7.3 Is almal in die regering van ons land Christene?

Transcriptie

1 7. Demokrasie 7.1 Wat demokrasie is Die woord demokrasie kom van twee Griekse woorde wat saamgevoeg is: demos, wat beteken mense, en kratos wat beteken gesag. Demokrasie beteken dus: die mense het gesag of die mense regeer. Die meeste ontwikkelde lande in vandag se wêreld is demokrasieë. In n demokrasie het almal die vryheid om hul godsdiens sonder vervolging te geniet. Daarom is ons dankbaar dat ons in n demokratiese land mag woon. n Paar van die kenmerke van n demokratiese land is die volgende: Die regering moet doen wat die kiesers wil hê. Die regering moet alles wat hulle doen, bekend maak en verduidelik. Mense mag sê wat hulle wil en hulle mag selfs die regering kritiseer. Mense wat vir die regering werk, moet eerlik en regverdig wees. Die regering maak wette en almal moet dit nakom. Dit maak nie saak watter mooi dinge in n land se wette staan nie, daar is mense in die regering wat die werk moet doen, en alle mense is sondig. Daar is dus geen regering wat volmaak is nie. Oral is daar haat, sonde, bedrog en misdaad. 7.2 God is Koning Ons weet dat God in werklikheid die Koning van die konings is. Hy bestuur alles wat oor die hele aarde gebeur. Ook die verkeerde dinge wat mense doen, gebruik Hy in sy raadsplan. Sy wil geskied altyd. In Daniël se tyd het Koning Nebukadnesar n droom gehad van n groot beeld (Dan. 2). Toe Daniël die droom vir hom verklaar, het hy gesê dat elke deel van die beeld wys na n koninkryk wat nog moes kom. In die droom kom daar dan n rots wat al die koninkryke vernietig en die hele aarde oordek. Hierdie rots is die koninkryk van God. Ons weet dat God die Almagtige is, magtiger as enige regering, staatspresident of ander leier. 7.3 Is almal in die regering van ons land Christene? Nee, ongelukkig nie. Daar sal dus soms wette gemaak word waarmee ons nie mag saamstem nie. Dan mag en moet ons sê wat ons daarvan dink, al kan ons nie altyd die wette verander nie. 7.4 Moet ons n regering gehoorsaam wat nie heeltemal Christelik is nie? Ja, as daar nie van ons gevra word om aan God se Woord ongehoorsaam te wees nie, moet ons aan die regering onderdanig wees. In Matteus 22 word aan Jesus gevra of dit nodig is om aan die heidense Romeinse keiser belasting te betaal en Jesus antwoord: Betaal dan aan die keiser wat die keiser toekom, en aan God wat God toekom. 23

2 As daar egter van ons verwag word om aan die Woord ongehoorsaam te wees, moet ons God meer gehoorsaam wees as mense. Dink maar aan die voorbeeld van Daniël se drie vriende wat geweier het om voor die afgodsbeeld neer te buig en in n brandende vuuroond gegooi is. 7.5 Is daar n regeringsvorm waarteen ons moet stry? As daar n regering kom wat ons nie toelaat om rustig ons geloof te beoefen nie, kan ons nie daardie regeringsvorm aanvaar nie. In sommige lande is diktators aan bewind. n Diktator is n staatshoof wat sy mag misbruik en hom nie steur aan die behoeftes van die mense van die land nie. Niemand mag sy mag bevraagteken of sê wat hulle dink nie. In sulke lande geniet die mense nie die vryhede wat mense in n demokratiese land het nie. Duitsland onder Hitler en Uganda onder Idi Amin was voorbeelde van diktatorskappe. Kan jy voorbeelde uit ons moderne wêreld opnoem? Hitler en Idi Amin is voorbeelde van diktators Omdat ons nie graag n diktatorskap in ons land wil hê nie, moet ons biddend planne maak om sulke dinge te voorkom. Daarom is dit belangrik dat daar ook Christene in die parlement is en dat Christene ook aan verkiesings deelneem. As daar net een party is wat al die besluite neem sonder om ooit bestry te word, kan die leiers van daardie party naderhand soos diktators begin optree en dit wil ons glad nie hê nie. 7.6 Hoe vandag se demokrasieë werk Dit is nie moontlik dat almal in n land kan deelneem aan elke belangrike besluit wat oor landsake geneem moet word nie. Die mense van die land hou n verkiesing om mense te kies wat hulle moet verteenwoordig. Die politieke party wat die meeste stemme gekry het, word dan die regering. Die besluite wat hulle neem, verteenwoordig die wense van die mense wat hulle verkies het. Wanneer daar weer n verkiesing kom, kry die mense van die land geleentheid om vir of teen die mense in die regering te stem, om te toon of hulle tevrede is met hoe die regering in die afgelope paar jaar geregeer het. Ons land se eerste volledig demokratiese verkiesing was in Parlementslede verteenwoordig al die land se mense. 24

3 7.7 Ons land se regeringstelsel In ons land word die president bygestaan deur n adjunk- of visepresident en n kabinet van ministers. Hulle is die uitvoerende mag, dit wil sê hulle moet regeer en alle wette toepas. Die parlement, bestaande uit verteenwoordigers wat deur die kiesers verkies is, is die wetgewende mag. Hulle maak dus die wette. Die regering regeer op nasionale vlak (landwyd), op provinsiale vlak (in provinsies) is daar provinsiale regerings en op plaaslike vlak (jou eie dorp of stad) is daar plaaslike owerhede soos stadsrade. 7.8 Die nasionale regering President Visepresident Kabinet van minister en onderministers: Binnelandse Sake Onderwys Buitelandse Sake Verdediging Finansies Behuising Openbare Werke Vervoer Gesondheid Kuns, Kultuur, Wetenskap, Tegnologie Openbare Ondernemings Veiligheid en Sekuriteit Welsyn en Bevolkingsontwikkeling Mineraal & Energiesake Sport & Rekreasie Omgewingsake & Toerisme Openbare Dienste & Administrasie Kommunikasie Arbeid Korrektiewe Dienste Landbou & Grondsake Waterwese & Bosbou Intelligensie Kantoor van die President Daar is nege provinsiale regerings wat elkeen n premier het, elk met sy eie wetgewende vergadering. Hulle hanteer sake soos gesondheid, onderwys en paaie. Op plaaslike vlak het verskillende dorpe en stede munisipaliteite met hulle stads-raadslede. Hulle hanteer sake soos water, elektrisiteit, biblioteke en vullisverwydering. 25

4 8. Verkiesings 8.1 Wat is die doel van n verkiesing? n Verkiesing gee aan almal die geleentheid om te stem en daardeur te help besluit hoe n land in die toekoms regeer moet word. Natuurlik glo ons ook dat nie mense nie, maar God self die toekoms bepaal! Hy gebruik egter mense in sy raadsplan. 8.2 Wie mag stem? In ons land mag almal bo die ouderdom van 18 jaar stem. 8.3 Is daar enige ander voorwaardes wat nagekom moet word voordat jy mag stem? Ja, almal wat wil gaan stem, moet n identiteitsboekie hê. Sonder n identiteitsboekie kan jy nie stem nie. Jy moet ook eers as kieser registreer. 8.4 Politieke partye in n verkiesing n Mens stem vir n sekere politieke party in n verkiesing. Elke party wys kandidate aan wat in n sekere gebied die party verteenwoordig. Om verkies te word moet die kandidaat die meeste stemme in daardie gebied kry. Die party wat die meeste stemme kry, het ook die meeste verteenwoordigers in die parlement. 8.5 Die verkiesingsveldtog Voor die verkiesing gebruik die kandidate van die verskillende politieke partye die media, soos die koerante en televisie, om aan kiesers te verduidelik wat hul standpunte is en om mense te oortuig om vir hulle te stem. Plakkate met slagspreuke en foto s van kandidate word aan lamppale gehang. Strooibiljette word versprei. Sommige partye laat mense van huis tot huis gaan om met mense te praat. Vergaderings word gehou waar kandidate toesprake hou. Dit gebeur ongelukkig dat mense nie heeltemal eerlik is tydens veldtogte nie. Hulle maak beloftes en as hulle verkies word, kom hulle dit nie na nie. Vir ons as Christene is dit onaanvaarbaar as politici oneerlike beloftes maak of mekaar in die openbaar belaster. Die Onafhanklike Verkiesingskomitee (OVK) moet toesien dat alle partye n gelyke geleentheid kry om hulle saak te stel en dat niemand gedreig of afgepers word om vir n sekere party te stem nie. Hierdie komitee moet toesien dat die hele verkiesing glad verloop en dat die proses vry en regverdig is. 26

5 8.6 Die stemproses 1. Heel eerste moet jy jou ID-dokument wys. In jou ID-dokument word aangeteken dat jy gestem het. Jou naam word dan gesoek op die kieserslys om seker te maak dat jy voor die tyd as kieser geregistreer het. Jou naam word doodgetrek om seker te maak dat jy net een keer stem. 2. Jy moet jou hand onder n ultraviolet lig hou om te sien of daar nie n merk op jou hand is wat sal verklap dat jy al gestem het nie. 3 n Merk word op jou hand gemaak met onsigbare ink of kleurstof wat nie maklik verwyder kan word nie. vir watter party jy stem nie. Hier trek jy jou kruisie mooi presies in die blokkie van die kandidaat en party vir wie jy stem. As jy jou kruisie nie mooi in die regte (dit beteken dit tel nie en hulle gooi dit weg). 6. Na die verkiesing word al die stembusse verseël en die stembriewe word getel onder die toesig van waarnemers wat seker maak dat niemand kul nie. Bly ingelig! Stel jou standpunt as Christen Waarnemers moet kyk dat sulke dinge nie gebeur nie Verkiesingsveldtog Jy het jou ID-boekie of n stemkaart nodig om te stem Niemand weet vir wie jy stem nie 27

6 1. Gee jou ID 6. Plaas die stembrief in die stembus 2. Hou jou hand onder die ultravioletlampie 3. Jou hand word met onsigbare ink gemerk 4. Kry n stembrief 5. Stem Die stemlokaal 28