DOARPSNIJS Nûmer 388 septimber

Transcriptie

1 DOARPSNIJS Nûmer 388 septimber

2 KOLOFON Doarpsnijs is in útjefte fan de Feriening foar Doarpsbelang Nijemardum en ferskynt op elke lêste tongersdei fan de moanne. It earste krantsje kaam út yn april De redaksje: Wiepkje Holtrop Lyklamawei Hedwig Beukens Hege Bouwen 2a Annie de Kleine Lyklamawei Jantsje Akkerman Lyklamawei Tiete Bangma Heaburgen Coby Hospes Lyklamawei adres: Website: It bestjoer fan Doarpsbelang: Jeannet Bekedam (voorz.) Hoitebuorren Piet Rienstra (secr.) Omrin Gerrie van der Veen De Hege Bouwen (penningmeester, bankrek. NL30RABO ) Sjoukje Kramer Wissebuurt Joop de Vries Lyklamawei Rienk Nadema Hege Bouwen Jaap Douwe Bokma Hoitebuorren adres buertplysje: dirk.hebing@friesland.politie.nl of 2

3 HA JIM IT AL HEARD? Jimme ha allegear wolris heard fan de siswize de hûn yn de pot of fan komst oer de hûn,dan komst ek oer de sturt. Mar in hûn yn de speaken, dêr ha, hoopje ik, noch net folle fan heard. Ik ek net, oant ein augustus. It wie in moaie freed en myn tantesizzer Johannes Hospes troude op dy dei. De hiele famylje mocht komme en wat hiene we dêr in sin oan, want in brulloft makkest op it heden net sa faak mear mei. De middeis soenen wy nei de tsjerketsjinst; ik tocht ik kin noch krekt efkes in bochtsje om mei de racefyts Mar dat hie net moatten. Op e Lemmer fleach in kat oer de dyk mei in hûn der efteroan Tsja en dan kinst neat mear dwaan; de hûn is mei syn poat yn myn foartsjil kaam mei gefolch dat ik slach oer de kop gie en bedankt. Yn in flok en in sucht waard ik ôffierd nei Snits. In sear skouder en in harseskniezing harrejakkes en dat duorret lang. De hiele brulloft ha ik dus net meimakke. Jan en de bern wol en dy kamen thús mei moaie ferhalen.. Gelokkich giet it no de goede kant wer út en dat komt fansels troch al jimme leave omtinken. Alle dagen leine der wol kaarten yn de bus, waarden der blommen brocht en in hiel soad sûkelade. Ik wist net dat ik dêr sa fan opknappe soe.. It wie super. Doe't ús Meine in pear wiken lyn thúskaam fan syn wurk, seach hy dat syn hiem meand wie. Hy wit noch altyd net wa t dat dien hat.. mar hy lit efkes witte dat it der hast wer oan ta is.. By ús is de earste sek mei pipernuten alwer op; oehh hearlik dat spul allegearre. De bern woene wol in pûdsje mei nei skoalle ha. Hoefolle meie wy ha mem? frege Iris. no in hantsjefol ju.. Sy brocht my de pûde en sei: Sjoch, doch mem it mar efkes want mem har hannen binne grutter. Oant safier dizze kear, oare kear wer mear. Groetnis WTHP 3

4 NIJE YNWENNERS Fam. N. Zeldenrust Omrin 36 BEDANKT Het seizoen van de collectes start ieder jaar met de collecte van de KWF kankerbestrijding. Dit jaar is het mooie bedrag van 415,34 opgehaald. De collectantes, Coby B., Willy, Anja, Thea, Trienke, Klaske, Tiny en Hendrikje, bedankt voor jullie inzet. En gevers heel erg bedankt voor jullie gift. Vriendelijke groet Aukje Laffra-Baukema 4

5 WA BIN IK? Troch ús fakânsjedrokte soe Wiepkje diskear de telefoan bemanje, mar o wat in maleur: healwei it spul rekke sy mei de fyts fan de dyk. Omreage troch in hûn, yn efterfolging fan in kat; it sil je mar gebeure. In harsensskodding en in skansearre skouder! No dan wit je wol wat je te dwaan stiet...op bêd en rêst hâlde. Dat wie net sa maklik want hoates en toates gie dy ferrekte telefoan foar it fotoriedsel! Mar se hat har der manmoedich trochhinne slein en ik kin jimme fertelle dat se al wer aardich by de wâl opkroadet. Mar dan no de foto dêr t wy Janny Feenstra op sjogge. Op de efterkant hat har heit de datum skreaun: 5 april 1952; op fjouwer wiken nei is sy hjir 6 jier. De foto is naam foar it stek fan de iepenbiere skoalle op etynje (no in parkearplak mei it boerd,,in doarp riist út e puollen ) Diskear fjouwer tûke froulju: Ypie Gijzen, Janke Reinsma, Sietske Strampel en Nanda Mouw yn de hoed, dêr t notaris Hedwig de namme fan Sietske Strampel út helle, lokwinske! Dan is it no wer tiid foar in foto mei in lyts feintsje. Witte jimme wa t it is? Belje gau nei nummer ! 5 Dat kin oant en mei sneon. Jantsje

6 STICHTING Secretariaat: KvK no De Bûgel 6, Bank: NL23RABO KA Oudemirdum ANBI no Persbericht Foppe de Haan over winnen en verliezen als het om werken gaat Op uitnodiging van de stichting Solidair in leven en werken (Solewe) komt op maandag 19 oktober a.s. de heer Foppe de Haan uit Akkrum, ex-trainer van onder meer sc Heerenveen en jong Oranje, naar Nijemirdum. In het plaatselijke Doarpshûs zal hij spreken over het thema Winnen en verliezen als het om werken gaat. In de westerse maatschappij waarin wij leven, kom je winnaars en verliezers tegen. Zo is het in de sport, maar ook op het terrein van werken. Sommigen máken het, zoals wel gezegd wordt, ook op de arbeidsmarkt. Ze hebben een goede baan, waarbij mogelijk ook enig aanzien om de hoek komt kijken. Bovendien staat goed vaak ook voor een flink salaris, waarvan goed te leven is. Zulke mensen worden wel voor winnaars gehouden. Waar echter winnaars zijn, daar zijn ook verliezers. Mensen, die het in tegenstelling met de eersten juist niet gemaakt hebben. Daar kunnen verschillende oorzaken voor zijn: een verkeerde beroepskeuze bijvoorbeeld, maar ook lichamelijke ongemakken. Juist zij zijn het, die het meest de klappen van de (aflopende?) crisisperiode hebben opgelopen. En hoe ga je daarmee om? Hoe ga je er trouwens mee om, wanneer jij een goede en flink betaalde baan hebt en je gescheiden buurvrouw moet rondkomen van een bijstandsuitkering. 6

7 En hoe doet je dat als buren? Kortom, winnen en verliezen als het om werken gaat, hoe ga je daar mee om? Foppe de Haan zal over dit thema een inleiding verzorgen. Daarna kan er met hem over het gesproken woord en andere aanverwante zaken van gedachten gewisseld worden. De avond begint om uur. S. Postma BINGO! Wer ta oan in jûntsje fol spanning en gesellichheid? Sneon 24 oktober ha we wer in gesellige bingojûn foar jong en âld yn ús Doarpshûs. Dizze kear spylje we om jildprizen. We ferpakke de prizen, dus yn eltse ronde 3x kâns op de haadpriis! 24 oktober, set it op de kalender, jim komme toch ek? We beginne om oere. Oant sjen. De lokaalferiening FAN DE REDAKSJE Genietsje jimme ek sa fan Jantsje har rubryk Wa bin ik? bring dan mar gau in moaie jeugdfoto nei ús redaksje en ynkoarten pronkje jimme sels yn ús Doarpsnijs! 7

8 HALLOWEEN PARTY Sa as jimme ek al lêze koenen yn t foarige doarpsnijs ha wy in prachtich moai doarpsfeest hân. Mei wat nije ynfolling fan de aktiviteiten ha wy elkenien dy t meidwaan woe berikke kinnen. It moaie waar krigen wy kado en dat makke it doarpsfeest 2015 wer tige slagge. Hjirby wolle wy elkenien tanksizze foar jimme ynset en entûsjasme, want sûnder minsken gjin doarpsfeest. Nei de fakânsje binne wy de harsens al wer drok oan it skrabjen en jawol, ús nije aktiviteit stiet al wer klear!! Halloween Party Lûk de aaklike en yslike ferklaaiersklean mar wer út e kast, want op sneon 31 oktober (Halloween) kinne jimme jim úttjirgje yn de disko. Wannear: sneon 31 oktober 15 Wêr: doarpshûs Wa: alle basisskoallebern oant 99 jier Tiid: fanôf oere oant.. De disko is hielendal fergees mar it drinken moatte jimme sels betelje!! Hein Skelet stiet der wol foar in mooglik frijwillige bydrage. Oant sjen op sneon 31 oktober!! Groetnis de Feestkommisje 8

9 IT HIMD FAN IT GAT Der binne aardich wat nije minsken yn Nijemardum komd te wenjen. Om dy minsken wat better kennen te learen liket it ús wol leuk ta om dêr sa no en dan ien fan te ynterviewen. Sa falt ek de namme fan Yvonne Groenendal. Sy is 35 jier en wennet op de Lyklamawei 79 tegearre mei har man Jasper Mous en harren jonkje Cayden fan hast fjouwer. En net te ferjitten de hûn! Geande it ynterview kom ik der efter dat se in tûzenpoat is mei allerhande ynteresses en hobby s en oeral praat sy fol entûsjasme oer. Wêr bisto berne? Yn Tsjerkgaast by Spannenburch. Ik siet yn St. Nyk op skoalle, dêr bin ik einliks opgroeid. Watfoar oplieding hast dien? Ik ha de oplieding foar sekretaresse dien. Mar ik ha noait wurk dien dat der op liket. Watfoar wurk dochst? Op it heden wurkje ik net. Ik soe wol graach wer oan de slach wolle want ik kin net stil sitte. Foardat Cayden kaam ha ik fan alles dien, fan matroas oant de fersekering. Mar úteinlik bin ik as administraasjemeiwurker by in metaalbedriuw oan it wurk kaam. Dêr ha ik fiif jier wurke. Dêrfoar wurke ik yn de sikehuzen de Tjongerschans en it MCL. As bern woest ek altyd al de administrative kant út? Nee, ik woe skipskok wurde. Farre dat is myn grutte passy; ik bin graach op it wetter. Us mem naam my froeger mei nei iepen dagen fan de seefeartskoallen en dêr waard my dúdlik datst dan ek oan it wurk bist as oaren sliepe. Jo ha wikseljende tsjinsten. Doe bin ik ôfheakke. Ik sied no in hiele protte foar de fun en we farre ek in soad foar de fun. 9

10 Wat fynst it moaist om te dwaan? Ik ha tûzen en ien ynteresses en ik fyn dy ek allegear like leuk. It begjint mei lêze, klusse, muzyk meitsje en lústerje, skriuwe, dichtsje, hake en túnkje. No en dat is te sjen. Se hat sels al in kast yn elkoar klust fan steigerhout, haakte kessens lizze yn de keamer en se is drok dwaande mei in omslachdoek en in fest te haken. Foar Cayden haakt se allerhande knuffels op bestelling. Fjirder soe ik wol graach wer badmintonje wolle; ik ha der by NOK al nei fernommen, mar der is noch gjin badmintonclub. Wa wit komt dy der oait noch ris. Wêr meie se dy midden yn e nacht foar wekker meitsje? Foar lekkere hollânske garnalen. En wyld, brieden ein of sa. Hearlik. Mar it leafst ha ik dat se my lizze litte; ik lis net foar neat op bêd en sliep al sa n bytsje. Jûns let op bêd en moarns betiid derôf. En as ik dan op bêd lis ha ik safolle ideeën foar de oare dei, dat ik der hast net fan sliepe kin. Mar se meie my echt altyd wekker meitsje as se in ticket foar Skotlân foar my ha! Skotlân is ek in grutte passy fan my. Sa n prachtich lân fyn ik dat. Wat fynst in grutte ergernis? Minsken dy t lige. En minsken dy t net earlik binne. Ik bin sels hiel direkt. As my wat net oanstiet dan meld ik dat fuortendaliks. Ik bedoel it net kwea of sa, mar dan is it mar útsprutsen. Der binne ek fan dy minsken dy sizze it iene, mar bedoele it oare. Wat fynst in prachtich boek? Ik bin krekt mei in hiel moai boek fan Diana Gabaldon, Het vuur van de herfst begûn. It giet oer Skotlân, de Schotse Hooglanders en de skiednis fan de Jakobieten opstân, mar dan romantisearre. Fryske boeken fyn ik ek hiel moai; dy fan Rink van der Velde mei ik ek graach lêze. Hokker tv-programma of film fynst hiel moai? Ik woe sizze fan Braveheart, mar dat klinkt sa klisjee. Oars soe ik it sa net witte. Ik mei wol graach nei Ingelske tekenfilms sjen. De searje Game of Thrones fyn ik ek leuk. Dat spilet yn de mytyske wrâld. Nei watfoar muzyk lústerst graach? It begjint mei myn grutte held Johnny Cash en it giet fan country nei metal en rock and roll en alles wat der tusken sit. Myn smaak is hiel breed. Behalve nederlânsktalich, dêr hâld ik net fan. Wat wie dyn grutste miskeap? 10

11 Och, dat wit ik net hear... Se tinkt efkes nei en dan komt har wat yn it sin. Ja, ik wit it al. Pake Ford! Ik hâld fan âlde nostalgyske dingen en kaam op in stuit in oldtimer tsjin. Dêr bin ik ek hielendal gek fan; ja ik ha echt tefolle ynteresses! It wie in âlderwetske Ford, dy t se froeger brûkt hienen as ambulânse. Der stie al by dat hy net mear ride koe en efkes neisjoen wurde moast. Hy wie fan binnen hielendal ferboud ta camper. Jasper en ik wienen doe noch net troud en ik sei tsjin him: dat is leuk, dan geane we lekker te kamperen. Doe t wy him op in autoambulânse thús krigen, bliek dat hy hielendal fol styng mei wetter. Wy ha noch wat foar it âld izer barre kinnen, mar dat wie ek alles. Wat is dyn favorite fakânsjeplak? Skotlân! Skotlân dêr bin ik ek gek op, dat wie myn grutte leafde foar Jasper. Foardat ik him moete ha ik dêr west. Mar foar Skotlân moast ik echt sparje, dat wie oars fjirstente djoer. Der binne ek noch wol genôch oare plakken dy t ik sjen wol; sa as Nij Seelân, Austraalje en Noorwegen. Wat is it fierste plak dêrst west hast? Griekenlân. Soe it Frysk oer 100 jier noch bestean? Dêr meitsje ik my wol hurd foar. Ik ha in Fryske facebook pagina en ha mei in bus nei Den Haach west om it Frysk op de kaart te hâlden. Ik bin hielendal Frysk minded, skriuw yn it Frysk, app yn it Frysk en ik praat Frysk. Wêr soest net sûnder kinne of wolle? Myn soan! Myn spegelbyld. Hy is sa no en dan like drok as my en hat dan allegear ideeën yn e holle. Uterlik liket hy in soad op ús heit. Wat soest graach noch ris dwaan wolle? In boek skriuwe. Dêr bin ik ek al mei dwaande. Ik bin in histoaryske roman oan it skriuwen. In bytsje komysk skreaun sa as Rink van der Velde. En dat soe ik hiel graach útbringe wolle. Watfoar iten makkest graach klear? It leukst om te meitsjen fyn ik selsmakke lenteuien sop en frysk stoofpotsje mei in burrelgleske Joustra der trochhinne. Hast dyn eigen resept? In bytsje fan ynternet, fan mysels en fan ús heit. Ik mei graach aparte dingen klearmeitsje. Ik ha in âld roman en dêr beplak ik alle bledsiden fan mei myn eigen resepten. As ik der letter net mear bin, dan krijt myn neiteam it boek mei de resepten dy t ik lekker fûn om klear te meitsjen. 11

12 Wat fynst de moaiste tiid fan it jier en wêrom? De hjerst, fanwege it reinwetter. Benammen as it neisimmer is en lekker near, dan gean ik nei bûten ta en genietsje ik fan it reinwetter. Hearlik. Wolst oars ek noch wat kwyt? Nee, ik soe it sa net witte. As der ien is dy t noch in leuke feriening opsette wol yn Nijemardum, (help mar wat mei te betinken), dêr bin ik altyd foar yn. Yvonne, bedankt datst wat fan dyn kostbere tiid frij meitsje woest foar my. Sa n tûzenpoat hat fansels net folle tiid oer. Ik fûn it gesellich en de kofje smakke bêst. Hedwig Beukens YOGA Geachte dorpsgenoten, Sinds het vorig seizoen is er gestart met Yoga lessen op locatie in de groepsruimte van Bekedam. Eén groep is zo enthousiast, dat er zelfs tijdens de zomer lessen plaatsvonden. Vanaf begin November starten we weer met een nieuwe serie yoga lessen. Iedere maandag avond, vanaf 19:45-20:45 óf vanaf 21:00-22:00 uur. Wat is Yoga? Yoga is goed voor mensen van alle leeftijden. Je ziet snel resultaat als je de oefeningen in praktijk brengt. Yoga verhoogt de bloedcirculatie en vergroot de lenigheid. Je ruggegraat speelt een centrale rol in je fysieke gesteldheid. Zo profiteert het hele lichaam ervan wanneer deze leniger is. Bewegen kan plezierig worden wanneer je gewrichten makkelijker gaan functioneren en je spieren soepeler en efficiënter beginnen te werken. Voor meer informatie kunt u contact opnemen met Annie Ferdinands (562934) of Jeannet Bekedam (571597) 12

13 13

14 OCH. It wie yn e simmer fan 1977 doe t Dirk Jan syn baas Appie Faber betocht dat wy einliks in hynderke op it hiem ha moasten. Us âldste soan Emile hie syn sechde jierdei op 24 augustus en doe waard der in jonge pony fan in jier as trije by ús útladen. Wy neamden har Frieda nei it hynderke út de yn de jierren santich hiel populêre t.v.searje Stiefbeen en Zoon. Pake Anske sette in prachtich hokje foar dit nije libben by ús op it hiem. Yn har jonkheid woe Frieda ek wol ferkearing ha en waarden der alderleafste foaltsjes berne. Wy koenen dy net sa lang hâlde fansels. Feekeapman Sietse de Vries naam it bistke dan mei nei de merk en makke der wolris in grapke oer: moarn sit hy yn de frikandellen. Oeh, dan wienen wy goed fan slach. Dus mar gjin ferkearing mear Emile kriich twa bruorkes en in suske, dy t opgroeiden mei Frieda. Der kaam selskip fan skiep en lammen, fan in kealtsje, fan hinnen en kninen en fan famkes dy t by ús op it hiem kamen om har te boarsteljen. Ek noch doe t ús eigen bern allang út Nijemardum wei wienen. Us pake- en beppesizzers wisten de biks en de boarstels ek goed te finen. Frieda bleau goed sûn, mar it gebit rekke stadichwei fersliten en wat moast sy faak pisje. Ja, de âlderein krijt dêr ier of let no ien kear mei te meitsjen. It oereinkommen waard ek wolris wat dreech, mar fan e wike kaam sy hast net fan it plak. Se wie net siik mar hie wol pine. De feedokter wie dúdlik: artroaze en ja minsken, it hâldt in kear op! Jawis. Toe Annie, der moat in mailtsje nei de bern mei it drôvige nijs. Famke fan ús Elian moast skrieme en woe noch in foto fan Frieda. Buorfrou Roely kaam daliks oer de dyk en makke net ien foto, mar in hiele reportaazje fan de lêste dei fan Frieda har libben. Veerle fan ús Emile frege Beppe, wil je een klein stukje van haar haar voor mij bewaren en geef je haar nog een kusje van mij? en dat hat Beppe dien. Wy ha jierren lyn ôfskied nimme moatten fan de baas dy t Frieda hjir by ús brocht en fan de feekeapman en Pake Anske, dy is der ek net mear. It prachtige hokje, dêr t it bistke faak yn skule is nei 38 jier ek tige wankel wurden. Hjoed hat ús hynderke har foargoed deljûn. Nuver hear. Dach Frieda. Nijemardum, 25 septimber 2015, Annie 14

15 VISWEDSTRIJD Zaterdag 29 augustus jl. is er weer druk gevist tijdens de jaarlijkse viswedstrijd. Onder prachtige weersomstandigheden werden er heel wat vissen uit de Sânfeart gehaald! De juryleden Rienk en Joop konden de telling met moeite bijhouden. De 1 e prijs voor de deelnemers boven de 14 jaar was voor Boâke Pietersma. Met ruim een meter gevangen vis ging Boâke met de wisselbeker én een lekkere sûkerbôle naar huis. De wisselbeker en de 1 e prijs voor de jeugd, gingen naar Benjamin Postma. In totaal had hij 106 cm. aan vis gevangen. De 2 e prijs was voor Arjen Eppinga, de 3 e prijs voor Tim van Bavel (kleinzoon van v.wezel). Zoals al menig jaar komt de familie van Wezel speciaal voor de viswedstrijd logeren bij Bekedam. De prachtige vlieger, gemaakt door Theo van Wezel, kreeg een speciale bestemming. Jesse Eppinga, helaas maar 1 vis gevangen, kon deze vlieger als troostprijs in ontvangst nemen! Bestuur Dorpsbelang SISWIZE FAN DE MOANNE: Elke beam hat wol in kromme tûke 15

16 DE STIPERS Mei tank oan de folgjende minsken/bedriuwen kin Doarpsnijs elke moanne útbrocht wurde: Paul Baas Harmen en Lieske Bangma Albert en Jeannet Bekedam Bauke Beukens Harm van Bommel Jan Buma Johan A. Dijkstra Jelle Eppinga Arjan Hendriks Halbe Hielkema Tryntsje de Jong-Rienstra Ede Groenhof Cees en Johannes v.d. Meer Hendrik Postma Douwe en Froukje Prins Fam. K. Rienstra Runia Fourage BV Runia Transport BV Jan-Dirk van der Tol VandeLinde Associates Earnst P. Veenstra Ruerd Vellinga Annoesjka de Vries De Vries De Klussenbaas Camping De Groninger Melkveehouderij/luxe appartementen Garant Zaden VB administratie Buma Handel Dierenarts Boomkwekerij SDS Balk Startmotoren en dynamo s Bouw- en onderhoudsbedrijf Kapsalon Tryntsje Transportbedrijf/verhuizingen Van der Meer Mechanisatie Motorenrevisie/reparatie Bakkerij Prins, Harich Beheerders dorpshuis (Klein)diervoeders, aardappelen enz. Transportbedrijf Feedcentre B.V. Journalistieke Producties Hovenier Vellinga werkschoenen en kleding Pedicure Slagerij, Oudemirdum De famylje Kramer soarget derfoar dat it krantsje elke lêste tongersdei fan 'e moanne by de minsken thús komt. 16

17 AGINDA 19 oktober : Solewe 24 oktober : Bingo 31 oktober : Halloween party Elke 3e sneon fan e moanne wurdt it âld papier ophelle. IT FOLGJENDE KRANTSJE ferskynt op woansdei 28 oktober 2015 KOPIJ YNLEVERJE oant tongersdei 22 oktober by ien fan de redaksjeleden in stjoere kin ek: redaksje.doarpsnijs@gmail.com 17