Jakobus Inleiding Agtergrond Jakobus se plek in die Bybel?

Transcriptie

1 1 Jakobus Inleiding Agtergrond Vriende, vanoggend begin ons met `n reeks uit die brief van Jakobus. Dit is `n kort brief, maar geweldig ryk. Ek hoop dat julle breine skerp is, en dat julle lus is om diep te delf. Vandag dan eers die inleiding tot die brief, en die agtergrond. As jy `n skryfding het gaan dit help om `n paar notas te maak, en ek gaan die ander teksgedeeltes op die skerm wys, of as jy vinnige vingers het, soek saam op en leer jou Bybel ken. Kom ons duik in. Jakobus se plek in die Bybel? Dit mag dalk na `n oorbodige punt klink, maar in die vroeër kerk was daar baie vrae oor of Jakobus in die Bybel hoort? Selfs die hervormer Luther het sy bedenkinge gehad. Die grootste rede hiervoor was waarskynlik omdat die Roomse Kerk van die tyd juis Jakobus misbruik het om te sê dat jou goeie dade jou voor die Here regverdig of aanvaarbaar kan maak. Nog `n rede waarom Jakobus se plek onseker was, is omdat dit `n brief is wat uitsluitlik op die praktyk/doen van die Christelike lewe fokus en baie minder op die Christelike leer. Tog moet ons juis dankbaar wees vir hierdie brief, omdat dit die balans tussen geloofskennis en geloofsdoen baie mooi uitlig. Jakobus spreek hom uit teen `n leë belydenis en ook teen sy lesers se geneigdheid om soos die wêreld te leef. Hierdie opdrag om met integriteit te lewe is vandag net so relevant as in die tyd toe dit geskryf is. Ons sal ook sien hoe die inhoud van Jakobus se brief deur die res van die Bybel ondersteun word. Sommige vergelyk Jakobus met die wysheidsliteratuur van die OT so reguit soos prediker oor hoe om met wysheid te lewe, sy sterk uitsprake oor die verdrukking van die armes herinner baie aan die profeet Amos. Maar die gedeelte in die Bybel waarmee Jakobus die meeste ooreenstem, is die Bergpredikasie van Matteus 5-7.

2 2 Dit wil lyk of Jakobus geweldig baie deur hierdie woorde van die Here Jesus beïnvloed is, (klik) hy skryf as`t ware `n praktiese handleiding daarop. Soos ons dus deur Jakobus werk, gaan ons noodwendig baie met die Bergpredikasie te doen kry. (KLIK) Wie was hierdie Jakobus? Daar is twee prominente persone met die naam Jakobus: - (klik) Jakobus seun van Sebedeus en broer van Johannes, `n apostel, hy is egter deur Herodus vermoor : (klik) Hand 12 In dié tyd het koning Herodes party van die gemeentelede laat vang en hulle mishandel. 2 Hy het vir Jakobus die broer van Johannes met die swaard laat doodmaak. - (Klik) Jakobus die halfbroer van Jesus. Na alle waarskynlikheid en volgens tradisie/oorlewering halfbroer, want hulle het nie dieselfde Pa gehad nie. - (klik) Gal. 1:19 19 Van die ander apostels het ek niemand ontmoet nie behalwe Jakobus die broer van die Here (klik) Jakobus glo ook eers nie in Jesus nie: (Klik) Joh. 7:3 3 Jesus se broers sê toe vir Hom: Gaan n bietjie hiervandaan na Judea toe dat jou dissipels daar ook die wonderdade kan sien wat jy doen. 4 n Mens wat oral bekend wil wees, doen nie iets in die geheim nie. Aangesien jy dan hierdie dinge doen, maak jou openlik aan die wêreld bekend. 5Selfs sy broers het nie in Hom geglo nie. (KLIK) Dit gee ook dieper betekenis aan Jesus se woorde in (klik) Markus 6:4 Jesus sê toe vir hulle: n Profeet word oral erken behalwe in die plek waar hy grootgeword het, en in sy familiekring en sy gesin. (KLIK) Maar na Jesus se Hemelvaart hoor ons die volgende in Handelinge 1: (klik) Hand. 1: In die stad aangekom, is hulle na die bovertrek toe waar hulle gewoonlik vertoef het. Dit was Petrus en Johannes, Jakobus...(name). 14 Hulle het almal eensgesind volhard in die gebed saam met n aantal vroue, onder wie ook Maria die moeder van Jesus. Sy broers was ook by. (KLIK) So waar het die skielike verandering dan gekom?

3 3 Paulus gee vir ons die antwoord in (klik) 1 Kor. 15 7Daarna het Hy aan Jakobus verskyn en toe aan al die apostels. (KLIK) Daar was getuienis dat Jesus aan sy halfbroer verskyn het, na sy opstanding uit die dood. Uit die aard van die saak het dit dan `n omkeer in sy lewe veroorsaak, soos vir baie van die ander wat saam in die bovertrek gebid het na Sy Hemelvaart. Jakobus raak dan betrokke in die bediening van die kerk in Jerusalem en al was hy nooit een van die apostels nie, maak verskeie tekste dit duidelik dat hy oor `n lang tydperk die leier van die kerk van Jerusalem was. Hy het die woorde van broer en nou Here Jesus gedoen! Volgens oorlewering sterf hy `n marteldood in ongeveer 62 n.c. vir sy geloof. Kom ons kyk nou oorsigtelik na die hooftema van die brief. (KLIK) Tema van die brief: toets van geloof lê in praktyk / Integriteit in elke toets Reg deur die brief hou Jakobus verskeie toetse voor vir sy lesers om die egtheid van hulle geloof te ondersoek. Hy wil seker maak dat hulle kan sterk staan teen mense wat die goeie nuus wat lewe gee, wil vervals met iets wat jou dood kan beteken. `n Goeie voorbeeld van ons tyd is die onlangse vervalsing van `n groot hoeveelheid R 200 note `n paar gaar gelede. Dit was so erg dat die Reserwebank van SA, al die ou note uit sirkulasie onttrek het, en `n nuwe (klik), noot uitgegee het wat moeiliker vervals kan word. Alhoewel `n vervalste noot dieselfde syfers op het, en dieselfde lyk, is dit waardeloos. (KLIK) Op dieselfde manier wil Jakobus elkeen aanspoor om dit wat op hom geskryf is, dit wie jy sê jy is, jou belydenis, in aksie te ondersoek, en te toets. Integriteit. Die probleem met valse godsdiens is `n baie sterk tema reg deur die Bybel. En weereens kan ons by die bergpredikasie van Jesus begin: (klik) Matt. 7: Nie elkeen wat vir My sê: Here, Here, sal in die koninkryk van die hemel ingaan nie, maar net hy wat die wil doen van my Vader wat in die hemel is. 22 Baie sal daardie dag vir My sê: Here, Here, het ons dan nie in u Naam gepreek nie, deur u Naam bose

4 4 geeste uitgedryf en deur u Naam baie wonders gedoen nie? 23 Dan sal Ek openlik vir hulle sê: Ek het julle nooit geken nie. (KLIK) Hier word dus nie van heidense godsdiens gepraat nie, maar van mense wat met `n Christelike godsdienstigheid op die pad van die dood is. Kinders luister mooi: om te maak of jy `n Christen is, om hier te sit maar nie regtig deel te wees nie, of om saam te sê dat jy in Jesus glo en Hom volg, maar gedurig leuens vertel, is om op die pad van die dood te wees. Die Here hou niks van voorgee nie, dis so goed jy is dan `n vreemdeling vir Hom. Verder is die aksie van ondersoek en toets ook reg deur die Bybel. Hier is `n paar voorbeelde: God wat ons ondersoek: (KLIK) Ps. 139: 23Deurgrond my, o God, deurgrond my hart, ondersoek my, sien tog my onrus raak. 24Kyk of ek nie op die verkeerde pad is nie en lei my op die beproefde pad! Ons wat onsself ondersoek/toets: (KLIK) Klaagliedere 3 40Laat ons ons doen en late deeglik ondersoek en ons tot die Here bekeer, (KLIK) Esegiël praat van selfondersoek/toetsing wat tot bekering lei. Ook in die NT (KLIK) 2 Kor. 13:5 5Stel julle self op die proef en ondersoek julleself of julle in die geloof lewe. Besef julle dan nie self dat Christus Jesus in julle is nie? So nie, het julle die toets nie deurstaan nie.

5 5 (KLIK) 2 Titus 2:11 11Die genade van God wat verlossing bring, het immers aan alle mense verskyn. 12 Dit voed ons op (ondersoek/toets) om die goddelose leefwyse en wêreldse begeerlikhede te laat vaar en met selfbeheersing, opregtheid en godsvrug in die teenswoordige wêreld te lewe (KLIK) Maar kom ons dink net vriende, waarvoor sou ons toets? Is hierdie toets om te sien of ons reg of verkeerd is? Want as ons eerlik moet wees, sal ons altyd so `n toets dop. Hierdie selfondersoek en toets is eerder om uit te vind of ons nader of verder van God beweeg. As ek kyk na hoe my geloof prakties lyk, kom dit ooreen met `n belydenis wat nader aan God gaan, of verder? Wanneer jy al verder van God beweeg, val jy in die gewoonte van sonde, en volhard jy dus nie meer in wat reg is nie, maar wat verkeerd is. Maar as ons keer op keer weer besef dat Christus in ons is, dat ons daarom waarde het, dan slaag Hy die toets in ons plek. En so begin Jakobus ook sy brief in vers 1. 1 Van Jakobus, n dienaar van God en die Here Jesus Christus. In die eerste plek hoor ons nie hier dat Jakobus staatmaak op sy herkoms as seun van Josef en Maria nie. Hy stel homself nie bekend as bloed broer van Jesus van Nasaret nie. Hy praat glad nie daaroor nie. Hy noem homself wel `n Doulos - `n gebore slaaf van God, en die Here Jesus Christus. Daarmee sê hy dat hy van geboorte `n slaaf is, en dus geen persoonlike vryheid het nie. In nederigheid verwys Jakobus nie na sy geboorte as broer van Jesus nie, maar na sy wedergeboorte in Christus. Wat `n toets moes dit nie vir hom gewees het om nie op grond van sy herkoms, status af te dwing nie, maar om soos `n doulos - `n gebore slaaf van sy broer en nou Here te leef.

6 6 Laastens: Vir wie skryf Jakobus? Die twaalf stamme van Israel wat oor die wêreld versprei is. Jakobus skryf baie spesifiek vir Joodse Christene. Sy taalgebruik en verwysing na die Ou Testament wys dat hy hulle in gedagte het. Op hierdie stadium was die Jode waarlik oor die hele bekende wêreld van die tyd versprei a.g.v. eeue se oorheersing, ballingskappe, en onderdrukking. Maar niemand word uitgesluit nie. Die 12 stamme bedoel ook die hele kerk van die Here Jesus, elkeen wat hom of haarself sien as `n gebore doulos, slaaf van God en die Here Jesus Christus, want God beloof dat Hy self weer vir Hom `n volk bymekaar sal bring. En so begin ons reis in die brief van Jakobus. Wat vat ons huistoe? Moet nooit die Kennis of belydenis, en die vertroue/doen van ons geloof van mekaar losmaak nie. Die toets van ware geloof, lê in die praktyk hoe dit hier en nou lyk. Jy sit dalk vanoggend hier omdat jy graag wil hoor wat die Here sê en saam met ander bely dat jy glo. Maar as ons nou-nou saam met jou huis toe sou gaan, of in die week werk toe of kuier toe gaan, sal ons sien dat jou belydenis en doen dieselfde is? Verder gebruik God weereens `n stukkende kleipot, sy eie halfbroer, een wat Hom gespot het, om sy kerk te rigting te gee, om seker te maak sy boodskap verander lewens. Hy gee ook die gawes Jakobus seun van `n skrynwerker uit Nasaret, skryf `n brief van hoë gehalte. Moenie die gawes wat Hy gee, misbruik of begrawe nie. Laastens onthou waar jou lewe vandaan kom, nie omdat jy in `n gelowige familie gebore is wat deel van `n gemeente is nie, maar omdat jy weergebore is in Jesus Christus. Dank die Here vir sy Woord, ook deur die woorde van Jakobus.