GRONDWET VAN DIE VERENIGING VAN REKENMEESTERS VIR AFRIKAANS

Transcriptie

1 GRONDWET VAN DIE VERENIGING VAN REKENMEESTERS VIR AFRIKAANS 1. NAAM Die naam van die Vereniging is - DIE VERENIGING VAN REKENMEESTERS VIR AFRIKAANS hierin na verwys as RVA. 2. DOELSTELLINGS Die RVA stel hom ten doel om Afrikaans in die algemeen as amptelike taal en in die besonder as rekenmeesterstaal te bevorder en uit te bou; Die publikasie van Afrikaanse rekenmeesters-literatuur te bevorder en te fasiliteer en om die vertaling van rekenmeesters-literatuur in Afrikaans aan te moedig en te bevorder; Afrikaans aan universiteite en ander opleidingsinstansies as taal van onderrig te bevorder; Rekenmeesters-onderrig en -opleiding in Afrikaans met Afrikaanse lesingmateriaal te bevorder; Die gebruik van Afrikaans by rekenmeesters-seminare, -byeenkomste en vergaderings te bevorder; Bystand te verleen, in die besonder in omstandighede waar Afrikaanse taalregte of dergelike regte van die Afrikaanse gemeenskap en lede daarvan in die gedrang is; Na goeie oordeel met instellings en verenigings saam te werk wat Afrikaans as taal erken en daadwerklik respekteer en bevorder; Personeelbeleid en -praktyk in die algemeen en in die besonder in die rekenmeestersberoep te bevorder wat streeks- en plaaslike taaldemografie, met spesifieke verwysing na Afrikaans, in ag te neem; Tot voordeel van die lede van RVA en van Afrikaanse rekenmeesters in die breë op te tree; Te werk vir die gelyke erkenning en akkommodering van die rekenmeestersbelang in die gemeenskap; en Om in die algemeen sodanige handelinge uit te voer as wat volgens RVA nodig is om sy doelstellings te bevorder; Die RVA beoefen sy aktiwiteite in die Republiek van Suid-Afrika op n niewinsgewende grondslag en op n wyse wat nie die ekonomiese eie-belang van enige persoon sal bevorder nie Die RVA se hulpbronne, fondse en aktiwiteite moet ter bevordering van sy doelstellings en nie ter ondersteuning van enige politieke party aangewend word nie Enige bates van RVA moet tydens ontbinding aan n soortgelyke organisasie met dieselfde doelstellings oorgedra word. 1

2 3 LIDMAATSKAP 3.1 Lede Die volgende kategorieë persone en instellings, wat die doelstellings van RVA onderskryf, kwalifiseer vir lidmaatskap by die RVA en kan as lede by RVA aansluit; Individuele persone wat as rekenmeesters gekwalifiseer is, of persone wat in die rekenmeestersprofessie is, of persone wat in die akademie staan en opleiding gee in rekeningkunde of verwante vakke, of in n rekenmeesters-hoedanigheid werksaam is; Rekenmeestersklerke, assistente en bona fide rekenmeesterstudente, heeltyds of deeltyds. 3.2 Medewerkers Persone en/of organisasies wat nie as lede kwalifiseer nie, maar die doelstellings van RVA onderskryf en wil bydra tot die bevordering daarvan, kan by bestuur aansoek doen om as medewerkers van RVA geregistreer te word Weiering of beëdiging van lidmaatskap Die Bestuur het die bevoegdheid om enigeen, lidmaatskap van RVA te weier of te beëindig indien daar grondige rede vir die verdenking bestaan dat so n lid nie die doelstelllings van RVA onderskryf nie, of die bedrywighede van RVA mag ontwrig, of tot nadeel van RVA wil optree. Alle gevalle van weiering en/of kansellasie van lidmaatskap deur die Bestuur word by die eersvolgende jaarvergadering van RVA met opgaaf van redes bekend gemaak Erelede Die Bestuur kan erelede van RVA benoem Erelede kom uit die geledere van rekenmeesters wat hulle onderskei het in die rekenmeesters-praktyk of die rekenmeesters-akademie, wat n besondere bydrae gelewer het ter bevordering van Afrikaans as rekenmeesterstaal en wat die doelstellings van RVA ondersteun. Enige lid van RVA kan n geskikte persoon as erelid nomineer vir oorweging deur die Bestuur In buitengewone gevalle kan die Bestuur ook nie-rekenmeesterslui benoem wat n besondere bydrae tot Afrikaans in die rekenmeestersprofessie en/of tot die RVA gelewer het. 4. LIDMAATSKAPFOOIE 4.1. n Jaarlikse lidmaatskapfooi, soos dit van tyd tot tyd deur die Bestuur bepaal word, is deur elke lid van RVA betaalbaar Verskillende lidmaatskapfooie kan vir die verskillende kategorieë lidmaatskappe van die RVA deur die Bestuur bepaal word Medewerkers en erelede van RVA betaal geen fooie nie. 2

3 5. JAARVERGADERING 5.1. n Algemene Jaarlikse Ledevergadering, bekend as die Jaarvergadering, geskied voor die einde van November van elke jaar. Lede sal behoorlike skriftelike kennisgewing deur die Bestuur ontvang. Die Jaarvergadering sal gedurende die derde kwartaal van elke jaar gehou op n plek en tyd soos bepaal word deur die Bestuur. 5.2 Die bestuur moet 21 (een en twintig) dae voor die Jaarvergadering n skriftelike kennisgewing aan elke lid stuur met vermelding van die tyd en plek waar die Jaarvergadering sal plaasvind. 5.3 Die Jaarvergadering van RVA is die hoogste besluitnemingsliggaam van die RVA en bepaal die breë beleid van RVA; lê riglyne neer waarbinne die Bestuur moet optree; en verkies, behoudens die tersaaklike bepalings van die Grondwet oor die bestuur, die bestuur vir die volgende jaartermyn Tydens die Jaarvergadering lewer die Bestuur behoorlike skriftelike verslag oor die aktiwiteite en die finansiële stand van die RVA. 5.4 Alle lede van RVA wie se lidmaatskapfooie betaal is, het sittingsreg en stemreg op die Jaarvergadering. 6. SPESIALE VERGADERING n Spesiale vergadering moet binne een maand vir n geskikte tyd en plek deur Bestuur belê word indien: 6.1 n Skriftelike versoek te dien effekte deur vyf en twintig van die opbetaalde lede by die Bestuur ingedien is, en 6.2 Die rede vir die vergadering volledig op skrif uiteengesit word. 7. KWORUM 7.1. n Kworum van n Jaarvergadering of Spesiale Vergadering bestaan uit minstens vyf en tien opbetaalde lede van RVA onderskeidelik Erelede en Medewerkers van RVA geniet sittingsreg, maar het geen stemreg tydens n Jaar- en Spesiale Vergadering nie. 3

4 8. BESTUUR 8.1. Die Bestuur bestaan uit minstens drie en n maksimum van nege lede, bestaande uit n voorsitter, n ondervoorsitter, n sekretaris/tesourier en addisionele lede Portefeuljes, insluitende dié van sekretaris en tesourier word so gou doenlik na die Jaarvergadering, maar nie later nie as tydens die eerste Bestuursvergadering, na onderlinge oorleg in die Bestuur, geïdentifiseer en toegeken n Meerderheid van die Bestuur vorm n kworum vir bestuursvergaderings en n meerderheid moet teenwoordig bly ten einde n behoorlike gekonstitueerde bestuursvergadering daar te stel Wanneer vakatures op die Bestuur ontstaan, kan die Bestuur die vakature vul deur n plaaslike lid van RVA op die Bestuur te benoem en indien nodig, n portefeulje toe te ken Die Bestuur het die bevoegdheid om enige verdere lede van RVA na goeddunke vir die duur van die ampstermyn of vir n korter tydperk op die Bestuur te koöpteer Die Bestuur vergader minstens driemaandeliks en die verrigtinge van die vergadering word behoorlik genotuleer Die Bestuur funksioneer sover moontlik op die grondslag van eenstemmigheid, maar neem besluite per hoofdelike stemming indien eenstemmigheid nie bereik kan word nie. In die geval van n staking van stemme, oefen die voorsitter n beslissende stem uit Die Bestuur onderneem alle optrede wat na die Bestuur se goeddunke noodsaaklik en doeltreffend is om RVA binne die raamwerk van die Grondwet en die algemene werkswyse van RVA, te bevorder Die Bestuur kan enige organisatoriese of dergelike reëlings tref, met inbegrip van die stigting van subkomitees om die doelstellings van RVA ten beste te bevorder n Lid van RVA wat na die oordeel van die Bestuur die bevordering van die doelstellings en die belange van RVA benadeel, se lidmaatskap kan deur die Bestuur op grond van n tweederde meerderheidstem beëindig word. Daar moet dan met n behoorlike skriftelike opgaaf van redes oor sodanige beëindiging by die eersvolgende Jaarvergadering hieroor verslag gedoen word Vir die doelstelling van die behoorlike funksionering van die RVA moet die Bestuur n bankrekening of bankrekenings open en administreer en in die algemeen die geldelike aangeleenthede van RVA na behore bestuur, wat die byhou van n behoorlike boekhoudingstelsel en opstel van jaarlikse finansiële state soos per klousule 13 behels. Hierdie finansiële state sal elke jaar op die algemene jaarvergadering vir goedkeuring voorgelê word. Die finansiële jaareinde van RVA is einde Februarie. 9. UITVOERENDE BEAMPTE Die Bestuur kan n geskikte persoon as Uitvoerende Beampte van RVA aanstel, wat verantwoordelik is om die besluite van die Bestuur uit te voer en die algemene administrasie van RVA te behartig. 4

5 10. WERKSWYSE RVA benut alle paslike weë binne die raamwerk van die reg ter bevordering van sy Doelstellings RVA is verbind tot n demokratiese, opbouende en deursigtige openbaar eerbare handelwyse en bevorder die verwesenliking van sy doelstellings deur onder andere: Gesprekvoering, onderhandeling, openbare standpuntinname, debat en waar nodig deur litigasie; en Die vestiging en uitbou van selfstandige strukture en fasiliteite RVA werf landswyd lede ten einde sorg te dra dat die doelstellings van RVA oral bevorder kan word. Lede kan ook buite Suid-Afrika gewerf word. Lede van RVA word aangemoedig om op individuele basis, waar nodig, in oorleg met die Bestuur, die doelstellings van RVA te bevorder waar die geleentheid en die noodsaak ook al daarvoor opduik Die Bestuur kan RVA ook informeel op n streeks- of distriks- of dergelike grondslag organiseer. 11. EREPRESIDENT Die Bestuur kan n rekenmeester van uitstaande statuur en met n bewese daadwerklike verbintenis tot Afrikaans as rekenmeesterstaal by die Jaarvergadering aanbeveel om as Erepresident benoem te word. Enige Lid kan ook voorstelle maak oor wie as Erepresident benoem kan word. 12. REGSPERSOONLIKHEID RVA, soos verteenwoordig deur die Bestuur, is n regspersoon en mag enige regshandeling binne die bevoegheid van n regspersoon vervul Geen lid het enige eis teen RVA vir enige skade wat hy of sy mag ly weens n handeling of versuim aan die kant van RVA, of van die Bestuur nie. 13. PROFESSIONELE DIENSTE 13.1 Die bestuur moet op elke jaarvergadering n professionele rekenmeester (hierna verwys as die ouditeur van die RVA) aanstel om as die ouditeur van die RVA op te tree. Aan die einde van elke finansiële jaar sal die bestuur n rekening van die administrasie van die RVA opstel / laat opstel waarin die kapitaal van die RVA uiteengesit word met alle byvoegings daartoe en alle inkomstes en uitgawes deur die bestuur aangegaan en wyse waarop dit alles gehou en belê is. Elke lid of sy regsverteenwoordiger sal op versoek geregtig wees op n ware afskrif van elke sodanige rekening, wat behoorlik deur die voorsitter en ouditeur gesertifiseer is Die bestuur is geregtig om van die dienste van professionele persone gebruik te maak in soverre hulle sodanige dienste noodsaaklik of wenslik ag vir die doeleindes van die RVA en daarvoor uit die RVA se fondse betaal. 5

6 13.3 Die feit dat n lid van die bestuur n professie beoefen of besigheid bedryf, sal geen beletsel vir hom of sy firma wees om in n professionele of ander hoedanigheid opdragte van die RVA te ontvang en uit te voer en daarvoor vergoed te word nie asof hy nie lid van RVA is nie. 14. VRYWARING Die lede van die Bestuur of enige subkomitee, substruktuur, persone in diens van RVA of gekontrakteerdes van RVA, word gevrywaar teen alle verliese gely of onkostes deur hulle aangegaan in die uitvoering van hul pligte, behalwe waar sodanige verliese gely is of onkoste aangegaan is as gevolg van hul eie onderskeidelike opsetlike gebrek aan pligsgetrouheid of nalatige optrede of pligsversuim. n Eis sal egter slegs slaag indien vooraf skriftelike toestemming deur die Bestuur daartoe verleen is. 15. WYSIGING VAN DIE GRONDWET Wysigings aan die Grondwet is onderhewig aan die goedkeuring van minstens twee derdes van die teenwoordige lede tydens n behoorlike gekonstitueerde Jaar- of Spesiale vergadering. 16. DOMISILIE Die domicillium citandi et executandi van RVA onder meer vir die doel van die bestelling van enige kennisgewing is: Gouwslaan 50, Raslouw, CENTURION, Die posadres van RVA is: Posbus 219, Wierdapark, Die eposadres van RVA is: jaco@mrek.co.za ####################### 6