Van die Primaria Liefste meisie-mens Daar is seker n aantal gevoelens op hierdie oomblik in jou hart. Opgewonde, bang, haastig, hartseer, skrikkerig, selfversekerd heel waarskynlik n paar van hierdie gekombineerd. Dis goed! In jou tyd hier op die NWU-Puk gaan jy al hierdie gevoelens (en n hele paar nuwes!) n paar keer ervaar, veral tydens Ontvangs en Bekendstelling. Studentelewe is opwindend, dis pret, dis soms skrikkerig, soms onseker, partykeer voel jy groot en ander keer besef jy hoe afhanklik jy nog eintlik is. Hier gebeur wonderlike dinge, bietjie slegte dinge, hartseer-dinge. Maar, elke oomblik, elke persoon, elke gebeurtenis het n invloed op jou lewe. Dit is so belangrik dat jy dit besef, en dat jy sien hoe word jy gevorm tot die mens wat jy bedoel is om te wees. Dat jy ervaar dat die lewenslesse (soms) meer belangrik is as dié wat jy in die klas leer. Ek daag jou uit om met n oop kop en n oop hart universiteit toe te kom. Om elke geleentheid aan te gryp wat na jou kant toe kom. Jy wat hierdie briefie lees is só bevoorreg! Slegs vier persent van matrikulante het jaarliks die voorreg om na universiteite te gaan jy is deel daarvan! Jy is n spesiale, kosbare meisie. Moet dit nooit vergeet nie! Ek is Bianca Enslin, se Primaria vir die termyn 2012/2013. Ek is n local van Potch af en maak in 2012 klaar met my Honneurs in Kwantitatiewe Risikobestuur. In 2013 begin ek met my graad in Bestuursrekeningkunde. Ek is n trotste Eikie en hoop om elkeen van julle ook so passievol te maak oor as wat die inwoners tans is! Ek kan jou belowe dat die huiskomitee n bekwame, lieflike groepie mense is wat nie kan wag om jou tou wys te maak op die kampus nie! Geniet die laaste rukkie van die jaar! Sien jou sommer een van die dae! Bianca Enslin Primaria http://www.facebook.com/pages/nwu-pukke-bellatrix- Damesk#!/Dameskoshuis
Van die Huisouers Beste voornemende -dame Dit is vir my n voorreg om vir die eerste keer met jou te gesels, al is dit op papier. Ek wil jou welkom heet by Dameskoshuis, en ek hoop dit het baie goed met jou eksamen gegaan. Aan die ouers: Ook aan u wil ek welkom sê in hierdie nuwe fase van n mens se lewe. Ek en my man, Willie, is die huisouers. Dankie dat julle jul dogter aan ons toevertrou. Saam met die res van die Koshuisbestuur sal ons probeer om aan u kind n veilige tuiste gedurende haar studentejare te bied. Ons woonplek is ook in, dus is ons naby die kinders en altyd beskikbaar as die verlange na ma en pa te veel word. Ek en oom Willie wens vir elkeen van julle alle voorspoed met jul studies toe. Mag dit goed gaan! Geniet elke oomblik van eerstejaar wees, want julle is net een keer n eerstejaar. Onthou, die eerstejaars is vir ons baie spesiaal. Geniet die koshuislewe, bou van die begin af koshuistrots en wees wie jy is! Dit wat jy hier gaan ontvang, sal net van jouself afhang. Ek kan jou verseker dat Bianca en haar span huiskomiteelede uiters bekwaam is en daarna uit sien om jou te ontvang en jou as individu se belange op die hart sal en wil dra. Ons sien uit om elkeen van julle te ontmoet, en te leer ken as n -dame. Mag die Kersseisoen vir jou en jou gesin baie geseënd wees. Vriendelike groete Tannie Karin en oom Willie
Van die 1st jaars HK Mensekind Ek weet dat daar in jou hart n warrelwind van emosies is Opgewonde oor die nuwe pad wat jy moet begin stap, onseker oor hierdie selfde pad. Hartseer oor wat jy moet agterlaat, maar tog n tikkie opgewonde oor die nuwe mense wat oor jou pad gaan stap. Weet egter dat jy nie alleen is nie en dat daar 45 ander meisies is wat nes jy voel. Weet dat van hierdie meisies lewenslange vriendinne sal word, sommiges noem jy sommer sussie! Nou goed, ek is Jhani en ek is jou eerstejaarsvoog. Dit is my verantwoordelikheid om na jou om te sien en seker te maak alles verloop so goed as moontlik gedurende Ontvangs en Bekendstelling. Ek is soos jou ma weg van die huis af! Ek het verder ook die portefeuljes onder-primaria en reünie. As onder-primaria is ek verantwoordelik vir die gees onder die HK en om in te tree indien die Prim afwesig is. Reünie is n portefeulje wat ons vir die jaar geskep het omdat ons in 2013 ons 20 jaar reünie hou, ek is dus verantwoordelik vir die reël van die reünie. Ek is tans n vierdejaar onderwysstudent en gaan volgende jaar my honneurs doen in Lewenswetenskappe. Ek is van Secunda in Mpumalanga en bly al my hele lewe lank daar. Ek sien ongelooflik baie uit om jou te ontmoet en om te sien hoe jy deel word van ons Eikie-familie. is die plek waar jy jou koshuis kan ondersteun op alle vlakke, maar steeds getrou kan bly aan wie jy is. Ons glo in Trots in Eenheid, Meelewing, Ywer en Inisiatief. Sterkte met die laaste rukkie van die jaar. Indien jy enige vrae het, skakel my gerus. Jhani Venter 083 408 1581
Huiskomitee Bianca Enslin Primaria, Tug en Seniors 082 775 0392 21684464@nwu.ac.za Jhani Venter Onder-primaria, Eerstejaars en Reünie 083 408 1581 21757445@nwu.ac.za Bernadine Swanepoel Sport en AKSA 082 421 1245 22121455@nwu.ac.za Monica Kasselman Studentebelange, Akademie en Intern 079 132 1737 22952144@nwu.ac.za Vickey Labuschagne SJGD en Finansies 072 574 8448 22952144@nwu.ac.za Estelle Potgieter Sosiaal en Klerasie 071 355 0232 22707492@nwu.ac.za Suretha Müller JOOL en Werwing 084 564 3245 22796703@nwu.ac.za Suzaan Burger Kultuur en Sekretaresse 081 270 6792 22909915@nwu.ac.za
Fasiliteite in koshuis Gang-sitkamer: Interne telefoon Munt- en kaarttelefone Gang-kombuis: Mikrogolfoond Tweeplaat-stofie Groot yskas met vrieskas Koue koei Urn Gang-waskamer: Outomatiese wasmasjien en tuimeldroër Strykplank en wasgoedlyn (buite) Gang-badkamer: Toilette, storte, baddens en wasbakke wat daagliks skoongemaak word TV kamer: Televisie met selektiewe DSTV-kanale Tafeltennis Braai-area: 4 braaiplekke Vlugbalbaan (volleyball) Bogemelde fasiliteite mag deur enige dame (insluitend eerstejaars) gebruik word.
Kameruitleg Die lengte van die kamer (van die deur tot by die venster) 3.79m Die bed se grootte is 1.88 x 0.81m Die lengte van die muur tot by die lessenaar is 1.47m Venster se grootte is 1.62 x 0.9m Lessenaar se grootte is 1.275 x 0.65m Boekrak se grootte is 1.95 x 0.81m Wasbak-kassie 68.5 x 19.5cm Kamergroottes en uitleg mag verskil.
Benodighede wat moet ek saambring? Hier is n lysie van die basiese dinge wat n mens in die koshuis nodig het: Seeppoeier vir outomatiese wasmasjiene Skoonmaakmiddels (bv. Handy Andy) en n sponsie Besem Asblikkie Studielampie Multi-plug Wasgoedmandjie/wasgoedsak 2 Hangslotte (verkieslik n kode-slot) vir jou kamer- en kasdeur Stortplakkies Hangers Verlengingskoord Eie medikasie en vitamines Beddegoed hier is reeds n matras Die kamer het blinders, so moenie bekommerd wees oor gordyne nie n Swartbroek, wat ten minste aan jou knieë raak, vir formele koshuisdrag op Maandae Opsioneel Yskas Mikrogolfoond Ketel TV Strykyster Bed-matjie Bedkassie of klein tafeltjie Gemaklike lessenaarstoel (daar word n plastiekstoel voorsien) Radio Rekenaar Bring enige iets om jou kamer mee te versier en wat jou sal laat tuis voel in jou nuwe huis. Jy mag geen gate in die mure maak nie, maar wel koperhakies bring wat jy aan die houtrandjie teen die muur kan haak om foto s/prente aan op te hang. Jy mag gerus n potplant saambring. Daar word egter geen troeteldiere in die koshuis toegelaat nie, behalwe n goudvis. Wat jy moet saambring vir Ontvangs en Bekendstelling? Snaakse klere en/of bykomstighede vir aksies tydens Ontvangs en Bekendstelling Swemklere n Stel ou klere vir waatlemoenfees, een van die hoogtepunte van Ontvangs en Bekendstelling Jy hoef net vir Sondae jou eie klere te bring vir Ontvangs en Bekendstelling, die ander dae is koshuisdrag Slaapsak Matriekafskeidrok vir Eerstejaarsdinee Sonbrandroom
Gemaklike skoene (drafskoene, tekkies) Vitamines en energiedrankies ons gaan baie besig wees (Begin sommer jouself al vroegtydig boost) Energie stafies en/of vrugte vir gedurende die dag Vir Jool: n Rol deurskynende, groot asdromsakke n Skêr Klein rubber rekkies (1 cm deursnee) vir al die blommetjies wat jy gaan vou Die polistireen van nuwe elektriese toestelle (vir JOOL-blommetjies) Bring alle munte wat in die huis rondlê om jou blikkie vir blik-skud in JOOL vol te kry. Vir SJGD: Ou klere (enige grootte), vetkryte, blikkieskos, ou speelgoed en ou sporttoerusting Vir sport: Vol-kostuum, swembrille en -kappie vir eerstejaarswem (indien jy kan deelneem) Die volgende is baie belangrik! n Gewaarmerkte afskrif van jou matrieksertifikaat/-uitslae ID-foto s van jouself Alle korrespondensie tot nou toe met die NWU-Puk (slegs indien probleme opduik) Bewyse indien jy moet aansoek doen vir n beurs bv. Hoofleiersbeurs (sertifikate) Mediese inligtingsvorm moet deur jou ouer ingevul en onderteken word Julle kan Vrydag 11 Januarie 2012 tussen 14:00 en 18:00 en Saterdag 12 Januarie 2012 tussen 06:00 en 12:00 intrek. Indien jy vroeër as die 11de wil intrek, skakel Jhani of enige ander HK-lid voor jou aankoms. Indien jy vroeër as die 11de wil intrek, m.a.w. voor n Kerkkamp of so, moet jy met ons inwoningsassistent skakel. Dit is Florence, by 083 997 4437 of 018 299 1234.
Koshuislied Daar is n plek op die PUK waar dames toevlug vind. En waar ons vriendskapsbande smee So tussen deur die leer. jy s deel van my en ek van jou, solank ek bly. Eendag as ek aan jou dink is ek in my hart steeds kind. Jy is my huis en plek van trots, n tuiste waar ons woon. Waar ons gevorm word soos klei en toekoms drome droom. jy s deel van my en ek van jou solank ek bly. Eendag as ek aan jou dink is ek in my hart steeds kind. Koshuisgroet Nederig en bewerig kyk ons op na haar. Sy wat ons soos goud bewaar., ons huis, Ons groet jou Ons is tuis!