Nasiebou en versoening Terugvoer van wegbreekgroepe Algemene jaarvergadering 2015
Groep A: Ewaldt Scholtz Vryheid van uitdrukking: Afrikaanssprekendes moet nie skaam wees om Afrikaans te praat of in die taal diens te lewer nie. Onkunde: Daar moet daadwerklik moeite gedoen word om ander kulture te leer ken en te verstaan. Hulle moet wegval: Suid-Afrikaners moet leer om van ons te praat. Ons moet alle Suid-Afrikaners insluit. Plaaslike media moet betrokke raak: ATKV- of takaktiwiteite moet in alle media verskyn. Dit kan bydra dat persone betrokke wil raak by die ATKV of ʼn ATKV-tak. ʼn Petisie moet opgestel word om kleur/ras van aansoekvorms af te haal. Thunderclap Afrikaanse media dag: ʼn Dag moet geïdentifiseer word waar die sosiale mediaplatforms oorval word met Afrikaans, sodat mense kan sien hoe lekker mense hulle in Afrikaans uitdruk.
Groep B: Ivor Price Gesprekke oor nasiebou wat 20 jaar terug afgehandel moes gewees het, is vandag nog meer relevant as ooit. Politici het nie die oortuiging om nasiebou te bewerkstellig nie. Ons moet dit doen. Die fase twee-projek van nasiebou begin van onder af. Ons kan nie vir die politici wag om dit te doen nie. Die verandering begin by individuele/takke op grondvlak wat ʼn voertuig moet wees vir nasiebou en versoening. Streeksorganiseerders kan gespreksforums op streeksvlak koördineer waartydens taklede meer van mekaar kan leer en verstaan. Projek vir willekeurige weldade doen klein en betekenisvolle dingetjies vir mekaar. Bou netwerke binne gemeenskappe (takke en ander organisasies) wat gemeenskaplike behoeftes identifiseer, bespreek en aanspreek.
Groep C: Xanthe van Niekerk Fokusareas: Dra Ubuntu/ Masakhane uit sonder politieke besoedeling. Gebruik ATKV se vier fokusse om nasiebou en versoening uit te bou. Spreek werkloosheid aan deur middel van entrepreneurskapsvaardighede. Begin by jouself. Verandering moet by jouself begin. Kweek respek deur jou gesindheid en lyftaal teenoor ander. Bied kultuurdag aan wat mense in staat stel om mekaar se kulture te leer ken. Bied taalprojekte aan wat mense in staat stel om ander se tale aan te leer.
Groep D: Johan Erasmus Ontwapeningsproses: maak toegewings en toegewings sal aan jou teruggemaak word. Erken dat daar foute in die verlede gemaak is, maar dat dinge verander het en dat daar op die veranderinge gefokus moet word. Nuwe tipe uitreik. Dit moet wedersyds wees. Indien Wiskundelesse aan Zoeloeleerders aangebied word, moet hierdie leerders op hulle beurt weer Zoeloelesse aan ander bied. Wees ambassadeurs van Afrikaans, maar neem positiewe stappe om ʼn ander inheemse taal en kultuur aan te leer. it it Bied projekte aan waar ʼn ander inheemse taal aangeleer kan word. Skep forums om opreg te luister na ander se perspektiewe oor sake, bv. die ANC-lede se besware teenoor Afrikaans. Kommunikeer gereeld dat Afrikaans nie ʼn wit taal is nie. Gebruik bestaande verhoudings om versoening te bevorder.
Groep E: Virginia Keppler Soek die gemene deler: wat het ons in gemeen, wat is belangrik, waarvoor is ons lief, ens. Dit kan boustene wees om nader aan mekaar te beweeg en mekaar te verstaan. Familie-gedrewe uitreiking na families van ander kulture in jou gemeenskap. Beeld die Afrikaanse taal en kultuur op ʼn positiewe manier uit, sodat dit op ʼn positiewe manier deur ander kulture ervaar word. ATKV bied min universiteitsprojekte aan wat nasiebou en versoening bevorder. Meer aandag moet hieraan geskenk word. Wat kan ons uit ATKV-oogpunt in die besigheidswêreld doen om versoening te bevorder? Hou multi-kulturele l geleenthede soos speletjiesdae of braaidag met verskillende kulture se geregte. Nooi Sotho of Venda bure vir ʼn braai en laat hulle wys hoe braai die Sotho s of Vendas.
Groep F: Wilbrie Fourie Persepsies: ons moet ons persepsies van ander kulture verander omdat dit ons verhoed om by mekaar uit te kom. Kultuurkennis: ons weet te min van mekaar om werklik respek vir mekaar te hê. Trots: daar is nog ʼn gebrek aan trots vir die land. Indien ons meer trots op die land kan wees, sal daar ʼn gevoel van ʼn sterk nasie ontstaan. Individuele omwenteling: elke ATKV-lid moet hom/haar verbind tot versoening en nasiebou. ATKV-takke moet onderneem om ʼn projek aan te pak waar ʼn ander kultuur beter leer ken word. Prestasies en suksesverhale van die ATKV moet ook met die algemene publiek gedeel word. Kollektiewe alliansies en nasiebouer: ATKV moet homself meer doelbewus as nasiebouer uitbeeld.