Egskeidingskontrolelys vir Lede

Transcriptie

1 Egskeidingskontrolelys vir Lede Die hantering van pensioenbelange in egskeidingskikkings Die Algemene Wysigingswet op Finansiële Dienste en die Wysigingswet op Inkomstewette van 2008 Sedert die afkondiging van die Wysigingswet op Egskeiding in 1989 was die hantering van pensioenbelange in egskeidingskikkingsooreenkomste problematies en vol onaangename verrassings. Baie van die wysigings wat sedertdien ingestel is, veral dié van die afgelope paar jaar, was egter geneig om net nog meer onsekerheid te skep. Die wysigings in die Algemene Wysigingswet op Finansiële Dienste, 2008 (afgekondig op 1 November 2008), saamgelees met die wysigings in die Wysigingswet op Inkomstewette, 2008, gee duidelikheid oor die volgende aspekte: Dit bepaal dat die wysigings aan artikel 37D (van 13 September 2007), wat vir die verdeling van voordele by egskeiding voorsiening maak, terugwerkend van krag is. Dit beteken dat bedrae toegeken aan gades ten opsigte van alle bevele kragtens artikel 7(8) van die Wet op Egskeiding nou aan die gade betaal kan word. Dit bepaal dat die bedrag wat aan n gade toegeken word ten opsigte van n egskeiding op of na 1 Maart 2009, in die gade se hande belasbaar sal wees. Dit beteken dat die gade die toegekende voordeel, ná aftrekking van belasting, sal ontvang. Dit maak voorsiening dat die voordeel sonder negatiewe belastingimplikasies na n ander aftreefonds oorgedra kan word. Voorheen was die bedrag ten volle belasbaar, ongeag of dit na n ander fonds oorgedra is of nie. SIMEKA CONSULTANTS & ACTUARIES Bladsy 1 van 5

2 Ons verwelkom hierdie wysigings wat uiters nodige duidelikheid bring en groter bedryfsdoeltreffendheid skep. Die meeste van die voorgestelde maatreëls het op 1 Maart 2009 in werking getree. Egskeidingskontrolelys vir Lede Ons stel die volgende kontrolelys beskikbaar vir lede en hul egskeidingsprokureurs om die proses te help bestuur en onaangename verrasings te vermy. 1. Identifiseer al die aftreefondse waaraan die lid behoort Maak seker dat die betrokke fonds(e) reg geïdentifiseer word in die hofbevel. Soms behoort lede aan n pensioen- sowel as n voorsorgfonds, soos bepaal deur hul dienskontrak. Die hofbevel moet duidelik die naam van elke fonds aandui ten opsigte waarvan die artikel 7(8)-bevel toegestaan word. 2. Bepaal die waarde van die lidgade se pensioenbelang Pensioen- en Voorsorgfondse Die pensioenbelang wat in n egskeidingskikkingsooreenkoms in ag geneem kan word, word omskryf as n bedrag gelyk aan die lid se kontantonttrekkingsvoordeel wat kragtens die reëls van die fonds betaalbaar sou wees indien die lid op die datum van egskeiding bedank het. Hierdie bedrag of voordeel word gewoonlik die ledebelang of fondskrediet genoem. Uittree-annuïteitsfondse Ten opsigte van uittree-annuïteitsfondse word die pensioenbelang omskryf as die totale bydraes plus 15,5% enkelvoudige rente. In n lae mark kan hierdie berekening n veel groter bedrag as die lid se totale krediet in die fonds tot gevolg hê. Die nuwe artikel 37D(5) beperk die bedrag deur te bepaal dat die totale bedrag aan jaarlikse enkelvoudige rente wat ooreenkomstig die omskrywing betaalbaar is, nie meer mag wees as die fondsopbrengs op die pensioenbelang toegeken aan die gade, ooreenkomstig n bevel toegestaan kragtens artikel 7(8)(a) van die Wet op Egskeiding, 1979, nie. Bewaringsfondse Die voordele in bewaringsfondse het voorheen die omskrywing in die Wet op Egskeiding vrygespring,omdat geen voordeel betaalbaar sou wees indien die lid op die datum van egskeiding bedank het nie. Hierdie oorsig is reggestel deur die nuwe artikel 37D(6), wat bepaal dat die gedeelte van die pensioenbelang van n lid van n pensioenbewaringsfonds of voorsorgbewaringsfonds (soos omskryf in die Inkomstebelastingwet, 1962) wat aan n gade toegeken word, verwys na die ekwivalente gedeelte van die voordele waarop daardie lid kragtens die reëls van die fonds geregtig sou wees indien sy/haar lidmaatskap van die fonds geëindig het op die datum waarop die bevel toegestaan is. Die bedrag om in hierdie verband in ag te neem, sal dus ekwivalent wees aan die ledebelang". SIMEKA CONSULTANTS & ACTUARIES Bladsy 2 van 5

3 3. Bepaal die netto pensioenbelang (belasting en vorige eise) Die pensioenbelang soos omskryf in die Wet op Egskeiding is die bruto voordeel. Hierdie bedrag kan aan ander aftrekkings, ooreenkomstig die reëls van die fonds, onderhewig wees. Hierdie aftrekkings is by die Wet ingelyf in artikel 37D(3). 3.1 Onderhouds- en egskeidingsbevele Stel vas of enige toekenning kragtens vorige egskeidingsbevele aan n vorige gade toegestaan is, in welke geval hierdie toekenningsbedrag eerste afgetrek moet word en nie deel van die pensioenbelang uitmaak wat vir verdeling beskikbaar is nie. Die nuwe artikel 37D(3)(b) bepaal verder dat, indien daar meer as een bevel is wat op dieselfde tydstip toegepas moet word, hulle hanteer moet word ooreenkomstig die hiërargie van onderhoudsbevele eerste, en daarna egskeidingsbevele. 3.2 Vorige eise Artikel 37D(3)(a) bepaal dat enige bedrag wat kragtens subartikel (1)(d) afgetrek mag word, eers afgetrek kan word nadat die bedrag van die beskikbare pensioenbelang verminder is met n huislening of pensioengesteunde behuisingswaarborg wat voor die hofbevele toegestaan is. Dit is ongeag of die bedrag verskuldig en betaalbaar is of nie. n Artikel 7(8)-egskeidingsbevel(e) mag nie die lid se pensioenbelang op enige tydstip oorskry nie. 3.3 Belasting ten opsigte van egskeidings voor 1 Maart 2009 As gevolg van die wyse waarop belasting bereken en afgetrek word, was dit nodig om ten opsigte van egskeidings voor 1 Maart 2009 enige belasting wat kragtens paragraaf 2(a) en 2(b) of 2B van die Tweede Bylae van die Inkomstebelastingwet op die voordeel betaalbaar is, te skat en van die bruto voordeel af te trek. Indien belasting nie vir die doeleindes van die egskeidingskikking of -bevel in ag geneem is nie, sal die lid benadeel word. Die volgende voorbeeld illustreer die probleem. Indien die lid n bruto voordeel van R het en die partye ooreengekom het om dit gelykop te verdeel, sal die fonds verplig wees om R aan die gade te betaal. n Belastingaanwysing sal nodig wees voordat dit gedoen kan word. Teen n gemiddelde koers van 30% sal dit beteken dat belasting van 30 sent betaal moet word vir elke rand wat uit die fonds onttrek word. Die belasting sal van die lid se voordeel of minimum individuele reserwe afgetrek word en belasting moet ook betaal word ten opsigte van die belasting wat afgetrek is. Dit sal meebring dat n betaling van R ,14 vereis word ((x = teikenbedrag gedeel deur 1 minus die gemiddelde belastingkoers) (R / 0.7)). SIMEKA CONSULTANTS & ACTUARIES Bladsy 3 van 5

4 Dit beteken R word aan die gade betaal, R42 857,14 aan die SA Inkomstediens (SAID) en die balans van R57 142,86 aan die lid. n Billike verdeling, met inagneming van die netto nabelaste voordeel, sou beteken die gade kry R en SAID R30 000, en R bly in die fonds vir die lid. 3.4 Belasting ten opsigte van egskeidings na 1 Maart 2009 Vanaf 1 Maart 2009 word voordele wat deur egskeidingshowe aan gades toegeken word, in die gade se hande belas. Dit is as gevolg van n wysiging aan paragraaf 2(b)(iA) in die Wysigingswet op Inkomstewette, Hierdie wysiging sal die toekenningsproses ten opsigte van egskeidings vereenvoudig. Indien n lid n bruto voordeel van R het (ons gebruik ter vergelyking dieselfde voordeel bloot om die beginsel te verduidelik) en die partye kom ooreen om dit gelykop te verdeel, sal die proses soos volg verloop: Die fonds sal om n belastingaanwysing op die toegekende bedrag (R ) aansoek doen. Die toegekende bedrag sal in die gade se hande belas word. Die belasting sal afgetrek en aan SAID betaal word, en Die orige bedrag sal aan die gade betaal word. Op 1 Maart 2009 het n nuwe belastingbedeling en belastingtabel in werking getree, en dit geld vir egskeidingstoekennings wat in kontant geneem word. Volgens die nuwe belastingformule is die eerste R ten opsigte van die hofbevel belastingvry, en die orige bedrag in ons voorbeeld is belasbaar teen 18%. Die belastingvrye bedrae by onttrekking en aftrede is kumulatief. Gevolglik sal die hele enkelbedrag wat geneem word, in ag geneem word wanneer latere onttrekkings aangegaan word. Wanneer die gade aftree, sal alle bedrae wat onttrek is van die belastingvrye enkelbedrag van R afgetrek word. 4. Verskaffing van die bevel aan die fonds Die gade moet die artikel 7(8)-egskeidingsbevel aan die geïdentifiseerde fonds(e) verskaf en seker maak dat die fonds(e) ontvangs erken. SIMEKA CONSULTANTS & ACTUARIES Bladsy 4 van 5

5 5. Kies hoe die voordele betaal moet word Die gade moet ook die fonds laat weet hoe die toegekende bedrag hanteer moet word d.w.s. betaling in kontant of n oordrag na n ander aftreefonds: Indien die gade besluit dat die bedrag direk aan hom/haar betaal moet word, moet volledige besonderhede verskaf word van die rekening waarin die geld gedeponeer moet word. Die meeste fondse sal daarop aandring om n elektroniese oorplasing te doen en sal waarskynlik nie bereid wees om dit per tjek te betaal nie. Indien die gade besluit dat die bedrag namens hom/haar na n ander aftreefonds oorgedra moet word, moet volledige besonderhede van die fonds verskaf word. Voor 1 Maart 2009 was so n oordrag ten volle belasbaar in die lid se hande. Na 1 Maart 2009 het die oordrag n neutrale belastingeffek. Dit is eienaardig dat die Wysigingswet geen verbod plaas op n oordrag van n pensioen- na n voorsorgfonds nie. So n oordrag deur n gewone lid sal veroorsaak dat die hele voordeel teen marginale koerse belas word. Die pensioenfonds moet die bedrag betaal of oordra binne 60 dae nadat hy van die gade se keuse in kennis gestel is. Indien die bedrag na die tydperk van 60 dae betaal word, sal die lid geregtig wees op n opgeloopte fondsopbrengs op die bedrag totdat dit betaal of oorgedra word, maar nie op ander rente of groei nie. Indien die gade versuim om die betaalwyse te kies, moet die pensioenfonds binne 45 dae na die indiening van die hofbevel versoek dat die gade n keuse uitoefen. Die gade moet binne 120 dae na ontvangs van so n versoek n keuse maak. Indien die gade versuim om dit te doen, moet die pensioenfonds die bedrag binne 30 dae na die verstryking van die tydperk direk aan die gade betaal. Indien die pensioenfonds egter nie redelikerwys kan vasstel hoe die bedrag aan die gade betaal moet word nie (as hulle byvoorbeeld nie die bankrekeningbesonderhede het nie), moet hulle die bedrag terughou totdat duidelike opdragte ontvang word. Kobus Hanekom Hoof : Algemene Konsultasie Simeka Konsultante & Aktuarisse Junie 2009 Simeka Konsultante & Aktuarisse is n gemagtigde finansiële diensverskaffer. FSP Alle inligting en menings wat gegee word, is van n algemene aard en nie bedoel om die omstandighede van enige spesifieke lid of fonds aan te spreek nie. Daar moenie volgens sodanige inligting of mening gehandel word sonder om toepaslike professionele advies ten opsigte van n bepaalde situasie in te win nie. SIMEKA CONSULTANTS & ACTUARIES Bladsy 5 van 5