Produk beleid Commerce en Mutuaris Produkte

Transcriptie

1 Produk beleid Commerce en Mutuaris Produkte Inleiding Hierdie polis word administreer deur Gladio (Edms) Bpk. (hierna verwys as Gladio) en word onderskryf deur GENRIC Insurance Company Limited, soos aangedui op u versekering skedule. Hierdie is n korttermynversekeringspolis gereguleer deur die Raad op Finansiële Dienste, in ooreenstemming met die Korttermynversekeringswet, wet 53 van Die Versekerde, doen aansoek om versekering by Gladio vir hierdie dienste, en stem toe dat enige aansoek of ander inligting soos deur die Versekerde verskaf of namens die Versekerde verskaf die basis vorm van hierdie kontrak. Gladio kom ooreen, onderworpe aan die betaling van die ooreengekome premie deur of ten gunste van die Versekerde om die Versekerde se regskostes te dra en/of om die dienste soos vervat in die voordele skedule, voortspruitend uit die verklaarde gebeurtenisse wat plaasgevind en gerapporteer is aan die Versekerde gedurende die periode van die kontrak te betaal en te lewer. Verklaarde gebeurtenisse 1. Alle wesenlike siviele aksies, voortspruitend uit kontrak of delik, ingestel deur of teen die Versekerde waardeur die Versekerde finansiële verlies lei. Met dien verstande dat indien die Versekerde wil optree teen n derde party die Versekerde n opsionele fooi daarvoor sal betaal, soos vooraf ooreengekom en onderworpe aan die party/party koste skaal. Laasgenoemde is egter nie van toepassing in gevalle waar die Versekerde optree suiwer ten einde sy skade te beperk nie. 2. Verdediging van die Versekerde op enige kriminele klagte. Geliewe kennis te neem dat Gladio nie regsbystand sal lewer indien die verklaarde gebeurtenis deel vorm van uitsluitings, infra aangedui nie. Definisies 1. Versekerde beteken die applikant soos omskryf in die aansoekvorm met dien verstande dat die Versekerde Gladio in kennis sal stel van enige verandering van inligting vervat in die aansoekvorm. 2. Familielid/lede beteken n wederhelf of n afhanklike kind wat saam met die Versekerde woon, wie finansieel afhanklik is van die Versekerde en wie se besonderhede in die aansoek vervat is. 3. Besigheid beteken enige kommersiële aktiwiteit van n besigheid wat geklassifiseer kan word as klein- en medium grootte besigheid. 4. Regskoste word bereken as die Versekerde se prokureurs en advokate koste en fooie op n party en party skaal plus 30%. Dekkings perke is nie net beperk tot jaar nie maar ook tot die eis as sodanig. 5. Jaarlikse versekerings periode beteken enige 12 opeenvolgende maande vanaf datum van aansluiting of heraansluiting. n Nuwe jaarlikse versekerings periode sal begin by verstryking van bogenoemde 12

2 opeenvolgende maande. Die aanspreeklikheid van Gladio sal nie kumulatief vanaf een versekerings periode oorgedra word na die volgende nie en die maksimum betaalbaar in enige versekerings periode sal die bedrag wees soos aangedui in die voordele skedule. 6. Bystand beteken regsbystand, insluitende advies, dokumentasie, administrasie of verteenwoordiging of enige kombinasie daarvan. Voordele skedule Gladio sal die volgende dienste en voordele verskaf : Regsadvies en Regs dokumentasie Toegang tot n telesentrum vir regsadvies, regs dokumentasie en regsadministrasie. Regsverteenwoordiging Gladio sal die Versekerde verwys na enige paneel prokureur t.o.v. enige eis in enige hof in die RSA, uitgesluit die hof van klein eise en die konstitusionele hof m.b.t enige saak hieronder genoem kontraktuele en deliktuele eise ingestel deur of teen die Versekerde kriminele aangeleenthede borgaansoeke onversekerde verlies vervanging litigasie ten opsigte van belasting- en finansiële aangeleenthede dispute met versekeraars, diensverskaffers en leweransiers verbruikers verwante aangeleenthede familiereg aangeleenthede Jaarlikse aanspreeklikheid limiet Onbeperk Commerce. Regsverteenvoording kostes tot n jaarlikse limiet van R120, Dekking is ten opsigte van die besigheid alleen. Mutuaris. Regsverteenwoordiging kostes tot n jaarlikse limiet van R150, Dekking is ten opsigte van die besigheid, asook die eienaars/direkteure, gades en hul finansieel afhanklike kinders, soos per die aansoekvorm, beperk tot 10 eienaars / direkteure/senior bestuurders per klient. Regsdienste Aanvangsdatum Die dekking ten opsigte van die dienste neem aanvang met ontvangs van die eerste maand premie of die jaarpremie en is slegs van toepassing op huidige opbetaalde lede.

3 Eise Met die plaasvind van n verklaarde gebeurtenis wat lei tot n eis: 1. Sal die Versekerde Gladio binne 30 dae adviseer, hetsy skriftelik of telefonies. 2. Sal die Versekerde inligting, dokumentasie, en eedsverklarings soos deur Gladio verlang verkry. 3. Hou Gladio die reg voor om die dispuut ten enige tyd te skik. 4. Stel Gladio die regsverteenwoordigers aan voor die verskaffing van enige regsdienste. Gladio sal onder geen omstandighede verantwoordelik wees om enige betaling te doen ten aansien van enige vooraf aangestelde regsverteenwoordiger ten opsigte van die Versekerde nie. 5. Gladio bepaal die aard, omvang en prosedure van enige regsverteenwoordiging en beheer die regsverrigtinge ingevolge sy eie/ sy aangestelde regspraktisyns se diskresie. 6. In die geval van die repudiasie of dispuut van n eis, sal die Versekerde 90 dae hê vanaf datum van Gladio se kennisgewing van repudiasie om voorstelle aan Gladio in terme van die repudiasie te maak. Indien die dispuut nie opgelos is aan die einde van die periode nie, dan moet die Versekerde binne n verdere 30 dae so n dispuut verwys vir arbitrasie, in ooreenstemming met die Arbitrasiewet 42 van 1965 (soos gewys ig). n Onafhanklike Arbiter sal aangestel word deur en vir die rekening van beide partye. Die Arbiter se bevinding sal finaal en bindend wees. 7. Met die plaasvind van n verklaarde gebeurtenis mag Gladio of sy genomineerde sonder enige blootstelling van aanspreeklikheid en met voorbehoud van al sy regte regstappe neem in die naam van die Versekerde ten opsigte van enige terugwinning van of bydrae tot n eis. Premie vir bystand 1. Jaarlikse kontrak. Die premie is betaalbaar voor of op die hernuwings- of paaiement datum. Gladio sal nie verplig wees om n premie te aanvaar wat aangebied word meer as 15 dae na sodanige datum nie, maar mag dit wel doen onder terme soos bepaal volgens eie diskresie. 2. Maandelikse kontrak. Waar die premie betaalbaar is per debietorder of aftrekorder is die premie vooruitbetaalbaar en as dit nie ontvang is deur Gladio teen die eerste dag van elke kalendermaand (die betaalbare datum) of die premie datum nie, sal hierdie ooreenkoms geag gekanselleer te wees teen middernag van die laaste dag van die vorige periode van dienslewering, tensy die Versekerde kan bewys dat die afwesigheid van betaling n fout van sy/haar bank of betalings agent is. Gladio sal nie verplig wees om die premie wat na die aanvangsdatum aangebied word, te aanvaar nie, onderworpe daaraan dat premies wat betaalbaar is met effek vanaf die tweede maand van die aanvangsdatum van die kontrak aanvaar sal word as dit betaal word binne 15 dae na die betaalbare datum of die premie datum. In die geval van

4 beëindiging as gevolg van wanbetaling van die premie sal Gladio nie verplig wees om die kontrak te herstel nie maar mag so doen op eie diskresie en enige premie ontvang na kansellasie sal geag word n eerste premie op n nuwe kontrak, welke n aanvang sal neem by ontvangs van die premie. 3. Gladio sal nie premies terugbetaal nie, vir welke rede ook al, behalwe indien versoek deur wetgewing of regulasie. Kansellasie 1. Die kontrak mag gekanselleer word deur die Versekerde of Gladio met dertig dae kennis periode op skrif, onderhewig aan die terme en voorwaardes spesifiek van toepassing op die kontrak van die Versekerde. 2. Indien regskostes meer as R30,000 beloop, binne die eerste 6 maande van Versekerde maatskap, sal die kontrak geag word n jaarkontrak te wees en in geval van kansellasie sal die restant van premies steeds betaalbaar wees. 3. In geval van kansellasie sal enige onafgehandelde regsdienste steeds op die party/party koste skaal deur die Versekerde betaalbaar wees. Bedrog en wanvoorstelling Indien enige eis onder hierdie kontrak in enige wyse bedrieglik is of indien wanvoorstelling gebruik word deur die Versekerde of enige persoon wat namens hom/haar optree met die doel om enige voordeel in terme van hierdie kontrak te verkry, sal alle voordele in terme van hierdie kontrak ten opsigte van sulke eise verbeur word, en enige betaling op die rekening wat reeds namens die Versekerde gedoen is terugbetaal word deur die Versekerde aan Gladio. Jurisdiksie Slegs die howe van die Republiek van Suid-Afrika sal jurisdiksie hê om enige eise voortspruitend uit of ten opsigte van hierdie kontrak te hanteer. Indien enige oorsaak of aksie binne die jurisdiksie van meer as een hof val, sal Gladio diskresie hê om te besluit watter hof gebruik sal word. BTW Dit word hiermee ooreengekom dat alle bedrae verseker en limiete gereflekteer in die skedule BTW insluit. Uitsluitings Gladio sal nie verantwoordelik wees vir regskoste voortspruitend uit. 1. Verklaarde gebeurtenisse wat ontstaan of gevoer word buite die RSA nie. 2. Gespesialiseerde regs dissiplines (volgens die diskresie van Gladio), buite die bestek van die algemene regspraktyk. 3. Verkeersverwante aangeleenthede waar die Versekerde die opsie het om n skulderkenning of boete te betaal.

5 4. Enige kriminele aangeleentheid waar die regspraktisyn van mening is dat die Versekerde geen verweer openbaar nie. 5. Enige gebeurtenis veroorsaak terwyl die Versekerde onder die invloed van verdowingsmiddels was. 6. Regskostes opgeloop wat andersins vermy kon word as gevolg van die Versekerde se nalaat om Gladio tydig in te lig van enige gebeurtenis. 7. Gebeurtenisse, toestande of omstandighede in belang van die algemene publiek, gemeenskap en identifiseerbare belangegroepe. 8. Oorlog, militêre oproer, staatsgreep, siviele beweging, arbeids oproer, oproer, staking, uitsluitings, publieke wanorde, siviele diensweiering of enige ander daad of aktiwiteit wat bereken is om enige van bogenoemde te veroorsaak, insluitende enige gebeurtenis waarvoor n fonds gestig is in terme van die Wet op Oorlogskadeversekering en Vergoeding 1976 (Wet 85 van 1976). 9. Desnieteenstaande enige iets tot die teendeel hiervoor of hierna genoem, sal die Versekerde nie gedek wees onder hierdie kontrak in geval waar die aangeleentheid gevoer of verdedig word op n wyse in teenstelling met die advies van n prokureur of advokaat, aan wie instruksies verleen is deur Gladio om op te tree namens die Versekerde, sonder kennisname en/of voorafgaande toestemming deur Gladio nie. Dekking sal slegs verleen word indien die Versekerde n redelike kans op sukses het met betrekking tot enige verklaarde gebeurtenis. 10. Kostebevele wat ingevolge hofbevel deur die Versekerde betaalbaar is met betrekking tot n verklaarde gebeurtenis wat deur hierdie polis gedek word, sal nie gedek word deur hierdie polis nie en sal vir die koste van die Versekerde wees. 11. Die betaling van enige balju fooie, boetes, vonnisse, belastings, heffings, seëlgelde, getuies, reiskoste of onderhoudskoste, betaling of terugbetaling van gelde aan die Versekerde van enige aard insluitende hof-en/of kostebevele of regskostes teen die Versekerde nie, insluitende strafvergeldings kostes, vrygestelde kostes of wraaksugtige skadevergoedings eise teen die Versekerde toegestaan nie.