DOARPSNIJS Nûmer 366 septimber

Transcriptie

1 DOARPSNIJS Nûmer 366 septimber

2 KOLOFON Doarpsnijs is in útjefte fan de Feriening foar Doarpsbelang Nijemardum en ferskynt op elke lêste tongersdei fan de moanne. It earste krantsje kaam út yn april Kopij foar Doarpsnijs kin oant in wike foar de ferskining ynlevere wurde, dus oant de op ien nei lêste tongersdei fan e moanne. Op dy dei is der in redaksjegearkomste en wurdt it krantsje gearstald. De redaksje: Wiepkje Holtrop Lyklamawei Hedwig Beukens Hege Bouwen 2a Annie de Kleine Lyklamawei Jantsje Akkerman Lyklamawei Tiete Bangma Heaburgen Coby Hospes Lyklamawei adres: redaksje.doarpsnijs@gmail.com Website: It bestjoer fan Doarpsbelang: Yme Wiersma (voorz) Omrin Bauke Beukens (secr.) Hege Bouwen 2a Gerrie van der Veen Omrin (penningmeester, bankrek ) Sjoukje Kramer Wissebuurt Joop de Vries Lyklamawei Piet Rienstra Omrin Rienk Nadema Hege Bouwen adres buurtplysje: tjeerd.hofstra@friesland.politie 2

3 STOARN Op 16 septimber is der in ein kommen oan it libben fan Wieke Bekedam. Sy is 20 jier wurden. Op 19 septimber is der in ein kommen oan it libben fan Mieke Brandenburg. Sy is 60 jier wurden en wenne op Nij Amerika 10. FERHUZE Johannes Hospes is ferhuze nei de Hommerts, Hettingawei 16, 8622 XX. BEDANKT In de week van juli was de collecte voor de Maag-Lever-Darmstichting. Het was voor mij de eerste keer dat ik deze collecte organiseerde. Ik heb het stokje van Wil Baukema overgenomen, die het jaren achtereen heeft georganiseerd. Dankzij jullie kon ik het mooie bedrag van 348,99 overmaken naar de stichting. Daarom wil ik jullie op deze manier bedanken en natuurlijk ook de collectanten die het voor mij mogelijk maakten. Dus, Marijke,Jan, Antsje, Tiete, Gerda, Marijke, Griet Akke, Gina, Henk en Minke bedankt! Brechtsje Bokma 3

4 BEDANKT Ieder jaar in de eerste week van september gaan de collectanten weer op pad met de collectebus voor de collecte van het KWF Kanker bestrijding. De acht collectanten van Nijemirdum hebben dit jaar het mooie bedrag van 518,87 euro opgehaald! Dat alles heeft uiteraard te maken met het feit, dat u onze collectanten kent, maar ook welke doelen worden nagestreefd. Kanker moet meer en meer onder controle komen, maar dat is helaas nog lang niet zo ver. Dagelijks worden u en wij met deze grootste vijand van onze gezondheid geconfronteerd. Daar moet een definitief antwoord op komen. Daarom is het o zo belangrijk dat er geld is om als maar onderzoeken te doen. Voor alle gulle gevers uit Nijemirdum onze hartelijke dank, dit namens de collectanten en al diegenen die strijden tegen kanker. Groetnis, Aukje Laffra-Baukema HA JIM T AL HEARD? Sneontemoarn 14 septimber: ik wurd al betiid wekker en ik hear it bûten reinen. Normaal makket my dat net safolle út, mar hjoed is t de dei fan de frijmerk. Oehh! It sil aanst wol droech wurde, it hat noch noait in hiele dei reind. Dus gau der ôf en de hannel yn de carport klearsette. No, sa t bûten reinde sa reinde it ek tillefoantsjes. Giet it wol troch Wiep? Eh ja hear, we geane der foar. Al mei al ha we it ek noch wol troffen. Tusken en oere wie it droech. Fansels wiene der folle minder minsken dy`t harren hannel by de dyk hienen. Roelie en Jan ha der gjin frikandel minder om ferkocht. It wie in gesellige boel op de feranda. Enne.. oare kear hoopje we wer op moai waar. 4

5 Op 1 septimber wie der in spesjale tsjerketsjinst. Jan en Akke wiene yn augustus 40 jier koster. No, dat mocht ek wol fierd wurde fansels, want dat is in hiel skoft. Maartje hie in moai ferske foar harren makke op de wize fan Eens als de bazuinen klinken. Fan ds Osinga krigen se in hearlike taart. Omdat der foar him by de 11 oere tsjinsten altyd in gebakje klear stiet woe hy no wat werom jaan. Nei de tsjinst wie der noch feest yn it doarpshûs. Dêr krigen se allebeide noch in gouden spjelde. It ferske kinne jim lêze fierderop yn dit krantsje Ik hie myn stikje klear. Doe waard Nijemardum opskrikt troch in freeslik drama. Wieke Bekedam ferûngelokke moandei 16 septimber by de Griene Singel. Albert en Jeannet, Emma, Anke en Anton en neisten: alle sterkte tawinske mei dit grutte ferlies. Hjir binne gjin wurden foar. Op 19 septimber ferstoar Mieke Brandenburg-de Weerd fan Nij Amearika. Sy wie krekt 60 jier wurden. Leave frou fan Durk en mem fan Hilda en Frank, Paula en Joop en fan Jacob. Alderleafste beppe fan Marieke en Arnold. Wat wie sy wiis mei har beppesizzers. Durk en bern: alle sterkte tawinske. WTHP 5

6 BEDANKT Yn de wike fan de útjefte fan it foarige Doarpsnijs bejoech it kopiearapparaat fan Knilles it. Wat moatte we no? In wike letter útkomme litte? Nee, leaver net. Roelie Veen freegje as hy it bij NOK kopiearje kin? Fansels, dat moat altyd goed komme, sei de man dy t alles kin.. It hat him neffens my wol in heale dei koste, mar dêr praat hy net oer. Jim hiene allegear tongersdei it krantsje yn de bus of op de matte. Roelie, út namme fan de redaksje en alle lêzers Super Bedankt. VOORAANKONDIGING CONCERT Op 26 oktober 2013 geeft het Interkerkelijk Streekkoor Oudemirdum een jubileumconcert ter ere van het 25-jarig jubileum van Harm van Zuiden als dirigent. Medewerking zal worden verleend door trio42. Dit trio bestaat uit de leden Remy van Kesteren (harp), Merel Vercammen (viool) en Christiaan van der Weij (saxofoon). Drie jonge internationale topmusici. Verdere medewerking van Hielke van der Meulen (orgel) en Martin de Jong (piano). Het concert wordt gehouden in De Paadwizer te Balk. Aanvang: uur. Concertcommissie Sietske Osinga 6

7 SINNICH MEI SINNE Het initiatief van de commissie Sinnich mei Sinne om gezamenlijk zonnepanelen in te kopen heeft veel enthousiaste deelnemers gekregen. Nijemirdum is inmiddels bijna 400 zonnepanelen rijker. Een resultaat waar we met z n allen trots op mogen zijn. Er wordt voortaan per jaar ongeveer Kwh elektriciteit in ons dorp duurzaam opgewekt. De commissie wil graag doorgaan op het pad van energiebesparing in Nijemirdum en wil u daarom opnieuw uitnodigen voor een voorlichtingsavond over mogelijkheden van energiebesparing in uw woning op: Woensdag 9 Oktober om 20:00 in het Dorpshuis We hebben weer een aantal mensen bereid gevonden hun kennis en ervaring met ons te delen: Durk Durksz, betrokken bij het initiatief Tûk Wenjen/Tûk Libjen binnen de nieuwe gemeente Friese Meren Eric de Jong, deskundige op het gebied van het Energielabel (EPA advies) Er zal na de presentaties ruimschoots de tijd zijn voor vragen en discussie. Energie besparen betekend direct besparen op uw energie kosten en is daarmee interessant voor iedereen. Graag tot ziens op 9 oktober. Rienk Nadema 7

8 NOCH BY JUF Dit kear is der wer in famke oan de beurt út de boppebou. Wêr ha we noch net west?? We ha de leste jierren al hiel wat hân. Naomi wurdt der roppen ja dy hat der noch net yn stien. Dat op in sneontemiddei fyts ik de Omrin yn. Naomi sit al by de keukenstafel mei har suske Deborah. Se binne beide drok oan it tekenjen. Hoelang duorret it ûngefear Wiepkje?? Want ik moat einliks oer in heal oerke wer fuort dus gjin geseur: gaan met die banaan. Naomi Rienstra wennet yn de Omrin op nr. 14, mei har heit Hindrik, mem Tryntsje en suskes Deborah en Hannah. Hoe âld bisto? Ik bin no noch 10 jier, op 1 oktober wurd ik 11!!!. Ha jim ek húsdieren? Wy ha in poes dy hjit fan Gysmo, Flappy sa hjit de knyn en myn lievelingsbist is in hynder. Yn wat foar groep sitsto? Ik sit yn groep 8 fan de Súdwesthoekskoalle yn Snits. Dêr bin ik 2 jier lyn hinne gien. It is in hiel moaie skoalle en we ha in hiel leuke master. Hoe hjit hij? Master Rients. Wat fynst it moaiste op skoalle? Alles wol, skriuwe fyn ik leuk en gym ek. We ha no ek tablets op skoalle, dat is hielendal leuk fansels. Wat fynst it ferfelendste op skoalle? Ehh skiednis, ierdrykskunde en natunyk dat is hielendal saai Trouwens ik hie wol in 10 plus op topo. We moasten de kaart fan Nederlân út de holle kinne, alle provinsjes en haadstêden. So dat hiest dus efkes goed leard. Praatst altyd frysk? Net altyd, de measten dy t by my yn de klasse sitte prate Hollânsk 8

9 Thús praat ik altyd wol frysk hear. Wat wolst letter wurde? Oehh.. dat wit ik noch net, yn elts gefal gjin toskedokter!! Wat mei bisten of mei bern liket my wol leuk. Wat fynst leuke tv programma`s? Ik sjoch faak nei Nickelodeon, the Voice en GTST. Wat fynst leuk om te lêzen? Stripboeken. We krije aanst in byb op skoalle, dêr ha ik ek wol sin oan. Wat fynst moaie muzyk? Pink, Rianne en Kinderen voor Kinderen fyn ik ek noch wol leuk. Fynst it moai om yn Nijemardum te wenjen? Jawol, mar lettter wol ik nei Aldemardum te wenjen? Pardon!!! Ja dêr hast winkels ensa dat fyn ik wol leuk. Dochst ek oan sport? Ja, ik sit op fuotbal, en dat kin se ek goed hear. Ik sit no foar it earste jier yn in famkessântal en leuk? Ja hartstikke leuk mar ik fûn it by de jongens ek altyd moai hear. Wat foar boartersguod fynst it moaist? Kleurje en tekenje, en meidwaan mei kleurwedstriden. Ik ha by de Poiesz al ris in kear in moederdagmand wûn! Dêr wie mem wol bliid mei. Boartest ek wol ris bûten? Ja, faak mei freondinnen. Skelterje en nei it boarterstúntsje is altyd leuk. Wat fynst it lekkerste om te iten? Earpels mei woartels. Echt? Fanút de oare keamer wurdt roppen Oh ja Naomi? Fynst dat lekkerder dan lasanje? Lasanje fyn ik ek lekker ja, like lekker as woartels. Helpst heit en mem wol ris? Mem help ik wol mei de bêden te ferskjinjen. Ja en dat kin se goed hear seit Tryn.En de knyn fersoargje ik ek altyd. Wat fynst hiel leuk om te dwaan? By it hynder wêze. Naomi hat sûnt in skoftke in fersoarchhynder by Durk Postma stean, in grut frysk hynder. Hylkje hjit se en se is hiel leaf. Ik gean der alle dagen hinne. Dan boarstelje ik har en ryd der sa no en dan op. 9

10 En wêr fynst niks oan? Húswurk! Hast dat in soad? No ja soms wol. Dan kinne we fêst wat wenne, seit master, as we aanst nei it fuortset-ûnderwiis geane. Wer silst oar jier hinne? Ik tink nei Balk. Dêr ha ik wol sin oan. Undertusken krij ik kleurplaat nûmer 5 fan Deborah. Dy kin hiel goed multytaske. Sa`t se praat sa kleuret se ek, oan ien stik wei troch. Wannear kom ik yn it krantsje? freget se. Naomi suchtet it in pear kear en seit Deborah gean hjir efkes wei (mar dat docht se net hear, se fynt it fierstente gesellich] Sist ek op klup? Ja, dat sil aanst wol wer ris begjinne enne dit jier geane wy as ôfsluting nei WALIBI!! Oehh, dat is sa leuk jong. Kin it dy wat skele watfoar klean ast oan hast? Net echt, soms bin ik it der net mei iens wat mem klear lein hat en dan doch ik wat oars oan. Hast ek op fakânsje west? Fan t jier net, mar oar jier geane we wol wer. Ik ha trouwens wol op kamp west, nei Bakkefean. Fan septimber geane we mei skoalle op kamp nei Amelân. Dêr ha ik ek fet sin oan. Sitst faak achter de kompjûter? Jawol, ik sit faak foar hyves. Gesellich chatte mei freondinnen, en leuke spultsjes dwaan. Hast ek in mobile tillefoan? Ja, mar dy leit no noch op skoalle. Handich hè? Ja, ik moat altyd hiel snel om de bus te heljen en doe koe ik freed net wer werom nei de klasse. Ast 2 winsken dwaan meist, wat soest dan winskje? Dêr hoecht se net lang oer nei te tinken. Dat ik sels in hynder hie!! Enne dy oare.. ach, dat ik in hiel leuk libben krij, mar datha ik no ek al hear. Hé Naomi, bedankt dat ik hjir efkes komme mocht en in hiel soad wille en plesier op it Amelân. Wiepkje 10

11 WA BIN IK? As it no lei oan dat Jantsje op fakânsje wie en dat jimme my net mear doarden te beljen..., of wie it gewoan sa stjonkende dreech?? Net ien tillefoantsje ha ik hân As ik fuort gyng sei ik tsjin Jan en de bern: Der kinne minsken belje hear oer de foto Mar net ien seach dat it moaie famke op de foto Nel fan Doede wie Dus Douwe, do kinst freed in heal oere langer lizzen bliuwe, want do kinst ien sûkerbôle minder bakke. No dan dogge we no wer in makky Dizze kear wer gau belje nei Jantsje , dat kin oant e mei sneon. Wiepkje 11

12 FISKWEDSTRIID NIJEMARDUM It waar hie it dit jier mar goed mei ús foar doe t op 31 augustus de fiskwedstriid fan Nijemardum by de Sânfeart wie. Mar leafst 34 dobbers pronken yn it wetter! Fan 7 oere ôf waard der om raak fiske. Foar dy tiid hiene de measte fiskers al in gaadlik stekje opsocht. Je wolle fansels neat oan it tafal oerlitte. Boake gie sels op it oerdwers stik stean mei syn ark. Hy tocht, de wyn is dizze kant út, dus alle fisk dat de wjirmen en bôle fan myn konkurrinten mist, dat swimt sa nei mij ta! Rienk, Joop en Bauke hiene it drok om alle fongen fisk by de dielnimmers op te mjitten. Se fleagen mar hinne en wêrmei de mjitstôk en it skriuwboekje. It wie in gesellich barren, mei it sintsje der by en fisk dy t frij wat hongerich wie. De grutste fisk dy t tahapte wie mar leafst 36 sm. lang! Noait witten dat der sokke grutte jonges swimme. De gasten fan de Fam. Bekedam wiene ek wer fan de partij. Pake fan Wezel, dy t elk jier in prachtige selsmakke draak (vlieger ) skinkt, hie syn kreaasje rom op tiid heech boppe de Sânfeart. Hy hie syn bernsbern meinommen en dy koene ek omraak fiskje. Wat wolle jo ek mei sa n pake! Doe t om healwei njoggenen it lûd kaam as teken dat der net mear fiske wurde mocht, moast der dan ek drok rekkene wurde. Nei in dreech petear fan de sjuery, wie it spannend wa t dit jier de wikselbeker mei nei hûs nimme koe. By de grutten wie dit jier de priis foar Boake Pietersma. Hy hie mar leafst 118 sm. oan fisk fongen! Goeie taktyk dus, dêr op it ein te stean. Of soe hy foer hân hawwe, werr t meardere kearen de selde fisken op ôf kamen? Wy sille it nea witte, mar Boake syn namme komt op de beker en dy mei in jier by him thús stean. By de bern wie it ek oan t lêst ta spannend wa t der mei de priis fan troch gean soe. Earst wie Benjamin Postma bysûnder lokkich, hy helle de iene nei de oare fisk om heech. Mar healwei de jûn, krigen de fisken yn de gaten dat Hindrik Eppinga ek wat hearliks oan it heakje hie. Doe giene de fisken dêr hinne. By de bern wie de earste priis foar in pakesizzer fan dhr. Wezel. Hy hie mar leafst 8 fisken fongen mei in totale lingte fan ek 118 sm. 12

13 It slúfke mei ynhâld wie foar him tegearre mei in hearlike sûkerboffert. De wikselbeker moat yn Nijemardum bliuwe, dus gie dy nei de winner fan de twadde priis. Dat wie Hindrik Eppinga. Hy hie mar leafst 7 fisken fongen. Benjamin Postma koe de tredde priis mei nei hûs nimme. Nei de priisútrikking seagen alle bern nei boppen. Dêr fladdere de draak heech yn de loft. Wa soe dy dit jier krije? De famylje van Bommel wie dit jier de gelokkige. Gjin fisken fongen, mar net mei lege hannen nei hûs. It skimere al doe t de fiskers wer op hûs oan giene. Doarpsbelang Nijemardum KAMPIOENSCHAPPEN BLOEMSCHIKKEN Vrijdag 11 oktober worden voor de 50 ste keer de Nederlandse kampioenschappen bloemschikken georganiseerd. Voor amateurs en studententeams GROEI EN BLOEI in de Orchideeen hoeve te Luttelgeest Oosterringweg PV Vrijdag 11 oktober is de wedstrijd, de gemaakte stukken zijn te bezichtigen op: zaterdag 12 oktober van uur zondag 13 oktober van uur gratis entree, gratis parkeren Thema: FEEST Voor wie het leuk vindt!!! Deze kampioenschappen zijn meestal in het midden van het land, nu een half uurtje rijden en je bent in Luttelgeest. Tiete Groenhof-Faber 13

14 BINGO Sneon 19 oktober is der wer in gesellige bingo yn it doarpshûs fan Nijemardum. Mei dit kear wer gewoane prizen. We begjinne om oere. Jim komme dochs wol wer allegear hè?? Oant sneon de 19 de.. De lokaalferiening IT HIMD FAN IT GAT Ferskate kearen bin ik al troch de Omrin fytst mar it is in toer om se thús te treffen. Op in woansdei yn septimber ha ik byt. De famylje van Rijs is thús en de man fan it hûs, Meindert, hat gjin beswier m ynterviewe te wurden. Deselde jûns mei ik al op e kofje komme. Neidat wy wat bijpraat ha, wy wiene 2 jier lyn noch kollega s, begjinne wy mei it fraachpetear. Meindert is berne op 25 desimber 1948 yn Grins. Syn heit kaam út Dokkum en syn mem út Waddinxveen. It gesin van Rijs ferhuze al gau nei Ljouwert en dêr is hy opgroeid. Meindert en syn frou Margreet ha in dochter, Marieke, dy t mei man en twa bern yn Barendrecht wennet. Sûnt 2004 wenje Meindert en Margreet op e Omrin 42. Wat foar oplieding hasto dien? Ik ha op de Kristlike Kweekskoalle Mariënburg sitten. Tsjintwurdich hjit dy skoalle Stenden Hogeschool. Doe t ik yn e earste klasse in wurkwike hie, it wie 1966, krige ik ferkearing mei Margreet. Margreet kaam ek út Ljouwert en wenne sa n 100 meter fan ús hûs mar ik hie har noch noait earder sjoen! Wat foar wurk hast dien? 14

15 Ik bin yn 1971 begûn as ûnderwizer. Yn 1977 waard ik hoofd der school fan de Katolike St.Ludgerusskoalle yn Balk. Yn 2011 bin ik opholden. Sa ha ik de 40 jier folmakke. En no? Dochst ek frijwilligerswurk? ( Hy hat my earder wol ris ferteld dat er net alle dagen thús sitte wol; hy moat sa no en dan minsken treffe, hy hâldt wol fan in praatsje) Ja, ik doar it hjir hast net te sizzen mar ik doch frijwilligerswurk foar VV Balk. De fuotbalferiening. En ik sjong by it temakoar yn Balk. As ik frege wurdt foar in bestjoersfunksje sis ik nee. It fergaderjen ha ik sa stadichoan wol hân. Wat woest as bern graach wurde? Badmaster. Swimmen is myn passy. Froeger ha ik in fakânsjebaantsje yn Stiens hân en dêr mocht ik de bern it swimmen leare. Ik swim no noch sa n 3,4 kear yn e wike. Wat fynst it moaist om te dwaan? Kuierje, fytse, lêze, yn e tún oan t wurk. ( ja, foar hûs hat er net safolle wurk, neffens my, dêr groeit gjin gers, mar efter hûs ha se noch in hiele lape tún) En swimme fansels. Op t heden ha ik it drok mei VV Balk want wy binne fan doel om yn desimber in heale maraton te organisearjen foar 3FM Serious Request. (3FM besiket mei it Reade Krús jild yn te sammeljen foar in stille ramp. Dit jier is it glêzen hûs yn Ljouwert. Trije dj s slute harren sels 6 dagen op yn in glêzen studio. Se ite dy dagen niks en meitsje 24 oeren op in dei live radio en telefyzje.) Wêr meie se dy midden yn e nacht foar wekker meitsje? Pindarotsjes en monchoutaart. Wat is dyn grutste ergernis? Bumperkleve. Doch ik sels ek wol hear en foarkringe yn e rige. En fernielings en winkeldieverij. ( Hy fertelt fan in winkel mei in lift, yn Rotterdam, dêr t se koartlyn west ha. De lift lei besiedde mei kaartsjes dy t de minsken fan e nije klean ôfskuorre om se dêrnei yn harren tas te stopjen. Meindert kin der wol depressyf fan wurde) Wat fynsto in prachtich boek? Van Het Westelijk Front Geen Nieuws, skreaun troch Erich Remarque. Dat boek giet oer in Dútske soldaat yn e earste wrâldkriich. In ymposant boek. Hok tv-programma of hokke film fûnst moai? 15

16 De film Les intouchables, in Frânske film dy t giet oer in ferlamme rike man dy t op e siik is nei in fersoarger. De jonge, swarte Driss dy t krekt wer út e finzenis komt, wol allinnich in hantekening as bewiis dat hy sollisitearre hat, mar it lot wol dat hy oannommen wurdt. In prachtige film! En it tillevyzjeprogramma We zijn er bijna. Dêryn folgje se ( omrop Max) minsken op leeftyd dy t der mei de caravan of camper op útgean. In oanrieder. Ast dêr nei sjochst, komst hielendal ta rêst. Spitigernôch is it al ôfrûn. Watfoar muzyk meist graach hearre? De bern seine altyd cowboymuzyk. Johnny Cash en Bruce Springsteen. Country en Western. Wat wie dyn grutste miskeap? Wy gienen der altyd mei de tinte op út mar op oanrieden fan ús heit ha wy doe in grutte caravan kocht. Echt hiel grut want dat wie sa maklik. Dan koenen jo alles goed kwyt. Wy binne der mei nei Frankryk gien, it wie 1978, mar dat wie gjin sukses. Wy ha faak fêst sitten. It wie net maklik om mei dat grutte ding troch de lytse strjitsjes fan Frankryk te stjoeren. Nei dat jier ha wy him mar gau ynruile foar in lytsere. Wat wie dyn moaiste jierdei? Myn 18de jierdei. Dat wie yn 1966, ik hie krekt ferkearing, siet op in leuke skoalle, it sporten gie goed ( Meindert siet op wetterpolo) en ik hie in goed kosthûs. Ik wenne noch thús, by ús mem, en jo ha pas letter yn e gaten hoe goed jo it dan ha. Wat is dyn favorite fakânsjeplak? Flylân. ( Yn syn tinzen giet hy in hiel ein werom yn e tiid) Wy hienen sa n grutte hutkoffer dy t Van Gend en Loos nei it eilân brocht en wy gienen der op de fyts efteroan. Wy sieten dan 2 wiken yn in húske op Duinkersoord yn e dunen. Yn myn belibbing wie it altyd moai waar. Wat is it fierste plak op e wrâld dêr st west hast? Nei myn pensjoen ha wy flink útpakt; wy ha in moanne lang in rûnreis makke mei de bern troch Argentinië en Brazilië. Yn Brazilië ha wy in wike bij pater Eelke Piet Mous west. Dy komt fan oarsprong út Bakhuzen mar is yn Ai Mores neist pater ek noch maatskiplik wurker, direkteur fan in sikehûs en in weeshûs en apteker. Yn in spetterjende tsjerketsjinst is ús pake/beppesizzer Thijs dêr doopt. 16

17 ( de Ludgerusskoalle stipet pater Eelke Piet geregeld mei ferskate aksjes) Hok gebou meie se om dy daliks wol ôfbrekke? Se ha it wol oer it opwurdearjen fan it Haskeplein yn Balk. No, dan is myn foarstel om garaazje v.d.heide nei it yndustryterrein te ferhúzjen. En ek it âlde postkantoar mei se dan wol ôfbrekke. Dêrfoar yn t plak kinne se wol apparteminten delsette foar senioaren. Dy wolle graach yn it sintrum wenje. Hok plak yn ús gemeente fynst it aldermoaist? Ik ha bining oan de Marderhoeke. Dat is Gaasterlân op syn moaist. Alles wat Gaasterlân sa moai makket hast dêr by elkoar. De gloaiïngs, de bosk. Dêr wol ik skielk wol lizze. Soe it Frysk oer 100 jier noch bestean? Ik hoopje it fan herte. Ik lês it leafst Fryske boeken. De jeugd kin it noch wol prate mar skriuwt gjin Frysk. Sels ha ik Omrop Fryslân de hiele dei oan, wêr t ik ek bin. Wat fynsto in moai Frysk wurd? Hofkesjonger. ( yn myn Frysk wurdboek stiet: stroper in boomgaard) En jiskewoansdei. Dat is it begjin fan de festeltiid. Mar ik tocht froeger dat op dy dei de jiskefetten lege waarden. Wêr soest beslist net sûnder kinne? Sûnder de auto. It wennet hjir hartstikke moai mar der binne gjin winkels. Soest yn e Rânestêd wenje dan dochst alles mei it iepenbier ferfier. Sparrest ek wat? Dat ha wy dien mar wy binne it no oan it opmeitsjen. (Meindert is gjin samler fan postsegels of teesekjes; hy is mear fan it fuortgoaien) Fynst dat der noch húshimmele wurde moat? Wy ha sa n maklik hûs. Dêr ha wy net folle wurk fan. De tún, dêr sit mear wurk yn. Wat soest net graach misse wolle yn dyn húskeamer? De famyljefoto s oan de muorre. Mist de winkels ek yn Nijemardum? ( Dat is dus in domme fraach fan my want dy wienen al fuort foardat se hjir kamen te wenjen; tenei dy better tariede, frou) Doe t wy hjir yn 2004 kamen te wenjen, wisten wy dat wy hjir gjin krante keapje koenen. 17

18 It is in gemis want yn winkels trefst minsken. As Margreet nei Balk tagiet is se faak in hiele moarn fuort omdat se allegear bekenden treft. Mist oars ek wat yn Nijemardum? Nee. Wêr bist bang foar? Slangen. En ik ha hichtefrees. Wat kin neffens dy absolút net? Moast fan oarmans spullen ôfbliuwe. Wêr tinkst mei plezier oan werom? Oan it lesjaan. Ik ha in perioade as ûnderwizer wurke, letter yn kombinaasje mei direkteur en noch letter wie ik allinnich direkteur. It lesjaan fûn ik dôchs it aldermoaist. Wy ha mei alle direkteuren ris nei Sweden west. Op in skoalle yn Stockholm waard ús frege om in Ingelske les te jaan. Dat fûn ik prachtich! It kontakt mei de bern. Myn siel leit by it lesjaan. Ik kin my myn lêste sportdei yn Balk noch wol foar de geast helje. Dat wie bij de beukers. Wat ha wy doe in leuke dei hân. (Ik sjoch Meindert noch sitten midden tusken de bern oan it patat iten en ûnderwyls mar mei de fingers fol mayonêze mjitte wa t de grutste patat út it board fisket) Wêr soest noch graach ris hinne wolle? Bali. Ús dochter giet der takom jier hinne te wenjen en wy sille de earste moanne mei om op de bern te passen. Wat foar iten makkest graach klear? ( Hy begjint te laitsjen) Dat is wat in pynlike fraach. In aai bakke slagget noch wol en bôle. ( Bôlebakke?) Nee, smarre. Mar dat is de skuld fan Margreet want dy mei graach itensiede. Wat fynst it lekkerst? De ovenschotels fan Margreet binne hearlik. It resept fan de ovenschotel mei spitskoal foar 4 persoanen skriuwt se foar my op in briefke. 18

19 Hjirûnder sjogge jim de wurkwize: earpels ( 2kg) snijde spitskoal ( 1 pûde) gehak (500gr.) blikje ananasstikjes blikje ananasskiven raspe tsiis panearmoal bytsje knyflokkrûden ( Duyvis) bytsje ketjap De earpels en spitskoal koaitsje. Gehak rul bakke. Alles troch elkoar stampe en sa nedich wat raande bûter dertroch dwaan. Dan de raspe tsiis dertroch. De krûden, ketjap en ananas dertroch stampe. Alles yn in ovenschotel dwaan en ôfdekke mei panearmoal, raspe tsiis en in pear skiven ananas; 45 minuten op 200 graden yn e oven. Wat fynst de moaiste tiid fan it jier en wêrom? De maitiid. Wy wenje oan e boskrâne en alle moarnen kinne wy genietsje fan in konsert fan lûden. We hearre en sjogge hjir sa n fûgels. Wy ha de kiker en it fûgelboekje yn de finsterbank lizzen. Woest fierder noch wat kwyt? De minsken hjir yn it doarp libje sa mei as der doarpsgenoaten troffen wurde troch brân of sykte ensafuorthinne. Dat fyn ik sa moai om te sjen. En jim ha goede fragen betocht foar dit ynterview. It doarpskrantsje wurdt hjir altyd goed lêzen. Myn kompliminten; Ek de rubryk fan dyn suske Ha jim it al heard lês ik graach. Minsken op e hakke nimme mar dêrby net oer de grins gean. Mocht ik sels ek altyd graach dwaan yn e skoallekrantsjes. No, bedankt. Ik sil it oerbringe. Ik ha hjir hiel gesellich sitten en bin goed fersoarge troch Margreet mei hearlike kofje en in lekkere spritskoek. As ik nei hûs fyts, ha ik hast in stikelbaarch foar de fyts. It is hjerst ek al wolle wy der noch net oan. Coby 19

20 UIT IN NIJEMIRDUM Teake van der Meer en Griet Wiersma Zat. 26 okt. in het Dorpshuis Met nieuwe conferences, dolkomische typetjes en hilarische sketches, zullen Teake en Griet de lachers weer op hun hand weten te krijgen. Deze gezellige familie-lach-show, wordt daarbij gecompleteerd door mooie Friese muziek zodat u af en toe ook even kunt bijkomen. Teake is een fenomeen, een volks-komiek die de lach aan zijn kont heeft zoals ze dat zeggen. Waar hij de typetjes die hij speelt vandaan haalt is een raadsel, maar ze zullen maar naast je komen wonen. En Griet wordt in de wandelgangen door haar kolderieke typetjes stiekem de Friese Tineke Schouten of Corry van Gorp genoemd. In de lachwekkende sketches die zij ook samen met Teake naar voren brengt, blinkt zij als actrice zeker uit..! En met haar eigen geschreven liedjes en oude meezingers verzorgd Griet de muziek in de avondvullende show Lachen is gezond humor en muziek ontspant! En deze twee Friese toppers zouden dus eigenlijk als ervaringsdeskundigen, een onderdeel van het zorgpakket moeten worden! Kortom; Teake en Griet beloven een avond onbezorgd genieten! Kaarten verkrijgbaar á 12,50 in voorverkoop aan de zaal 15,- Voorverkoop bij Klaas en Harmke Rienstra : Tel / dorpsklaas@hetnet.nl Wees erbij want vol is vol.!! 20

21 BAZAAR Bazaarcommissie de Fontein organiseert, ten bate van de O.N.S. Gemeente, haar jaarlijkse bazaar op Zaterdag 19 oktober 2013 van 9.30 uur tot uur in het dorpshuis 't KLIF te OUDEMIRDUM met Draaiend rad, Sekje smite, Knikkerbal, Flip-over, Sjoelbak, Bingo en Raadspelletjes. Alles met mooie prijzen te winnen!!!!!!!! SPECIAAL voor de KINDEREN een KNUTSEL DOE HOEK!!!!!! In de speciale koffiehoek is er gelegenheid voor een aangekleed bakje koffie, thee of fris. KORTOM, VOLOP SFEER Commissielid Antje Buma ZWEMMEN Er is weer een plekje vrij in de auto!! Wie heeft er zin om elke donderdagmiddag mee te gaan zwemmen in heerlijk warm water. Elke week een uurtje Spannenburg. Heb je zin, bel dan naar: Wil Baukema of Titie Rozema

22 TEKST JUBILEUMLIED Jan en Akke Luinenburg 40 jaar koster Op de melodie van Eens als de bazuinen klinken 1. Onze kosters Jan en Akke 2. Naast het werk bij Douwe Egberts en de drukte van hun gezin. veertig jaar al in de weer voor de Hoeksteen en gemeente Zagen zij de taak wel zitten, staan zij klaar, ja keer op keer. trokken de kosterswoning in. Zulk een lange, trouwe inzet En je kunt nu zeker stellen, zie je bijna nergens meer. koster zijn is echt hun ding. 3. Zou je eens een lijst gaan maken van de dingen die zij doen. En dan al die jaren tellen, tel je meer dan een miljoen! En nog steeds na al die jaren blijven zij koek bij de koffie doen. 4. Ook het onderhoud van tsjerke 5. Akke die is van de planning, is die Jan wel toevertrouwd. zij houdt de agenda bij. En hoe bar de winter zal worden, Dat is soms een heel gepuzzel, in de Hoeksteen is t nooit koud. vergadering, club, een trouwerij. Ook het gras piekfijn in orde, Maar het is en blijft haar tsjerke voor geen klus voel hij zicht t oud. zegt ze met een lach erbij. 6. Wil je hen een cijfer geven, 7. Onze kosters Jan en Akke, wordt het zeker wel een tien veertig jaar nu in de weer, Al die dominees die kwamen zijn de hoeksteen van de Hoeksteen, hielden t sneller voor gezien. daarvoor danken wij hen zeer. Jan op zondag, Akke door de week, En wij wensen hen t beste, samen vormden zij een prima team. en nog zo veel moois en meer. 22

23 Hoe fynder it porslein, hoe grutter de noed 23

24 DE STIPERS Mei tank oan de folgjende minsken/bedriuwen kin Doarpsnijs elke moanne útbrocht wurde: Paul Baas Harmen en Lieske Bangma Albert en Jeannet Bekedam Bauke Beukens Willem Beukens Doede Bosma Harm van Bommel Jan Buma Johan A. Dijkstra Jelle Eppinga Henk en Lian de Graaf Arjan Hendriks Halbe Hielkema Tryntsje de Jong-Rienstra Ede Groenhof Siska Kroondijk Cees en Johannes v.d. Meer Henny Muis Hendrik Postma Marijke Postma Douwe en Froukje Prins Fam. K. Rienstra Runia Fourage BV Runia Transport BV Esther Thibaudier Jan-Dirk van der Tol VandeLinde Associates Earnst P. Veenstra Annoesjka de Vries De Vries De Klussenbaas Camping De Groninger Melkveehouderij/luxe appartementen Garant Zaden Onderhoud & timmerbedrijf Klussenbedrijf Straetus Incasso Buma Handel Dierenarts Boomkwekerij Koeienmuseum/melkveehouderij SDS Balk Startmotoren en dynamo s Bouw- en onderhoudsbedrijf Kapsalon Tryntsje Transportbedrijf/verhuizingen Kroontje Grafisch Ontwerp & Vormgeving Van der Meer Mechanisatie Stucadoorbedrijf Motorenrevisie/reparatie It Kniphúske Bakkerij Prins, Harich Beheerders dorpshuis (Klein)diervoeders, aardappelen enz. Transportbedrijf Salon Moai Feedcentre B.V. Journalistieke Producties Hovenier Pedicure Slagerij, Oudemirdum De famylje Kramer soarget derfoar dat it krantsje elke lêste tongersdei fan 'e moanne by de minsken thús komt. 24

25 AGINDA 9 oktober: Sinnich mei Sinne 19 oktober: Bingo 26 oktober: Teake van der Meer en Griet Wiersma 23 novimber: Sinterklaasjûn Elke tongersdei fan oant oere is de Lytse Byb iepen op de Stapstien. Elke 3e sneon fan e moanne wurdt it âld papier ophelle. IT FOLGJENDE KRANTSJE ferskynt op tongersdei 31 oktober 2013 FAN DE REDAKSJE: Yn de rubryk "ferhuze" melde wy de nammen fan ynwenners fan Nijemardum, dêr 't wy fan heard of lêzen ha dat sy hjir net mear wenje. It kin sa wêze dat wy guon ferjitte te neamen en it kin ek wêze dat minsken dy t hjir komme of wei geane hielendal net neamd wurde wolle yn it Doarpsnijs. Stjoer jim miening of reaksje mar nei de redaksje. Fierders wize wy der nochris op dat kopy foar de datum fan de redaksjegearkomste ynstjoerd wurde moat. Kopy dy't letter ynstjoerd wurdt, kin mooglik net mear yn it Doarpsnijs opnommen wurde. KOPIJ YNLEVERJE foar woansdei 23 oktober 2013 by ien fan de redaksjeleden in stjoere kin ek: redaksje.doarpsnijs@gmail.com 25