DIE INSTELLING VAN TOEKENNINGS VIR UITNEMENDHEID IN ONDERRIG AAN DIE UNIVERSITEIT STELLENBOSCH

Transcriptie

1 1 DIE INSTELLING VAN TOEKENNINGS VIR UITNEMENDHEID IN ONDERRIG AAN DIE UNIVERSITEIT STELLENBOSCH 1. INLEIDING In die verslag van die Taakgroep vir die Bevordering en Erkenning van Onderrig, wat die Senaat in Junie 2015 aanvaar het, word daar aanbeveel dat die Universiteit uitnemende onderrig op institusionele vlak erken. Die voorgestelde instrument vir sodanige erkenning van uitnemende onderrig is n aantal toegewyde interne institusionele toekennings wat spesifiek erkenning gee aan onderrigprestasies, met die HELTASA-toekennings as n belangrike verwysingspunt. In antwoord op daardie aanbeveling sit hierdie dokument n plan vir die implementering van institusionele toekennings vir Uitnemendheid in Onderrig uiteen. Die uitgangspunte van die plan sluit die volgende in: Dat n versoek vir benoemings vir die institusionele toekennings vir uitnemendheid in onderrig jaarliks gedurende die eerste semester onder die akademiese gemeenskap van die US versprei word met die oog op oorhandiging teen die einde van die akademiese jaar. Die eerste toekennings sal in 2017 oorhandig word. Dat die getal toekennings per fakulteit by benadering bepaal word op grond van die getal voltyds-ekwivalente permanente en tydelike onderrigpersoneel (met inbegrip van personeellede van die Fakulteit Geneeskunde en Gesondheidswetenskappe wat uit die provinsiale begroting vergoed word). Dat die bedrag van die toekenning van tyd tot tyd aangepas kan word na gelang van die beskikbare befondsing, maar aanvanklik R per toekenning sal wees. Dat die toekennings in twee kategorieë aangebied word, naamlik die toekenning vir Ontluikende Dosent en die toekenning vir Uitgelese Dosent. Dat n onderrigportefeulje die medium sal wees waarvolgens uitnemende onderrig beoordeel sal word. Dat die kriteria vir die beoordeling van die onderrigportefeuljes afgelei sal word van die huidige kriteria vir die Nasionale HELTASA-toekennings vir Uitnemendheid in Onderrig en Leer. Dat fakulteite se keuringsproses vir 2017 teen die einde van die derde kwartaal afgehandel sal wees. Dat n institusionele aankondiging oor die suksesvolle kandidate gedurende die vierde kwartaal gedoen en by n plegtigheid gevier sal word. 2. DIE DOELWITTE VAN DIE INSTITUSIONELE TOEKENNINGS Hierdie toekennings is n geleentheid om nadenkende en konteksbewuste onderrig te erken. Die doelwitte van die institusionele toekennings vir uitnemendheid in onderrig is: om op institusionele vlak steun toe te sê aan uitnemende onderrig en leer in die hoër onderwys; om n akademiese korps te skep wat in hulle vakrigtings sowel as oor die instelling heen inspirasie en leiding in onderrig kan bied; en om gesprekvoering oor en openbare bewustheid van die betekenis van uitnemende onderrig aan te moedig.

2 2 3. GESKIKTHEID Alle personeellede kom vir hierdie toekennings in aanmerking. In 2017 word slegs individuele aansoeke aanvaar. Personeellede met minder as tien jaar onderrigervaring kan vir die toekenning vir Ontluikende Dosent benoem word, terwyl personeellede met meer as tien jaar onderrigervaring vir die toekenning vir Uitgelese Dosent in aanmerking kan kom. In die kategorie Ontluikende Dosent kan n individu die toekenning slegs eenmalig ontvang, terwyl die toekenning vir Uitgelese Dosent een keer in n siklus van vyf jaar aan n persoon toegeken kan word. Die omskrywing van uitnemende onderrig in die huidige kriteria vir die Nasionale HELTASAtoekennings vir Uitnemendheid in Onderrig en Leer kan aanvaar word as n riglyn om tussen n Ontluikende Dosent en n Uitgelese Dosent te onderskei: 4. KRITERIA n Uitnemende dosent is bewus van sy of haar konteks (wat verder strek as die onmiddellike omgewing) en dink na oor die maniere waarop sy of haar vakrigting, instelling, eie geskiedenis en studente se lewenservarings onderrig en leer beïnvloed. n Uitnemende dosent is n nadenkende praktisyn wat oor n aantal jare meer doeltreffend geword het wat betref kennis van onderrig en leer, ervaring van onderrig en die fasilitering van leer, en stelselmatige waarneming van wat in die klaskamer gebeur (onder meer hoe eksterne faktore studente raak) met die oog daarop om studentebetrokkenheid en leeruitkomste te verbeter. n Uitnemende dosent beskik oor n duidelik verwoorde onderrigfilosofie wat op opvoedkundige teorie berus en vir n universiteitsonderrigkonteks geskik is. Ervaring van onderrig kan sowel voor- as nagraadse vlakke insluit. Onderrig kan in die breë vertolk word as onder meer kurrikulumontwerp en -lewering, waarvan laasgenoemde in die klas, aanlyn of deur materiaalontwikkeling kan geskied. Raadpleeg asseblief die vier kriteria onder Afdeling 7, Kriteria vir die onderrigportefeulje. Elke aansoeker moet n onderrigportefeulje (in gedrukte vorm of aanlyn) met stawende bewyse indien wat die aansoeker se hele onderrigloopbaan dek, maar ook huidige bewyse insluit. Die voorgestelde stelle vrae in Afdeling 7 kan in hierdie opsig nuttig wees. Hoewel aansoekers moet toon dat hulle aan al vier kriteria in Afdeling 7 voldoen, word die vrae slegs verskaf om idees aan te moedig. Aansoekers hoef nie elke vraag direk te beantwoord nie. Aansprake in die narratiewe oordenking (raadpleeg asseblief Afdeling 6, Struktuur van die aansoek ) moet met bewyse gestaaf word. Bewyse kan in die vorm van voorbeelde in die narratief self of in die vorm van kort bylaes wees. Die Sentrum vir Onderrig en Leer (SOL) kan hulp met die skryf van die narratiewe oordenking verskaf. Aansoekers hoef nie hoog in ál vier kriteria in Afdeling 7 aangeslaan te word nie, maar moet soveel kriteria moontlik in hulle portefeuljes aanspreek. Dit behoort duidelik en saaklik te geskied. n Portefeuljehulpbron sal op die SOL-webtuiste beskikbaar wees. Die SOL-fakulteitsadviseurs kan werksessies aanbied oor of individuele bystand verleen met die samestelling van n onderrigportefeulje. Akademici met ervaring van die samestelling van n onderrigportefeulje kan by werksessies oor die ontwikkeling van n portefeulje betrek word.

3 3 Bewyse van uitnemende onderrig behoort die volgende in te sluit, maar is nie daartoe beperk nie: Inligting oor die aansoeker en sy/haar onderrigkonteks (posisie by die instelling; vol- of deeltyds; vakrigting waarin onderrig gegee word; grootte van klasse; onderrigkonteks, byvoorbeeld op hoof- of ander kampus, belangrikste uitdagings, eksterne/maatskaplike faktore wat onderrig beïnvloed) Inligting oor die maniere waarop daar in die behoeftes van die diverse studentekorps voorsien word Inligting oor hoe kurrikulums en onderrigmateriaal by die Suid-Afrikaanse konteks aangepas word, waar dit van toepassing is Inligting oor die stel van hoë dog realistiese eise aan studente en die aanmoediging van kritiese denke Inligting oor hoe studente aangemoedig word om vir hulle eie leer verantwoordelikheid te aanvaar Eweknieterugvoer Studenteterugvoer Studentesuksesdata Items soos moduleraamwerke, kort uittreksels uit studiehandleidings, aanlynmateriaal, multimedia, innoverende studente-assessering, foto s. Die bewyse behoort te toon hoe die aansoeker se onderrig hom of haar van ander goeie dosente onderskei. Vir die toekenning vir Uitgelese Dosent word bewyse van onderrigakademieskap in die konteks van die bykomende lys bewyse hieronder vereis: Bewyse van die dosent se betrokkenheid by onderrig en leer wat n groter impak binne én buite die Universiteit het, kan die volgende insluit, maar is nie daartoe beperk nie: Konferensiereferate oor onderrig en leer (slegs opsommings) Artikels of ander publikasies oor onderrig en leer (slegs opsommings) Lidmaatskap van beroepsverenigings (onderrig-en-leer- of vakverenigings) waartoe die aansoeker beduidende bydraes lewer op grond van bewese konferensiebywoning, gelewerde referate, beoordelingsaktiwiteite, lidmaatskap van spesiale belangegroepe of van die uitvoerende komitee Interne/eksterne moderering van eksamens en verhandelinge/tesisse Name van universiteits- en nasionale/internasionale komitees waartoe die aansoeker bydraes lewer asook bewyse van sy of haar bydraes n Lys van formele en nieformele voortgesette professionele leer in onderrig en leer n Lys van studente of personeellede vir wie die aansoeker as mentor of studieleier op(ge)tree (het) n Lys van toekennings wat die aansoeker ontvang het (waar toepaslik) Hoe die aansoeker sy of haar onderrig en leer toegepas het op of uitgebrei het na die gemeenskappe in die institusionele omgewing. 5. DIE AANSOEKPROSES Die kantoor van die Viserektor (Leer en Onderrig) stuur die versoek vir aansoeke, wat die doelwitte van die toekennings en die prosesse vir die toeken daarvan uiteensit, aan die Dekane en Visedekane (Leer en Onderrig) (of gelykstaande persone) van elke fakulteit.

4 4 Die Dekane en Visedekane (Leer en Onderrig) (of gelykstaande persone) van elke fakulteit word gevra om die versoek onder alle personeellede te versprei. Vir 2017 identifiseer elke fakulteit moontlike benoemdes en reël hulle eie interne prosesse 1 om kandidate te kies. In die toekoms kan hierdie besluite egter op institusionele vlak geneem word. Fakulteite moet aandui of hulle kandidate in die kategorie Ontluikende Dosent of Uitgelese Dosent benoem word. (Raadpleeg asseblief Afdeling 3, 4 en 7 vir riglyne.) SOL sal op versoek raad verskaf oor die keuring van benoemdes of oor die portefeuljeontwikkelingsproses. Elke fakulteit se gekose kandidaat/kandidate stel n portefeulje saam met inagneming van die kriteria in die versoek vir aansoeke. Die kandidaat/kandidate kan SOL of ander eweknieë om kritiese raad en terugvoer nader. Die keerdatum vir die aanwys van die kandidaat/kandidate in alle fakulteite is die einde van die derde kwartaal. Die suksesvolle kandidate sal in die vierde kwartaal van hulle keuring in kennis gestel word en hulle toekennings by n plegtigheid ontvang. n Keuringskomitee, wat uit kollegas uit die Afdeling Leer- en Onderrigverryking asook n aantal Visedekane (Leer en Onderrig) sal bestaan, sal deur die Viserektor (Leer en Onderrig) of sy/haar afgevaardigde aangestel word. Die Viserektor (Leer en Onderrig) of sy/haar afgevaardigde sal as voorsitter van die komitee dien. Hierdie komitee sal die onderrigportefeuljes van die suksesvolle kandidate beoordeel en drie benoemdes vir die Nasionale HELTASA-toekennings vir Uitnemendheid in Onderrig en Leer kies. 6. STRUKTUUR VAN DIE AANSOEK Die kriteria wat vir die Nasionale HELTASA-toekennings vir Uitnemendheid in Onderrig en Leer 2016 gegeld het, kan as n riglyn gebruik word: Alle aansoeke moet vergesel wees van die dekblad ( n eenbladsytemplaat wat voorsien sal word) wat die aansoeker moet voltooi en die betrokke fakulteitsgemagtigde moet onderteken. n Foto van die aansoeker en n verkorte curriculum vitae (twee bladsye) moet ingesluit word. Die portefeulje moet uit twee dele bestaan: o n Narratiewe oordenking oor die benoemde se onderrig en leer (dit wil sê wat hy/sy doen en waarom) (10 tot 20 bladsye). Die narratief behoort oor die vier kriteria in Afdeling 7 te handel, alhoewel die inhoud in enige formaat kan wees en gestruktureer kan word soos die aansoeker verkies. Indien die portefeulje aanlyn is, behoort die algehele narratiewe deel nie meer as 20 (gedrukte) bladsye te beslaan nie. Alle aansprake in die narratief moet met bewyse gestaaf word. Bewyse kan in die vorm van voorbeelde in die narratief self of verwysings/hiperskakels na bylaes wees. o Die portefeulje kan dus bylaes van bewyse insluit om aansprake in die narratiewe oordenking te staaf. Indien bylaes ingesluit word, behoort dit hoogstens 30 bladsye en/of twee oudio- of video-opnames van drie minute elk te beslaan. Bylaes behoort slegs uittreksels te bevat wat met bepaalde stellings in die narratief verband hou. Bylaes moet oordeelkundig ingesluit word en die narratief moet direkte verwysings/hiperskakels daarna bevat. 1 Sien Bylae A vir n voorbeeld van die interne prosesse wat die US se Fakulteit Lettere en Sosiale Wetenskappe volg, wat as n riglyn gebruik kan word.

5 5 Geen onvolledige aansoeke sal vir die toekennings in aanmerking kom nie. Die keuringskomitee sal egter terugvoer gee aan aansoekers wat onvolledige aansoeke ingedien het. 7. KRITERIA VIR DIE ONDERRIGPORTEFEULJE n Narratiewe oordenking behoort te beskryf hoe die aansoeker klas gee (kritiese besinning oor praktyk) en waarom hy of sy dit so doen (onderrigfilosofie). Indien n aansoeker nie vertroud is met die konsep of praktyk van kritiese besinning en/of nog nie voorheen n onderrigfilosofie opgestel het nie, sal SOL hulp verleen. Die narratiewe oordenking behoort n mate van oorweging van die volgende vier oorvleuelende kriteria te toon: Besinning oor konteks Besinning oor studente Besinning oor kennis Besinning oor groei Hieronder volg voorgestelde vrae wat uit die Nasionale HELTASA-toekennings vir Uitnemendheid in Onderrig en Leer 2016 aangepas is om aansoekers se besinning oor elk van die vier kriteria te rig: Besinning oor Konteks Waar vind u onderrig plaas? Watter makro-, meso- en mikrokwessies moet u in u onderrig in ag neem? Hoe weerspieël u kurrikulumbesluite en onderrigbenaderings die geografiese, historiese en maatskaplike konteks van u klaskamer? Op watter maniere is u konteks bevorderlik of beperkend vir hoe u klas gee en assesseer? Hoe integreer u belangrike plaaslike en aktuele kwessies by u kurrikulum? Watter institusionele, studente-, professionele, nasionale en internasionale kontekstuele kwessies beïnvloed u onderrig- en leerkonteks? Hoe spreek u kurrikulum kwessies aan wat die planeet raak? Watter veranderinge het u aan die kurrikulum aangebring om seker te maak dat dit gepas is vir u konteks? Hoe bevorder u onderrig n bewustheid/besef van die groter wêreldkonteks? Besinning oor Studente Wie is u studente? Hoe verseker u onderrig dat alle studente ingesluit voel en aktief by hulle eie leer betrek word? Hoe bepaal u wat u studente met hulle saambring na u klas toe? Hoe gee u klas sodat studente aangemoedig voel om aan kennisproduksieprosesse deel te neem? Hoe hanteer u probleme verwant aan die gebrekkige voorbereiding van studente in u kurrikulum? Hoe voorsien u kurrikulumstruktuur voldoende ondersteuning aan studente? Hoe ontwikkel u studente se vermoëns en berei hulle voor om die kritiese burgers van die toekoms te wees? Hoe verryk u kurrikulum en onderrigstrategieë studente met uitsonderlike vermoëns? Hoe pas u u onderrig aan na aanleiding van u studenteterugvoer? Hoe vertolk u die suksesdata van u studente in die konteks van u kurrikulum en onderrigstrategieë? Besinning oor Kennis In watter vakrigting/beroep werk u en wat is die belangrikste kenmerke daarvan? Met watter aspekte van die kursus of program sukkel u studente en hoe hanteer u dit met behulp van u onderrigbenadering? Hoe verseker u onderrig- en assesseringsbenaderings dat die praktyke van die vakrigting en/of beroep vir almal toeganklik word? Op watter maniere stel u onderrig

6 6 studente in staat om toegang tot die vakrigting te bekom? Wat doen u om te sorg dat u studente tot kennisproduksie kan bydra en nie net tot kennisverbruik nie? Hoe verseker u dat u dissiplinêre diepte behou? Hoe beïnvloed u aktiewe akademieskap u onderrig? Hoe verbeter u bydraes tot die vakrigting u onderrig? Besinning oor Groei Watter vernuwende benaderings verryk u onderrig? Hoe word tegnologie gebruik om die studente-ervaring te verbeter en beter begrip van belangrike konsepte te fasiliteer? Hoe gebruik u alternatiewe onderrig- en leertegnieke om studentebetrokkenheid te verbeter? Hoe gaan u te werk om u eie onderrig krities te evalueer? Hoe gaan u te werk om aktief ewekniebeoordeling en -kritiek te bekom om u onderrig te verryk? Hoe dink u het u met verloop van tyd as n uitnemende dosent ontwikkel? Hoe het u tot kurrikulumontwikkeling bygedra? Hoe bevorder u benadering tot assessering leer? Hoe dra u akademieskap tot ontwikkeling by die instelling (én daarbuite) by? Die vrae wat hierbo vir elke kriterium verskaf word, behoort aansoekers te help dink oor die soorte kwessies waaroor hulle dalk in hulle aansoeke wil besin. Dit is egter nie n volledige lys vrae nie en aansoekers hoef nie elke vraag te beantwoord nie. Aansoekers kan hulle portefeuljes op enige manier struktureer wat hulle as gepas beskou. Aansoekers moet bewyse voorsien vir hulle aansprake oor hulle onderrigpraktyk. Bewyse moet in die vorm wees van voorbeelde en verduidelikings in die narratiewe oordenking of in verwysings na bylaes. Aangesien die lede van die keuringskomitee wat die aansoeke sal beoordeel uit verskillende vakrigtings kom, moet aansoekers se verduideliking van wat hulle onderrigbenadering uitnemend maak vir almal toeganklik wees. 8. BESKRYWING VAN PORTEFEULJES Die (aangepaste) beskrywings wat vir die Nasionale HELTASA-toekennings vir Uitnemendheid in Onderrig en Leer 2016 gebruik is, kan as n riglyn dien: Uitnemende portefeulje Die portefeulje voer oortuigende gronde vir uitnemendheid aan deurdat die akademikus oor veelvuldige aspekte van sy/haar konteks besin, waaronder sy/haar studente, instelling en vakrigting/program. Die portefeulje bied n duidelike beskrywing van die onderrig en verduidelik waarom die aansoeker die bepaalde benadering volg (onderrigfilosofie). Die aansoeker se onderrigmetodes is kontekstueel genuanseerd en strook met die verklaarde filosofie. Sterk en uiteenlopende bewyse word vir die aansprake in die portefeulje voorsien. Die akademikus is voortdurend op soek na maniere om te verbeter en is daartoe in staat om oor sy/haar groei oor die tyd heen en in reaksie op veranderende kontekste of nuwe begrip te besin. Die akademikus het n positiewe institusionele, nasionale of internasionale impak op onderrig in die hoër onderwys. Die portefeulje lewer bewys van uitnemendheid in onderrig wat as inspirasie kan dien vir of beter begrip kan bewerkstellig van hierdie noodsaaklike aspek van die hoër onderwys. Merkwaardige portefeulje Die portefeulje voer gronde vir uitnemendheid aan deurdat die akademikus oor aspekte van sy/haar konteks besin, waaronder sy/haar studente, instelling en vakrigting/program. Die portefeulje bied n beskrywing van die onderrig en verduidelik waarom die aansoeker die bepaalde benadering volg (onderrigfilosofie). Die aansoeker se onderrigmetodes is aangepas by

7 7 die konteks en strook met die verklaarde filosofie. Bewyse word vir die aansprake in die portefeulje voorsien. Die akademikus soek na maniere om te verbeter en is daartoe in staat om oor sy/haar eie groei oor die tyd heen te besin. Die akademikus het n positiewe impak op onderrig in die hoër onderwys buite sy/haar klaskamer. Die portefeulje lewer bewys van uitnemendheid in onderrig wat beter praktyk kan bevorder en ander kan aanmoedig. Ontwikkelende portefeulje Die portefeulje begin gronde vir uitnemendheid aanvoer deurdat die akademikus oor aspekte van sy/haar konteks besin. Die portefeulje bied n beskrywing van die onderrig en verduidelik waarom die aansoeker die bepaalde benadering volg (onderrigfilosofie). Die aansoeker se onderrigmetodes is aangepas by die konteks, maar strook dalk nie baie goed met die filosofie nie (of andersom). Hoewel daar bewyse vir sommige aansprake in die portefeulje voorsien word, word sekere aansprake nie gestaaf nie. Die akademikus soek na maniere om te verbeter. Die akademikus het n positiewe impak op onderrig. Die portefeulje lewer bewys van die ontwikkeling van uitnemendheid in onderrig. *********************

8 8 Inleiding Bevordering en erkenning van onderrig in die Fakulteit Lettere en Sosiale Wetenskappe (konsepdokument) BYLAE A Hierdie dokument pas die aanbevelings van die Taakgroep vir die Bevordering en Erkenning van Onderrig, wat die Senaat aanvaar het, op die omgewing van die Fakulteit Lettere en Sosiale Wetenskappe toe. n Werkgroep wat die Dekaan by die vergadering van die Fakulteit se onderrigkomitee op 25 Junie 2015 goedgekeur het, het aanbevelings gedoen. Die werkgroep het bestaan uit prof Anthony Leysens (Visedekaan: Sosiale Wetenskappe belas met leer en onderrig, wat ook as werkgroepvoorsitter opgetree het), prof Ilse Feinauer (Visedekaan: Tale) en prof Annemaré Kotze (voorsitter van die onderrigkomitee). Die werkgroep het op 24 Augustus 2015 vir n ondersoekende gesprek byeengekom. Hierna is n konsepdokument opgestel waarop die werkgroep kommentaar gelewer het. Nadat hierdie kommentaar ingesluit is, is die dokument vir verdere terugvoering na departemente verwys. Departemente se kommentaar is ingesluit, waarna die gewysigde dokument by die voorsittersraad aan die einde van 2015 voorgelê is. Die Fakulteit Lettere en Sosiale Wetenskappe se fakulteitsraad het die finale weergawe op 17 Februarie 2016 goedgekeur, wat nou as n beleidsdokument in die Fakulteit dien. Uitgangspunte Die volgende uitgangspunte word as riglyne vir die Fakulteit se omgewingsplan vir onderrig voorgestel: 2 1. Dat onderrigprestasie in die Fakulteit in ag geneem en veranker word vir die doel van bevordering, nuwe aanstellings en jaarlikse prestasiebeoordelings. 2. Dat onderrigportefeuljes vereis word vir bevordering en nuwe aanstellings. 3. Dat die Fakulteit erkenning verleen aan personeellede wat uitnemende onderrig voorsien. 4. Dat die Fakulteit aanvaar dat personeellede kan besluit om as n akademiese loopbaankeuse en/of -rigting in onderrignavorsing te spesialiseer (professionele onderrig tot op die vlak van akademikus in onderrig) Dat die Fakulteit sy onderrig-en-leernaaf gebruik om vernuwende denke en opleidingsgeleenthede te stimuleer, aan te voor en te versprei deur middel van departementele onderrigbaanbrekers en -kampvegters. Onderrig-en-leernaaf Die Fakulteit het n naaf op die been gebring wat onder leiding van die Visedekaan (Leer en Onderrig) staan. Die naaf word ondersteun deur n adviseur van die Sentrum vir Onderrig en Leer en die Sentrum vir Leertegnologieë onderskeidelik, en doen verslag aan die Dekaan en die Fakulteit se onderrigkomitee. Die naafkomitee sal na verwagting ten minste drie keer per jaar byeenkom. Die volgende werksaamhede/aktiwiteite word vir die naaf voorgestel: 2 Indien n personeellid op onderrignavorsing as n loopbaankeuse of -rigting besluit, sal hierdie uitgangspunte aangepas word. 3 Volgens McKinney (2006:39) behels die akademieskap van onderrig n stelselmatige studie van onderrig en leer, sowel as die openbare uitruiling en beoordeling van sodanige werk deur lewende of virtuele voorleggings, optredes of publikasies.

9 9 1. Skep en voorsien inligting oor beroepsontwikkelingsgeleenthede op leer- en onderriggebied vir personeel. 2. Onderneem en reël opleidingsgeleenthede (soos vir die opstel van onderrigportefeuljes, en kurrikulumvernuwing deur gemengde leer) en skep geleenthede vir die uitruil van goeie en vernuwende praktyke in die fakulteit (soos etensuur- en werksessies). 3. Dien as inligtingsentrum vir die verspreiding van artikels oor die akademieskap van onderrig en vernuwende onderrigpraktyke. 4. Stel geleenthede bekend vir die finansiering van onderriggenootskappe. 5. Identifiseer en erken goeie en uitnemende onderrig in die Fakulteit. 6. Dien as kontakpunt vir voortdurende studenteterugvoering oor taalverwante onderrigsake (deur middel van gereelde vergaderings met klasverteenwoordigers). 7. Koördineer die voorsiening van bykomende steun vir dosente in hoërisikomodules. 8. Koördineer aansoeke, sowel as terugvoering oor aansoeke, om toewysings uit die Onderrigontwikkelingsfonds. Onderrigevaluering Onderrigevaluering vir die doel van die jaarlikse prestasiebeoordeling slaan ag op die betrokke personeellid se werklas (navorsing, bestuurspligte, programkoördinering) en onderriglas, sowel as die werksooreenkoms en gepaardgaande doelwitte waaroor daar voorheen ooreengekom is. Dít is die grondslag waarop navorsing, onderrig en sosiale impak geweeg word. In hierdie verband kan daar in n bepaalde jaar eweredig méér gewig aan onderrig geheg word. Daarbenewens behoort onderrigevaluering kontekstuele faktore in ag te neem, wat kan verskil met betrekking tot spesifieke benaderings, gespesialiseerde vakrigtings, fokusgebiede en studentegetalle. Dit kan kwalitatiewe inligting (oordenking oor die ontwikkeling van iemand se onderrigpraktyk, portuurbeoordelings, formatiewe studenteterugvoering) en kwantitatiewe inligting insluit (getal modules, getal lesings, studentesukses). Daar word aanbeveel dat personeel as deel van hulle jaarlikse prestasiebeoordeling ook kommentaar lewer op hulle vordering met die saamstel van n individuele onderrigportefeulje. Die volgende algemene riglyne, met wysigings, word voorgestel vir oorweging (die riglyne is merendeels deur die Fakulteit Opvoedkunde opgestel en deur hulle Visedekaan (Onderrig) aangestuur). Verdere wysigings kan na gelang van behoefte vir ons eie prestasiebeoordelingsproses oorweeg word: Onderrig en leer: Aktiwiteite en kriteria Aktiwiteit Kriteria KURRIKULUMONTWIKKELING EN -LEWERING Kurrikulumontwerp

10 10 Voortgesette herkurrikulering en vernuwing van module-inhoud Portefeulje (bewyse van kritiese denke oor n tydperk van 2-3 jaar wat betref die ontwikkeling van materiaal, praktyk, vernuwende metodes, assessering) Vernuwende ontwerp: moduleraamwerke toon samehang tussen inhoud, uitkomste, assessering en bevorderlike leertegnieke Leerfasilitering en studentesteun Gebruik van e-leer (gemengde leer) Vernuwende leerstrategieë Diverse assesseringstrategieë Ontwikkeling van handboeke en vakterminologie Terugvoering Reaksietyd met betrekking tot terugvoering oor toetse en take Studenterugvoering oor steundienste (byvoorbeeld tutors, mentors, klusters) Interne en eksterne moderatorsverslae Formatiewe en summatiewe studenteterugvoering Data uit studenteterugvoering (amptelike US-vorms) Ander gestruktureerde terugvoering Informele terugvoering Studentesukses Studentesuksesstatistieke US-modulestatistieke 2. PROFESSIONELE ONTWIKKELING FINLO-aansoeke, -toewysings en -verslae

11 11 Nagraadse kwalifikasies in hoër onderwys Publikasies oor aspekte van leer en onderrig Toekennings vir uitnemendheid in onderrig Benutting van geleenthede om professionele ontwikkeling te versterk, soos bywoning van/deelname aan kortkursusse, werksessies, PRONTAK, AvOL-konferensie Deelname aan n nasionale of internasionale konferensie oor onderrig en leer 3. AKADEMIESE ADMINISTRASIE EN LEIERSKAP Programontwikkeling, -vernuwing en - koördinering Administratiewe stelsels vir onderrigsteun Dien in onderrigverwante komitees en/of taakgroepe Dien as mentor vir jong dosente Die tweede aspek van onderrigevaluering vind plaas vir die doel van aansoeke om bevordering en nuwe aanstellings en om die erkenning van uitnemende onderrig. Hiervoor word n onderrigportefeulje vereis, wat saam met ander dokumente ten tyde van die aansoek ingedien behoort te word. Die inhoud van die onderrigportefeulje kan wissel. Met alles in ag genome, is die portefeulje n saaklike dokument wat die persoon se onderrigbenadering (of -filosofie) weerspieël. In hierdie opsig is n belangrike deel van die portefeulje n oordenking oor leer- en onderrigpraktyke. Daarbenewens moet dit n aanduiding bied van groei/ontwikkeling in onderrig oor tyd. Die portefeulje verwys dus ook na die persoon se eie leer oor onderrig, wat voorbeelde vereis van hoe goeie onderrigpraktyk gevorm is deur vernuwing, lesse uit foute, sowel as aanpassing. Die volgende bykomende punte kan deel uitmaak van n onderrigportefeulje (daar word aanbeveel dat die beskrywende deel van die portefeulje tot hoogstens 10 bladsye beperk word): 1. Onderliggende onderrigfilosofie (idees, beginsels en ideale wat onderrigprakyk onderstut) 2. Ontwikkeling en groei van eie onderrigprofiel 3. Onderrig- en assesseringsmetodes, en hoe dit strook met inhoud en uitkomste van kursusse wat aangebied is of word 4. Stawing dat die uitkomste van evalueringsmetodes as goeie onderrig ervaar is (studentesukses, portuurbeoordeling, formele studenteterugvoering) 5. Portuurbeoordeling kan insluit: interne en eksterne moderators, n kollega, n onderrigspesialis, die voorsitter van n departement 6. Verteenwoordigende eksemplare van moduleraamwerke, inhoud, assessering en ander aktiwiteite

12 12 7. Bydraes tot vernuwende programontwikkeling sowel as voor- en nagraadse kurrikulumontwikkeling 8. Deelname aan institusionele en/of departementele werkgroepe/komitees in verband met onderrig 9. Onderrigverwante navorsing (dissiplinêre en/of professionele onderrig) 10. Onderrigverwante opleiding (kortkursusse, nagraadse kwalifikasie in hoër onderwys, PRONTAK) Onderrig as loopbaanrigting Akademiese personeel kan binne die konteks van die Fakulteit en hulle departementele omgewing besluit om op onderrignavorsing te konsentreer en dus n loopbaan te volg wat daarop gerig is om n akademikus in onderrig te word. Navorsing kan direk met onderrig in n sekere dissipline verband hou, maar sal vanselfsprekend uitgebrei word om ook te besin oor algemener teoretiese aannames wat in daardie stadium onderrig en leer by hoëronderriginstellings rig. Aangesien konteks in ag geneem moet word, moet personeellede wat in hierdie moontlikheid belang stel die Fakulteit se Visedekaan (Onderrig) (deur hulle departementele voorsitter) nader vir n ondersoekende gesprek. Personeel wat kies om op onderrignavorsing te konsentreer, kan vir FINLO-steun, onderrigverwante studieverlof sowel as institusionele en nasionale onderriggenootskappe oorweeg word. Die Universiteit ondersteun institusionele onderriggenootskappe, wat bestaan uit n middeltermynprojek oor die akademieskap van onderrig wat op enige aspek van die vernuwing en verspreiding van goeie onderrigpraktyk in departemente of die Fakulteit kan konsentreer (byvoorbeeld die vaslegging van die kenmerke van die gegradueerde in modules en programme, programevaluering, innoverende en vernuwende tegnologie op modulevlak, en probleemgerigte navorsing oor onderrig en leer). Die onderriggenoot bly verbonde aan n tuisdepartement, maar finansiering is beskikbaar om instaanpersoneel vir die duur van die genootskap te kontrakteer. Die onderriggenoot beklee n leierspos in die Fakulteit en help bou vermoë, innoveer en vernuwe. *******************************