Puricare Onafhanklike Landbou Gevallestudie Greefslaagte, Lichtenburg distrik, 2011

Transcriptie

1 Puricare Onafhanklike Landbou Gevallestudie Greefslaagte, Lichtenburg distrik, 2011 Saamgestel deur: Willem Otto, NWK Bpk. Lichtenburg, Bepaling van die effek van verrykte besproeiingswater op die groei en opbrengs van besproeiingskoring. Die Puricare suurstofverrykingstoerusting vir besproeiing en spilpunte is wyd reeds bekend. Positiewe resultate is in verskeie van die gevalle gemeet en gerapporteer. 'n Sisteem is in 'n spilpunt naby Greefslaagte installeer met die aanvang van die koringseisoen. Die vraag word egter deur elke boer gevra wat nuwe tegnologie aankoop en begin gebruik: Het ek die regte besluit geneem en is die besluit ekonomies regverdigbaar? Die deurtrapte stelling in die volksmond is Om te meet is om te weet.

2 Met dit in gedagte is beplan om die effek van die suurstofverrykte besproeiingwater op al die komponente van die koringoes te meet waar moontlik en om hierdeur die reaksie van die verrykte besproeiingswater in die veld te bepaal. Tydens 'n voor-seisoen koringboeredag gehou op Greefslaagte is die sisteem se werking en voordele met die boere bespreek en verskeie metings van die opgeloste suurstof in die besproeiingswater vanaf boorgat tot op die land is gedoen. Hier het die verhoging van suurstof in die water voor en na die Puricare toerusting alreeds na vore gekom. Die koringkultivar SST 843 is deurgaans aangeplant in die eerste helfte van Julie. Vir die doel van die vergelykende bepalings is 'n groot spilpunt (80ha) met verrykte water en 'n klein spilpunt (20ha) met standaard besproeiingswater gebruik. Die spilpunte is langs mekaar en is oor verskeie seisoene agronomies soortgelyk bestuur. Totale bemestingstoedienings was 180 kg N/ha, 30 kg P/ha en 30 kg K/ha. Tydens die koringgroeiseisoen is verskeie plant- en wortelmonsters getrek om verskille in groei en ontwikkeling te monitor tussen die twee stelsels. Verder is daar in samewerking met Omnia se Omni-Bio program ook grond- en wortelmonsters geneem en ontleed om enige invloed van die twee stelsels op nematode getalle, fungi en bakteriële populasies te bepaal. Daar is met fisiologiese volwassenheid van die koring plantmonsters geneem om opbrengskomponente, opbrengs en waterverbruiksdoeltreffenheid te bepaal. Profielgate is gegrawe om wortelverspreiding in die twee stelsels te bepaal. Opmerkings van die boer wat daagliks sy koringaanplantings sien: Abel Rootman Die lande met die suurstofverryking het vinniger opgekom en het gouer gevestig en ontwikkel. In die begin van die koringgroeiseisoen het verstoppings in die spilpunt se sproeiers feitlik daagliks voorgekom. Tydens die skoonmaakproses is aanpaksels gevind wat gewissel het in kleur van bruin tot swart. Namate die seisoen gevorder het minder verstoppings voorgekom, maar terselfdertyd is opgemerk dat die watertoediening per siklus op dieselfde spilpuntspoed verhoog het. Dit kan toegeskryf word aan die vermindering van aanpaksels in die besproeiingslyne en spuite wat oor tyd in die stelsel opgebou het wat vloei deur die sisteem verbeter het. Groei en plantontwikkeling van die koring Soos ook deur die boer opgemerk is, was die aanvanklike groei en ontwikkeling met die verrykte water ooglopend beter. Met fisiologiese rypwording is plantmonsters is geneem, die aantal halms en are per plant is getel, aargrootte is gemeet, en gemiddelde aantal korrels per aar bereken. Oesopbrengs is ook bepaal op die metingspunt waar die wortelontwikkeling bepaal is. Die resultate word in Tabel 1 opgesom.

3 Tabel 1: Resultate van die opbrengskomponente gemeet op die verrykte en standaard besproeiingswater stelsels. Plantkomponent Verrykte water Standaard water % Verbetering Gemiddelde aantal halms/plant Gemiddelde aantal are/plant Aarlengte (cm) Halmdeursnee (mm) Planthoogte (cm) Maksimum pitte/aar Maksimum syare/aar Opbrengs (ton/ha) Waterverbruiksdoeltreffendheid (kg opbrengs /mm water toegedien) Foto: Plantmonsters geneem uit koring tydens korrelvulstadium: Verrykte water links en standaard water regs.

4 Foto: Plantmonsters geneem uit koring; Verrykte water links en standaard water regs. Foto: Plantmonsters geneem uit koring met rypwording: Verrykte water regs en standaard water links.

5 Foto: Plantmonsters geneem uit koring met rypwording: Verrykte water regs en standaard water links.

6 Wortelontwikkeling Profielgate is met fisiologiese volwassenheid oor die rye gegrawe om die wortelverspreiding te monitor. Soos op die foto's opgemerk kan word, is daar drastiese verskille in die verspreiding van wortels deur die profiele van die twee stelsels. Foto: Wortelverspreiding met verrykte water. 'n Groter konsentrasie van fyner wortels kan in die boonste gedeeltes van die grondprofiel gesien word.

7 Foto: Wortelverspreiding met standaard water. Minder fyn wortels kan in die boonste gedeelte van die profiel opgemerk word. Die totale watertoediening asook die opbrengs gemeet op die twee stelsels is in berekening gebring om die waterverbruiksdoeltreffendheid te bepaal. Op die verrykte waterstelsel is 'n hoër opbrengs met minder totale besproeiingswater toegedien behaal wat 'n hoër waterverbruiksdoeltreffendheid gee. Die goeie wortelontwikkeling veral in die bogrond van die profiel dui daarop dat wateropname deur die plante doeltreffend geskied het. By die verrykte stelsel is die beskikbare grondwater in die totale profiel onttrek, terwyl in die standaard stelsel grondwater dieper in die profiel tot laat in die groeiseisoen nog beskikbaar was.

8 Nematode getalle, fungi en bakteriële populasies Die bepalings is twee keer deur die seisoen herhaal. De eerste bepaling was tydens die vroeë stoelstadium vroeg in die seisoen, en die tweede bepaling was tydens fisiologiese volwassenheid. Die resultate word in Tabel 2 opgesom. Tabel 2: Resultate van die nematode tellings, fungi en bakteriële populasies wat bepaal is tydens vroeë stoelstadium en met fisiologiese rypwording Groeistadium Nematode tellings** Vroeë stoelstadium Behandeling Bakterieë telling* Fungi telling Voordelig Parasities Kontrole 9.55% 100% Fisiologies ryp Kontrole 10.5% 100% Verrykte water 10.7% 100% *Bakterieë en fungi tellings uitgedruk as 'n persentasie van die optimale waarde vir koring. **Nematode tellings is aantal nematodes per 200ml grondmonster. Bespreking en opsomming Die bepaling van groei en plantontwikkelingsverskille in koringaanplantings wat met osoonverrykte water besproei is teenoor standaard besproeiingswater het interessante resultate gelewer. Hou egter in gedagte dat die bepalings puntmetings was alhoewel sorg geneem is om ooglopende grondverskille en ander variasies tussen die twee stelsels uit te skakel. Die besproeiingswater wat in die spilpunte gebruik word kom uit ondergrondse bronne, en word uitgepomp in 'n besproeiingsdam waaruit dit dan na die onderskeie spilpunte gepomp word. 'n Goeie vlak van opgeloste suurstof kom natuurlik in die water voor as gevolg van die inpomp in die dam soos tydens die boeredag ook gemeet is. Die osoonverrykingsisteem verhoog die opgeloste suurstof drasties verder en hoë waardes is in die water by die laaste spuitstuk van die spilpunt gemeet. Groei en ontwikkeling van die onderskeie koringlande was deurgaans goed. Die lae reënval tydens die seisoen het druk op besproeiingskedulering geplaas, maar siektedruk van veral blaarsiektes en aarsiektes was laag. Die scenario het egter die positiewe effek van die verrykte water op die wortelontwikkeling van die koringplante beklemtoon. Die massa fyn wortels wat in die boonste 30cm van die grondprofiel ontwikkel het, is op die foto's duidelik. Die wortels het bygedra tot die doeltreffende gebruik van beskikbare grondwater asook besproeiingswater en toegediende voedingstowwe. Die verskille in plantontwikkeling, groei en opbrengs kan ook grootliks hierdeur verklaar word.

9 Die effek van die verrykte water op die bakterieë en fungi tellings was nie dramaties verskillend van die standaard water nie. In 'n ander stel data is die effek van die verrykte watertoedienings egter verder verhoog waar van bakteriële saadbehandelings gebruik gemaak was, en nog meer so in die standaard water stelsel. Dit kan uit die nematode tellings gesien word dat veral die parasitiese nematodes verminder is deur die verrykte water. Die ekonomiese sy van besproeiingswater is ook bereken. Uit die produksiebegrotings maak waterkoste 19% uit van die totale besproeiingskoste/ha van R2374/ha vir 600mm water wat toegedien word. Onderhoud- en instandhoudingskostes is 18%, terwyl die kragrekening 63% uitmaak van die totale koste per hektaar. Dit word verder bereken dat die koste van besproeiing R3.96 per mm water toegedien is. Die besparing in kostes met vlakke van waterbesparing word in Tabel 3 opgesom. Tabel 3: Besparing in totale besproeiingskostes en krag by vlakke van waterbesparing Mm Water besproei Waterverbruiksdoeltreffendheid (kg Besproeiingskostes (R/ha) Besparing in totale kostes Besparing in krag (R/ha) opbrengs/mm water) (R/ha) Die besparing aan besproeiingswater om 'n opbrengsmikpunt van ton/ha te lewer wat deur verrykte besproeiingwatertoediening verkry kan word, kan 'n besparing in totale kostes per hektaar teweegbring. Die besparing is as gevolg van die verbeterde wortelontwikkeling van die plante wat verkry word, wat beter benutting van grondwater en voedingstowwe in die grond tot gevolg het. Die plant funksioneer meer effektief en hierdeur word waterverbruiksdoeltreffendheid verbeter. Die verhoogde benutting van voedingstowwe in die grondprofiel kan 'n laer bemestingsinset aandui, alhoewel dit in sekere gevalle slegs in die eerste seisoen toegepas sou word. Bemesting op aanvaarbare vlakke sal die moontlikheid van 'n hoër opbrengspotensiaal beter ondersteun en moontlike tekorte in voedingselemente voorkom. Dieselfde redenasie kan ook gevolg word deur die positiewe effekte op groei en opbrengs te benut om hoër opbrengste te behaal wat ekonomies meer waarde bied as die besparing aan kostes by 'n laer opbrengsvlak.