DIE DOEL VAN HIERDIE DOKUMENT

Transcriptie

1 1 TOELATINGSBELEID 1 DIE DOEL VAN HIERDIE DOKUMENT Die doel van hierdie beleidsdokument is, om die toelating van leerders tot die skool te bevorder en te fasiliteer. Dit weerspieël die verbintenis van die Departement van onderwys om sy konstitusionele verantwoordelikheid om leerders se toegang tot kwaliteitsonderwys te verseker, na te kom. 2 FUNDAMENTELE BEGINSELS Die reg op toegang tot basiese onderwys en op gelyke toegang tot onderwysinrigtings, is nie slegs in die Grondwet vasgelê nie, maar is ook vervat in die Onderwyswetsontwerp wat deur die Wetgewer aanvaar is. Geen leerder mag onderworpe aan die bepalings toegang tot 'n skool geweier word op grond van ras, geslag, afkoms (etnies of sosiaal), godsdiens, geloof, kleur, kultuur, bewysbare onvermoë om skoolgeld te betaal, taal of ouderdom nie. 3 VERPLIGTE BYWONING 3.1 Behoudens hierdie Wet en enige toepaslike wet moet elke ouer, elke leerder vir wie hy / sy verantwoordelik is, 'n skool laat bywoon vanaf die eerste skooldag van die jaar waarin sodanige leerder die ouderdom van sewe jaar bereik, tot op die laaste skooldag van die jaar waarin sodanige leerder die ouderdom van vyftien jaar of die negende graad bereik, watter een ook al eerste plaasvind. 3.2 Die Minister bepaal by gedragskode vir leerders in die staatskoerant die ouderdomme vir verpligte bywoning by skole vir leerders met spesiale onderwysbehoeftes. 3.3 Elke Lid van die uitvoerende Raad moet verseker dat daar voldoende plek in skole is, sodat elke kind wat in sy of haar provinsie woonagtig is, kan skoolgaan soos deur subartikels vereis word. 3.4 Indien 'n Lid van die Uitvoerende Raad nie aan subartikels kan voldoen nie, as gevolg van 'n gebrek aan ruimte wat op die datum van inwerkingtreding van hierdie Wet bestaan, moet hy / sy stappe doen om enige sodanige gebrek aan ruimte so gou as moontlik reg te stel en moet hy / sy jaarliks aan die Minister verslag doen in verband met die vordering wat met hierdie optrede gemaak is.

2 2 3.5 Indien 'n leerder wat ingevolge die subartikels onderworpe is aan verpligte bywoning, nie ingeskryf is by 'n skool nie, of versuim om dit by te woon, kan die Departementshoof: die omstandighede van die leerder se afwesigheid van die skool ondersoek; toepaslike stappe doen om die aangeleentheid reg te stel; by gebrek aan sodanige regstelling, 'n skriftelike gedragskode vir leerders aan die ouer van die leerder rig om nakoming van subartikels te eis Behoudens hierdie Wet en enige ander toepaslike wet: is enige ouer wat, sonder afdoende rede en na 'n skriftelike gedragskode vir leerders van die Departementshoof, in gebreke bly om uitvoering te gee aan subartikels, skuldig aan 'n misdryf en by skuldigbevinding onderhewig aan 'n boete of aan gevangenisstraf vir 'n tydperk wat nie ses maande te bowe gaan nie, of enige ander persoon wat, sonder afdoende rede, 'n leerder wat aan verpligte bywoning onderhewig is, daarvan weerhou om 'n skool by te woon, is skuldig aan 'n misdryf en by skuldigbevinding onderhewig aan 'n boete of aan gevangenisstraf vir 'n tydperk wat nie ses maande te bowe gaan nie. 4 VRYSTELLING VAN VERPLIGTE BYWONING 4.1 'n Departementshoof kan 'n leerder heeltemal, gedeeltelik of voorwaardelik van verpligte skoolbywoning vrystel, indien dit in die beste belang van die leerder is. 4.2 Elke Departementshoof moet 'n register hou van die leerder wat van verpligte skoolbywoning vrygestel is. 5 TOELATING TOT OPENBARE SKOLE 5.1 'n 0penbare skool moet leerders toelaat en hul opvoedingsbehoeftes dien, sonder om op enige wyse onregverdig te diskrimineer. n Openbare skool mag nie enige toets, wat verband hou met die toelating van 'n leerder tot openbare skool, toepas, of die skoolhoof van die skool of enige ander persoon opdrag gee of magtig om sodanige toets toe te pas nie. Geen leerder mag toelating tot 'n openbare skool geweier word op grond daarvan dat sy / haar ouer: nie in staat is nie of versuim het om skoolgeld, soos deur die beheerliggaam kragtens artikel 39, bepaal, te betaal;

3 3 nie die missiestelling van die skool onderskryf nie; geweier het om 'n kontrak, waarkragtens die ouer afstand doen van enige eis vir skadevergoeding wat uit die opvoeding van die leerder voortspruit, aan te gaan. 5.4 Die Minister kan, na oorleg met die Raad van Onderwysministers, by wyse van gedragskode vir leerders in die Staatskoerant, ouderdomsvereistes vir die toelating van leerders tot 'n skool of tot verskillende grade in 'n skool vasstel. 5.5 Behoudens hierdie Wet en enige toepaslike provinsiale wet, word hierdie toelatingsbeleid van 'n openbare skool deur die beheerliggaam van sodanige skool bepaal. 5.6 In die bepaling van die plasing van 'n leerder met spesiale onderwysbehoeftes, moet die departementshoof en die prinsipaal die regte en wense van die ouer van sodanige leerder in ag neem. 5.7 'n Aansoek om die toelating van 'n leerder tot 'n openbare skool, moet aan die onderwysdepartement gerig word, op 'n wyse wat deur die departementshoof bepaal word. 5.8 lndien enige aansoek ingevolge enige subartikel geweier word, moet die departementshoof die ouer skriftelik verwittig van sodanige weiering en die rede daarvoor. 5.9 Enige leerder of ouer van 'n leerder wat toelating tot 'n openbare skool geweier is, kan teen die beslissing appél aanteken by die Lid van die Uitvoerende Raad. 6 VERANTWOORDELIKHEID VIR ADMINISTRASIE VAN TOELATINGS Skoolhoofde, in die eerste plek en personeel aan wie gesag gedelegeer is, sal verantwoordelik wees vir die administrasie van toelating tot 'n skool. Distriksdirekteure sal skoolhoofde en / of ander onderwysstrukture inlig in verband met die toelatingsbeleid en die prosedures wat gevolg moet word. Distrikskoördineerders deurlopend steun aan skole verleen. Skoolhoofde, of groepe skole, mag in samewerking met die Distriksdirekteur hulle self in Registrasie en Toelatingskomitees organiseer om die toelatingsprogram in hul gebiede te fasiliteer en te organiseer. Dit sal hulle in 'n beter posisie plaas om die toelating van leerders tot hul skole meer effektief te bestuur, sowel as om die beweging van leerders tussen skole te monitor en te verifieer. 7 WIE MOET REGISTREER? Leerders wat tans by skole geregistreer is, moet in beginsel in dieselfde skole bly en hoef dus nie jaarliks te registreer nie. Studente wat 'n spesifieke skool vir die eerste keer wil bywoon, sal voor die einde van die betrokke jaar, vir die begin van die volgende jaar moet registreer. Alle registrasies moet teen die 1Ode skooldag van die volgende jaar voltooi wees.

4 4 Die volgende kategorieë leerders sal moet registreer: 7.1 Skoolpligtige leerders (tussen 7 en 15 jaar oud) wat nog nie geregistreer het nie. 7.2 Leerders wat die hoogste graad in hul huidige skool sal slaag en wat toelating tot die volgende fase sal verlang, bv. vanaf primêre na sekondêre skool, ens. 7.3 Leerders wat om ander redes toelating tot 'n ander skool verlang bv. verplasing van ouers. 9 DOKUMENTE WAT NODIG IS VIR TOELATING: Alle dokumente, insluitende ID's, geboortesertifikate, oorplasingskaarte, verslae, ensovoorts, moet sorgvuldig nagegaan en geverifieer word, voordat toelating tot 'n skool deurgevoer word. 'n ID-dokument of geboortesertifikaat (en / of 'n studiepermit, in geval van immigrant en niepermanente inwoners of erkende uitgewekenes) as bewys van ouderdom, moet by registrasie getoon word. Daar sal van leerders of hulle ouers of voogde wat versuim om die nodige dokumentasie voor die einde van die eerste kwartaal voor te lê, verwag word om die regte dokumentasie by die Departement van Binnelandse Sake aan te vra. 10 OUDERDOM VAN LEERDERS: 10.1 Leerders wat te oud is: Wanneer 'n leerder wat aansoek om toelating tot 'n skool doen, twee jaar of meer ouer is as die gemiddelde ouderdom vir die betrokke graadgroep, sal die skoolhoof en beheerliggam besluit of die leerder tot daardie graadgroep toegelaat mag word, terwyl in gedagte gehou word dat daar grondige onderwyskundige oorwegings is waarom 'n leerder se ouderdom binne die grense vir 'n spesifieke graad moet wees Skoolpligtige leerders wat vir 'n tydperk uit die skool was, of wat glad nie 'n skool bygewoon het nie, of wat bo die ouderdom is vir die betrokke graad, waarna in die voorafgaande paragraaf verwys word, moet onder die aandag van die distriksdirekteur gebring word. Die onus rus op die skool om die distrikskantoor in te lig, sodat leerders nie eenvoudig by een skool na die ander geweier word nie Leerders bo skoolpligtige ouderdom en wat nooit skoolgegaan het nie: Persone van sestien jaar of ouer wat nooit voorheen skoolgegaan het nie en wat vir die eerste keer toegelaat wil word, moet toestemming by die Onderwyshoof (of die gemagtigde persoon deur hom / haar aangewys) verkry, voordat hulle tot 'n skool toegelaat word.

5 5 TAALBELEID 1. INLEIDING: WETLIKE BEPALINGS 1.1 Behoudens die Grondwet en die Suid-Afrikaanse Skolewet 1996, kan die Minister, na oorleg met die Raad van Onderwysministers, by wyse van gedragskode vir leerders in die Staatskoerant norme en standaarde vir taalbeleid in openbare skole vasstel. 1.2 Die beheerliggaam van 'n openbare skool kan die taalbeleid van die skool bepaal, behoudens die Grondwet, die Suid-Afrikaanse Skolewet en enige toepaslike provinsiale wet, na konsultasie met die Departement en onderhewig aan die goedkeuring van die Lid van die Uitvoerende Komitee. 1.3 Geen vorm van rasse diskriminasie mag in die uitvoering van beleid wat kragtens hierdie artikel bepaal is, plaasvind nie. 1.4 'n Erkende gebaretaal het die status van 'n amptelike taal vir die doeleindes van onderrig in 'n openbare skool. 1.5 Taalvaardigheidstoetse mag nie gebruik word as toelatingsvereiste tot 'n openbare skool nie. 1.6 Leerders by openbare skole moet aangemoedig word om gebruik te maak van 'n verskeidenheid van amptelike tale. 1.7 Geen leerder by 'n openbare skool of privaatskool mag gepenaliseer word deur hom / haarself uit te druk in 'n taal wat nie 'n onderrigtaal van die betrokke skool is nie. Binne praktiese beperkinge, het 'n leerder die reg tot 'n taalkeuse in onderwys. Afgekondig deur Minister van Onderwys op 14 Julie 1997: 2.1 Doelwitte met taalbeleid. Die bevordering van meertaligheid, waarby ingesluit die ontwikkeling van alle tale en daardeur die bevordering van die volle deelname van elke individu in die samelewing en die verbetering van kommunikasie oor alle grense heen. Die behoud van die huistaal(e), terwyl terselfdertyd toegang tot en gebruik van ander tale moontlik gemaak word. Om te voldoen aan die reg van die leerder om die taal waarin hy onderrig wil word, te kies. Om die beginsels dat onderrig deur en die leer van alle tale, moontlik sal wees, te ondersteun.

6 6 Om die benadering wat uit die verskillende vorme van ongelykheid tussen huistale en tale vir onderrig en leer ontstaan het, teen te werk. 2.2 Die reg en posisie van Leerders: Die leerder mag by sy aansoek om toelating tot 'n skool skriftelik die taal aandui waarin hy verkies om onderrig te word. Waar 'n skool reeds die taal vir leer en onderrig, soos verkies deur die leerder, aanbied en indien daar plek in die betrokke graad in die skool is, moet die skool die leerder toelaat. As riglyn word die norm gestel dat dit prakties haalbaar is om onderrig in 'n bepaalde taal in 'n skool aan te bied, indien ten minste 35 leerders per graad vir grade 8-12, dit sou versoek. Waar minder aansoeke as die gestelde riglyn ontvang word, moet die provinsiale onderwysdepartement bepaal hoe die behoeftes van hierdie leerders aangespreek sal word, met onder andere inagneming van die advies van die betrokke beheerliggame en skoolhoofde. 2.3 Die Beheerliggaam: In die bepaling van die taalbeleid van die skool, moet die beheerliggaam aandui hoe die skool meertaligheid sal bevorder deur onder andere die gebruik van meer as een taal vir leer en onderrig en / of deur spesiale taalbevorderingsprogramme of deur ander metodes wat deur die hoof van die onderwysdepartement goedgekeur is. 2.4 Die verantwoordelikheid van die onderwysdepartement: Die departement is verantwoordelik vir die bevordering van meertaligheid asook die ontwikkeling van alle amptelike tale. Die departement moet volgens neergelegde riglyne, wat ook aan die Grondwet moet voldoen, bepaal hoe aan die behoeftes van leerders voldoen sal word wanneer hulle in 'n bepaalde taal onderrig verlang, maar dit nie in 'n distrik voorsien word nie, met inagneming van die advies van beheerliggame en skoolhoofde. Die Provinsiale 0nderwysdepartement moet weë en wyses ondersoek waardeur die beperkte menslike hulpbronne in die provinsie die beste aangewend kan word, waarby ingesluit is die voorsiening van taalbevorderingsprogramme in skole, veral in distrikte

7 7 wat nie in die huistaal van leerders kan voorsien nie. 2.5 Taalbeleid van Hoërskool Hennenman: Hoërskool Hennenman erken die reg van toegang van leerders tot basiese opvoeding en toegang tot die skool. Hoërskool Hennenman erken die reg van toegang van die individu dat daar gaan diskriminasie ten opsigte van taal toegelaat word nie. Die Beheerliggaam van Hoërskool Hennenman het, in ooreenstemming met die wetlike bepalings, besluit dat die onderrigtaal van die skool Afrikaans sal wees, met Engels as tweede taal en dat bykomende klasse, waarin die onderrigtaal Engels is, toegelaat sal word soos vooraf met die beheerliggaam ooreengekom word. Alle vakke, buiten addisionele tale, word in Afrikaans aangebied. Korrespondensie en administrasie word deurgaans in Afrikaans gedoen. Tersaaklike korrespondensie sal vanuit n professionele oogpunt en met die nodige kantoor/besigheidsetiket in Engels beantwoord word.

8 8 SKOOLDRAGBELEID Daar word van ouers verwag om die voorgeskrewe skooldrag te koop. absoluut noodsaaklik is vir dissipline in die skool. Die skooldrag is by die skool beskikbaar. Dit bring uniformiteit mee wat Nuwelinge kry twee weke geleentheid om skooldrag aan te skaf. Gereelde skooldraginspeksies sal gehou word om te verseker dat die leerders die korrekte skooldrag dra. Somer- en winterdrag mag nie gemeng word nie. DOGTERS A Somerdrag vir dogters graad 8 12 (1 September tot 30 April) 1. Slegs swart skoolromp: A-lyn, vier vingers bokant die knie. 2. Geen langbroeke. 3. Swart skoolskoene: Plat swart skoolskoene met n bandjie oor die voet of wat toeryg met n skoenveter word die hele jaar gedra. 4. Kouse/Sokkies: Wit sokkies sonder strepe, grafika of logos, omgevou tot twee vingers bo die enkel. 5. Hemde: Mag nie uithang nie. 6. Onderklere: Mag nie deurskyn nie. B Winterdrag vir dogters graad 8 12 (1 Mei tot 30 Augustus) 1. Swart snyersbroek van gabardine (Tetrex) of soortgelyke linne. 2. Swart of wit skoolsokkies sonder strepe, grafika of logos. 3. Wit boordjiehemp. 4. Skooldas. 5. Maroen skooltrui. 6. Skoolbaadjie (Verpligtend vanaf 2003) 7. Swart skoolskoene Skooltruie mag nie onnodig los sit of te groot gekoop word nie. Die moue van truie, hemde en baadjies mag nie oor die hande hang nie. Kleurbaadjies mag die hele jaar gedra word, maar nooit sonder n das nie.

9 9 Geen sweetpakbaadjies mag by skooldrag gedra word nie. Geen ander kleure truie of baadjies word toegelaat nie. Swart of maroen serpe vorm deel van die wintersdrag. Swart langkouse mag ook by die wintersdrag gedra word. T-hemde mag nie onder hemde vertoon nie. Hemde mag nie uithang nie. C Sportdrag vir dogters: 1. Skoolsweetpak. 2. Atletiek: Skoolsweetpak en amptelike drag soos by skool beskikbaar. 3. Netbal: Behalwe vir die eerste span alle ander spanne dra maroen netbalromp en sport T- hemp. 4. Tennis: Tennisromp met die skool se sport T-hemp. 5. Hokkie: Maroen hokkieromp met die skool se sport T-hemp. Die skoolsweetpak vorm nie deel van die skooldrag nie en mag dus nie tydens skooltyd as skooldrag gedra word nie. Tydens dae waarop daar n sportdag is, word slegs die leerders wat aan sport deelneem toegelaat om hul sweetpak en die skool se amptelike sporthemp aan te trek. Sportskoene by sweetpak is verpligtend. D Hare Hare moet netjies en skoon gedra word. Moenie n styl kies wat in stryd is met die volgende reëls nie: Lang hare wat gevleg is of in poniesterte vasgemaak is mag nie slegs op die punte vasgevleg of vasgemaak word nie maar moet teen die kop vasgemaak word. Hare moet natuurlik vertoon en geen jel sal toegelaat word nie. Die kuif moet netjies kort wees of weggesteek word uit die oë as dit langer gedra word. Die kuif mag nie oor die wenkbroue hang nie. Hare mag nie opvallend gekleur word nie. Slegs die natuurlike kleure sal toegelaat word. Indien die reël oortree word, sal van ouers verwag word om op eie onkoste die hare reg te kleur. Die aanbring van kontrasterende ligstrepies in hare is nie aanvaarbaar nie. As die langerige bob styl gedra word, moet die voorste punte weggesteek word sodat dit nie in die oë hang nie.

10 10 Geen uitspattige haarapparate mag gebruik word nie. Slegs in ougoud, maroen, swart en donkerbruin. As hare aan onderste punt van die kraag raak, moet hare vasgemaak word. E Naels Naels moet skoon, netjies en kort gedra word. Naels mag nie oor die vingerpunte steek nie. Slegs kleurlose naellak en versterker wat nie blink nie mag gebruik word. Geen vals naels word toegelaat nie. F Grimering Geen grimering mag gedra word nie. Skriftelike toestemming moet by die kantoor verkry word indien enige onderlaag om mediese redes gedra moet word. G Juwele Geen juwele mag saam met skoolklere gedra word nie. Klein ronde silwer of goue balletjies of ringetjies mag in die onderste oorgaatjies gedra word. Geen tong of neus studs, arm of enkelkettinkies mag gedra word nie. Horlosies mag gedra word. Mediese bandjies of hangertjies mag gedra word. Slegs die amptelike lapelwapentjies van die skool mag gedra word en geen ander lapelwapentjies mag gedra word nie. H Skooltasse Slegs skooltasse met harde wande word toegelaat. Die rugsaktipe tas is aanvaarbaar as dit met harde wande toegerus is. Die tas moet stewig, met afskortings en standaardgrootte wees. Tasse moet voldoende ruimte bied sodat handboeke en skrifte soos benodig gerieflik ingepak kan word en ook voldoende beskerming ontvang.

11 11 Die tas moet ook netjies wees en mag nie afbreuk doen aan n leerder se voorkoms nie. Handtassies kleiner as genoemde afmetings sal slegs gedurende die eksamen toegelaat word. Geen plakkers of skrywe word op tasse toegelaat nie. I Merk van klere en eiendom Kledingstukke moet duidelik gemerk wees ingeval dit verlore sou raak. Alle ander eiendom moet verkieslik ook gemerk wees. J Amptelike verskaffers Die skool se amptelike skooldragverskaffer is: Die klerewinkel by die skool. Skoolbaadjies: Bestelling by die skool. SEUNS A Somerdrag vir seuns graad 8 12 (1 September tot 30 April) 1. Broek: Grys kortbroek of swart langbroek. 2. Hemp: Wit kortmou hemp. (Das opsioneel) Hemde mag nie uithang nie. 3. Kouse: Grys skoolkouse saam met die grys kortbroek. Swart of grys kouse moet saam met n langbroek gedra word. 4. Skoene: Die voorgeskrewe skoolskoen is swart met veters wat toeryg, waarvan die hak nie dikker is as 3 cm nie. Geen steweltipe skoen mag gedra word nie. Geen gekleurde skoenveters mag gedra word nie. B Winterdrag vir seuns graad 8 12 (1 Mei tot 30 Augustus) 1. Swart langbroeke en wit langmouhemde word gedra met die amptelike skooldas. 2. Kouse soos voorgeskryf vir die somer : swart of grys kouse. 3. Skoolbaadjie en das verpligtend. 4. Skooltruie mag gedra word. Geen vreemde of anderskleurige baadjies mag gedra word nie.

12 12 Truie se moue mag nie opgestoot word nie. Die moue van truie, hemde en baadjies mag nie oor die hande hang nie. Kleurbaadjies mag die hele jaar gedra word, maar nooit sonder n das nie. Die kleurbaadjie mag net saam met skoolklere gedra word. Geen sweetpakbaadjies mag by skooldrag gedra word nie. Geen ander kleure truie of baadjies word toegelaat nie. Swart- of maroen serpe mag deel van die wintersdrag vorm. C Sportdrag: 1. Skoolsweetpak. 2. Atletiek: Skoolsweetpak en amptelike drag soos by die skool beskikbaar. 3. Rugby: Wit rugbybroek met maroen kouse. Truie soos deur borge verskaf. 4. Tennis: Swart/Maroen broek met die skool se sport T-hemp. 5. Krieket: Wit langbroek met die skool se wit sport T-hemp. Die skoolsweetpak vorm nie deel van die skooldrag nie en mag dus nie tydens skooltyd as skooldrag gedra word nie. Tydens dae waarop daar n sportdag is, word slegs die leerders wat aan sport deelneem toegelaat om hul sweetpak en die skool se amptelike sporthemp aan te trek. Sportskoene by sweetpak is verpligtend. D Hare Hare moet netjies en skoon gedra word. Moenie n styl kies wat in stryd is met een van die volgende reëls nie: Hare mag nie oor die kraag hang as die kop in n regop houding is nie. Die kuif mag nie in die oë hang as dit vorentoe gekam is nie. Langs die slape mag die hare nie langer as die middel van die oor gedra word nie. Geen dun stertjies mag gedra word nie. Geen steps word in hare toegelaat nie. Hare moet natuurlik vertoon en mag nie gejel word nie. Hare mag nie die wetlook hê nie. Hare mag nie gekleur word nie. Die aanbring van ligstrepies is nie aanvaarbaar nie.

13 13 Hare mag nie gebleik word nie. Indien dit wel sou gebeur, sal van die ouers verwag word om op eie onkoste die hare te laat kleur in die oorspronklike kleur. Hare moet skoon geknip wees direk om die ore. Dit mag nie die ore raak wanneer die hare regaf gekam word nie. Die nek moet skoon geknip wees volgens die haarlyn. Die voorhoof moet oop en skoon wees. Hare mag nie uitermatig van kop af wegstaan nie. Geen vreemde haarstyle word toegelaat nie. Hare mag nêrens toiingrig, punterig of in slierte hang nie. E Juwele Seuns mag nie juwele dra nie. Horlosies mag gedra word. Geen tong of neus studs, arm- of enkelkettinkies mag gedra word nie. Mediese armbandjies of hangertjies mag gedra word. F Baard Geen stoppelbaard, wolwange of snorre word toegelaat nie. G Naels Naels moet altyd skoon, netjies en kort geknip wees. Geen naellak mag gedra word nie. H Skooltasse Slegs skooltasse met harde wande word toegelaat. Die rugsaktipe tas is aanvaarbaar as dit met harde wande toegerus is. Die tas moet stewig, met afskortings en standaardgrootte wees. Tasse moet voldoende ruimte bied sodat handboeke en skrifte soos benodig gerieflik ingepak kan word en ook voldoende beskerming ontvang. Die tas moet ook netjies wees en mag nie afbreuk doen aan n leerder se voorkoms nie. Geen plakkers of skrywe word op tasse toegelaat nie.

14 14 I Merk van klere en eiendom Kledingstukke moet duidelik gemerk wees ingeval dit sou verlore raak. Alle ander eiendom moet verkieslik ook gemerk wees. J Amptelike verskaffers Die skool se amptelike skooldragverskaffer is: Die klerewinkel by die skool. Algemeen 1. Leerders mag op Vrydae baadjies van provinsiale sportsoorte wat hulle verwerf het dra. 2. Geen provinsiale sweetpakke word vir die doel soos in punt 1 gedra word nie. 3. Leerders wat tydens skoolure moet onttrek om aan sportaktiwiteite te gaan deel neem, mag met hul skool sweetpak skool toe gaan. 4. Skoolsweetpakke moet met seilskoene tydens die bg. vergunning gedra word.

15 15 GODSDIENSBELEID: Hoërskool Hennenman onderskei tussen Godsdiensonderrig en Godsdiensbeoefening. Godsdiensonderrig: Die leerarea, Lewensoriëntering maak voorsiening vir die studie van verskeie geloofsoortuiginge insoverre dit die kennis van verskillende kulture en geloofsoortuiginge aangaan. Godsdiensbeoefening: Christelike geloofsoortuiginge vorm die raamwerk waarbinne alle amptelike byeenkomste plaasvind. Leerders met ander geloofsoortuiginge word toegelaat op versoek om eie geloofsoortuiginge uit te leef. SKOOLBYWONINGBELEID Die amptelike skoolure is vanaf 07:25 tot 13:30. Leerders moet 07:25 flink en ordelik na hul registerklasse beweeg. n Leerder wat laatkom, moet by die administratiewe sekretaresse aanmeld. Indien n leerder afwesig is, moet die ouers die skool telefonies of per faks verwittig. n Doktersertifikaat en/of brief van die ouer/s moet by die graadvoog ingehandig word op die eerste dag wat die leerder terug is by die skool. Indien n leerder siek is tydens n toetsreeks of eksamen, moet n doktersertifikaat by die graadvoog ingehandig word. Indien n ouer versoek dat n leerder voor 13h30 die skool moet verlaat, moet dié versoek per brief of faks aan die skool gerig word. Dié leerder moet by die kantoor in die uittekenboek aanteken indien hy die skool tydens normale skoolure verlaat. Ouers moet verantwoordelikheid neem dat leerders wat weens siekte of mediese afsprake skoolwerk mis, die werk sal inhaal. Leerders wat sonder bogenoemde afwesigheidskennisgewing afwesig is tydens enige assesseringsaktiwiteit ontvang geen punte vir die betrokke aktiwiteit nie. Geen her-assessering of uitstel sal vir sodanige leerlinge toegestaan word nie.

16 16 VEILIGHEIDSBELEID: 1 Doelstellings: DOEL: Die doel van die beleidstuk is om die veiligheid van alle persone op die terrein van skool te verseker in terme van die Wet No. 6 van Om n veilige gesonde omgewing vir al ons leerders en personeel te bevorder Die eiendom van ons leerders en personeel te beveilig. Die leerders en personeel te beskerm teen skadelike invloede van watter aard ookal. 2 Onderneming: Die skool vorm deel van die groter gemeenskap en onderneem om in sy vennootskap met die groter gemeenskap: Gebeurlikheidsplanne op te stel. Toegang- en kontakbeheer toe te pas. Die gedragskode streng toe te pas insoverre die gedragskode die veiligheid van ons leerders en personeel beskerm. 3 Reëls ten opsigte van bedreigings: Dit is verbode om enige voorwerp of middel in besit te hê wat enige bedreiging vir die skool se leerders of personeel mag inhou. Leerders word verplig om enige vorm van bedreiging onmiddellik aan te meld. Eerste prioriteit van die dag te ag / waardevolle items aan persoon te dra, nie onbewaak te laat nie. Alle reëls insoverre dit die gebruik van die skool se fasiliteite behels te eerbiedig. Nie enige aanbieding van vreemdes te aanvaar nie. Leerders word nie toegelaat om die skool of koshuis tydens skoolure of koshuisinwoning te verlaat sonder toestemming nie. Kosgangers moet ten alle tye deur ouers of gevolmagtigdes uit- of ingeteken word. Die skool is nie verantwoordelik vir enige skadevergoeding voortspruitend uit enige verantwoordelike of onverantwoordelike optrede nie. Aangesien veiligheid die hoogste prioriteit geniet sal enige oortreding wat die eiendom of persoon bedreig onderwerp word aan n dissiplinêre ondersoek en toepaslike tug.

17 17 4 Veiligheidkomitee Die Veiligheidskomitee sal bestaan uit `n voorsitter en twee lede. Die DSO sal as voorsitter optree. Die lede van die Veiligheidskomitee word skriftelik deur die hoof benoem. Die Veiligheidskomitee vergader so dikwels as wat dit nodig is, maar minstens een keer elke kwartaal. Vergaderingprosedure word gevolg en die komitee hou notule van alle besluite. VEILIGHEIDSTERREINE: Die volgende veiligheidsterreine val binne die Veiligheidskomitee se verantwoordelikheid: Geboue (steenwerk, toebehore, store). Terrein ((trappe, speelplekke, heining, bane). Masjiene (voertuie en masjiene) Elektriese installasies Aktiwiteite (gevaarlike aktiwiteite, leerderdeelname). Toesig en beheer Uitstappie en toere (toesig, beheer en veiligheid van leerders). Sportvelde (veiligheid op terrein, uitsteeksels, gate en dorings) Glas en vensterruite WAARSKUWINGSBORDE: Openbare waarskuwingsborde moet oral op die terrein opgerig word waar daar `n moontlike gevaarpunt bestaan waar mense kan seerkry. Voorbeelde van gevaarpunte bestaan by trappe en doringbome. NALATIGHEID: Enige Leerkrag wat verantwoordelik is vir `n groep leerders in sy teenwoordigheid mag nie nalatig optree in sy / haar toesighoudende hoedanigheid nie. So `n Leerkrag moet gedurig bewus wees van alle leerders se aktiwiteite wat in sy / haar toesig en beheer is. Indien `n Leerkrag wat in beheer van `n groep leerders staan nalatig optree sal die Leerkrag persoonlik verantwoordelik gehou word vir enige eise wat mag ontstaan uit sy / haar nalatigheid.

18 18 GEBEURLIKHEIDSPLAN: Elke opvoedkundige inrigting moet oor `n goed beplande gebeurlikheidsplan beskik. BESOEKERS TOT DIE TERREIN: Alle besoekers wat die terrein van die skool betree moet eers aanmeld by Ontvangs by die kantoor. VEILIGHEID TYDENS UITSTAPPIES: Die verantwoordelike Leerkragte wat leerders gedurende uitstappies vergesel moet spesiaal bedag daarop wees om leerders se veiligheid te verseker. Vir elke 30 leerders moet daar een Leerkrag in beheer wees. Leerkragte mag nie toelaat dat vreemdelinge tydens uitstappies met leerders kontak maak nie. Die getal leerders op die bus moet voor vertrek en na besoeke gekontroleer word op die bus om te verseker dat geen leerder agtergelaat is nie. Alle leerders wat die skoolterrein verlaat tydens `n uitstappie moet `n toestemmingsbrief by die verantwoordelike Leerkrag inhandig waarop die ouers skriftelik toestem dat hulle kind die skoolterrein mag verlaat om die uitstappie mee te maak. BRIEWE AAN OUERS: Briewe aan ouers moet baie spesifiek geskryf word. Tye en plekke moet duidelik genoem word. Ouers moet weet wie verantwoordelik sal wees vir hulle kinders en watter voorsorgmaatreëls getref word vir hulle kinders se veiligheid. BESERINGS: Enige leerder wat op die terrein beseer word se ouers moet gekontak word. Indien die ouers nie beskikbaar is nie, moet die beseerde na `n mediese dokter geneem word vir mediese sorg. VERSEKERING: Enige openbare voertuig wat leerders vervoer moet oor geldige versekering beskik. Ouers wat leerders in privaat voertuie vervoer moet oor `n geldige bestuurslisensie beskik, asook oor openbare aanspreeklikheidsversekering. Alle busvervoer moet oor `n minimum van 5 miljoen rand versekering beskik per bus per geleentheid.

19 19 PADWAARDIGHEID VAN OPENBARE VERVOER: Verantwoordelike Leerkragte moet bedag daarop wees dat enige openbare voertuig wat aangewend word vir die vervoer van leerders in `n padwaardige toestand is en dat die bestuurder sy taak verantwoordelik uitvoer. Indien enige twyfel bestaan mag die leerders nie die bus bestyg nie en indien die rit reeds in aanvang geneem het, moet die bestuurder gevra word om te stop en die leerders word aangesê om die bus te verlaat en op `n veilige plek weg van enige openbare pad bymekaar te kom. Die Leerkrag in beheer moet daarna die skoolhoof kontak sodat alternatiewe reëlings getref kan word. SKOOL SE GEBEURLIKHEIDSPLAN 1. Beheer Die volgende persone is volgens hierargie in beheer tydens die uitvoer van die gebeurlikheidsplan: Die Skoolhoof en die Departementshoof. Die bogenoemde persone monitor die bestaande situasie vanuit die administratiewe blok. Hulle kontak die polisie en / of nooddienste na gelang van die situasie. Die bogenoemde persone mag hul taak na `n ondergeskikte delegeer indien hulle nie verder instaat is om die situasie te hanteer nie. Die gebeurlikheidsplan berus hoofsaaklik op twee bene naamlik: i. Terreur ii. Rampe 1 Terreur Indien `n terreursituasie sou ontstaan, reageer alle persone slegs op instruksies vanaf die persoon in beheer d.m.v. boodskappers en die interkom. Alle leerders en personeel bly op die plek waar hul hulself bevind. Leerders bly stil en gaan sit plat op die vloer en wag vir verdere instruksies vanaf die betrokke personeellid. Register word van die betrokke klas geneem om te bepaal of almal teenwoordig is. Die personeel hou die leerders rustig en kalm. Indien daar ontruiming moet plaasvind, word dit uitgevoer volgens instruksies vanuit die kantoor.

20 20 2 Rampe Indien `n rampsituasie sou ontstaan, reageer alle persone slegs op instruksies vanaf die persoon in beheer d.m.v. boodskappers en die interkom. Ingeval van `n brand, geskied ontruiming dadelik volgens die voorgeskrewe en / of veiligste roete.

21 21 DWELMBELEID 1 Doelstellings Die doel van die skool se dwelmbeleid is om n veilige, gesonde, dwelmvrye omgewing vir al sy leerders te bevorder. Die toepassing van die dwelmbeleid is nie daarop gerig om te straf, diskrimineer, wreek of vervolg nie, maar eerder om te help en op te voed. 2 Onderneming Die aandeelhouers in die leerder se opvoeding onderneem om deur hul gedrag, houding en onderrig toe te sien dat die misbruik van alkohol of enige ander bedwelmende middel nie gekondoneer word nie. Die skool aanvaar dat n afhanklikheid van enige dwelmmiddel as n chroniese en progressiewe siekte beskou mag word. Elke geval sal dus op eie meriete en tot beste voordeel en opvoeding van die be- trokke leerder en die skool hanteer word. Binne hierdie konteks aanvaar die skool dat: Die skool onderneem om: hy deel vorm van n groter gemeenskap; hy in vennootskap met die ouer/voog van die leerder staan om net die beste vir die leerder te bied; n wye verskeidenheid gewoontevormende middels, wettig sowel as onwettig, in die gemeenskap beskikbaar is; en misbruik van hierdie middels skadelik is. leerders deurgaans op te voed ten opsigte van dwelms en die misbruik daarvan; inligting en opleiding aan opvoeders en leerders te verskaf; erkende buite-organisasies waar nodig by voorkomingsmaatreëls te betrek; n leerderondersteunende program teen dwelmmisbruik daar te stel; en hierdie beleid deurlopend en regverdig toe te pas soos en waar nodig.

22 22 Die skool onderneem verder om alle sake rakende hierdie beleid te alle tye in samewerking met die ouers/voog te hanteer. Die skool sal poog om elke sodanige saak met die nodige sensitiwiteit en respek vir beide die leerder en die ouer se reg op privaatheid te hanteer. Ouers/voogde aanvaar die finansiële koste wat noodwendig aangegaan mag word ten opsigte van toetsing, behandeling, mediese sorg, ens.. 3 Reëls ten opsigte van dwelms Die skool laat nie toe dat n leerder: o onwettige dwelmmiddels of ander bedwelmende middels gebruik of in sy/haar besit het nie; o enige voorgeskrewe of ander medisyne wat oor die toonbank verkoop word, misbruik nie; o alkohol gebruik of in sy/haar besit het nie; o sigarette of ander verwante tabakmiddels gebruik of in sy/haar besit het nie; of o in besit is van enige dwelmverwante bybehore of toerusting soos -sigaretpapier, aanstekers, vuurhoutjies, pype van welke aard ookal, ens. nie. Die skool sal geen gedrag toelaat wat moontlik as onder die invloed van enige dwelmmiddel vertolk kan word nie. Reëls sal streng toegepas word ten opsigte van: die skool, koshuis en alle sportterreine; alle funksies, uitstappies en enige ander aktiwiteite wat deur die skool gereël word; enige plek of aktiwiteit waar leerders die skool verteenwoordig of as sodanig herken mag word; en alle besoekers aan die skool, koshuise en/of sportterreine. Die skool behou hom die reg voor om dienooreenkomstig hierdie beleid op te tree indien n leerder se gebruik of misbruik van enige bedwelmende middel buite skoolverband sy/haar gedrag, skoolbywo-ning of akademiese vordering, beïnvloed.

23 23 4 Optrede deur die skool Dwelmverwante ondersoeke en sake sal slegs deur die skoolhoof, adjunkhoof of hul gevolmagtigde hanteer word. In die geval van die skoolkoshuise, sal die superintendente van elke koshuis volmag hê om die nodige te doen. Gerugte van afhanklikheid, gebruik en/of misbruik asook handel in/verskaffing van dwelms sal na behore ondersoek word. Sodra n vermoede bestaan dat n leerder dwelms gebruik, aan ander verskaf of in sy/haar besit het, sal die ouer/voog onmiddellik in kennis gestel word. Sodra n vermoede bestaan dat n leerder n verbode middel, insluitend sigarette, in sy besit het, kan die skoolhoof, adjunkhoof of hul gevolmagtigdes en in die teenwoordigheid van n gekose getuie van die leerder, die leerder se besittings, persoon, sluitkassie en/of koshuiskamer deursoek. Sodanige deursoeking sal sonder aantasting van die betrokke leerder se reg op regverdige behandeling geskied. Indien n personeellid van die skool redelikerwys vermoed dat n leerder onder die invloed van een of ander dwelmmiddel is, sal sodanige leerder verwys word na die skoolhoof en/of die adjunkhoof, wat die leerder onmiddellik vir n toets by n mediese praktisyn, soos deur die skool aangewys, sal neem. Die skool onderneem om alle sake rakende hierdie beleid te alle tye in samewerking met die ouers/voog te hanteer. Die oortreding van enige van die reëls met betrekking tot die gebruik en/of misbruik van dwelms of ander verwante verbode middels, mag enige een of meer van die volgende optredes tot gevolg hê: o o Die daarstelling van skriftelike voorwaardes vir voortgesette skoolbywoning. Toepaslike dissiplinêre optrede soos vervat in die Skolewet en opgeneem in die gedragskode wat skorsing en/of uitsetting van die leerder mag insluit. Indien dit blyk dat n leerder dwelms gebruik, misbruik of reeds n afhanklikheid ontwikkel het, mag die leerder toegelaat word om sy skoolloopbaan voort te sit onder bepaalde voorwaardes soos ooreengekom tussen die skool, die leerder en die ouers. Hierdie voorwaardes mag die volgende insluit: o o die leerder staak die gebruik onmiddellik; die leerder volg n erkende rehabilitasieprogram (aanbevelings kan deur die skool gemaak word);

24 24 o die skool moet op hoogte gehou word van watter rehabilitasie-program gevolg word en hoe lank die program sal duur; o indien die rehabilitasie deur middel van n buite-pasiënte program kan plaasvind, moet bloed- en/of urinetoetse vir n tydperk soos deur die skool en die betrokke medici bepaal, volgehou word totdat die skool tevrede is dat die dwelm-afhanklikheid volkome genees is. o die leerder kan van skoolbywoning verskoon word vir die tydperk wat vir n hospitaliseringsprogram benodig word. In hierdie geval moet bloed- en/of urinetoetse na terugkeer by die skool vir n tydperk soos deur die skool en die betrokke medici bepaal, volgehou word totdat die skool tevrede is dat die dwelmafhanklikheid volkome genees is. By versuim van voorlegging van die dwelmtoetse of enige voorwaardes soos deur die skool vereis, kan alle voorwaardes summier opgeskort word en mag die skool die saak verder op tug neem. Indien die betrokke leerder hom/haar, na aanvanklike rehabilitasie, weer skuldig maak aan dwelmgebruik of misbruik, mag dissiplinêre stappe geneem word, waartydens die beheerliggaam aansoek om uitsetting mag doen. Indien n leerder dwelms verkoop of op enige wyse aan n ander verskaf, sal: o o o sodanige leerder summier geskors word hangende n dissiplinêre verhoor; die betrokke owerhede in kennis gestel word, waarna die gereg sy loop mag neem; die beheerliggaam aansoek doen om uitsetting van die leerder. Alle reëlings en ooreenkomste sal op skrif geplaas en die ouers van afskrifte voorsien word. Die leerder en/of sy ouers sal ook te alle tye aanwesig wees tydens onderhandelinge van watter aard ookal.

25 25 HIV/VIGS -BELEID Hierdie beleid oor HIV/VIGS is van toepassing op personeellede van die skool en leerders gedurende hul studietydperk aan Hoërskool Hennenman. 1. ALGEMENEBEGINSELS Geen personeellid of student aan die skool wat met HIV of VIGS saamleef, mag aan enige vorm van onbillike diskriminasie, wat op sy of haar HIV- of VIGS-status gebaseer is, onderwerp word nie. Personeellede en leerders met HIV en VIGS, hul metgeselle, gesinne en vriende moet met dieselfde respek behandel word as persone wat aan ander kroniese, terminale of lewensbedreigende siektes ly. Personeellede en leerders met HIV en VIGS het dieselfde regte en verpligtinge as ander personeellede en leerders. Waar toepaslik, moet alle sektore van die skoolsgemeenskap, insluitend persone met HIV en VIGS, in die ontwikkeling van alle voorkomings-, intervensie- en versorgingsprogramme betrek word. Die beginsels van vertroulikheid is op die HIV/VIGS-status van enige personeellid of student van toepassing en die skending van vertroulikheid word as 'n ernstige oortreding beskou. Alle diensvoorwaardes en -voordele moet met hierdie beginsels belyn word en in ooreenstemming wees met die bepalings van sowel die Employment Equity Act 55 van 1998 as met die bepalings van alle ander wetgewing wat op HIV/VIGS in Suid-Afrika betrekking het. 2. DOELSTELLINGS EN DOELWITTE Opleiding en Voorkoming Die skool sal verseker dat daar 'n volgehoue HIV/VIGS-opleidings- en voorkomingsprogram oor die kampus heen en in alle fakulteite bestaan. Dit sal alle akademiese en nie-akademiese personeel en leerders betrek. Die skool sal daarna streef om die vlak van begrip van HIV/VIGS in alle aspekte van die werk van die instelling te verhoog. Dit sluit begrotings- en hoofbestuursbesluite, kurrikuluminnovasie, personeel- en leerdersopleiding en -berading aook gemeenskapsgebaseerde programme in.

26 26 Die skool sal die beskikbare hulpbronne identifiseer wat oor die kampus heen in HIV/VIGSopleiding en in voorkomings- en versorgingsprogramme gebruik kan word en die inligting versprei. Die skool sal die ontwikkeling van beradings- en ondersteuningsprogramme, wat op vrywillige deelname gebaseer is, ondersteun en verseker dat personeellede en leerders gedurende normale werksure toegang tot hierdie dienste het. Voorsiening sal ook gemaak word vir die nauurse beskikbaarheid van ondersteuning en berading. Versorging en Ondersteuning Die skool sal deur die voorsiening van opleiding, berading en ondersteuning daarna streef om te verseker dat diegene wat nie met HIV besmet is nie, onbesmet kan bly. Die skool sal 'n omgewing skep waarin personeellede en leerders wat met HIV en VIGS saamleef, of wat gesinslede met HIV en VIGS het, die vertroue sal hê om hulle status openbaar te maak en toepaslike ondersteuning en berading te ontvang. Die skool sal, waar toepaslik, toegang tot HIV/VIGS-behandeling en bestuurde gesondheidsorg fasiliteer. Die skool sal daarna streef om personeellede en leerders sodanig toe te rus dat hulle in staat is om te leef en te werk in gemeenskappe met 'n toenemende koers van HIV-besmetting en VIGSverwante siektes en dood. Die skool sal verseker dat, in die geval van die dood van kollegas en lede van die portuurgroep, ondersteuning en berading vir personeellede en leerders beskikbaar is Bestuur Die skool sal verseker dat alle personeellede met die HIV/VIGS-beleid vertroud is sowel as met die wetgewing wat op HIV/VIGS in die werkplek betrekking het. Die skool sal daarna streef om proaktief te wees in die bepaling van enige veranderinge wat, as gevolg van die effek van hierdie epidemie, ten opsigte van leerderstoelating, personeelwerwing, strukturering van opleidingstermyne, eksamens en ander aktiwiteite nodig mag wees.

27 27 AKADEMIESE BELEID 1 Uitkoms Gebaseerde Onderwys: Die deurlopende assesseringstelsel is n meetinstrument van U.G.O. waar kontroletoetse, opdragte, navorsing en werkstukke in n portefeulje van elke leerarea vervat word en deurlopend deur die jaar bepunt word. In graad 8 en 9 vorm hierdie assessering 75%; en in graad 10 12, 25% van die bevorderingspunt. Die portefeulje inhoud word jaarliks deur die Onderwysdepartement gemodereer. Indien leerders opdragte laat inhandig of afwesig is sonder n afwesigheidsertifikaat sal leerders geen punte toegeken word vir die spesifieke bepuntingsitem nie. Daar word streng volgens die departementelebeleid t.o.v. assessering gehandel. Voorskrifte soos in spesifieke leerareabeleid sal gevolg volg word. Personeellede sal hulle vebind tot die heropleidingsprogramme vir die implementering van hersiende nasionale kurrukulum verklaring vir die senior fase asook vir die verdere onderwys en opleiding graad Toetse en Eksamens: Formele toetse word tydens normale periodes geskryf, behalwe waar n toetsweek soos deur die bestuurspan bepaal geskryf moet word. Slegs leerlinge met afwesigheidsertifikate tydens toets- of eksamenperiodes se punte sal op meriete aangepas word slegs vir verslagdoeleindes. Leerders het die voorreg om te blok tydens eksamens. Die algemene gedrag van die graad deur die verloop van die kwartaal bepaal of die voorreg om te blok toegestaan sal word. Die voorreg sal ook ingetrek word vir indiwidue wat tydens blokdae nie aktief tydens skoolure studeer nie. 3 Slaagvereistes (Graad 8 en 9) In n uitkomsgebaseerde benadering word die slaagvereistes in die Algemene Onderwys en Opleiding Fase (Gr. 8 en 9) deur die Nasionale kwalifikasie raamwerk (N.Q.R.) bepaal. Hierdie slaagvereistes kan van tyd tot tyd verander. Deurlopende assessering van uitkomste dien as kriterium waarvolgens leerders bevorder word. Kode % Uitkoms nie bereik % Uitkoms gedeeltelik bereik % Uitkoms bereik % Uitkoms uitnemend bereik.

28 28 Graad 8: Leerders moet oorwegend (holisties) kodes 2 tot 4 verwerf, ten einde bevorder te word. Graad 9: Deurlopende assessering: 75% Algemene Taak assessering (A) 15% Algemene Taak assessering (B) 10% Graad GROEP A GROEP B GROEP C GROEP E GROEP F VAKKEUSEGROEPE VIR MATRIKULASIE-VRYSTELLING Afrikaans Eerste Taal HG Engels Tweede Taal HG Wiskunde HG en SG Natuur- en Skeikunde Biologie HG en SG Geskiedenis HG en SG Aardrykskunde HG en SG Aardrykskunde HG en SG Rekeningkunde HG en SG Bedryfsekonomie HG en SG Toerisme SG Rekenaarstudie HG en SG Tegniese Tekeninge HG en SG 4 Slaagvereistes (Graad 11 12) Leerders (Gr ) word bevorder deur kriterium soos vervat in verslag 550. Leerders moet beide Tale (Afrikaans en Engels) ten minste op SG-vlak slaag en nog 3 ander leerareas ten minste op SG- vlak. Die leerder moet ten minste 720 groottotaal behaal. Slaagvereiste: SG 100 uit 300 HG 160 uit 400

29 29 5 Matrikulasie-vrystelling Ten einde universiteitstoelating te kan verwerf, moet n kandidaat aan die volgende vereistes voldoen: Ses vakke moet uit minstens vier verskillende groepe (sien hierbo) gekies word. Daar moet gelyktydig in minstens vyf vakke, met inbegrip van die twee amptelike tale, geslaag word. In die sesde vak moet n sub-minimum van 20% behaal word. Drie vakke, uit drie verskillende groepe, moet in die HG geslaag word. Indien Rekeningkunde HG as een van die Hoërgraad-vakke aangebied word, moet Wiskunde minstens in die SG geslaag word. n Groottotaal van minstens 950 punte moet behaal word. 6 Vak en Graadveranderings Enige vak en/of graadveranderings moet deur middel van n voorgeskrewe bemagtigingsvorm deur die ouers/voog van die leerder by die akademiese hoof gedoen word. Na konsultasie met die betrokke vakhoof sonder die benadeling van die leerder se toekomsopsies, kan sodanige vak en/of graadveranderings gemaak word. Vak en/of graadveranderingsvorms is by die akademieseregistrasiehoof beskikbaar en moet deur die ouers, die skoolhoof en die akademiese hoof onderteken word. GEEN vakveranderinge kan in matriek gemaak word nie. Na afloop van die eertste kwartaal mag daar in uitsonderlike gevalle graadveranderings aangebring word. 7 Portefeuljes Portefeulje administrasie moet gereeld gedoen word. Die portefeulje moet voorsiening maak vir die vereiste portefeulje-inhoud, puntetoekenning en datum van inhandiging. Leerders sal geen punte ontvang vir enige laat inhandiging van portefeulje-inhoud nie sonder n verklaring-sertifikaat daarvoor nie. Portefeuljes moet soos op voorafbepaalde datums gereed wees vir kontrole deur die leerfasiliteerde en vakohoofde. 8 Akademiese onderrigtyd Akademiese klasonderrigtyd word soos deur die departementelebeleid geimplementeer. Sien die beleid rakende persentasie onderrigtyd per leerarea.

30 30 9 Oueraande Oueraande word op die eerste Dinsdag nadat die skole vir die tweede- en derde kwartaal heropen gehou. Ouers en hul kinder(s) het tydens die dag die geleentheid om personeel, nadat n afspreak by die kantoor gemaak is, te sien. Geen ouer mag tydens die afspraak personeel aggresief konfronteer of enige negatiewe aanmerkings teenoor die personeellid maak nie. Alle uitdagings wat nie aangespreek kan word nie moet na die skoolhoof verwys word.

31 31 BUITE-KURRIKULêRE BELEID ALGEMEEN Buite-kurrikulêre aktiwiteite vorm n integrale deel van die Hoërskool Hennenman se kurrikulum. Die waarde van n gesonde buite-kurrikulêre kultuur staan sentraal in ons strewe om as opvoedkundige instelling uitnemend te wees. 1 Deelname Leerders word sterk aangemoedig om een somer en/of een wintersport en/of ten minste een kultuuraktiwiteit te beoefen. 2 Voorkeur Akademie geniet altyd voorkeur sou redelike omstandighede n keuse vereis. 3 Verbintenis Leerders wat hul verbind tot n buite-kurrikulêre aktiwiteit kan in daardie betrokke jaar slegs van aktiwiteit verwissel met die toestemming van die betrokke Organiseerder. 4 Stiptelikheid Leerders moet hul stiptelik by oefentye en -dae, soos deur die betrokke Organiseerder bepaal, hou. Oefentye en -dae sal vroegtydig aan ouers beskikbaar gestel word. Afwesigheid van oefeninge, aktiwiteite of wedstryde sonder geldige verskoning is strydig met die gees wat ons by leerders wil kweek en sal lei tot dissiplinêre optrede. 5 Voorkoms en gedrag Die voorkoms en gedrag van leerders wat aan buite-kurrikulêre aktiwiteite deelneem moet onberispelik wees en binne die voorskrifte soos neergelê. (sien skooldragbeleid)

32 32 6 Belangebotsings Waar daar n botsing van belange, wedstryde en of tye tussen buite-kurrikulêre aktiwiteite mag plaasvind, geld die volgende algemene beginsel: 1ste kwartaal: 2de kwartaal: 3de kwartaal: 4de kwartaal: somersport kry voorkeur wintersport kry voorkeur wintersport kry voorkeur somersport kry voorkeur Sport en kultuur botsings moet deur die betrokke organiseerders aangespreek word in konsultasie met die betrokke leerder(s) en die sport- en kultuurhoof Waar leerders aan meer as een sportsoort deelneem binne een kwartaal, moet die betrokke organiseerders en leerder(s) n werkbare kompromie onderling beding sou n belange botsing hom voordoen. 7 Kleredrag Leerders wat aan buite-kurrikulêre aktiwiteite, wedstryde of oefeninge deelneem moet voldoen aan die voorskrifte t.o.v. kleredrag soos bepaal vir die spesifieke aktiwiteit. Die volgende algemene beginsels geld ten opsigte van kleredrag: Leerders wat die skool verteenwoordig in n buite-kurrikulêre aktiwiteit, mag nie in siviele drag by die aktiwiteit opdaag of die aktiwiteit verlaat nie. Skooldrag mag nie met aktiwiteitsdrag gemeng word nie. Aktiwiteitsdrag moet altyd skoon en netjies wees. Daar word van leerders wat amptelike buite-kurrikulêre aktiwiteite soos interskole, sportdae en toernooie as toeskouers bywoon verwag om in skooldrag geklee te wees. 8 Beserings Leerders wat beserings opdoen moet sodanige besering onverwyld by sy of haar afrigter aanmeld indien lg. nie daarvan bewus is nie. Ouers bly primêr verantwoordelik vir mediese uitgawes t.o.v. beserings wat verband hou met buite-kurrikulêre aktiwiteite. 9 Vervoer