Hoërskool Eldoraigne TOELATINGSBELEID

Transcriptie

1 Hoërskool Eldoraigne TOELATINGSBELEID MEI VERTOLKING In hierdie beleid het bepaalde uitdrukkings waarvan ook in die Wet op Nasionale Onderwysbeleid, 1996 (Wet Nr. 27 van 1996) en die SA Skolewet, 1996 (Wet Nr. 84 van 1996) melding gemaak word, dieselfde betekenis. 2. TOEPASSINGSBESTEK Hierdie beleid tesame met die beleid rakende, onder andere, ouderdomsvereistes wat in Staatskoerant Nr gedateer 19 Oktober 1998 (Kennisgewingnommer 2432 en 2433 van 1998) afgekondig is, is op die Hoërskool Eldoraigne (hierna die skool ) van toepassing. 3. OOGMERK Die oogmerk met hierdie beleid is om te verseker dat daar nie onbillik teen voorgenome leerders wat aansoek vir toelating by die skool doen, gediskrimineer word nie. 4. TOELATINGSVEREISTES : WETLIK VOORGESKRYF 4.1 Algemeen Die beheerliggaam van die skool is ingevolge artikel 5(5) van die SA Skolewet, 1996, behoudens ander toepaslike wetgewing, verantwoordelik om n toelatingsbeleid te bepaal en n afskrif daarvan aan die Departementshoof te voorsien. Die Departementshoof is daarvoor verantwoordelik om toe te sien dat leerders wat skoolpligtig is in openbare skole geakkommodeer word n Leerder mag nie, behalwe met inagneming van die skool se gedragskode en dwelmbeleid, van skoolbywoning weerhou word of toegang tot kulturele, sport, of sosiale aktiwiteite van die skool geweier word nie n Leerder mag nie geviktimiseer word en n skoolrapport of n oorplasingsertifikaat mag nie weerhou word, op grond daarvan dat sy of haar ouer: (a) (b) (c) nie in staat is om die verpligte skoolgeld te betaal nie; nie die missie of gedragskode van die skool ondersteun nie; en weier om n kontrak met die skool te sluit ingevolge waarvan afstand van enige eis om skadevergoeding voortspruitend uit die opvoeding van die leerder gedoen word nie. 1

2 4.1.4 Die beheerliggaam of die skool mag nie enige toets met die oog op toelating van die leerder tot die skool van die leerder afneem of toelaat dat dit afgeneem word nie. Waar keuring egter met die oog op plasing van n leerder ten opsigte van n spesifieke kursus of program byvoorbeeld van n tegniese aard, soos musiek, in belang van die leerder vereis word, kan sodanige leerder deur die Departementshoof versoek word om n geskikte toets, met die oog op keuring, af te lê Indien n leerder eenmaal tot die skool toegelaat is, kan sy of haar besonderhede daarna alleenlik van die betrokke skool se toelatingsregister verwyder word en sodanige voortgesette toelating beëindig word, indien die leerder: (a) (b) (c) (d) die skool na graad 12 verlaat, of na voltooiing van verpligte skoolbywoning, of nadat vrystelling vir verpligte bywoning ingevolge artikel 4 van die SA Skolewet, 1996 verleen is; vir oorplasing na n ander skool aansoek doen en die oorplasing suksesvol uitgevoer is; regmatig, volgens die voorgeskrewe prosedure, uit die skool geskors is; of afsterf. 4.2 Administrasie en vereiste dokumentasie vir toelating Nuwe aansoeke vir toelating, kan reeds gedurende die loop van n betrokke skooljaar vir die daaropvolgende skooljaar by die skool gedoen word. Die registrasieproses vir toelating tot die skool, geskied ook volgens die riglyne soos deur die betrokke Departementshoof voorgeskryf Die voorgeskrewe aansoekvorm vir toelating, moet deur die ouer voltooi word. Die aansoekvorm moet, tesame met die toelatingsbeleid en die gedragskode vir leerders van die skool, aan die ouer vir kennisname oorhandig word. Die skoolhoof van die skool moet die nodige bystand, wat vereis mag word vir voltooiing van die aansoekvorm, verleen n Afskrif van die geboortesertifikaat moet saam met die aansoekvorm ingedien word. Indien die ouer nie in staat is om n geboortesertifikaat te voorsien nie, kan die leerder voorwaardelik toegelaat word totdat n afskrif van die geboortesertifikaat deur die ouer van die Departement van Binnelandse Sake bekom en aan die skool oorhandig is. Die Prinsipaal van die skool moet die ouer meedeel dat dit n oortreding is om n valse verklaring oor die ouderdom van n leerder te maak. (Die Wet op Registrasie van Geboortes en Sterftes, 1992 (Wet Nr. 51 van 1992 het betrekking.) Die ouer moet verseker dat die toelating van die leerder binne drie maande, nadat voorwaardelike toelating verleen is, afgehandel is Tydens aansoek vir toelating moet die ouer bewys lewer dat die leerder teen die volgende aanmeldbare siektes ingeënt is: Polio, masels, tuberkulose, witseerkeel, tetanus en hepatitis B. Indien n ouer nie in staat is om die nodige bewys van inenting te voorsien nie, moet die Skoolhoof van die skool die ouer adviseer om die leerder, as deel van die gratis primêre gesondheidsprogram, te laat inent. 2

3 4.2.5 Indien n leerder van een skool na n ander oorgeplaas word, moet die Prinsipaal van die skool n oorplasingskaart voltooi en aan die ouer oorhandig of dit, alternatiewelik, aan die Prinsipaal van die skool van die oorgeplaasde skool versend. Die betrokke leerder se oorplasingskaart moet die aansoekvorm vir toelating tot die oorgeplaasde skool vergesel Indien die oorplasingskaart nie beskikbaar is nie, kan die Prinsipaal van die skool van die oorgeplaasde skool die leerder toelaat en plaas in n graad op grond van die volgende dokumente: (a) (b) (c) die laaste oorplasingskaart wat deur die vorige skool uitgereik is; ander toepaslike dokumente van die vorige skool; of n skriftelike beëdigde verklaring van die ouer wat die rede vir die afwesigheid van die oorplasingskaart en die graad waarin die leerder by die vorige skool geplaas was, aandui. 4.3 Toelating van nie-burgers Die SA Skolewet, 1996 asook hierdie beleid, geld in gelyke mate ook vir leerders wat nie-burgers van die Republiek van Suid-Afrika is en wie se ouers in besit is van n tydelike of permanente verblyfpermit wat deur die Departement van Binnelandse Sake uitgereik is n Leerder wat op grond van n studiepermit die land binnekom moet sodanige permit by toelating tot die skool toon Persone wat as vreemdelinge geklassifiseer is moet, wanneer hulle aansoek om toelating vir hulle kind of vir hulleself doen, getuienis voorlê dat hul ook by die Departement van Binnelandse Sake ingevolge die Wet op Beheer van Vreemdelinge, 1991 (Wet Nr. 96 van 1991), aansoek gedoen het om hul verblyf in die land te wettig. 4.4 Leerders met spesiale onderwysbehoeftes Die regte en wense van leerders met spesiale onderwysbehoeftes moet in ag geneem word by die toelating van sodanige leerders tot n gewone openbare skool. Die Suid- Afrikaanse Skolewet, 1996 vereis van gewone openbare skole om leerders met spesiale onderwysbehoeftes toe te laat waar dit redelik en prakties uitvoerbaar is. Skole word aangemoedig om so ver prakties moontlik die nodige reëlings te tref om hul fasiliteite vir sodanige leerders toeganklik te maak Waar die nodige steun om n leerder se integrasie by n bepaalde opvoedkundige konteks te fasiliteer nié voorsien kan word nie, moet die skoolhoof die aansoek om toelating na die Departementshoof verwys om die leerder tot n geskikte openbare skool in daardie provinsie of n skool in n ander provinsie toegelaat te kry. 3

4 4.4.3 Voordat die Departementshoof n leerder wat in paragraaf beoog word, verwys, moet die Departementshoof oorlegsessies met ouers, opvoeders en ander betrokke ondersteuningspersoneel reël. Hierdie sessies moet deel uitmaak van die assessering van die leerder voordat die leerder na n ander openbare skool verwys word. Hierdie proses behoort dringende aandag te geniet ten einde die leerder se toelating so gou moontlik te fasiliteer om te verseker dat die leerder nie benadeel word wat die ontvangs van toepaslike onderrig betref nie Assessering en oorlegpleging met betrekking tot n plasingsverandering moet deur n span by die skool in oorleg met ouers, opvoeders en ander betrokke ondersteuningspersoneel geskied. Die Departementshoof van die betrokke provinsie moet die plasing goedkeur. 4.5 Ouderdomsvereistes vir leerdertoelating tot n gewone openbare skool of verskillende grade van n skool Leerders moet ingevolge Goewermentskennisgewing 2432 van 1998 tot openbare skole toegelaat en in verskillende grade by die skool geplaas word Indien n leerder van n ouderdom bo die ouderdomsnorm vir n bepaalde graad tot n openbare skool toegelaat word, moet sodanige leerder so ver moontlik in n bespoedigingsfasiliteit of by sy/haar portuurgroep geplaas word, tensy dit nie in die leerder se opvoedkundige belang is nie. In laasgenoemde geval moet die leerder in n geskikte laer graad geplaas word en moet n bespoedigde program vir die leerder uitgewerk word ten einde hom/haar in staat te stel om sy portuurgroep so gou moontlik in te haal Die ouderdomsgraadnorm geld nie as n leerder wat reeds op 1 Januarie 2000 by n openbare skool ingeskryf was nie, buiten dat paragraaf 27 kan geld indien dit in die leerder se belang geag word n Leerder van 16 jaar of ouer wat nooit vantevore skoolgegaan het nie en vir die eerste keer om toelating aansoek doen, of wat nie voldoende vordering saam met sy/haar portuurgroep getoon het nie, moet aangeraai word om by n sentrum vir basiese onderwys en opleiding vir volwassenes (ABET) in te skryf. 4.6 Herhaling n Leerder wat ingevolge hierdie beleid een of meer skooljare herhaal het, is vrygestel van die ouderdomsgraadnorm, behalwe indien n leerder drie jaar ouer as die normouderdom per graad is, die Departementshoof moet bepaal of die leerder tot daardie graad toegelaat sal word In beginsel behoort leerders saam met hulle ouderdomsgroep te vorder. Herhaling van grade lei selde tot n beduidende toename in leersukses, en het dikwels die teenoorgestelde resultaat. Die waarskynlikheid vir herhaling is een jaar per skoolfase, waar nodig. Veelvuldige herhalings van een graad word nie toegelaat nie Die waarskynlikheid moet geensins vertolk word asof dit die praktyk van outomatiese bevordering voorstaan nie. Daar moet in n leerder se behoeftes voorsien word deur die pogings van die leerder self en sy/haar onderwysers, met die ondersteuning van die leerder se familie en portuur. 4

5 4.7 Skoolsonering / Volgorde van voorkeur met betrekking tot toelatingsaansoeke Waglyste Waglys A kry voorkeur en bepaal dat: Leerlinge wie se woonadres of werkadres die naaste aan die skool is Leerlinge van primêre skole in die geografiese gebied is, naamlik - Laerskool Wierdapark - Laerskool Swartkop - Laerskool Hennopspark - Laerskool Bakenkop - Laerskool Rooihuiskraal Leerlinge wat n broer of suster het wat reeds die skool bywoon. Waglys B Leerlinge wat nie voldoen aan die vereistes vir waglys A nie Hierdie leerlinge sal alleenlik toegelaat word indien die skool oor die nodige spasie beskik Die Skool is 'n Afrikaansmedium-instelling en beskik dus oor menslike hulpbronne wat hoofsaaklik voorsiening maak vir daardie leerders wie se moedertaal of gekose onderrigtaal die onderrigtaal van die Skool is Aangesien die Skool en die SBL weet dat hulle nie onregverdig teen 'n leerder mag diskrimineer namens wie 'n toelatingsaansoek ingedien word nie, en dus geensins voornemens is om te diskrimineer nie, en hoewel hulle graag hulle deel tot leerderonderrig in vennootskap met die Staat wil bydra, begryp hulle dat die Skool nie alle leerders kan inneem nie en dat een of ander vorm van (billike) differensiasie rakende leerdertoelating onvermydelik is. Daarom en in die lig van voorgenoemde, is dit die Skool se beleid dat aansoeke in die volgende volgorde van voorkeur hanteer word Eerstens, aansoeke namens leerders wat bona fide (werklik) saam met hulle ouers (soos in die Skolewet omskryf) binne die natuurlike voedingsgebied van die Skool woon, en wie se moedertaal die onderrigtaal van die Skool is. (Waglys A) Tweedens, aansoeke namens leerders wat bona fide (werklik) saam met hulle ouers (soos in die Skolewet omskryf) binne die natuurlike voedingsgebied van die Skool woon, en wie se gekose onderrigtaal (welke keuse deur die ouer(s) op die toelatingsaansoek aangedui word) die onderrigtaal van die Skool is. (Waglys A) Derdens, aansoeke namens leerders wie se ouer(s) werklik by 'n adres binne die natuurlike voedingsgebied van die Skool in diens is, en wie se moedertaal die onderrigtaal van die Skool is. (Waglys A) Vierdens, aansoeke namens leerders wie se ouer(s) werklik by 'n adres binne die natuurlike voedingsgebied van die Skool in diens is, en wie se gekose 5

6 onderrigtaal (welke keuse deur die ouer(s) op die toelatingsaansoek aangedui word) die onderrigtaal van die Skool is. (Waglys A) Vyfdens, aansoeke namens leerders wat buite die natuurlike voedingsgebied van die Skool woon (Waglys B), wie se moedertaal die onderrigtaal van die Skool is, en wat 'n vak/vakke wil neem wat deur die Skool en nie deur 'n ander skool nader aan die leerder se woonplek aangebied word nie. Sesdens, aansoeke namens leerders wat buite die natuurlike voedingsgebied van die Skool woon (Waglys B), wie se gekose onderrigtaal (welke keuse deur die ouer(s) op die aansoekvorm aangedui word) die onderrigtaal van die Skool is, en wat graag 'n vak/vakke wil neem wat deur die Skool en nie deur 'n ander skool nader aan die leerder se woonplek aangebied word nie. Laastens, aansoeke namens leerders wat buite die natuurlike voedingsgebied van die Skool woon (Waglys B) en wie se moedertaal of gekose onderrigtaal die onderrigtaal van die Skool is, op 'n eerste-kom, eerste-keuse-grondslag Vereiste inligting vir beheerliggaamdoeleindes bo en behalwe die besonderhede wat ingevolge ministeriële beleid, provinsiale beleid of wette verstrek moet word: Die naam, woonadres, werkadres en alle telefoon-, faks- of e-posbesonderhede van elke persoon wat onder die omskrywing van ouer in die Skolewet val 'n Gewaarmerkte afskrif van enige hofbevel wat voogskap of wettige aanspraak op sorg, of enige soortgelyke reg van die persoon ( ouer ) wat daarop aanspraak maak, bevestig 'n Beëdigde verklaring, werkgewersertifikaat, elektrisiteitsrekening of enige ander bewys wat redelikerwys deur die SBL vereis mag word om 'n leerder en sy/haar ouers se woonplek, of die feit en plek van indiensneming van die leerder se ouers te verifieer 'n Afskrif van 'n identiteits- of ander dokument wat die identiteit van elke persoon wat onder die omskrywing van ouer in die Skolewet val, tot die redelike bevrediging van die SBL bevestig Skriftelike magtiging deur die ouer(s)/voog(de)/persoon na wie in die tweede vereiste verwys word, aan enige persoon om hom/haar/hulle in die aansoek om toelating van die leerder tot die Skool of in enige ander aangeleentheid met betrekking tot die leerder te verteenwoordig Die onderrigtaal wat namens die voornemende leerder gekies word Besonderhede van enige aanmeldbare siekte waaraan die leerder (moontlik) ly 'n Voltooide gedragsertifikaat van die skool waar die leerder tans ingeskryf is Besonderhede van enige toestand van die leerder wat die liggaamlike welsyn van enige ander leerder of personeellid van die Skool kan raak 6

7 Besonderhede van enige bepaalde behoeftes wat die leerder mag hê en wat mag aandag verg om die leerder se skoolervaring te maksimaliseer of sy/haar beste belange te bevorder Besonderhede van enige toestand of omstandighede waarvan die Skool bewus behoort te wees ten einde die beste belange van die leerder en/of enige ander leerders van die Skool te beskerm Enige bepaalde vakke wat die leerder graag wil studeer en wat nie deur 'n skool nader aan die leerder se woonplek aangebied word nie Nieteenstaande voorgenoemde en in oorleg met die distriksdirekteur, behou die SBL die reg om oorheersende voorkeur te gee aan broers of susters van leerders wat reeds by die Skool ingeskryf is. 4.8 Toelatingsvereistes Die hoof van n openbare skool moet n toelatingsregister vir die skool byhou. Alle leerdertoelatings tot die skool moet in die toelatingsregister opgeteken word. Die register moet die naam; geboortedatum; ouderdom; identiteitsnommer, indien van toepassing en adres van die leerder sowel as die name van die leerder se ouers ingevolge die omskrywing in die Suid-Afrikaanse Skolewet, 1996 (sien paragraaf 5.2.4) en hul adresse en telefoonnommers, waar van toepassing, bevat Inskrywings in die toelatingsregister moet met die geboortesertifikaat of identiteitsdokument van die betrokke leerder vergelyk word om dit te bevestig Amptenare van die provinsiale onderwysdepartement moet toegang tot die toelatingsregister hê. 4.9 Regte en pligte van ouers Die beheerliggaam van n skool moet alle ouers van leerders wat tot daardie skool toegelaat is, van hul regte en pligte ingevolge die Suid-Afrikaanse Skolewet, 1996 en enige toepaslike provinsiale wet inlig. Ouers moet bepaald ingelig word van hulle regte en pligte wat die beheer en aangeleenthede van die skool betref, wat insluit die proses om die skoolbegroting te bepaal, enige besluit van n ouervergadering met betrekking tot skoolgeld en die gedragskode vir leerders Ouers moet hul kinders te ondersteun om gereeld en stiptelik skool by te woon. (Suid- Afrikaanse Skolewet, 1996 (sien hoofstuk 3 nr. 3 paragraaf (1)) Enige leerder of ouer van n leerder wat toelating tot n openbare skool geweier is, kan ingevolge artikel 5(9) van die Suid-Afrikaanse Skolewet by die Lid van die Uitvoerende Raad teen die besluit appelleer. 7

8 5. VERDERE BEPALINGS 5.1 Die skool se gedragskode vir leerders (insluitend dragkode) Hoewel aansoekers se weiering om die Skool se Gedragskode vir Leerders (insluitend dragkode) fisies te onderteken nie die toelating van die leerder tot die Skool kan verhoed nie, sal die kode nietemin bindend wees vir die leerder. Artikel 8(4) van die Skolewet bepaal soos volg: Geen bepaling van hierdie Wet stel 'n leerder vry van die verpligting om die gedragskode van die skool wat deur sodanige leerder bygewoon word, na te kom nie Aansoekers word aangemoedig om die Skool te ondersteun deur hulleself van die Skool se Gedragskode vir Leerders te vergewis en die nakoming daarvan deur leerders te verseker Die algemene skoolreëls rakende die voorkoms van leerders, skool- en sportdrag, skooltye, afwesighede ook tydens eksamens (ongeag die rede), verlating van die terrein gedurende skooltye, klaswisseling, klaskamerpraktyk, handboeke, buitemuurse bedrywighede, getuigskrifte ensovoorts, is beskikbaar in die skooldagboek wat aan elke leerder oorhandig word. Ouers moet hul deeglik van die inhoud daarvan vergewis. 5.2 Skoolgeld Ouers (soos in artikel 1 van die Skolewet omskryf) se versuim, weiering of onvermoë om skoolgeld te betaal, kan nie die toelating van leerders tot die Skool verhoed nie Ingevolge artikel van die Skolewet, moet 'n algemene jaarvergadering van die ouers van ingeskrewe leerders by die Skool na dertig (30) dae kennisgewing aan ouers geskied. By die jaarvergadering besluit die meerderheid van die ouers teenwoordig op die aanvaarding al dan nie van die begroting wat vir die volgende boekjaar deur die SBL voorberei is. By dieselfde vergadering kan die meerderheid van stemgeregtigde ouers teenwoordig besluit dat die betaling van skoolgeld verpligtend moet wees, wat die skoolgeldbedrag per leerder per jaar sal wees, en watter maatstawwe sal geld vir algehele of gedeeltelike vrystelling aan ouers wat nie die volle verpligte bedrag of 'n gedeelte daarvan kan betaal nie. Ouers wat nie daartoe in staat is om enige gedeelte van die bedrag of die volle bedrag te betaal nie, is daarop geregtig om op die voorgeskrewe vorms by die SBL om algehele of gedeeltelike vrystelling van die betaling van skoolgeld aansoek te doen. Sodanige aansoeke moet vertroulik deur die SBL hanteer word. Die SBL sal billik optree en bogenoemde maatstawwe asook die bepalings van die ministeriële toepas. 'n Afskrif van laasgenoemde sal op versoek aan ouers beskikbaar gestel word. Ouers wat om vrystelling aansoek doen, kan 'n opvoeder by die Skool of enige ander persoon vir bystand met die aansoek nader. 'n Ouer/ouers wat deur die SBL se besluit verontreg voel, kan ingevolge die prosedure wat in genoemde regulasies uiteengesit word, by die DH appelleer. 8

9 5.2.3 Aansoekers om vrystelling moet egter daarop let dat die gekombineerde jaarlikse inkomste van ouers in berekening gebring word in die besluit of ouers vir vrystelling in aanmerking kom al dan nie. Gekombineerde jaarlikse bruto inkomste van ouers word in regulasie 1 van voorgenoemde regulasies omskryf as die saamgetelde bruto inkomste van al die ouers van 'n leerder soos in die Wet omskryf Die Skolewet omskryf ouer soos volg (a) (b) (c) die ouer of voog van 'n leerder; die persoon met wettige aanspraak op sorg vir 'n leerder; of die persoon wat onderneem om die verpligtinge van 'n persoon in paragrawe (a) en (b) ten opsigte van die leerder se opvoeding op skool na te kom. Dus indien die leerder byvoorbeeld 'n pa én 'n ma het, maar by sy/haar tante woon, met ander woorde 'n persoon na wie daar in (c) hierbo verwys word, sal die gekombineerde bruto inkomste (vóór belasting of aftrekkings) van al drie d.w.s. die ma, pa én tante in berekening gebring word wanneer daar oor algehele of gedeeltelike vrystelling van die betaling van skoolgeld beslis word Om hierdie rede moet die besonderhede van alle persone wat onder die omskrywing van ouer val, in die toelatingsaansoek aan die Skool verskaf word Die aansoeker se aandag word voorts op die volgende bepaling van die Skolewet gevestig (Artikel 41) Die beheerliggaam van 'n openbare skool kan die betaling van skoolgelde deur ouers wat daarvoor aanspreeklik is..., deur regsproses afdwing Ouers van leerders word aangemoedig om die hoë onderrigstandaard en die goeie skoolfasiliteite en -omgewing in stand te hou deur skoolgeld te betaal en, waar hulle algehele of gedeeltelike vrystelling van die betaling van verpligte skoolgeld ontvang, hulle dienste tot voordeel van die Skool aan die SBL beskikbaar te stel. 5.3 Skooleiendom Elke leerder by 'n openbare skool sal goed omsien na die eiendom van die skool wat tot sy/haar beskikking gestel word, en sal dit voor of op die datum wat deur enige opvoeder by die skool aangedui word, aan die skool terugbesorg Die ouers van 'n leerder by 'n openbare skool sal aanspreeklik wees vir enige skade aan of verlies van skooleiendom waarvoor die betrokke leerder op sy/haar beurt teenoor die skool aanspreeklik is of wat hy/sy veroorsaak het Dit is elke ouer se plig om die Staat en die beheerliggaam van 'n skool in die bevordering van 'n kultuur van respek vir skooleiendom by te staan. 5.4 Kapasiteit van die skool 9

10 Word deur die Beheerliggaam bepaal deur die volgende faktore in ag te neem: Die fisiese aantal klaskamers Die fisiese aantal kleedkamers Die aantal onderrigpersoneel Die sport- en kultuurfasiliteite Aantal gespesialiseerde lokale/ruimtes 5.5 Risiko van skade of verlies Aansoekers word daarop gewys dat die Skool geen aanspreeklikheid aanvaar vir skade aan, die vernietiging of verlies van enige eiendom wat deur die leerder of sy/haar ouer(s) op die Skoolperseel gebring word nie, ongeag wie sodanige skade, vernietiging of verlies veroorsaak, hoe dit veroorsaak word, of dit deur iemand se optrede of versuim veroorsaak word, en of dit opsetlik of weens nalatigheid veroorsaak word. Sulke eiendom word op die leerder en sy/haar ouer(s) se eie risiko op die skoolperseel gebring. Leerders word aangemoedig om na enige eiendom wat op die Skoolperseel gebring word om te sien, en aansoekers en ouers van leerders word aangemoedig om self die nodige versekering teen sodanige skade, vernietiging of verlies uit te neem. 5.6 Verdere beleidsdokumente Die ouers van leerders wat aansoek om toelating tot die skool doen, moet ook deeglik van die skool se ander beleidsdokumente kennis neem, onder andere die taal-, godsdiens-, dwelm-, HIV/Vigsbeleid, ensovoorts. 6. Wysiging van Toelatingsbeleid Hierdie beleid mag van tyd tot tyd deur die SBL gewysig, aangevul, verander of aangepas word. Sodanige wysigings behoort egter nie ouers se bestaande regte met betrekking tot hul kind(ers) wat reeds tot die skool toegelaat is, aan te tas nie en moet aan ouers gekommunikeer word. DR AH PRINSLOO HOOF ME H VAN DIJK VOORSITTER : BEHEERLIGGAAM DATUM: 10