28 September 2018 Nuusbrief 3/2018

Transcriptie

1 28 September 2018 Nuusbrief 3/2018 Beste Oudskolier en Vriend Na n besige en n baie vol 3 de kwartaal is dit weereens n aangename voorreg om alle aktiwiteite en goeie nuus met u te deel. Soos in die vorige 2 kwartale het ons met trots ons tema van 2018 Eenheid - uitgeleef in die derde kwartaal met al sy vele aktiwiteite en verpligtinge. Baie dankie aan elkeen wat hierdie kwartaal n bydrae, op watter manier ook al, gemaak het tot voordeel van die skool. Ons het werklik Eenheid ervaar tydens Interskole teen Hopefield. Met u gewillige hande en harte kan HS Lutzville nie anders as om uit te staan in alles wat ons aanpak nie. Ten spyte van die droogte is die skool bevoorreg om nog steeds uitstekende versorgde fasiliteite te kan hê en vele geleenthede is as gevolg hiervan verskuif na HS Lutzville se sportgronde aktiwiteit wat net die goeie naam van HS Lutzville wyer uitdra. n GROOT dankie aan elke borg, elke ouer, elke vriend en elke gewillige hand (daar is net te veel om elkeen by die naam te noem) wat help om ons skool n uitstaande skool te maak! Ons het ook op die oomblik n baie lewendige Facebook blad wat u gerus kan volg. Mnr en Mej HS Lutzville 2018 Lee-Ann Huisamen en Armand van Dyk Frizleyn Mohammed (2 de prinses), Conita Fourie (1 ste prinses), Zelnick Moatlhudi (1 ste prins) en Anro Petersen (2 de prins)

2 Matriekafskeid 2018 Dit bly mos maar die hoogtepunt in elke matriekleerling se skoolloopbaan. Die Graad 11-klas het vir ons die saal omtower in n 1001 Arabiese nagte!! Die saal was pragtig, ons kinders het uitsonderlik mooi gelyk en alles het regtig glad verloop. So kom alles dan tot n einde en neem ons ook die eerste Vrydag van volgende kwartaal afskeid van die Matrieks van 2018 wanneer dit amptelik hul laaste skooldag is. Personeel HS Lutzville se personeel het weereens gesorg dat daar iets opwindends gebeur. Pieter en Anneli Erasmus het n baba dogtertjie ryker geword en Enanda Haasbroek is verloof aan n oud-skolier, Danie de Klerk. Mag hierdie nuwe lewenspad vir hulle baie geseënd wees. Akademie Al is die kwartale oorvol met aktiwiteite, bly ons hooffokus nog steeds akademie. Talle van ons leerlinge kry die geleentheid om deel te neem aan Olimpiades, taalbondeksamens en lenteskole. Sommer vroeg in die kwartaal ontvang HS Lutzville Heelskool evaluering deur die Onderwysdepartement. Daar is gekyk na Akademiese resultate, Onderrig, Veiligheid/etos van skool, Leierskap, Gebruik van bronne, Beheerliggaam, Ouers en gemeenskap. Onderhoude is gevoer met ouers, leerlinge, komitees en onderwysers. Klasbesoeke is by elke onderwyser gedoen en vele meer. Na afloop van die besoek is die leerlinge, onderwysers en ouers geluk gewens met hul skool. Die Rooi en Swart band van die Lutzville gemeenskap het hierdie toets met vlieënde vaandels geslaag! Ons matrieks het hul mondelingevaluering in Engels en Afrikaans afgelê. Die vakadviseurs was weereens baie beïndruk met ons kinders se kommunikasievermoë. Lutzville leerders het uitsonderlik presteer in die evaluering uitstaande in die Wes-Kaap volgens Mnr. Jeremy Kock, Afrikaans vakadviseur en me Naomi Sundaye. JW Beukes behaal volpunte n uitsonderlike prestasie! Claassen en Stone en Lombard en Kie, Rekenmeesters en Ouditeursfirmas van Vredendal besoek ons Gr 9 12 leerlinge om hulle meer in te lig oor die werksgeleenthede in die syferrigting. Sodoende word hulle gehelp om beter toekomsbesluite te neem. Oudskoliere Ons oudskoliere maak ons voortdurend trots. Karin Burger, wat al die afgelope sewe jaar in New Zealand, vir die Pulse, netbal speel is gekies vir die Silver Ferns Span, New

3 Zealand se Nasionale span. Ons is bevoorreg dat sy haar vormingsjare van netbal hier by ons kon kry. Ons weet sy is n groot inspirasie vir ons jonger netbalspeelsters. So ook is Gené Mannel opgeneem in die 0/21 SA NetbalSquad. Weereens n uitstekende prestasie deur een van ons oudskoliere. Marelize Scheepers ontvang n Golden Key in B Com. Bedryfsielkunde en Arbeidsverhoudinge. Danelle Scheepers het n eretoekenning ontvang vir top 10 presteerder in die fakulteit Gesondheidswetenskappe in haar eerstejaar, asook n Golden Key toekenning in BA Menslike Bewegingskunde. Ons geniet ook n heerlike Oud-skoliere/vriende funksie net voor die Interskole om lekker gees op te bou. Die saamkuier tussen ou vriende is n kosbare kleinnood om te bewaar en te koester. Dit sal beslis n jaarlikse instelling bly. Sport Sport bly vir ons n geleentheid waar Eenheid op sy beste gevorm word. Dankie vir elke buite-afrigter wat bereid is om ook op hierdie gebied ons hand te vat. n Groot dankie aan elke ouer, ondersteuner, afrigter en besoeker wat die wyer prentjie van sport raaksien en besef dat wen nie altyd die hoofmotief van sport is nie. Interskole het hierdie kwartaal uitgestaan op sportgebied. Dit is mos darem die geleentheid waarvoor daar baie hard gewerk word gedurende die winterseisoen. Dit was n groot Eenheid waarmee die wildehonde regtig hul krag gewys het gedurende hierdie dag en almal saam gewerk het om op en van die baan n groot sukses van die dag te maak. HS Lutzville het ook vanjaar sy eerste 7 s Toernooi aangebied. Caylix Sport in samewerking met die Departement van Onderwys het groot manne na Lutzville gebring. Frankie Horn, Cecil Afrika en Phillip Snyman het die dag saam met die spelers deurgebring. n Groot ondervinding vir elkeen van die spelers. Ancia Pienaar, Lané Coetzee en Roché Donn neem deel aan die SA- Skole netbaltoernooi vir hul onderskeie onderdomme. Ancia Pienaar word vir die 2 de agtereenvolgende jaar opgeneem in die 0/18 SA Squad. Dit is voorwaar n groot prestasie vir HS Lutzville. Die 0/13 rugby- en netbalspanne neem deel aan n toernooi te Lambertsbaai en maak dit sommer n spanbou geleentheid en kamp vir die naweek daar om gees te bou. Die 0/16 en 0/19 Netbalspanne neem deel aan die Spar Netbaltoernooi te Clanwilliam en staan beslis hul man teen groot skole!

4 Kampe Om ons leerlinge se visie te verbreed word gereeld kampe en toere gereël en ons is so dankbaar dat daar soveel leerlinge op hierdie bootjies klim. Die Gr 10-klas sit die tradisie, wat reeds vanaf 2001 bestaan, voort en vertrek hierdie vakansie na Knysna vir n heerlike staptog deur die woude. Dankie vir die onderwysers wat ook hulle vakansie opoffer om hierdie stappers te vergesel. Vier spelers, FC Ras, Gerko Nieuwoudt, Zolan Lategan en Tiaan Ras is reeds weg na Frankryk waar hulle deel is van die Tony Stoops Rugbytoer. Wat n wonderlike ervaring! Die Gr 4 en 5 leerlinge het n SOS Kamp te Villiersdorp bygewoon wat vir hulle n wye wêreld van ervaring oopgesluit het. Die English Weekend is ook n jaarlikse instelling vir die Gr 9 leerlinge wat n bootjie is wat nie by jou moet verbyvaar nie. Die blootstelling wat hierdie leerlinge kry om Langa Township te besoek, Marc Lottering by die Baxter teater, n staptoer deur die stad en vele meer is geleenthede wat jou wêreld verbreed. Kultuur Baie van ons leerlinge neem aan Kultuur geleenthede deel soos ATKV Redenaars, Public Speaking en Eisteddfods. Tydens Klawer Kunste ontvang ons leerlinge 24 Dubbelgoud, 22 Goud en 9 silwer sertifikate. Ons Groot Prater, JW Beukes, staan weer uit tydens sy deelname aan die Public Speaking kompetisies. Hy het met sy optredes seker gemaak dat vele skole in die Wes- Kaap nou weet waar HS Lutzville is. Lieske Naudé vaar vanjaar uitsonderlik goed waar sy deelneem aan Eisteddfods. Sy is tydens n prestige geleentheid in Stellenbosch aangewys as die algehele prosa wenner by die Wes-Boland Eisteddfod. Tjashné Mannel (Gr 7) het deurgedring na die Provinsiale Wow Spel-kompetisie wat op 20 Oktober gaan plaasvind. Conyah Coetzer en haar dansgroep, Made to Move, neem deel aan die Tygerberg Eistedddfod te Kraaifontein. Ons het ten doel: Om 'n gesonde, georganiseerde en dinamiese tweerigting-kommunikasiekanaal tussen onsself en elkeen van ons oudskoliere en ondersteuners (ook die wat ver is) te skep en te bevorder. Ons stel ons verder ten doel: Skep van n sterk, gunstige en positiewe beeld van HS LUTZVILLE. Help vestig n kultuur van uitnemendheid op alle gebiede. Doen wat nodig is om HS lutzville te vestig as n topskool! Vestig die beste geriewe en fasiliteite op die terrein en in die skool. Vestig en kanaliseer fondse om gestalte te gee aan bogenoemde.

5

6 Hoe kan jy n bydrae lewer: Deur aan te sluit en n jaarlikse lidmaatskap fooi te betaal. Maandelikse debietorder. Deur n donasie en jou naam op die donateursbord te laat aanbring met 'n eenmalige bydrae van R1000, R5000 of R Deur skenkings van vastebates en infrastruktuur. Die bond sal ook optree as kommunikasiekanaal vir toekomstige klasreünies en samekomste wat julle sou reël. Daarvoor kan ook van die skool se lede-databasis gebruik gemaak word. Moedig asb. steeds soveel as moontlik oudskoliere aan om hul inligting deur te stuur. Hou ook ons amptelike webblad - hslutzville.com en die facebook-blad dop vir nuus aangaande ons skool en die prestasies van ons leerders. Lidmaatskap aan die Oudskoliere bond werk soos volg: U vul die vorm op die webwerf in en dan word die besonderhede op die databasis geplaas. Vir n eenmalige bedrag (Donasie) of jaarlikse lidmaatskap fooi (R200) kan u die volgende bankbesonderhede gebruik. U kan ook per debietorder n maandelikse betaling maak. Verwysing: OOB + Naam en Van (Stuur bewys van inbetaling aan arina@hslutzville.com) HS Lutzville Oudskoliere/ondersteunersbond FNB: Tjekrekening Tak nr: Rek nr: Dankie dat ons ook met ons leuse, viam aut inveniam aut faciam n nuwe pad kan baan wat nog nie voorheen daar was nie. HS Lutzville Groete Arina Conradie