Voorwoord deur Jan de Wet. Bid. man. vir jou. Liesel Krause-Wiid

Transcriptie

1 Voorwoord deur Jan de Wet Bid diewoord vir jou man Liesel Krause-Wiid

2 carpediem M E D I A jou inspirasie uitgewer Word deel van ons Stuur n e-pos Vir enige navrae oor ons boeke, stuur n e-pos aan boeke@carpediem.co.za Like ons boekklub Hier gebeur groot boek dinge, kompetisies en nuutste bekendstellings. Word nou deel van ons boekklub op facebook. Koop aanlyn Voelgoedwinkel.co.za is die plek waar jy nou n draai moet gaan maak vir topverkoperboeke teen afslagpryse, sonder al die lang rye! Gesels op boekklub Vir geselsies met skrywers, gratis uittreksels en om lekker boeke te wen, kom gesels saam op voelgoed.co.za/boekklub Lees digitaal Ons boeke is ook as e-boeke in epub- en pdfformaat beskikbaar vir jou om enige tyd enige plek te lees. Kliek op e-boeke.co.za

3 geen rye, beter pryse, 24/7 koop aanlyn vir jóú leefstyl op voelgoedwinkel.co.za ook beskikbaar as e-boek kliek op Bid die Woord vir jou man uitgegee deur Carpe Diem Media 2013 Carpe Diem Media Eerste uitgawe, eerste druk 2013 ISBN e-boek ISBN epub ISBN Setwerk Michael Botha Teksredigeerder Elmarie van Niekerk Proefleser Ilze Ludick Omslagontwerp Zelda Botha Gedruk en gebind deur Skrifaanhalings uit Die Bybel (1933/1953-vertaling) met verlof van die Bybelgenootskap van Suid-Afrika. Alle regte voorbehou. Geen gedeelte van hierdie boek mag gereproduseer word in enige vorm of op enige manier sonder die skriftelike toestemming van die uitgewer nie. KONTAKBESONDERHEDE Carpe Diem Media Posbus 5801 Vanderbijlpark 1900 Tel (016) Faks (016) E-pos

4 die Bid Woord vir jouman Liesel Krause-Wiid carpediem M E D I A jou inspirasie uitgewer

5 Inhoud Voorwoord 7 Inleiding 8 Huwelik Wanneer jul huwelik wankel 12 Wanneer dit goed gaan met jul verhouding 16 Wanneer jy bekommerd is oor n ander vrou 20 Wanneer jul sekslewe op die afdraandpad is 24 Wanneer hy jou met woorde seer maak 28 Wanneer hy nie meer droom oor jul huwelik nie 32 Wanneer hy nooit tyd het nie 36 Wanneer hy nie met jou wil praat nie 40 Wanneer jy nie meer sy liefde vóél nie 44 Wanneer jy nie tot hom deurdring nie 48 Wanneer jy weet sy hart is gebreek 52 Wanneer hy jou nie soos n vrou laat voel nie 56 Wanneer jy voel jy is nie goed genoeg nie 60 Wanneer hy geld op onbenullighede mors 64 Wanneer jy jou man moet vergewe 68

6 Liesel Krause-Wiid Gesin Wanneer jul kinders nie vir hom tel nie 72 Wanneer alles belangriker is as sy gesin 76 Wanneer hy wegskram van verantwoordelikheid 80 Werk Wanneer dit sleg gaan by sy werk 84 Wanneer sy kollegas hom nie erken nie 88 Wanneer hy sy werk verloor 92 Wanneer bevordering by die werk wegbly 96 Wanneer sy werk vir hom alles is 100 Verhoudings Wanneer vriende n minus in sy lewe is 104 Wanneer sy verhouding met sy pa hom pla 108 Wanneer sy verhouding met sy ma hom pla 112 Wanneer hy ander nie kan vergewe nie 116 Wanneer hy nie met jou ouers klaarkom nie 120 Self Wanneer hy stres 124 Wanneer hy misluk 128 Wanneer hy sukses behaal 132 5

7 Bid die Woord vir jou man Wanneer jy bekommerd is oor sy gesondheid 136 Wanneer hy op die pad is 140 Wanneer die verlede hom pla 144 Wanneer hy homself nie kan vergewe nie 148 Wanneer hy hom gedurig bekommer 152 Wanneer hy af is 156 Wanneer hy gedurig negatief is 160 Wanneer hy sy lus vir die lewe verloor 164 Wanneer hy gedurig geïrriteerd en nors is 168 Wanneer drank sy lewe oorneem 172 Wanneer hy nie meer lag nie 176 Wanneer n onrustigheid in sy binneste broei 180 Wanneer sy werk sy gesondheid beïnvloed 184 Wanneer sy selfbeeld n knou gekry het 188 Wanneer hy nie sy emosies wys nie 192 Geloof Wanneer hy geestelik op n ander vlak is 196 Wanneer hy nie n Christelike voorbeeld stel nie 200 Wanneer sy verhouding met sy Maker skeefloop 204 Wanneer hy nie wil kerk toe gaan nie 208 Wanneer hy selfmoordgedagtes het 212 Wanneer hy nie saam met jou wil bid nie 216 6

8 Voorwoord Jan de Wet Daar is n liedjie wat geweldig suksesvol was en veral deur Patsy Kline bekend gemaak is. Die titel daarvan is: Stand by your man. Dié liedjie vra vir n vrou om haar man by te staan, hom lief te hê en n veilige hawe vir hom te wees in n koue, onpersoonlike wêreld. Soos die spreekwoord lui: Agter elke suksesvolle man staan daar n goeie, ondersteunende vrou. Miskien is dit die waarheid in hierdie gesegde en die onselfsugtigheid wat daarin opgesluit lê, wat die lied so n groot treffer gemaak het. Soos Jesus gesê het: Dit is meer geseënd om te gee as om te ontvang. En die seën wat deur so n onselfsugtige gee-proses kom, verryk die een wat gee se lewe op onbeskryflike maniere. Dit is wat Liesel Krause-Wiid vir moderne vroue voorstel: Staan by jou man, verstaan hom, en veral, BID die Woord vir hom op n baie praktiese wyse sodat daar n geestelike deurbraak kan plaasvind wat jou verhouding met hom in n nuwe, beter, oorwinnende en vervullende dimensie sal plaas. Kom ons wees eerlik: Die verhouding tussen vrou en man binne of buite die huwelik beleef tans n groot krisis. Ons het almal hulp nodig. Hierdie boek wil veral vroue help tot n beter verhouding met die man in hulle lewe. En ook om deur te gee, dit te ontvang waarna hulle diep in hulle hart hunker. Liesel het bogemiddelde gawes van die Here ontvang. Sy is n vrou in n mooi huweliksverhouding, die moeder van mooi kinders, n voormalige Mevrou Verenigde Nasies, skoonheidsdeskundige, model, entrepreneur en sakevrou, en daarby ook n baie suksesvolle teoloog en skryfster. In Bid vir jou man wend sy al hierdie gawes aan om vir jou die pad na n gelukkige man aan te wys. 7

9 Inleiding Liesel Krause-Wiid Gesels met Hom, Hy luister Jy het n Ewige Vriend wat jou en jou man in sy hart vashou. Hy hoor elke gedagte en woord wat jy vra. Hy luister wanneer jy daardie seerkry-dinge net kan uitsnik daar waar g n siel jou trane kan sien nie. Ook wanneer jy hard in die veld of by die see uitroep: Vader, help! Dis waar, soms gee Hy nie vir jou elke liewe ding wat jy vra nie. Soms sê Hy nee, maar dis nooit n hartelose nee nie. Partykeer sê Hy: Wag n bietjie. Hy ken sy tyd, die regte oomblik vir die regte ding. Heel dikwels sê Hy: Ja! Die feit bly staan: Hy hoor ons, Hy luister na sy kinders. Hy is elke oomblik van elke dag by ons. Hy los ons nooit. Al draai jy ook jou rug vir Hom, is Hy steeds daar wanneer jy omdraai en in sy arms wil inhardloop! Die gebed van n gelowige het n kragtige uitwerking. Jakobus 5:16 Stap saam met Hom Die Here steek sy hand uit na jou moenie alleen stap nie. Verken saam met Hom allerlei wonderlike plekke in jou lewe en jou huwelik. Hy wil n lewende verhouding met jou hê. En gebed maak deel uit van hierdie liefdesverhouding. Dinge verander nie altyd dramaties wanneer jy bid nie. Maar wees verseker, gebed sal JOU verander, want wanneer jy bid, is Hy aan die werk met en in en deur jou. God wil jou seën, Hy wil hê jy moet gelukkig wees. Hy is tog jou Pa. As 8

10 Liesel Krause-Wiid onvolmaakte menslike ouers net die beste vir hul kinders wil hê, hoeveel te meer wil Hy, die volmaakte Pa, nie vir sy kinders die beste hê nie? Gaan na Hom, deel jou hart met Hom! Hy stel belang in jou hele menswees, jou verhoudings, jou drome, jou alles. Jy kan met Hom oor enigiets gesels. Maak sy Woord(e) jou eie Weet jy, soms soek ek sukkel-sukkel na woorde wanneer ek met my Vader gesels. En dis dan dat ek sy Woord gaan haal en net dít begin bid. So, ek pleit sy eie Woord(e) by Hom. Dit maak vir my baie sin. Hy is dan gister, vandag en môre dieselfde. Hy gaan mos nie terug op sy Woord nie. Ek is ook lief daarvoor om sy Woord my eie te maak. Daar is n verhaal oor n Sjinees wat tot bekering gekom het. Sy eerste Bybel was n hogere Engelse Bybel wat praat van Thee, Thy en Lo. Elke keer as die Sjinees gelees het: Lo, I loveth thee, het hy vreeslik opgewonde geraak, want sy naam was Lo! Lees God se Woord nuut, asof vir die eerste keer en met jou eie naam daarin geskryf. Kyk na Jeremia 29:11 met n nuwe bril: Ek weet wat Ek vir julle (jou naam ) beplan, sê die Here: voorspoed en nie teenspoed nie; Ek wil vir julle (jou naam ) n toekoms gee, n verwagting! In Bid die Woord vir jou man sal jy sommer maklik Skrifgedeeltes kry wat aanklank vind by jou eie behoeftes in jou huwelik. Soek die tema in die boek wat by jou gevoelens pas. Lees die verse daarby, bid dit en maak dit jou eie. Bid vir jou man Begin om God se ongelooflik kragtige Woord vir jou man te bid. Baie mense is daarop ingestel om net vir hul eie behoeftes te bid, maar n wonderlike wêreld van seën breek vir jou oop wanneer jy vir ander begin bid. Lees n slag weer oor Job en kyk hoe sy aaklige omstandighede handomkeer verander die oomblik toe hy vir sy veroordelende vriende begin bid. Suiwer 9