23 September OGGENDDIENS: Ds Piet. Gebed

Transcriptie

1 23 September 2018 OGGENDDIENS: Ds Piet Tema: Doen jou daaglikse werk met vreugde vir die Here. Ons het twee Sondae gelede geleer dat jy nie lewensvervulling vind deur dit in jou werk te soek nie. Ware lewensvervulling lê eerstens daarin dat ek as beeld van God leef en in Hom my vreugde vind. Die wonderlike genade van God kom egter ook na vore in die wyse waarop Hy, nadat Hy ons as beeld geskep het, aan ons n heerlike taak gee om die aarde te bewoon en te bewerk (Gen 1: 28). Natuurlik kan en moet my werk ook vir my vreugde gee, maar dan vanuit my beeldwees van God waarmee ek ook met my werk die Here se heerlikheid wil laat weerkaats. Of om die woorde van Efesiërs 6 te gebruik: Doen jou werk vir die Here! Wanneer ek my daaglikse werk vir die Here doen, gee Hy vir my groot vreugde daarin. Lofsang met die oog op die erediens Lied 188: 1, 2 en Lied 466: 1, 2, 3, 4 Ontmoetingsdiens Intreelied: Ps 95-1: 1; Votum; Seën; Loflied Ps 90-2: 1, 4, 6; Geloofsbelydenis: 12 Artikels van die Christelike geloof Verootmoedigingsdiens Wet: Eksodus 20; Sing Sb 9-1: 10, 11; Gebed Woorddiens Skriflesing: Genesis 1: en Gen 2: 8-15; Prediker 11: 1-10 Teks: Genesis 1: 28 en Prediker 11: 1 Sing: Ps 127-2: 1, 2 (tweede melodie); Woordverkondiging Antwoorddiens Gebed; Liefdegawes; Sing Ps 128-: 1, 4; Wegstuurseën; Amenlied: Sb AANDDIENS: Ds. Piet Tema: Kyk met liefde na die verlore wêreld en deel met hulle die Skat van die evangelie! Wanneer ons besef wat ons in God ontvang het om sy beelddraers te wees en ware lewensvervulling te kan geniet dan verander dit ons uitkyk op die wêreld! Wie die skat van die evangelie, Jesus Christus, ken en alles in ons vermoë doen om Hom te waardeer en te dien, kan ons nie anders as om diep bedroef te wees oor sovele mense wat nog nie hieraan kan deel nie! Ons moet die skat uitdeel! Ons moet leer om met ons Here Jesus se hart na die verlore mense te kyk en te besef dat Hy ons stuur om sy liefde aan hulle te bedien. Ek en jy is die antwoord op die 1

2 gebed na die arbeiders om die oes in te samel en dit met Jesus se liefde in ons hart. Lofsang met die oog op die erediens Sb 2 4: 1, 2; Sb 4 6: 1 Ontmoetingsdiens Intreelied Sb 10 1: 1, 2 (alternatiewe mel); Votum; Seën; Loflied Sb 18 1: 1, 2; Gebed Woorddiens Skriflesing: Matteus 9: 27 10: 15 Teks: Matteus 9: Sing Sb 9 4: 1, 4; Woordverkondiging Antwoorddiens Liefdegawes; Gebed vir BnB; Sing Ps 72 1: 6, 7, 10 (mel Ps. 65); Wegstuurseën; Sb MEELEWING Oom Grobbie Grobler (Groep ) sukkel steeds met sy gesondheid en die dokters sukkel om presies vas te stel wat hom makeer. Susan Oosthuizen (Groep ) is in MediKliniek opgeneem vir behandeling. Hulle vermoed sy het longontsteking. Jaco en Engela van Rooyen (Groep ) is tuis na hulle hospitalisasie en dit gaan goed met hulle. Rachel Vorster (Groep ) se dogter is in n gewapende roof aangerand. Ons bid dat die Here beterskap/bemoediging en troos sal gee. ONS VERWELKOM VIR Ds Koos en Wendy Mouton wat met attestaat vanaf GK Mooirivier by ons aansluit. Hulle woon in Walter Sisulustraat 361, Miederpark (Groep 18). Ons bede is dat hulle hier n geestelike tuiste sal vind en saam met ons die Here dien. ONS GROET Johan, Nicolene, Carmen en Wynand Lubbe wat gemeenskap met die GKSA opsê. Alwyn en Henna Beetge wat ook gemeenskap opsê. Deon en Tilla Havenga wat met attestaat na Krugersdorp vertrek het. Carien Dreyer het met attestaat na Centurion vertrek het. VOORBIDDING VIR LIDMATE WAT SUKKEL MET SIEKTE OF SWAK GESONDHEID Janet vd Walt, Isak vd Walt, Tjaart Snyman, Bert Floor, Jacoba v Rooy, Magdaleen Venter, Andy en Blossom Pretorius en Koos en Marlene Jooste. ONDERSTEUNING VIR SIEKES Vir ondersteuning of besoeke deur die hospitaalbesoeke-diensgroep, skakel hierdie week vir: siekes@oosdoppers.co.za of EmVolschenk ( ) en Elma Leijenaar ( ) PROGRAM VAN DIE WEEK Vandag 09:00 Gebedsgroep 09:30 Oggenddiens Geen Kleuterbediening Geen Katkisasie Tee en Koffie in die Skuur Geen Kooroefening 18:00 Aanddiens Maandag Openbare vakansiedag: Erfenisdag Dinsdag 06:00 Manne-Ondersteuningsgroep 18:00 Katkisasie gr 11 - ds Piet Woensdag 09:30 Bybelstudie 17:30 Katkisasie Gr 8 - Jaco Lemmer 17:30 Katkisasie Gr 10 - Herman Stavast 18:30 Gebed en Ondersteuning 2

3 19:00 Bybelstudie: Klipdrif Diensgroep verslae in Donderdag Kerkkantoor gesluit Vrydag Skole sluit 14:00 Kinderfees voorbereiding Saterdag 8:30 Kinderfees voorbereiding AFKONDIGINGS Liefdegawe vanoggend vir Barmhartigheid (Zapper betaal-metode beskikbaar) Gawe by die deure vanoggend vir die GKSA: Sustentasie. Gawes volgende Sondag vir die Diakonie. Vrywillige bydrae vir voertuigsekuriteit in die bussies by die deure. Diensbeurte: Groep 22 en 23. VERJAARSDAE Baie geluk aan almal wat DV hierdie week verjaar! Sondag, 23 September Sr Marianne Kruger Br Hanno v Schaik Maandag, 24 September Sr Gretha Joubert Br Willie Pieters Sr Carolina Sharpley Dinsdag, 25 September Sr Denise Sutherland Woensdag, 26 September Sr Elma Leijenaar (75) Donderdag, 27 September Sr Kitty Kruger (79) Sr Susan Opperman Vrydag, 28 September Sr Willemien du Plessis Sr Delene vd Walt (83) Saterdag, 29 September Sr Nadia de Klerk Jsr Caitlyn vd Walt Jbr Riaan v Zyl CANSA PROJEK Liewe Gemeente Ons loots weer van vandag af ons CANSA-projek vir 2018 tot einde Oktober. Elke gesin sal in die tyd n koevert kry waarin julle bydraes kan lewer. Vra gerus ook vir jou kollegas by die werk, familie en vriende. Kom ons poog om met hierdie projek die hele gesin te betrek. Dit is nou al n instelling by ons Oosdoppers om jaarliks n mooi bedrag in te samel vir CANSA en ons vertrou dat ons dit weer hierdie jaar sal doen. So dien ons ook ons gemeenskap. Wanneer julle bydraes gereed is, plaas asb die koevertjie in die kollektesakkie of in die kluis. Vir enige verder navrae praat gerus met Anelle Venter wat aan stuur staan van hierdie projek ( ). DANKBAARHEIDSFEES: 26 OKTOBER Liewe gemeente, kom vier weer saam met ons fees om ons dankbaarheid te bewys op Vrydag 26 Oktober Dis in die vorm van 'n skaapbraai! Almal word hartlik na die fees uit genooi! (Jul kan natuurlik geld, bykosse en 'n skapie skenk of dalk het jy 'n spitbraai vir ons om te leen.) Dit is noodsaaklik om die korrekte getalle te kry dus, skryf jou naam op om te verseker jy kry ook 'n lekker sappige stukkie gebraaide skaapvleis! Daar sal 'n vorm wees in die portaal! Kontak diaken: Riaan van der Walt ( ) ALMANAK 2019 Lidmate kan weer die Almanak vir 2019 bestel teen R84 elk. Skryf asb u naam op die lys in die voorportaal. Bestellings sluit 29 Oktober! 3

4 TYDSKRIFTE September se kerklike tydskrifte is in die kerkkantoor beskikbaar vir lidmate wat daarop ingeteken is. KERSSANGDIENS 2018 Die Kerssangaand op 25 November maak aanspraak op almal se gawes wat kan sing. Oefening: Sondae om 16:00 in ons kerk(nie vandag, maar wel weer Sondag, 30 September). Versprei asb die goeie nuus en ek sien julle vanmiddag. KENNISGEWINGBORD Eenslaapkamer woonstel te huur GK Die Bult: Kuierkombuis tydens Aardklop Frankfort Riviertoer 2018 vir hoërskoolkinders - 2 Des tot 6 Des Boeke te koop vir Cachet: Bouprojek BEROEPENUUS BEROEPE ONTVANG Dr JA Erasmus (Jannie) van Odendaalsrus na Lichtenburg. Ds MJ Lourens (Thys) van Vaalpark na Nelspruit as medeleraar. BEROEPE BEDANK Ds W Jobse (Wilhan) van Jeffreysbaai na Kemptonpark. Ds TMJ Moletsane (Jeremia) van Sanveld na Zamdela, Boipatong, Sharpeville en Sebokeng. Ds EJ van Jaarsveld (Janré) van Tsumeb na Durban-Noord. ANDER KERKLIKE NUUS Br Herman Stavast het die afgelope week sy Kandidaatsertifikaat van die Kuratore van die TSP ontvang en kan DV November aanmeld by Streeksinode Bosveld om ge-eksamineer en beroepbaar gestel te word. Baie geluk! Br Gerhard Janse van Rensburg is volgens Kerkorde art 9 deur Klassis Oos- Vrystaat beroepbaar gestel. Dr Wilhelm Leuschner van Geref Kerk Wapadrant het kragtens Kerkorde artikel 12 oorgegaan na ander staat van lewe om n onafhanklike kerk te begin. Die Gereformeerde Kerk Orania het gemeenskap met die GKSA opgesê. Hierdie gemeente moet nie verwar word met die Geref Kerk Oranjerivier (op Orania) wat steeds deel van die GKSA is nie. ALGEMENE INLIGTING WOW-HERWINNINGSPROJEK (WEN ONS WêRELD) Gebruik gerus ons herwinnings-hok. LIEFDEGAWES VIR BARMHARTIGHEID (DIAKONIE) ZAPPER Slegs bydraes vir Barmhartigheid (Diakonie) kan daarmee gemaak word - geen ander betalings aan die Diakonie of kerkraad nie SOSIALE MEDIA VIR ONS GEMEENTE Webblad: Facebook: Beeldmateriaal van preke kan hier gesien word: KONTAKBESONDERHEDE: PREDIKANT, HULPDIENS & KANTOOR Ds. Piet: / Hulpdiens: Ds. Pieter vd Walt Prof. Herrie v Rooy Kerkkantoor: Adele Kosterspaar: Johan Elsa

5 SUSTERS IN DIE GELOO F "Skuil Onder God se Vleuels" TEESKINKGELEENTHEID Baie dankie aan die groepsusters en hulle groepe se susters, broers en kinders wat met die skink en opwas help! Ons moedig susters en broers, selfs gesinne aan om met die skink en opwas te kom help so leer ons mekaar en ons nuwe groepe beter ken! Tee word vandag deur die volgende groeplede en hul groepsusters bedien: Riana Heystek en groep 7, Chanelle v As en groep 16, Susan Lourens en groep 29, asook Annarie Oelofse en groep 36. Volgende week skink Marlise Styger en groep 8, Ina Jordaan en groep 17, Marike Grobler en groep 30, asook Marie du Plessis en groep 37 se susters, tee. Baie dankie julle! BLIKKIES-WARMHARTE Die doel van die blikkies (wat jy in die voorportaal van die kerk kan kry) is dat almal hulle lastige kleingeld in n blikkie sal gooi en die vol blikkie dan in die voorportaal van die kerk sal neersit. Die geld word dan gebruik om blomme of iets toepaslik aan te koop vir iemand wat deur beproewing gaan. Baie dankie vir julle getroue bydra! POEDINGTAFEL: HUIS ANNA VILJOEN, 29 SEPTEMBER Ons herinner graag die dames wat help met poedings om dit vroegtydig by Corrie af te laai. Dankie vir almal wat bereid was om te help poedings maak en die dag by die verkoping te help!. DATUM DERDE KWARTAAL DAG TYD WIE WAT Sept-Okt - - Almal Cansaprojek 5

6 OEFENING Hebreërs 12:1... en laat ons die wedloop wat vir ons voorlê, met volharding hardloop Geestelike lesse help jou om in jou verhouding met God te groei. Gebed en bestudering van die Bybel gee jou krag, maar jy moet aanhou daarmee as jy wil geestelik sterk bly. Dit is net soos hardloop. Hoe meer jy hardloop, hoe beter kan jy uithou, maar as jy ophou oefen, verloor jy gou jou uithouvermoë. So werk dit ook met jou skoolwerk, as jy ophou leer, word jou punte al swakker. God het jou lief ongeag wat gebeur, maar as jy so naby moontlik aan Hom wil bly, moet jy nie ophou bid en meer van Hom leer nie. God sien uit daarna dat jy meer tyd saam met Hom deurbring, so hou aan oefen in gebed en Bybellees. Hardloop die geestelike wedloop voluit, totdat jy die wenpaal bereik! BAIE DANKIE AAN ONS BORG VAN DIE WEEK! 6