid inspireer om te werk, of Hy kan net n klomp eise en wette aan ons kom stel en ons laat inkeer op n selfgerigte lewe waarbinne dit vir ons gaan om selfbehoud. Vir volgelinge wat Jesus ontmoet as die Een wat vrymaak en lewensgeleenthede gee, is dit n vreugde om die koning van die koninkryk met oorgawe te dien. Vir volgelinge wat Jesus (God) slegs sien as die harde man is daar net angs (bangheid) en die poging om so min as moontlik te doen sonder om uitgevang te word. Die gelykenis stel dus n vraag aan ons: Hoe sien ek God? En hoe sien ek myself in verhouding tot God? Kind wat vry is, of slaaf (Klaas) wat gevange gehou word deur sy baas se opdragte en bevele? Bybelgedeeltes Hoofgedagtes van die ontmoeting Verwys na vorige gelykenisse 1. Elkeen van die gelykenisse onderstreep n belangrike aspek van God se nuwe wêreld.

2 2 Lees Matteus 25:14-18 Lees Matteus 25:19-23 Lees Matteus 25:24-30 Lees weer vers 24 en Die muntstukke uitgedeel volgens hulle bekwaamheid 3. Die goeie en getroues 4. Die slegte, luie en aldus nuttelose slaaf 5. Die manier waarop Hy aan die eienaar en homself gedink het, het bepaal hoe hy met die eienaar se goed omgaan. Uitkoms 1. Nadenke: Hoe sien ek God? 2. Aanmoediging: Dien die Here met getrouheid. Vermeerder die goeie dinge wat Hy aan ons toevertrou. 3. Waarskuwing: As jy nie lus het om goeie dinge te doen nie, kan jy gerus weer nadink oor hoe jy God sien. Hulpmiddels by die storie 1. Gebruik paneel 6 en 12 om na te verwys tydens die aanbieding. 2. Registreer by Max7 en laai die volgende videoclip gratis af vir hersiening van die verhaal Hulpmiddels vir kleingroepvaslegging Junior kleingroep Senior kleingroep Bring saam Bring saam 1. Potlode of skerp kryte 1. Tuisgemaakte muntstukke of n klomp 5cmuntstukke (20-50) 2. n Dobbelsteen 3. Klein bakens vir elkeen om op die bordspel sy plek aan te dui 4. Spelreëls

3 3 Die storie Begin Julle kan seker onthou hoe Jesus sy dissipels gehelp het om God se nuwe wêreld beter te verstaan? Hy het vir hulle gelykenisse vertel. Vir die aanbieder: Wys weer na paneel 7 na die rol van Jesus as profeet wat self God se saad vir die aarde is. En ons sien ook dat wanneer mense rêrig luister na Jesus hulle lewe ook begin verander. Daarom is dit vandag nog vir ons belangrik om weer na Jesus se gelykenisse te luister. Vir die aanbieder: Wys na paneel 12. Ons wil ook vandag waarlik vry lewe en ook verstaan hoe Jesus ons uitnooi om ons lewe te verander en te leef soos kinders van God se nuwe wêreld. Hoor Moment 1: Vertel Matteus 25:14-15 Eendag was daar n ryk man wat op n lang reis moes gaan. Hy roep sy drie slawe wat hy goed ken en sê vir hulle om mooi na sy goed te kyk terwyl hy op reis is. Omdat hy hulle goed geken het, het hy ook geweet wat om vir watter werker van hom te gee. Vir die een gee hy toe vyf sakkies geld om na te kyk, die tweede twee sakkies en vir die derde een een sakkie. Moment 2: Vertel Matteus 25:16-18 Die werker met die vyf sakkies het dadelik aan die werk gespring en nie lank nie of sy geld het met nog vyf sakkies vermeerder. Die tweede werker met sy twee sakkies geld het ook dieselfde gedoen en nie lank nie of hy het nog twee sakkies geld by deur sy werk en moeite. Maar die werker met die een sakkie het dit in n gat in die grond gaan wegsteek. Moment 3:Vertel Matteus 25:19-23 Na baie maande kom die eienaar toe terug. Hy vra sy werkers wat hulle met sy geld gedoen het. Hy was baie bly toe hy sien dat die werker aan wie hy vyf sakkies gegee het, dit met nog vyf vermeerder het. En die werker aan wie hy twee sakkies gegee het, het dit met twee vermeerder. Hy het elkeen geprys en gesê: Uitstekend! Jy is n voortreflike slaaf; een op wie ek kan staatmaak. In die kleine het jy jou betroubaar bewys. Daarom gaan ek nog baie groter verantwoordelikhede aan jou toevertrou. Kom vier saam met my fees (Matt 25:23 Nuwe Lewende Bybel). Moment 4: Vertel Matteus 25:24-30 Die derde werker wil toe verskoning maak vir sy luiheid. Hy beskuldig sommer sy baas daarvan dat hy onregverdig is en dat hy baie bang is vir hom. Daarom het hy maar sy sakkie geld gaan begrawe. Die eienaar was woedend. En as jy so bang was vir my, waarom het jy dit nie in die bank gaan sit sodat dit darem n bietjie rente kon kry nie. Die eienaar het hierdie lui werker weggejaag en sy een sakkie geld gaan gee vir die een wat tien sakke geld gehad het. Die eerste twee werkers was lief vir hulle eienaar en wou graag vir hom werk. Hulle eienaar se besittings was vir hulle belangrik genoeg om goed daarna te kyk en hulle het sy besigheid goed bestuur. Die laaste een het niks van sy eienaar gehou nie en het hom sommer ook n harde man genoem. Hy was bang vir sy eienaar.

4 4 Moment 5: Lees Matteus 25:24-25 weer Dink Daar is n groot verskil tussen bang wees vir iemand, of om respek vir iemand te hê en om hom te eer. As jy n Klaas is wat vir n kwaai baas werk, mag jy dalk net jou werk doen omdat jy bang is dat jy raas of straf gaan kry. As jy n kind is mag jy dalk baie respek vir jou pa hê en hom eer deur jou beste vir hom te gee. Jesus se verhaal wil ons by die punt uitbring waar ons respek vir God as Vader sal betoon en waar ons Hom sal eer met die manier waarop ons na sy eiendom op aarde kyk. Kom ons kyk weer na die storie. Wys die video clip wat af te laai is by: Leef Kyk rondom jou: Alles is eintlik God se eiendom. Kyk in jou gedagtes na God: Sien hoe lief Hy jou het Hy het selfs sy Seun gegee om vir jou sonde te betaal. Ek hoef nie vir Hom bang te wees nie, maar ek kan Hom vereer op die manier waarop ek na al sy besittings op aarde kyk. Nota Deur die gelykenis op die verkeerde manier te hanteer, kan jy presies by die punt uitkom waarheen die gelykenis jou nie wil neem nie. As jy die gelykenis op so n manier hanteer dat die gehoor voel hulle moet nou iets gaan doen om God tevrede te stel, is dit n fout. Die gehoor moet nader getrek word na God en besef hoe groot en liefdevol Hy is, sodat ons Hom wil vereer.

5 5 Kleingroepvaslegging: Junior groep Welkom Laat elkeen wat by die deur inkom sy hand oophou. Klap dan saggies op die hand by sommige net een keer, by ander twee keer en by ander vyf keer. Vra aan diegene wat net een handklap gekry het, hoe hulle daaroor voel. As hulle sleg voel, gee dadelik vir hulle nog handklappe. Wegspring Gesels saam oor die videosnit. Waarvan het julle gehou? Wat was sleg? Werksaam Doen die aktiwiteite in jou werkboek. 1. Begin elke keer onder en volg die paadjie tot bo. Skryf dan in die blokkie hoeveel muntstukke jy nou altesaam het. (Onthou, tel ook die muntstukke waarmee jy begin het by.) 2. Is hierdie sinne reg of verkeerd? Maak n of n in die blokkie na elke sin om jou antwoord te gee. n Ryk man het eendag op reis gegaan. Hy het 10 muntstukke aan elk van sy werkers gegee. Die werker met die 2 muntstukke het dit dadelik in die grond gaan begrawe. Die eienaar was baie bly toe hy sien die eerste en tweede werker het hulle geld verdubbel. Die eienaar was baie tevrede met die derde werker wat sy een muntstuk gaan begrawe het. Wegstuur/Huisgeloof 1. Gesels saam hieroor: Watter werk kan jy in en rondom die huis doen om vir jou ouers te wys jy is lief vir hulle en het respek vir hulle? Hoe wys n mens vir God dat jy vir Hom respek het? Wat is die verskil tussen bang wees vir God en respek vir God? 2. Maak nou in jou werkboek ses nuwe woorde wat by respek en liefde vir God pas deur elke keer een van die letters van die woord respek te gebruik. Daar kan enige getal ander letters voor of agter elke letter van respek wees.

6 6 Kleingroepvaslegging: Senior groep Welkom Skryf die volgende sin op n strook papier en knip elke woord los van die ander: Die Here is baie lief vir ons en noem ons sy kinders. Gee vir elkeen wat opdaag een woord. Wegspring Kan julle een sin bou met al die woorde wat julle gekry het? Lees 1 Johannes 3:1. Kyk watter goot liefde die Vader aan ons bewys het: Hy noem ons kinders van God, en ons is dit ook. Wonder Oë toe. As ek in een of twee sinne moet sê hoe God is, wat sal ek sê? Werksaam Vra jou vriende om die speletjie in die werkboek saam met jou te speel. Julle het nodig: c-muntstukke of speelgoedgeld n dobbelsteen ʼn klein baken vir elkeen om hulle plek op die bord aan te dui. Die reëls: 1. Elke lyn of prentjie is een skuif. 2. Jy skuif aan volgens die getal op die dobbelsteen. 3. As jy op n lyn met sirkels beland, kan jy vir jou soveel muntstukke neem as wat daar sirkels is. Verduidelik dan vir die ander spelers hoe jy die talente wat God vir jou gegee het, kan gebruik om in die stukkende en hartseer wêreld vreugde te bring. 4. Sodra die eerste persoon die einde bereik, is die speletjie verby. 5. Almal tel hoeveel muntstukke hulle bymekaargemaak het. Nota Laat die kinders gou saamdink oor wat God alles vir ons gee: gesondheid, versorging, genoeg om te eet, tyd vir speel en kuier, sakgeld, speelgoed, ensovoorts. Help hulle om te dink hoe God hulleself en alles wat hulle het, kan gebruik in ander se lewens. Wegstuur/Huisgeloof 1. Gesels saam: Hoe wys n mens vir jou ouers jy is lief vir hulle en het respek vir hulle? 2. Gesels saam: Hoe wys n mens jy het respek vir God? Wat is die verskil tussen bang wees vir God en respek hê vir God? 3. Blaai na bladsy 43 van jou werkboek. Daar staan die ses letters van die woord respek onder mekaar neergeskryf. Maak nou ses nuwe woorde wat by respek en liefde vir God pas deur elke keer een van dié letters te gebruik. Daar kan enige getal letters voor of na elke letter van respek wees.