Matteus 25:1-13 Jesus roep sy kerk op om, in afwagting van sy koms, altyd gereed te wees.

Transcriptie

1 Matteus 25:1-13 Jesus roep sy kerk op om, in afwagting van sy koms, altyd gereed te wees. Augustus 2015 Ps 75: 1, 2 - vooraf Ps 75: 4, 5, 6 - lofpsalm Ps 119: 11, 12 na wet Ps 95: 4 as antwoord op die Woord Ps 113: 1, 2, 3 tydens Barmhartigheidsdiens Ps 118: 11, 13, 14 slotpsalm Lees: Mat 25: 1-13 Skrifverklaring. Inleiding. Geliefdes tyd is iets wat so vinnig verby kan gaan. Kyk waar staan ons al weer in'ie jaar. Tyd gaan verby asof dit nie eintlik bestaan nie. Die tyd gaan verby. Die tyd stap aan. Maar miskien moet ons vanoggend n oomblik stil staan en nadink oor tyd. Vir n slag moet ons luister na wat God se Woord oor tyd sê. Nou sit opmerklik dat wanneer die Skrif praat oor tyd, dit vir ons vertel van n begin en n einde. In Gen 1:1 hoor ons van die begin: In die begin het God die hemel en die aarde geskape. Maar ons hoor ook van n einde. Die dissipels praat met Jesus daaroor in Mat 24: Vertel ons... wat is die teken van u koms en van die voleinding van die wêreld? vra hulle Hom in Mat 24:3. Nou in'ie gelykenis wat ons Here Jesus aan ons vertel het, word daar ook gepraat oor tyd. Ons hoor'it in vers 13: Waak dan, omdat julle die dag en die uur nie weet waarop die Seun van die mens kom nie. Nou vanoggend gaan ons wat die HERE se tyd betref, fokus op die einde van daardie tyd ons gaan fokus op die einde van hierdie aardse tyd.

2 En dan'sit baie belangrik om bedagsaam te luister. Want in die dolle gejaag van elke dag, voel die einde soms ondenkbaar. Alles gaan voort asof daar geen einde kom nie. Die volgende sekonde, minuut, uur en dag is iets wat ons as vanselfsprekend aanvaar. Toepassing Tog dinge kan skielik en drasties verander want so sal die koms van ons Here wees. Skielik sal die einde van die tye aanbreek. En daarvoor moet ons gereed wees. Dis wat Jesus in sy gelykenis vir ons wil sê Maar voor ons nou ingaan op Jesus se gelykenis kom ons kyk net eers waarom Jesus hierdie gelykenis juis op hierdie tydstip vertel. A. Nou Jesus vertel hierdie gelykenis op'ie Dinsdag net voor sy kruisiging. 1 Dit was n vol Dinsdag. Baie is gesê. Veral deur Jesus. Dit was die Dinsdag net na die Sondag toe Jesus op n esel Jesusalem ingery het. en so die Profesie van Sagaria vervul: Sê vir die dogter van Sion Kyk, jou Koning kom na jou toe, sagmoedig, en Hy sit op n esel. So hoor ons in Mat 21:5 Toe so hoor ons in Mat 21:9 het die mense Hom toegeroep: Hosanna vir die Seun van Dawid! Geseënd is Hy wat kom in die Naam van die Here! B. Ja dit was n vol Dinsdag Baie is gesê. Die volksleiers het die gesprekke begin (Mat 21:23). Hulle wou nie Jesus se gesag aanvaar nie. Vir hulle was Hy nie die Koning nie. Met slinksheid het hulle probeer om Jesus in sy woorde te verstrik (Mat 22:15). Maar in al hierdie gesprekke was Jesus die Oorwinnaar. En uit eindelik konfronteer Jesus hulle toe met n laaste en beslissende vraag: Wat dink julle van die Christus? Wie se seun is Hy? (Mat 22:42). 2 1 Van der Walt Die mes het gekom bl Van der Walt Die mes het gekom bl

3 En dan wys Jesus vir hulle vanuit Ps 110 wie die Christus is. Hy s nie alleen die Seun van Dawid nie. Nee, Hy s nog baie meer. Hy s ook die Seun van God. Maar anders as die dissipels wat in die woorde van Petrus erken het dat Jesus die Christus (is), die Seun van die lewende God, hoor ons van die kant van die volksleiers net n klipharde stilte (Mat 22:46). 3 En dan waag niemand dit meer om iets vir Jesus te vra nie. Maar terwyl die volksleiers se monde nou gesnoer is, borrel Christus se oordeel as te ware oor hulle uit (Mat 23). Tot agt maal toe moet hulle sy snydende wee julle, skrifgeleerdes en Fariseërs, geveinsdes aanhoor. En so verlaat Jesus die tempel. Die Christus, die Koning, verlaat die tempel met sy oordeel wat weerklink in ons ore. Net sy laaste woorde hang nog oor die tempelplein Kyk, julle huis word vir julle woes gelaat! en: Julle sal My van nou af sekerlik nie sien nie totdat julle sal sê: Geseënd is Hy wat kom in die Naam van die Here! (Mat 23:38-39). C. Nou dis teen hierdie agtergrond dat ons die dissipels se vraag daar op die Olyfberg moet verstaan. Ons lees daarvan in Mat 24. Toe Jesus die tempel verlaat het, het Hy en sy dissipels op die Olyfberg gaan sit. Daar waar die tempel vir hulle duidelik sigbaar was (Mark 13:3). En van daar af vra hulle Hom: Vertel ons... wat is die teken van u koms en van die voleinding van die wêreld? (Mat 24:3). En dan vertel Jesus sy dissipels van sy finale koms. Hy vertel hulle van die finale koms van die Koning, wanneer almal of met blydskap of met vrees en bewing 4 dit sal uitroep: Geseënd is Hy wat kom in die Naam van die Here! En dis wanneer Jesus sy dissipels van sy finale koms vertel, dat Hy ook die gelykenis van die tien maagde vertel. 3 Van der Walt Die mes het gekom bl Vgl Van Bruggen bl

4 n Gelykenis waarin Jesus ons oproep om, in afwagting van Sy koms, altyd gereed te wees. Opmerking So kom ons gaan deur hierdie gelykenis sodat ons meer kan leer oor Jesus se oproep en die belangrikheid daarvan om gereed te wees. 1. Nou Jesus begin hierdie gelykenis deur in vers 1 te sê: Dan sal die koninkryk van die hemele wees soos tien maagde Nou met hierdie dan bind Jesus sy gelykenis stewig aan Mat 24:42. Net so 'n paar verse terug. Daar sê Jesus: Waak dan, omdat julle nie weet watter uur julle Here kom nie. So met hierdie gelykenis wil Jesus ons wys hoe dit gaan met die koninkryk van die hemele by sy wederkoms. Dit sal dan met die koninkryk gaan soos met die tien maagde in die gelykenis wat Jesus vertel. 2. Maar wat op aarde is nou die Koninkryk van die hemele waarvan Jesus in vers 1 praat. A. Wel die Koninkryk van die hemele is ook die Koninkryk van God. Mattheus hou nogal daarvan om te praat van die koninkryk van die hemele. Maar blaai ons na Markus en Lukas dan kom ons agter dat die Koninkryk van die hemele niks anders is as die Koninkryk van God nie. En dan gaan die Koninkryk van God heel eerste oor God se koningsheerskappy. En Jesus dan is die Koning die Messias van God wat God se ewige soewereine koningsheerskappy kragtig verlossend hier-en-nou in 'n wêreld vol opstand teen God laat inbreek. So het die profete al in die OT al oor Jesus geprofeteer. 5 B. Maar nou's hier nog iets oor'ie Koninkryk wat nogal belangrik is ook vir ons verstaan van'ie gelykenis oor die tien maagde. 5 Vgl NTES 611 studiegids bl

5 En dis'at die verkondiging van die koninkryk die kerk in die NT laat ontstaan. Bewys Ons sien'it mooi in Mat 16. In Mat 16 het Jesus nou al 'n hele ruk lank die Evangelie verkondig dat Hy die Koning is die Christus is wat die Koninkryk van God kragtig verlossend in die wêreld laat kom. Met sy wonders het Jesus dit gewys. Met sy preke het Jesus dit geleer. Maar dan in Mat 16 vra Jesus sy dissipels Wie Hy vir hulle is. Petrus antwoord hierdie vraag. Hy sê: U is die Christus, die Seun van die lewende God. So Petrus erken Jesus as die gesalfde Koning van die HERE. Die Een wat God se heerskappy bring. En dan sê Jesus in Mat 16:18, dat hierdie belydenis van Petrus waarop Hy sy kerk sal bou. die fondament is So sien julle? Die verkondiging van die koninkryk van God. Die verkondiging dat Jesus Verlosser-Koning is laat die kerk in die NT dus ontstaan. Die kerk is'ie plek waar die werklikheid van Jesus se Koningskap erken word en bely word. 6 Toepassing En wanneer Jesus dan in die gelykenis van die 10 maagde praat van die koninkryk dan gaan'it veral oor'ie Kerk wat die werklikheid van die koningsheerskappy van God erken en bely. 7 So Jesus vergelyk in hierdie gelykenis die Kerk ook ons vanoggend hier met die 10 maagde van sy gelykenis. 3. Maar kom ons gaan nou bietjie meer in op die detail van Jesus se gelykenis. 6 Vgl du Plooy, 1984: 20-21; NTES 875 reader bl Vgl ook Calvyn se kommentaar op Mat 25:1-13 4

6 A. Kyk Jesus sê in vers 1: Dan sal die koninkryk van die hemele wees wat hulle lampe geneem en uitgegaan het om die bruidegom te ontmoet. soos tien maagde So in hierdie gelykenis het ons met n bruilof te doen soos'it gehou is in daardie tyd met al die gebruike van daardie tyd soos bv om lampe te neem en die bruidegom wat in die nag kom te gaan ontmoet. Opmerking Nou waar al hierdie gebruike vandaan kom en wat dit presies ingehou het weet ek nie geliefdes. Die kommentare wat ek gelees het, is dit ook nie altyd eens oor wat al hierdie gebruike behels het nie. 8 Maar belangrik vir nou is om te weet dat die 10 maagde met lampe uitgegaan het om die bruidegom te ontmoet. Ons het dus hier met n bruilof te doen. B. Maar kom ons lees verder na vers 2 toe. Kyk Jesus sê daar: En vyf van hulle was verstandig (of oordeelkundig) en vyf dwaas. So Jesus gee hier 'n beskrywing van die maagde. In vers 3 vertel Jesus dat die dwase maagde nie lampolie saam met hulle gevat het nie. Hulle dwaasheid bepaal dus hulle optrede. Net mooi die teenoorgestelde is'it met die wyse maagde. Kyk vers 4 sê dit. Hulle wysheid bepaal hulle optrede. Daarom neem hulle ekstra olie saam. Vir ingeval die bruidegom dalk lank vat om te kom. Wat toe ook gebeur het. Want kyk in vers 5 vertel Jesus: En terwyl die bruidegom talm om te kom, het hulle almal vaak geword en aan die slaap geraak. Saamvat En dit is wat ons so ver moet raaksien. Hier's 10 maagde op-pad om die bruidegom te ontmoet. Maar hulle is verskillend. 8 Vgl Hendriksen, 1982:

7 Vyf is wys en gereed om die bruidegom te ontmoet. Selfs al sou hy lank vat om te kom. Die ander vyf is dwaas en nie gereed om die bruidegom te ontmoet nie. Toepassing Maar wat leer Jesus ons nou sover met sy gelykenis? Wel ek dink twee belangrike goed. I Die eerste vind ons in vers 1. Wanneer Jesus in vers 1 vertel dat die maagde uitgaan om die bruidegom te ontmoet dan praat Hy oor Homself en sy koms. Ons sien'it bv in Mat 9: En nou't ons net-nou geleer dat die tien maagde 'n beeld is van die Kerk. So wat Jesus met sy gelykenis so ver vir ons wys is'at ons as Kerk vanoggend hier op pad is om Jesus te ontmoet by sy wederkoms. 10 II Dis'ie eerste ding. Die tweede is'at dat daar twee groepe onder ons is. Wyses en dwases. Wyses wat gereed is om Jesus te ontmoet. En dwase wat nie gereed is nie. Selfondersoek En nou moet ons selfondersoek doen. Waar staan ek en jy? Is ons wys? Is ons gereed vir Jesus as Jesus weer kom? Of is ons dwaas? Oorgang So dis wat ons so ver in die eerste 5 verse van Jesus se gelykenis kon leer. En dis so belangrik. Is ek wys of dwaas? 4. En hoe baie belangrik hierdie vraag is sien ons as ons nou aangaan na vers 6 toe. 9 Openb 19:7; 21:2 en 7; vgl ook Mark 2:19-20; Joh 3:27-30; vgl ook D.A Carson se kommentaar - in die cobus s doc/ 6de jaar preke/mat directory 10 Hendriksen, 1982: 878; Ladd, 1979: 74. 6

8 Kyk in vers 6 staan daar: En middernag was daar n geroep: Daar kom die bruidegom; gaan uit hom tegemoet! Ja die nag stilte word gebreek. En dadelik word die maagde wakker. So vertel Jesus in vers 7. Dis of ons hulle geskarrel as te ware kan sien. Hulle geskarrel soos hulle spook om hulle lampe in orde te kry, sodat hulle die bruidegom kan gaan ontmoet. Maar dis ook net hier waar krisis op krisis vir'ie dwase maagde vir'ie wat nie gereed was nie begin. A. Want kyk wat staan in vers 8: En die wat dwaas was, sê aan die verstandiges: Gee vir ons van julle olie, want ons lampe gaan uit. Dit gaan dood. Ons het nie genoeg olie nie. Ons was nie gereed hiervoor nie. En met lampe wat nie brand nie kan ons nie die bruidegom ontmoet nie. B. Maar dan kom 'n tweede krisis. Want kyk wat sê vers 9: Maar die verstandiges antwoord en sê: Miskien sal daar nie genoeg wees vir ons en vir julle nie. Maar gaan liewer na die verkopers en koop vir julleself. Sien julle? Hierdie dwase maagde se situasie raak al hoe meer benard. C. Van die derde krisis lees ons in vers 10. Kyk daar staan: En onderwyl hulle gaan om te koop, het die bruidegom gekom. En die wat gereed was, het saam met hom ingegaan na die bruilof, en die deur is gesluit. Sien julle die krisis. Die dwase maagde is toe nie betyds nie. Toe hulle by die troue kom was die deure gesluit. En dit alles omdat hulle nie voor die tyd gereed gemaak het nie. 7

9 D. Maar dan kom die ergste in vers Die dwase maagde gaan klop aan die deur, om darem al kon hulle nie die bruidegom ontmoet nie deel te hê aan die bruilofsfees. Maar dan kom die bruidegom se antwoord. Skokkend klink dit in ons ore: Voorwaar ek sê vir julle, ek ken julle nie. Voorwaar ek erken julle glad nie as die wat kan deel hê aan die bruilofsfees nie. En hoekom nie? Wel omdat ware bruilofsgaste voor die tyd gereed maak vir die bruilof! Maar nou was dit te laat. Toepassing En wat sê dit nou vir ons? Wel Jesus leer hier weer twee belangrike dinge: I Die eerste is dat die wederkoms van ons Here Jesus skielik sal wees. Skielik, soos die wekroep in die nag. 11 Daarom sal die wederkoms die wat nie gereed is nie oorval. Daar sal nie meer tyd wees om gereed te maak nie. As Jesus eers gekom het is die tyd vir voorbereiding verby. So geliefdes daarom moet ons nou seker wees dat ons gereed is! II Die tweede belangrike ding is dat die wat nie gereed is vir die koms van Jesus nie, sal moet hoor: Voorwaar... ek ken julle nie. Ja dan sal'it duidelik word dat hulle nog altyd net n klomp huigelaars was, wat in die kerk met die ware gelowige lidmate vermeng was. Dit sal dan duidelik wees dat hulle nie deel van die volk van die HERE is nie. Want die HERE ken die wat syne is sê 2Tim 2:19. Nooit sal Hy aan hulle sê: 'Ek ken julle nie'. 11 vgl ook Mat 24:38-39 Want net soos hulle was in die dae voor die sondvloed toe hulle geëet en gedrink het, getrou en in die huwelik uitgegee het, tot op die dag dat Noag in die ark gegaan het, en dit nie verstaan het voordat die sondvloed gekom en almal weggevoer het nie, so sal ook die koms van die Seun van die mens wees. en Mat 24:44 Daarom moet julle ook gereed wees, want die Seun van die mens kom op n uur dat julle dit nie verwag nie. 8

10 Maar dis nie al nie. Die wat nie gereed is nie sal nie alleen hoor dat die Here hulle nie ken nie. Hulle sal ook moet hoor soos Jesus in Mat 7:23 sê: Gaan weg van My, julle wat die ongeregtigheid werk! 5. Daarom dat Jesus sy kerk oproep om altyd gereed-wees. Kyk Jesus sê dit in vers 13: Waak dan, omdat julle die dag en die uur nie weet waarop die Seun van die mens kom nie. So hoor julle hoe ons altyd gereed kan wees. Hoor julle hoe gaan ons soos die wyse maagde wees en nie soos die dwase maagde wat moes hoor: Voorwaar ek sê vir julle, ek ken julle nie. En: Gaan weg van My, julle wat die ongeregtigheid werk! Jesus sê dit hier in vers 13: Waak dan! Dis wat ons moet doen. Dis hoe ons gereed gaan wees as Jesus weer kom. Waak dan! Maar wat beteken'it om te waak? 12 Wel mens waak met 'n lewe van heiligmaking. Mens waak met 'n ware dissipel-lewe. Mens waak met 'n lewe van navolging van Jesus. Mens waak met 'n lewe waarin God en sy wil al meer en meer dit word waarvoor ek leef. 'n Lewe van waak is 'n lewe waarin ek soos Paulus in Gal 2:20 sê: ék leef nie meer nie, maar Christus leef in my. Dis 'n Lewe waarin die koms van Jesus regtig vir ons n lewende werklikheid is. En ons daarna uitsien. En daarvoor bid. Maar hoe? Hoe kan ons so 'n lewe van waak lewe? Want van nature wil ek nie 'n lewe van heiligmaking leef nie. Van nature wil ek nie 'n dissipel van Jesus wees en Hom volg nie. Van nature verag ek God en sy wil. Van nature wil ek alleen leef en Christus dood hê. 12 Hendriksen, 1982:

11 Bewys Paulus leer'it as hy byvoorbeeld in Rom 8:7 sê dat wat die natuurlike mens bedink, vyandskap teen God is; want dit onderwerp hom nie aan die wet van God nie, want dit kan ook nie. En in Tit 3:3 leer Paulus dat ons van nature onverstandig, ongehoorsaam, op n dwaalweg (is), verslaaf aan allerhande begeerlikhede en singenot; (terwyl) ons... in boosheid en afguns lewe... haatlik (is) en mekaar haat. So ja hoe leef ek dan 'n lewe van waak? Wel geliefdes dit begin daar waar ek besef ek kan nie. En dan gelowig luister as Jesus in Joh 15:5 sê: Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie. En dan op ons knieë gelowige na Jesus gaan en bid nou vandag more en altyd deur my lewe gelowig na Jesus gaan en bid: 'Here kom bly in my. En laat my in U bly sodat ek 'n nuwe dissipel-lewe kan leef waarin U en U wil al meer en meer eerste in my lewe staan. Ja sodat ek kan waak. Want sonder U kan ek niks doen nie.' Slot. En weet julle: Wanneer ons so gelowig na Jesus toe gaan dan is daar groot troos. Want Jesus het een maal in Joh 6:37 gesê: Al wat die Vader My gee (in die uitverkiesing 13 ), sal na My toe kom; en Ek sal hom wat na My toe kom, nooit uitwerp nie. En in Joh 6:39 sê Jesus: En... Ek sal (hulle) nie verloor nie, maar dit opwek in die laaste dag. En in Joh 6:44 sê Jesus: Niemand kan na My toe kom as die Vader wat My gestuur het, hom nie trek nie; en Ek sal hom opwek in die laaste dag. 13 DL 1:7 Sien julle die troos? Wanneer ons in ons lewe na Jesus gaan. En by Hom en in Hom en deur Hom waak dan kan ons weet: 10

12 God het ons uitverkies voor die grondlegging van die wêreld. Deur se Gees het hy ons na Jesus gebring. En daar sal Hy ons laat waak. En nooit sal Jesus vir ons sê: Voorwaar ek sê vir julle, ek ken julle nie. En: Gaan weg van My, julle wat die ongeregtigheid werk! So geliefdes waar staan ek en jy? Is ons gereed? Is ons gelowig gehoorsaam as Jesus in Mat 25:13 sê: Waak dan, omdat julle die dag en die uur nie weet waarop die Seun van die mens kom nie. Amen 11