Johannes 9:13-34; /03/2014

Transcriptie

1 Johannes 9:13-34; /03/2014 Die bekende skrywer, Max Lucado, vertel van n blinde man met die naam, Bob Edens wat 51 jaar lank blind was, voor n oogspesialis sy oë in n baie ingewikkelde operasie, herstel het. Vir 51 jaar was alles donker om hom en moes hy sy pad deur die lewe voel. n Mens kan verstaan dat dit vir hom n ongelooflike ervaring was toe hy die 1e keer kon sien. Hy het goed gesê soos: geel ek kon nie in my wildste droom dink dat geel só geel is nie... En rooi my gunsteling kleur dis só mooi... Ek kan die maan sien... En ek kan sien hoe die son opkom en onder gaan dis so mooi. In die aand kyk ek na die sterre. Ek kan nie glo dis so mooi nie... Ek dink nie ons wat kan sien, besef hoe dit is vir iemand wat blind is nie. Stel jou voor jy het nog nooit n sonsopkoms of sonsondergang gesien nie... of jy het nog nooit gesien hoe sterre lyk nie... of probeer jou indink hoe dit moet wees om met iemand getroud te wees wie se gesig jy nog nooit gesien het of dat jy glad nie weet hoe jou kinders lyk nie of dat jy het nog nooit n blom gesien het of die kleur van n leeu of die kolle van n cheetah of die strepe van n sebra nie...? Dit moet erg wees. Baie mense meen dat blindheid die ergste gebrek is wat n mens kan hê. Hulle sê dan ook as hulle kan kies tussen doof en blind bv., sal hulle doof kies... Om doof te wees is erg, maar dis waarskynlik nie halfpad so erg as om blind te wees nie. n Mens kan jou amper nie iets erger voorstel nie. Tog is daar iets wat erger is as om blind te wees en dit is om blind te wees - al kan jy sien... Nou verstaan jy nie so mooi nie... hoe kan n mens blind wees - al kan jy sien..? Dis presies wat Jesus in die gedeelte wat ons gelees het vir ons wil sê dat jy kan blind wees al is daar niks verkeerd met jou oë nie. Die blindheid waarvan Jesus praat, is n geestelike blindheid. Jy kan baie goeie oë hê, maar die manier waarop jy na God kyk of waarop jy na ander mense kyk of waarop jy na die natuur kyk, kan bepaal of jy geestelik blind is of nie. Om dit te verstaan, moet n mens Joh. 9 baie mooi lees. Want as jy Joh. 9 vinnig lees, kan dit vir jou lyk of die hele hfst. gaan oor n man wat blind was en wat nou kan sien n wonderwerk waar Jesus n blinde genees het. As n mens bietjie dieper lees, kom jy agter dat dit oor veel meer gaan as oor hierdie enkele blinde man dat dit ook gaan oor geestelike blindheid

2 en dan kom jy agter dat hierdie man nie die enigste blinde in die verhaal is nie. Kom ons kyk vlugtig na veral die gedeelte wat ek nie gelees het nie. Ons kry vir Jesus en Sy dissipels waar hulle van die tempel af weg stap en Jesus n blinde man sien. Hy stap na hom toe, en sonder dat die man vra, maak Jesus n bietjie klei/ modder aan, smeer dit aan sy oë en sê vir hom om hom in die Siloambad te gaan was. Hy het dit gedoen en onmiddellik daarna kon hy sien. Dis die wonderwerk. Jesus het sy fisiese blindheid genees. Maar wat daardie blinde man en baie ander mense op daardie oomblik nie besef het nie, was dat hy ook geestelik blind was omdat hy nie geweet het wie Jesus is nie. En as daar 1 ding is waaroor Jesus geen onsekerheid gelaat het terwyl Hy op aarde was nie is dit dat die enigste manier hoe n mens in die hemel kan kom, is deur in Hom te glo. Hy is die Verlosser. Hy kan jou sonde vergewe en aan jou die ewige lewe gee. Iemand wat dit nie weet nie, se geloofsoë is blind, al kan hy met sy fisiese oë baie goed sien. Dit sou beteken as hy op daardie oomblik sou sterf, hy in die hel sou beland en Jesus wil natuurlik nie hê dat enige iemand verlore moet gaan nie. Daarom doen Hy moeite om weer by hom uit te kom nadat hy homself in die Siloambad gaan was het. Die 1e maal wat Jesus voor hom gestaan het, het hierdie man Hom nie erken nie want hy kon nie sien nie. Nou staan Jesus weer voor hom en alhoewel hy kan sien, weet hy nie wie Jesus is nie... Jesus vra vir hom - Glo jy in die Seun van die Mens? Glo jy in Jesus, die Seun van God, die Verlosser...? Wie is dit, Meneer, vra hy, sodat ek in Hom kan glo? Jy sien Hom. Dit is Hy wat met jou praat, En dan (soos ek verlede gesê het), is dit asof daar skille van die geloofsoë afval asof sy geloofsoë oopgaan - want die volgende oomblik roep hy uit - Ek glo..., ek glo Here! en ons lees,...hy het Hom aanbid. Toe Jesus en Sy dissipels die 1e keer by die blinde aangekom het, wou Sy dissipels by Hom weet - hoekom is hierdie man blind is dit a.g.v. sy sonde of sy ouers se sonde. En toe het Jesus hulle geantwoord dit is nie a.g.v. sy of sy ouers se sonde nie. Hy is blind sodat die krag van God in hom bekendgemaak kan word. En dis presies wat gebeur het. Die krag van God is deur hierdie wonderwerk as t ware bekend gemaak n blinde sien... Maar die mense sien dit nie raak nie. Hulle is geestelik blind hulle geloofsoë is blind. Hulle sien ook nie raak dat die eintlike wonderwerk nie gebeur het toe daardie man sy oë afwas en hy kon sien nie maar toe Jesus voor hom

3 staan en hy Jesus erken as die Seun van God en sê, ek glo Here... Dis die eintlike wonderwerk toe Jesus sy geloofsoë oopgemaak het. As n mens dit raaksien, besef jy dat hy nie die enigste blinde man in die verhaal is nie, maar dat daar eintlik n hele klomp blinde mense is... mense wie se geloofsoë só toe is dat hulle nie die krag van God raaksien in die wonderwerk dat hulle nie besef dat Jesus die Seun van God is nie. Die 1e blindes in die verhaal wat ons moet raaksien - glo dit as jy wil - is die dissipels... As jy die hele hfst. lees, sien jy hoe Jesus en die dissipels voor n blinde man gaan staan. Jesus kyk na hom met liefde en omgee en, Ek weet dis verskriklik om blind te wees. Die dissipels kyk na hom met wie se skuld is dit dat jy blind is... Hulle kyk na n teologiese probleem en nie na n mens wat nie weet wie Jesus is nie. Daarmee wys hulle dat hulle self geestelik blind is. Ek wonder hoeveel keer het ons nie ook al in die kerk oor goed geredeneer het probleme geïdentifiseer het, teologiese oplossings gesoek het kan ons hierdie mens in die kerk toelaat of nie want hy is n Duitser of n Amerikaner of n Zoeloe ons is n volkskerk vir Afrikaners intussen sterf daar duisende blinde mense elke dag om ons... Jesus sê vir die mense wat nie die krag van God in hierdie wonderwerk sien en nie besef dat Hy die Verlosser is nie, As julle blind was, sou julle nie skuldig gewees het nie; maar nou sê julle: Ons sien. Daarom bly julle skuldig. Die 2e groep geestelike blindes in die verhaal is die blinde man se ouers. Hulle moes seker vreeslik bly gewees het oor hulle seun wat van sy geboorte af blind was en nou kan sien. Dit het nie net sy lewe wat verander het nie hulle s n ook. In daardie tyd was daar nie werk vir gestremdes nie. As jy gestrem was, blind of doof of kreupel, was jy van ander afhanklik. Baie van hulle het op straat beland as bedelaars. Sy ouers was na alle waarskynlikheid nie ryk mense nie, want anders sou hulle vir hom gesorg het, maar hulle kon nie. Daar word aan die begin van die verhaal na hom verwys as die blinde bedelaar. Hulle blydskap is egter kort geknip toe hulle hulle in die fariseërs vasloop. Ons kom netnou terug na die fariseërs maar laat ek solank vir julle so een en ander oor die fariseërs sê. Die fariseërs was n godsdienstige groep mense wat regtig erns gemaak het met hulle geloof... wat die wet en dan veral die 1e 5 boeke van die Bybel, uit hulle kop geken het. Dit was mense

4 wat ons in vandag se taal sou sê, elke erediens, elke Bybelstudi, elke biduur sou bywoon... ernstige gelowiges... Maar die fariseërs het baie bedreig gevoel deur Jesus wat gesê het, Hy is die Messias... Hy is die Verlosser wat sou kom. Hulle het wel n Verlosser verwag maar hulle het iemand verwag wat hulle van die Romeine sou kom verlos en toe Jesus kom en sê, Hy het gekom om te ly en te sterf Hy het gekom om hulle van hulle sonde te verlos, maar dit wou hulle nie aanvaar nie. Hulle selfs begin om mense wat Hom gevolg het te dreig te dreig dat hulle hulle uit die sinagoge (kerk) gaan ban. Enige iemand wat Jesus volg, sal uit die kerk geban word uitgeskop word... verban word gesê word, jy mag nie meer hier wees nie. Nou mag party van julle vra so what - so what - as hulle jou uit die sinagoge ban? As ons vandag iemand uit die kerk ban stap hy/sy oor die straat na n ander kerk toe. Trouens, niemand gaan eers wag totdat hulle geban word nie. Hulle sal sommer self loop. Maar in daardie tyd was dit anders. Hulle het net die Sinagoge gehad en al die Jode het aan die Sinagoge behoort. Wanneer hulle jou uit die sinagoge ban, het dit nie net beteken dat jy nie meer mag kerk toe gegaan het nie. Nee, almal het jou verwerp. Jou familie het jou verwerp. Jou vriende het jou verwerp. Niemand sou aan jou iets verkoop het of iets by jou gekoop het nie. Jy moes letterlik trek en as n vreemdeling in n ander land gaan woon het. Die blinde man se ouers was baie bang om uit die sinagoge geban te word. Daarom - toe die fariseërs vir hulle vra, wie het julle seun gesond gemaak sê hulle, vra homself, hy is groot genoeg om vir homself te antwoord... Ek wonder of hulle dit in die verlede ook gedoen het... vra homself... Ek dink nie so nie. Hulle was bang vir die fariseërs want die meeste ouers antwoord graag nms. hulle kinders... Jannie hoe oud is jy sy ma antwoord, 7... Is jy al in die skool - ja, sê sy pa in Gr Soveel te meer hierdie blinde seun se ouers hy is boonop gestrem hy kan nie vir homself antwoord nie. Maar nou dat hulle posisie in gedrang kom sê hulle vra, homself... hy is oud genoeg om self te antwoord. Miskien het hulle op daardie stadium nie geweet wie Jesus is nie, maar hulle kon nogtans opgestaan het en gesê het n man met die naam Jesus het hom gesond gemaak maar hulle is bang hulle is skaam... Miskien het hulle ook nie geweeg dat Jesus op n stadium gesê het... Elkeen wat hom vir My en my woorde skaam, vir hom sal die Seun van die mens Hom skaam wanneer Hy kom,(luk 9:26). Hulle besef nie dat mense jou uit die

5 sinagoge kan ban, maar nooit uit die hemel as jy in Jesus glo nie. Hulle sien nie dat dit in hierdie wonderwerk oor Jesus gaan nie. Die skille het reeds van hulle seun se blinde geloofsoë afgeval, maar hulle is steeds blind. Hoeveel keer het ek en jy al weggedeins van gesprekke of geleenthede waar ons kon opstaan waar ons kon bely het dat Jesus die Here is en dit nie gedoen nie. Ons probeer onsself verontskuldig deur te sê, ek praat nie oor my geloof nie... Broers en susters, ek sê nie jy moet in stryery betrokke raak oor petty goed soos doop of musiek of kleredrag nie, maar oor die kern van ons geloof oor Jesus ons Verlosser durf jy nie stilbly nie anders is jy geestelik blind... En.. As julle blind was, sê Jesus, sou julle nie skuldig gewees het nie; maar nou sê julle: Ons sien. Daarom bly julle skuldig. En dan is daar die fariseërs... soos ek netnou gesê het n groep mense wat regtig ernstig was oor hulle geloof, maar ook hulle is geestelik blind... Hulle kyk na Jesus, maar besef nie dat Hy die Verlosser is wat gekom het om ons van ons sonde te verlos nie... Hulle kyk na Hom en sien Iemand wat hulle posisies bedreig. Daarom probeer hulle Hom uit die sisteem uit kry. Hulle is die ouens wat Hom van allerhande goed aankla sodat Hy gekruisig word. Hulle is die ouens wat mense opsteek om te vra dat Barabbas losgelaat word en dat Hy gekruisig word... Hulle is die ouens wat mense uit die sinagoge ban omdat hulle in Jesus glo. Hulle sien die wonderwerke hulle sien blindes sien en kan dit nie ontken nie - maar hulle sien nie vir Jesus wat die wonderwerke doen nie. Hulle is so vasgevang in hulle posisies so vasgevang in die wet dat hulle eerder sal sien dat iemand blind bly as wat Jesus hom op die Sabbat gesond maak. Hulle kyk, maar sien nie... Ons word dikwels in ons kerk en in ons gemeentes vasgevang in ons eie strukture en wette en reëls en vergeet in die proses dat die Kerk oor God gaan oor die Vader wat Homself aan ons bekend gemaak het as Skepper en Onderhouer, oor Jesus ons Verlosser, oor die Heilige Gees, die Heer en Lewendmaker... Ons is so vasgevang in strukture en wette en reëls en vergeet dat daar elke dag duisende mense om ons sterf met die gesondste oë maar wat geestelik blind is - wat nog nooit gehoor het van Jesus of wat Hom vir een of ander rede heeltemal miskyk. Ek het al n paar keer vir ons kerkraad gesê, dalk moet ons n slag die agendas eenkant toe skuif en net 2 goed op die agenda sit (i) Wat het ons sedert die vorige

6 kerkraadsverg. vir die Here gedoen en (ii) wat gaan ons in die volgende 3 mnde vir die Here doen? Maar voor ons geestelike oë, ons geloofsoë nie oopgaan en ons besef dat die kerk oor Jesus gaan - dat Hy die Verlosser is wat aan elkeen wat in Hom glo, die ewige lewe gee gratis en verniet, sal ons geestelik blind bly nie... Jesus het by meer as een geleentheid gesê het Ek het gekom om te soek en te red... Ek het nie gekom vir gesondes nie..., maar vir siekes, vir verlorenes. Ii dit nie mooi as ons in vers 35 lees - Toe Jesus hom kry... bedoelende die blinde man Toe Jesus hom kry... en nie, Toe die blinde man vir Jesus kry nie..., Jesus het hom gaan soek. Jesus het voor hom gaan staan... Ons hoor partymaal mense sê, Ek het die Here gevind..., Jy kan nie die Here vind nie Hy t jou gevind - of soos ons gesing het - Ek het gevind Hy het my gekry... Die blinde man het twee keer die lig gesien. Die 1e keer toe sy fisiese oë geopen word en die 2e keer toe sy geloofsoë oop gaan en hy Jesus erken as die Lig vir die wêreld en hy uitroep ek glo Here... Glo jy in die Seun van die Mens? Glo jy in Jesus, die Seun van God, die Verlosser...? Wie is dit, Meneer, vra hy, sodat ek in Hom kan glo? Jy sien Hom. Dit is Hy wat met jou praat, Ek en jy weet wie Jesus is Ons weet dat Hy die Seun van God is, die enigste Verlosser, maar miskien het ons geestelike oë/ons geloofsoë, so bietjie verswak... miskien het daar n katarak of oor ons oë begin groei. Ons sien nie meer so duidelik nie... ons is nie meer so entoesiasties nie... Kom ons vra Hom vandag om ons geloofsoë skoon te maak om alles weg te neem wat vir ons n swak en dowwe beeld gee sodat ons ook kan uitroep ek glo ek glo Here en Hom aanbid. Amen. Ek wil n gebed vir ons bid wat ek meen deur die sanger - Koos van der Merwe, geskryf is. Terwyl julle net so bly sit kom ons bid die volgende gebed saam: Maak my nie groot nie, Here, maar laat my U grootheid sien en weet hoe klein ek is Maak my nie slim nie maar laat my U wysheid sien en weet hoe min ek weet

7 Bring my nie op hoë plekke vanwaar ek op ander neerkyk nie maar laat my U voete sien as ek buig en weet dat my voete van klei is en as iemand in my - U lig sien laat my onthou waarvandaan ek kom en Wie my daar gaan haal het. Amen.