DOARPSNIJS Nûmer 362 april

Transcriptie

1 DOARPSNIJS Nûmer 362 april

2 KOLOFON Doarpsnijs is in útjefte fan de Feriening foar Doarpsbelang Nijemardum en ferskynt op elke lêste tongersdei fan de moanne. It earste krantsje kaam út yn april Kopij foar Doarpsnijs kin oant in wike foar de ferskining ynlevere wurde, dus oant de op ien nei lêste tongersdei fan e moanne. Op dy dei is der in redaksjegearkomste en wurdt it krantsje gearstald. De redaksje: Wiepkje Holtrop Lyklamawei Hedwig Beukens Hege Bouwen Annie de Kleine Lyklamawei Jantsje Akkerman Lyklamawei Tiete Bangma Heaburgen adres: redaksje.doarpsnijs@gmail.com Website: It bestjoer fan Doarpsbelang: Yme Wiersma (voorz) Omrin Bauke Beukens (secr.) Hege Bouwen 2a Gerrie van der Veen Omrin (penningmeester, bankrek ) Sjoukje Kramer Wissebuurt Joop de Vries Lyklamawei Piet Rienstra Omrin Rienk Nadema Hege Bouwen adres buurtplysje: tjeerd.hofstra@friesland.politie 2

3 BEDANKT Voor uw belangstelling en medeleven na het overlijden van onze leave mem en beppe en âlde beppe Fettje Hoekstra Hilverda, willen wij jullie hartelijk bedanken. De lêste tried mei it alderlik hûs is ferbrutsen. Wat freegje, prate, fertelle, it kin net mear. Wat oerbliuwt binne tankebere oantinkens! Tiety Rozema Hoekstra Arnold, bern en bernsbern en famylje BEDANKT De Simavi kollekte hat dit jier 315,97 opbrocht. Alle kollektanten en jim dy`t ta de ponge west ha hartstikke bedankt. Hooplik meie wy oare jier wer op jim rekkenje. Wiepkje BEDANKT No, de jas koe wol oan doe t de kollektanten fan ZOA flechtlingensoarch op en paad gongen. En de wanten moasten ek noch oan. Brrr, wat wie it kâld. Gelokkich koene se dêrnei gau wer nei de waarme kachel. Jo moatte der net oan tinke dat jo gjin dak boppe de holle ha soenen, krekt as de minsken wêr t foar kollekteard waard. Ik koe wer in moai bedrach oermeitsje: 329,16! Hetty, Brechtsje, Froukje, Willy, Sietske, Lammert, Tiety en Harmen: BEDANKT!!!! En fansels ek alle minsken dy t wat yn e kollektebus goait ha. Coby Hospes-Pietersma 3

4 ROMMELMERK Op sneon 18 maaie ha wy wer de jierlikse rommelmerk yn en om it doarpshûs. Freed 17 maaie komme wy by jim lâns om rommel op te heljen. Wolle jo it earder kwyt, dan kinne jo altyd belje nei: , of Dus allegear mar gau de kelder yn of nei de souder, want dêr stiet fêst noch wol spul dêr`t niks mear mei dien wurdt. Alfêst tige tank. De lokaalferiening WOLKOM OAN NIJE YNWENNERS Th. v.d. Molen en J. v.d. Schaaf, Heidepaad 12 Fam. W. Boschma, Omrin 20 4

5 BESTE DORPSGENOTEN Dorpsbelang Nijemirdum heeft van onze gemeente de Friese Meren een aanbod gekregen om informatie te komen geven voor een ieder die meer wil weten over de mogelijkheden voor financiële en maatschappelijke ondersteuning van het WMO, dit staat voor Wet Maatschappelijke Ondersteuning. De brief vermeldt: Sinds 1 januari 2013 wordt er binnen het team Zorg van de gemeente op een andere manier gewerkt bij aanvragen voor een WMO-voorziening. De belangrijkste wijziging is dat er samen met de inwoner met een hulpvraag gekeken wordt naar wat deze zelf nog kan en hoe zijn directe omgeving van familie, buren en kennissen hierin ondersteuning kan bieden. Er wordt gezamenlijk naar een oplossing op maat gezocht waarmee de aanvrager geholpen is. Waarschijnlijk moet u als inwoner van onze gemeente nog wennen aan deze nieuwe aanpak. Daarom geven we via onze website en de informatiepagina in de huis-aan-huisbladen regelmatig aandacht aan de veranderde werkwijze. Tevens bieden we de mogelijkheid, als daar behoefte aan is, een presentatie te houden in uw dorp. Namens het dorpsbelang hebben wij geïnformeerd bij de soos in Nijemirdum of er behoefte is aan een presentatie over de mogelijkheden die er zijn. Dit bleek het geval, dus hebben wij een middag gepland, waar u vrijblijvend en kosteloos informatie kunt krijgen en vragen kunt stellen. Deze middag zal bij voldoende deelname, worden gehouden op dinsdag 21 mei om in het dorpshuis van Nijemirdum. Graag wel van te voren opgeven. Sjoukje Kramer : Gerrie van der Veen:

6 HA JIM T AL HEARD? De moanne april sjit ek alwer op. Noch efkes en dan ha wy 2 wiken fakânsje. Oehh wat in lúkse.. Hooplik wurdt it super moai waar, want dêr binne wy no wol oan ta. De bern binne ek wol ta oan fakânsje, se ha it smoardrok op skoalle hân. Sa hiene se foarige wike ferkearseksamen. In plysjeman siet foar yn de klasse, ja meitsje dan de fragen mar ris goed Twa fan groep 7 en 8 hiene ien fraach tefolle fout. Sy mochten deselde middei noch in hereksamen dwaan en..pff gelokkich SLAGGE. It skoalfuotbal ha we ek wer efter de rêch. Spitigernôch binne de jongens en famkes net troch gien. Koest wol sjen dat de famkes net sa faak in bal reitsje. It is ek noch ekstra yngewikkeld datst nei de earste helte fan fjild wikselje moast. Sa waard der in doelpunt fan de tsjinparty ôfkard. Gelokkich soenen wy sizze...,mar de fammen yn it fjild gyngen nochal te kear. no ha wy einlings in doelpunt makke en dan wurdt it ôfkard!. Nei in skoftke praten foel it kwartsje... Yn it foarige krantsje skreau ik oer it H.Gijzenpaad yn Sleat. No, yn Nijemardum ha we der ek wer in nij paadsje by. As jimme de Wissebuurt ynfytse, dan sjogge jim oan it skud fan Piet Rienstra it nije buordsje. IT PAKE KLAAS PAADSJE. Krige Klaas fan syn pakesizzers op e jierdei. Soene wy der no ek wol lâns meie?? Ik wit it net. Giet der by jimme ek wol ris in hûn lâns dy`t syn boadskip krekt neist jim paadsje docht?? Doch dan krekt as Durk Postma. Dy hie syn nocht der wol wat fan. Hy belle by de baas fan it hûntsje oan en frege wannear t se de hûn altyd fretten joegen. No, meastal om fiif oere. Durk sei: as jimme dat no in heal oere earder dwaan wolle, dan skyt hy efkes earder en net mear by my op it paad.. 6

7 Coby Bokma hat in diploma helle foar it mei de hân meitsjen fan tassen. Wy wisten fansels al lang dat sy prachtige tassen makket. It wurdt heech tiid dat wy wer in hobbytentoanstelling krije yn Nijemardum. Wa fielt him/har oansprutsen om dat op poaten te setten???? Dit wie it wer foar dizze kear, oare kear wer mear. Groetnis WTHP VOLLEYBAL It Nijemardumer volleybaltoernoai wurdt dit jier holden op 28 en 31 maaie. Dus set dat gau yn jim aginda. Groetnis Wieger, Bauke, Coby en Wiepkje SINNICH MEI SINNE Ondertussen ligt de informatieavond op 26 maart al weer geruime tijd achter ons, wederom een lange avond met veel informatie en gelukkig ook veel belangstelling. Op deze avond is het installatiebureau voorgesteld wat volgens ons de beste prijs/kwaliteit verhouding had en ook op de lange duur (we spreken toch over garantietermijnen van 25 jaar) de beste ondersteuning lijkt te bieden, dit is Technisch buro Zonderland uit Minnertsga geworden. Er loopt op dit moment een inventarisatieronde waarbij technisch buro Zonderland de mensen die dit op prijs stelden bezoekt om te kijken naar de situatie ter plekke, waarna men indien gewenst een opdrachtbevestiging krijgt. Het is de bedoeling dat het installatiebedrijf voor de zomer de panelen geplaatst heeft, binnenkort verschijnen er dus overal in Nijemardum kleine energiecentrales op de diverse daken. Met zoals het nu lijkt een totaalvermogen 7

8 van dik 90 KW door middel van 375 zonnepanelen, laat nu de zomer dus maar komen. Voor vragen of verdere informatie kunt u altijd een mail sturen aan sinnichmeisinne@gmail.com en natuurlijk kunt u ook de cie. leden aanspreken. Commissie Sinnich mei Sinne Jan van der Tol, Roelof Jorritsma, Ronald Schouten en Rienk Nadema (namens dorpsbelang) IT HIMD FAN IT GAT It is freedtejûn, efkes foar healwei njoggenen, as ik op de fyts rjochting Hoitebuorren 35 gean. Gerrit-Jaap Runia wennet dêr en hy is hielendal klear om troch my ynterviewd te wurden. De kofje is brún en lekkere koeken steane al op tafel. We nimme earst in lekker bakje en sette dan útein. Wêr bisto berne? Yn t Hûnenêst, dêr t Gerlof en Annemien no wenje. It Hûnenêst? Ja, sa hjit dat 8

9 hûs, dy namme stie foarhinne op e gevel. Ik wit net hoe t dat sa kommen is en as it der noch altyd op stiet. Wat foar oplieding hasto dien? Nei de legere skoalle bin ik earst nei de M.A.V.O. gien. Dêrnei ha ik de M.T.S. en de M.M.O. (middenstân) noch dien. Inkele kursussen foar de transport ha ik ek noch folge. Wat woest as bern graach wurde? Wy hienen it transportbedriuw al, dêr woe ik wol graach yn meiwurkje. Fan jongs ôf oan wie ik der al oan e gong. Ik woe graach itselde dwaan as ús heit. Sa lei ik ris as jonkje fan 4 jier, krekt as heit, ûnder de frachtauto te sleuteljen. Dat wie dien en de sjauffeur soe hast fuortride, doe t se der efter kamen dat ik ek noch ûnder de auto lei. It hie wol raar komme kinnen, mar lokkich hienen se my der op e tiid ûnderwei! Letter bin ik earst as skjinmakker yn it bedriuw kommen, doe as trekkersjauffeur en no op e frachtauto. Wat fynst it moaist om te dwaan? Bûten it wurk om mei ik graach relaxe. Lekker op e bank foar de televyzje sitte en nearne oan tinke. Ik bin in soad oan it wurk, dan is it hearlik om ek ris neat te dwaan. Ik mei ek graach in goeie film sjen of muzyk lústerje. Wat fynst in grutte ergernis? Dat minsken net fan in oar syn spullen ôfbliuwe kinne. Ynbrekke, disel stelle, kleden fan auto s iepen meitsje, ferniele en minsken jild ôfhandich meitsje troch te sjoemeljen mei it ynternetbankierjen. Wat meist graach lêze? Koarte ferhaaltsjes, sa as Hûndert pûn klûntsjes en in karre fol lytsjild. Of Fryske folksferhaaltsjes en (Fryske) siswizen ( Dat kin de brune net lûke of Waar een wil is ben ik weg ). De boeken fan Baantjer mei ik ek graach lêze. Hokker tv-programma of film fynst moai? Aksjefilms mei Steven Seagal, Chackie Chan of Eddie Murphy. En komeedzjes sa as de Lama s en In Goed Gezelschap. Wat foar muzyk meist graach hearre? Dat is hiel breed. Fan Metallica oant Keltyske musyk, Nederlânsktalich of piratemusyk. Ik hâld allinich net fan house/trance. 9

10 Wat is dyn favorite fakânsjeplak? Dat ha ik net echt. De wykeintsjes fuort mei de maten fyn ik altyd hiel leuk. As de sfear mar goed is, dan ha ik it oeral wol nei it sin. Wat is it fierste plak op e wrâld dêrsto west hast? Dat binne de Kanaryske eilannen. Dochst ek oan sport? Ik doch oan tran-sport (is in sjauffeursgrapke). Nee, troch myn wurk kin ik einliks net by in feriening of klup. Ik bin troch de wike altyd fan hûs. Froeger ha ik wol fuotballe, volleyballe en biljerten. Volleybalje mei ik altyd noch wol graach dwaan. Wêr soest noch graach hinne wolle? Skotlân liket my wol leuk. It Keltyske dat sprekt mei wol oan. Wat foar iten makkest graach klear? Ik yt troch de wike altyd ûnderweis. Yn e wykeinen bin ik hiel goed yn it waarm meitsjen fan iten yn de magnetron of ik sko by heit en mem oan tafel. Wat fynst de moaiste tiid fan it jier? De simmer, de minsken binne allegear wat fleuriger. Eltsenien hat in goed sin. Woest fierder ek noch wat kwyt? Gerrit-Jaap hat noch in grutte skaal mei peaske-aaien op e tafel stean, dy wol hy noch wol kwyt. Dus wa t sin hat... Do hast my net frege wat ik it moaiste Fryske wurd fyn (ja, Gerrit-Jaap ik bin noch in begjinneling, dus ik kin wat ferjitte...). It moaiste Fryske wurd fynt hy útneibultsje (vluchtheuvel). As it wol in echt Frysk wurd is, wit ik net mar it komt út ien fan Gerrit-Jaap syn lytse boekjes. Gerrit-Jaap, tige tank datsto myn earste slachtoffer wêze woest foar it ynterview. It wie gesellich! Hedwig Beukens NEGOASJE Fergees ôf te heljen bij Willy Meischke, Heaburge 24 : Twadelich knynehok op steander, till

11 WORLD FAIR TRADE DAY BY WRÂLDWINKEL GAASTERLÂN Sneon 11 maaie is it feest by de Wrâldwinkel. Alle jierren besteegje tûzenen Wrâldwinkels, groepen produsinten en ymporteurs ekstra oandacht oan earlike hannel mei respekt foar minsk en miljeu. Dy ekstra oandacht is benammen nedich foar de produsinten yn ûntwikkelingslannen. Yn de tsjintwurdige tiid fan ekonomyske delgong krije de earmste minsken de grutste klappen. Se kinne mar amper de holle boppe wetter hâlde. Wat Fairtrade oangiet, der binne ûntwikkelingen geande dy t moed jouwe. De ferkeap fan fairtrade produkten sit behoarlik yn e lift. It tal konsuminten dat bewust kiest, wurdt grutter. It wurdt ek hieltyd makkeliker, der binne in protte produkten yn e supermerken te keap. Mei inoar kinne wy der foar soargje dat troch it brûken fan fairtrade produkten de earmoede yn Azië, Súd-Amearika en Afrika minder wurdt. Hoe fiere wy de dei? wy biede oan de gemeenteried en B. en W. fan ús skiedende gemeente in fairtrade moarnsbrochje oan as tank foar harren stipe oan ús winkel yn de ôfrûne jierren de hiele dei is der in terras by de winkel dêr t jo fergees kofje, tee en fruchtesop drinke kinne der stiet in kream by de winkel. Yn de kream en yn de winkel fine jo aardige presintsje en oanbiedings, û.o foar memmedei op 12 maaie muzyk en dûns de hiele dei troch De goed tritich meiwurkers fan Wrâldwinkel Gaasterlân noegje jo fan herte út om op World Fair Trade Day del te kommen om te sjen wat der allegearre te dwaan is en feest mei ús te fieren. Coby Hospes-Pietersma 11

12 BEGRAFENISVERENIGING DE LAATSTE EER NIJEMIRDUM Ter informatie het volgende: Mocht er de komende tijd een agent van een uitvaartverzekering bij u langs komen, dan is dit niet in opdracht van onze vereniging. Wij distantiëren ons hier van. Namens het bestuur, R. Veen TYPYSK WIEP Lekker ite mei nee net mei Reitse mar mei syn allen. Al twa kear hie ik de keamer fol en wat ha wy in wille hân! Beide kearen begûnen wy mei in advokaatsje mei in wyt mûtske. En dan...ja fansels oan it wurk, earpels skile, beantsje triedzje, aaien dopje.. Tafel klearmeitsje.. De earste kear fregen se my wêr t ik de opskepleppels hie. Oh, oh dy hie ik net Ik hearde al gau dat de measten se froeger altyd krigen mei harren ferloving... Ja en dêr hast it gedonder al: Jan en ik binne net ferloofd. Ik tocht by mysels it sil him net oan de leppels lizze en dus ha ik by Emmaüs in pear opskepleppels skoard. De bern sille no wol sizze: goh, wat hat wy moaie leppels yn de earpels. Oars dyngen wy altyd de tomme derop.. As neigesetsje hie ik in advokaattaart makke. No, dy gyng der by de measte minsken ek wol yn. Wat is it dochs hearlik as je sa gesellich mei-elkoar ite kinne. Klaas Muizelaar krige nei it iten hast de sliep yn de stoel, mar doe t de âlde ferhalen op tafel kamen wie hy gau wer wekker. Wy ha twa hiel gesellige moarntiden hân en dat wie foar de measte minsken wol foar herhelling fetber Liket it jo ek wol gesellich ta, mar haw ik noch net by jo oan west, belje dan gerust hear. Groetnis Wiep 12

13 WA BIN IK? It krantsje lei noch út te wasemjen yn 'e brievebus as dêr wie de earste beller al. Sietske Strampel :" Ik tink dat it Kobus Jo is". En ja, it wie Jo de Jong, mei de earmkes oerinoar en in kreaze strik yn it hier. Boake Pietersma en Sjoerd Bokma seagen der Klazien Bruinsma yn, mar Grietsje Altena waard ek neamd Al mei al hiene 6 minsken it goed. Us no beëdige notaris loek de namme fan Rinny Hoekstra út de hoed. De sûkerbole komt der oan. En dan dizze kear wer in kreas jongfeint: Pak de tillefoan en belje gau , dat kin oant en mei sneon! Groetnis Jantsje 13

14 NOCH BY JUF As Iris Holtrop heart dat ik har freegje wol foar in ynterview foar it doarpskrantsje seit se direkt ja. Sy wachtet al salang om yn it krantsje har ferhaal te dwaan. Hyltyd is in oar oan e beurt, mar no is it safier. Dus ik dûk freedtemiddei ûnder de line mei fleurich wapperjende wask troch, sa de slachterij yn. Want dêr wennet Iris ( 9 ) mei heit Jan, mem Wiepkje en grutte sus Anouk. Iris sit oan e tafel mei in gleske ranje en foar my is der in lekker kopke kofje. Wy ha it oer fan alles en noch wat, mar ik fernim wol dat Iris mei in skeef each nei myn frageliske sjocht, dus brân ik los. Ha jimme ek húsdieren? Ja, 3 katten, hinnen en in hynder..mar dy stjonkt. (fanke, jou my de hân, wat in lucht) Yn wat foar groep sitsto? Yn groep 5 by juf Tiny en juf Sietske. Wat fynst it moaiste op skoalle? Ik mei hiel graach ferhaaltsjes skriuwe, mar bûten boartsje en krea is ek leuk. Yn e frije wurktiid (dan meist wat útkieze) gean ik faak mei de kapla, dat is bouwe mei blokjes. Wat fynst it ferfelendste fak op skoalle? Skiednis, ferkear en natunyk, dat ha wy allegear achterinoar oan, sa saai! Dan bin ik leaver siik! Mar dêr trapet mem net yn. Wat wolst letter wurde? Skoaljuffrou. No, yn Iris har famylje binne mear dy t foar de klasse stean, dus dat is net sa frjemd. Wat fynst leuke tv programma s? Nickelodeon, Disney, Spangas en Net 3. Wat fynst leuk om te lêzen? Iris is in echte stripfan, foaral fan Donald Duck en Katrien. Har keamer leit der fol mei. Om jûns op bêd te kommen moat de skeppe der hast by. 14

15 Net allinne op har keamer, ek yn e auto en op it húske mei Iris graach in Duckje lêze. Wat fynst moaie muzyk? Hip Hop. Fynst it moai om yn Nijemardum te wenjen? Ja, kinst moai yn it speeltúntsje boartsje en hjir wennet in soad famylje. Yn e stêd is it sa drok en it is dêr ek djoer. ( Dat moast efkes útlizze). No dêr binne in soad winkels en dan is dyn bûsjild samar op. Dochst ek oan sport? Ik sit op fuotbaljen, 1 kear yn e wike trene, mar wy spylje ek wedstriden. Ik doch no fjouwer proeflessen kuorbal yn Wikel, mar ik wol ek graach op toanielspyljen (fan wa soe se dat dochs ha? ) Hast ek in muzykynstrumint/muzykles? Ik besykje wol in bytsje op de gitaar fan ús heit te spyljen. Us heit wol it my wol leare mar hy hat it hast net oan tiid. Wat fynst it lekkerste om te iten? No minsken, Iris hie wol in Italiaan wêze kind, want sy is gek op pizza, spaghetty, makaroany en lasanje. Gelokkich sit der ek noch snert en patat by. Helpst mem of heit wolris en wêrmei. Ik bring wol folders en briefkes foar mem rûn. Dêr krij ik dan wat foar. Stofsûgerje en dweile doch ik ek wol. Dweile doch ik fergees, want dat fyn ik moai wurk. Ik help mem ek wol mei iten klearmeitsjen. Dan bak ik pankoeken of in aai. Kin it dy ek wat skele hokke klean ast oan hast? Mem siket meastal myn klean út, mar as ik it net leuk fyn lûk ik it net oan! Ik fyn sels in harembroek en shirt wol moai. Wat is een harembroek? In broek mei in útsakke krús. Wat wolst graach op e jierdei ha? Ik wol dan wol jild ha, want ik sparje. Wêrfoar dan? Ooo.dat wit ik noch net. Mar as ik wat leuks sjoch kin ik dat keapje. Ik hâld dan wol in feestje, it leafst in swimfeestje. 15

16 Mei wa boartest faak? Mei Denise, Erja, Alise, Nynke, Wiebren en Ilse. Wy boartsje skoaltsje of bûten. Mar ek wol mei de Wii of we dogge in spultsje.( Mem seit: Iris mei o sa graach spulje) Hast ek op fakânsje west? Wy ha nei Frankryk west mei de vouwwein. Sitst faak achter de kompjûter? Ja, ik doch in typkursus mei Anouk en as wy slagje dan geane wy mei heit en mem út iten nei Yankee Doodle. Ast no 2 winsken dwaan mochst wat soest dan winskje? Dêr moat Iris efkes oernei tinke, mar dan wit se it. Sy wol graach âld wurde, 85 jier dat liket har wol wat. En de twadde winsk? (noch langer neitinke) In wykeintsje fuort mei de famylje. No Iris, mei in bytsje gelok moat dat deryn sitte. Dat wie alwer de lêste fraach. Moai op e tiid want no kinne wy sjen wat mem út e oven toveret. It is in oranjekoek. Iris fynt him in bytsje bryk, mar mei wat slachrjemme derop sjochst der neat mear fan. Iris bedankt en foaral trochgean mei dyn ferhaaltsjes. Asto fan plan bist om 85 jier te wurden dan kinsto letter noch moai wat jierren yn it doarpskrantsje skriuwe. Jantsje 16

17 DAMSEIZOEN Op 8 april hadden we alweer de laatste avond van de damclub, de prijzen moesten weer verdeeld worden. Voorzitter Johannes van der Goot opende de vergadering. Er waren liefst 28 man aanwezig de laatste avond mogen de dames ook altijd mee. Anders moeten we altijd stil zijn maar nou konden we ook even bijpraten van een toch wel enerverend seizoen. Verleden jaar waren we gedegradeerd naar de 2 e klasse maar dit jaar zijn we weer gepromoveerd naar de eerste klas. We moesten de eerste plek delen met Offingawier, die hadden van ons gewonnen. En het onderlinge resultaat telt dus net geen kampioen. Je kan ook niet alles winnen. Vijf wedstrijden gewonnen en één verloren dus. De prijzen in de 2eklas waren als volgt verdeeld. 1eprijs: P. v/d Wal met 41 punten 2eprijs : L. Walinga met 30 punten 3eprijs : R. Dijkstra met 29 punten De prijzen in de 1 e klasse gingen naar. 1eprijs : I. v/d Veer 2eprijs : J. v/d Goot 3eprijs: G. Baukema De eerste prijs in de wedstrijden tegen andere clubs was voor P. Akkerman met 16 punten en tevens won Pier ook nog de beker voor trouwste lid. Het was weer een gezellige avond, met bingo en een grote loterij om de kas weer te spekken. En natuurlijk een hapje en een drankje van Klaas, 35 jaar verzorgde hij de dammers alweer. Om half 11 bedankte de voorzitter iedereen voor de gezellige avond en wenste ons allemaal een mooie zomer toe. Op 9 September beginnen we weer. Nieuwe dammers zijn van harte welkom, het is zeer goed voor de hersens. Groeten Egge Reinsma 17

18 DE STIPERS Mei tank oan de folgjende minsken/bedriuwen kin Doarpsnijs elke moanne útbrocht wurde: Paul Baas Harmen en Lieske Bangma Albert en Jeannet Bekedam Bauke Beukens Willem Beukens Doede Bosma Harm van Bommel Jan Buma Johan A. Dijkstra Jelle Eppinga Henk en Lian de Graaf Arjan Hendriks Halbe Hielkema Tryntsje de Jong-Rienstra Ede Groenhof Siska Kroondijk Cees en Johannes v.d. Meer Henny Muis Hendrik Postma Marijke Postma Douwe en Froukje Prins Fam. K. Rienstra Runia Fourage BV Runia Transport BV Esther Thibaudier Jan-Dirk van der Tol VandeLinde Associates Earnst P. Veenstra Annoesjka de Vries De Vries De Klussenbaas Camping De Groninger Melkveehouderij/luxe appartementen Garant Zaden Onderhoud & timmerbedrijf Klussenbedrijf Straetus Incasso Buma Handel Dierenarts Boomkwekerij Koeienmuseum/melkveehouderij SDS Balk Startmotoren en dynamo s Bouw- en onderhoudsbedrijf Kapsalon Tryntsje Transportbedrijf/verhuizingen Kroontje Grafisch Ontwerp & Vormgeving Van der Meer Mechanisatie Stucadoorbedrijf Motorenrevisie/reparatie It Kniphúske Bakkerij Prins, Harich Beheerders dorpshuis (Klein)diervoeders, aardappelen enz. Transportbedrijf Salon Moai Feedcentre B.V. Journalistieke Producties Hovenier Pedicure Slagerij, Oudemirdum De famylje Kramer soarget derfoar dat it krantsje elke lêste tongersdei fan 'e moanne by de minsken thús komt. 18

19 AGINDA 30 april: Spultsjes en playbackshow 27, 28 en 29 juny: Doarpsfeest 18 maaie: Rommelmerk 21 maaie: Ynformaasje WMO, uur (allinne bij foldwaande opjefte) 28 en 31 maaie: Volleybaltoernoai 17 augustus: Tobbedûnsje, Eastersee 14 septimber: Frijmerk Elke tongersdei fan oant oere is de Lytse Byb iepen op de Stapstien. Elke 3e sneon fan e moanne wurdt it âld papier ophelle. IT FOLGJENDE KRANTSJE ferskynt op tongersdei 30 maaie 2013 KOPIJ YNLEVERJE foar tongersdei 23 maaie 2013 by ien fan de redaksjeleden in stjoere kin ek: redaksje.doarpsnijs@gmail.com 19