de Fryske partij foar gemeentebelangen Jiergong 2, nûmer 3 De Fryske Marren Kommisje "Bestjoer en Finânsjes" sjocht werom Wiebe Hoekstra (side 6, 7)

Transcriptie

1 Jiergong 2, nûmer 3 De Fryske Marren Kommisje "Bestjoer en Finânsjes" sjocht werom Wiebe Hoekstra (side 6, 7) Kommisje "Mienskip" sjocht werom Eefje de Vries-van Ginkel (side 8) Kommisje "Romte" sjocht werom Jan Volbeda (side 9, 10) Ferkiezings 18 maart 2015 Janke de Vries (side 15, 16) Corlinke de Jong, ús nûmer 2 foar Provinsjale Steaten Fryslân (side 17, 18) Sake van der Meer, ús nûmer 1 foar Wetterskip Fryslân (side 18, 19) de Fryske partij foar gemeentebelangen

2 Kolofon Redaksje Janke de Vries Jochum Meester Johannes de Vries Aant Mulder Foto s Aant Mulder (foarkant, 4, 10, 19, 20, efterkant) Sybren Posthumus (efterkant) Redaksje-adres Minne Jeltesstrjitte DZ Balk aant.mulder@fnp.frl Printer bvs Dieuwke Melchers Oplaach 350 eksimplaren Digitaal De nijsbrief kin meikoarten ek lêzen wurde op: De nijsbrief komt út trije kear jiers april/maaie septimber desimber/jannewaris

3 Dat 2015 mar in goed jier wurde mei! We fine it al wer hiel gewoan dat it 2015 is. En as we hope hienen dat 2015 in oar en better jier wurde soe, dan witte we no al dat soks net sa is. We hoege wat dat oanbelanget allinne mar te beneamen wat der yn en om Parys bard is. Likegoed haw ik boppe dit foarwurd set wat der boppe stiet. Ik, wy mei-inoar, hoopje grif allegearre op in goed jier. Dat giet net fansels. Dêr moat wat foar dien wurde en dat wol ik. Dat wolle wy mei-inoar, dêr bin ik fan oertsjûge. Wy wolle ús mei-inoar as leden fan de FNPôfdieling De Fryske Marren graach ynsette foar in goed jier foar de gemeente De Fryske Marren en foar Fryslân. It seit himsels dat ús wethâlders en ús fraksje op dat stik fan saken it foartou nimme en dat wy mei-inoar as leden saken oanjouwe en harren dwaan en litten kritysk hifkje. Dêrom is it goed om earst efkes werom te sjen. Wat hawwe we dien, wat wie goed en wat net. Dat dogge we yn dizze nijsbrief. Trije fraksjeleden sjogge werom op wat ferline jier dien is. Trije fraksjeleden om t der trije kommisjes binne: bestjoer en finânsjes, mienskip en romte. Wa t weromsjocht kin ek net hinne om de trije grutte saken fan t earste jier: de gemeentenamme, it grienbelied fan de gemeente en it asylsikerssintrum. As we flaters makke hawwe moatte we dêrfan leare en it oars en better dwaan. Wat we goed dien hawwe, kinne we fierder mei. Sa kin it út ús perspektyf wei in better, in Frysker 2015 wurde. We moatte ek op in oare wize foarútsjen. Op 18 maart binne ommers de provinsjale steateferkiezings. Wy wolle graach in wat Frysker Fryslân en we wolle ek graach dat we sa folle mooglik hâlde wat we hawwe. No ferdwine der hieltyd, foar in part of hielendal, tsjinsten út Fryslân wei. Hâlde wat wy hawwe, dat slagget allinne mar as we der sels wat oan dwaan kinne. Sa besjoen binne de provinsjale steateferkiezings belangryk! Dêrom krije dy ferkiezings yn dizze nijsbrief ek omtinken en dêrom beslút ik dit foarwurd mei in oprop oan jimme allegearre: doch mei en meitsje fan de ferkiezings op 18 maart in boppeslach foar de FNP-Fryslân! Aant Mulder, foarsitter 3

4 Een goed 2015 toegewenst! We vinden 2015 al weer heel gewoon. Het is nu zelfs al twijfelachtig of het wel een goed jaar wordt. Denk alleen maar aan Parijs. De hoop blijft, maar we zullen daar wel met elkaar de schouders onder moeten zetten. De FNP-De Fryske Marren zet zich graag in voor de gemeente De Fryske Marren en voor Fryslân. Om de goede dingen te doen is het goed om even achterom te kijken. Wat hebben we vorig jaar gedaan. Wat was goed en wat niet. We doen dat in deze nieuwsbrief aan de hand van door drie raadsleden geschreven artikelen, die zo per commissie de balans opmaken. Daar lopen drie grotere onderwerpen doorheen: de gemeentenaam, het groen en het AZC. We willen van dat terugkijken leren. Zo kunnen wij vanuit onze visie werken aan een beter en Frieser We moeten ook op een andere manier vooruitkijken. Op 18 maart zijn immers de verkiezingen voor Provinciale Staten. Wij willen graag een Frieser Fryslân en we willen de huidige werkgelegenheid en dienstverlening graag in stand houden. Dat lukt alleen als we daar zelf enige invloed op hebben. Daarom zijn de verkiezingen voor Provinciale Staten belangrijk. In enkele artikelen besteden we in deze nieuwsbrief aandacht hieraan. Ik eindig met een oproep: doe mee aan de verkiezingen op 18 maart en maak die verkiezingen voor de FNP tot een succes! Aant Mulder, voorzitter 4

5 FNP-website no te berikken fia.frl domein De FNP hie har in skoftke ferlyn al oanmelden foar de.frl domeinnamme. Der wie in mooglikheid om by in groep fan 100 pioniers te kommen: 100 persoanen, organisaasjes of bedriuwen dy't as earste mei it nije.frl adres beskikber binne. Dat slagge. De earste 100.frl websiden gongen ein desimber 'online'. Neffens de FNP is de dielname by de 100 pioniers in logysk ferfolch op de ynset fan de FNP. We wienen de earste politike partij dy t dat idee fan in frl-domein op ynternet fan herte stipen, seit FNP-steatefraksjelid Sybren Posthumus. Hy is der ek wiis mei dat der no al mear as 1500 oanfragen foar in.frl ekstinsje yntsjinne binne (ûnderwilens is dat oantal al in pear kear oer de kop gongen). De FNP sil der alles oan dwaan om it frldomein út te dragen. Ien fan de stappen wie om oer te stappen mei de eigen FNP hiemside en de 16 hiemsiden fan de ôfdielings op de nije domeinnamme FNP.frl. De.frl ekstinsje wurdt ek al brûkt yn publike mail-adressen. Dat binne der al mear as 300. Sjoch foar de mail-adressen fan ús ôfdieling De Fryske Marren fierderop yn dizze nijsbrief. Jo kinne ús webside no fine fia it folgjende adres: Jochum Meester FNP- website nu te bereiken via.frl domein De FNP had zich aangemeld voor de.frl. domeinnaam em hoort nu zodoende bij de eerste honderd pioniers. De.frl.websites zijn eind december van start gegaan. De FNP heeft van meet af aan op deze mogelijkheid ingezet. De belangstelling overtreft alle verwachtingen. De FNP zal deze mogelijkheid consequent gebruiken en uitdragen. Wij doen dat met de adressen (zie elders indeze nijsbrief) en met onze website: Jochum Meester 5

6 De kommisje Bestjoer en Finansjes it nije jier yn It wiene de ôfrûne jierren foar de gemeente op finansjeel mêd drege tiden. Mei tank oan De Haach moasten grutte besunigings trochfierd wurde. It zero-base trajekt hat fan eltsenien in bulte tiid ferge. Uteinlik stelden ek sawat alle opposysjepartijen har realistysk op en kaam de ried ta in op ien stim nei ienriedich beslút. Riedsbreed lei dêr de winsk, dat it Kolleezje war dwaan soe om dochs noch jild te finen foar bygelyks de pjutteboartersplakken. Doe die bliken dat der noch struktureel jild binnen de begrutting wie dat yn de reserves weromstoart wurde soe, wylst dy al op in foldwaande peil wiene. Dat ekstra jild waard foar it grutste part brûkt foar de pjutteboartersplakken. De gemeente, dy t ûnder tafersjoch fan de Provinsje stie, krige fan Ljouwert tastimming om dat jild sa yn te setten. Dêrnei wie der noch twa ton oan finansjele romte oer. Doe hat de FNP him benammen skrep setten foar ekstra jild foar it Toanhûs/KCGS, om de neffens ús te grutte besunigings te timperjen. Yn oparbeidzjen ek mei ferskate opposysjepartijen is ús amendemint op ien stim nei unanym oannommen. It Toanhús en it muzykûnderwiis hat de FNP altyd heech yn it findel stean hân. Dat jildt ek foar muzykkorpsen, toaniel en kultuer yn algemiene sin. Yn 2015 hoopje wy foar dy lêsten ek noch wat dwaan te kinnen. It liket derop dat de gemeente yn 2014 in posityf oerskot fan sa n twa miljoen euro op de begrutting hat. De reserves binne noch net heech genôch, mar miskien dat we stadichoan wat fan dat jild dêrfoar brûke kinne. In oare winsk dy t by in protte partijen libbet is om wat te dwaan oan de knipepunten op it mêd fan sportfjilden en dan benammen keunstgers. De FNP hat der by it Kolleezje op oantrune sa gau mooglik te kommen mei de knipepuntenota Sport. It soe moai wêze as der gjin nije ôffallers komme, dy t dat oerskot wer lytser meitsje. Dan soene we oan in tal knipepunten wat dwaan kinne. Dizze moanne wurdt de nota Een andere kijk op Groen besprutsen. Guon partijen binne al wat raar foar it muzyk útrûn, mar no kinne wy ús fyzje ek kwyt. Ik hoopje, dat we twa dingen berikke kinne: 1. Wat dwaan oan de ferbettering fan de situaasje foar ferskate soarten fan bijen en ynsekten. It Kolleezje wurket al oan de biodiversiteit en it oanplantsjen fan in protte blombollen. Bijen moatte eins safolle mooglik oer it hiele jier spraat bloeiende planten hawwe. Mei de blombollen wurdt dus in grutte stap foarút set as it giet om it begjin fan it seizoen. Wy soene eins de minsken ek freegje wolle om yn de eigen tún fêste planten, dy t benammen ek oan e ein fan it seizoen noch bloeie, te setten. Dêr sille we foarstellen ta dwaan. Dan soe ús gemeente in sprong foarút dwaan. 6

7 2. Yn Idzegea wurkje ferskate boeren gear yn de skriezekrite. Op guon plakken wurdt dêrom bygelyks wat letter meand. Yn dy gebieten moat yn de iepen romte beammeen strukeguod leech hâlden wurde. Wat soe it moai wêze as ek yn ús gemeente boeren, fûgelwacht en gemeente oan sa n inisjatyf wurkje soenen. Der falt fansels noch folle mear te melden, mar dit binne in tal saken dêr t ik my graach foar ynsette wol. Wiebe Hoekstra, riedslid en kommisjelid Bestjoer en Finânsjes Bestuur en Financiën het nieuwe jaar in Het was de afgelopen periode een financieel lastige tijd. Er moest fors worden bezuinigd. Uiteindelijk kon op één stem na unaniem over die bezuinigingen worden besloten. De wens om minder op de peuterspeelplaatsen te bezuinigen kon worden gehonoreerd. De resterende financiën zijn mede op initiatief van de FNP ingezet voor Toanhús/KCGS om ook voor die organisaties de pijn iets te verzachten. In 2015 hopen wij nog iets te kunnen doen voor de muziekkorpsen en voor toneel en cultuur in het algemeen. De knelpuntennota sport, die wij graag zsm aan de orde willen hebben, moet duidelijkheid geven met betrekking tot de sportvelden in onze gemeente. Ook in die richting hopen wij enkele knelpunten te kunnen oplossen. Met betrekking tot de nota Een andere kijk op groen hopen wij twee dingen te bereiken: 1. Meer aandacht voor bijen/insekten; 2. Een project om grutto s een betere leefomgeving te bieden. Wiebe Hoekstra, raadslid en commissielid Bestuur en Financiën 7

8 Sosjaal domein Mienskip In 2015 feroaret der, as it om it sosjale domein giet, in protte. Der komme wykteams dy t yn trije klusters wurkje: soarch, partisipaasje, jeugd en gesin. Sa moatte alle fragen goed oan e oarder komme kinne. Sa moat maatwurk levere wurde. Tagelyk is it de bedoeling dat sa minder spesjalistyske help needsaaklik is. De keukentafelpetearen binne bedoeld om de minsken dy soarch te jaan dy t se nedich hawwe. Sûnt 1 jannewaris 2015 wurdt no sa wurke. De FNP folget de nije gong fan saken mei oandacht. Wy wolle graach witte wat wol en wat net goed giet. It kolleeezje ynformearret ús fansels en as it moat wurde we grif ek frege om by te stjoeren. Eefje de Vries-Van Ginkel, riedslid en kommisjelid Mienskip Sosjaal domein Mienskip In het jaar 2014 zijn wij als raad regelmatig geïnformeerd door de ambtenaren over hoe het in 2015 moet gaan lopen met de zorg. Wij hebben daar een paar presentaties over gehad en hebben één en ander kritisch gevolgd. Er verandert veel voor iedereen, vooral voor degene die zorg nodig heeft, dus de communicatie daarover is erg belangrijk. Er wordt gewerkt met wijkteams, ze werken in drie clusters: Zorg, Participatie en Jeugd & Gezin. Dit om een laagdrempelige toegang naar alle opvoedvragen en opgroeivragen van de kinderen en hun ouders/opvoeders te kunnen ontvangen. Op deze manier wordt gewerkt naar maatwerk voor de (specialistische) zorg. Het team is nieuw in het jeugdhulpstelsel en moet zorgen voor het verhogen van de kwaliteit van de jeugdhulp, zodat men minder hulp nodig heeft van specialistische zorg. De keuken tafelgesprekken moeten ervoor gaan zorgen dat de mensen de goede zorg krijgen die ze nodig hebben. De professionals zijn inmiddels al een periode bezig en sinds 1 januari werkt men volledig volgens de nieuwe werkwijze. Er zal veel op hen afkomen, maar de inzet is groot en men is zeer enthousiast en gedreven aan de slag gegaan. De tijd zal uitwijzen hoe de resultaten zullen zijn en of er wel of niet bijgestuurd zal moeten worden. De FNP fractie zal deze ontwikkelingen aandachtig volgen en onze omgeving in de gaten houden in hoeverre één en ander verloopt. We willen graag horen wat er goed gaat en waar de inwoners van onze gemeente tegen aan (kunnen) lopen. Daarnaast zullen wij als commissieleden regelmatig geïnformeerd worden door het college over de voortgang en waar of wanneer dat nodig is zullen we worden gevraagd het beleid bij te sturen. Eefje de Vries-Van Ginkel, raadslid en commissielid Mienskip 8

9 In jier kommisje Romte yn De Fryske Marren Yn de kommisje Romte stiene yn 2014 tal fan saken op de wurklist dy t hiel faak giene oer it wizigjen en fêststellen fan bestimmingsplannen. It harmonisearjen fan belied út de trije (4, Boarnsterhim meirekkene) eardere gemeenten kaam ek hiel faak oan e oarder. It soe te fier gean en beneam dat allegearre yn dizze nijsbrief. Ik behein my dêrom ta in tal yn it each springende wurklistpunten: 1. It sintrumplan fan De Lemmer is in tal kearen besprutsen. Fan t hjerst is mei t plan út ein set. Us wethâlder Johannes van der Pal joech dêrta it startskot. Noch net yn it plan, mar wol besprutsen: de takomst fan it gemeentekantoar op e Lemmer. We ha, as FNP-fraksje, mei de grutte mearderheid yn de rie ynstimd mei it foarnimmen ta sloop. Dêrmei komme der goede kânsen om dat gebiet op e nij yn te rjochtsjen. 2. Yn Langwar ha we úteinlik ynstimd mei it appartemintekompleks op de lokaasje Stevenshoek. Dat is it plak fan it âlde molkfabryk oan de haven. Tsjinstanners fine it nije gebou te grut. In soad oare Langwarders fûnen dat der no einlings wat barre moast. Wy ha alles tsjin elkoar ôfwoegen en hawwe ynstimd mei it plan, hoewol t wy ek leaver sjoen hiene dat der in wat minder heech gebou komme soe. 3. Bestimmingsplannen Lemstervaart (MFA), Oan de Rien (Lemmer, apparteminten) en Wetterpark Follegea (haven mei rekreaasje-arken) ha we goed fan sein, mei omdat de rie fan Lemsterlân dy plannen al fierhinne yn de steigers setten hie. En net omdat wy oer alle boegen sa wiis mei dy plannen wiene. 4. We ha ek ynstimd mei it ferpleatsen fan molkfeehâlderij De Jong yn Tsjerkgaast (Spannenburch). It hjoeddeistige bedriuw sit op slot en kin sa yn de takomst op in moderne wize buorkje, wylst ek it wolwêzen fan de kij garandearre wurdt. Spitigernôch komt it wol yn de iepen romte. Wy ha der betrouwen yn dat de pleats troch gebrûk te meitsjen fan de metoade De Nije Pleats sa goed mooglik ynpast wurdt. Der stiene ek in tal beliedsplannen op de wurklist. Sa ha we it plan foar wegen en keunstwurken (bygelyks brêgen) goedkard. It moat sober en goedkeap, mar it mei net op kosten gean fan de feiligens. We moatte der wol foar soargje dat we net efterút buorkje, want dan kostet it yn de takomst mear jild. By dy beliedsplannen is goed sichtber dat wat besunigingen oanbelanget de boaiem yn sicht is. Yn desimber ha we ynstimd mei it ôffalbeliedsplan, mar fia in moasje ha we de ynkomsten út âldpapier foar ferienings en skoallen wol feilich steld. Foar 2015 steane dêr ek noch folop punten oan te kommen. Ik neam in pear: 1. De plannen foar de húsfesting fan de bûtenstjinsten (benammen Balk / De Lemmer); 2. De plannen foar de lokaasje gemeentekantoar De Lemmer; 3. De nijbou fan in wenning oan It String yn Goaïngaryp, dy t in bulte diskusje opsmyt; 4. Gemeentekantoar Balk; 5. Lokaasje AZC by Balk, De Lemmer, of op e Jouwer; 6. Bestimmingsplannen, sa as it bestimmingsplan Bûtengebiet Skarsterlân. 9

10 Sa krije we dus ek yn it kommend jier wêr genôch foar de kiezzen. It bliuwt in kwestje fan ôfweagen fan ferskate belangen tsjin de eftergrûn fan ús FNP-útgongspunten. Jan Volbeda, riedslid en kommisjelid Romte Een jaar commissie Ruimte in De Fryske Marren In de commissie Ruimte zijn veel onderwerpen aan de orde geweest. Het te harmoniseren beleid heeft ook veel aandacht gevraagd. Ik noem enkele punten: 1. Het centrumplan Lemmer is besproken en de uitvoering is begonnen. 2. We hebben ingestemd met Stevenshoek Langweer, hoewel we dat net als sommige tegenstanders wel iets kleiner uitgevoerd hadden willen zien. De kans dat nu iets mogelijk was, hebben we echter niet willen laten lopen. 3. De bestemmingsplannen Lemstervaart, Oan de Rien en Wetterpark Follegea hebben we conform de bedoelingen van de voormalige gemeente Lemsterland afgehandeld. 4. We hebben ingestemd met de verplaats ing van het melkveebedrijf De Jong in Tjerkgaast. Het betreft wel de open ruimte, maar er wordt gebouwd volgens het concept De Nije Pleats en daar hebben we vertrouwen in. Bij beleidsplannen kiezen we voor sobere en goedkope, maar wel adequate uitvoeringen. Voor 2015 voorzien we enkele lastige onderwerpen: buitendienst, gemeentekantoor Balk, AZC en enkele bestemmingsplannen. We zullen weer proberen om tegen de achtergrond van onze FNP-uitgangspunten de belangen op juiste wijze af te wegen. Jan Volbeda, raadslid en commissielid `Ruimte 10

11 De FNP, De Fryske Marren en de asylsikers It úteinlike risseltaat is wol wat we mei-inoar eins beskreppe woene, mar dêr is tagelyk alles mei sein. Hoe t we dat dien hawwe, dêr binne we gau oer útpraat. Dat hie hiel oars en wol folle better kinnen en moatten. Om mei dat doel te begjinnen moat sein wurde dat de FNP in pear kearnwearden hat dy t yn e diskusje daliks wol beneamd binne, mar dêr t tagelyk te min mei dien is. Dy kearnwearden, dy t ek yn ús ferkiezingsprogram steane, binne: demokrasy en solidariteit. Mei it iene bedoele we dat de minsken safolle mooglik by it iepenbier bestjoer behelle wurde moatte en it oare jout oan dat we begryp en respekt fan wjerskanten wolle: earm en ryk, jong en âld, ensfh. Dat rychje, dêr heart ek autochtoon en allochtoon fansels by. De FNP, wy dus, hawwe it ek altyd oer aard en skaal. Doe t de diskusje oer in asylsikerssintrum en dus in mooglikheid ta in asylsikerssintrum yn Riis yn e fraksje oan e oarder kaam, waarden daliks in pear saken dúdlik beneamd. Wy moatte asylsikers in plakje jaan wolle (solidariteit). Mar moatte we wolle, dat der wol fiifhûndert asylsikers yn Riis in plakje krije? Fiifhûndert yn Riis is gewoan tefolle. Dêr waarden twa dingen by sein. Dat tal is te grut foar Riis, om t dan de ferhâldings fan gjin kant mear doge. Sa n doarpke kin dat net oan. Der is neat oan foarsjennings, der binne gjin winkels, der is gjin ferdivedaasje. Jo kinne dat Riis net oandwaan, mar ek de asylsikers net. In folle lytsere groep soe yn goed oerlis mei de lokale mienskip faaks wol opfongen wurde kinne. Doe hie der dus oerlis komme moatten mei dy lokale mienskip, mar dat barde net om t sein waard dat de gemeente neat te sizzen hawwe soe. It COA en de ûndernimmer soenen gewoan har eigen dingen dwaan kinne. Dat waard leaud en dat hie net moatten. Wy ha doe gjin prikken yn t wurk set om it oars te dwaan. Goed dat de lokale mienskip op dat stuit wol de goede dingen dien hat. It falt net ta om in proses dat mei ferkearde útgongspunten ynset wurdt wer de goede kant út te krijen. Dêrfoar binne der tefolle partijen dy t fan alles en net altyd de goede dingen sizze. Dat it lang om let wol slagge is om, nei in lange riedsgearkomste fan twa jûnen, der op in goede wize út te kommen, mei wol in lyts wûnder hjitte. Ik tink, ik bin der wol wis fan, dat ús beide wethâlders en ús fraksje yn dy riedsgearkomste wol de goede dingen dien hawwe. Better let as net, seit in Fryske siswize en sa is t. Riis giet oer, om t it COA draachflak wol en net om t de gemeente dêr wat oer te sizzen hawwe soe. De gemeenteried hat wol besletten dat der by ien fan de gruttere plakken yn de gemeente (De Jouwer, De Lemmer of Balk wurde neamd) wol in grutter asylsikerssintrum fan sa n fiifhûndert asylsikers komme kin. Dêr binnne foarsjennings, dêr binne winkels en dêr is ferdivedaasje. Dêr komt noch by dat De Jouwer en De Lemmer, de twa grutste plakken fan de trije, al earder mei asylsikers te krijen hân hawwe. Sa soe t kinne moatte. It COA stiet dus net mei lege hannen. 11

12 It moatte lykwols wol needsaken wêze, want sels de steatssekretaris komt ta de konklúzje dat der yn 2014 twatredde minder asylsikers kommen binne as ferwachte. Dat ik soe tsjin ús eigen FNP, tsjin ús eigen fraksje en wethâlders sizze wolle: nim de tiid en doch de goede dingen, de dingen dy t strike mei demokrasy en solidariteit en fansels dat alles ôfset tsjin aard en skaal en wês dêr dúdlik oer. Aant Mulder De FNP, De Friese Meren en de asielzoekers Het had anders en beter gemoeten. We hadden ons meer moeten laten leiden door onze eigen kernwaarden: democratie en solidariteit. Hetzelfde geldt voor wat wij noemen: naar aard en schaal. Wij zijn van mening, dat wij asielzoekers huisvesting moeten bieden. Voor Rijs, een klein dorpje met slechts weinig voorzieningen, is vijfhonderd echter te.veel. Door een onjuiste voorstelling van zaken met betrekking tot bevoegdheden hebben wij onvoldoende overleg gevoerd. In een twee avonden durende raadsvergadering is alles gelukkig goed gekomen. De FNP heeft in dat overleg een duidelijke rol gehad. Het is nu zaak om goed te bekijken waar een groter AZC mogelijk is: dat zal er één van maximaal 500 asielzoekers zijn bij één van de 3 grote plaatsen Joure, Lemmer of Balk. Aant Mulder Het gaat goed in Fryslân Ik wil deze keer het een en ander positief bekijken. Wij kunnen ingenomen zijn met het feit dat wij twee kranten met ruimte voor Fries nieuws hebben. Omrop Fryslân met radio en televisie is een nog mooier voorbeeld. Wij kunnen dagelijks luisteren en kijken naar voor ons interessante programma s. Het gaat ook goed met de provinciale politiek. De FNP, met een gedeputeerde in het college, speelt daar een duidelijke rol in. In sommige gemeenten is de FNP zelfs de grootste partij. Het zou mooi zijn als de FNP op 18 maart ook de grootste zou worden. We willen in ieder geval groter worden. 12

13 kollum It giet goed yn Fryslân Fan in kollumnist wurdt ferwachte dat hy of sy krityske en feninege, negative stikjes produsearret. Lit my dat no ris oarsom dwaan en nei de positive saken sjen dy t der rûnom yn ús Fryslân binne. Sjoch earst ris nei de Fryske media. Der binne provinsjes sûnder eigen deiblêd en mei in regionale omrop dy t net al te folle foarstelt. Wy ha hjir dochs noch twa kranten dy t alle dagen útkomme en it nijs út binnen- en bûtenlân bringe, mar dêr t it Fryske nijs ek de nedige romte yn krijt. Dan is der it fenomeen fan Omrop Fryslân. Wa harket noch nei de radio? Wy ha dochs tillevyzje. Mar ús Omrop is in útsûndering. Yn in soad Fryske húshâldings stiet de radio altyd oan op dy provinsjale sinder. Dan jûns oer op it tillevyzjekanaal. Mei ienfâldige programs wurde wy de hiele dei op de hichte hâlden fan alles wat yn en bûten Fryslân te belibjen is. Tink marris oan de ferslaggen fan Hearrenfean en Cambuur. Mar ek as Fryske sporters oan de oare kant fan de wrâld yn aksje binne is de Omrop derby. Mei de krystdagen waarden wy ferwend mei twa jûnen Frysk Fanfare Orkest mei in koar derby en om de jierwikseling hinne mei it Sjongersgala mei allegear Fryske meiwurkers. Soene de nijere Fryske sjongeressen as Tet Rozendal en Iris Kroes safolle súkses hân hawwe sûnder de promoasje fan Omrop Fryslân? Ik tink it net! Ek polityk giet it yn ús provinsje goed. Net foar neat sei in Haachske foaroanman: In Friesland hebben we te maken met een sterke provinciale partij. Dy partij, ús FNP, hat de ôfrûne perioade diel fan Deputearre Steaten útmakke. De lytste fraksje fan de koalysje, mar net yn in byrol; Johannes Kramer die folop mei en wie ek geregeldwei yn it nijs. By de riedsferkiezings gie it ek hiel goed. Hjir en dêr, bygelyks yn De Fryske Marren, waard de FNP sels de grutste! In moai stealtsje wethâlders kinne der oan meiwurkje dat sa folle mooglik fan ús útgongspunten útfierd wurde. It soe moai wêze as de FNP op 18 maart ek de grutste yn de Steaten wurde soe. Dy kâns is net sa grut, it hat ek fyftich jier koste om op dit nivo te kommen. As wy deryn slagje om dizze kear like grut te wurden as de koalysjepartners fan no, dan is de missy al slagge. Mar ús ynset moat wol wêze om grutter as no út de ferkiezings te kommen. Johannes 13

14 Nij riedslid Chris van Hes woe in Frysk paspoart Yn de riedsgearkomste fan 17 desimber 2014 is de 22-jierrige Chris van Hes fan De Jouwer, ûnderwizer oan de Kristlike skoalle Twaspan yn Terkaple, ynstallearre as riedslid fan de gemeente De Friese Meren. Hy is dus de opfolger fan Hendrik Boonstra, dy t om syn sûnens ophâlde moast. Chris van Hes nimt mei Janke de Vries en Jan Volbeda de kommisje Romte foar syn rekken. De leafde foar it Frysk hat Chris foaral fan syn mem, dy t har mei it spyljen fan Frysk toaniel dwaande hâlde. Yn de 4 e klasse fan de HAVO hie hy in freon dy t him foar polityk ynteressearre. Mei in sterk gefoel foar it Frysk gie Chris rjochting FNP. Doe t hy 16 jier wie, skreau er in brief oan Jan Hettinga om te freegjen oft hy lid wurde koe. Hy wie wolkom. Chris kaam ek yn kontakt mei de Jongfryske Mienskip. It âlde bestjoer gie fuort en der wie gjin nije opfolging. Chris waard foarsitter en dat is hy noch. De J.F.M. waard oprjochte as tsjinbeweging tsjin de ferdieldheid en ferâldering fan de Selskippen. Doe t der plannen makken waarden foar it oanlizzen fan in camping, kaam de FNP yn ferset. Doarpsgenoat Wiebe Hoekstra noege Chris út om fraksjegearkomsten fan de FNP by te wenjen. Doe t de FNP-Skarsterlân troch de ferkiezings fan 4 nei 7 sitten gie, waard Chris fraksjeskriuwer. Sûnt koart is Chris ek lid fan it Korps Nationale Reserve. De taak fan dat Korps is it beskermjen fan it Nederlânske grûngebiet. Sa waard it Korps ek ynsetten by heech wetter yn Grinslân om de diken mei sânsekken fuort te sterkjen. In aardich foarfal is noch dat Chris nei boargemaster Bert Kuiper gie om Frysk yn syn paspoart te krijen. Net om syn Nederlânske steatsboargerskip op te jaan mar om de neidruk te lizzen op syn Fryske identiteit. De boargemaster koe dat net dwaan omdat it wetlik net mooglik is, mar it hat wol in diskusje oplevere. Johannes de Vries Nieuw raadslid Chris van Hes, 22 jaar, volgt Hendrik Boonstra op. Sinds zijn 16e is Chris al lid van de FNP. Toen de FNP-Skarsterlân van vier naar zeven zetels ging, werd Chris fractienotulist. Chris zet zich graag in voor het Fries. Zo is hij bijvoorbeeld voorzitter van De Jongfryske Mienskip. Hij is ook lid van het Korps Nationale Reserve. Het lukte hem echter niet om het Fries in zijn paspoort te krijgen. Johannes de Vries 14

15 Ferkiezingen op 18 maart 2015 Op woansdei 18 maart binne der ferkiezingen foar de leden fan Provinsjale Steaten en foar it algemien bestjoer fan Wetterskip Fryslân. Wy hoege mar ien kear nei it stimburo, mar kinne foar twa organen in stim útbringe. Foar Provinsjale Steaten binne wy wend om elke fjouwer jier nei it stimburo te gean. Foar it Wetterskip wurdt dit de earste kear. Ferkiezingen fan Provinsjale Steaten Op 18 maart kinne wy wer 43 leden fan Provinsjale Steaten kieze. Der is kar-út, want nei alle gedachten dogge der wol sa n 12 of 13 partijen mei. Ien dêrfan is fansels de FNP. Yn novimber is de kandidatelist troch de leden fêststeld. Johannes Kramer, no deputearre, stiet op nûmer ien. Op nûmer twa stiet Corlienke de Jong út Jutryp. Sy is de heechste nijkommer op de list. Wat har driuwt om de polityk yn te gean kinne jo op in oar plak yn dizze Nijsbrief lêze. De nije leden fan Provinsjale Steaten kieze letter de leden fan de Earste Keamer. Dat dogge se op tiisdei 26 maaie De senatoaren wurde dus net streekrjocht keazen, mar fia getrapte ferkiezingen. De steateferkiezingen binne dêrom fan direkt belang foar de lânspolityk. De provinsjale ferkiezingen wurde dêrom wolris kaapt troch de lanlike politisy. Dat sil fan t jier net oars wêze. It soe oars kinne. Kommissaris fan de Kening Jorritsma yn de Volkskrant fan 5 jannewaris: Nu liggen er op 18 maart al twee stembriefjes klaar in het stemhokje: één voor Provinciale Staten (en dus indirect voor de Eerste Kamer) en één voor de waterschappen. Daar had gemakkelijk een derde stembriefje bij gekund. Op die manier neem je de kiezer serieus en kan iedere geleding een eigen volwaardige campagne voeren zonder de verkiezing van de ander te kapen. De FNP is troch de OSF (Onafhankelijke Senaatsfractie) yn de Earste Keamer fertsjintwurdige. Wy fertrouwe derop dat dat net feroaret. Yn sawat alle provinsjes binne provinsjale/lokale partijen dy t meidogge oan de ferkiezingen fan PS. De measte fan dy partijen binne oansluten by de OSF. Net alle steateleden ha in like swiere stim. Der wurdt in relaasje lein mei it tal ynwenners fan in provinsje. De Fryske steateleden hiene yn 2011 in stimwearde fan 151 en yn Súd-Hollân wie dat 641, mear as fjouwer kear sa folle. Wetterskipsferkiezingen Yn 2008 krigen wy in stelsel mei listen. De partijen dy t meidogge stelle dan kieslisten op, krektsa as by de PS en riedsferkiezingen. Foar it earst diene der ek politike partijen mei. De FNP kaam doe mei twa minsken yn it algemien bestjoer fan it Wetterskip. Stimme gie doe oer de post. Eins hiene der yn 2012 al ferkiezingen wêze moatten. It stelsel is lykwols op e kop gien, want stimme oer de post is omslachtich en it tal stimmers wie leech. 15

16 Der is no foar keazen om direkte ferkiezingen te hâlden en dat tagelyk mei de ferkiezingen fan PS yn It wurket fierder krektsa as by de oare ferkiezingen mei legitimaasje, folmachten, stimhokje, bus dêr t it stimbiljet yn moat, ensafh. Yn dy nije situaasje bliuwt it ek sa dat de bedriuws-, agraryske en natuerbelangen fertsjintwurdige binne troch in tal geborgde sitten. Mar it grutste part wurdt direkt keazen. Oan de wetterskipsferkiezingen dogge njoggen partijen/groepearringen mei. De FNP is dêr ien fan. Listlûker Sake van der Meer komt fierderop yn de Nijsbrief oan it wurd. Janke de Vries Verkiezingen op 18 maart 2015 Op 18 maart zijn de verkiezingen voor de leden van Provinciale Staten en voor de leden van het algemeen bestuur van Wetterskip Fryslân. Eén keer naar het stembureau, twee keer stemmen. Aan de verkiezingen voor Provinciale Staten doen 12 / 13 partijen mee. De FNP is één van die partijen. Johannes Kramer, gedeputeerde, is onze lijsttrekker. Corlienke de Jong staat tweede op de lijst. Zij komt elders in deze nieuwsbrief aan het woord. De leden van Provinciale Staten kiezen vervolgens op 26 mei de leden van de Eerste Kamer. Bij die stemming moet weer rekening worden gehouden met het feit dat de stemmen een aan het aantal inwoners gekoppeld gewicht hebben: Fryslân (151), Zuid-Holland (641). Door dat Eerste Kamer-aspekt bestaat voor de verkiezingen van Provinciale Staten altijd veel landelijke belangstelling. Het zou daarom beter zijn dat die getrapte verkiezingen zouden worden afgeschaft en dat gewoon drie stembriefjes zouden worden ingevuld: Provinciale Staten, Waterschap, Eerste Kamer. Dat is in ieder geval de mening van de Commissaris van de Koning Jorritsma. De FNP is door de OSF (Onafhankelijke Senaatsfractie) vertegenwoordigd in de Eerste Kamer. De OSF is de overkoepeling van bijna alle lokale en regionale partijen die aan Provinciale Staten meedoen. We vertrouwen erop dat wij zo op dezelfde wijze in de Eerste Kamer vertegenwoordigd blijven. De FNP heeft twee zetels in Wetterskip Fryslân. De FNP doet nu ook weer mee. Sake van der Meer is onze lijsttrekker. Hij stelt zich elders in deze nieuwsbrief aan u voor. Janke de Vries 16

17 Corlienke de Jong, nûmer 2 De fraach fan Jochum Meester om, sa as hy skreau: as heechste nijkommer en fuort op twa, wat oer mysels te fertellen, doch ik graach. Ommers, fansels is it wichtich dat myn efterban wit hokker frommes foar de belangen fan Fryslân de kommende fjouwer jier opkomme sil. Corlienke de Jong is myn namme, ik bin 49 jier en kom fan e Jutryp. Ik bin troud mei in Frysk dammer: Folkert Groenveld fan Sânfurd en grutske mem fan trije fammen. De âldste, is 21 jier, wennet yn Rotterdam en studearret politikology yn Leiden. De middelste is 19 jier, wennet yn Utert en studearret biology en de jongste is 17 jier, wennet noch thús en docht yn maaie dit jier eineksamen VWO. Hja sil, as se slagget, ek studearje en it âlderlik hús ferlitte. Us trije froulju fleane dus sa stadichoan allegear út en einlings koe ik tajaan oan in grut langst wat foar de partij en Fryslân werom te dwaan. Ik koe einlings Ja sizze op de fraach oft ik my ferkiesber stelle woe foar de Steaten. Earder doarst ik it net oan; as wurkjende mem ék nochris polityk aktyf wêze, giet net tegearre salang t de bern noch thús wenje wie ik fan betinken. Dus dêrom no, nei jierren yn de weak stien te hawwen. Lang om let koe ik de listkommisje melde: Ik doch it. De tiid wie der ryp foar. Ik fyn it geweldich deroan by te dragen dat ús Fryslân leefber is en bliuwt, dat de Fryske taal en kultuer dát plak krijt dat nedich is om ek ús pake- en beppesizzers de wearde derfan mei te jaan en fiele te litten, dat it lânskip yn acht nommen wurdt en we de doarpen hoedzje. Sa kin ik as Fries yn ieren en sinen noch wol efkes troch gean. Want, Fryslân is my oan it hert bakt. Fansels moat ik in soad leare, mar ik sil net benauwd wêze my it politike metier eigen te meitsjen. De 8 jier bestjoerlike ûnderfining as foarsitter fan de FNP-Wymbritseradiel draagt der fêst ek ta by. Yn it deistige libben wurkje ik by it Friesland College as dosint by de ôfdieling Technyk & Technology. Njonken lesjouwende taken en dêroan keppele staazjebesites foar de meubel-, skips- en Interieurbouwers, fersoargje ik de foarljochtingen oer technyske opliedingen op de VMBO-skoallen én bin relaasjebehearder technyk. Ik ferwachtsje in tige nijsgjirrige omjouwing, dêr t ik in soad leare en meimeitsje sil; net mei bline ambysje, mar as ferbiner tusken polityk en de minsken, tusken polityk en it bedriuwslibben en ûnderwiis, tusken polityk en de mienskip. Mar ek in omjouwing dy t in lestige wêze kin en miskien moat ik as frou yn in mannewrâld sels wol in stap hurder rinne. Lykwols liket it my in geweldige útdaging dy t ik graach oangean. 17

18 As ferdivedaasje én om sûn fan lichem en geast te bliuwen, fyts ik alle dagen fan de Jutryp nei t Hearrenfean nei skoalle en bin freeds op redens yn Thialf te finen. Miskien ek aardich om noch te melden is, dat ik al mear as 20 jier trou-amtner bin; earst foar de gemeente Wymbritseradiel en no foar de gemeente Súdwest-Fryslân. Ta beslút: ik haw der o sa n nocht oan en sjoch der nei út mei de nije útdaging út ein te setten! Corlienke de Jong, nummer 2 Ik vertel graag iets over mijzelf. Ik ben 49 jaar en woon in Jutrijp. Ik ben getrouwd en we hebben drie dochters. Ik draag graag bij aan een leefbaar Fryslân met aandacht voor de Friese taal en cultuur. Nu de dochters (bijna) volwassen zijn, krijg ik weer meer tijd voor mijzelf. Daarom heb ik nu ja durven zeggen op de vraag of ik op nummer 2 wil staan. In het dagelijks leven ben ik docent techniek en technologie aan het Friesland College. Als voorzitter van de FNP-Wymbritseradiel heb ik politiek bestuurlijke ervaring opgedaan. In de politiek wil ik graag verbinden en hoewel ik nog veel moet leren, wil ik ook graag mijn mannetje staan. Voor de volledigheid: ik fiets en schaats graag en ik ben trouwambtenaar. Ten slotte: ik heb er zin in! Sake vd Meer kandidaat wetterskipsferkiezings Ik bin Sake van der Meer, ûndernimmer yn Koatstertille dêr t ik mei myn frou Tsjikke in winkel yn fisksport en dierfoeders ha. No bin ik mei pensjoen. Myn bestjoerlike ûnderfining: no noch riedslid en foarsitter Sportfiskerij Fryslân, foarsitter HSV de Rietvoorn Koatstertille, ried fan tafersjoch miljeufederaasje, adviseur/bestjoerslid MFA Koatstertille, foarsitter (Achtkarspelen) wurkgroep gearwurking rieden 8K en T-Diel. Myn foarige funksjes: bestjoerslid Sportfiskerij Nederlân (9 jier), foarsitter ûndernimmersferiening (15 jier), skoallebestjoer, ferskate besjoersfunksjes yn de polityk, foarsitter stichting Doarpshûs (30 jier). Nei oanlieding fan myn kandidaatstelling krige ik de fraach: It mear is blykber nea fol. No wol jo ek noch in sit ha yn it wetterskip? It sit sa, ik hie my ynearsten net opjûn foar de ferkiezing, mar fan de FNP út kaam de fraach om my kandidaat te stellen, fanwege myn achtergrûn. As foarsitter fan Sportfiskerij Fryslân ha ik in protte mei it wetterskip en de natuerorganisaasjes te krijen. Wy hawwe bygelyks mei Wetterskip Fryslân de ferbettering fan de wâlen yn de Delen oanpakt, de sportfiskerij hat der 150 fiskplakken 18

19 oanlein (Wurk mei Wurk), in hiel moai projekt dat sjen lit wat jo yn goede gearwurking berikke kinne foar de natuer yn Fryslân. It wetterskip is fan grut belang foar ús mienskip. Der is hiel wat te dwaan. Der lizze grutte útdagingen, sjoch nei de Kaderrjochtline wetter. Wy ha it dan oer wichtige saken as bemealling, behear, feangreidegebieten, fiskepassaazjes ensfh. Mar ek it oanpakken fan streuperij op lân en wetter, de kwaliteit fan it wetter... neam mar op. Ik pleitsje al jierren foar sûn wetter. Dat liket sa simpel, mar dat is fuort net klear. Wetter en alles wat der mei gearhinget is fan grutte wearde foar de leefberens fan Fryslân. Ik wol my dêr fan herte foar ynsette! Sake van der Meer Sake vd Meer kandidaat waterschapsverkiezingen Ik ben Sake van der Meer uit Kootstertille. Daar hebben mijn vrouw en ik een winkel in vissportartikelen. Ik ben nu gepensioneerd. Ik heb bestuurlijke ervaring als raadslid en als voorzitter van Sportvisserij Fryslân enkele andere besturen en organisaties. Als voorzitter van Sportvisserij Fryslân heb ik veel contacten met Wetterskip Fryslân. Het waterschap is een belangrijke instelling voor onze samenleving. Uitdagingen zijn er ook: kaderrichtlijn water, beheer veenweidegebieden, de kwaliteit van het water, enz. Ik pleit al jaren voor gezond water. Ik zet mij graag in voor water en alles wat met water te maken heeft. 19

20 Koeke- en breabakkers oan e Streek FNP-wurkbesite De FNP-fraksje De Fryske Marren hat op op wurkbesite west by Modderman yn Rotsterhaule (koeke en pipernuten) en Van Dijk yn Sint Jânsgea (brea). Beide bedriuwen hawwe te krijen mei bouplannen en ferbouwen en dus mei de gemeente. De fraksje besjocht it koekefabryk fan Modderman. Modder hat hast santich minsken oan it wurk dy t fan moarns ier oan t jûns let yn twa ploegen it wurk dogge. Yn it petear komme benammen de saken dy t mei de bou te krijen hawwe oan e oarder. By it breafabryk fan Van Dijk moat de ferbouwing noch begjinne. De fraksje besjocht de tekeningen. Van Dijk senior en junior fertelle oer de plannen en oer it breabakken. Sa n acht minsken bakke alle wiken weroan 40 ton brea. By beide bedriuwen komme as it om de bouplannen giet de kontakten mei de gemeente oan e oarder. It is goed om te hearren wat ûndernimmers as Modderman en Van Dijk dêrfan fine. Dêr kin de FNP-fraksje wat mei. Op ús webside is mear te lêzen oer dizze wurkbesite. Aant Mulder Koek- en roggebroodbakkers aan de Streek De FNP-De Fryske Marren heeft op een werkbezoek gebracht aan de bakkerijen Modderman (koek en pepernoten) in Rotsterhaule en Van Dijk (roggebrood) in St Johannesga. De fabrieken zijn bekeken en de verbouwingen besproken. Uiteraard kwamen ook de contacten tussen de gemeente en de beide firma s aan de orde. Aant Mulder 20

21 It feangreidegebiet by Eastersee en Ychten FNP-steatefraksje wurkbesite (Kandidaat)steateleden, (kandidaat)wetterskipsbestjoerders en riedsleden hawwe op útnoeging fan Popke Popma yn it feangreidegebiet west, om t ynkoarten de Feangreidefisy op de wurklist fan Provinsjale Steaten stiet. Troch in leger wetterpeil en it dêrtroch sakjen fan de feangrûn ha ynwenners grutte problemen mei de houten fundearrings ûnder har wenningen. De fundearring komt droech te stean en begjint te rotsjen. Dat hat skuorren yn e muorren en doarren dy t net mear goed ticht wolle fan gefolgen. Der is al jierrenlang striid oer wa t ferantwurdlik is en bydrage moat yn de kosten. Oant no ta stean de bewenners sels foar de skea. It wurdt sa njonkelytsen wol tiid foar in oplossing foar dat probleem. Yn de neamde Feangreidefisy sit lykwols gjin oplossing foar it pealrot- of fundearringsprobleem. De FNP hat in tal jierren lyn al in útstel yntsjinne om in skeafûns yn it libben te roppen, sadat dupearren yn alle gefallen 30 % fan de kosten fergoede krije soene. Spitigernôch hat dat plan it doe net helle. De steatefraksje giet deroer te set en sil troch it yntsjinjen fan in moasje in mooglike oplossing tichterby bringe. Janke de Vries Het veenweidegebied bij Oosterzee en Echten De FNP-statenfractie heeft een werkbezoek gebracht aan het veenweidegebied. Een lager waterpeil heeft grote gevolgen voor de houten funderingen van veel huizen (paalrot). De bewoners kunnen de kosten nergens verhalen en dat moet anders. Helaas zijn FNP-voorstellen in die richting in het verleden niet aangenomen. Janke de Vries Wy wolle ús stipers- en lede-administraasje graach sa goed mooglik op oarder hawwe. As der adresferoarings binne of ferkearde adressen brûkt wurde, dan graach in mailtsje nei dfm.leden@fnp.frl stjoere. Wa t ús ynformaasje noch net oer de mail kriget, mar wol in adres hat, freegje wy om ek in mailtsje nei dfm.leden@fnp.frl te stjoeren. Itselde jildt foar oare saken dy t foar ús bestjoer nijsgjirrch wêze kinne. Graach dwaan! Wa t op in oare wize kontakt opnimme wol mei in bestjoerslid kin dat dwaan. Op de lêste side steane nammen, ( )adressen en tillefoannûmers. 21

22 Acht FNP-ers út DFM op kandidatelisten maart Yn maart 2015 binne der wer provinsjale ferkiezings foar de Steaten en it Wetterskip. In pear wiken ferlyn waard dúdlik wa t fan ús ôfdieling op de listen kamen te stean. Yn novimber stienen twa ledegearkomsten foar de provinsjale FNP-leden op it programma. Op 7 novimber waard it program foar de jierren fêststeld en op 21 novimber kamen de kandidaten foar de Wetterskipslist, de Steatelist, de senatoaren, deputearre en DB-lid Wetterskip oan bar. Úteinlik binne it de leden dy t beslute oer de definitive listen. Dy binne yn te sjen troch de lêste Frijbûtser (it ledenblêd fan de FNP) yn te sjen. Beide listlûkers, Johannes Kramer (steatelist) en Sake van der Meer (Wetterskip), sjogge de ferkiezings fol betrouwen yn e mjitte. Der komt in protte op ús ôf, mar beide hawwe der nocht oan om foar de FNP, om foar de hiele Fryske mienskip, de hannen út de mouwen te stekken en derfoar te gean. Foar de FNP De Fryske Marren betsjut it dat op de list fan de Provinsjale Steaten 8 fan ús minsken komme te stean en op dy fan it Wetterskip 2: Provinsjale steaten 10. Auke Bijlsma (Terherne) 11. Jeltsje Piersma (Nijemardum) 16. Jochum Meester (Sint Jânsgea) 19. Janke de Vries (Dunegea) 23. Durk Durksz (Vegelinsoard) 32. Oppie Riedstra (de Lemmer) 42. Johannes van der Pal (de Lemmer) 43. Gerda de Vries (de Jouwer) Wetterskip 11. Jan Westra (Sint-Nyk) 12. Frans Gerritsma (Nijemardum) Jochum Meester Acht FNP ers uit DFM op kandidatenlijsten maart Zie de lijst hierboven Jochum Meester 22

23 Bestjoer Aant Mulder, foarsitter Minne Jeltesstrjitte 18, 8561 DZ Balk / Attie Wobbes, skriuwer Jachtlustwei 32, 8563 AB Wikel attie.wobbes@fnp.frl / Jan Westra, ponghâlder St. Nyk, jan.westra@fnp.frl Corrie van Deursen, twadde foarsitter Ychtenbrêge, corrie.van.deursen@fnp.frl Fakatuere, twadde skriuwer Auke Swart, twadde ponghâlder Balk, auke.swart@fnp.frl Johannes de Vries, lid De Lemmer, johannes.de.vries@fnp.frl Skaadfraksje Frâns Gerritsma, Nijemardum frans.gerritsma@fnp.frl Aaltje Pen, Dolsterhuzen aaltje.pen@fnp.frl Arjen de Ree, De Jouwer arjen.de.ree@fnp.frl Sibbele Sikkes, Terkaple sibbele.sikkes@fnp.frl Fraksjenotulist Geke Minnesma, Haskerhoarne geke.minnesma@fnp.frl Webside & sosjale media twitter.com/fnpfryskemarren facebook.com/fnp.defryskemarren Riedsleden Gerda de Vries-Suierveld, fraksjefoarsitter en kommisje bestjoer Geert Knolweg 57, 8501 MJ De Jouwer gerda.de.vries@fnp.frl / Jan K. Volbeda, kommisje romte Aldewei 35, 8582 KX Aldegea jan.volbeda@fnp.frl / Chris van Hes, kommisje romte De Jouwer, chris.van.hes@fnp.frl Jeltsje van der Zee-Piersma, wolwêzen Wissebuert 37, 8566 JM Nijemardum jeltsje.piersma@fnp.frl / Oppie Riedstra-Bijma, kommisje bestjoer Nieuwedijk 85, 8531 HL De Lemmer oppie.riedstra@fnp.frl / Jochum Meester, kommisje wolwêzen Streek 122, 8464 NH St. Jânsgea jochum.meester@fnp.frl / Wiebe Hoekstra, kommisje bestjoer Streek 2, 8464 NA St. Jânsgea wiebe.hoekstra@fnp.frl / Janke de Vries, kommisje romte Wielwei 51, 8516 DE Dunegea janke.de.vries@fnp.frl / Eefje de Vries-van Ginkel, komm.wolwêzen Middenweg 133, 8538 RB Bantegea eefje.de.vries@fnp.frl / Wethâlders Durk Durksz durk.durksz@fnp.frl Johannes van der Pal johannes.van.der.pal@fnp.frl

24 Ferkiezings Provinsjale Steaten en Wetterskip op woansdei 18 maart Corlienke de Jong 1. Johannes Kramer 1. Sake van der Meer Provinsjale Steaten Provinsjale Steaten Wetterskip Wurkbesite FNP-steatefraksje feangreidegebiet Wurkbesite FNP-fraksje De Fryske Marren oan de brea- en koekebakkers oan e Streek