Die Woord Bybeldagboek 2 uitgegee deur Carpe Diem Media

Transcriptie

1

2 Afslagbewys voelgoedwinkel Jy sê, God sê 50%-afslag Hiermee kry jy 50%-afslag op Jy sê, God sê (R130) van Carpe Diem Media wat jy op Voelgoedwinkel koop. Kliek op voelgoedwinkel.co.za/boeke/jy-sê-god-sê, en gebruik die afslagkode JSGS om te kwalifiseer vir die afslag. Die afslagbewys is nie omruilbaar en mag nie gebruik word saam met ander spesiale aanbiedinge nie. Kan ook nie vir kontant omgeruil word nie. Die Woord Bybeldagboek 2 uitgegee deur Carpe Diem Media 2014 Carpe Diem Media Eerste uitgawe, eerste druk 2014 ISBN Eboek ISBN epub ISBN Setwerk Michael Botha Redigeerder Claude Vosloo Proefleser Estelle Steenkamp Omslagontwerp Zelda Botha Gedruk en gebind deur Skrifaanhalings uit DIE BYBEL (Nuwe Vertaling 1983, met herformulerings) tensy anders vermeld, met verlof van die Bybelgenootskap van Suid-Afrika Alle regte voorbehou. Geen gedeelte van hierdie boek mag gereproduseer word in enige vorm of op enige manier sonder die skriftelike toestemming van die uitgewer nie. KONTAKBESONDERHEDE Carpe Diem Media Posbus 5801 Vanderbijlpark 1900 Tel (016) Faks (016) E-pos boeke@carpediem.co.za

3 Nog n jaar se oordenkings deur Andries Enslin Die Woord bybeldagboek 2 carpediem M E D I A jou inspirasie uitgewer

4

5 Inhoud Winter 7 Ligmense 13 Diensmense 19 Opwaarts 25 Jesusgesindheid 31 Liefdesbande 37 Tuisliefde 43 Gesinsbande 49 Kultuurskat 55 Ingesteldheid 61 Instrument 67 Voluit 73 Kitsdenke 79 Ontvlugting 85 Aangespreek 91 Draaiboek 97 Diensgees 103 Genadegeskenk 109 Verteltyd 115 Hoopvol 121 Liefdevol 127 Vredefees 133 Lewenspaaie 139 Gevind 145 Gereinig 151 5

6 Liefdesreëls 157 Gebedskrag 163 Gebedslewe 169 Binnegesprek 175 Woestyntye 181 Gesprekke 187 Saaityd 193 Oase 199 Nabyheid 205 Opgewektes 211 Jesusgeskenke 217 Buitengewoon 223 Waarde 229 Standhoudend 235 Ontwikkeling 241 Regstelling 247 Lewensfokus 253 Omvorm 265 Familiesake 271 Innerlike 277 Posbeskrywing 283 Belewenis 289 Gesprekstyd 295 Geloofpad 301 Godsdienstig 307 Lewensverse 313 6

7 Maandag Winter In My Hart Dis vandag n Maandagoggend en nege uit die tien keer lê n nuwe week soos n berg voor n mens. Dit is sommer in die hartjie van die somer, maar die winter lê in jou hart. Daarom is vanoggend se boodskap spesiaal vir jou. God is die Weg en Hy kan jou en my genees binne-in ons menswees, in ons persoon en ons emosies. Hoor wat sê Psalm 42:6-7: Waarom is ek so in vertwyfeling en waarom kerm ek so? Vertrou op God! Ja, ek sal weer vir Hom n loflied sing. Hy is my helper en my God! Hierdie psalm druk die winterwerklikheid so mooi uit: Ja, daar is mense wat mismoedig is, wat in hulle binneste ontsteld is. Daar is mense wat n week aanpak, n Maandagoggend, en voel dat die vrees hulle beetpak vir alles wat voorlê vir hierdie week. Voor hulle lê die onbekende, maar ook die bekende dinge, soos werkstres, stres oor geld en die maandeinde wat wil toeslaan alles wat hierdie week gaan gebeur. Hierdie Skrifgedeelte gee die troos: God kan jou hart skoon maak. God kan jou hart deur sy Gees genees. Hy wil in jou binneste hoop plaas. Hy wil weer in jou die geloof en vertroue plaas dat jy weet Hy is jou God. Daarom kan ek en jy hierdie week met n hartlike uitnodiging ingaan: Kom na My toe. Ek kan jou genees. Ek kan jou uit hierdie gevoel van mismoedigheid haal. Ek kan jou hierdie vrees en ontsteltenis laat oorwin en jou die lewe voluit laat geniet. Kom ons bid saam Hemelse Vader, dankie dat U weet as ons mismoedig, bekommerd, vreesbevange voel oor wat voorlê. Ons plaas ons hoop en geloof in U dat U elke oomblik by ons is en ons nuut maak. In Jesus se Naam. Amen. 7

8 Dinsdag Waar Lê Jou Gedagtes? Ons praat oor God as die Weg wat jou en my in ons lewe genees deur ons van binne nuut te maak. Vandag se Skrifgedeelte kom uit Jesaja 26:3-4: Gee aan hulle vrede en voorspoed, Here, want hulle het hulle vertroue op U gestel. Vertrou altyd op die Here, want die Here God is n veilige toevlug. Hier kry ons beloftes: God bewaar, God is deurgaans by ons Hy is vir my en jou n veilige toevlug. Ons kry die versekering: God kan jou en my beskerm, genees en verander in die mens wat ek en jy wil wees. Jy behoort aan God, daarom geld hierdie beloftes vir jou. Hiervan mag jou gedagtes vol word. Nou die vraag: Is God jou eerste Hulpbron wat jy nader? As jy sien daar is sonde, krisis of probleme in jou lewe, is God eerste in jou gedagtes? Diegene se gedagtes wat by God is, bedink Hom, bewonder Hom, raak stil voor Hom en kan hierdie vrae in hulle hart beantwoord: Waar is God in hierdie situasie? Waarmee is Hy besig in my lewe? Dus gaan dit eerstens oor waar jou hart lê is jy aan God verbind? Dan maak hierdie beloftes vir jou sin oor vrede, genesing, dat God in jou lewe betrokke is. In so n verbintenis kan jy jou gedagtes oorgee en vra: Here, vernuwe my denke dat ek aan U dink oggend, middag en aand. Onthou, dít wat jy dink, word jy. Daarom as God in jou gedagtes is, kry sy beloftes betekenis in jou lewe. Kom ons bid saam Hemelse Vader, dankie vir die beloftes dat U by ons is, ons versterk en u vrede in ons binneste gee. Help ons om ons gedagtes op U en u beloftes te hou. In Jesus Naam. Amen. 8

9 Woensdag Ken Jy Ware Vryheid? Die tema van hierdie week se oordenkings is God wat vir my en jou die Weg is en ons innerlik genees. God maak ons in ons karakter vry van sonde en slegte gewoontes deurdat Hy ons nuut maak. Psalm 124:7-8 is n treffende Skrifgedeelte hieroor: Ons is bevry soos n voël uit die wip van n voëlvanger; die wip het gebreek en ons was vry! Ons hulp kom van die Here wat hemel en aarde gemaak het. Hier is n kragtige belofte dat God kan jou regtig vry maak. Hoeveel kere dink ons nie: God vergewe my sonde, maar kan Hy my regtig van binne genees dat die sonde nie terugkeer en my weer oorneem nie? Die psalmdigter verduidelik: Die wip van die voëlvanger het Hy gebreek. Met ander woorde, daardie wip kan jou nie meer binne hou nie. Dit kan jou nie weer in sy mag kry en jou aan sonde vashou nie. Hoeveel keer voel jy dat jy in n mag vasgevang is jy kan sekere patrone in jou lewe nie breek nie? Daar is sekere sondes, gedagtes, vlae van depressie. Jy voel jy kan net nie vry kom nie. Ek en jy het n magtige belofte: Die Here kan jou en my vry maak. Hy is tog die Skepper van alles. Hy kan in jou lewe inkom en daardie mag wat jou vashou, breek. Een van die mooi beelde is die voël wat uit die wip vrykom. Dink aan die vryheid van vlieg, van sweef, die vryheid van n vol lewe. Dís wat ware vryheid beteken. Kom ons bid saam Hemelse Vader, dankie vir u krag, die mag wat U tot ons beskikking stel. Ek wil my lewe aan U oorgee; maak my waarlik vry. In Jesus se Naam. Amen. 9

10 Donderdag Jy Mag Nuut Begin Hierdie week oordink ons God as die Weg wat jou en my genees deur ons lewe nuut te maak. Ons lees Efesiërs 4:23-24: Julle gees en gedagtes moet nuut word; lewe as nuwe mense wat as die beeld van God geskep is: lewe volkome volgens die wil van God en wees heilig. Hier geld die geestelike beginsel: Dít wat jy uit jou lewe haal, moet jy weer vol maak met iets anders. Paulus begin eers deur te verwys na hulle eenheidsband met Christus: omdat julle sy volgelinge is, is julle onderrig volgens die waarheid wat in Jesus is (vers 21). Dit gaan nie oor wettiese godsdiens om deur regte dade dinge reg te stel nie. Jesus se beginsel lei jou om te besef: Jy gaan ten gronde in jou ou lewe, waar jy nog vasgevang is in drange, sondes en verslawing aan verkeerde patrone van leef. Jesus leer: Jy moet dit weer vol maak met iets anders. Of eerder, jy mag die lewe nuut aanpak, vol met Jesus, met sy karakter dis vrug van die Gees. Dit wat jou Here in jou lewe wil opbou. Paulus moedig ons aan: Haal die ou dinge uit en maak jou lewe vol met Jesus. Dit is hoe mense maak wat regtig toegewyd is, wat regtig ernstig is daaroor om te leef soos God wil. Raak regtig ernstig oor jou verhouding met die Here. Gooi die ou dinge uit en maak jou lewe oop en leef voluit deur sy Gees in jou. Kom ons bid saam Here, dankie dat U iets anders en beters het vir alles wat hierdie wêreld ons wil bied. Dankie dat hierdie plaasvervanger my ware ek is my binnekant wat U heelgemaak het, wat my lewe mooi maak en my gelukkig maak in u Naam. Amen. 10