21. Glo maak soms seer Jesaja 6

Transcriptie

1 1 21. Glo maak soms seer Jesaja 6 Tema Soms gee die Here vir ons moeilike werk om te doen, maar dan gee Hy ook vir ons die krag om dit te doen. Agtergrond en interpretasie In die vorige ontmoeting het ons gesien hoe die Noordryk (Israel) in ballingskap weggevoer is. Wat het intussen in die Suidryk (Juda met Jerusalem as hulle hoofstad) gebeur? Kom ons gaan 20 jaar terug in die geskiedenis, na die tyd toe die Noordryk in ballingskap weggevoer is. Ons tref Ussia op die troon aan. (Ussia word ook Asarja genoem, maar volgens 2 Kron 26 was dit eintlik die naam van die priester.) Ussia het op 16 koning geword en die wil van die Here gesoek. Alles het goed gegaan. Ussia het ʼn magtige man geword. Maar dan lees ons in 2 Kronieke 26:16: Maar toe hy eenmaal die mag het, het Ussia ingenome geword met homself, en dit was die begin van die einde. Op ʼn dag het Ussia by die tempel ingegaan en self wierookoffers gebring. Dit was iets wat net die priesters mag gedoen het. Die priester Asarja het die koning gewaarsku dat hy dit nie mag doen nie. Toe Ussia briesend kwaad word en net aangaan om die offer te bring, het hy melaats geword. Van toe af moes hy eenkant, in afsondering, leef. Toe Ussia sterf, het die profeet Jesaja ʼn gesig gesien. Ons lees in Jesaja 6 van hierdie gesig wat Jesaja gesien het. Vier belangrike beklemtonings kom in hierdie gedeelte voor: 1. Al sterf die koning, bly God die Heilige op sy troon. Hy word deur hemelwesens vereer en sy magtige teenwoordigheid vul die aarde. (Al is die koning dood, is God teenwoordig.) 2. In die teenwoordigheid van die Heilige raak Jesaja van sy sondigheid bewus, maar deur ʼn reinigingsimbool (die gloeiende kool) maak die Here vir Jesaja gereed om die belangrike werk as profeet te gaan doen. 3. Jesaja meld aan vir diens om na Juda gestuur te word. Omdat die volk tot in daardie stadium nie wou sien of hoor nie, sou Jesaja ervaar dat hy preek en hulle op hulle verkeerde dade wys, maar dat hulle doof en blind bly totdat hulle ook in ballingskap weggevoer word en hulle stede verwoes en verlate agterbly. Om ʼn profeet te wees, is nie ʼn maklike opdrag nie! 4. Tog is daar hoop: Al sal Juda soos ʼn afgekapte boom wees, sal daar ʼn stompie oorbly waaruit ʼn nuwe takkie sal groei (Jes 11:1).

2 2 God, die Heilige, bly die ewige Koning. Hy neem mense in diens wat dan met sy volk in gesprek tree. Wanneer God straf, gee Hy ook nuwe hoop en belowe nuwe lewe. Bybelgedeeltes en hoofgedagtes Bybelgedeelte (lees of vertel) Vertel 2 Kronieke 26 kortliks en lees Jesaja 6:1-4 Vertel Jesaja 6:5 en lees vers 6 Lees Jesaja 6:8-9 en vertel vers Lees Jesaja 6:13b en 11:1 Hoofgedagtes van die ontmoeting 1. Ussia gaan dood, maar God bly die Koning op sy troon. 2. Die Here maak vir Jesaja gereed om ʼn profeet te wees. 3. Jesaja word gestuur, maar die volk bly blind en doof totdat alles verwoes is. 4. Die Here gaan met iets nuuts begin daar is hoop. Uitkoms 1. Insig: Wanneer die lewe op aarde vir ons onseker lyk, bly God in beheer as die Heilige, die almagtige Koning wat mense roep en hulle voorberei om by sy werk in te skakel, al is dit soms moeilik. 2. Respons: Gaan staan in Jesaja se skoene, aanbid die heilige God en ervaar dat Hy jou gereed maak om by sy plan van herstel en hoop vir die wêreld in te skakel. Hulpmiddels by die storie 1. Paneel Portret of prente van Jesaja. Hulpmiddels vir kleingroepvaslegging Junior kleingroep Bring saam 1. Genoeg plakkers of natlappies ( wet wipes ) om by Welkom te gebruik. 2. Stukkies rooi papier. 3. Skêre en gom. Voor die tyd Senior kleingroep Bring saam 1. Potlode of penne. Voor die tyd Soek ʼn geskikte lied om by Wegspring te gebruik. Dit kan net die woorde wees, of jy kan ʼn opname speel.

3 3 Die storie Begin Dit is baie sleg as ʼn belangrike persoon nog besig is om ʼn belangrike werk te doen, maar dan skielik doodgaan. Wanneer dit gebeur, is daar baie dinge wat gereël moet word. Daar is baie besluite wat geneem moet word. In die ou tyd was dit ʼn baie groot ramp as die koning van ʼn land doodgegaan het. Die koning was die baas wat oor alles in die land besluit en gedoen het soos hy goeddink. Soms het die koning na sy raadgewers geluister, en ander kere nie. Kom ons kyk weer na paneel 5. Die rooi lyne het gebreek. Die boonste groep, die Noordryk, is Israel genoem. Hulle het nie gedoen wat die Here gesê het hulle moet doen nie. Toe is hulle deur ʼn ander land se koning verslaan en die meeste mense is in ballingskap weggevoer. Die onderste groep, die Suidryk, is Juda genoem. In Juda was daar ʼn jong prins wat koning geword het toe hy maar net 16 jaar oud was. Sy naam was Ussia. Die priester van daardie tyd se naam was Asarja. Asarja het soms vir die jong koning raad gegee. Weet julle hoe lank was Ussia die koning? 2 Kronieke 26:3 sê vir ons hy was 52 jaar lank koning. Ussia het baie gedoen om te keer dat Juda se vyande hulle land oorneem. Hy het groot versterkings by Jerusalem laat bou en hulle het pyle van Jerusalem se mure af op die vyand afgeskiet. Ussia het groot weivelde vir sy vee, baie grond en wingerde besit. Die Bybel sê hy het ʼn magtige man geword. Maar toe begin dinge skeefloop Omdat Ussia so baie mag gehad het, wou hy sommer ook die werk van die priesters in die tempel doen. Maar net die priesters mag daardie werk gedoen het. God self het so gesê. Toe die priester vir Ussia sê hy mag nie die offer bring nie, het die koning briesend kwaad geword. Ussia het net aangegaan om die wierookoffer te bring, iets wat net die priesters mag gedoen het. Toe word hy melaats! Melaatsheid was in daardie tyd ʼn verskriklike siekte. Iemand wat melaats was, mag nie tussen ander mense geleef het nie. Koning Ussia moes toe eenkant gaan bly. Sy seun het toe oor die land regeer. Hoor Toe die groot en magtige koning Ussia die dag doodgaan, het almal gevra: Wat nou? Gaan die vyande nou ons land kom inneem? Maar toe gebeur daar iets wonderlik. Die profeet Jesaja sien ʼn gesig. ʼn Gesig is soos ʼn droom. Kom ons lees Jesaja 6:1-4. Moment 1: 2 Kronieke 26 en Jesaja 6:1-4 Ussia gaan dood, maar God bly die Koning op sy troon Die koning op aarde is dood, maar Jesaja sien God sit steeds op sy troon. In die gesig sien hy God se kleed strek tot by die tempel. Al is die koning dood, leef God steeds. Hy sit nog op sy troon. Daar is hemelse wesens by die Here wat Hom dien. Elkeen het drie stelle vlerke en hulle roep uit: Heilig, heilig, heilig is die Here. Heilig beteken sonder sonde. Verder roep die hemelwesens uit dat die hele aarde vol van God se magtige teenwoordigheid is. Daar is nie ʼn plek waar sy groot mag nie is nie. Wat het met Jesaja gebeur toe hy hierdie gesig gesien het? Moment 2: Jesaja 6:5-7 Die Here maak vir Jesaja gereed om ʼn profeet te wees Jesaja het onrein gevoel, sê die Bybel. Dit wil sê, hy het geweet hoe vol sonde hy was. Hy het veral gevoel sy mond en die woorde wat hy sê, is nie rein nie. Jesaja het ook besef die

4 4 hele volk is onrein. Wanneer God praat, sê Hy Godswoorde. Wanneer sondige mense praat, is hulle woorde en gedagtes vol sonde. Maar die Here wou vir Jesaja gebruik. Daarom het God gesê Hy sal vir Jesaja help om die regte dinge te sê en te doen. Een van die hemelwesens bring toe ʼn gloeiende kool van die altaar af en raak daarmee aan Jesaja se lippe. Dit was die teken dat Jesaja gereed was om ʼn profeet te wees. Sy woorde sou rein wees. Sy sonde was weggeneem. Niks sou kon keer dat Jesaja God se woorde oordra nie. Moment 3: Jesaja 6:8-13 Jesaja word gestuur, maar die volk bly blind en doof totdat alles verwoes is Jesaja was nou gereed dat God hom na die mense toe kon stuur. Hy moes God se boodskap uit die hemel na aardse mense toe neem. Dit was nie ʼn lekker boodskap nie. God het gesê: Omdat julle nie na My wou luister nie, omdat julle nie wou sien wat julle doen nie, sal Ek julle nog meer doof en blind maak. Julle sal nie my boodskap verstaan nie. As julle dit verstaan het, sou julle gesê het julle is jammer. Dan sou Ek julle verander het, maar nou wil Ek dit nie meer vir julle doen nie. Dit was ʼn boodskap wat vir Jesaja hartseer en seer gemaak het. Toe vra hy vir die Here: Hoe lank gaan dit aanhou? Die Here se antwoord het Jesaja nog seerder gemaak. Totdat al die pragtige stede, ook die plekke wat koning Ussia gebou het, en al die mooi lande en wingerde verwoes is en die mense deur hulle vyande doodgemaak en party weggeneem is na ʼn ver land om daar soos slawe te werk. Alles sal soos ʼn vullishoop wees. Maar dit was nie die laaste woorde wat Jesaja moes hoor en aan die mense oordra nie. Moment 4: Jesaja 6:13b en 11:1 Die Here gaan met iets nuuts begin daar is hoop Die Here het ook vir Jesaja gesê: As ʼn boom afgekap word, bly daar ʼn stomp of ʼn wortel in die grond oor. Net so sal Ek weer ʼn takkie laat uitgroei uit die stomp wat oorbly. Daar sal iemand kom wat so vol van God se Gees is dat hy God sal dien. Anderkant die straf is daar hoop! Dink Dink hoe Jesaja moes gevoel het nadat hy hierdie droomprent of gesig van God gesien het. Wat moes hy gaan doen? Hy het nie ʼn baie lekker werk gekry om te doen nie. Leef Om ʼn volgeling van Jesus te wees beteken soms ons moet iets doen wat nie vir ander mense lekker gaan wees nie. Ouers moet soms vir hulle kinders nee sê omdat hulle weet wat die kinders vra, is nie iets wat die Here vir hulle wil hê nie. Soms moet iemand gestraf word omdat hulle iets verkeerds gedoen het. En partykeer moet mense gewaarsku word: As jy aanhou om dit te doen, loop jy nie meer op die Here se pad nie. Die Here is so lief vir jou dat Hy jou graag op die regte pad wil laat loop. Daar is egter ʼn dubbele troos: 1. Die Here help ons wanneer ons ʼn moeilike taak vir Hom moet doen. 2. Iewers anderkant al die swaarkry begin die Here nuut, soos wanneer ʼn nuwe takkie uit ʼn boom se stam spruit. Toe die Here se mense baie verkeerde dinge gedoen het, het Hy vir Jesus gestuur om soos ʼn nuwe takkie gebore te word en iets nuuts op aarde te kom doen.

5 5 Kleingroepvaslegging: Junior groep Welkom Plak net onder of bokant elkeen se mond ʼn mooi plakker. Jy kan ook natlappies ( wet wipes ) gebruik en elkeen se mond afvee wanneer hulle inkom. Wegspring 1. Laat elkeen in die groep dink aan watter woord hulle sou sê vir iemand wat iets lelik doen of sê. Tel nou tot by 3 en laat almal gelyk die woord waaraan hulle gedink het so hard moontlik sê. 2. Praat saam hieroor: Aan watter woord het jy gedink? Vir wie het jy dit gesê? 3. Gesels saam oor woorde wat ons gebruik om mense te waarsku. Skryf ʼn paar van hierdie woorde in jou werkboek neer. Werksaam 1. Kleur die pyle (ʼn simbool van sy woorde) wat by Jesaja se mond uitgaan met verskillende kleure in. 2. Teken in die tweede blokkie ʼn gesig. Plak rooi papiertjies oor die persoon se ore, oë en verstand. 3. Teken in die tweede oop blokkie ʼn boomstomp met ʼn nuwe takkie wat daaruit groei. 4. Gesels saam oor wat hierdie drie prente beteken. Leidraad: Jesaja het ʼn moeilike boodskap gekry om aan die mense te gaan oordra. Die mense se tyd om te hoor, te sien en te verstaan was nou verby. Hulle sou nou gestraf word. Maar God gee weer hoop. Hy sal iets nuuts doen.

6 6 Wegstuur/Huisgeloof 1. Gesels by die huis oor Jesaja se moeilike taak. 2. Laat een van die grootmense vertel van ʼn moeilike boodskap wat hulle moes oordra om ander te keer om lelike dinge te doen. 3. Gesels saam hieroor: Wanneer is straf verby en sien ons ʼn nuwe begin? 4. Waarvoor het Jesus aan die kruis betaal? Was die prys wat Hy betaal het genoeg? Moet ons nog altyd gestraf word oor die verkeerde dinge wat ons doen?

7 7 Kleingroepvaslegging: Senior groep Welkom Groet al die kinders. Vra vir elkeen: Sê vir my iets moois. Wegspring Luister na ʼn lied of sing saam ʼn lied wat die woorde Heilig, heilig, heilig bevat (soos Lied 167 tot 174 in die Liedboek van die kerk). Wonder Maak jou oë toe en wonder hoe die hemelwesens wat vir God geprys het, gelyk het. Werksaam 1. Skryf in die oop blokkie ʼn paar van die dinge wat Jesaja vir die mense moes sê. 2. Wat maak jou bang wanneer jy aan vandag se verhaal dink? 3. Wat maak jou bly wanneer jy aan vandag se verhaal dink? 4. Kyk na die letters hieronder wat deurmekaar geraak het. Kan jy een kort sin daarvan maak? Daar is vir jou ʼn leidraad in Jesaja 6? Antwoord: Hier is ek. Stuur my!!sesiruutsym!irehk Wegstuur/Huisgeloof 1. Gesels by die huis oor Jesaja se moeilike taak. 2. Laat een van die grootmense vertel van ʼn moeilike boodskap wat hulle moes oordra om ander te keer om lelike dinge te doen. 3. Gesels saam hieroor: Wanneer is straf verby en sien ons ʼn nuwe begin? 4. Waarvoor het Jesus aan die kruis betaal? Was die prys wat Hy betaal het genoeg? Moet ons nog altyd gestraf word oor die verkeerde dinge wat ons doen?