Voorwoord Hoop is nie n hoëhak-skoene-ding waarin jy in be heer van die lewe lyk en is nie. Veel eerder is ware hoop om met gestroopte eerlikheid te weet dat jy bang is, maar tog vorentoe beweeg. Dis om, sonder pretensie, te erken dat die lewe soms vir jou te veel is, maar dan wel dapper ge noeg te wees om voort te gaan. Hoop is om in stormwind tye stille rus te ervaar in die wete dat die Here se genade weer vrede sal bring. Ware hoop is om, soos n kind, kaalvoet in die holte van jou Vader se genadehand te dans omdat jy met die seker wete leef dat jou Vader onder, bo, voor, langs ín jou is. Hoopdraers is mense wat ook die skerp klippe onder hul voete voel, ook moeg word op die reis en ook onseker voel oor die donker, maar wat dan kies om te bly glo. Te bly hoop. Veral te blý liefhê. Mag jy in Hoop wat kaalvoet loop ervaar hoe die Vader jou met groot genadeseën bederf. ~ Milanie Vosloo Kontak my gerus by: mv@uppe.co.za
1 Mét hoop kan jy kaalvoet loop! Hoop is nooit n groot vuur waarby jy jou kan verwarm en jou dag en nag heerlik kan koester nie. Dit is eerder n klein vlammetjie wat net genoeg lig gee wanneer dit baie donker is, skryf Izak de Villiers. Wanneer ons hoop, kan ons enigiets oorkom Want dan gló ons dat daar positiewe verandering kan wees, dat daar genesing sal kom dat ons seën sal beleef. Sonder hoop verloor ons ons vreugde. Mét hoop leef ons ons droom met passie. Kinders van die lewende God kan met die vaste wete leef dat ons Vader altyd in beheer is en dat Hy ons sál lei en ons veilig by sy bestemming sál uitbring. Glo vandag dat jy sy wysheid in jou het, dat sy moed in jou hart gegraveer is en dat die hoop wat Hy bring ook jóú deel is. Met hoop kan n mens duisend kilometer kaalvoet loop. Sonder hoop sal selfs die beste Nike-tekkies nie die ding kan doen nie. Mag jy kaalvoet deur elke dag huppel.
Dié wat hulle hoop op die HERE stel, sal hulle krag terugkry. Hul le vlieg hoog, soos arende. Hulle sal hardloop en nie moeg word nie. Hulle sal loop en nooit vermoeid word nie. ~ Jesaja 40:31 God sal dit beslis vir julle doen, want Hy hou altyd by sy woord. ~ 1 Korintiërs 1:9 Wanneer ons al ons hoop op God stel, sal ons nooit te leur gesteld wees nie. Want Hy vul ons lewens elke dag met sy liefde. Dit doen Hy deur die Heilige Gees wat by ons bly. ~ Romeine 5:5, Die Boodskap Here, met my hand stewig in U s n, hóóp ek. Amen
2 God wil jou bederf Ons God is só goed vir ons. Sy liefde vir ons is so groot dat Hy sy eie Seun in ons plek laat sterf het. En toe sy Kind weer huis toe moes gaan, het Hy vir ons nóg n deel van Homself sy Heilige Gees gegee. Dié Gees wat ons oortuig om God se genadedaad te aanvaar en wat daarna permanent in elkeen van sy kinders woon. So is Hy die groot God 24/7 by ons om ons met sy nabyheid te omhels, deur alle omstandighede te dra, met wysheid te lei, te vertroos en aan ons hoop te gee: Hoop vir vandag. Vir môre. En vir altyd. Die heerlike teenwoordigheid van die Heilige Gees in jou is maar net die begin van sy volryk genadestroom wat jy eendag gaan kry. As verloste mens is jy een van jou Vader se bederfkinders wat Hy elke dag met sy liefdevolle goedheid seen.
Die Heilige Gees is God se deposito wat ons volle erfenis waar borg totdat almal wat aan God behoort, vol kome verlos sal wees. Daarvoor moet ons God se grootheid prys! ~ Efesiërs 1:14 God die Vader het julle lank gelede al uitgekies en deur die Gees aan Homself toegewy. Die gevolg is dat julle gehoorsaam is aan Hom en deur die bloed van Jesus Christus skoongemaak is. ~ 1 Petrus 1:2 Bring lof aan die HERE, die Almagtige, want die HERE is goed. Sy liefde en trou hou nooit op nie! ~ Jeremia 33:11 Ek sal die Vader vra en Hy sal vir julle n ander Raadgewer stuur om vir altyd by julle te wees; dit is die Gees van die waarheid. Julle ken Hom, omdat Hy by julle gaan bly en in julle sal woon. ~ Johannes 14:15-17 Dankie vir die voorreg om u ewige liefde vir my nou reeds te beleef, Vader. Amen