Kempton-Kruin Kinderbediening

Transcriptie

1 Kempton-Kruin Kinderbediening Definisie Kinderbediening in NG Kempton-Kruin, gaan oor die bediening van ŉ kind tot en met die ouderdom van 13 jaar. Ons roeping is om die kind tot volle dissipelskap in Jesus Christus te lei. Gemeente Visie/Missie en Waardes Visie: Voluit vir die Koninkryk Ons gemeente se visie is: Voluit vir die koninkryk Hierdie roeping vat saam wat ons in Luk 10:9 lees Gaan sê vir die mense: Vir julle is die koninkryk van die hemel baie naby!. Die boodskap van die koninkryk was die hart van Jesus se boodskap. Wat beteken dit vir ons, vandag? Dit beteken: 1. Dat ons God in alles sal verheerlik. 2. Dat ons voluit vir die Here op elke terrein van ons lewe sal lewe. 3. Dat ons sy koninkryk deur getuienis en gebed sal uitbrei. 4. Om mekaar op ons reis te help. 5. Dat ons aan mense in nood diens sal lewer. Dit is `n samevatting van ons liefde vir God en mekaar. Dit vat die groot gebod en die groot opdrag saam in een visie. In die lig van ons visie gaan elke bediening sy doelwitte vir 2015 belyn met die volgende doelwitte wat ooreenstem met ons visie: 1. Om God groot te maak (Aanbidding) 2. Om saam te lewe voor sy aangesig (Dissipelskap) 3. Om die evangelie uit te dra (Evangeliseer) 4. Om gemeenskap van die heiliges te ervaar; en (Gemeenskap) 5. Om diens te lewer aan mense in nood. (Omgee) My taak as lidmaat: 1. Om my lewe op God te rig (Mat 6:33) (Aanbidding) 2. Om in geloof voor God se aangesig te lewe (Dissipelskap) 3. Om mense in te bring as deel van God se familie (Evangelisasie) 4. Om uit te reik na mense in nood op alle vlakke (Omgee) 5. Om saam op reis te gaan as medegelowiges (Gemeenskap) Kempton-Kruin Kinderbediening Bladsy 1

2 Belyning van die bedieninge van die gemeente: As Godgestuurde gemeente is ons roeping om nuwe mense in te bring in God se koninkryk en kerk om hulle lief te hê, toe te rus en uit te stuur in Sy naam. Dit is `n voortdurende proses wat nooit ophou nie en die einddoel bly altyd: die eer van God alleen. Missie: Huise wat Jesus volg onder leiding van Sy Gees, deur: God te aanbid Saam te kom Te leer by Jesus Te vertel van Jesus Om te gee. Waardes van Gemeente: Opregtheid Samehorigheid Vrymoedigheid Gasvryheid Kinder en-gesinsbediening Visie Jesus Kinders Hierdie visie vertel van ons verbintenis aan Jesus en dat ons by die Kinderbediening kinders wil toerus om: te glo dat hulle Jesus se kinders is waarlik as dissipels van Jesus te lewe Jesus te aanbid as ons Verlosser en enigste Here dit te geniet om n kind van Jesus te wees te weet dat Jesus se kinders saam deel van God se familie is meer en meer lief vir Jesus te wees soos Jesus n hart te hê vir die nood van die wêreld Kinder en-gesinsbediening Missie Godgesentreerd God is die middelpunt van alles wat ons beplan by die Kinderbediening en ons wil ons kinders ook leer om God as middelpunt in hulle lewe te plaas. Vir God, deur God, saam met God. Anker God se woord is ons norm. God se Woord staan sentraal in Kinderbediening. By die Kinderbediening, wil ons kinders van die Bybel leer sodat hulle God se wil vir hulle Kempton-Kruin Kinderbediening Bladsy 2

3 lewe kan verstaan en uitleef. (Joh15:7, Ps1:1-3). Ons leer kinders van die Bybel op ŉ kreatiewe manier, relevant tot hul ontwikkelingsvlak. Verhouding met God Ons wil kinders aanmoedig om in ŉ verhouding met die Grote God te staan. Kinders word geleer om deur middel van gebed, hierdie God as pa en vriend te leer ken (1Tess 5:23). Verhouding met ander Ons wil kinders aanmoedig om in ŉ verhouding met ander gelowiges te staan, om sodoende mekaar gereeld aan te moedig en op te bou. Kinders word geleer dat dit belangrik is om ook ŉ goeie verhouding met ongelowiges te hê. Dit bied geleentheid vir getuienis. Werêldgefokus Ons doel met die Kinderbediening, is om Jesus se laaste opdrag aan ons te laat verwesenlik (Matt28:19). Die doel is uiteindelik om kinders van God te leer sodat hulle eendag vir die wêreld kan vertel van God se goedheid. Daarom organiseer ons reeds in hierdie fase (0-13 jaar) uitreike. Kinders kom dan in die gewoonte om uit te reik. Go local, think global. Ideale (Waardes) vir Kinderwerkers Godgesentreerd Kinderwerkers plaas God as middelpunt in alles wat hulle aanpak. God is die begin en die einde. Anker Ons verwag van Kinderwerkers dat hulle die Woord van God ook moet leer ken en God se wil vir hulle daarin moet gaan soek. Daaglikse Bybelstudie/eredienste/ toerustingsgeleenthede moet deel van hulle persoonlike lewenswees. Voorbereiding vir lesse en die aanbieding daarvan begin by die bestudering van God se Woord. Verhouding met God Die aard en kwaliteit van die Kinderbediening lê daarin dat elke Kinderwerker ŉ persoonlike verhouding met die Here het. Ons werk op die beginsel dat daar eers met God oor kinders gepraat moet word, voordat daar met kinders oor God gepraat gaan word. Verhouding met ander Dis ook vir ons belangrik dat daar goeie verhoudings tussen mede-kinderwerkers moet wees. Die Kinderwerkers vorm ŉ span en is nie net individue wat kinders van God wil leer nie. Ons moedig ook ons kinderwerkers aan dat ons mekaar moet opbou, ondersteun en aanmoedig. Wêreldgefokus Elke kinderwerker se doel moet ook wees om wêreldgefokus te wees en te lewe. Uireik is hoog op ons prioriteitslys. Hier neem elke kleingroepleier en sy/haar klas dan eienaarskap van een van ons gemeente se sendelinge. Kempton-Kruin Kinderbediening Bladsy 3

4 Ons Bedien Kinders op hulle Ontwikkelingsvlak Aangesien ons met kinders werk, is dit vir ons belangrik om die huis te begin bou by die fondasie en nie by die dak nie. Wanneer ons die Woord bedien, neem ons die kind se spesifieke ouderdom en ontwikkelingsfase in ag. Ons bedien kinders by die volgende bedieningspunte: Babas (Besige Bytjies) By die Bababediening word babas (6 maande tot 2 jaar) sensories gestimuleer terwyl hulle blootgestel word aan eenvoudige begrippe soos byvoorbeeld dat God vir my lief is. Peuters (Dapper Muise) Bediening van die 2-3jarige kind. Die kern van die Peuterbediening, is om Jesus deur middel van eenvoudige boodskappe, Bybelverhale en sintuiglike bewuswording te leer ken. Kleuters (Kaalvoet Kleuters) Bediening van die 4-6 jarige kind. Kleuters word blootgestel aan Bybelse waarhede, Bybelverhale en Bybelverse. Deur middel van n kreatiewe kleingroepaktiwiteit, word hierdie waarhede prakties geïllustreer. Vanaf die kleuterfase kry kinders die geleentheid om hul hartjies vir Jesus te gee. Junior Kind (Tekkie Kinders) Bediening van die kind in Graad 1-3. Hier leer elke kind om n Bybelverhaal aan n konkrete boodskap vir sy lewe te koppel. Dit is die beste jare vir n kind om n kind tot die aanvaarding van die verlossing te begelei en die meeste kinders kom inderdaad in hierdie jare tot bekering. Senior Kind (Veters Kinders) Bediening van die kind in Graad 4-6. Tydens hierdie fase begelei Kinderwerkers ons kinders om te begin abstrak dink oor geloofsake uit die Woord. Kinderwerkers tree op as geestelike rolmodelle vir kinders. Graad 7 (Super 7 s) Bediening aan Graad 7 kinders geskied met die oog op die splinternuwe wêreld van die Hoërskool wat hulle binnekort betree. Kinderwerkers fokus op dissipelskap en wat dit beteken om n volgeling van Jesus te wees in n wêreld wat Jesus nodig het. Die Graad 7 s ondergaan ŉ dissipelskap-kursus in die jaar. Kempton-Kruin Kinderbediening Bladsy 4

5 By elkeen van hierdie bedieningspunte in die Kinderkerk volg ŉ doelgerigte vasgestelde program. ŉ Roetine-program word weekliks gevolg wat kinders veilig laat voel binne die omgewing van die Kinderkerk. Kinderkerk Ontmoetings op Sondae Ons maak gebruik van die Paidion-model. Paidion is die Griekse woord vir Kind. ŉ Kinderkerk ontmoeting op ŉ Sondag sal tipies soos volg daaruitsien: 08:00 Registrasie Met die aankoms van kinders by elkeen se afsonderlike bedieningspunte, meld elke kind by sy kleingroepleier aan. Kinders word elke Sondag afsonderlik geregistreer en ontvang ŉ ID-kaart wat weer na die tyd ingeneem word. Ouers ontvang ŉ ooreenstemmende kaart met ŉ unieke nommer vir identifikasiedoeleindes. 08:00 Vryspel en sosialisering Deur saam te speel met spesifiek uitgesoekte speelgoed, kry kleingroepleiers en kinders die geleentheid om mekaar beter te leer ken en ŉ verhouding met mekaar te bou. Hier kan kinders net n bietjie kind wees! 08:15 Grootgroepbelewenis n Volledige erediens word by elke bedieningspunt van die Kinderbediening aangebied. Dit behels: n Verwelkomingsgeleentheid waar kinders praat oor hulle belewenisse. Verjaardagmaatjies word ook hier gelukgewens. Die lofprysing en aanbidding by die Kinderkerk word op die ontwikkelingsvlak van die kind gedoen, wat gevolg word deur aktuele prediking. 09:00 Kleingroepbelewenis Die fokus in die kleingroepe is die vaslegging van dieselfde boodskap van die grootgroep en sodat ons kinders huis toe kan gaan met een kerngedagte. Dit word gedoen met kreatiewe aktiwiteite en groepsgesprekke. n Sterk verhouding word hier met kinders gebou en die doel van elke kleingroepbelewenis is om elke kind tot geloofsekerheid te lei... 09:25 Afsluiting (09:30 is alles klaar) Vind plaas deurmiddel van gebed en ŉ aksie-inisiatief vir die week. Ouers haal self hul kinders by die Kleingroepleiers af deur die ooreenstemmende kaart met ŉ unieke nommer as identifikasie in te dien by die Kleingroepleier. Kempton-Kruin Kinderbediening Bladsy 5

6 Waar en Wanneer vind Kinderkerk plaas? Groep Tyd Plek Babas (Besige Bytjies) 08:15-09:30 Besige Bytjies Baba-lokaal Peuters (Dapper Muise) 08:15-09:30 Dapper Muise Peuter-lokaal Kleuters (Kaalvoet Kleuters) 08:15-09:30 Rooi Saal Junior Kind (Tekkie Kinders) 08:15-09:30 Blou Saal B Senior Kind (Veters Kinders) 08:15-09:30 Blou Saal A Graad 7 (Super 7 s) 08:15-09:30 Roag Die Leierskapstruktuur in die Kinderbediening Bedieningsgroep Kinders en Gesinne: Kinder-en Geisnsbediening vorm deel van die oorhoofse bedieningsgroep vir kinders en gesinne, genaamd Genos-bediening, in Kempton- Kruin. Dr. Schalk Basson is oorhoofs verantwoordelik vir hierdie bedieningsgroep, waarvan Kinder-en Gesinsbediening deel vorm. Kinderleraar: Ds. Michelle van Tonder neem leiding by die Kinder-en Gesinsbediening. Sy is verantwoordelik vir die implementering, administrasie en koördinering van die Kinderbediening en is in die week voltyds beskikbaar by die kerkkantoor. Kinder-en Gesinsbediening (KGB) Voorsitter: Francois Haasbroek verteenwoordig die Kinderbediening op die Kerkraad. Hy is oorhoofs verantwoordelik vir Kinder-en Gesinsbediening (KGB) in ons gemeente. Kinderkerk Koördineerder: René Ferreira is verantwoordelik vir die organisering van die Kinderkerk op Sondae. René is ook verantwoordelik vir die kantoor van die Kinderbediening waarvandaan alle navrae op Sondae hanteer word. Bedieningsleiers: Elke bedieningsleier neem oorhoofs verantwoordelikheid vir die afsonderlike bedieninge in Kinderbediening, hulle verantwoordelikheid sluit in: implementering, administrasie, koördinering en die handhawing van ŉ goeie spangees by elke bedieningspunt. Grootgroepleiers: Grootgroepleiers is verantwoordelik vir die aanbied van grootgroepbyeenkomste by die Kinderbediening. Kleingroepleiers: Kleingroepleiers neem leiding by ŉ kleingroep na die afloop van die grootgroepbelewenis. Hulle is verantwoordelik om goeie verhoudings met kinders te bou en kinders te help met hul geloofsekerheid in Jesus tydens die weeklikse kleingroepaktiwiteite. Kempton-Kruin Kinderbediening Bladsy 6

7 Kleingroep-Assistente: As gevolg van die grootte van die Kleingroepe en die feit dat daar soms kinders met spesiale behoeftes is, word hulp by sommige aktiwiteite en funksies in die kleingroep benodig. Hulpspan-Sondae : Sit hand by op Sondae voor die aanvang van die kinderkerk sowel as tydens die kinderkerk. Deur onder andere te help met die reg maak/uitpak van goedere en veiligheid van kinders en Administratiewe takies. Klankmanne en multi-media persone om te help met die hantering van klanktoerusting en multimedia by die spesifieke bedieningspunte. Lucille Basson Besige Bytjies Bababediening / lucillebas@gmail.com Lizelle Joubert Dapper Muise Peuterbediening lizellejoubert@live.co.za Marlouise Booyse Kaalvoet Kleuterbediening / mbooyse@safair.co.za Ronel Trollip Tekkie Junior Kinderbediening (W) / ronel.trollip@absa.co.za Gerrie Minnaar Veter Senior Kindbediening (w) / minagi@mweb.co.za Adri Heydenrych Super 7 s a3h@live.co.za Schalk Basson Oorhoofse Leraar/Ouerbegeleiding / schalk@kruin-kerk.co.za Michelle van Tonder Kinderleraar / Kinderaksies (w)/ kinders@kruin-kerk.co.za René Ferreira Kinderkerk Koördineerder ReneF@Nedbank.co.za Francois Haasbroek Kinder- en Gesinsbediening Voorsitter francois@haasbroekoptom.co.za Alta Engelbrecht Heel (DivorceCare en DC4K) alta26@gmail.com Kinderaksies Uitreikaksies Ons wil kinders reeds op ŉ vroeë ouderdom bekend stel aan uitreik en reël jaarliks geleenthede waar kinders fisies uitreik. Kinderbediening is ook deel van Winterhoop en Kruin se Kersboomprojek. Kempton-Kruin Kinderbediening Bladsy 7

8 Kindernaweek Die jaarlikse Kindernaweek vir alle kinders, is n geestelike hoogtepunt in Septembermaand. Kinders word geleer dat dit lekker is om die Here te dien en kry geleentheid om hulle lewens aan Jesus te verbind. Kinderaande Daar word kinderaande en ander geleenthede deur die jaar vir kinders gereël soos Hemelvaart en Kinderpinkster. Vakansie Bybel Sensasie (VBS) Gedurende die middelste week van die Junie-skoolvakansie word ŉ drie-dag Bybelervaringsreeks aangebied. Graad 7 Kamp Daar word jaarlikse n kamp vir die graad 7 kinders van ons gemeente en ook die gemeenskap gehou. Hierdie kamp fokus op persoonlike ontwikkeling en om ons graad 7 s toe te rus vir hulle oorgang na n nuwe lewensfase. Ouerskap-kursusse Ons wil graag ouers ondersteun om kinders binne gesinsverband te bedien. Kempton-Kruin bied elke ouer/ouerpaar die geleentheid om n Immergroen Ouerskap Reeksseminaar by te woon wat oor 7 weke strek (19 April Junie 2016 en ook 3 September November 2016). Daar word ook n Immergroen naweek seminaar gelyklopend met die Kindernaweek aangebied van September Vir meer inligting kan Martie Haasbroek gekontak word by Die Immergroen Ouerskap kursus is ŉ welbekende kursus, geskryf deur Hettie Brittz. By Kempton-Kruin bied ons ook die Padlangs Ouerskapkursus aan. Hierdie kursus strek oor 7 weke en word tydens die eerste (2 Februarie Maart 2016) en derde (4 Augustus September 2016) kwartaal van die jaar aangebied. Die doel van die kursus is om ouers te begelei in deelnemende positiewe ouerskap. Ouers word toegerus met gereedskap om hulle te help om n veilige ruimte te skep waar elkeen in die gesin die geleentheid kry om sy/haar volle potensiaal te ontwikkel. Kinders word ook geleer om self verantwoordelikheid vir hulle gedrag te neem. In die proses waar kinders geleer word om keuses te maak, leer hulle selfstandigheid. Die einddoel is n plek waar almal in die gesin gelukkig en tevrede is. Die bou van verhoudings speel n belangrike rol, asook die vestiging van waardes en die leef daarvan. Gesinsbediening (Genos-Netwerkgroepe) Elke ouer ontvang weekliks ŉ elektroniese Handevat Nuusbrief per E-pos. Dit is n hulpmiddel, vol idees vir ouers om kinders tuis gedurende die week in geestelike gesprekke Kempton-Kruin Kinderbediening Bladsy 8

9 en aktiwiteite te begelei. Genos is n geloofsfamilie wat hande vat in die geloofsvorming van huise om meer en meer vir Jesus te volg. Ouers word ook ingedeel in Genosnetwerkgroepe wat om n weeklikse basis deur Watsapp verbind en bedien word. HEEL Programreeks Gebaseer op Church Initiative se internasionaal bekende, Bybels-gegronde programme: Before you Divorce, DivorceCare en DC4K (DivorceCare for Kids). Die HEEL Programreeks is daarop gemik om ondersteuning voor, gedurende en na egskeiding te bied. Ons voor-egskeidingsprogram ondersteun paartjies met n huwelik in krisis. Met 5 private sessies probeer ons versoening bewerkstellig. Die Before you Divorce program is beskikbaar op aanvraag. DivorceCare en DC4K (DivorceCare for Kids) bied ondersteuning vir volwassenes en hul kinders wat worstel met hul lewenspad vorentoe, tydens en na egskeiding. DivorceCare en DC4K word op spesifieke Dinsdagaande aangebied. Dit is n 13-week siklus, wat twee maal per jaar, gedurende die skoolkwartale, in ons gemeente aangebied word. Ten slotte Alles wat ons vir en onder ons kinders en gesinne in Kempton-Kruin doen, word gedryf deur ons lewe en deelname aan God se koninkryk. En by Kempton-Kruin se Kinderbediening weet ons dat kinders n kern deel van God se koninkryk uitmaak. Daarom is ons primêre fokus by elke erediens, byeenkoms, program, aksie, gesprek en geleentheid om ons kinders reeds van geboorte af bewus te maak van God liefde en genade wat aan ons lewens betekenis gee. Daardeur word God geëer. Kempton-Kruin Kinderbediening Bladsy 9