12/2016 Liewe Ouers Annieka Moolman

Transcriptie

1 12/2016 Liewe Ouers My eerste prentjie oor onderwys dateer waarskynlik uit my Anne of Green Gables dae: onderwysers was vir my n juffrou wat met n mandjie wat vrolik heen en weer swaai (oorgetrek met biggie best materiaal), geloop het en sy t altyd n bloedrooi appel in die ander hand gehad! Menere het langbroeke met kruisbande gedra en strikdasse en jy moes hulle Meester noem as hulle verby jou stap met n stapel boeke onder die arm. Kinders was effe gesigloos en het op swaaie gespeel. Na baie speel en min huiswerk het die dag geëindig, soos net die Waltons dit kon doen, met: Nag John-Boy! en dan Nag, Mary-Ellen! Tydens die opleiding van onderwysers leer studente vakkennis aan, maar min van die hartklop van die onderwys. Niemand berei jou voor, dat jy jou hart jaar na jaar en klas na klas gaan verloor nie. Eers as jy alleen voor n klas staan, sonder dosente of mentoronderwysers wat by netjies voorbereide tafels met potjies blomme sit, tref die werklikheid jou 30 pare oë wat hulle juffrou of meneer elke dag beloer - van kop tot tone! Eers dan besef jy die onvoorwaardelike vertroue van elke paar oë. En dan weet jy... jy sal nooit weer dieselfde kan wees nie: kinders van ánder mense wat jy nog nooit ontmoet het nie, word soos jou eie kinders. As hulle huppel, is jy bly. As hulle swaar kry, kry jy swaarder en as hulle seerkry, breek jou hart saam met hulle s n. En nooit ooit, stap hulle uit sonder om n stukkie van hulleself agter te laat en n stukkie van jou hart saam te neem nie. Soms as hulle deurmekaar of hartseer raak, kom staan hulle skielik op n dag net langs jou sonder woorde... want hulle weet nie waarheen nie, en kan nie hulle emosies verwoord nie, maar hulle staan langs jou, want dis veiliger daar... Dít leer jy nie in boeke nie. Dit is n sagtheid en n sprankel en n ekstra dimensie wat jy ontdek deur saam of voor of agter hulle te stap en soms saam met hulle n polka te dans of n bollemakiesie te maak as die wêreld onderstebo raak. Soms moet jy n drukkie gee, soms moet jy n skoppie gee... maar daar kom sonder uitsondering n vredigheid as jy hulle hande vat en saam met hulle vorentoe beur, want hoe dan anders... hulle is jou hartklop! Dié week was die hartklop weer op gallop! Ons kinders is prettig en dink anders... ons vou vir opedag elkeen n origami-voëltjie, wat terugreik na die eerste skoolwapen met die duif daarop en simbool is van Ons streef die hoogste na! Elke kind kry n patroon en n vierkant wit papier, wat in n duif gevou moet word. Ek hou so half my hart vas, want dié is n wilde plan, maar soos altyd excelsa petamus die Menlo-massa en die wit vredesvoëls stroom in! Maar daarmee saam, groot pret ook. Een kom aan met n reuse wit gevoude duif uit n A3-papier i.p.v. die klein pikante vierkant wat ek gesny het. Ek begin so effe versigtig: Het julle eerder groot gegaan... en ek kry: Nee Juffrou, ons het gou twee groottes gevou om al die kleintjies in te dra! Soos n kangaroe se buidelsak, vou die twee reuse groot voëls (van onseker herkoms) oop en spoeg 30 klein wit voëltjies uit! In my kantoor staan n boks vol wit voëltjies met n briefie daarop wat lui: Graad 12J - dié verdien n prys! en onderaan, elkeen se naam. In die middel lê n swart duif. Hulle kom loer in met: Juffrou, het jy ons voëltjies gekry? Ons het n produksielyn gevorm en gou die voëltjies gevou, maar in elke groep is daar altyd n swart skaap... het jy ons swart voëltjie ook gekry? En toe verskyn juffrou Yolanda: Hier is ons klas s n, maar jy sal sien n paar het buite die boks gedink en die patroon bietjie aangepas... ek is nie seker of die voëltjies hoenders of swane is nie! As jy soos n arend wil vlieg, kan jy nie tussen die hoenders skrop nie. Gee jy n plan vir Menlo-kinders, werk hulle n absolut kinkel in vir avontuur! Wie kan hulle nie opvreet van liefde nie, al sê Tommy ander dag vir my: Juffrou! Juffrou! Baie geluk met Juffrou se verjaardag Sondag. Al is Juffrou al bietjie oud, is Juffrou se gees nog jonk! en gee my n vreeslike druk! Partykeer wil jy hulle dooddruk van liefde en partykeer n skoppie op die agterstewe gee, maar die eintlike geheim is: hulle is ons hartklop, ons opstaan en ons gaan slaap! Absolut een en elke Menlo-mater en sy absolut duif (of dergelike ander voëlspesie)! Annieka Moolman

2 LIEFDADIGHEIDSWEEK 22/04 Tuksreeks semifinaal (LC de Villiers): netbal Redenaars: ATKV-uitdunrondtes (tot 23/04) 23/04 Tuksreeks semifinaal (LC de Villiers): rugby en hokkie 25/04 Tuksreeks (tot 27/04): tennis, muurbal, gholf, skaak en landloop 26/04 Rugby: Vriendskaplik vs Centurion (A- en B-spanne, tuis) 28/04 Rugby: Vriendskaplik vs Centurion (3de, 4de, B- & C-spanne, tuis) 29/04 Wildeklawertoernooi (tot 02/05, weg): rugby en netbal 4/05 MENLO-OPEDAG Registrasie fieterjasies 2017 Die graad 8-registrasie vir 2017 se aanlyn-waansin het n onseker kinkel in die aanlyn-kabel. Ons stel voor dat alle ouers poog om die aanlyn-proses te voltooi, maar handig ons eie registrasievorm (hardekopie of per e-pos na info@menlopark.co.za), ook in. Indien die aanlyn skakel die woord error gebruik of die komper dogtertjies in seunskole plaas, druk n print screen as bewys van die goggas en stuur saam met die Menlo-registrasievorm in. Indien die planete wel in n ry is, kry n toelatingsnommer en stuur steeds die Menlo-vorm met die departementele nommer in. Ons vorm is sommer n absolut all-in-one met die keusevak en die vrywaringsvorm asook die skoolgeldkontrak wat alles in elk geval skriftelik moet gebeur. Kom ons kners eenmalig op die tande, voltooi die vorms op twee maniere en kry klaar met alles om uiteindelik in vrede te verval. Wat klaar is, is klaar, het die tannie gesê wat met die hoed op in die bad geklim het! ONDERSTEUNERSDRAG Ons is opgewonde oor die pawiljoene vol Menlo-ondersteuners wat saampak om ons Menlo-spelers op die hande te dra! Hierdie Menlo-ondersteunersdrag word by die Menloklerewinkel op ons terrein verkoop! Neem asseblief kennis dat die Menlo-ondersteunersdrag slegs deur Menlo-alumni, -ouers en -vriende van die skool gedra word en nie deur leerders van die skool nie. Kom bid saam elke Donderdagoggend van ± 07:30 af in die sitkamer van die koshuis. Ma's wat Pet 5: 6 en 7 (Die Boodskap) Plaas julle hele lewe in die hand van God, in totale afhanklikheid van Hom. Wanneer die tyd daar is, sal Hy julle n ereplek by Hom gee. Neem al die dinge waaroor julle julle bekommer of wat julle omkrap na God toe, want Hy self is die Een wat vir julle sorg.

3 TuksSkole-reeks: Kwartfinaal In die kwartfinale van die Tuksreeks wat die afgelope naweek plaasgevind het, excelsa petamus ons dat die Middelburg stof staan! Baie geluk aan ons Menlo-dames en -manne wat te midde van die wegholspoed van Mei, hulle skool se naam op hulle harte dra en met vasbyt en toewyding, vasbyt totdat die eindfluitjie blaas! Rugby o/14a Menlo wen HTS Middelburg 50-7 o/15a Menlo wen HTS Middelburg 48-7 o/16a Menlo wen Centurion 7-6 1stes Menlo wen Centurion Netbal o/14a Menlo wen Eldoraigne o/15a Menlo verloor teen Eldoraigne o/16a Menlo wen Eldoraigne o/17a Menlo verloor teen HTS Middelburg stes Menlo wen Centurion Dogtershokkie o/14a Menlo wen Eldoraigne 3-0 o/15a Menlo wen HTS Middelburg 11-0 o/16a Menlo wen Eldoraigne 2-1 1stes Menlo wen HTS Middelburg 4-3 Seunshokkie o/14a Menlo wen Eldoraigne 5-2 o/16a Menlo wen Centurion 6-0 1stes Menlo wen HTS Middelburg 3-2 Seunshokkie - vriendskaplik Menlo-seunshokkie speel in n vriendskaplike kragmeting teen FH Odendaal en behaal die volgende uitslae: Menlo o/16c wen FH Odendaal o/16a: 2 0 Menlo o/18c verloor teen FH Odendaal 1stes: 0-3 Danielle du Toit (gr. 11), Menlo se eie gholfsensasie, is gekies om Suid- Afrika te verteenwoordig in Japan tydens die Junior Word Cup Championships. Hierdie volg op legio gholfprestasies wat haar absolut op die gholfradar laat land het. Sy het ook in die skoleliga heelparty seunsgholfspelers na hulle asems laat snak soos sy gholfballe slaan en sink! Absolut fenomenaal, absolut Danielle! Ons is trots op jou!

4 SSA nasionale kampioenskappe Hanré van Geffen, ons oopwater Menlo-mater, neem aan die kampioenskappe deel en verbeter sy persoonlike tye in die 200mbors- en rugslag. Youth Dié week se opwindende swem in Durban, met die oog op kwalifisering vir die Rio Olimpiese spele, is agter die rug. Rita Naudé het in die finaal geswem van die 100m-vlinderslag, 50m-vlinderslag (6de) en ook in die 50m-rugslag (5de). Sy verwerf n silwermedalje in die afdeling Youth Elite (o/20) vir 50m-rugslag. Menlo-swemmers wat aan die nasionale swemkampioenskappe deelgeneem het. Suné van Jaarsveld het ook in die Youth-afdeling deelgeneem en n tweede plek vir die 200m-borsslag en n vierde plek vir die 50mborsslag losgeswem. In die o/14-afdeling (ook vlak 3) presteer Suné met n sesde plek in die 200m-borsslag, n sewende plek in die 100mborsslag en n agtste plek in die 50m-borsslag. Vlak 1 Sean Loock het aan vier items op vlak 1 deelgeneem en in al vier die finaal gehaal. Hy behaal twee 3de plekke, n 5de plek en n 7de plek. Sean swem tydens hierdie finale ook twee van sy persoonlike beste tye. Vlak 2 Melissa Carney verower gouemedaljes vir die 100m-rugslag en -borsslag asook die 200m-vryslag en rugslag. Die volgende silwermedaljes hang ook om haar nek: 400m-vryslag en 50m-rugslag. Luc van Rooyen neem aan agt items deel en bereik die finaal in ses hiervan. Sy prestasies lyk as volg: n silwermedalje in die 400m-vryslag, n bronsmedalje in die 200m-vryslag, n vierde plek in die 200mrugslag, n sesde plek in die 200m-individuele medley, n agste plek in die 100m-rugslag en n negende plek in die 100m-vryslag. Hendrik Smith verwerf n sesde plek in die 50m-vryslag. Rick Wentzel spog met twee bronsmedaljes in die 100m en 200m rugslag onderskeidelik asook n bronsmedalje in die 50m-mix vryslagaflosse (o/14 Diadora-swemklub). Vlak 3 Zania Pieters neem ook op vlak 3 deel in haar ouderdomsgroep en swem baie goed in die 50m en 200m vryslag asook die 100m en 200m-borsslag. Wat n absolut asembenemende swemsensasie is ons Menlo-massas van formidabele swemmers vol passie, toewyding, ontembare geesdrif en deursettingsvermoë! Ons is so trots op julle!

5 Menlo-tennis het die Tuksreeks met absolut oorgawe aangepak en kragte gemeet in die eerste uitspeelwedstryd teen Hoërskool Pietersburg in Polokwane. In dié reeks word wedstryde in twee afdelings, seniors en juniors, beslis. In elke afdeling word 16 wedstryde gespeel, wat bestaan uit 8 enkels, 4 dubbels en 4 gemeng. Ons tennisspelers klop die span van die noorde oortuigend! Die juniors staan geen wedstryd af nie en die seniors slegs 4 van die 16 - dié is n absolut groot begin vir die reeks. Die volgende wedstryde word vanaf April 2016 in Pretoria beslis. Absolut tennis! Lewensredding Reinet le Roux (graad 9) het gedurende Februarie aan die Gauteng provinsiale kampioenskappe vir lewensredding deelgeneem en is gekies vir die Gauteng-span wat gaan deelneem aan die Suid-Afrikaanse kampioenskappe wat in Durban plaasvind vanaf 28 April-1 Mei. Absolut geluk Reinet en baie sterkte! Binnenshuise krieket Gideon van Wyk (graad 9) het gedurende die afgelope vakansie aan die SA Junior Binnenshuise kriekettoernooi deelgeneem en is opgeneem in die o/15 SA-span. Welgedaan Gideon!

6

7