Studeer by Akademia. a kademia

Transcriptie

1 Grade, Diplomas en Hoër Sertifikate Studeer by Akademia a kademia 1 Inligting 1.1 Algemene inligting Suid-Afrika is n land met baie potensiaal en uitdagings. Dit is algemeen bekend dat ons land n reusetaak het om armoede en werkloosheid in alle gemeenskappe te verlig om sodoende n beter lewe vir almal te bied. Daar word gesê dat ekonomiese groei die oplossing vir hierdie probleme is. Hoewel dit waar is, is dit belangrik om te onthou dat n ekonomie slegs kan groei in die mate waartoe gekwalifiseerde en vaardige mense beskikbaar is vir daardie ekonomie. n Ekonomie sonder gekwalifiseerde en vaardige mense is soos n renbaan sonder deelnemers of n wa sonder osse. 1.2 Institusionele inligting Akademia, n inisiatief van die Solidariteit Beweging, is n privaat verskaffer van universiteitsvlak kwalifikasies wat so ontwerp is om mense gekwalifiseerd en aanstelbaar in n groeiende ekonomie te maak. Akademia is n privaat verskaffer wat geakkrediteerde universiteitsvlak kwalifikasies in Afrikaans aanbied. Die akkreditasiekomitee van die Raad op Hoër Onderwys is die liggaam wat alle universiteitsvlak kwalifikasies van openbare universiteite en privaat verskaffers in Suid-Afrika akkrediteer, wat dus beteken dat Akademia se kwalifikasies aan dieselfde standaarde as dié van universiteite gemeet is. 1.3 Onderrigmodel Akademia bied hoë gehalte kwalifikasies aan wat gefundeer is in sterk waardebeginsels. Al Akademia se aktiwiteite is op n Christelike waardestelsel gegrond. Akademia gebruik n verrykte onderrigleermodel wat ten doel het om studente meer suksesvol te maak. Dié model bestaan uit vier boustene: Studiemateriaal Akademia het studiemateriaal in Afrikaans ontwikkel wat formeel gepubliseer en elektronies in die openbare domein beskikbaar is. Die studiemateriaal vir die hoër sertifikate en diplomas bestaan uit volledige studiehandleidings terwyl die studiemateriaal van die graadprogramme bestaan uit handboeke (sommige in Engels) wat deur studente aangekoop moet word, ondersteun deur begeleidingsgidse in Afrikaans, wat deur Akademia ontwikkel is. n Lys van handboeke word aan elke student verskaf. Dit is die student se eie verantwoordelikheid om hierdie handboeke te bekom Bywoning van kontaksessies Die onderrigmodel van Akademia is sodanig dat daar verpligte kontaksessies op n gereelde grondslag plaasvind. Die doel van hierdie kontaksessies is om die student te begelei deur die leerinhoud om dit sodoende makliker te bemeester. Die kontaksessies word deur uitgesoekte vakkenners aangebied en regstreeks vanaf die Akademia-ateljee in Centurion na die elf studiesentrums landwyd uitgesaai. Omdat die kontaksessies ten volle interaktief is, het studente ook die geleentheid om tydens die kontaksessies met die betrokke dosent te praat en vrae te vra Bykomende hulpbronne Benewens die handboek en die begeleidingsgids wat vir elke vak voorsien word, asook interaktiewe skakeling met dosente tydens lesings, word die student ook op verskeie ander maniere tydens sy of haar studie begelei. Slegs nuut geregistreerde studente ontvang n tabletrekenaar. Akademia het ook n elektroniese biblioteek wat aan die student toegang tot n ryk bronneskat bied. Die Akademia Spens bied ook aan elke student n eie plek waar alle moontlike beskikbare inligting eie aan die student gepubliseer word. Studente sal dus hul punte, klasrooster en enige ander tersaaklike inligting op die Spens kan kry asook om met hul dosente te kommunikeer Studente-ondersteuning Hoewel daar van die student verwag word om onafhanklik te studeer, is begeleiding en ondersteuning tydens studie vir Akademia baie belangrik. Behalwe vir die interaktiewe kontaksessies met dosente, kan hulle ook telefonies en per e-pos bereik word binne vooraf ooreengekome spreekure. Akademia MSW (Maatskappyregistrasienr: 2005/024616/08) is voorwaardelik by die Departement van Hoër Onderwys en Opleiding tot 31 Desember 2017 as privaat hoëronderwysinstelling geregistreer ingevolge die Wet op Hoër Onderwys, 1997, Registrasienommer: 2011/HE08/005 Adres: Von Willichlaan 284, Centurion Posadres: Posbus 11760, Centurion, 0046 Direkteure: M.J. Visser (besturende direkteur), Dr. D.J. Hermann, H.J. Schalekamp, P.J. le Roux, Prof. J. van der Elst en P.W.A. Steyn. Akademia is deel van die Solidariteit Beweging

2 2 Finansiering Studente kan hul studies op die volgende maniere finansier: 2.1 Afslag by die betaling van die volle studiegeld Nuwe studente wat hul volle studiegeld voor/op 30 Januarie 2017 betaal en studente wat herregistreer en voor/op 16 Januarie 2017 betaal, kwalifiseer vir 10%-afslag op die volle bedrag. Let wel: Indien n student kwalifiseer vir meer as een afslag, geld slegs die hoogste. 2.2 Akademia-afbetalingsooreenkoms Studente kan n afbetalingsooreenkoms met Akademia sluit wat afbetaling soos volg reël: 1 / 3 van volle studiegeldbedrag betaalbaar teen 30 Januarie / 3 van volle studiegeldbedrag betaalbaar teen 28 Februarie / 3 van volle studiegeldbedrag betaalbaar teen 31 Maart Lenings Studente wat nie oor die nodige fondse beskik om by Akademia te studeer nie, kan aansoek doen vir lenings by derdepartydiensverskaffers wat deur Akademia gekeur is. Een hiervan is First National Bank (FNB), wat uitstekende studielenings bied. Skakel FNB by Rentevrye lenings Solidariteit Helpende Hand het n beperkte aantal rentevrye lenings wat aan studente toegestaan kan word. Helpende Hand se Studiefondssentrum help ook met rentevrye studielenings in enige studierigting. Vir inligting, skakel Mari-Lize Husselman by of stuur e-pos na mari-lize@helpendehand.co.za. Jy kan ook die webwerf besoek by 3 Studie by Akademia 3.1 Wat gebeur ná registrasie? Tydens oriëntering ontvang die studente die nodige rekenaarsagteware wat jy gaan gebruik tydens jou studies by Akademia. Die gebruik van die sagteware sal uitvoerig aan jou verduidelik word tydens die oriënteringsessie aan die begin van die akademiese jaar. 3.2 Wat is in my elektroniese studiepakket? Jou studiepakket sluit die volgende in: Lys van handboeke Begeleidingsgidse Belangrike datums Klasrooster. 3.3 Kontaksessies en tutoriale Elke student kry n programrooster soos per die Belangrike datums 2017-dokument wat aandui waar en wanneer hy of sy kontaksessies moet bywoon. Bywoning van kontaksessies is verpligtend en n noukeurige bywoningsregister sal bygehou word. Verskoning van afwesigheid van kontaksessies moet vooraf of binne 48 uur ná afloop van die betrokke kontaksessie deur die Akademia Spens gekommunikeer word. Slegs mediese sertifikate sal aanvaar word saam met n geldige verskoning. Enige ander verskoning sal aan die gepaste meriete daarvan onderwerp word. Tutoriale maak deel uit van die Akademia-onderrigportefeulje en word aangebied as n belangrike, verpligte, bykomende onderrigleeraktiwiteit. Dit is aanlyn onderrig wat vanuit die Spens bedryf word en is geïntegreer met al die onderrig- en assesseringsaktiwiteite waaraan die student moet deelneem. Deelname aan tutoriale is verpligtend en maak deel uit van die akademiese jaarrooster. Deelname aan tutoriale word ingereken wanneer die verpligte klasbywoning aan die einde van die jaar vir eksamentoelating bepaal word. Gedurende die tydsperiode toegeken aan die tutoriaal soos per die Belangrike datums 2017-dokument, word dit oopgestel op die Spens en word daar van studente verwag om aan te teken en deel te neem aan die onderrigleeraktiwiteite soos deur die betrokke tutoriaal aangedui word. Dit neem normaalweg die vorm aan van leerinhoude wat aanlyn bestudeer moet word waarop dan sekere antwoorde op vrae soos deur die dosent gestel, gegee moet word. Die aktiwiteite is selfverduidelikend en sal die nodige inligting verskaf om die student in staat te stel om daaraan deel te neem. Dit is n gewone klas wat in n ander formaat aangebied word. Die presiese werking van die tutoriaal sal tydens die studente-oriënteringsperiode aan die begin van die akademiese jaar verduidelik word. 3.4 Eksamentoelating en klasbywoning Klasbywoning is verpligtend vir eksamentoelating en dit gaan soos volg bereken word: Eerstejaars (10 kontaksessies) Toelating word gegee as jy 8/10 kontaksessies bywoon. Die student kan n maksimum van 4 geldige verskonings deurgee deur die loop van die jaar (oplaai op die Spens). Die student moet ten minste 6 van die kontaksessies bywoon (in die klas wees). Verskonings moet binne 48 uur ná klas wat nie bygewoon is nie, ingedien word op die Spens. Tweedejaars (7 kontaksessies + 3 tutoriale) Toelating word gegee as jy 8/10 kontaksessies/tutoriale bywoon. Die student kan n maksimum van 4 geldige verskonings deurgee deur die loop van die jaar (oplaai op die Spens). Die studente moet ten minste 5 van die kontaksessies bywoon. Verskonings moet binne 48 uur ná die klas wat nie bygewoon is nie, ingedien word op die Spens. Derdejaars (4 kontaksessies + 6 tutoriale) Geen afwesigheid van kontaksessies of tutoriale word aanvaar nie. Uitsonderlike gevalle moet aan Akademia gekommunikeer word. Die volgende kategorieë van verskonings sal as aanvaarbaar beskou word: Mediese rede: Doktersbrief van n geregistreerde mediese diensverskaffer (insluitend naasbestaandes) Werkverpligtinge: Brief van werkgewer op n maatskappybriefhoof Datums met verwysing na watter kontaksessies nie bygewoon is/gaan word nie. Familieverpligtinge: Sterftes/dood van geliefdes, met begrafnisbrief Troues: Kaartjie/Uitnodiging Dit is die student se verantwoordelikheid om die verskoning op die Spens aan te dui en die stawende dokumentasie op te laai. 3.5 Hoe word ek geassesseer? Die assessering geskied soos volg: Selfassessering Selfassessering geskied deur middel van selfassesseringsaktiwiteite in jou begeleidingsgids en handboek. Jou aantekeninge en antwoorde op die aktiwiteite sal toon oor watter kennis, vaardighede en houdings jy beskik. Geen punte word toegeken vir selfassessering nie Formatiewe assessering Formatiewe assessering geskied tydens die onderrig- en leerproses deur middel van verpligte werkopdragte en klastoetse. Jy sal die antwoorde op werkopdragte terug ontvang, en ook algemene terugvoering in n latere studiebrief (puntestate). Vir opsteltipe werkopdragte sal jy individuele terugvoering in elke werkopdrag self en ook algemene terugvoering in n latere studiebrief ontvang. 2

3 HET JY GEWEET? Gegradueerdes se kans om werk te kry, is 30% hoër as dié van leerlinge wat nie gematrikuleer het nie. Mense met diplomas se kans om werk te kry, is 20% tot 25% beter as matrikulante s n. a kademia Werkopdragte: Werkopdragte tel 20% van die finale punt. Daar is 3 (drie) werkopdragte. Elke werkopdrag tel 100 punte. Die beste 2 (twee) werkopdragpunte word vir die jaarpunt gebruik. NOTAS: (a) Werkopdragte mag slegs in.pdf-formaat ingedien word. (b) Enige kommentaar en/of vrae wat betrekking het op die werkopdrag se uitslag moet binne 48 uur ná ontvangs van die werkopdraguitslag met die betrokke dosent opgevolg word. (c) Werkopdragte is individuele werkopdragte en moet die werk van die student self wees. Identiese werkopdragte ontvang van verskillende studente word as plagiaat beskou. Klastoetse (word op tabletrekenaars afgelê): Klastoetse tel 20% van die finale punt. Daar is 3 (drie) toetse. Die beste 2 (twee) klastoetspunte word vir die jaarpunt gebruik. NOTAS: (a) Enige kommentaar en/of vrae wat betrekking het op die klastoets se uitslag moet binne 48 uur ná ontvangs van die klastoetsuitslae met die betrokke dosent opgevolg word. (b) Klastoetse word SLEGS by studiesentrums afgelê Summatiewe assessering Dit geskied deur middel van een skriftelike drie-uur eksamenvraestel aan die einde van die akademiese jaar. Eksamen: n Student moet n subminimum van 40% as jaarpunt hê om vir eksamentoelating te kwalifiseer. Sodra die finale uitslae bekend is, het jy 48 uur om aansoek te doen by die programbestuurder vir n hermerk van die antwoordstel. Eksamenvraestelle kan uit die volgende bestaan: - meerkeusevrae; - gevallestudies; en/of Eksamenvraestelle tel 100 punte. Studente word nie toegelaat om hul eksamenvraestelle te sien of met die dosent te bespreek nie. Hereksamen: n Student moet n minimum gemiddeld van tussen 45% en 49% as n finale punt hê met n subminimum van 40% in die eksamen om vir n hereksamen te kwalifiseer. Hereksamens word gemerk tot n totaal van 50% om te slaag. Die jaarpunt en/of die eksamenpunt word nie in ag geneem om die slaagpunt te bereken nie. Hereksamenvraestelle kan uit die volgende bestaan: - meerkeusevrae; - gevallestudies; en Hereksamenvraestelle tel 100 punte. Siekte-eksamen: n Student kwalifiseer slegs vir n siekte-eksamen nadat bewys gelewer is dat hy of sy siek was ten tye van die eindeksamen. Sodanige bewys moet vergesel wees van n geldige mediese sertifikaat en moet binne 48 uur ná die betrokke vraestel ingehandig word. Siekte-eksamenvraestelle kan uit die volgende bestaan: - gevallestudies; en/of Siekte-eksamenvraestelle tel 100 punte. Spesiale eksamen: n Student kwalifiseer vir n spesiale eksamen slegs wanneer die vak betrokke die enigste vak is wat uitstaande is om die kwalifikasie te voltooi. Die student moes reeds vir die vak geregistreer wees en moes n jaarpunt verwerf het. Spesiale eksamens word gemerk tot n totaal van 50% om te slaag. Die jaarpunt en/of die eksamenpunt word nie in ag geneem om die slaagpunt te bereken nie. Spesiale eksamenvraestelle kan uit die volgende bestaan: - meerkeusevrae; - gevallestudies; en/of Spesiale eksamenvraestelle tel 100 punte. Alle werkopdragte en toetse (formatiewe assessering) sal nagesien word en dra by tot die kumulatiewe jaarpunt. Die jaarpunt word bereken deur die gemiddeld van die 2 beste toetspunte te bereken en die gemiddeld van die 2 beste werkopdragpunte te bereken. Hierdie punte word verwerk tot n punt uit 40. Die finale eksamen (summatiewe assessering) tel uit 100 en die punt word verwerk tot n punt uit 60. Die totaal van formatief en summatief (100) bepaal die slaagpunt. Indien die subminimum van 40% (40 punte) in die eksamen egter nie behaal is nie beteken dit dat die vak gedruip word, ongeag of die jaarpunt en/of die finale punt 50% of meer is. Slaagpunt: n Student moet 50% finale punt behaal om n vak te slaag. 3.6 Hoe doen ek n werkopdrag? Elke werkopdrag het sy eie spesifieke doel en kan een van n verskeidenheid formate aanneem, na gelang van die oogmerk van die bepaalde werkopdrag. Die manier waarop die werkopdrag geformuleer is, sal vir jou n aanduiding gee wat van jou verwag word en hoe jy dit moet aanpak. Die werkopdrag het ook n spesifieke inhandigingsdatum waarby jy asseblief getrou moet hou. Ons verstaan die omstandighede waaronder jy studeer en dat dit nie altyd maklik is om heel jaar lank die verskeie sperdatums na te kom nie, maar werkopdragte is noodsaaklik om jou te help om die studiemateriaal deur te werk en te bemeester teen n voorafbepaalde tempo. Die terugvoering oor die werkopdragte sal ook help met voorbereiding vir toetse en eksamens. Dit sal ook verhinder dat jy probeer om net voor die toets of eksamen al die werk op een slag te bemeester. Die werkopdragpunt word ook gebruik om jou jaarpunt te bereken wat ook eksamentoelating bewerkstellig Sperdatums word deur die jaarprogram bepaal en word aangedui in die werkopdragdokument Geen uitstel word vir werkopdragte verleen nie Studente word gewaarsku teen plagiaat en die gevolge daarvan. Bestudeer die deel van hierdie studiebrief wat spesifiek oor plagiaat handel. Let daarop dat jy aan elke werkopdrag-antwoord n verklaring moet lewer waarin jy verklaar dat die antwoord jou eie werk is. 3

4 a kademia n Paar algemene wenke om werkopdragte aan te pak en te voltooi: Maak seker dat jy die werkopdrag verstaan. Lees dit aandagtig deur om seker te maak wat presies gevra word en wat die uitkoms van die werkopdrag behoort te wees. Gebruik al die beskikbare studiemateriaal wat op die werkopdrag betrekking het en identifiseer die gedeeltes wat direk van toepassing is. Kyk of daar moontlik bykomende bronne is wat nuttig en bruikbaar vir die werkopdrag kan wees. Organiseer al die inligting in n struktuur sodat dit logies gebruik kan word om die werkopdrag te voltooi. Stel n voorlopige inhoudsopgawe van die werkopdrag saam. Dit sal waarskynlik verander soos wat daar vordering met die opdrag is, maar dit help om jou denke en werk te struktureer. Dit sal ook opskrifte en subopskrifte gee wat as riglyne dien van watter inligting op watter plek in die werkopdrag gebruik moet word. Skryf n samevatting aan die einde wat al die sleutelfeite van die opdrag bevat. Werkopdragte vir n hoëronderwyskwalifikasie verskil van dié wat op skool gedoen is. Daar sal basiese riglyne ten opsigte van verwysingstegnieke tydens die oriënteringsessie aan jou verskaf word. Akademia maak gebruik van die Harvard-verwysingsmetode. n Dokument wat hierdie metodes breedvoerig verduidelik, word op die onderrig-ondersteuningstelsel (Akademia BoekeSpens) beskikbaar gestel. Die aantal en kwaliteit van bronne wat gebruik word, is belangrik. Werkopdragte vereis dat die student n behoorlike agtergrond oor n sekere tema vorm. Maak seker dat jy voldoende naleeswerk doen voordat jy met die werkopdrag begin. Dit is baie maklik vir n dosent om te sien as n student nie behoorlik vir n werkopdrag voorberei het nie. Werkopdragte waar teorie bloot uit die handboek of ander bron oorgeskryf is, sal geen punte verdien nie. Studente moet van behoorlike bron- en teksverwysings in die werkopdrag gebruik maak. n Dokument wat plagiaat breedvoerig verduidelik, word op die Akademia BoekeSpens beskikbaar gestel. 3.7 Hoe beplan ek vir die toetse en eksamen? Dit is so dat toetse en eksamens deur die meeste mense beskou en ervaar word as n gebeurtenis wat met stres gepaard gaan. Dit is hoofsaaklik as gevolg daarvan dat nie almal altyd reg voorberei is om n toets of n eksamen te skryf nie. As die toetsreeks of eksamentyd wat voorlê reg beplan en bestuur word en die nodige voorbereiding daarvoor getref word, is dit eintlik maar net n deel van die deurlopende studietydperk wat dit voorafgegaan het. Dié wenke kan dalk help om die stres minder te maak: Voor die toets of eksamen: Probeer om gesond te eet voor die eksamentyd en ook gedurende die eksamen. Slaap genoeg en oefen gereeld. Beplan gereelde studiesessies n geruime tyd voor die eksamen. Werk vir ongeveer 40 tot 45 minute op n keer. Beplan só dat jy ewe veel tyd aan elke vak bestee. Laat egter meer tyd toe vir die vakke wat jy as moeilik beskou. Toets jouself gereeld om te sien of jy wel iets geleer het. Maak seker dat jy weet hoe die vraestel gaan verloop sodat jy reg voorberei en nie verras word wanneer jy die vraestel kry nie. Maak seker dat jy jou eksamenrooster goed verstaan en ken en dat jy weet presies waar die eksamen geskryf gaan word Die eksamen self: Wees betyds en neem jou identiteitsdokument, studentekaart en eksamentoelatingsbrief saam na die lokaal. Moenie met ander studente oor die vraestel en/of die werk gesels nie. Indien jy onseker is oor enigiets, vra die toesighouer. Lees eers die hele vraestel deur. Dit gee jou verstand die geleentheid om solank aan ander goed te werk terwyl jy skryf. Kyk na die puntewaarde van elke vraag en bestee jou tyd proporsioneel. Moenie te veel tyd aan n vraag bestee wat min punte tel nie, anders het jy dalk nie genoeg tyd vir langer vrae wat meer punte tel nie. As jy aan iets relevants dink terwyl jy skryf, maak n kantaantekening êrens op jou antwoordboek. As daar meerkeusevrae is, doen dit eerste. Dit prikkel ander denkprosesse wat jou kan help om die langer vrae te beantwoord. Doen die vrae wat vir jou maklik is, eerste. As jy sukkel met n antwoord, los dit en gaan na n volgende vraag. Kyk dan later weer na die vrae waarmee jy gesukkel het, miskien het jy intussen n oplossing bewerkstellig. 4 Kommunikasie Akademia onderneem om n nuut geregistreerde student van n tabletrekenaar te voorsien vir die uitsluitlike gebruik van die student se studies en aflegging van elektroniese assessering. Elektroniese kommunikasie deur Akademia aan die student (wat insluit maar nie beperk is nie tot e-pos, SMS en andere) is bindend en afdwingbaar ten opsigte van die student. Die student is verantwoordelik vir die oplaai van assesserings- en ander dokumente in die korrekte formaat, binne gespesifiseerde sperdatums en onder die korrekte hoofde op die leerbestuurstelsel (Spens). Akademia is nie aanspreeklik vir enige foutiewe of laat oplaai van toepaslike dokumente deur die student nie. Die student is verantwoordelik om op die aanlyn aansoek n betroubare e-posadres te verskaf, indien daar enige probleme ervaar word moet dit onmiddelik aan die Administratiewe departement gekommunikeer word. 4.1 Die Spens Op die Spens kry jy die volgende of kan jy die volgende doen: Aflaai en oplaai van werkopdragte en studiemateriaal Aanlynklastoetse en -memorandums Klasnotas (ppt/pdf/word/excel) en klasvideo s (wmv/avi/flv) Prosedures (soos hoe om n werkopdrag op te laai of aanlyn toets te skryf) Punte met terugvoer (klastoetse, werkopdragte, eksamens) Dosente-inligting (kontaknommer, e-posadres, kantoorure) Besprekingsforum (sosiaal en formeel) Inligting (kalender, jaarbeplanner, studiewenke, werkopdragvoorbeelde, belangrike vrae en antwoorde, tydlyn, tydsbestuur, verwysingsmetodes) Akademia BoekeSpens Voorbeelde (aanlynklastoets, werkopdrag, forum) Kontakbesonderhede van sentrumbestuurders Hulptoonbank (kontaknommer, e-posadres). 4.2 Elektroniese kommunikasie Behalwe kommunikasie deur middel van e-pos en/of die Spens, gaan jy ook sekere tye deur jou akademiese jaar briewe ontvang. Hierdie briewe word in die volgende kategorieë ingedeel: Studiebriewe (Puntestate) Hierdie briewe bevat inligting wat verband hou met die vak en die program waarvoor jy geregistreer het. Dit bevat inligting met betrekking tot klasse, werkopdragte, eksamens, toetse, bykomende studiemateriaal of -bronne, en so meer. 4

5 Die afskaling en afskaffing van Afrikaans by staatsuniversiteite beteken dat Afrikaans nou in die hande van die gemeenskap is. Afrikaanse hoër onderwys het daarom n blink toekoms. ~ PIET LE ROUX, AKADEMIESE HOOF VAN AKADEMIA ~ Inligtingsbriewe Algemene inligting met betrekking tot jou studies, administratiewe reëlings, veranderinge in aktiwiteite, en so meer, sal deur middel van hierdie briefreeks aan jou verskaf word Nuusbriewe Interessante nuus en inligting wat goed en/of lekker is om te weet, sal deur hierdie briewe gestuur word. Dit sal inligting van algemene belang wees en hoef nie noodwendig direk met jou studies verband te hou nie. 5 Studiebeplanning Lees al die studiebriewe. Skeduleer al die werk wat moet gedoen word. Werk n studieplan uit: weekliks, maandeliks en vir die jaar. Registreer by die Spens vir persoonlike toegang tot ons webtuiste. Bly voortdurend in verbinding met jou dosente vir hulp en ondersteuning. Akademia aanvaar geen verantwoordelikheid vir die versuim van die student om by die datums en spertye te hou nie. Dit is die student se verantwoordelikheid om behoorlike beplanning te doen rondom die datums en spertye soos deur Akademia bepaal. Akademia behou die reg voor om wysigings tot die jaarplan te doen mits die omstandighede dit vereis. Die volume werk wat in n jaar baasgeraak moet word, mag oorweldigend voorkom. Die belangrikste reël vir enige student wat sukses wil behaal, is om so gereeld as moontlik tyd aan sy of haar studies te spandeer. Dit is nie moontlik om elke bladsy in die handboek tydens n kontaksessie te behandel nie. Klasvoorbereiding is dus van kardinale belang vir enige student wat suksesvol wil wees. Die volgende kan gedoen word om doeltreffend vir klasse voor te berei: Lees die hoofstuk in die handboek wat behandel gaan word, deur. Werk deur die Powerpoint-skyfies wat vooraf beskikbaar gestel word. Probeer enige oefeninge in die handboek of begeleidingsgids af te handel voordat die klas begin. Sodoende sal dit vir jou moontlik wees om probleemareas te identifiseer. Jy kan selfs jou vrae vroegtydig aan die dosent stuur. 6 Studiesentrums Aangesien klasbywoning en interaksie met dosente verpligtend is, kies studente n spesifieke studiesentrum. Die ligging van die studiesentrums word bepaal deur die verspreiding van studenteregistrasies en kan van jaar tot jaar verskil. Akademia poog om n studiesentrum binne bereik van die meeste studente te plaas. Die lys van studiesentrums is op die Akademia-webtuiste beskikbaar. 7 Inligting en die gebruik daarvan In hoër onderwys is die potensiaal daar om inligting te misbruik. Die misbruik van inligting word deur wetgewing verbied en is n vervolgbare oortreding. Om die student te beskerm, het ons n paar riglyne opgestel vir onder meer werkopdragte. 7.1 Intellektuele eiendom n Algemene term vir ontasbare eiendomsreg wat die gevolg is van intellektuele moeite of inspanning. Patente, handelsmerke, ontwerpe en kopiereg is hoofsaaklik intellektuele eiendom. Alles wat n mens in sy of haar privaat hoedanigheid dink en doen en wat as n uitkoms die een of ander publikasie, idee, ontwerp of produk het, is intellektuele eiendom. Dit word deur regsprosesse beheer en help die eienaar daarvan om eksklusiwiteit te beskerm. 7.2 Kopiereg Die reg voorbehou deur die oorspronklike skrywer/digter/komponis/ontwerper om die reproduksie en of uitsending/verspreiding van intellektuele eiendom te beheer. Vasgestel deur die Berne Konvensie Berne Convention for the Protection of Literary and Artistic Works Geteken in 1883 deur 11 lande en hersien in 1900 in Brussel, België. Daar is tans 173 kontraktueel verbonde lede. Wat word beskerm? Outeursreg op vertalings; eksklusiewe reg op reproduksie van en veranderings aan werk; toestemming vir openbare optrede of uitsending; en die voordrag van werk. 7.3 Plagiaat Plagiaat is die gebruik van iemand anders se werk deur voor te gee asof dit jou eie, oorspronklike werk is. Dit is die oorneem en aanbied van iemand anders se woorde en/of idees asof dit joune is. Die reproduksie van iemand anders se woorde, idees of bevindinge en die aanbied daarvan as joune sonder die nodige erkenning. Plagiaat kan die direkte, woord vir woord kopiëring óf diefstal van die kern van die idee of die werk van iemand anders wees. Plagiaat geld vir intellektuele diefstal uit alle bronne, insluitend die internet. 7.4 Parafrasering Parafrase die weergawe of vertolking van iemand anders se woorde in jou eie woorde. (Harvard-verwysingsmetode) Wanneer jy parafraseer, onthou die volgende: Jy formuleer dit wat iemand anders geskryf het bloot in jou eie woorde. Vermy dieselfde sinstruktuur as die oorspronklike skrywer. Wanneer meer as DRIE woorde opeenvolgend van die oorspronklike skrywer gebruik word, moet aanhalingstekens gebruik word. As jy n spesifieke konsep van die oorspronklike skrywer gebruik, moet aanhalingstekens gebruik word. Die meerderheid van inligting wat van bronne gekry word, moet geparafraseer word. Probeer om die meeste direkte aanhalings te parafraseer. Die leser moet weet dat die parafrase se inhoud van iemand anders kom. n Belangrike vaardigheid van n suksesvolle student, is om n groot aantal bronne te raadpleeg en die inligting op n kritiese wyse te kombineer. Die gebruik van teksverwysings is daarom baie belangrik en die gebrek daaraan is n vorm van plagiaat. 8 Gedragskode vir studente 8.1 Akademia-waardes Akademia is n geregistreerde privaat verskaffer van universiteitsvlak kwalifikasies wat daarop ingestel is om studente die geleentheid te bied om hul naskoolse studies in Afrikaans voort te sit. Enige hoëronderwysinstelling se vakonderrig is gegrond op n voorafbepaalde norme- en waardestelsel wat die grondslag is vir onderrig, leer en die gepaardgaande studente-interaksie. Al Akademia se aktiwiteite is op n Christelike waardestelsel gegrond. Samesyn en samewerking vra vanselfsprekend dat die basiese grondslag van wedersydse respek en ordentlikheid in die omgang met medestudente en dosente ten alle tye gehandhaaf sal word. Dit is egter so dat orde as n kenmerk van beskaafde samelewingsverbande die kern vorm van gesonde verhoudings. Om orde te laat geskied of om dit te kan handhaaf, is dit nodig dat sekere reëls ingestel moet word. Reëls help ook om die instelling en die individue wat deel uitmaak van die instelling, te beskerm. Dit is ook die plig van die instelling om n ordelike leerklimaat te skep waarbinne die deelnemers aan die aktiwiteite van die instelling suksesvol kan presteer en akademies kan ontwikkel. 5

6 Ekonomiese vryheid begin by onderwys en opleiding, nie net wanneer jy op skool is nie, maar ná skool tydens jou loopbaan ook. Lewenslange leer is een van die belangrikste doelwitte wat ons moet nastreef om werklik vry, veilig en voorspoedig te wees. ~ FLIP BUYS, VOORSITTER VAN DIE SOLIDARITEIT BEWEGING ~ Studente word versoek om aandag aan die volgende reëls te skenk en dit na te kom. Die reëls is nie ingestel om die studie-aktiwiteite van studente enigsins te inhibeer of te beperk nie, maar om riglyne vir algemeen beskaafde en ordelike gedrag daar te stel en om die instelling en die individu te beskerm teen onaanvaarbare en onbeskaafde gedrag. 8.2 Algemene studentereëls Alle studente is onderhewig aan die dissiplinêre reëls van Akademia. Studente sal: ten alle tye hulself met die nodige betaamlikheid en fatsoenlikheid gedra op n wyse wat gepas is vir n Akademia-student; opdragte gegee deur die personeel van Akademia getrou nakom; selfoonetiket nakom tydens klasbywoning en die skryf van toetse en eksamens; veiligheidsmaatreëls by die verskeie studiesentrums gehoorsaam; en studentekaarte toon wanneer verlang word (kontaksessies en eksamens). Studente sal nie: vuurwapens (insluitend windbukse en windpistole) of ander gevaarlike wapens na die studiesentrum(s) bring nie; deelneem aan kwaadwillige saakbeskadiging nie; kopieë maak van Akademia-studiemateriaal en dit sonder die toestemming van die akademiese hoof versprei nie; of betrokke wees by onwettige of oneerlike aktiwiteite of vervalsing van handtekeninge en/of dokumente nie. Dié aktiwiteite is n kriminele oortreding en sal deur die nodige regsprosesse hanteer word. Oriëntering of inisiasie is verbode by Akademia. Studente moet ten alle tye hul studentekaarte sigbaar ten toon stel wanneer die studiesentrum besoek word. Enige student of persoon wat n studiesentrum besoek, mag deursoek word indien daar enige agterdog is dat sodanige student of persoon in besit is van onwettige dwelmmiddels, vuurwapens of eiendom wat aan die studiesentrum of enigiemand anders behoort. Toepaslike regstappe mag geneem word voortspruitend uit sodanige oortredinge. Akademia aanvaar geen verantwoordelikheid nie vir die verlies, diefstal of beskadiging van enige eiendom voortspruitend uit die bywoning van die instelling of die studiesentrum, hoe sodanige verlies ook al plaasgevind het. Wanneer enige ekskursie in die naam van Akademia onderneem word, moet toestemming daarvoor by die Registrateur verkry word. n Student wat aan n aansteeklike siekte gely het of wat daaraan blootgestel was, moet n mediese sertifikaat aan die Registrateur verskaf as bewys dat sodanige siekte nie meer aansteeklik is nie en dat klasbywoning weer mag plaasvind sonder die gevaar dat die siekte oordraagbaar is. Enige persoon of liggaam wat n meningspeiling onder studente wil onderneem, moet die nodige toestemming daarvoor by die bestuur van Akademia kry. 8.3 Dissiplinêre reëls vir studente Wangedrag Studente sal hulleself skuldig maak aan wangedrag wanneer hul willens en wetens of deur nalatigheid die volgende doen: Gedrag openbaar wat die naam van Akademia skade berokken, goeie dissipline en orde ondermyn of die werk van Akademia benadeel. Weier om hulle aan die gesag van die bestuur en personeel van Akademia te onderwerp. Weier om geldige opdragte soos gegee deur akademiese of administratiewe personeellede uit te voer. In gebreke bly om klasse by te woon, werkopdragte te voltooi, klastoetse te skryf of ander studieverwante take uit te voer. Slordige of onvanpaste klere tydens klasse dra. Medestudente aanmoedig om enige van bogenoemde oortredinge te pleeg of om studente wat sodanige oortredinge beplan nie te waarsku of af te raai nie. Eksamens: Die volgende in die eksamen- of toetslokaal in te neem of in besit te hê: Enige boek, aantekeninge, papier of dokumente behalwe sodanige boeke en dokumente wat deur die eksamentoesighouer verskaf is. Hulp te verleen of poog om hulp te verleen aan enige ander kandidaat of hulp te verkry of poog om hulp te verkry van enige kandidaat tydens die toets of eksamen en/of om met enige ander kandidaat tydens die toets of eksamen te kommunikeer. Na te laat om selfone af te skakel en in veilige bewaring te plaas. Betrokke wees by onwettige of oneerlike aktiwiteite of vervalsing van handtekeninge en/of dokumente wat op die toets of eksamen betrekking het. Die oortreding van enige institusionele reël nie hier vermeld nie Dissiplinêre prosedures Indien enige personeellid inligting ontvang wat enigsins dui op wangedrag deur ( n) student(e), moet sodanige inligting aan die Registrateur verskaf word. Die Registrateur sal sodanige beweerde wangedrag ondersoek en toepaslike bewysstukke voorlê aan die voorsitter van die dissiplinêre komitee vir verdere hantering en aksie. Die Registrateur het die jurisdiksie om sekere oortredings te hanteer. Die dissiplinêre komitee sal die beweerde wangedrag ondersoek en mag mondelinge en skriftelike betoë aanhoor vir oorweging en sanksie. Voordat n student skuldig bevind word aan wangedrag, sal die dissiplinêre komitee die aanklag en die feitelike bewyse aan die student voorlê en aan die student die geleentheid bied om hom- of haarself teen die aanklag te verdedig. Die dissiplinêre komitee mag, in die geval van n skuldigbevinding, enige toepaslike straf of boete oplê soos voorsiening gemaak is in hierdie reëls en ooreenstemmende beleidstukke. Wanneer n straf of boete opgelê word, sal die student skriftelik daarvan in kennis gestel word. Sodanige sanksie sal slegs toegepas word ná goedkeuring daarvan deur die Akademiese Raad. 9 Kansellasie van studies Indien jy sou besluit om jou studies gedurende die jaar te kanselleer, moet jy die Administratiewe Departement in kennis stel. Let wel, Akademia se Kanselleringsbeleid is van toepassing. Kansellasies is onderhewig aan bepalings en voorwaardes. 10 Versoeke vir dokumentasie Daar moet in ag geneem word dat enige versoeke om amptelike dokumentasie van Akademia onderworpe is aan n redelike wagtyd van vyf werkdae. 6

7 Akademia-kontakbesonderhede Hoofkampusadres Von Willichstraat 284, Die Hoewes, Centurion. Posadres: Posbus 11760, Centurion, Algemene navrae Tel: E-pos: a kademia Administratiewe navrae Tel: Administratiewe programnavrae E-posadres BCom Bestuursrekeningkunde BCom Ekonomie en Regte BCom Finansiële Beplanning BCom Ondernemingsbestuur Gevorderde Diploma in Projekbestuur Diploma in Bemarking Diploma in Kleinsakebestuur en Entrepreneurskap Hoër Sertifikaat in Kantooradministrasie Hoër Sertifikaat in Rekeningkunde Akademiese navrae Tel: E-pos: Finansiële navrae Fakture, state Tel: E-pos: Tegnologie Tel: E-pos: