Inhoudsopgawe Aanbidding... 8 Bekommernis... 12 Beskerming... 16 Blydskap... 20 Dankbaarheid... 24 Diensbaarheid... 28 Eerlikheid... 32 Gebed... 36 Geduld... 40 Geloof... 44 Genade... 48 Gesin... 52 Hoop... 56 Liefde van God... 60 Liefde vir mekaar... 64 Nederigheid... 68 Ontspanning... 72 Skinder... 76 Sukses... 80 Troos... 84
Twyfel... 88 Vergewe mekaar... 92 Vergifnis van God... 96 Vertroue... 100 Volharding... 104 Voorkoms... 108 Vrede... 112 Vrees... 116 Vriendskap... 120 Wysheid... 124
God se genade het geen einde nie. Op sy ontferming kan n mens altyd vertrou. Dit is elke oggend nuut. Klaagliedere 3:22-23
Aanbidding God is Gees, en dié wat Hom aanbid, moet Hom vanuit n hegte verhouding met die Gees en in waarheid aanbid. Johannes 4:24 8
Slegs God mag aanbid word, net Hy is ons eer en aanbidding waardig. Die tyd wanneer jy stiltetyd hou, is dan ook die aangewese tyd om God te aanbid. Ken jy al die geheim van hoe God aanbid behoort te word? Vra die Heilige Gees om vir jou die regte woorde te gee waarmee jy God kan aanbid. Aanbidding is n besef dat jy in die heilige God se teenwoordigheid verkeer, dit is om in jou hart n gevoel van eerbied en ontsag vir Hom te koester en met jou woorde jou liefde vir Hom te probeer uitdruk. Aanbidding is om in verwondering voor God se majesteit te kniel, om God met jou hele wese te eer. Dit bly vir my n wonder dat só n groot God sy liefde vir sondige mensekinders kom aanbied en dat Hy ons toelaat om Hom as ons Vader aan te spreek. Daarom kan ons, terwyl ons Hom aanbid, seker weet dat hierdie almagtige God Hom verbind om vir ons te sorg soos n aardse vader dit vir sy kinders doen. Moet nooit vergeet om Hom daarvoor te loof en te eer nie. 9
Psalm 145:1-3 Ek wil U prys, my God en my Koning, u Naam wil ek altyd loof. Ek wil U elke dag loof, en u Naam vir altyd prys. Die Here is groot! Hy is waardig om geprys te word. Sy grootheid is onmeetbaar. Eksodus 34:14 Julle mag geen ander god behalwe die Here aanbid nie. Hy is n God wat volle getrouheid vereis. Psalm 139:14 Ek loof U omdat U my so besonder wonderlik gemaak het. U werke is wonderbaar, ek weet dit alte goed! Openbaring 22:9 Aanbid God! Die Here is groot, waardig om geprys te word! Bo al die gode moet Hy geëer word. 1 Kronieke 16:25 10
Openbaring 19:5 Loof ons God, al sy diensknegte, dié wat Hom met ontsag bejeën, klein en groot! Alle eer aan die God en Vader van ons Here Jesus Christus, want sonder dat ons dit verdien, het Hy sy ontferming aan ons betoon deur die proses te begin wat op ons weergeboorte uitgeloop het. 1 Petrus 1:3 O God, ons prys U die hele dag en loof u Naam voortdurend. Psalm 44:9 Prys God, die Vader van ons Here Jesus Christus, voortdurend, want Hy is wonderlik goed vir ons! Deur wat Christus gedoen het, het Hy ons geseën met elke geestelike seëning wat daar in die hemelsfere is. Deur wat Christus gedoen het, het God ons uitgekies. Omdat Hy ons liefhet, het Hy ons, al voor die wêreld gemaak is, uitgekies om Syne te wees. Daarom prys ons God se grootheid. Efesiërs 1:3-4, 6 11
Bekommernis n Faktor wat spanning en depressie kan ver erger, is bekommernis. Mense wat hulle oor alles bekommer, kry dit nie reg om rustig en vol vrede te wees nie. Indien jý n kommerkous is, bid oor die dinge wat jou gestres en bekommerd maak. Moet oor niks besorg wees nie, maar maak in alles julle begeertes deur gebed en smeking en met danksegging aan God bekend, skryf Paulus in Filip pense 4:6 (Bybel in Afrikaans 1983/1992). Wat hy die gemeente van Filippi hier aanraai, is dat hulle maar enige begeerte, hoe klein dit ook al is, na God kan neem en met Hom daaroor kan praat. En dan voeg hy met danksegging daarby met ander woorde terwyl jy nog besig is om vir God te sê wat jou pla, sê jy alreeds vir Hom dankie omdat Hy daardie bekommernisse vir jou sal oplos! Die wete dat Jesus by jou is, sal keer dat die bekommernisse weer met jou emosies weg hardloop of dat jy jou weer van voor af begin bekommer, lui Filippense 4:7 (Die Boodskap). Wan neer jy dit doen, gaan jou stres soos mis voor die son verdwyn. 12
Moet oor niks bekommerd wees nie, maar bid oor alles. Vra alles wat julle nodig het van God, terwyl julle Hom ook dank vir alles wat Hy doen. En God se vrede, wat meer is as wat n mens dink, sal oor julle harte en gedagtes die wag hou omdat julle aan Christus Jesus verbonde is. Filippense 4:6-7 Vermy bekommernis, dit sal jou liggaam gesond hou. Prediker 11:10 Jesus draai toe na Simon Petrus toe: Simon! My liewe Simon, moenie bekommerd wees nie: Ek het spesifiek vir jou gebid! Ek het God gevra om te sorg dat jy nooit sal ophou glo nie. Lukas 22:31-32, Die Boodskap Moenie bekommerd wees nie. Regverdigheid sal seëvier. Job 36:17 Hou op om julle te bekommer oor julle daaglikse lewe wat julle sal eet of drink; of oor julle liggame wat julle sal aantrek. Is die lewe nie baie belangriker as kos nie? En is n mens se liggaam nie baie belangriker as klere nie? Matteus 6:25 13