2016/17. Voorgraadse fakulteitsbrosjure.

Transcriptie

1 2016/17 Voorgraadse fakulteitsbrosjure

2 ii Fakulteit Gesondheidswetenskappe 2016/17 Boodskap van die Dekaan Die Fakulteit Gesondheidswetenskappe aan die Universiteit van Pretoria het n lang en trotse tradisie van uitnemendheid in die opleiding van professionele gesondheidsorgwerkers. Ons personeelkorps van meer as 500 voltydse en deeltydse dosente, navorsers en kliniese praktisyns is toegewyde rolmodelle wat ons studente opgewonde maak en hulle inspireer. Ons is daartoe verbind om te verseker dat ons gegradueerdes bekwame, verantwoordelike en deernisvolle gesondheidsorgwerkers is teen die tyd wat hulle ons verlaat. Kwaliteit is die kern van die Fakulteit se verbintenis om n omvattende onderrig- en leerkultuur daar te stel. Ons kurrikula en onderrigmetodes word voortdurend aangepas om te verseker dat ons tred hou met die eise van n snel-veranderende wêreld. Hoë standaarde en innoverende benaderings tot leer verbeter ons gegradueerdes se vermoëns om ingewikkelde kwessies te hanteer en probleme op te los. Ons lesinglokale, laboratoriums, vaardigheidsontwikkelingslaboratoriums, IT-fasiliteite, opleidingshospitale en klinieke word voortdurend opgegradeer. Ons het voorsiening gemaak vir die nasionale eise vir meer gegradueerdes om aan die gesondheidsorgbehoeftes van die land te voldoen deur die Gesondheidswetenskappe-kampus en -koshuise uit te brei ten einde meer studente te kan akkommodeer. Ons bied n omvattende verskeidenheid tutor- en mentorskapprogramme en vorderingsmonitering aan ons studente, asook n gesondheids- en beradingsdiens op die kampus. Die uitnemende slaagsyfers van ons modules en die voltooiingsyfers van ons grade is n verdere bewys van die toegewydheid en harde werk van ons studente en die sukses van ons ondersteuningstelsels vir studente. Studente in Gesondheidswetenskappe het ook die geleentheid om n vol en gebalanseerde studentelewe te ervaar met die wye verskeidenheid sosiale, sport-, kulturele, leierskap- en gemeenskapsuitreik-aktiwiteite wat tot hul beskikking is. Ons sien daarna uit om jou in 2017 as n student van die Fakulteit Gesondheidswetenskappe te verwelkom. Prof Eric Buch Dekaan: Fakulteit Gesondheidswetenskappe

3 Universiteit van Pretoria iii Inhoud Boodskap van die Dekaan...ii Voorgraadse programme...1 Algemene oorsig...3 Skool vir Geneeskunde...4 Skool vir Tandheelkunde...7 Skool vir Gesondheidsorgwetenskappe...8 Algemene inligting...13 UP Opedag...13 Uitgegee deur die Departement Toelating en Studenteadministrasie in Desember Kommentaar en navrae kan gerig word aan of tel: +27 (0) Vrywaring: Hierdie publikasie bevat inligting oor reëls, beleide, onderriggelde, kurrikula en programme van die Universiteit van Pretoria soos van toepassing ten tye van die druk daarvan. Wysigings aan of bywerking van die inligting in hierdie publikasie mag van tyd tot tyd sonder vooraf kennisgewing geskied. Die akkuraatheid, betroubaarheid of geldigheid van die inligting vervat in hierdie publikasie word derhalwe nie deur die Universiteit op enige gegewe tydstip gewaarborg nie en is onderhewig aan verifiëring. Die gebruiker word versoek om deurgaans die korrektheid van die gepubliseerde inligting met die Universiteit te bevestig. Versuim om dit te doen, sal nie aanleiding gee tot enige eis of aksie van enige aard teen die Universiteit deur enige party hoegenaamd nie.

4 1 Fakulteit Gesondheidswetenskappe 2016/17 Voorgraadse programme Belangrike inligting oor voorgraadse programme vir 2017 Die volgende persone sal vir toelating oorweeg word: n kandidaat wat in besit is van n sertifikaat wat deur die Universiteit beskou word as ekwivalent aan die vereiste Graad 12-sertifikaat met universiteitsvrystelling, n kandidaat wat aan n ander tersiêre instelling gegradueer het of aan wie die status van n gegradueerde van sodanige instelling toegeken is, en n kandidaat wat aan n ander fakulteit aan die Universiteit van Pretoria gegradueer het. Lewensoriëntering word van die TPT-berekening uitgesluit. Graad 11 se finale-eksamenuitslae, die Nasionale Normtoets (National Benchmark Test NBT) se uitslae en n Toegevoegdewaardevraelys sal vir die voorlopige toelating van voornemende studente gebruik word. Toelating tot Gesondheidswetenskappeprogramme is onderhewig aan n keuringsproses. Aansoeke van internasionale kandidate wat van lande kom met mediese opleidingskole sal nie oorweeg word vir plasing in die MBChBprogram nie, behalwe waar interregeringssamewerkingsooreenkomte in plek is. Die som van die uitslae van ses vakke, waaronder Engels, Wiskunde en Fisiese Wetenskap, word vir keuringsdoeleindes bereken. Kandidate, neem asseblief kennis dat jou TPT nie met meer as twee punte mag daal in die uitslae van jou finale skooleksamen nie ten einde jou voorlopige toelating te behou. NEEM ASSEBLIEF KENNIS dat voldoening aan die minimum toelatingsvereistes nie noodwendig toelating tot enige program in hierdie Fakulteit waarborg nie. Navrae oor keuring kan gerig word aan healthapplications@up.ac.za. Universiteit van Pretoria se webwerf Nasionale Normtoets se webwerf Minimum toelatingsvereistes vir 2017 Programme Prestasievlak Engels Wiskunde Fisiese Wetenskap TPT Skool vir Tandheelkunde BChD Baccalaureus Chirurgiae Dentium [5 jaar] 5 3 C C 5 3 C C 5 3 C C 35 is gebaseer op Graad 11-uitslae, die NBT en die Toegevoegdewaarde-vraelys. Beroepe: Tandartse, spesialiste, akademici en navorsers BMH Baccalaureus in Mondhigiëne [3 jaar] 4 3 D D 4 3 D D 4 3 D D 25 is gebaseer op Graad 11-uitslae en die NBT. Beroep: Mondhigiëniste Skool vir Gesondheidsorgwetenskappe BDieetkunde Baccalaureus in Dieetkunde [4 jaar] 4 3 D D 4 3 D D 4 3 D D 25 is gebaseer op Graad 11-uitslae, die NBT en die Toegevoegdewaarde-vraelys. Beroep: Dieetkundiges BNurs Baccalaureus in Verpleegkunde [4 jaar] 4 3 D D is gebaseer op Graad 11-uitslae, die NBT, die Toegevoegdewaarde-vraelys en n onderhoud. Engels, Wiskunde, Fisiese Wetenskap, Biologie en Fisiologie is nie verpligte vakke nie, maar wel aanbevole vakke. Beroepe: Algemene verpleegkunde, psigiatriese verpleegkunde, verloskunde (vroedvroue) en gemeenskapsverpleegkunde BArb Baccalaureus in Arbeidsterapie [4 jaar] 4 3 D D 4 3 D D 4 3 D D 30 is gebaseer op Graad 11-uitslae, die NBT en die Toegevoegdewaarde-vraelys. Beroepe: Arbeidsterapeute, akademici en navorsers

5 Universiteit van Pretoria 2 Voorgraadse programme Minimum toelatingsvereistes vir 2017 Programme Prestasievlak Engels Wiskunde Fisiese Wetenskap TPT BFisio Baccalaureus in Fisioterapie [4 jaar] 4 3 D D 4 3 D D 4 3 D D 30 is gebaseer op Graad 11-uitslae, die NBT en die Toegevoegdewaarde-vraelys. Beroepe: Fisioterapeute, akademici en navorsers BRad Baccalaureus in Radiografie [3 jaar] 4 3 D D 4 3 D D 4 3 D D 25 is gebaseer op Graad 11-uitslae, die NBT en die Toegevoegdewaarde-vraelys. Daar word aanbeveel dat voornemende studente vir BRad Lewenswetenskappe en Fisiologie neem, maar hierdie vakke is nie verpligtend nie. Beroepe: Radiografiste, akademici en navorsers Skool vir Geneeskunde BKliniese Mediese Praktyk Baccalaureus in Kliniese Mediese Praktyk [3 jaar] 4 3 D D 4 3 D D - 25 is gebaseer op Graad 11-uitslae en die Biografiese-inligtingsvorm. Fisiese Wetenskap en Lewenswetenskappe is nie verpligte vakke nie, maar sal tot voordeel van kandidate strek vir keuringsdoeleindes. Beroepe: Kliniese mediese praktisyns, akademici en navorsers MBChB Baccalaureus in Geneeskunde en Snykunde [6 jaar] 5 3 C C 5 3 C C 5 3 C C 35 is gebaseer op Graad 11-uitslae, die NBT en die Toegevoegdewaarde-vraelys. Beroepe: Algemene mediese praktisyns, spesialiste (na nagraadse opleiding) Engels Wiskunde Fisiese Wetenskap of Lewenswetenskappe Programme BSportSci (Sportwetenskap) Baccalaureus in Sportwetenskap [3 jaar] 5 3 C C 5 3 C C 5 3 C C 30 is gebaseer op Graad 11-uitslae, die NBT en die Toegevoegdewaarde-vraelys. Let wel: Aan die einde van die tweede jaar vind keuring plaas op grond van akademiese meriete en studente sal voortgaan in n spesifieke Sportwetenskap-kurrikulum of Biokinetika-kurrikulum. Ongeveer 20 plekke is beskikbaar. Hierdie program duur vir twee jaar en keuring is gebaseer op akademiese meriete. Beroepe: Sportwetenskapnavorsing en -onderrig, biokinetika en die sport- en fiksheidsbedryf Hoër Sertifikate in Sportwetenskap: Afrikaans of Engels HSert (Sportwetenskap) (Sportafrigting) [1 jaar] HSert (Sportwetenskap) (Onderwys) [1 jaar] 4 3 D D 15 SA 30 September Nie-SA 30 September is gebaseer op Graad 11-uitslae en Graad 12-sportprestasies. Let asseblief daarop dat aansoekers wat deur een van die amptelike UP-sportklubs genomineer is, voorkeur sal geniet vir toelating tot die Hoër Sertifikaat in Sportwetenskap. Beroepe: Sportafrigting, en die sport- en fiksheidsbedryf TPT TPT

6 3 Fakulteit Gesondheidswetenskappe 2016/17 Algemene oorsig Algemene oorsig As n internasionale rolspeler wat op gesondheidsorg in Afrika toegespits is, is die visie van die Fakulteit Gesondheidswetenskappe van die Universiteit van Pretoria om gesondheidstandaarde deur kwaliteitonderrig, navorsing en gemeenskapsdiens te handhaaf. Sedert die Fakulteit se totstandkoming het dit tot een van die grootste opleidingsinstansies in gesondheidswetenskappe in die land ontwikkel, wat tans met n studentekorps van meer as vooren nagraadse studente spog. Die bekwame dosente en personeel van die Fakulteit is verantwoordelik vir die toepaslike professionele voorgraadse opleiding van dokters, kliniese praktisyns, tandartse, mondhigiëniste, dieetkundiges, verpleegkundiges, arbeidsterapeute, biokinetici, fisioterapeute, radiografiste en sportwetenskaplikes, asook vir talle nagraadse kwalifikasies. Die kurrikula word gereeld bygewerk in ooreenstemming met veranderinge in die opleidingsmetodologie vir gesondheidswetenskappe wêreldwyd en in Suid-Afrika. Gemeenskapsgebaseerde onderrig is n belangrike en integrale deel van al die programme. Die Fakulteit verseker dat studente as deel van n multidissiplinêre span opgelei word in tersiêre en sekondêre gesondheidsorgfasiliteite. Studente word ook aan primêre gesondheidsorg in die landelike en voorheen benadeelde gebiede in Suid-Afrika blootgestel. Die Fakulteit Gesondheidswetenskappe rus studente dus toe met die nodige kennis, professionaliteit en vaardighede om hoop en n beter lewenskwaliteit aan gemeenskappe te bied. Deur middel van die Fakulteit se unieke kurrikula vir die verskeie mediese, tandheelkundige en gesondheidsorgvakgebiede, asook in sportwetenskap, kan gegradueerdes n verskil in die lewens van ander mense maak. Kliniese opleiding vind plaas in hospitale, klinieke en in die gemeenskap. Kliniese opleiding hou die risiko in van blootstelling aan infeksie en die misdaadsituasie in die land. Die Universiteit van Pretoria het egter maatreëls ingestel en duidelike instruksies vir die beskerming van sy studente verskaf. Kliniese opleiding noodsaak studente om hul eie vervoer te voorsien, en hulle kan nie vir alle reisonkostes vergoed word nie. Studente wat by hierdie Fakulteit aansluit, word deel van n nuwe generasie gesondheidspesialiste. Die Fakulteit volg n uitkomsgebaseerde en probleemgeoriënteerde benadering tot opleiding n unieke manier om die gesondheid van pasiënte te benader. Dit is moontlik dat studente by die toepaslike professionele liggaam, die Raad vir Gesondheidsberoepe van Suid-Afrika (Health Professions Council of South Africa HPCSA) of die Suid- Afrikaanse Verpleegkunderaad (South African Nursing Council SANC), sal moet registreer om hulle in staat te stel om aan praktiese kliniese opleiding deel te neem. Hierdie beheerliggame het bepaalde vereistes met betrekking tot akademiese kennis en kliniese ervaring, en die standaarde waaraan voldoen moet word. Sodra studente gegradueer het en hul grade verwerf het, sal hulle herregistreer om professionele status en die reg om te praktiseer te ontvang. Nasionale Normtoets (National Benchmark Test NBT) Die NBT is verpligtend vir alle skoolverlaters wat aansoek doen vir enige program in die Fakulteit Gesondheidswetenskappe. Die NBT bepaal akademiese gereedheid vir universiteitstudie, en die uitslae hiervan help universiteite om die finale skool-eksamen uitslae soos die Nasionale Senior Sertifikaat (NSS) te interpreteer. Die uitslae dui ook aan of n student bykomende akademiese ondersteuning mag benodig, en dit help ook met die ontwikkeling van kurrikula. LET WEL: Die NBT-uitslae steun die eksamenuitslae van die finale jaar, maar vervang of dupliseer dit nie. Die Fakulteit moet jou NBT-uitslae nie later nie as die einde van Julie ontvang. Elke toets vereis dat jy dit wat jy al geleer het (dit wat jy weet en kan doen) toepas. Die toetse is vertroulik. Geen vorige vraestelle is beskikbaar nie. Daar is geen studiemateriaal wat jy kan gebruik om vir die toetse voor te berei nie. Studente met gestremdhede word by toetssentrums geakkommodeer. Die NBT bestaan uit twee komponente: -- AQL: Akademiese Geletterdheid en Kwantitatiewe Geletterdheid wat gekombineer is. Kwantitatiewe Geletterdheid is soortgelyk aan wiskundige geletterdheid. Die AQL-toets is ook in Braille vertaal. -- MAT: Wiskunde n Volledige skedule met al die toetssentrums is op die NBTwebwerf hieronder beskikbaar. As daar geen toetssentrums naby jou is nie, kan jy n e-pos stuur aan nbt@uct.ac.za en reëlings sal vir jou getref word. Registrasieproses Teken aan op Klik op Register to write. Volg die instruksies. (Jy kan ook met elektroniese toestelle en jou slimfoon registreer.) Jy sal n kennisgewing van jou registrasie en n EasyPaystrepieskode ontvang sodra jy die stuurknoppie druk. Laai die kennisgewing af, druk dit uit en neem dit saam met jou as jy na die EasyPay-betaalpunte gaan (daar is n lys van die betaalpunte op die onderstaande webwerf beskikbaar, maar jy kan ook direk na gaan om jou transaksie daar te voltooi). Hou afskrifte van die bewys van registrasie en die bewys van betaling en neem dit saam met jou na die toetssentrum op die dag wat jy skryf. LET WEL: Jy moet die NBT skryf op die DATUM en by die toetssentrum waarvoor jy geregistreer het. As jy om enige rede laat is of jou geskeduleerde toetssessie misloop, moet jy weer registreer en weer betaal. Slegs die uitslae van toetse wat betaal is, word vrygestel. NBT-kontakinligting Tel +27 (0) E-pos nbt@uct.ac.za Webwerf

7 Universiteit van Pretoria 4 Skool vir Geneeskunde Skool vir Geneeskunde MBChB Baccalaureus in Geneeskunde en Snykunde Ten einde toegelaat te word om as n dokter te registreer, moet n student die MBChB-graad verwerf, gevolg deur n twee jaar lange internskap en een jaar se gemeenskapsdiens. In die mediese beroep is die gesondheid van n pasiënt van primêre belang. Mense wat siek is, word behandel met die doel om hulle weer gesond te maak. Spesiale programme word ontwikkel om die voorkoms of verspreiding van siektes en/of infeksies in die gemeenskap te verhoed. Die bevordering van n gesonde lewenstyl is ook n belangrike verantwoordelikheid van die mediese dokter. Die Universiteit van Pretoria se opleidingsprogram is vergelykbaar met internasionale programme, en volg n probleemgeoriënteerde en uitkomsgebaseerde benadering. Dit word deur die Raad vir Gesondheidsberoepe van Suid-Afrika (Health Professions Council of South Africa HPCSA) geakkrediteer en die hoë opleidingstandaard word plaaslik en internasionaal erken. Ons het uitruilooreenkomste tussen die Skool vir Geneeskunde en soortgelyke fakulteite by oorsese universiteite. Geneeskunde is nie net n beroep nie; dit is n roeping. Voornemende studente moet dus bereid wees om in diens van die mensdom te staan in al sy fasette. Die mediese professie vereis hoë etiese standaarde in die praktyk en die beroep stel groot fisiese en psigiese eise aan praktisyns. Slegs driehonderd (300) eerstejaarstudente word jaarliks tot die MBChB-program toegelaat. Die Universiteit oorweeg skoolverlaters en diegene wat voorheen studente aan n tersiêre instelling was. NEEM ASSEBLIEF KENNIS dat voldoening aan die minimum toelatingsvereistes nie toelating tot die MBChB-program waarborg nie. Voorlopige keuring is gebaseer op finale Graad 11-uitslae, die NBT en die Toegevoegdewaarde-vraelys. Kandidate moet voldoen aan die minimum toelatingsvereistes op bladsy 2. Daar word van kandidate verwag om hul Graad 11- gemiddeld (waarvolgens hulle voorlopig toegelaat is) in die finale skool-eksamen te behou en om te verseker dat die TPT nie met meer as twee punte daal nie. Navrae oor keuring kan gerig word aan healthapplications@up.ac.za. Voorlopige keuring geskied streng volgens die merietelys. Enige plekke wat vakant raak, word gevul deur aansoekers op die waglys. LET WEL: Op grond van die uitslae van die eerste semestereksamen, kan verdere plekke toegeken word aan nuwe eerstejaarstudente wat vir n program in Biologiese Wetenskappe-studierigtings aan die Universiteit van Pretoria geregistreer is. Duur van die program Jaar 1 tot die middel van jaar 5: Teoretiese, praktiese en kliniese opleiding in geneeskunde dissiplines. Tweede helfte van jaar 5 en jaar 6: Studente-internskappe, waartydens alle kliniese opleiding rondom pasiënte in hospitale en klinieke plaasvind. Hierna is daar twee jaar se internskappe: kliniese diens onder toesig in geakkrediteerde hospitale regoor die land, en n verpligte jaar van gemeenskapsdiens. Hierdie drie jaar is nie deel van die Universiteitsopleiding nie. Gemeenskapsbetrokkenheid: Die kurrikulum is saamgestel met die uitgangspunt dat opleiding deur middel van dienslewering moet geskied. In hierdie konteks lewer die Fakulteit n omvattende diens aan die breë gemeenskap deur middel van verskeie uitreikprogramme. Studente word reeds tydens voorgraadse studie by hierdie programme betrek. Die Daspoort-kliniek in Pretoria is n voorbeeld van n plek wat dien as diensopleidingsplatform waar studente kan werk. Navorsing: Vooruitgang in die geneeskunde steun op aktiewe navorsing in die onderskeie spesialisgebiede. Gevolglik word voor- en nagraadse studente opgelei in n navorsingsomgewing wat n ondersoekgebaseerde benadering tot leer- en navorsingsvaardighede bevorder. Loopbaangeleenthede MBChB stel gegradueerdes in staat om as mediese praktisyns te registreer nadat hulle hul internskappe (twee jaar) en gemeenskapsdiens (een jaar) voltooi het. Daarna mag hulle as algemene praktisyns (mediese dokters) in hospitale of algemene privaat praktyke praktiseer, navorsing doen en/of voorgraadse studente onderrig. Verdere nagraadse studie is nodig om n spesialis te word. Spesialiste kan in hospitale en/of privaat praktyke werk, of loopbane in akademiese geneeskunde volg. Dit sluit kliniese praktyk, onderrig en navorsing in. E-pos healthapplications@up.ac.za BKliniese Mediese Praktyk Baccalaureus in Kliniese Mediese Praktyk n Kliniese praktisyn is n professionele lid van die gesondheidsorgspan met die nodige kennis en vaardighede om n wesenlike bydrae te maak tot die distriksgesondheidstelsel van Suid-Afrika. Kliniese praktisyns werk onder leiding van n gekwalifiseerde mediese praktisyn, en funksioneer dikwels in die Departement Huisartskunde. Spanwerk en kommunikasievaardighede is van kritiese belang, en kliniese praktisyns moet ook goeie kliniese vaardighede hê om algemene kwale en siektes te bestuur. Kliniese praktisyns tree ooreenkomstig met hul opleiding en ervaring op as mediese assistente vir toesighoudende dokters in die uitvoering van alle praktykverwante aktiwiteite, insluitende die aanvra van diagnostiese, terapeutiese en ander mediese dienste. Kliniese praktisyns kan as lede van die gesondheidsorgspan in distriksgesondheidsdienste werk. Om as n kliniese praktisyn by die Raad vir Gesondheidsberoepe van Suid-Afrika (Health Professions Council of South Africa HPCSA) te registreer, moet n student die Baccalaureus in Kliniese Mediese Praktyk verwerf. Potensiële werkgewers sluit die Departement van Gesondheid, die Suid-Afrikaanse Militêre Gesondheidsdiens en nie-regeringsorganisasies in. Tagtig (80) studente word jaarliks gekeur op grond van akademiese meriete. Voorkeur word gegee aan studente wat deur die provinsiale gesondheidsdepartemente in die onderskeie provinsies in Suid- Afrika genomineer word. Hierdie kandidate moet ook aan die minimum toelatingsvereistes van hierdie program voldoen. is gebaseer op akademiese meriete en die Biografiese-inligtingsvorm. Kandidate moet aan die minimum toelatingsvereistes op bladsy 2 voldoen.

8 5 Fakulteit Gesondheidswetenskappe 2016/17 Skool vir Geneeskunde Duur van die program Die BKliniese Mediese Praktyk-graad, en is n drie-jaarlange voltydse program met n sterk fokus op dienslewering. Die opleiding is prakties en pasiëntgeoriënteerd, en kan soos volg opgesom word: Jaar 1: Teoretiese, praktiese en kliniese opleiding vind grootliks op die Prinshofkampus plaas. Die fokus is op die verkryging van pasiënte se mediese geskiedenis, die bemeestering van fisiese ondersoektegnieke en basiese navorsingstudies. Studente word in verskeie hospitale in Gauteng geplaas. Jaar 2 en 3: Kliniese praktiese opleiding vind in verskeie hospitale in Gauteng, Mpumalanga en ander provinsies plaas. Kliniese vaardighede word verwerf deur diensopleiding in hospitale, klinieke en gemeenskapskontekste. Tel +27 (0) E-pos healthapplications@up.ac.za BSportSci (Sportwetenskap) Baccalaureus in Sportwetenskap Sportwetenskap verwys na die vakgebied waarin wetenskaplike beginsels toegepas word in sport met die implisiete doel om prestasie te verbeter. Dit kan die assessering van atlete, die samestelling van profiele, en moniterings- en kondisioneringselemente insluit, sowel as spesialistoepassings in die analise-, voorbereiding-, herstel- en kompetisiesfere in sport. In die afgelope dekade of twee is die fondasie van hierdie elemente, wat op presiese en streng wetenskaplike metodologieë in die opleiding van sportwetenskaplike wêreldwyd gebaseer is, gevestig. Biokinetika is die gesondheidsprofessie wat te doen het met die bevordering van gesondheid, die instandhouding van fisiese vermoëns en finalefase-rehabilitasie deur middel van individuele wetenskaplike assessering en die voorskryf van rehabiliterende oefenprogramme. Die professie het ten doel om individuele persone se fisiese welstand en lewenskwaliteit te verbeter deur die aktiewe behandeling of voorkoming van akute of chroniese kwale. Alle mense oud en jonk, gesond of oorgewig baat by die voorkomende en rehabiliterende uitwerking van effektiewe, voorgeskrewe oefenprogramme. n Maksimum van eenhonderd (100) eerstejaarstudente word jaarliks gekeur. Voorlopige keuring is gebaseer op finale Graad 11-uitslae, die NBT en die Toegevoegdewaarde-vraelys. Kandidate moet ook aan die minimum toelatingsvereistes op bladsy 2 voldoen. Verder word daar van kandidate verwag om hul Graad 11-gemiddeld (waarvolgens hulle voorlopig gekeur is) in die finale skool-eksamen te behou, en om te verseker dat hul TPT nie met meer as twee punte daal nie. Navrae oor keuring kan gerig word aan healthapplications@up.ac.za. Wat behels die program? Die Afdeling Biokinetika en Sportwetenskap bestudeer die mens in beweging. BSportSci word as n voltydse graad aangebied wat fokus op die studie van menslike beweging, biokinetika en sport vanuit die perspektief van die natuurlike wetenskappe. BSportSci (Sportwetenskap) is n drie jaar lange voltydse program wat geleentheid gee vir spesialisasie in Biokinetika aan die einde van die tweede studiejaar. Die eerste twee studiejare bestaan uit n generiese kurrikulum wat deur alle BSportSci (Sportwetenskap)-studente gevolg word. Hierdie kurrikulum sluit die basiese en toegepaste wetenskappe van die menslike liggaam in. Aan die einde van die tweede jaar word n keuse aan studente gebied: Hulle kan óf voortgaan met Sportwetenskap en n jaar later gradueer (drie jaar altesaam), óf aansoek doen vir keuring vir BSportSci (Biokinetika), wat n verdere twee jaar se studie vereis. Na voltooiing van hul derde studiejaar kan die BSportScistudente in die sportbedryf begin werk, of hulle kan met nagraadse studie voortgaan ( n BScHons in Sportwetenskap) of vir die Nagraadse Sertifikaat in Onderwys (NGSO) inskryf. Die eerste jaar se Biokinetika-internskap word gelyktydig met derdejaarstudie gedoen. Biokinetika-studente gaan dan aan met die BScHons in Biokinetika, wat gelyktydig met die tweede jaar se internskap gedoen word. In 2015 sal ek my honneursgraad in Biokinetika voltooi. In 2010 het ek my voorgraadse studie in Sportwetenskap aangepak en my honneursgraad in Sportwetenskap in 2014 voltooi. My voorgraadse studie het my die geleentheid gebied om met TuksSokker saam te werk en ondervinding op te doen, veral in opleiding, my grootste belangstelling. Die honneursgrade is gebaseer op teorie en praktyk, terwyl Sportwetenskap die geleentheid bied om met verskeie Tukssportspanne saam te werk en betrokke te raak by kondisionering, sowel as betrek te word by die toetsing van atlete van diegene wat sport as ontspanning beoefen tot elite-atlete. Biokinetika is toegespits op die voorkoming en bestuur van chroniese toestande tot rehabilitering van sportbeserings. In die loop van die jaar verkry studente ervaring deur in verskillende Biokinetiese sentrums werk. Ervaring word opgedoen deur met spesiale bevolkingskategorieë en die rehabilitasie van die breë publiek en elite-atlete te werk. Ek is dankbaar dat my loopbaan my die geleentheid sal bied om n verskil in mense se lewens te maak. Gary Miller

9 Universiteit van Pretoria 6 Skool vir Geneeskunde Wat kan studente met hierdie kwalifikasie doen? Hierdie graad verskaf aan praktisyns in beide professies die nodige teoretiese kennis, praktiese voorbereiding en persoonlike ontwikkeling om te voldoen aan die eise van n loopbaan as biokinetikus of sportwetenskaplike. Die fiksheids-, sport-, gesondheids- en ontspanningsbedrywe is die grootste werksverskaffers. Hierdie program stel studente in staat om entrepreneursgeleenthede te skep of om loopbane in die biokinetika-, sport en/of gesondheid- en fiksheidsbedrywe te volg. n Biokinetikus is n kliniese oefenspesialis wat in n professionele verbintenis met gesondheid en geneeskunde funksioneer, en erken word deur die Raad vir Gesondheidsberoepe van Suid-Afrika (Health Professions Council of South Africa HPCSA) en by die Raad moet registreer. Nadat hulle gekwalifiseer het, moet studente by die HPCSA as gekwalifiseerde biokinetici registreer om in die gesondheids- en mediese gemeenskap te werk. Werksgeleenthede vir biokinetici is beskikbaar by privaat praktyke, multidissiplinêre mediese klinieke, hospitale, sportsentrums, skole, tehuise vir bejaardes en korporatiewe maatskappye. Indien jy voortgaan met nagraadse studie, kan jy ook n akademikus of navorser word. Die BSportSci (Sportwetenskap)-kwalifikasie rus studente toe om tot die professionele sport- en/of fiksheidsbedrywe toe te tree. Onder die loopbaangeleenthede in hierdie bedryf is sportwetenskaplikes vir n atleet of spesifieke sportspan, fiksheidsinstrukteurs vir n sportspan of individu, operateurs in sporttoerisme, n spanbestuurder of agent vir atlete, n tegniese sportadviseur, n fiksheidsentrumbestuurder, n sportjoernalis of sportorganiseerders by skole of soortgelyke organisasies. Indien jy voortgaan met nagraadse studie, kan jy n akademikus, dosent of navorser word. Gemeenskapsdiens Gemeenskapsgebaseerde opleiding is n integrale deel van die Sportwetenskap- en Biokinetika-kurrikula. Studente word geleer hoe om met verskeie gemeenskappe te werk om hulle te leer en geleenthede te verskaf om hul lewens deur beweging en sport te verbeter. Gemeenskapsprogramme word saam met die kursusmateriaal aangebied om te verseker dat navorsing, onderrig en gemeenskapsverantwoordelikheid n goed toegeruste professionele praktisyn vorm. Navorsing en nagraadse studie n Proaktiewe navorsingsomgewing word op voor- en nagraadse vlak in die Afdeling aangemoedig. Navorsing is n noodsaaklike hoeksteen vir die ontwikkeling van die professie. Navorsing moedig studente aan om onverklaarde verskynsels te ondersoek, ontdek en versigtig te bestudeer ten einde nuwe kennis te genereer en maniere te vind om biokinetika- en sportpraktyke te verbeter. Studente word reeds op voorgraadse vlak geleentheid gegee om kennis te maak met die teoretiese navorsingsproses deur onderrig, asook die toepassing daarvan onder leiding van personeellede. Hul navorsingsvaardighede word verder ontwikkel in die derde en vierde studiejare, wanneer n volledige navorsingsprojek beplan en uitgevoer moet word. Hierdie fundamentele ontwikkeling van navorsingsvaardighede is noodsaaklik vir studente wat met meesters- en doktorale studies wil voortgaan. Die verwerwing van die BSportSci (Sportwetenskap)-graad kan lei tot verdere studie op honneurs-, meesters- en doktorale vlak in sportwetenskap, of op meestersen doktorale vlak in die geval van biokinetika. Dr PS Wood Tel +27 (0) E-pos paola.wood@up.ac.za Hoër Sertifikate: HSert (Sportwetenskap) (Sportafrigting) en HSert (Sportwetenskap) (Onderwys) Beide die Hoër Sertifikate word voltyds oor n tydperk van n jaar in Afrikaans en Engels aangebied, maar die verlengde program gee studente die geleentheid om die program oor twee jaar te voltooi. Die HSert (Sportwetenskap) (Sportafrigting)-program stel studente bekend aan die grondbeginsels van afrigting, terwyl die HSert (Sportwetenskap) (Onderwys)-program studente laat kennis maak met die grondbeginsels van onderwys in skole. Hierdie programme verskaf die grondslag vir kennis- en vaardigheidsontwikkeling om atleetprestasie deur middel van fisiese assessering, oefening en kondisionering te verbeter. Dit het ten doel om studente grondige agtergrondkennis te gee oor afrigting en om hulle in staat te stel om suksesvol in n interdissiplinêre omgewing te funksioneer terwyl hulle daaraan werk om die prestasie van individuele atlete en sportspanne te verbeter. Die programme sluit lesings, tutorsessies, navorsing en praktiese sessies in. Studente ontvang onderrig en opleiding van leiers op die gebied van sportwetenskap en -afrigting. Hierdie sertifikate verskaf buigsame leergeleenthede en -strategieë, wat n kombinasie van lesings, en tutor- en praktiese sessies insluit waartydens probleemoplossing, gevallestudies en kliniese argumentering behandel word. Studente ontvang geleenthede vir praktiese opleiding ten opsigte van die toepassing van beginsels van sportafrigting en sportwetenskap wat in hul teoretiese lesse behandel is. Voorkeur word gegee aan aansoekers wat deur UP se sportklubs genomineer word om vir een van die Hoër Sertifikate in Sportwetenskap in te skryf. n Maksimum van eenhonderd-en-sestien (116) eerstejaarstudente word jaarliks gekeur op grond van akademiese meriete (wat 55% tel) en sportprestasies (wat die oorblywende 45% opmaak). Kandidate moet ook aan die minimum toelatingsvereistes op bladsy 2 voldoen. Navrae oor keuring kan gerig word aan healthapplications@up.ac.za. Wat kan studente met hierdie kwalifikasie doen? Hierdie programme sal individuele atlete wat op nasionale en internasionale vlak aan sport deelneem, in staat stel om n HSert (Sportwetenskap)-kwalifikasie te voltooi terwyl hulle voortgaan met hul oefening en deelname aan die sport van hul keuse. Die doel van die program is om studente bloot te stel aan afrigting, en administratiewe en bewegingsvaardighede, wat hul sal help om n loopbaan in sportafrigting te volg. Die programme lewer studente wat gekwalifiseerd is om in n interdissiplinêre omgewing (bv n sportklub, in sportafrigting en -onderwys) te werk. Na voltooiing van hierdie programme, kan studente wat verder wil studeer, aansoek doen vir die BA (Sport- en Vryetydstudies), n BEd-graad of die BSportSci (Sportwetenskap) mits hulle aan die akademiese kriteria voldoen. (Verwys na die relevante fakulteitstabelle by Dr F Rossouw Tel +27 (0) E-pos france.rossouw@up.ac.za

10 7 Fakulteit Gesondheidswetenskappe 2016/17 Skool vir Tandheelkunde Skool vir Tandheelkunde BChD Baccalaureus Chirurgiae Dentium Die Skool vir Tandheelkunde aan die Universiteit van Pretoria geniet groot nasionale en internasionale erkenning vir die kwaliteit van die onderrig, navorsing, pasiëntesorg en betrokkenheid by gemeenskapsgebaseerde projekte. Die gegradueerdes van hierdie Skool maak wesenlike bydraes tot die tandheelkundepraktyk, gesondheidsbestuur, statutêre rade en akademiese opleiding. Die tipiese werksdag van n tandarts bestaan uit die diagnose en behandeling van mond- en tandsiektes. Dit sluit die herstel van karieuse tande, die vervanging van afwesige tande deur middel van kroon- en brugterapie, en die behandeling van siektes van die tandvleis in. Die tandarts is ook verantwoordelik vir chirurgiese prosedures wat met die mond te doen het, die belyning van skewe tande, pynverligting, wortelkanaalbehandeling van tande, en die beplanning van tandheelkundige behandeling in oorleg met die pasiënt. Tandheelkunde bied talle uitdagings en stimulerende geleenthede vir mans en vroue. Met die uitsluitlike doel om mondgesondheidsorg van n hoë kwaliteit aan die pasiënt te lewer, werk die tandarts in spanverband saam met al die ander rolspelers van die mondgesondheidspan. Die totale gesondheid van die individu vorm die grondslag van die opleiding van elke tandarts. Tandartse moet akademies begaafd wees én oor handvaardigheid beskik. Sewentig (70) eerstejaarstudente word jaarliks vir die BChD gekeur. Voorlopige keuring is gebaseer op finale Graad 11-uitslae, die NBT en die Toegevoegdewaarde-vraelys. Kandidate moet ook aan die minimum toelatingsvereistes op bladsy 2 voldoen. Daar word van kandidate verwag om hul Graad 11-gemiddeld (waarvolgens hulle voorlopig gekeur is) in die finale skooleksamen te behou, en om te verseker dat hul TPT nie met meer as twee punte daal nie. Navrae oor keuring kan gerig word aan healthapplications@up.ac.za. LET WEL: Op grond van die uitslae van die eerste semestereksamen, word n verdere vyf plekke aan nuwe eerstejaarstudente toegeken wat vir n program in Biologiese Wetenskappestudierigtings aan die Universiteit van Pretoria geregistreer is. Beskrywing van die program Ten einde tred te hou met die moderne vereistes vir tersiêre opleiding, volg die Skool vir Tandheelkunde n probleemgebaseerde, student-georiënteerde en gemeenskapsgerigte kurrikulum met n vertikale en horisontale integrasie van vakke. Die graad in Tandheelkunde is voltyds en strek oor n tydperk van vyf jaar, gevolg deur een jaar se verpligte gemeenskapsdiens. Studente word reeds in die tweede semester van hul eerste studiejaar aan kliniese tandheelkunde blootgestel. Loopbaangeleenthede Daar is loopbaangeleenthede vir tandartse in die privaat praktyk, die Suid-Afrikaanse Nasionale Weermag, openbare hospitale en klinieke, gesondheidsorgorganisasies en in akademiese instellings. Tel +27 (0) E-pos healthapplications@up.ac.za BMH Baccalaureus in Mondhigiëne Die BMH is n driejaar-graadprogram waartydens studente opleiding in basiese mediese en tandheelkundige vakke ontvang. Teoretiese en praktiese onderrig word van die eerste studiejaar af geïntegreer. In die eerste helfte van die eerste jaar vind opleiding in die pre-kliniese opleidingsaal plaas. Daarna behandel studente pasiënte in die goed toegeruste Hospitaal vir Tanden Mondheelkunde. Hierdie werk behels die motivering van pasiënte, voorligting oor mondhigiëne, polering en skalering van tande, flouriedaanwendings en die behandeling van tande met fissuurseëlmiddels. Mondhigiëne behels die instandhouding en versorging van die tande en tandvleis. Die mondhigiënis speel n belangrike rol in die evaluering, beplanning, voorkoming en behandeling van siektes van die mondholte. Sodoende word n voorkomende, opvoedkundige en terapeutiese diens aan individuele pasiënte en die gemeenskap gelewer. Benewens sy of haar rol as student, moet die aspirantmondhigiënis ook ander take verrig. Deelname aan die Nasionale Tandheelkunde-gesondheidsweek en navorsingsprojekte, en besoeke aan kleuterskole en spesiale skole vir die bevordering van mondgesondheid is deel hiervan. Gemeenskapsdiens behels besoeke aan die Steve Biko Akademiese Hospitaal se spinale eenheid en kindersale, en n besoek aan die Phelophepagesondheidstrein, vanwaar n tandheelkundige diens aan die gemeenskap gelewer word. Mondhigiëne is n uitstekende beroepskeuse, veral vir diegene wat hul werksdae volgens hul eie behoeftes wil beplan. Dit is n uitdagende beroep met n hoë mate van werksbevrediging en sekuriteit, asook n goeie inkomste. Mondhigiëniste vervul n baie belangrike rol in die moderne samelewing. Hulle word opgelei om mense in te lig oor die handhawing van goeie mondhigiëne. n Groot deel van hulle dagtaak word gewy aan die uitvoering van voorkomende behandelingsprosedures. Aangesien mondhigiëniste baie met mense werk, is dit noodsaaklik dat hulle goeie interpersoonlike vaardighede, n spontane geaardheid en baie geduld moet hê. Bowenal moet hulle goed kan kommunikeer, verantwoordelikheid kan aanvaar en uitdagings die hoof kan bied. Vyf-en-twintig (25) eerstejaarstudente word jaarliks vir die BMH gekeur. Die program in mondhigiëne is van n hoë akademiese standaard, en dus is akademiese meriete van deurslaggewende belang vir toelating. Voorlopige keuring is gebaseer op akademiese meriete, finale Graad 11-uitslae en die NBT. Kandidate moet ook aan die minimum toelatingsvereistes op bladsy 1 voldoen. Daar word van kandidate verwag om hul Graad 11-gemiddeld (waarvolgens hulle voorlopig gekeur is) in die finale skool-eksamen te behou, en om te verseker dat hul TPT nie met meer as twee punte daal nie. Navrae oor keuring kan gerig word aan healthapplications@up.ac.za. Loopbaangeleenthede n Mondhigiënis kan in n algemene tandheelkundepraktyk werk. Mondhigiëniste word ook toenemend deur spesialiste, byvoorbeeld ortodontiste, periodontiste en prostodontiste, in diens geneem. n Verdere moontlikheid is om vir n organisasie soos die Suid-Afrikaanse Nasionale Weermag of vir ander organisasies in die openbare sektor te werk. Individue wat in akademiese loopbane belangstel, kan as dosente by tersiêre instellings aansluit. Ander moontlike werkgewers is munisipale klinieke en gesondheidsorgorganisasies. Tel +27 (0) E-pos healthapplications@up.ac.za

11 Universiteit van Pretoria 8 Skool vir Gesondheidsorgwetenskappe Skool vir Gesondheidsorgwetenskappe BArb Baccalaureus in Arbeidsterapie Die program in arbeidsterapie is n geïntegreerde en probleemgebaseerde program wat studente se selfvertroue en onafhanklikheid bevorder. Hierdie eienskappe is belangrik vir hul werk in hospitale of klinieke in die gemeenskap in die huidige gesondheidstelsel. Kurrikulum: Mens- en natuurwetenskappe word in die kurrikulum geïntegreer, en dit stel terapeute in staat om mense te help wie se funksionering deur ontwikkelingsagterstande, verwaarlosing, trauma, ongelukke of veroudering geaffekteer is. Leerprogramme: Die BArb-graad is n voltydse graad wat oor vier jaar strek en ontwerp is om aktiewe deelname te fasiliteer. Studente doen regdeur hierdie vier jaar praktiese werk in hospitale, klinieke en ander instellings, asook in ontwikkelende gemeenskappe. Navorsing: Studente kry op voorgraadse vlak die geleentheid om onder leiding van personeel kennis te maak met navorsingsaktiwiteite. Nagraadse studente doen navorsing oor n verskeidenheid onderwerpe wat wissel van die ergonomiese ontwerp van rolstoele tot die uitwerking van musiekaktiwiteite op pasiënte met psigiatriese versteurings. Nagraadse diplomas in Handterapie en Beroepsrehabilitasie word ook deur die Departement Arbeidsterapie aan die Universiteit van Pretoria aangebied. Arbeidsterapie is n gesondheidsorgberoep waar persone met fisiese of psigiese siektes of gestremdhede behandel word deur hulle aan alledaagse aktiwiteite te laat deelneem. Die arbeidsterapeut probeer om pasiënte te help om so normaal moontlik in die samelewing te funksioneer deur die toepassing van spesifieke tegnieke en prosedures. Sodoende word n pasiënt se oorblywende vermoëns optimaal ontwikkel om hulle in staat te stel om betekenisvolle en onafhanklike lewens te lei. Arbeidsterapie word ook toegepas op persone met ontwikkelingsagterstande, leergestremdhede of psigo-sosiale disfunksies. Arbeidsterapie is n stimulerende beroep wat voortdurend uitdagings bied. Dit vereis n aanpasbare, intelligente en praktiese persoon met goeie probleemoplossings- en bestuursvaardighede. n Suksesvolle arbeidsterapeut het goeie interpersoonlike vaardighede en kan verskillende situasies met vindingrykheid benader. Ongeveer sewe-en-veertig (47) eerstejaarstudente word jaarliks gekeur. Voorlopige keuring is gebaseer op finale Graad 11-uitslae, die NBT en die Toegevoegdewaarde-vraelys. Kandidate moet ook aan die minimum toelatingsvereistes op bladsy 1 voldoen. Daar word van kandidate verwag om hul Graad 11-gemiddeld (waarvolgens hulle voorlopig gekeur is) in die finale skooleksamen te behou, en om te verseker dat hul TPT nie met meer as twee punte daal nie. Navrae oor keuring kan gerig word aan healthapplications@up.ac.za. Loopbaangeleenthede Gekwalifiseerde arbeidsterapeute word by die Raad vir Gesondheidsberoepe van Suid-Afrika (Health Professions Council of South Africa HPCSA) geregistreer. Die Professionele Raad vir Arbeidsterapie, Mediese Ortotika/Prostetika en Kunsterapie reguleer die opleiding en werkprestasiestandaarde van arbeidsterapeute. Arbeidsterapeute kan by verskeie instansies werk, byvoorbeeld in hospitale (insluitende psigiatriese hospitale), skole, sentrums vir bejaardes, welsynsorganisasies, munisipale klinieke en gemeenskapsorganisasies. Werksgeleenthede in die privaat As vierdejaar student in Arbeidsterapie, kan ek sonder twyfel sê dat ek die regte loopbaan gekies het. Arbeidsterapie is n opwindende beroep wat my in staat stel om n verskil in mense se lewens te maak, deur hulle die nodige vaardighede vir hul lewenstaak te leer. Die Departement Arbeidsterapie bied n ondersteunende omgewing vir die toepaslike geestelike stimulasie van toekomstige terapeute. Die Departement het n eksperimentele benadering tot leer, wat ons toelaat om te bou op ons teoretiese kennis deur praktiese ondervinding. My studies in Arbeidsterapie is n uitdaging vir my, nie net op n intellektuele vlak nie, maar ook holisties as mens. Dit is nie pret en speletjies nie, maar verg harde werk en toewyding. Arbeidsterapie bied n wye verskeidenheid van moontlike spesialiseringsvelde. Na voltooiing van my graad, wil ek graag as n pediatriese arbeidsterapeut praktiseer. Die bestudering van Arbeidsterapie is n reis en die reis is die beloning. Sajida Mitha

12 9 Fakulteit Gesondheidswetenskappe 2016/17 Skool vir Gesondheidsorgwetenskappe sektor sluit versekeringsmaatskappye en privaat praktyke in. Nagraadse studie bied loopbane in onderwys, die akademiese wêreld of navorsing. Me Maretha Bekker Tel +27 (0) /1326 E-pos BDieetkunde Baccalaureus in Dieetkunde Dieetkunde is n dissipline wat die instandhouding en verbetering van gesondheid deur middel van goeie voeding bevorder. Dit is gebaseer op die biologiese wetenskappe, fisiese gesondheidswetenskappe, menswetenskappe, kommunikasiekunde en bestuurswetenskappe. Dieetkundiges spesialiseer in mensvoeding, en verskaf riglyne oor die voeding van gesonde en siek mense in die openbare en privaat sektore, deur geskikte standaarde vir voedingsorg daar te stel. Dieetkundiges is ook verantwoordelik vir die bestuur van voedseldiensstelsels. Dit word gedoen deur optimale kwaliteitstandaarde daar te stel vir die voeding van groepe soos bejaardes, studente, kinders en hospitaalpasiënte. Dieetkundiges is betrokke by die ontwikkeling van nuwe voedselprodukte wat spesifiek ontwerp is volgens verbruikers se behoeftes. Hulle lewer belangrike insette tydens die formulering van voedselprodukte om die voedingstatus van teikengroepe in die gemeenskap te verbeter. Dieetkundiges onderneem navorsing om die oorsake en optimale behandeling van voedingsverwante probleme te identifiseer. Hulle beplan en implementeer voedingsprogramme en beleidsontwikkelings as deel van gemeenskapsontwikkeling die voedingsboodskap word gebruik om alle Suid-Afrikaners te bemagtig en op te hef. Dieetkundiges verskaf voedingsopleiding aan gemeenskappe wat vatbaar is vir siektes weens n voedingsoormaat of -tekort en moet oor uitgebreide kennis van die gemeenskap se voedingstatus beskik. Dieetkundiges lewer ook n bydrae tot die beplanning van spesiale diëte vir atlete wat op ontspannings- of professionele vlak deelneem. Ongeveer agt-en-veertig (48) eerstejaarstudente word jaarliks gekeur. Voorlopige keuring is gebaseer op finale Graad 11-uitslae, die NBT en die Toegevoegdewaarde-vraelys. Kandidate moet ook aan die minimum toelatingsvereistes op bladsy 1 voldoen. Daar word van kandidate verwag om hul Graad 11-gemiddeld (waarvolgens hulle voorlopig gekeur is) in die finale skooleksamen te behou, en om te verseker dat hul TPT nie met meer as twee punte daal nie. Navrae oor keuring kan gerig word aan healthapplications@up.ac.za. Beskrywing van die program Die BDieetkunde-graad is n voltydse gestruktureerde en geïntegreerde vierjaarprogram wat uit teorie en praktiese opleiding bestaan. n Uitkomsgebaseerde en probleemgeoriënteerde benadering word gevolg om studente as lede van n gesondheidsorgspan in n kliniese en gemeenskapsomgewing op te lei. Die program bestaan breedweg uit drie spesialisareas binne die praktykgebied: Kliniese dieetkunde (mediese voedingterapie) fokus op die voeding van individue. Dit kan voorkomend wees met betrekking tot leefstylverwante siektes, of dit kan terapeuties wees met betrekking tot die behandeling van n siekte, soos in die geval van n persoon met diabetes wat n sekere dieet moet volg wat deur die dieetkundige saamgestel en gemonitor word. Gemeenskapsgebaseerde dieetkunde het ten doel om gemeenskappe of groepe toe te rus en op te lei om hul gesondheid deur middel van voeding te verbeter. n Goeie voorbeeld hiervan is gevalle waar gemeenskappe opgelei word oor die voedselsoorte wat hulle benodig om n gesonde leefstyl te handhaaf. As hierdie voedselsoorte nie beskikbaar is nie, word hulle opgelei om, byvoorbeeld, die regte soorte groente te kweek wat die nodige voeding kan verskaf. Die bestuur van grootskaalse voedseldienseenhede, waar die voedingsbehoeftes van kliënte of pasiënte in aanmerking geneem word in die beplanning van normale en terapeutiese diëte van n hoë gehalte, word bestudeer. Ten einde hierdie professionele diens te lewer, is wetenskaplike kennis van die volgende nodig: -- Voedsel en voedingstowwe -- Die voedingsbehoeftes van siek en gesonde mense -- Die biochemiese en fisiologiese beginsels van voeding -- Die rol van voeding in die oorsake, verloop en behandeling van siektes -- Voedingsonderrig en -voorligting Na voltooiing van die graad, word een jaar se verpligte gemeenskapsdiens vereis. Gegradueerdes moet by die Raad vir Gesondheidsberoepe van Suid-Afrika (Health Professions Council of South Africa HPCSA) registreer. Hierdie graad word internasionaal erken. Loopbaangeleenthede Dieetkundiges is gekwalifiseerd om onafhanklik te funksioneer omdat hulle probleemoplossingsvaardighede tydens hul akademiese en praktiese opleiding verwerf het. Hulle is dus in staat om gesondheidsorgprogramme in gemeenskappe te ontwikkel. Dieetkundiges is bedrewe in die gebruik van tegnologie en navorsing op die gebied van voeding. Hulle kan ook doeltreffend as lede van n multidissiplinêre gesondheidsorgspan werk. Hulle is ervare in die lees, interpretasie en skryf van wetenskaplike en populêre leesstof oor mensvoeding vir die leke. Indien dieetkundiges by die HPCSA geregistreer is, kan hulle, as lede van gesondheidsorgspanne, voedingsvoorligting en voedingsbestuur in hospitale en klinieke verskaf. Voorkomende voedingsorg kan ook aan die publiek verskaf word deur middel van voedingsonderrig oor gesonde eetgewoontes en die voorkoming van voedingsverwante siektes. Daar is besondere uitdagings in die konteks van primêre gesondheidsorg waar die dieetkundige op grondvlak betrokke is. Die Departement van Gesondheid is die belangrikste werkgewer in hierdie verband. Dieetkundiges in die privaat praktyk bied voedingsvoorligting aan pasiënte wat deur geneeshere verwys word. Gewone voeding, soos sportvoeding, bied ook opwindende geleenthede vir konsultasie. Verder kan dieetkundiges hulle kundigheid aan voedseldienseenhede en ander privaat maatskappye, soos farmaseutiese maatskappye, bied. n Loopbaan in dieetkunde bied geleenthede om bestuursvaardighede te ontwikkel en toe te pas. Die dieetkundige van n voedseldiensstelsel bestuur, byvoorbeeld, n grootskaalse voedseldienseenheid, terwyl die ervare kliniese dieetkundige in beheer is van die kliniese voedingsdiens van n hospitaal.

13 Universiteit van Pretoria 10 Skool vir Gesondheidsorgwetenskappe Gehalteversekering is belangrik in hierdie verband. Studente wat met nagraadse studie voortgaan, kan ook loopbane as dosente of navorsers in die akademiese wêreld oorweeg. Me Gerda Gericke Tel +27 (0) /1291 E-pos BFisio Baccalaureus in Fisioterapie Fisioterapie het ten doel om die normale fisiese funksionering van die menslike liggaam te herstel of te bevorder, en om mense met beserings en gestremdhede te rehabiliteer. Die opleiding is op n uitkomsgebaseerde en probleemgeoriënteerde benadering gegrond. Studente in fisioterapie word aan n verskeidenheid pasiënte blootgestel en kan deur middel van ondersoek- en probleemoplossingsvaardighede n betekenisvolle diens aan enige pasiënt lewer. Fisioterapeute wat aan die Universiteit van Pretoria gestudeer het, is wêreldwyd in elke sektor van gesondheidsorg in aanvraag. Fisioterapie is n komplementêre gesondheidsorgprofessie, en die kursus behels vier jaar se voltydse studie. Studente word opgelei in oefenterapie, elektroterapie, massering, muskuloskeletale terapie en die voorligting van pasiënte om die normale fisiese funksionering van die persoon te herstel of te bevorder. Oefenterapie sluit gespesialiseerde tegnieke in om spiere te versterk, om stywe gewrigte te mobiliseer en om normale bewegingspatrone te fasiliteer. Gekoördineerde vaardighede en bewegingspatrone word aan pasiënte geleer, sodat hulle so funksioneel en onafhanklik moontlik kan wees. Behandelingsbeginsels word toegepas op pasiënte met neurologiese probleme, rugmurgbeserings, sowel as atlete. Elektroterapie-modaliteite word hoofsaaklik gebruik vir die verligting van pyn en swelling en vir die verhoging van bloedvoorsiening om die patologiese prosesse in die liggaam te beïnvloed. Sagte weefsel soos spiere, die vel en littekens word tydens miofassiale ontspanningsterapie gemobiliseer om pyn en spierspasma te verlig, swelling te verminder, sirkulasie te verbeter en littekenweefsel te versag. Muskuloskeletale terapie word gebruik om gewrigsverwante probleme in die vertebrale en perifere gewrigte te behandel. Pulmonale fisioterapie verbeter longfunksie. Rehabilitasie vir neurologies gestremde en sportpasiënte is noodsaaklik om funksionering te herstel. Ongeveer sestig (60) studente word jaarliks gekeur. Voorlopige keuring is gebaseer op finale Graad 11-uitslae, die NBT en die Toegevoegdewaarde-vraelys. Kandidate moet ook aan die minimum toelatingsvereistes op bladsy 2 voldoen. Daar word van kandidate verwag om hul Graad 11-gemiddeld (waarvolgens hulle voorlopig gekeur is) in die finale skooleksamen te behou, en om te verseker dat hul TPT nie met meer as twee punte daal nie. Navrae oor keuring kan gerig word aan healthapplications@up.ac.za. Programinhoud Die eerste vier studiejare bestaan uit teoretiese, praktiese en kliniese opleiding in basiese mediese wetenskappe en fisioterapie. n Bykomende jaar vir gemeenskapsdiens, wat nie deel vorm van die universiteitsopleiding nie, is verpligtend. Die besluit om n graad te studeer wat die loopbaan vir die res van jou lewe sal bepaal, is n uiters uitdagende taak. Dit is moeilik om nie wat as -vrae te vra nie soos: Wat as ek na vyf jaar vind dat die werk my verveel of dat ek dit selfs haat? Dit is waarom ek meen dat Fisioterapie die loopbaan vir my en vele ander is. Fisioterapie is n loopbaan van nimmereindigende maniere om pasiënte te rehabiliteer en behandel. Ek leer voortdurend meer oor die immer-ontwikkelende metodes in Fisioterapie om probleme te voorkom, rehabiliteer en behandel. Die Departement Fisioterapie aan die Universiteit van Pretoria streef daarna om te verseker dat ons goed toegerus is met teoretiese kennis sowel as voldoende kennis van die praktyk. Ons klasse is klein genoeg om persoonlike interaksie met die dosente en mekaar te bevorder. Dit maak dit moontlik vir studente om vrylik vrae te vra as ons n begrip nie ten volle verstaan nie, sowel as om van mekaar te leer. Interaksie tydens ons praktiese klasse bied n unieke geleentheid om sterk vriendskappe en verhoudings te vorm met toekomstige kollegas. Ek is dankbaar vir die geleentheid om die reis mee te maak wat my toetrede sal bied tot n loopbaan wat n verskil in so baie mense se lewens kan maak. Meghan Dodds

14 11 Fakulteit Gesondheidswetenskappe 2016/17 Skool vir Gesondheidsorgwetenskappe Gemeenskapsdiens: n Ingeligte gemeenskap is n gesonde gemeenskap, en daarom word baie tyd bestee aan die voorligting van pasiënte en hul versorgers. Pasiënte word ook geleer om hulle eie gesondheid te monitor en fisies aktief te wees. Gemeenskapsgebaseerde opleiding van voorgraadse studente vind plaas in die gemeenskappe van Mamelodi, Hammanskraal, Daspoort en Eersterust, verskeie tehuise vir bejaardes in Pretoria en by die Universiteit van Pretoria se Sportsentrum. Navorsing: n Proaktiewe navorsingsomgewing op voor- en nagraadse vlak is n belangrike prioriteit, en voorgraadse studente word onder leiding van personeellede aan die navorsingsproses bekendgestel. Loopbaangeleenthede Werksgeleenthede vir fisioterapeute is beskikbaar in hospitale, by skole vir kinders met spesiale behoeftes, en in myn- en nywerheidsklinieke en -hospitale. Geleenthede bestaan ook in privaat praktyke, die Suid-Afrikaanse Nasionale Weermag, tehuise vir bejaardes, plaaslike owerhede (munisipale klinieke), korporatiewe maatskappye, sportsentrums, en by sportspanne. Indien jy met nagraadse studie voortgaan, kan jy ook n loopbaan as dosent of navorser in die akademiese wêreld oorweeg. Muhammad Dawood Tel +27 (0) E-pos muhammad.dawood@up.ac.za BRad Baccalaureus in Radiografie Radiografie is n gesondheidsorgberoep wat te doen het met mediese diagnostiese beelde. Dit is een van die beroepe in moderne gesondheidsorg wat die vinnigste groei. Die Universiteit van Pretoria bied n voorgraadse kursus aan in Diagnostiese Radiografie en nagraadse grade in drie professionele rigtings: diagnostika, stralingsterapie en kerngeneeskunde. Studente word blootgestel aan alle fasette van gesondheidsorg tydens hul opleiding. Opleiding vind plaas by primêre, sekondêre en tersiêre instellings. Studente het die geleentheid om saam te werk in spanne by gesondheidsorgpraktisyns, waar hulle as gewaardeerde lede n beter begrip van die holistiese benadering tot pasiëntesorg verkry. Die persoonlike eienskappe waaroor n radiografis moet beskik, sluit n opregte begeerte om siek en beseerde pasiënte te help in. In die loop van n werksdag word baie besluite oor pasiëntesorg geneem. Selfdissipline en n sin vir verantwoordelikheid is noodsaaklik. Radiografiste moet ook gesond wees, aangesien die werk baie fisiese beweging vereis terwyl daar aan die pasiënt hulp verleen word en ondersteuning gebied word. Die manipulering van die apparaat behels ook fisiese bewegings. Ongeveer veertig (40) eerstejaarstudente word jaarliks gekeur. Voorlopige keuring is gebaseer op finale Graad 11-uitslae, die NBT en die Toegevoegdewaarde-vraelys. Kandidate moet ook aan die minimum toelatingsvereistes op bladsy 2 voldoen. Daar word van kandidate verwag om hul Graad 11-gemiddeld (waarvolgens hulle voorlopig gekeur is) in die finale skooleksamen te behou, en om te verseker dat hul TPT nie met meer as twee punte daal nie. Navrae oor keuring kan gerig word aan healthapplications@up.ac.za. Voornemende studente moet egter bewyse indien van twee besoeke aan X-straaldepartemente een in die openbare en een in die privaat sektor aangesien hulle blootstelling moet kry aan die verskillende ondersoeke en prosedures wat in radiografie departemente gedoen word. Dit sal aansoekers help om sinvolle loopbaankeuses te maak. Programinhoud Die BRad-graad behels drie jaar se voltydse studie, gevolg deur een jaar se verpligte gemeenskapsdiens. Studente volg n 28-week akademiese program (lesings), asook n kliniese program. Die kliniese onderrig vind plaas in die radiologie departemente by die Steve Biko Akademiese Hospitaal, Kalafong Akademiese Hospitaal, Pretoria-Wes Hospitaal, Mamelodi Hospitaal, Tshwane Distrikshospitaal, en sekere privaat radiologiese praktyke om studente in staat te stel om die verpligte kliniese ervaring op te doen wat hulle nodig het om verskeie ondersoeke en prosedures op n bekwame wyse te doen. Studente doen ook na ure kliniese ervaring op deur op sekere openbare vakansiedae, of oor Kersfees, Paasfees en op Nuwejaarsdag te werk. n Positiewe gesindheid teenoor hierdie deel van die voorgraadse opleiding is belangrik. Radiografiekategorieë wat deur die Universiteit van Pretoria aangebied word Diagnostiese radiografie: Die diagnostiese radiograaf is n onmisbare lid van die gesondheidspan en is verantwoordelik vir die vorming en vaslegging van diagnostiese beelde van n pasiënt wat verwys is deur n mediese praktisyn vir n spesifieke radiografiese prosedure. X-strale word gebruik om die beeld op die film te vorm. X-straalprosedures varieer in kompleksiteit en strek van eenvoudige ondersoeke van die skelet, tot ondersoeke met behulp van gevorderde hoëtegnologietoerusting waar verskillende modaliteite gebruik word. In laasgenoemde gevalle kan X-strale en rekenaars gebruik word om beelde te produseer. Frakture, breingewasse, bloedings en bloedklonte is net n paar van die mediese probleme wat met die gesofistikeerde toerusting gediagnoseer kan word. Diagnostika word voorgraads en nagraads aangebied. Radioterapie en kerngeneeskunde: Radioterapie behels die gebruik van hoë-energiebestraling vir die behandeling van kwaadaardige en nie-kwaadaardige gewasse. Kerngeneeskunde behels die toediening van n radiofarmaseutiese middel aan die pasiënt om die anatomie en funksionering van organe, sowel as die fisiologie van sekere siektetoestande te demonstreer. Die Universiteit van Pretoria bied Radioterapie en Kerngeneeskunde aan op honneursvlak. Dié twee kategorieë radiografie word aangebied by tersiêre hospitale en geselekteerde privaat gesondheidsorgsentrums. Loopbaangeleenthede Die gekwalifiseerde diagnostiese radiograaf kan by die volgende instansies werk: stedelike en plattelandse hospitale privaat klinieke en hospitale die Suid-Afrikaanse Nasionale Weermag mynboumaatskappye privaat radiologiepraktyke opvoedkundige instellings en opleidingsliggame gespesialiseerde eenhede soos angiografie, rekenaartomografie, magnetiese resonansie en ultraklank firmas wat apparaat en toerusting verskaf

15 Universiteit van Pretoria 12 Skool vir Gesondheidsorgwetenskappe Radiografiste van alle kategorieë kan ook bestuursposte beklee of hulle eie privaat praktyke vestig. Indien jy met nagraadse studie voortgaan, kan jy ook n loopbaan as dosent of navorser in die akademiese wêreld oorweeg. Vir beroepsvooruitgang in elk van die kategorieë kan studente ook hul meesters- en doktorale studies voltooi. Me Erika Ahrens Tel +27 (0) /1174 E-pos erika.ahrens@up.ac.za Me Mable Kekana Tel +27 (0) /1174 E-pos mable.kekana@up.ac.za BNurs Baccalaureus in Verpleegkunde Die Departement Verpleegkunde streef na uitnemendheid in sy onderrig-, navorsings- en gemeenskapsuitreikprogramme en is daarop ingestel om die intellektuele, kulturele en persoonlike ontwikkeling van al sy studente te bevorder. As n professie, rus verpleegkunde n mens toe om ander te dien en hul lewens te verryk. Tans beklee heelwat voormalige UP-verpleegkundiges bestuursposte in en buite Suid-Afrika. Vyftig (50) eerstejaarstudente word jaarliks gekeur. Voorlopige keuring is gebaseer op finale Graad 11-uitslae, die NBT, n onderhoud en die Toegevoegdewaarde-vraelys. Kandidate moet ook aan die minimum toelatingsvereistes op bladsy 1 voldoen. Daar word van kandidate verwag om hul Graad 11-gemiddeld (waarvolgens hulle voorlopig gekeur is) in die finale skool-eksamen te behou, en om te verseker dat hul TPT nie met meer as twee punte daal nie. Navrae oor keuring kan gerig word aan healthapplications@up.ac.za. Beskrywing van die program Verpleegkundiges is professionele verskaffers van gesondheidsorg, en in hierdie program sal studente leer oor anatomie, fisiologie en kliniese vaardighede in hospitale en klinieke. Die program bestaan uit vier jaar se voltydse studie. Dit berei studente voor vir vier loopbaanareas: Algemene verpleegkunde, wat die versorging van mense van alle ouderdomme in hospitale, klinieke en gemeenskapskontekste behels. Gemeenskapsverpleegkunde, wat op primêre gesondheidsorg gemik is, en die voorkoming van siektes en bevordering van gesondheid, die lewering van kliniese verpleegdienste en die rehabilitasie van mense in die algemene gemeenskap insluit. Psigiatriese verpleegkunde, wat n gespesialiseerde gebied van verpleegkunde is. Psigiatriese verpleegkundiges versorg mense van alle ouderdomme met psigiatriese siektes of angs. Tydens plasing in psigiatriese hospitale en klinieke, ontvang verpleegkundiges opleiding in psigologiese terapieë, die hantering van uitdagende gedrag en die toediening van psigiatriese medikasie. Verloskunde (vroedvroue), waar die verpleegkundige klem op die verskaffing van voorligting en sorg is voor bevrugting en tydens swangerskap, bevalling en die postpartum-tydperk. Kliniese vaardighede en ervaring in verloskunde word verkry deur blootstelling in hospitale en klinieke. Loopbaangeleenthede Gegradueerdes in verpleegkunde word deur hospitale en klinieke in diens geneem, en baie het hul eie privaat verplegingspraktyke. Die staat en die privaat sektor bied ook verskeie geleenthede. Die volgende spesialiseringsgebiede in verpleegkunde is beskikbaar: Algemene mediese en chirurgiese verpleegkunde Traumaverpleegkunde Teaterverpleegkunde Gemeenskapsverpleegkunde Psigiatriese verpleegkunde Verloskunde Pediatriese verpleegkunde Neonatale verpleegkunde Verplegingsbestuur Verplegingsonderwys Me Varshika Bhana Tel +27 (0) E-pos varshika.bhana@up.ac.za