Hersiening NUWE TESTAMENT JAAR 2

Transcriptie

1 Hersiening NUWE TESTAMENT JAAR 2 Daar is geen kleingroepies vandag nie. Die kinders kom bymekaar in die grootgroep vir lofprysing en aanbidding (15 min), waarna hulle na buite beweeg. Die les verloop verder in die vorm van n verskeidenheid van speletjies en aktiwiteite wat die groepies saam doen. Die kerngedagtes en/of kerntekse word op die manier weer vasgelê. Daar gaan 10 tafels in die tent gerangskik word. Die groepies beweeg van tafel na tafel saam met die groepleier en voltooi die aktiwiteit of speletjie, binne 5 min. Daarna lui n klokkie en hulle beweeg aan na die volgende tafel. Op elke tafel is daar n karton met die instruksies van hoe die speletjie werk. By die laaste tafel ontvang elke kind n roomys of marsmallow vissie. 1. WATTER HULPMIDDELS GAAN GEBRUIK WORD EN MOET VOORBEREI WORD? Vir speletjies en aktiwiteite: Maak en lamineer n A4 bladsy met die naam van die speletjie en ook die spelreëls, wat deur die kleingroepleier aan die groep verduidelik word. 1. Tafel 1: Rangskik die name van die eerste 4 boeke van die Nuwe Testament in die regte volgorde (Twee stelle kan gemaak word en die groep kan verdeel word en kyk dan wie kan dit die vinnigste uitpak of gee elke kind n beurt om die woorde uit te pak) Maak en lamineer 2 stelle kaarte met die woorde Matteus, Markus, Lukas en Johannes daarop. 2. Tafel 2: Bou n legkaart van die vermeerdering van die brode en vissies Lamineer 2 identiese A4 kleurprente van die vermeerdering van die brood en vissies. Een van die prente word dan in 9 blokke geknip, wat dan die dele van die legkaart uitmaak. Hersiening ( Gr 1-3) Nuwe Testament Norma 13 1

2 3. Tafel 3: Saggeus Een van die kinders word geblinddoek en n paar keer in die rondte gedraai. Hy / sy ontvang n prent van Saggeus, wat dan op n spesifieke plek in die boom geplak moet word, met prestik. (Die plek word met n X gemerk) Die res van die groep moet aanwysings gee vir die een wat geblinddoek is. Lamineer n A5 kleurprent van Saggeus. Dit word dan op die buitelyne uitgeknip. n Stuk ongebleikte linne (1mx2m) waarop daar n boom geverf is en n X waar Saggeus geplak gaan word. (papier of plakkaat kan ook gebruik word) 4. Tafel 4: Rangskik die prente wat die verlossingsboodskap uitbeeld in die regte volgorde. Die groep kan in twee verdeel word en kyk dan wie doen dit die vinnigste. Lamineer 2 stelle A5 prente van die verlossingsboodskap soos gevind in Gelewe 11. (6 prente) 5. Tafel 5: Soek die verskille. Daar is 10 verskille in die twee prente. Soek hulle en maak kruisies met n whiteboard marker op die een prent oral waar daar verskille is. As almal gevind is, vee asb die kruisies van die prent af sodat die volgende groep dit kan gebruik. Lamineer 2 x A3 prente van die Verlore seun waarop daar op die een prent 10 verskille aangebring is. 6. Tafel 6: Gooi n kleur. Die gekleurde kaarte word op die grond neergesit. Die kinders staan 2m weg en maak beurte om n boontjiesakkie na die kaarte te gooi. Indien n kaart, bv rooi, raakgegooi word, kan daardie kind n vraag vra van die rooi pakkie kaartjies. Die kind wat reg antwoord, kry volgende n beurt om te gooi. Lamineer 4 A5 gekleurde kaarte. (1 x blou, 1 x rooi, 1 x geel en 1 x wit) Maak kaartjies met die volgende vrae / prente op. Die antwoord moet ook onderaan verskaf word. Wat beteken die volgende prentjies? 2 x blou: Jesus sê: Ek is... (prent van n brood) Antw: Jesus is die brood van die lewe. Jesus sê: Ek is... (prent van n lig) Antw: Jesus is die lig vir die wêreld. 2 x rooi: Jesus sê: Ek is... (prent van n deur) Antw: Jesus is die ingang vir die skape. Hersiening ( Gr 1-3) Nuwe Testament Norma 13 2

3 Jesus sê: Ek is... (prent van n herder) Antw: Jesus is die goeie herder. 2 x geel: Jesus sê: Ek is... (prent van plantjie) Antw: Jesus is die opstanding en die lewe. Jesus sê: Ek is... (prent van n pad) Antw: Jesus is die enigste pad na God toe. 2 x wit: Jesus sê: Ek is... (prent van n druiwestok) Antw: Jesus is die druiwestok en ons is die lote. Wat het ons geleer uit die Ek is... lesse? Antw: Ons het Jesus nodig. 7. Tafel 7: Rangskik die teksvers in die regte volgorde. Verdeel die groep in twee en laat twee-twee kinders die aktiwiteit gelyk doen. Lamineer 2 stelle kaarte met die volgende woorde op: Jes 43:1, Ek het, jou, op jou, naam, geroep, jy is, myne (8 kaarte) 8. Tafel 8: Teelepel-vasvra. Deel die groep in twee rye. Plaas papier-balletjies in die teelepels. Twee kinders kry kans om te gelyke tyd op 2 toue te loop (mag nie hardloop nie!) met die lepel voor hulle uitgestrek. Die een wat eerste by die eidpunt kom, sonder dat die papier-balletjie uitgeval het, mag sy vragie vra. As die balletjie uitval, moet die kind agter in die ry gaan staan. Die kind moet ook die vragie reg antwoord. Tik die volgende vrae op lang papiertjies. Die papiertjies word dan in balletjies gerol sodat dit in n teelepel pas. Verskaf die antwoorde op die vrae op n aparte bladsy sodat die groepleier dit kan kontroleer. Vrae: 1. Hoe het Jesus vir die baie mense kos gegee? 2. Wat was die naam van die man wat in die boom geklim het om Jesus te sien? 3. Hoe het Jesus die blinde man se oë gesond gemaak? 4. Wat het die pa gedoen toe die verlore seun teruggekom het huistoe? 5. Wat het die arm weduwee by die tempel gedoen? 6. Hoekom het Jesus gesê die arm weduwee het meer gegee as die ryk mense? 7. Wat beteken dit as ons sê dat Jesus die enigste pad na God toe is? 8. Wat het gebeur nadat Petrus 3 keer gesê het hy ken nie vir Jesus nie? 9. Wat het gebeur drie dae nadat Jesus gesterf het? 10. Wie se werk is dit om ander mense van Jesus te vertel? Hersiening ( Gr 1-3) Nuwe Testament Norma 13 3

4 Antwoorde: 1. Hy het die seuntjie se 5 vissies en 2 broodjies gedeel en aan almal uitgedeel. 2. Saggeus 3. Jesus het op die grond gespoeg en modder gemaak, wat Hy op die man se oë gesit het. 4. Hy was baie bly en hulle het n groot partytjie gehou. 5. Sy het 2 geldjies in die offerkis gesit. 6. Want sy het alles gegee wat sy gehad het en die ryk mense het net n bietjie van hulle baie geld gegee. 7. Ons kan alleen by God uitkom as ons glo dat Jesus vir ons sonde gesterf het. 8. Daar het n haan gekraai. 9. Hy het uit die dood uit opgestaan. 10. Dit is elkeen van ons se werk. 9. Tafel 9: Pas die prentjies bymekaar. Lamineer die prente (A5) wat gebruik is in Gelewe 10 se Gr1 aktiwiteitsblad van die mandjies en blokkies met die visse en brode. Laat een-een kind toe om die prente bymekaar te pas. 10. Tafel 10: Elke kind wat al die aktiwiteite suksesvol voltooi het, kry n roomys of marsmallow-vissie. 2. WAT MOET VOOR DIE TYD REGGESIT WORD (INDIEN ENIGE) 10 Tafels moet in die tent gerangskik word. Die gelamineerde A4 bladsye met instruksies vir elke speletjie moet op die verskillende tafels met prestik vasgeplak word. n Lap moet voorsien word om as blinddoek te dien vir Tafel 3. Prestik vir Tafel 3. Die lap / papier / plakkat vir die boom van die Saggeus speletjie moet êrens opgeplak word. Whiteboard marker en lappie vir Tafel 5. Sit die 4 gekleurde kaarte op die grond neer by tafel 6. Boontjiesakkie vir Tafel 6. Plaas 2 toue van 3m elk op die grond by tafel 8. Hersiening ( Gr 1-3) Nuwe Testament Norma 13 4

5 Sit 2 teelepels neer by Tafel 8. Houer met vraag-papiertjies wat in balletjies gerol is by tafel 8. Antwoordblad vir die groepleier by tafel 8. Houers met roomyse of vissies wat aan elke kind uitgedeel gaan word by Tafel EREDIENS Afkondigings en bid vir kollekte Votum & Seëngroet Ek groet julle in die naam van Jesus, wat vir ons Sy Woord (Bybel) gegee het sodat ons kan leer om reg te lewe. Sing saam Genesis, Eksodus Levitikus, Numeri...(Jan de Wet) My B-y-b-e-l Lees jou Bybel, bid elke dag. Gebed Hersiening ( Gr 1-3) Nuwe Testament Norma 13 5