De Sjter 1 wint nipt van SHH; Dames naderen koppositie; Sjteindenaere sjteunen Fortuna; Rudy Crutzen gesjlaag veur trainerscursus! Ut woar un extreem rustig voetbalweekend veur os clubke. Vanwaege de meivakantie sjting d r enkel un inhoalprogramma op. Dat beteikende dat de teams van 2 en 3 sowieso al un vriej weekend houwe. Op donderdig kregen de veteranen auch nog bericht dat hunne taegesjtenjer (Susteren vets 2) inmiddels opgeheve woare in dit versjlag zal euveriges blieke dat de reje van die opheffing auch mit unne Sjteindenaer te make houw. Wiejer kreeg auch ut veerde bericht dat hunne taegesjtenjer Sanderbout de men neit biejein kreeg. Dat houw get te make mit ein of angere wedsjtried op zoaterdigoavend in Zitterd wo get luuj onger de kar zouwe goan komme Allein ozze dames en os eesjte elftal houfden dus in actie te komme dit weekend. Weinig te melje dus op ut voetbalfront. Maar gelukkig dees waek des te meer te melje euver ut randjgebeure. Want diverse reporters verblieje of dees waek mit foto s van de keuningsdaag-viering, van ut promotiefeest van Fortuna en nog veul en veul meer. Mit uiteraard the usual suspects Frank Bitterbal Haenraets en Randy ex-milfhunter Wanten prominent in beeld. Loate veer dus maar sjnel beginne. En dat doon veer dees waek veur de verangering ens mit os eesjte elftal. Die moosjten op zondig aafreizen noa Herten veur hunne wedsjtried taege hekkesjleiter SHH. Die ploug is al gedegradeerd maar woar d r toch op gebrend om nog un goeie partie op de mat te legke. Pak doabie dat ozze jonges aardig get sjpelers misten (o.a. Stan, Davy, en Guido) en ut woar dudelijk dat coach Maas veural in defensief opzicht moosj puzzele. Ut versjlaag kump veur de derde waek op riej van Peter Smeets, dae ondanks unne kater van alle Fortuna-feeskes, toch de tied vonj om get op papier te zette. Dank doaveur, Peter! Jean Maas woar zondig tot de volgende opsjtelling gekomme veur de oetwedsjtried taege SHH: Kis: Geoffrey Achter: Sjoerd,Bob,Timo en Randy Midden : Frank,Mike en Thijs Veur : Giel, Maarten en Marko Bank : Donny, Hassan, Hoessein en Tarek In ut kader van voetbalhumor maakte Marko Jevric, kiekend noa de samensjtelling van de bank, un leuke opmerking in ut kleidlokaal aan ut adres van ziene coach: Trainer, heeft u iets tegen Marokkanen? De teagestenjer van vandaag woar de hekkesloeter SHH, de ploog die os veurig seizoen nog de 2 de periode ontnoam maar dit seizoen ut hjael zwoar heat in de 2 e klasse G. Dan aug noch in totaal 6 punte in mindering gebrach kriet van KNVB wegens ut neet wille spele van de oetwedstried teage centrum boys. Dan wetste dat dees ploog d r alles aan geleage is om de 3 punte te pakke. Es te dan auch noch es bezeukende ploog versjillende spelers mist door blessures en vekanties zou ut zwao maar uns eine hjael lestige middig kinne waere. Os
centrale verdedigingsduo bestong vandaag dan auch oet Timo en Bob doaneave woar Geoffrey ozze aanveurder vandaag. Euver de wedstrijd wil en kin ich allein mer kort zin : - 37 e minuut : geale kaart veur Mike veur ein euvertrejing - 42 e minuut : ein gooj aktie van Thijs, doelpunt Maarten 0-1 - 43 e minuut : Randy vilt geblesseerd oet en weurd vervange door Tarek. - 44 e minuut : afgekeurd doelpunt SHH wegens boetespel, geconstateerd door Marco - 76 e minuut : Bob Vilt geblesseerd oet en weurd vervange door Hoessein - 85 e minuut : geale kaart Thijs veur kalle Neet ein van de beatere wedstrijde van ozze manne maar waal eine gooje wedstried veur (noe noch) assistent trainer Rudy om ein probleemstelling oet te wirke vuer zien examentraining (UEFA B) veur de daag d r noa. Ein exame wat hea op maondigaovend mit ein positief resultaat haet aafgesjloate, proficiat Rudy. Ut resultaat van deze wedstried hilt in eeder geval de houp op noacompetitie voetbal nog leavend. Volgende weak oet noa LHC wacht de volgende klus om de noacompetite druim in leave te houwe zeaker es te wits dat Veritas en LImburgia noch teage ein motte. Un kort maar krachtig versjlaag van ozze reporter Peter. Maar zien opmerking aan ut adres van Rudy Crutzen moag zeker herhoald waere. Want ut is un klasse prestatie van Rudy dat hae zien UEFA B diploma haet behoald aafgeloupe moandig. Zowel bie De Sjter es bie zien nuuje club Horn is men zeer greutsj op d r Rudy, dae op keuningsdaag alvas un sjoon pasfoto houw loate make veur op zien trainers-diploma:
Wiejer moag auch nog ens benoadruk waere dat local hero Frank Bitterbal Haenraets aafgeloupe zondig waer ens in de basis sjtartte bie 1. Dat moosj noa aafloup natuurlijk gevierd waere mit un lekker hepke: En auch ut sjlage van Rudy Crutzen veur de trainerscursus woort door un aafvaardiging van de selectie op oetermate gezonje wieze gevierd bie Big Rib, wo Frank zich de nuuje bienaam Bitterballenbak Haenraets verworf:
En om dan maar geliek alles van Frank vermeldj te hubbe: wo hae ut op ut voetbalveldj veural mot hubbe van 110% inzet, duelkracht en unne flinke sjeut in ziene rechtervout, doa leet r in ut dagelijks laeve jus blieke dat r unne creatieve geist is dae euveral aanleiding zuut om d r get leuk van te make: Van os eesjte elftal sjakele veer euver noa ozze dames. Want auch die houwe aafgeloupe zondig dus unne wedsjtried op ut programma sjtoan. Allemoal leuk en aardig, maar veur dae wedsjtried sjting d r veur de ladies nog un veur belangriekere activiteit op ut programma: lekker same keuningsdaag viere in de cafes. Dat leverde un prachtig plaetje op van ozze beauties:
En hunne coach Tom deig braaf mit aan dees teambuildingactiviteit: Euveriges woare ozze dames neit de einige Sjter-leje die zich in ut feestgedruis op keuningsdaag sjtortten. Auch van angere feestbeesten woorte foto s getrokke: Zo wie t geer zeet woar auch ex-milfhunter Randy Wantelic (dae zich inmiddels meer en meer aan ut toelegke is op jong maedjes) van de partie. En dae is de letste tied op ut gebied van de dames ech on fire. Want zowel online es offline wit t prima aan te vuile wie hae de dames mot verseiere:
Maar goud veer woare gebleve bie ozze dames. Die houwe de ummer lestige wedsjtried taege Slekker Boys op ut programma sjtoan. De achtersjtand van ozze dames op koplouper GKC bedroog veuraafgoand aan dit weekend sjlechs 2 punte. Ozze dames moosjten dus punte pakke in de jacht op de koppositie. Jill Janssen deit versjlaag: De wedstrijd taege Slekker Boys sting op ut programma. Noa eine gooie koningsdaag mooste ver zondig om 10 oer starten aan de eerste helft. Mit Cindy en Shauni op de bank begoosj de wedstrijd. In de eerste 5 minuten kreeg Bo geliek een kans 1 op 1 mit de keeper, maar helaas ging deze neet d r in. Neet lang d r noa kome veer toch op veursprong. Die van De Slek maakten un eigen doelpunt en hoppa 0-1 veur! Os voetballe stelde helaas neet veul veur wodoor De Slek os mekkelijk koos wegspele en de 1-1 en 2-1 koos scoren. Ut woar bienoa rust en Joy kreeg ut nog effe op heur heupen. Ze koos allein op de goal aaf maar woort door un euvertreding gestop. De scheids floot. YES! Penantie? Maar nae hae floot geweun veur de rust. Ich zal hie maar verder niks euver zegke maar geer snapt waal wie veer hie euver dachte. In de rust koos Tom os un flinke preek gaeve. Ver moosten mit punte truk noa hoes es veer om de titel mit wolle blieve doon. Cindy koom in de ploog veur Joyce en de 2 e helft ging van start. De start woar echter nog ummer neet veul wodoor os auch nog de 3-1 onger de naas woort geduujd. Die van De Slek woare feller en good in duuje, maar incassere woar get lestiger veur ze De eerste kans veur os koom wie de keepster van De Slek hands maakte boete de 16. De vrieje trap leverde echter gein goal op. Ut goeie voetballe van ozze kant koom pas de letste 20 minute waer truuk. Aevenals de felfheid. Dat leverde de 3-2 op van Bo. Mit nog 15 minuten op de klok woar ut vechten veur ten minste 1 punt.
Dyonne woort noa veure gestuurd door Tom en achter ginge veer 1 op 1 spele. Dit bleek eene goeie zet want door unne knal van Dyonne koos Bo de 3-3 scoren! Doanoa krege veer nog un gooie kans wie de keepster de bal rech in de veur van Joy smeet. Helaas leverde dit gein goal op en moosten veer genoegen numme mit un puntje. Noa aafloup woar ut vol spanning aafwachte wat de koplouper ging make. Wie ut nuuts binnekoom dat die verloare houwe, woar ut un bietje balen. Veer houwe dus aan kop kenne komme es veer gewonne houwe. Maar ut versjil is in jeder geval verkleind tot 1 punt. En d r zeen nog genog wedstrijden te spele. Credits trouwes veur Samantha die ech unne top wedstrijd speelde! Dat zuut d r mit de waek baeter oet dames. Esse zelfs noa unne mindere wedsjtried un puntje inlups op de koplouper, dan kump ut kampioensjap toch ech kort bie. Blieve knalle de kommende waeke en dan eind mei un feeske boewe! Van de dames sjakele veer euver noa de veteranen. Die houwe unne thoeswedsjtried taege Susteren veteranen 2 op ut programma sjtoan. Willem Thewissen kondigde doordewaeks op de app dae wedsjtried aan en de sjriever van dit sjtuk wis zich te herinnere dat Will Leurs veurig sezoen ziene beste wedsjtried ooit taege dae taegesjtenjer sjpeelde: Helaas herinnerden die van Susteren zich auch nog de wedsjtried van veurig joar want unne daag later koom ut volgende bericht van Willem:
Gein voetballe dus van de veteranen. En doamit auch gein geweldige verhoale oet uit kleidlokaal en de kantine dit keer. Ut houw echter auch zien positieve kantje. Door ut aaflasje van de wedsjtried koosj jederein op ut gemaak toelaeve noa de promotiewedsjtried van Fortuna. En dat woort toch ut absolute hoogtepunt van de aafgeloupe waek veur unne houp Sjteindenaere. Want al vruig op zoaterdigmiddig woare d r un aantal bekende Sjter-köpkes te zeen op ut fan-plein veur ut stadion: En un aantal Sjter-luuj wis zelfs de lanjelijke tv-oetzending van Fox Sports te hoale:
En mit Rene Gooren zo prominent in beeld, zouwse denke dat de ganse selectie van De Ster 3 volop mitlaefde mit Fortuna. En dat woar auch zeer zeker ut geval. Zo houw Mike Schipper zich op de ochtend van de wedsjtried nog un ech Fortuna Sittard-ei mit komkommer gemaak es ontbijt, om alvas in de sjtumming te komme: En eine sjpeler van ut driede maakte ut nog bontjer. Dae woort tiedes de wedsjtried van Fortuna gefotografeerd es streaker:
Maar neit allein die van ut driede woar doa om Fortuna te supportere. Oet alle geledinge van os clubke woare d r luuj om Fortuna noa de eredivisie te sjreve. Van jongk tot heel, heel ouder en versjlete, zo wie Fox Sports dudelijk vaslag: De oetkomst is natuurlijk veur nemes meer un verrassing. Veer hubbe allemoal moage sjmulle van unne geweldige wedsjtried en un aeve geweldig promotiefeest. In dat feestgedruis woar veul aandacht gericht op de noa Ajax vertrekkende captain Perr Schuurs dae veurluipig ziene letste wedsjtried veur Fortuna sjpeelde. 18 joar pas en noe al zoveul sjieks mitmake op eine oavend:
Promovere mit dien eige clubke.. Es aanveurder de promotie-bokaal in ontvangst numme En passant auch nog de veierde periodetitel winne Op de sjouwesj oetgezjweijd en toegezonge waere door de harde kern in ut stadion Oetgeroupe waere door VI es beste sjpeler van de Jupiler League van ut aafgeloupe sezoen.. En es ut dan inmiddels 3 oer is gewoare in de nach van zoaterdig op zondig, en doe hubs es Perr Schuurs zeende dat alles nog maar net un plaetsjke kenne gaeve, dan wurt ut nóg sjoner. Want net op ut moment dasse eigenlijk noa hoes wols goan om lekker onger de daekes te kroepe, deit zich un unieke kans veur. Inens sjteisse aug in auch mit 5 mannen wo se al dien ganse laeve fan van bes. Mannen wo se es koetnaas ummer taege op hubs gekeke. Mannen, die eigenlijk auch muig zeen van ut feesten en noa hoes wulle Maar die desondanks nog bereid zeen om speciaal veur dich nog effe hun vrolijkste gezich op te zette, zodats doe sjtraks in Amsterdam dees foto boave dien bed kens hange: Jonges, sjiek dat geer Perr dit momentje nog gegund hub! Pes volgende waek! Rob Sjulpe