Visie Hoërskool Centurion

Transcriptie

1 Visie 2021 Hoërskool Centurion Kobus Visagie Strategic Partners 29 September 2016

2 AGTERGROND Hoërskool Centurion het die punt bereik waar die finansiële lewensvatbaarheid van die Skool ernstig bedreig word, onder andere deur dalende leerder-getalle. Die behoefte om Hoërskool Centurion teen 2021 vir volhoubaarheid en konstante groei te herposisioneer is deur die Voorsitter, Beheerliggaam en Uitvoerende Skoolhoof geïdentifiseer. n Strategiese Beplannings-werkswinkel is op 14 en 15 September 2016 gehou ten einde n Visie vir 2021 te ontwikkel en die strategiese beplanningsproses vir al die funksionele eenhede van die Skool te finaliseer. Die werkwinkel is deur die Beheerliggaam, senior bestuurslede, geselekteerde lede van die personeel sowel as vier lede van die Vereteenwoordigende Leerdersraad bygewoon. Kobus Visagie (Strategic Partners) het fasiliteer. Die proses en uitkomste word in hierdie dokument opgesom as deel van n kommunikasieplan om alle belangegroepe ingelig te hou. RASIONAAL VIR HERPOSISIONERING Hoërskool Centurion se langtermyn volhoubaarheid word bedreig deur: Dalende inskrywingsgetalle in opeenvolgende jare; Finansiële druk wat lei tot beperking in vernuwing en uitbreiding; Risiko vir gedwonge verandering vanweë politiese realiteite. Die volgende faktore dra by tot tot die kwesbaarheid van Hoërskool Centurion: Hoërskool Centurion is nie altyd die voorkeur-keuse vir alle voornemende leerders en hulle ouers uit die natuurlike voedingsgebied nie, ten spyte daarvan dat Leerders op bykans álle terreine presteer (akademie, sport, kultuur en leierskap) en dat die Skool kompeterend is t.o.v. aanbod (vakkeuses, sportkodes, kultuurgeleenthede, fasilitiete, klasgroottes en geestelike versorging). Die geografiese area waarin die Skool geleë is het n verouderende demografiese samestelling (minder skoolgaande kinders) en die gemeenskap worstel met bepaalde sosio-ekonomiese uitdagings. Dit dra daartoe by dat die Skool se beeld met dié van die gemeenskap geassosieer word en skep die persepsie dat die Skool te doen het met dwelm- en ander sosiale probleme. Hoërskool Centurion kompeteer direk met welvarende mega-skole in die omgewing vir nuwe leerders mededingende, uitstekende skole. Hierdie Skole het toegang tot hulpbronne wat nie vir Hoërskool Centurion beskikbaar is nie. 1 Ref: 1.1/20/9/16 3de Konsepdokument: 29 September 2016 Kobus Visagie

3 Volgens personeelterugvoer is die uitnemendheid van Hoërskool Centurion die bes bewaarde geheim in Gauteng. Die Skool is onbekend en waar dit wel bekend is, het dit n negatiewe openbare beeld. Personeel dui ook aan dat sommige afdelings onderpresteer, gegewe die potensiaal van die leerders en personeel. Dit dra verder by tot n negatiewe openbare beeld. Die huidige karakter en profiel van die Skool maak Hoërskool Centurion uiters kwesbaar vir gedwonge verandering deur politieke en sosio-politieke oorwegings. Politiese kwesbaarheid skep ook onsekerheid by ouers oor die toekoms van die Skool by keuse van n skool vir hulle kinders. Die Skool is: Kleiner as kompeterende skole met steeds dalende leerdergetalle en het dus addisionele ruimte vir oorlvloei-leerders van ander skole; Afrikaans-medium Oorwegend wit leerders Oorwegend wit onderwysers en personeel As gevolg van hierdie faktore beleef Hoërskool Centurion reeds vir vyf agtereenvolgende jare n beperkte of negatiewe groei in inskrywingsgetalle Die Skool is onder finansiële druk en dit lei tot beperking in enige vernuwing en uitbreiding. Die meeste van hierdie faktore is binne beheer van goeie leierskap en goeie bestuur en kan omgedraai word indien al die belange groepe van die Skool bereid is om saam te werk. STRATEGIESE BEPLANNING DIE STRATEGIESE PROSES Ten einde n Institusionele Visie vir 2021 en Strategiese Plan vir Hoërskool Centurion te ontwikkel, word die volgende proses gevolg: Ontwikkel n Visie vir die Skool vir 2021 bepaal hoe Hoërskool Centurion in 2021 moet lyk om al die faktore wat die Skool se toekoms bedreig, te neutraliseer. Kommunikeer die Visie met alle belangegroepe. Bepaal n Institusionele plan om by Visie uit te kom n roete-kaart wat die Skool tot die nuwe Visie sal lei. Kommunikeer die Institusionele Plan met alle belangegroepe. 2 Ref: 1.1/20/9/16 3de Konsepdokument: 29 September 2016 Kobus Visagie

4 Implementeer die Institusionele Plan met eienaarskap deur alle belange groepe. Moniteer en Evalueer die proses deurlopend. Kommunikeer vordering, suksesse en uitkomste met alle belangegroepe. VISIE EN MISSIE FAKTORE WAT VOLHOUBAARHEID BEDREIG Die volgende faktore hou die grootste bedreiging vir die Skool se finansiële lewensvatbaarheid in: Leerdergetalle benodig1 100 betalende leerders vir lewensvatbaarheid. Finansiële druk dalende inkomste uit skoolfooie, beperkte alternatiewe bronne van inkomste, ondoeltreffende en ondoelmatige aanwending van fondse. Negatiewe persepsies en beeld gebrekkige bemarking van die bes bewaarde geheim die Skool se uitnemendheid. Politieke druk onderrigtaal, rasprofiel (personeel en leerders) en onderbenutting van fasiliteite vanweë onvoldoende leerdergetalle. Die Visie, Missie en Doelwitte wat vir Hoërskool Centurion ontwikkel is, het dit ten doel om hierdie faktore te neutraliseer en die Skool te herposisioneer vir positiewe groei en volhoubaarheid. VISIE 2021 Hoërskool Centurion streef daarna om in 2021 n gesogde, toonaangewende en uitnemende akademiese instelling te wees wat in diens van die breë gemeenskap staan, deur dinamiese interpersoonlike verhoudinge gekenmerk word en wat wyd erkenning geniet as n leerdergesentreerde skool wat optimale ontwikkelingsgeleenthede deur individuele aandag aan leerders en personeel bied. 3 Ref: 1.1/20/9/16 3de Konsepdokument: 29 September 2016 Kobus Visagie

5 MISSIE Die bestaansdoel van Hoërskool Centurion is om n uitnemende, gebalanseerde opvoedkundige inrigting te wees waar: Leerders die geleentheid het om hulle volle potensiaal op alle terreine (leierskap, akademie, sport, kultuur, geestelike groei, lewensvaardighede, selfverwesenliking) te ontdek en te ontwikkel; Leerders toegerus word om op alle terreine na die beste van hulle individuele en gesamentlike vermoëns te presteer; Personeel van uitstaande gehalte, toepaslik gekwalifiseerd en passievol is; Personeel werklik omgee en leerdergesentreerd werk; Personeel en leerders gelukkig is en hulleself ten volle uitleef; Ouers konstruktief en vrywillig op alle terreine van die skool betrokke is; n Christelike waardestelsel geld; Die familiewaardes van n klein skool gehandhaaf word, ten spyte van die groeiende omvang van die Skool; Wedersydse respek tussen leerders, personeel en ouers bestaan; n Deelnemende kultuur onder personeel, leerders en ouers gevestig is. DOELSTELLINGS Die Beheerliggaam en Bestuur van die Skool, ter onder steuning van Hoërskool Centurion se Visie vir 2021, streef daarna om: Met visionêre leierskap en pro-aktiewe optrede die Skool se beste belange te dien; Aanspreeklikheid en verantwoordelikheid te aanvaar vir n volhoubare toekoms; Doeltreffende en doelmatige besluite te neem in die beste belang van die leerders, personeel en breër skoolgemeenskap; Die Skool as n voorkeur-werkgewer in Centurion te posisioneer en personeel billik, regverdig en met respek te bestuur; Ontwikkelingsgeleenthede vir die bestuur en personeel van die Skool te skep; 4 Ref: 1.1/20/9/16 3de Konsepdokument: 29 September 2016 Kobus Visagie

6 Doeltreffend te kommunikeer in n omgewing waar kommunikasie n kernelement van sukses is; Die Skool se uitnemendheid op alle terreine aktief te bemark en die Skool se beeld dinamiese te bevorder. DOELWITTE Ten einde die Visie teen 2021 te bereik, streef Hoërskool Centurion daarna om: n Gesonde balansstaat en gebalanseerde inkomste staat te handhaaf en steeds marksensitief te wees t.o.v. skoolfooie; Elke jaar ten minste ingeskrewe, betalende leerders te registreer waarvan die getalle volhoubaar groei sodat die skool se kapasiteit ten volle benut word; By aanstelling van personeel, sonder uitsondering gelyke geleenthede te bied aan alle kandidate met meriete, sonder aansiens des persoons (ras, kultuur of geslag); Toeganklik en verwelkomend te wees vir leerders wat die volle diversiteit van die Suid Afrikaanse samelewing verteenwoordig; Afrikaans as primêre voertaal te handhaaf terwyl die moontlikheid van onderrig in Engels uit n funksionele oogpunt oorweeg word; Christelike waardes wat integriteit, geloofwaardigheid, respek, dissipline en liefde vir mekaar insluit, te handhaaf; Leerders en personeel toe te rus om enige negatiewe invloede uit die gemeenskap te herken en op verantwoordelike wyse daarop te reageer; Leerders as goed toegerusde toekomstige leiers en wenners in die samelewing voor te berei; In pas te bly met die behoeftes van alle strategiese belangegroepe, ingesluit ouers, leerders, personeel en die Departement van Onderwys; Die Skool se professionele aanbod (akademie, sport, kultuur en selfverwesenliking) te bevestig en ondersteun deur n uitnodigende, goed onderhoude skoolterrein, toerusting en fasiliteite. 5 Ref: 1.1/20/9/16 3de Konsepdokument: 29 September 2016 Kobus Visagie

7 INSTITUSIONELE BEPLANNINGSPROSES Die Visie, Missie en Doelwitte van Hoërskool Centurion verskaf n raamwerk waarbinne die strategiese fokus en doelwitte vir elke funksionele afdeling van die Skool ontwikkel word. n Institusionele beplanningsproses wat strewe na volhoubaarheid in 2021word vir die doel implementeer. SUKSES-KRITERIA Strategiese beplanning kan net suksesvol wees indien die Skool eerste gestel word, bo die belange van enige individu. Dit vereis: Eerlike introspeksie in ons strewe na volhoubaarheid huidige uitnemendheid alleen is klaarblyklik nie goed genoeg om ons te laat groei nie. Onvoorwaardelike eerlikheid en deursigtigheid oor tekortkominge, probleme en uitdagings status quo is nie goed genoeg om ons lewensvatbaar te maak nie. Geen kleinserigheid vir kritiek nie die Skool se belang is groter as enige individu se ego. Geen Heilige Koeie ook nie Beheerliggaam, Bestuur en Leiers nie. Geen aansiens des persoons individue en poste nie ter sprake nie. Innoverende denke outside the box, toekomsgerigte denke. Dissipline en Respek vir die Skool en vir individue veral die wat van my verskil Deurlopende, doeltreffende en doelmatige KOMMUNIKASIE met alle belangegroepe. STRATEGIESE VRAE Die volgende word vir elke funksionele afdeling van die Skool en namens elke belangegroep oorweeg: Hoe lyk n volhoubare afdeling m.a.w. hoe moet die afdeling oor 5 jaar lyk sodat dit finansieël lewensvatbaar en relevant is? Waar is die afdeling nou en waar moet dit oor vyf jaar wees? Wat is positief in ons huidige scenario? Wat is negatief in ons huidige scenario? Wat is ideale scenario vir die Skool binne die raamwerk van praktiese, haalbare uitkomste? 6 Ref: 1.1/20/9/16 3de Konsepdokument: 29 September 2016 Kobus Visagie

8 Hoe bereik ons die eindbestemming dink buite die box : Wat kan ons anders doen? Wat kan ons ophou doen? Wat kan ons ekstra doen? BELANGEGROEPE Die volgende belangegroepe se opinie, bydrae en uitdagings word oorweeg: Primêre Belangegroepe Beheerliggaam Bestuur Leerders Departementeel-aangestelde Personeel Beheerliggaam-aangestelde Personeel Ouers Potensiële en Voornemende Ouers en Leerders Voederskole Die Departement van Onderwys Sekondêre Belangeroepe Borge en Donateurs Oud-leerders Die plaaslike Gemeenskap (Civil Society) Centurion Skole en Opvoedkundige inrigtings Diensverskaffers en Leweransiers Stadsraad en Dienste-departemente FUNKSIONELE AFDELINGS Die volgende funksionele afdelings is geïdentifiseer: Beheerliggaam (Governance) (Rol, funksies, leierskap, verteenwoordiging, strukturering, aanstelling, prosedures, werkswyse, kommunikasie) Bestuur (Verteenwoordiging, prosesse, prosedures, kommunukasie, leierskap) Personeel ingeluit Algemene Werkers en Kontrak-aanstellings (vergoedingstrukture, dienskontrakte, prestasiemeting, kwalifikasies, potensiaalontwikkeling (alle terreine), produktiwiteit, regverdigheid en billikheid, personeelsamestelling, BBBEE, bekostigbaarheid, koste-effektiwiteit, doeltreffendheid, doelmatigheid, ens.) Leerders (VLR, kleredrag, moraal, tradisies, kultuur, projekte, leierskapsontwikkeling, dissipline, waardes, etiek, ens.) 7 Ref: 1.1/20/9/16 3de Konsepdokument: 29 September 2016 Kobus Visagie

9 Akademie/Onderrig (ingesluit alle vakgebiede, tegnologie, hulpmiddels, fasiiteite, toerusting, vakkeuse-aanbod, koste-effektiwiteit, doelwitte, ens.) Sportbestuur (sportkantoor, afrigitng, fasiliteite, toerusting, koste-effektiwiteit, ens.) Sportkodes met eie Taakspanne: Rugby Netbal Hokkie Krieket Atletiek en Landloop Sagtebal Ander Sportkodes (o.a. Tennis, Muurbal, Bergfiets, Skaak) Kultuur bestuur (aanbod, alternatiewe projekte, deelname, koste-effektiwiteit, ouerbetrokkenheid, ens.) Kultuurportefeuljes met eie Taakspanne: Kultuur: Drama Kultuur: Spraakkuns Kultuur: Musiek Geestelike versorging (godsdiensbeleid, waardes, etiek, ens.) Geboue, Terrein, Fasiliteite en Toerusting (estetiese, vernuwing, instandhouding, makro-beplanning, finansiering, ens.) Tegnologie (administratiewe sisteme, toeganklikheid, koste-effektiwiteit, doeltreffendheid, ens.) Finansiële bestuur (vaste uitgawes, kontrole, beheer, prosesse, mandate, goedkeurings, skoolgelde, ens.) Administrasie (doeltreffendheid, doelmatigheid, koste-effektiwiteit, ens.) Bemarking (studente werwing, borgskappe, fondswerwing, liaison, eksterne betrekkinge, events, advertensies, betalingskultuur, ens.) Alternatiewe Inkomste (ad hoc projekte en potensiele projekte, ens.) Kommunikasie (eksterne fokus, interne fokus, protocol, belangegroepe, media, publikasies, kommunikasie-mediums, ens.) Ouer-betrokkenheid (alle aspekte van betrokkenheid, betalingskultuur) Transformasie (taalbeleid, toelatingsbeleid, diversiteit, ens.) Oudstudente (alumi betrokkenheid) Ander (soos deur die Skoolgemeenskap geïdentifiseer.) 8 Ref: 1.1/20/9/16 3de Konsepdokument: 29 September 2016 Kobus Visagie

10 PROSES Die Institusionele Beplanningsproses: Identifisering van n koördineerder vir die Institusionele Proses iemand wat die passie, kapasiteit en mandaat (met gesag van die BL en Skoolhoof) gegee word om al die betrokkenes te laat saamwerk (Projekleier). Mnr. Joe Cloete is aangewys as Projekleier. Identifiseer Taakleiers vir elke funksionele eenheid neem voorkeuraanduiding deur personeel in ag, betrek ouers, eksterne kundigheid en leerders. Voorsien riglyne vir elke funksionele prestasie-area om strategiese plan te ontwikkel. Volg n proses vir elke Takspan wat begin by die vrae: Waar is ons nou? Positief, Negatief Waar wil ons wees? Visie Wat kan ons anders doen? Wat kan ons ophou doen? Wat kan ons addisioneel doen? Hoe lyk die ideale eenheid? Aksiestappe om daar te kom. IMPLEMENTERING, MONITERING EN EVALUERING Die implementeringsproses sal gestruktureer word nadat die individuele strategiéplanne deur die Beheerliggaam goedgekeur en in een Institusionele plan vir die Skool geïntegreer is. Die aangewese Projekleier, Mnr. Joe Cloete, sal as hoogste prioriteit verseker dat kommunikasie met alle belangegroepe deur die hele proses doeltreffend en doelmatig in stand gehou word. 9 Ref: 1.1/20/9/16 3de Konsepdokument: 29 September 2016 Kobus Visagie