Riglyne vir die toekenning van navorsings- en ook studiebeurse word kortliks uiteengesit.

Transcriptie

1 AGTERGROND Hierdie Kankernavorsingstrust het ontstaan uit die goedgunstige skenking van 'n bedrag in die testamentêre bepalings van die naamgenote, met die wens dat dit vir kankernavorsing benut word. Dit was ook die wens van die skenker dat die Afrikanerjeug daardeur bevoordeel moet word en die Trustees wil ook graag hierdie bedoeling eerbiedig. Riglyne vir die toekenning van navorsings- en ook studiebeurse word kortliks uiteengesit. (Vir die doeleindes van hierdie reglement sal daar na die Struwig-Germeshuysen Kankernavorsingstrust verwys word as die SGKN-Trust.) TOEKENNINGS 1. ALGEMENE BELEID 1.1. Die aantal navorsingsprojekte wat ondersteun word, word tot twee per jaar beperk. 'n Hoë akademiese standaard sowel as die beskikbaarheid van toepaslike navorsingsresultate sal 'n sterk aanbeveling wees Benewens die ondersteuning van genoemde navorsingsprojekte, stel die SGKN-Trust jaarliks ook enkele studiebeurse aan belowende Afrikanerstudente, aan enige tersiêre inrigting, beskikbaar Die toekenning van enige beurs word tot een jaar beperk. Daar kan weer aansoek gedoen word vir ondersteuning vir 'n verdere jaar en vorderingsresultate moet ingedien word. Hierdie verdere toekenning word in kompetisie met nuwe aansoeke oorweeg Hierdie toekennings word aan Afrikaanse studente/dosente volgens meriete, op grond van die beoogde navorsing en verdere studie, toegeken Die onderskrywing van Christelike normes en waardes, soos onderskryf deur die deelhebbende organisasies, sowel as die aanwending van die kundigheid binne die RSA en in belang van al sy inwoners, word as noodsaaklike voorwaarde vir die toekenning van beurse geag Die beurstoekenning hou geen verpligtinge vir die onderskeie partye in nie, behalwe dat 'n suksesvolle kandidaat verplig is om na voltooiing van sy studies, 'n eksemplaar van die verhandeling of proefskrif gratis aan die SGKN-Trust beskikbaar te stel Die beurshouer moet die volgende erkenning voor in die verhandeling of proefskrif voeg, en geld ook by alle verdere publikasies van die betrokke verhandeling of proefskrif: Hiermee erken ek met dank die finansiële hulp (beurs) wat ek van die Struwig-Germeshuysen Kankernavorsingstrust ontvang het, vir die voltooiing van my

2 studies. Menings wat in die publikasie uitgespreek word of gevolgtrekkings waartoe geraak is, is dié van die navorser alleen en strook nie noodwendig met dié van die SGKN-Trust nie Die toekenning van die beurse geskied op aanbeveling van 'n deskundige Advieskomitee van die SGKN-Trust, en die beslissing van die Trustees is finaal. Hierdie Advieskomitee word op aanbeveling van die Mediese Navorsingsraad saamgestel. 2. RIGLYNE VIR TOEKENNINGS 2.1 Die aansoeke moet voor die sluitingsdatum jaarliks op 31 Oktober aan die Sekretaris versend word. Volledige besonderhede verskyn op die aansoekvorm. 2.2 'n Navorsingsprojek sowel as 'n studiebeurs aan 'n spesifieke student, word vir 'n maksimum van twee jaar toegeken. 2.3 Die toekenning dek die lopende uitgawes en word nie aangewend vir die aankoop van kapitale items nie. 2.4 Toekenning vir 'n navorsingsprojek: 'n Maksimum van R per jaar word ten opsigte van 'n navorsingsprojek toegeken. Toekenning vir 'n studiebeurs: 'n Maksimum van R per jaar word ten opsigte van 'n studiebeurs toegeken. Die aantal wat jaarliks ondersteun word, sal afhang van die aansoeke sowel as die beskikbaarheid van fondse. Daar word egter hoogstens twee navorsingsprojekte en vyf studiebeurse per jaar toegeken. 2.5 Die beursgeld sal in twee paaiemente uitbetaal word: Die eerste betaling word gemaak nadat die beurshouer se skriftelike aanvaarding van die beursvoorwaardes, op die voorgeskrewe vorm ingehandig is. Die tweede betaling word op aanvraag deur die beurshouer, op grond van 'n aanvaarbare studievorderingsverslag deur die studieleier, gemaak. Klasgelde word in die geval van Studiebeurse, direk aan die betrokke instansie oorbetaal. 2.6 Indien die beurshouer, deur sy eie toedoen, nalaat om sy navorsings- en studieverpligtinge waarop dié beurs betrekking het, na te kom, word die volgende verwag: Die beursgelde wat reeds uitbetaal is, sal oor 'n tydperk van hoogstens twee jaar, tesame met die rente, bereken teen die heersende rentekoerse, aan die Trust terugbetaal word.

3 AANSOEK VIR ONDERSTEUNING TEN OPSIGTE VAN N NAVORSINGSPROJEK / STUDIEBEURS

4 - 2 - RIGLYNE VIR DIE INDIENING VAN N AANSOEK Opmerking: Die aantal projekte wat ondersteun gaan word, word beperk tot twee per jaar. n Hoë standaard en die beskikbaarheid van preliminêre navorsingsresultate sal n sterk aanbeveling wees. 1. N CURRICULUM VITAE Sien bylae vir besonderhede en sluit asseblief die volgende in: a) persoonlike inligting b) n lys met publikasies (afgelope drie jaar ) 2. TITEL VAN NAVORSINGSPROJEK Dui asseblief aan in watter veld hierdie navorsing sal plaasvind DOELWITTE MET DIE NAVORSING n Kort literatuurstudie word benodig om die wetenskaplike relevansie van die projek te verduidelik. Meld duidelik wat die breë doelstellings sowel as die spesifieke doelwitte van die projek is. Dui die spesifieke vrae wat aangespreek en/of hipoteses wat getoets gaan word, aan. 3.3 In toegepaste navorsingsprojekte moet aangedui word hoe die navorsingsresultate tot voordeel van die mediese wetenskap geïmplementeer gaan word. 3.4 Indien hierdie projek gerig is op gemeenskaps-, gesondheids- of verwante projekte, dui aan wie as medewerkers gaan optree. Dui ook aan of hulle vanaf die begin af, slegs by die ontwerp, óf by die finalisering van die aanbevelings betrokke gaan wees. 4. NAVORSINGSPROTOKOL 4.1 Gee n duidelike beskrywing van die eksperimentele ontwerp en n uiteensetting van die navorsingsprosedures en protokol. 4.2 Die volgende vrae kan moontlik aangespreek word: Is die projek uitvoerbaar? (Word die ontwerp tans gebruik?) Is die steekproef toepaslik en die grootte voldoende vir n sinvolle resultaat? Is die studie eties regverdigbaar? Is die navorsingsontwerp en die metodes wat gebruik word toepaslik vir die probleem wat aangespreek word? Sal die resultate geldig wees? (Is daar rekening gehou met aanvaarde metodes van meting en objektiewe steekproefneming?)

5 Sal die resultate betroubaar wees? Sal toepaslike statistiese analise en interpretasie moontlik wees? Word n loodsprojek beplan of is dit reeds gedoen? (Dit sal die aansoek versterk indien voorlopige navorsingsresultate ingesluit kan word.) 5. OPSOMMING Gee in n maksimum van 100 woorde n opsomming van die projek. 6. BEGROTING Dui asseblief aan wat die verwagte onkoste per jaar sal wees. Motiveer uitgawes, met motiverende dokumentasie, indien moontlik. Indien daar toerusting benodig word, kan dit by die lys vir die eerste jaar ingesluit word. Verstrek asseblief volledige inligting indien die kapitale items (toerusting) in samewerking met ander instansies aangekoop gaan word. (Neem daarvan kennis dat die aankoop van kapitale items nie deur die beurs gedek word nie.) 7. INLIGTING VAN DIE NAVORSINGSKOMITEE VAN DIE INRIGTING (Verwys na die aangehegte aansoekvorm.) 8. VERKLARING DEUR NAVORSINGSINSTANSIE Geen lening/beurs sal toegestaan word sonder die verklaring van die Inrigting dat die aktiwiteite en aksies as gevolg van die navorsingsprojek nie tot nadeel/nadelig vir mens, dier of omgewing sal wees nie. Die riglyne van die MNR sal in hierdie geval as minimum voorwaardes, van toepassing wees. Publikasie van die MNR: Ethical and Biosafety Guidelines 9. EVALUERING Die navorsingsprojek sowel as die aansoeker sal deur n Adviespaneel van die Trust geëvalueer word, voordat toekennings gemaak word. Dit is van groot belang dat die aansoek derhalwe goed gemotiveer word, sodat dit in billikheid beoordeel kan word. 10. VERSENDING Aansoeke moet per e-pos gestuur word na Die Sekretaris, SGKN-Trust, by: koosstofberg@sanlam4u.co.za

6 - 4 - NAVORSINGSPROJEK STRUWIG-GERMESHUYSEN KANKERNAVORSINGSTRUST AANSOEKVORM (Voorgestelde formaat) 1. CURRICULUM VITAE Volle name en van Geboortedatum Geslag Huidige posisie Inrigting Departement / Afdeling Telefoon nommer Selfoon nommer Faks nommer E-pos adres Nasionaliteit Huistaal Kwalifikasies Skool / Universiteit(e) waar kwalifikasies behaal is Vorige posisies wat beklee is Studieveld Gemeenskapsbetrokkenheid Heg asseblief n lys van publikasies wat die afgelope drie jaar in goedgekeurde tydskrifte verskyn het, aan. 2. TITEL VAN NAVORSINGSPROJEK 3. NAVORSINGSDOELWITTE 4. NAVORSINGSPROTOKOL 5. BEKENDSTELLING VAN RESULTATE EN VERWAGTE UITKOMSTE Beskryf kortliks die bekendstelling van die resultate sowel as die verwagte uitkomste. Dui aan tot watter mate dit tot voordeel van kankerpasiënte in die besonder en kankernavorsing in die algemeen sal wees. 6. OPSOMMING Gee n opsomming van die navorsingsprojek - maksimum 100 woorde. 7. BEGROTING Gee n volledige uiteensetting van die begroting, met motivering vir uitgawes. Het u by ander instansies om finansiële hulp aansoek gedoen? Indien wel, verstrek besonderhede.

7 GOEDKEURING DEUR/VAN INSTANSIE Die Universiteit kan direk met die Trust in dié verband skakel. 8.1 NAVORSINGSKOMITEE (indien van toepassing) NAAM PROJEK INSTANSIE FINANSIËLE ONDERSTEUNING KOMMENTAAR EN AANBEVELINGS Handtekening van Voorsitter van Navorsingskomitee van Instelling Datum 8.2 ETIESE- EN VEILIGHEIDSKOMITEES Naam van Inrigting Projek Oorweeg deur: KOMMENTAAR EN AANBEVELINGS Etiese komitee Veiligheidskomitee Handtekening van Voorsitter(s) van Komitee(s) Datum

8 - 6 - STUDIEBEURS STRUWIG-GERMESHUYSEN KANKER NAVORSINGSTRUST AANSOEKVORM (Voorgestelde formaat) 1. CURRICULUM VITAE Volle name en van Geboortedatum Geslag Huidige posisie Inrigting Departement / Afdeling Telefoon nommer Selfoon nommer Faks nommer E-pos adres Nasionaliteit Huistaal Kwalifikasies Skool / Universiteit(e) waar kwalifikasies behaal is Vorige posisies wat beklee is Studieveld Gemeenskapsbetrokkenheid 2. Naskoolse opleiding Studiejaar Universiteit/Kollege/ander Studierigting Chronologies Akademies Kursus/vak Persentasie/ simbool Heg asseblief afskrif aan van: Akademiese kwalifikasies/vorderingsverslae en verduidelik die simbole (indien nodig)

9 Werksondervinding NAAM VAN WERKGEWER Aard van werk VAN TOT Redes vir beeïndiging 4. STUDIE WAT BEOOG WORD 4.1 Graad / Kwalifikasie 4.2 Inrigting 4.3 Titel van navorsingsprojek (Indien van toepassing.) 4.4 Navorsingsdoelwitte 4.5 Studieleier (Indien van toepassing.) 5. BELANGSTELLINGS EN STOKPERDJIES Meld volledige besonderhede van sportaktiwiteite, groepsaktiwiteite en stokperdjies, met posisies beklee (indien enige). 6. BEGROTING 7. Klasgelde word deur hierdie beurs gedek sowel as verdere lopende uitgawes. Die maksimum van die totale beurs beloop R15 000,00. Gee n volledige uiteensetting van hierdie addisionele begroting, met motivering vir die uitgawes. Het u by ander instansies om finansiële hulp aansoek gedoen? Indien wel, verstrek besonderhede. AANBEVELING VAN STUDIELEIER Die aanbeveling en motivering van die Studieleier indien van toepassing.